ما سبب اختيارك اسمك المستعار في المنتدى

[امل حياتى]

ما سبب اختيارك اسمك المستعار في المنتدى....( لازم في سبب)

--------------------------------------------------------------------------------

اخواني اخواتي الاعزاء

في هذا الاوقات تشرفنا اسماء في المنتدى

احيانا تكون حلوه

واحيانا يعني

وبسبب ماشاء الله المنتدى كل يوم بزيادة

المهم

كنت احب اشوف سبب هذه الاسماء.


يعني كل واحد يقول ما سبب اختيار هذا الاسم المستعار لنفسك .


ارجو الرد والتفاعل من الجميع

[HaSsOoN]

انا عن نفسي اسمي حسن واللاسم المستعار هنا حسووون لانو من زماان بنادوني بحسووون وغير كدا لانو في فردنا في اكتر من حسن وعلشان بفرزونا دلعوني شوي وبقوا ينادوني حسووون ههههه :) :) :) ويديك العافيييه ياامل حياتي وربنا يديم ليكم المحبه

[عاشق الأثير]

نعم أخي الاسم المستعار أو اللقب لابد أن يكون مقرون بشيء يلازم الإنسان أو له وقع خاص في دواخله .. واسمي

وليد على محمد .. وعن سبب اختيار هذا اللقب { عاشق الأثير } لم يأتي عن فراغ . واخترته نسبة لعشقي وحبي لهذا

الأثير الذي اخترته أن يكون حبيباً لقلبي وهو أثير إذاعة ود مدني .. فلها التحية ولكل العاملين بها .

تحياتي .. حبي .. تقديري

[امل حياتى]

مشكور اخوى الاثير مشكور حسون يديكم الف عافية

[mnoma]

منومه ده الاسم الكانت بتناديني بيهو امي ( حبوبتي هي طبعاً بس انا بقول ليها امي) لانها هي الربتني
من وانا عمري 40 يوم علشان كده اخترتو
ربنا يخليها ويديها العافية

[امل حياتى]

منومه ده الاسم الكانت بتناديني بيهو امي ( حبوبتي هي طبعاً بس انا بقول ليها امي) لانها هي الربتني
من وانا عمري 40 يوم علشان كده اخترتو
ربنا يخليها ويديها العافية

برضو يامنومة ما عرفنا انت ذكر ولا انثى والله دى مشكلة كبيرة

تحياتى

[mnoma]

برضو يامنومة ما عرفنا انت ذكر ولا انثى والله دى مشكلة كبيرة

تحياتى

انا أنــــــثى ياااا أمـــــل حياتي
وانا كنت متخيلاك برضو تكون انثى على حسب الاسم المستعار
أشكـــرك على التوضيح علشان الواحد فينا يعرف بخاطب في منو ومااا يدخل في المحظور
وربنا يخليكم لي بعض ... وانشاءالله ايامكم كلها سعادة وامل :)

[امل حياتى]

مشكورة اختى ميومة ربنا يخليك ونتظر منك المزيد والمفيد
تحياتى

[السلامى]

طبعا الاسم المستعار دى أسم قبيلتى وهى الانتماء الشخصى كما تعلم وكلنا ابناء ادم وحواء

[الجندي المجهول]

هكذا دئما الاسماء تعطي مدلول معين ولكن بصراحة جد انا متأثر بشخصية الجندي المجهول الذي يبذل كل غالي ونفيس من اجل نصرة بلده ولي عودة لاكمل ما تبقي ودمتم

[امل حياتى]

دائما" يا جندى مميز وفعال بس اوع تنقلب جندى نميرى ههههههههههههههههههههههه
تحياتى

[ابو ايهاب]

بالنسبة لي انا اسمي محمد عبد الله (ابو ايهاب) ايهاب هو ابني وهو اغلى شي عندي في الدنيا بعد (ام ايهاب) طبعاً سائل الله ان يحفظم لي قولوا يا رب

[امل حياتى]

يدك الف عافية ابو ايهاب وربنا يطول فى عمرهم وعمرك يارب
تحياتى

[نور العيون]

اما انا اسمي نور
و ابوي و اعمامي بيقو لوا لي يا نور عيونا و من هنا انا كتبت اسم نور العيون

[امل حياتى]

وانشاء الله دائما" وجهك منور ودنيتك منورة يديك الف عافية يا نور عيوننا
تحياتى واشواقى

[sambaaa]

أمل حياتي يا رائع ..

بداية انا بشكرك جد والله على موضوعك المميز ده والله ..

بالرغم من انك ما عرفتنا بإسمك الحقيقي منو ..؟ ..

وبرضو شايف بعض الشباب ما كتبوا اسمائهم الحقيقية ..

أما فأنا اسمي / عثمان فرح عثمان

واسمي المستعار ( سامبا ) فهو لسببين .. الاول .. طبعا انا بعشق منتخب البرازيل لكرة القدم .. بالذات الساحر رونالدينو ..
والبرازيل مشهورة برقصة الســـــــامبا ..
والسبب التاني .. شاءت الاقدار انو يكون عملي بمجموعة سامبا المالية .. البنك السعودي الامريكي سابقاً .. بالرياض ..

وعشان كده لقيت اسم سامبا مرتبط بي شديد .. وإخترتو طـــــــــوالي بدون تردد كاسم مستعار ..

بكرر ليك شكري يا امل حياتي ..

[امل حياتى]

ايه الصدف الجميلة دى مشكور اخوى سامبا بس اوع تشيلوا كأس العالم مرة ثانية

[امل حياتى]

يلا يا جماعة عايزين نكشف الستار عن الاسم المستعار نرجو التفاعل مع الجميع

[سوار الياسمين]

مساء الخير امل حياتي

انا اسمي هبة
واخترتى اسم سوار الياسمين لاكثر من سبب
1 لاني من عشاق ماجدة الرومي واغنيتي المفضلة طوق الياسمين
2 لكن اخترتى اسم سوار بدل طوق لأن أمي مدياني اسورة من ورد الياسمين
فبعتز بيها جدا ومحتفظى بيها لي اكثر من اربع سنوات ربنا يخليها لي

اها انت اسمك شنو وليه مختار الإسم ده؟؟

[امل حياتى]

وان شاء الله كل حياتك رائحة ورد وياسمين وربنا يطول فى عمر مامتك ويديها الصحة والعافية
مشكورة اختى هبه على الصراحة الرائعة ودمدتى للامام ولمنتدانا ود مدنى

[امل حياتى]

يلا يا جماعة عايزين نكشف الستار عن الاسم المستعار يلا يلا يلا حركو شوية

[سواااح]

الغالي امل حياتي ..

الاسم الرسمي : ضياء الدين

بالنسبة لاسم سوااااح هناك اسباب عديدة

من زمان وانا بحب كل شئ له علاقة بالسياحة

بالتسوااااااح

احب انظر لكل شئ بعين سائح وزائر جديد

احب التنقل والزيارات والتطواف ..

وواحده من امنياتي ..

ازور وادور كل بلاد وقارات العالم سوحاً وتسواحاً

كده كفاية ولا ازيد ؟؟

دمـــــــــــــت ،،

[امل حياتى]

مشكور اخوى سواح يعطيك الف عافية وان شاء الله بحلول عام 2010 تكون لفيت العالم كله قول ان شاء الله

[ابومرام]

تسلم اخوي امل على تلك الايضاحات
اسمى : غاندي عمر ابراهيم / قبل التغير طبعا ناوي اغير اسمى عما غريب معزومين معاي السماعية الثانية ،،، وبعدين معزومين معاي الزواج بعد بضعة شهور ،، اما الاسم ابومرام هو حبي للاطفال وبالاخص البنات دائما اتمنى ان يكون لي بنتان (مرام - لينا )هم من احب الاسماء لي أمل خلي الباقي بعدين بعد ما نجيب مرام ولينا ،،،،وبالمناسبة يا سوار الياسمين اسمك هو اسم ام مرام يعني في داعي للتكلفة دي عشان الهدية لكي التحية عموما انتي انا ماعندى ليك هدية بس الدعوة ليك في الزواج ،،،،،

[elfatih61]

أمل حياتــي 00 موضوعك رائع ذي روعتك 00 والله يخلي ليك (أمل حياتك )
طبعا نحن ناس واضحيــن 00 عشان كدا ما عندنا (مستعار) والظاهر ليكم دا
هو أسمي الحقيقي ( الفاتح ) 0
على فكرة اليوم كان عندى معاك مداخلة في وسألتك عن سبب (الهيكل العظمي
الماعايز يقيف دا ) 00 بتمنى اجد رد على مداخلتي !!

أبو مرام 00 يا أخوى مبروك عليك من دلوقتي وإنشاء الله ربنا يتموا على خير
وتجيب (مرام ولينا وأمل 00000 الخ عشان تغير أسمك لي أبو البنات

* الفاتـــح *

[المهند]

امل حياتي

والله موضوعك من روعته ما بيتوصف

اسمي المستعار ( المهند )
وهو نفسه اسمي الحقيقي وفي الحالتين انا الضايع هه
حبيت ان اسمي الحقيقي يكون المستعار لاني ما من هواة لبس الاقنعة والتخفي وراها

لك مني تحية بحجم روعتك

[امل حياتى]

تسلم اخوي امل على تلك الايضاحات
اسمى : غاندي عمر ابراهيم / قبل التغير طبعا ناوي اغير اسمى عما غريب معزومين معاي السماعية الثانية ،،، وبعدين معزومين معاي الزواج بعد بضعة شهور ،، اما الاسم ابومرام هو حبي للاطفال وبالاخص البنات دائما اتمنى ان يكون لي بنتان (مرام - لينا )هم من احب الاسماء لي أمل خلي الباقي بعدين بعد ما نجيب مرام ولينا ،،،،وبالمناسبة يا سوار الياسمين اسمك هو اسم ام مرام يعني في داعي للتكلفة دي عشان الهدية لكي التحية عموما انتي انا ماعندى ليك هدية بس الدعوة ليك في الزواج ،،،،،

مشكور ااخوى ابو مرام يعطيك الف عافية وان شاء الله ربنا يديك اللى فى بالك قول امين

ومن هسه اقولك مبروك يا ابو التومات ههههههههههه
تحياتى

[امل حياتى]

كلك وضوح يا مهند وده احلى شىء فى الانسان ويعطيك الف عافية

[امل حياتى]

أمل حياتــي 00 موضوعك رائع ذي روعتك 00 والله يخلي ليك (أمل حياتك )
طبعا نحن ناس واضحيــن 00 عشان كدا ما عندنا (مستعار) والظاهر ليكم دا
هو أسمي الحقيقي ( الفاتح ) 0
على فكرة اليوم كان عندى معاك مداخلة في وسألتك عن سبب (الهيكل العظمي
الماعايز يقيف دا ) 00 بتمنى اجد رد على مداخلتي !!

أبو مرام 00 يا أخوى مبروك عليك من دلوقتي وإنشاء الله ربنا يتموا على خير
وتجيب (مرام ولينا وأمل 00000 الخ عشان تغير أسمك لي أبو البنات

* الفاتـــح *
مشكور اخوى الفاتح يعطيك الف عافية
بالنسبة للهيكل العظمى ده فاقد حنان عشان كده جارى طوالى ههههههههههه
تحياتى

[elfatih61]

أمل حياتي 00 ما أعتقد إنك فاقد حنان للدرجة البتخليك هيكل عظمي
كلامك ومداخلتك ومواضيعك بتوحى بغير ذلــك 00 مع (أمل حياتي) لازم
تكون في زهور وورود وغروب وأمل للغــد السعيــد -- !!!

وتسلم يا غالي

[دكتورة صغيرة]

موضوعــــــــــك جميل جدا وساعدنا نعرف اكتر عن أخوانا أعضاء المنتــــــــــــــــــــــدى .. بالنسبة لاسمي فدة لأني بادرس طب ودايما اهلي بيقولوا لي دكتورتنا الصغيـــــــــــــــرة فدة سبب اسمي .. على العموم انا حاتخرج بعد ستة شهور وحابقى دكتورة كبيـــــــــــــــرة لكن برضو عند أهلي دايما حكون دكتورة صغيــــــــــــــــــــــــرة ..ولكم كل التحايا :)

[امل حياتى]

مشكورة اختى دكتورة القلوب يعطيك الف عافية ما تحرمينا من شوفتك

[امل حياتى]

أمل حياتي 00 ما أعتقد إنك فاقد حنان للدرجة البتخليك هيكل عظمي
كلامك ومداخلتك ومواضيعك بتوحى بغير ذلــك 00 مع (أمل حياتي) لازم
تكون في زهور وورود وغروب وأمل للغــد السعيــد -- !!!

وتسلم يا غالي

هههههههههههههههههههههههههههههههههههههههههههههههههه هههههههههههههههههههههههههههههههههههه

والله يالفاتح انت مرهف الاحساس والبنت التى تختارها حتكون محظوظة وسعيدة بيك ده لو انت ما خشيت القفص الذهبى

[بسبوسه طعمه]

الاسم الحقيقي عثمان
سبب بسبوسه طعمه . البلوتوث

[114]

114 ده الحي الذي ولدت به، وترعرت به، وأعتز به وأفخر
واسمي الصريح: عمر حسن غلام الله
ود مدني

[salwa]

امل حياتي
انا سلوى اسمي الحقيقي
والمستعار
لانه بحبه جدا
لانه ابوي سماني
وانا طبعا دلوعته في البيت كنت
ودلعي سوسو
لكن حسه بفضل اسمي الحالي سلوى
وام احمد عالبا لانه ولدي الكبير
شكرا امل حياتي ومتنتظرين اسمك

[امل حياتى]

مشكورة اختى سلوى على الصراحة الرائعة يديك الف عافية انا اسمى الحقيقى ياسر
تحياتى يا سوسو

[zoolfrda]

أخوكم عبد المنعم
وسبب اختياري لزول فرده حبي للناس واللمه

[امل حياتى]

ده كله عشان خاطر الناس الجداد يلا اكشفوا لينا الحقيقة

[مدنيّة]

والله اتخيل كنت عايزة انزل بوست بنفس المعني دا

تسلم اخوووووووووي امل حياتي

اسمي اسماء

و مدنية دي لحبي لمدينة ود مدني

[امل حياتى]

تسلمى اختى اسماء يعطيك الف عافية على الصراحة

[مدنيّة]

امل حياتي لكن ماقلت لينا انت سبب اختيارك للنك نيم دا شنوووووووووووووووو !!!!!!!!!

يلا اعترف بسررررررررررررعة

[abu_ola]

مشكور أمل حياتي على هذا البوست و مشكورة مدنية على توارد الخواطر

أنا اسمي بقي معروف للجميع على ما أظن ( عبد الله عبد الرحمن عبد الحميد )

و أبو علا دا لقبي عشان الأمورة الحلوة بنتي علا

[مدنيّة]

مشكور أمل حياتي على هذا البوست و مشكورة مدنية على توارد الخواطر

أنا اسمي بقي معروف للجميع على ما أظن ( عبد الله عبد الرحمن عبد الحميد )

و أبو علا دا لقبي عشان الأمورة الحلوة بنتي علا


لكن ياابوعُلاء امل حياتي دا ابي يعترف ويقول سبب اختياره لاسمه

المستعار كدي الكزه كان يجي يعترف لينا :D

[امل حياتى]

يا مدنية انا عارفك الشمار حارقك اليلة اصلو ما بوريك

[اللمسة الساحرة]

تشكر ياامل حياتي على الموضوع ويديك الف عافية ....
عني انا كان عندنا في الثانوي مادة تسمى التدبير المنزلي والفنون وكانت دائما بتعجب الاستاذة اعمالي فكانت بتقول لي:
دائما ساحراني بلمساتك الساحرة فكان البنات في الفصل زي غيرانات وكدة فكان بقولو لي : يالمسة ياساحرة فمن هنا مشى الاسم علي من الثانوي اما عن اسمي الحقيقي فهو روان....



مع تحياتي:
اللمســـــــــــــــــــــــــــــــــــــــــــــ ــــــــــــــــــــــــــة الساحرة

[abu_ola]

امل حياتي سر الأسم خليهو معاك ( لكل شخص خصوصيتو ) بس نحن دايرين نتعرف على شخصك الكريم لو ما فيها تقالة دم عليك

[مدنيّة]

امل حياتي سر الأسم خليهو معاك ( لكل شخص خصوصيتو ) بس نحن دايرين نتعرف على شخصك الكريم لو ما فيها تقالة دم عليك


اها يا امل حياتي اخوووووووي ابوعُلاء قاليك :D

[ابوالنور]

فاقد الشئ لا يعطيه

[ابوالنور]

فاقد الشئ لا يعطيه!!