قولي خير

 للشاعرة : انتصار محمد الحاج

 

 احترت فى الكتب

والواقع الجميل

ال  فيها اتكتب

افراح ولا عويل

يا ريتو انكتب

فى الماضى من قبيل

غرقنى من كتب

يا:...... ايها الدليل

كالشمس ملتهب

مفتوح لمن يشيل

لازيف ولاكضب

لا ضلمة ، لجة ..ويل

مهما سهل صعب

ما كان مستحيل

انتر من الكعب

للكربة من بشيل ؟؟؟

حين تمسى منغلب

يا غلبك التقيل !!!!!

مسكين ومنكرب

عرقان قلب ... وحيل

لافضة لا دهب

ادوك ولا بهيل

لا لولى لا خشب

لا مبنى قام طويل

خلوك بلا الكتب

غير خلقك النبيل

فى دنية التعب

زيى قنبلة بفتيل

يا دنيا سودة تب

من حمللك الثقبل

حمالة للحطب

فى جيدك الطويل

غير توقدى فى اللهب

فى الفجر والاصيل

فى جلدى اوقدى طب

واطفينى المى نيل

ورينى كيف احب

بس ولا مستحيل

ورينى كيف احب !!!!!!

يا انت قولى خير

ورينى كيف احب !!!!!!

بالله قولى خير

ورينى كيف احب !!!!!!

افتينى قولى خير

ورينى كيف احب !!!!!!

دلينى قولى خير

شان خاطرى قولى خير

انتصار محمد الحاج

 

 

راسل الكاتب

محراب الآداب والفنون