المساعد الشخصي الرقمي

مشاهدة النسخة كاملة : كلك لهب



نبيل عبد الله
30-04-2006, 01:16 AM
كلك لهب وسطك شمالك قبلتك
غربك جنوبك اشتبك
لابسلى كاب وكمان كبك
فرحان بتاكل فى السمك
بتحلى بالكيك والكعك
********
منعول ابوا الاكل السمك
وبحلى بالكيك والكعك
وطن غريب كلك لهب
********
حتى الكلاب ما سابتك
حتى التماسيح عرفتك
حتى الغراب خلا الشجر
خلا المغابر والسماء جاء بينهشك
قولى من وين ادخلك؟
كل الكلاب تنبح تقول قالت انها غشتك
التماسيح قالت انها عرفتك
عرفت مداخلك وسكتك
عملت كروش شبعت وفاتة خلتك
والغراب لملم الغربان وجاك
خطف اطفالك هرب
والتماسيح تشرب تقول فىصحتك
وشافعامسكين يفتش فى الرغيف
لا بياكل الكيك والكعك
حفر بيوت النمل كلها مالقى
طار السماء وقع البحر شرب الهوى
والسفر لماهوا وطوى
ماتسالؤ خلؤ امش
اشق دريبوا ويعرفوا
يعرف طريقوا وقصتوا* ماشقالوا حنكا ضيعوا*
فى غربتوا راح يردد قصتوا
والقصة ما قصة سفر
القصة ما وطنا ً كبير
جواهوا بسكن كيفن بيقدر يهجروا ؟
كلك لهب جواك ثوارا غضب امكن كلابك صادته
الا السماء لسع صادقا ليك وفى
اصلوا يوم مافارقك
بمطر اغازل رقتك اغسل
عيونك واللهب
وبجيك يوم تعرف
تحاسب بالعدد

اميمه عشريه
03-05-2006, 01:15 PM
والله يا نبيل فظيييييييييييييييييييييع عديل لهبك ده سخن بينا الجو لا مكيفات جابت دخل ولا اكلت سمك حلت لينا المشكله شكرا نبيل

الجندي المجهول
07-05-2006, 08:45 AM
نبيل عبد الله والله انت اكتر من رائع وحرام عليك انحنا بنخش المنتدي دا بالشهور ما نلقي ليك مشاركة الا الليلة ولا القمر بيظهر في الشهر مرة ... قصيدتك روعة وانا نيابة عنك بهديها لي ناس قريعتي راحت وقطعتي السكنية يا في الرياض يا في المنشية ودمت يا ود السودان الوفي

نبيل عبد الله
17-05-2006, 03:38 AM
شكرا اميمه وايها الجندى المجهول لعلى ابدوا ثقيلا ولكن لكم العتبى ان زهبت فى طريق ليس لى
لكن لو صحى غنينا بالدمع الحقيقة ما كان دى حالنا
المهم ليس هنالك لهب فحسب بل القادم عيد الذهب وكل من كان فى وطن زهب لم يبقى سوى السكلى وبعض من طيور تنتظر يوم القضب
شكرا
مرةاخرى