لمحتك مره

 للشاعر : صالح فرح صالح

 

 لمحتك مره فى حفله وبيك الحفله محتفله
شغلتى قليبى بعيونك وهن يادوب عيون طفله
***
لمن قمتى تتهادي كأنك ظبية فى وادى
شفقت عليك من النظرات وراك ياحلوه بتنادي
وخفت ضفايرك الشاردات يمسن خدك النادى
وانتى تكونى فى غفله
***
ملكتى الحفله بيك انتى بقت حفلتنا منبهره
بنات الحفلة يتمنن معاك لو يلقو بس نظره
سألت عليكى كل الناس لقيتها معايا منتظره
وعيونك انت منشغله
***
اتاري الناس معاي رادوك تملي يهاتو بيك حبوك
اريت ياحلوه ماشافوك واريتها عيونى لو دسوك
عشان ياالسمحه لو عرفوك سكنتى حشايا كان صدوك
وما كان تمت الحفلة
 

صالح فرح صالح / العين

 

 

راسل الكاتب

محراب الآداب والفنون