|
الخريف والربيع
وبمشيك خطوة ..
يا املي النسيتو..
يللي صحيت الصبا ..
من نومة اهل الكهف وجيتو ...
إتنفّض احساسي وتمطى ...
بعد ما صحى من مبيتو ...
في عيونك الزمن ..
غير الزمان الفيك لقيتو ...
إتغيّـرت كل الاماكن ..
واستراحات المحنة ..
والشِعِر انهدّة بيتو ...
وفي محطات العذارى..
لقيت حيارى ..
براودو في الحلم
اللى جاني زمان وابيتو...
بي السريع بتهادو منية ..
وبحصدو الثمر
الزرعتو انا وسقيتو ....
ويا شوارع الريدة مالك ..
ما زمان رافل جمالك ...
ليلِك المفتون بيحضن
كل عاشقين جوك هوالِك ..
هادية والقنديل بحاول..
يفضح الهمس الحوالِك ...
اتغيّرت احوال نسيمِك ...
وانمحى الشوق من اديمِك ..
وانخسف في سماك هِلالِك ..
وانت جيت وبعثتني ..
قوّمتني ..
حركت فيني الانفعالات القديمة
في خِضم الحب نزفت ..
وانت آمِـن في علاكَ ..
انت من حقّك حياتك ..
يبتهج بالحب صباكَ ..
جد مصيرك ما معايا ..
هو اللذيي بكون معاكَ ...
كيف حُزُن راسخ يقالد ..
فرحت العيد في سناكَ ..
استنزف الهم باقي نبضي ..
وانت حرّكتو بهواكَ ...
ما حرام اظلم عيونك ..
واحتويك وارضى بصفاكَ ...
دهـ جيل بحالو اناخ راحلو ..
بين اديمي وبين سماكَ
على الاماني حملتني ..
هزيتني حتيت الكئابة ..والرتابة ..
ومن كهوفها مرقتني ..
ليتني اقدر اواصل ..
في طريق الريد معاكَ ..
ياما كم حاولت لكن ..
ما قدرت اصل مداكَ ..
انت نسمة حقيق هبّت ..
في يباب قدري اللِقاكَ ..
انت نجمة في ليلي بقّت
وهلّ في جواي بهاكَ ..
اشهى من الشهد روحك ..
واحلى من المن حلاكَ ..
انت لسة ربيعك اخضر ..
ووردو نايم في رُباكَ ...
وانا الخريف على عمر شتّا ..
وانت يادوب فاح شذاكَ ...
جيل بحالو اناخ رحالو ..
بين فؤادي وبين هواكَ ... |
