المساعد الشخصي الرقمي

مشاهدة النسخة كاملة : هنا مدني الحلقة الرابعة


خالد أحمد الصول
24-04-2006, 10:57 PM
أنفلونزا الطيور .. يالله فينا تدور
يوم الجمعة مشيت الصباح الجزاره في دردق لقيت ليك الجداد دة أبياااض مكوم في الضل و في وآحده قاعده جنبوا قالوا لي دي عايزة توزع الجداد دة مجانا و الناس قالوا ما عاوزنو و ما عارفة تعمل شنو... قايتو يا أنفلنونزا الطيور بالغتي عديل ... الجدادة كلها بي الفين و طبق البيض بي الف و منعول أبو الفول و أخوكم الايام دي قاعد يعذب في الجداد عذاب شديد ... قالوا لو لقيت جدادة في مائدة المسكين أعرف أنو في وآحد من أمرين ... أما الزول المسكين عيان .. و إما الجدادة عيانه .... لذلك نشكر أنفلونزا الطيور جدا علي الكرم الفياض منها و خلتنا ناكل في الجداد شغله بلا شغله .. و الواحد بقا يحوم جنب الناس العندهم قفاصه جداد .. و إتكلم بي طول حسوا ... أمبارح قالوا في الإم بي سي أنفلونزا الطيور وصلت الحاج عبد الله و قربت من الحوش ... يقوم سيد القفص يطلعوا ليك بره جداد أبيااااض و سمان و يقول ليكم يا جماعة الجداد دة لو في زول عايزو يشيلوا بس أخوكم بقي ثعلب .. يعني لو جات الانفلونزا في مدني ما تلقي ليها جدادة ساي ترك فيها كلهم راحو كرش العبد لله و الايام دي خلاص إنقهمنا من أكل الجداد التقول نحنا في السعودية و قاعدين نفكر في (سكري الضان) عشان خرمانين لي لحم الضان الملح
114
26-04-2006, 07:33 AM
بالغت عدييييييييييييييييل يا جناب الصول، لذيذ انت والله!
خالد أحمد الصول
14-05-2006, 09:34 PM
114 يا عطر المنتدي الشهي
أشكرك علي حضورك لنا دائما وأرجو أن يكون لقائي معك مطولا حتي أتمكن من جمع دردشاتي في المنتدي في فائل وآحد يتسلسل من الحلقة الاولي للاخيرة بدل من العناوين الكثيرة
أنتظر شرحك لي للطريقه
أبوبكرحامد
14-05-2006, 11:52 PM
... قالوا لو لقيت جدادة في مائدة المسكين أعرف أنو في وآحد من أمرين ... أما الزول المسكين عيان .. و إما الجدادة عيانه ....


ههههههههههههههه والله النكتة دى عدلت المزاج بشكل غريب ، والله ياود الصول بى جنس حكيك ونكاتك دى لو شفتك يوم القيامة وسط الخلوق كلها - بقدر اطلعك من نصهم واقول ليهم الزول ده من مدنى - ياخوى لم عفشك وتعال لينا فى ودمدنيات - وعندنا دكان اخوك العجوز تعال امسك الدكان .
خالد عبدالماجد
15-05-2006, 01:58 AM
لكن سكري الضان بالغت فيها هههههههه
أنحن بي جاي صراحة ماراجين شئ غير سكري الضان دة لأنو لو ظهر حانعمل ذي ماعملت في الدجاج ......
خالد أحمد الصول
13-06-2006, 10:54 PM
أخي ودالمازون
يا سبحان الله قالوا القلوب شواهد
كنت في بيتكم قبل أيام ولي الوقت داك ما كنت قايل ود المازون ده إنت
علي العموم الحمد لله .. وعشان ما تحتار أنا خالد الصول متزوج أماني بت أسماء خالتك
أها ما جيتك بي باب البيت أصلوا أماني قالت أتربت معاكم و لعبت معاكم .. الغريبة
البشوف الصوره يقول ذول كبير
أبوبكرحامد
14-06-2006, 12:25 AM
أخي ودالمازون
يا سبحان الله قالوا القلوب شواهد
كنت في بيتكم قبل أيام ولي الوقت داك ما كنت قايل ود المازون ده إنت
علي العموم الحمد لله .. وعشان ما تحتار أنا خالد الصول متزوج أماني بت أسماء خالتك
أها ما جيتك بي باب البيت أصلوا أماني قالت أتربت معاكم و لعبت معاكم .. الغريبة
البشوف الصوره يقول ذول كبير
هنالك ظاهرة كانت تدهشنى فى أهلنا السودانيين ، حين يلتقوا لأول مرة ويتبادلون السلام ، وخلال الحديث تظهر علاقة ما سواء قربى أو زمالة أو مصاهرة ، فتراهم ينهضون من جلستهم ويعيدون مراسم السلام بشكل أكثر حميمية ، وها أنذا أقوم وأحييك وأحيى عبرك أسرتك الكريمة وجميع الأهل بمدنى وودرعية وكل ربوع جزيرتنا الخضراء
خالد أحمد الصول
03-07-2006, 01:30 AM
يا صلاة النبي بالضيوف .... حبابكم حبابكم حبابكم
محمد حسين (المميز)
03-07-2006, 02:28 AM
واللـــــــــــــــه انت العاقـــل في النــاس الابت تشيل الجداد ده
اول حاجه انت عاوز تاكل ماعاوز تربيهو والانفلونزا لووو هي اصلا في مابتجي بعد النار يعني
اي جداده فيها انفلونزا بعد النار بتمووووت لأن الفايروس بيموت في درجة حراره 60 درجه مؤيه..
وشكــــــــــــــــــــــــرا,,,,

بالمناسبه نسيت اقول ليـــــــــــــــــك ... بالهنـــــــــــــــــــــــــــــــــــــــــــــ ــــــا ...
خالد أحمد الصول
17-07-2006, 09:13 PM
أيها الاحباب الاعزاء
مرحب بيكم في ديوان الصول إتفضلو لي جوه .. شجرة النيم دي ظلها كبير و فيها 3 عناقريب مفرشة تسعكم كلكم .. و كمان عندنا باقي آبري من رمضان الفات كنا خاتنو لي العندو ملاريا و ما بقدر ياكل أسع بالنو من بدري و بعدين ما يفوتكم الشاي بالنعناع و الونسة الحلوه و الملايات البتهبهب من الهمبريب البارد أصلوا أمبارح صبت مطرة تمام ... بعدين الحاجة عاملة ليها عصيدة قلنا ليها أقسميها لي أثنين وآحدة تكون بي شرموط أبيض و التانية بي طماطم و زيت سمسم و تدقي ليها الشطة الخضراء ... كمان الرادي بتاع إذاعة الجزيرة ده الايام دي فيهو برامج حلوه خلاص و فيهو مشاركات بالتلفون يعني تدق لي عواطف سر الختم وتتكلم في أي موضوع كانك الشعراوي و في الآخر تهدي الحن لي فلانة في الفقرا و فلان في رومانيا و فلان في سدني و فلان في نيو أورليانز التقول إذاعة الجزيرة دي قناة فضائية ... و طبعا الناس عارفين أنو الاذاعة ما بتصل لكن كنوع من البوبار يعني المعني أنو عندنا أخونا في المحلة الفلانية و خالنا مغترب في ... يا زول حررررررم كان ما شربت الجبة ما بتقوم .... مش كان قلت لي لاحق مواصلات الخرطوم و عشان عايز تأشر و تجي راجع في يومك أصلوا ما قاعد تريد الخرطوم ... يقوم ينط ليك عبد الله و يقول ليك روق شوية يازول ممكن تأشر و تدفع ضرايبك و تعمل الاوكي من مدني أصلهم فتحوا مكاتب التأشيرة هنا ... و كما بعد يوم يومين حيفتحو الميناء الجاف يعني تشحن تلاجتك من الرياض تجي تستلمها في الانقاذ .. يعني ناس الحكومة كملوا كلام الناس ... و كمان الريالات دي لازم تعمل حسابك تكتر منها ... لانو لو عاوز تشتري ليك بيت في عووضة دي عاوز ليك أقل حاجة 60 مليون
مصباحيه
17-07-2006, 09:37 PM
والله ياود الصول مباااااااااااااااااااااااااااااااااااااااااااااااا اااااااااااااااااااااااااااااااااااااااااااااالغه
تسلم
خالد أحمد الصول
19-07-2006, 09:56 PM
نهله ياشذي عبير المنتدي
كلما قابلتك أحسست بأن بلدي مازالت حلوه جميلة كوجهك الوضاء و أن سلاله العارف بالله مدني السني لاتكون إلا كما كنتي أنتي زوق و أدب و حلاوه ... ههههههها حلاوه دي من عندي عشان الحبان في المنتدي الذين لم يكملوا نصف دينهم
كتر خيرك علي المرور وبارك الله فيك ... عبرك برسل تحياتي لي 114 و ود المازون و برهوتي و أقول ليهم طولتو مننا .. سمعتو و لا جابوهو ليكم