ازدياد محلات التمباك

[الجندي المجهول]

ازدياد محلات التمباك
ظاهرة غير حضارية تطل بوجهها المقيت وهي ظاهرة تعاطي (العماري) التي فاقت كل تصور فمحلات (الصعوط) في ازدياد خصوصا بعد الرواج الذي حظي به من كمية مهولة من الناس خاصة الشباب منهم، فالذي ينظر لشوارع الخرطوم ومدني وحتي بقية المدن يعرف مقدار الخطر الذي يهددها من جراء هذا (الصعوط) الذي دخل المكاتب ودور العمل وامتلأت به سلات المهملات بصورة فظة تدعو (للقرف) نتمنى ممن ابتلى بهذا الداء أن يراعي الاتكيت وشعور الناس في استعماله.
يا ريت ناس عبد الحق والاصلي ومكوار الحبشي وشنبول ويا ريت البقية برضو ما يزعلو مني والي اللقاء سلامي بلا حدود

[مرتضى ساتى]

سعادة الملازم المعروف لدي احيك من على البعد
وبقول بخصوص التمباك ربنا يهدى الجميع من القرف ده

[الجندي المجهول]

اجمل حاجة فيك يا ابو الرضا كنت بتكره التمباك ولك كل الشرك علي النسمة التي اضفتها الي بمرورك

[امل حياتى]

كلامك كله صحيح بس ياريد الناس تفهم
وانت عارف فى بلاد الغربة معتبرين السودانيين كلهم بيسفو ا

[زيكو منيب]

جزاك الله الف خير يا الجندي

[سواااح]

بعدين يا جندي الشغلة بقت بتجيب سرطاااااااااااان

دمــــــــــــــت ،،

[جنفر]

ربنا يهدي ناس التمباك ويهدي الجميع

[Jamal Elmahi]

اللخو الجندي المجهول...حباب أبوي....ها أأأناس شيشكم علينا...كمان لاحقننا في تمباكنا...
الجاتك في مالك سامحتك ..لكن البتجيك في تمباكك دي الله يكفينا شرّها....
خشومنا دي أأبوي غير التمباك يستاهلن شنو؟؟ السفه حلاتا أأبوي لما تكرضما جوّه الكيس الماخمج...تدردما سمّح..وتحس بي كهربتا في النافوخ تخليهو ينتح..أتح ..أتح ..أتح..قبال ما تختها متل الدقار في الشلوفه....ولما تصل الشلوفه وتقول كدي تديها لكزه بي لسانك تحس بي رقبتك مهوي من الواطه وداير تطيرمتل الحدّيه...والهموم والغمّه الفي راسك تسوح متل الودك وتبدي تترنّم وتغني ...

لون الكاكاو جلّ السواو...
العماري تقيل والجو جو واو
انقلبته كديس ياو ياو ياو

وراجعلك أأبوي كدي النبزق سفتي دي...الكترابه ....الشي رخام ساي وموزايكو ...سفتي دي أبلعا ولاّ الراي شنو....


جمال الماحي

[الجندي المجهول]

اشكر الجميع علي المرور الكريم وياريت ينصلح الحال في كل شي ويا جمال الماحي شكلك سفيف درجة اولي والله يديك العافية ذكرتني خالي واخواني وناس بتحب التمباك زي عيونا وازيدك من الشعر بيت عندي صاحبي شديد انفصل من خطيبتو عشان اختلفوا في قصة التمباك دي وقدر ما لكناها بي هنا وبي هنا ما نفع وشلناها وختيناها قالت لا الا يسيب التمباك واحتد النقاش ووصل مرحلة انو خيرتو يالتمباك يا هي تتصور صاحبنا قال ليها بختار التمباااااك وطلع سفة دنكلها وختاها ومشي لا يأبه ماذا حصل ( هدم علاقة بتاعة 5 سنين) زي ما قال ابو اللمين ولك تحياتي ، ومرة اخري اشكر النسيم الماري بي جنب بيتنا لانكم يا زوار نورتو بيتنا وسلامي بلا حدود

[بابكر]

على الطلاق بالغت عديل 00كده ياود الماحى 00بالله بى سماحتك 00دى 00وكمان بتسف00وكمان فى امريكا 00بس عليك الله التمباك بتجيبوهو من وين 00فى بلد الخواجات00000آآآآآآآآآآبوى بالغت00وشذيت

[Jamal Elmahi]

اشكر الجميع علي المرور الكريم وياريت ينصلح الحال في كل شي ويا جمال الماحي شكلك سفيف درجة اولي والله يديك العافية ذكرتني خالي واخواني وناس بتحب التمباك زي عيونا وازيدك من الشعر بيت عندي صاحبي شديد انفصل من خطيبتو عشان اختلفوا في قصة التمباك دي وقدر ما لكناها بي هنا وبي هنا ما نفع وشلناها وختيناها قالت لا الا يسيب التمباك واحتد النقاش ووصل مرحلة انو خيرتو يالتمباك يا هي تتصور صاحبنا قال ليها بختار التمباااااك وطلع سفة دنكلها وختاها ومشي لا يأبه ماذا حصل ( هدم علاقة بتاعة 5 سنين) زي ما قال ابو اللمين ولك تحياتي ، ومرة اخري اشكر النسيم الماري بي جنب بيتنا لانكم يا زوار نورتو بيتنا وسلامي بلا حدود

ألجندي المجهول...علي الطلاق صاحبك الاختار الصعوط وخلي خطيبتو راجل ود رجال....خطيبة شنو أأبوي البخلو ليها التمباك...قبال العرس قالت يخلي التمباك وبعد العرس بتقول ليهو أفرز لي عيشتي ويا أنا يا أمك وأبوك....والبت أأأبوي كان ما ضبحتا كديستا قبال العرس حصاحيصا وغرقت...
كدي انقنطر لي سفه خطيبه صاحبك دي فورت لي دمّي ...وأنا جنّي وجن البنات البتأمرن...والبنات أأأبوي علي قفا من يشيل خمسه بي قرش وعشره هواده...وهي التخم وتصر...قالت يبطل التمباك قال...

ود الماحي

[الجندي المجهول]

والله يا ود الماحي التأمر من البنات ما كويس لكن الطلبتوا دا من حقها لان في بنات بيقرفن من التمباك دا ياخ ونظرتها كانت ذات مغذي ولا رايك شنو ااابوي راجع حساباتك ساكت وياريت يا جمال الماحي تبطل التمباك دا لان بيضر صحتك والله يديك العافية

[Jamal Elmahi]

على الطلاق بالغت عديل 00كده ياود الماحى 00بالله بى سماحتك 00دى 00وكمان بتسف00وكمان فى امريكا 00بس عليك الله التمباك بتجيبوهو من وين 00فى بلد الخواجات00000آآآآآآآآآآبوى بالغت00وشذيت

بابكر أأأبوي هي السماحه من غير تمباك شن بدوروبا؟؟؟ والتمباك هنا أأبوي أشكال والوان...وأريتك كان شفته السفه عند الخواجيات...مخيّر الله والرسول...كان ما بتسف تتعلم السفه...يعني الخواجيه تتكلم معاك وهي سافه الكلام يطلع من خشيما ذي العسل والله حتي لونو بني ...لون الكاكاو جل السواو...


ود الماحي

[Azhari Abdien]

اشكرك ياجندي علي موضوع التمباك وابرازك للوجه الغير حضاري في الموضوع، لكن المشكلة أكبر من كدة خارج السودان لان العدوي استفحلت في كل البلاد التي بها سودانيين وخاصه الدول العربية التي تربط موضوع التمباك بالوجود السوداني حيثما يوجد سوداني يوجد تمباك.
واليكم هذة القصة التي حدثت قبل ثلاثه أسابيع كما أخبرني بها صاحب الموقف ألاخ / بابكر محمد الحاج.
قال لي بأنه ذهب الي احدي البقالات لشراء بعض ألاغراض وعندما هّم بالخروج تقابل مع أحد موطني هذه الدوله عند باب البقاله والذي طلب من البائع ان يعطيه( تمباك) وعندها رد البائع ماهو التمباك ؟ وهنا رد مواطن هذه الدوله اني لم أسألك عن التمباك الا لأنني رايت هذا السوداني خارجاً من عند بقالتك !!!! فما رأيكم في انتشار انفلونزا التمباك.......؟

[الجندي المجهول]

والله يا ازهري كلامك صاح والكلام دا حاصل وياريت تنمحي هذه الفكرة وياريت تتشال من راسهم خالص لانهم فاكرين انو الشعب السوداني كلوا يعيش علي التمباك والله يهدي الجميع وشكراً للمرور الجميل يا زين العابدين