تسجيل الدخول

مشاهدة النسخة كاملة : 24 رحلة يوميه لشركة الجزيره بين الخرطوم ومدني


HaSsOoN
09-05-2006, 04:17 AM
بــــدأت شركة الجزيره للنقل والخدمات المحدوده مزاولة أعمالها في مجال نقل الركاب بعد توقف استمر خمس سنوات,وذالك وسط اقبال وارتياح كبير من مواطني ولاية الجزيره باعادة تشغيل الشركه بعد اعادة تاسيسها بمساهمة من اتحاد عمال الولايه بنسبة 40%وحكومة الولايه 30%وشركة نابرين احدى شركات الجمعيه الخيريه للقوات المسلحه بنسبة 10% اضافة الى مساهمة مصرف الادخار ومعاشيي مشروع الجزيره.
وقال العميد مهندس عبدالرحمن محمد الأمين المدير العام للشركه,ان الشركه تعمل في عدة محاور منها نقل الركاب الذي بدأ بعدد 10 باصات بين الخرطوم وودمدني بمعدل 24 رحله يويما,مشيرا الى ان خطتهم في هذا المحور تهدف الى تغطية جميع الخطوط السفريه لبن الولايات حتى نهاية هذا العام بعدد 50 باصا.اضافه للعمل في مجالات نقل البضائع وحفر الابار وقنوات الري واللينوزين....
وكمان ياجماعه في مشروع لجلب عربات لنقل النفايات وفق احدث المواصفات العالميه وسيبدا بمحلية مدني الكبرى وبعد ذاللك حيعمم على بقية المحليات
وكمان ياجماعة في ترتيبات جاريه حسب تصريحات مدير الشركه لانشاء ميناء ودمدني البري وفق احدث المواصفات العالميه اضافه لانشاء مجمع تجاري على نسق مجمع عفراء التجاري ....

دي ياجماعه اخر الاخبار ونقلتها ليكم من جريدة الرايه القطريه
الجندي المجهول
09-05-2006, 04:34 AM
انت خشمك فيه اللبن والعسل لكن ما وريتني لو البصات دي شغالة كدا جمال علي اللمين ود خالتي الدلقان يمشي يشتغل وين مع المنافسة دي وخت في بالك دي باصات الجزيرة يعني سمعتها من بدري مية مية ( غايتو جمال زمان كان بيعرف يضرب حقن ويركب دربات ممكن نوديهو المستشفي يشتغل تمرجي مع العوض في مستشفي الاطفال ولا رايك شنو
HaSsOoN
09-05-2006, 04:54 AM
هههههههههههههههههه حلوه دي احسن ودي خلي يعمل ليو قدرة فول وسندوتشات طعميه هههههههههههههههههههه
anwar12545545
09-05-2006, 09:06 PM
This is good news
nasirib
10-05-2006, 04:05 AM
اللهم ذد وبارك :d
HaSsOoN
14-05-2006, 08:08 AM
الله يديم الخير على جزيرتنا الحبيبه ويعوضا على سنين من الاهمال والتهميش ....
mohammed ahmed
18-05-2006, 09:25 AM
والله يا حسون لو نحنا في أبريل كان قلت ليك مرحب يا شيخ الكضابين لكن أظن كلامك 00 حلم 00 حلم 00 وبالله ليه مصدر الخبر جريدة الراية الغراء 00 وين مصادر منابعنا 00 ناس شركة مواصلات الجزيرة ما يورونا الحاصل شنو 00 المهم وصيتي ليكم ياناس المواصلات ولي أى جهة عندها مشروع بالحجم ده 00 أى مشروع ما توضع ليه خطط صيانة فهو فاشل 00
تاني يا حسون
ماتشوفو لينا ناس الأراضي ديل حكايتهم شنو أكلونا عديل كده 00 بالله أسألوهم لسه مشكلتهم مع مشروع الجزيرة ما تحلت عشان يدونا نصيبنا القسمو لينا الله وهم وقفو 00 ههههههههه
حمام
mohammed ahmed
18-05-2006, 09:27 AM
والله يا حسون لو نحنا في أبريل كان قلت ليك مرحب يا شيخ الكضابين لكن أظن كلامك 00 حلم 00 حلم 00 وين مصادر أخبارنا 00 ناس شركة مواصلات الجزيرة ما يورونا الحاصل شنو 00 المهم وصيتي ليكم ياناس المواصلات ولي أى جهة عندها مشروع بالحجم ده 00 أى مشروع ما توضع ليه خطط صيانة فهو فاشل 00
تاني يا حسون
ماتشوفو لينا ناس الأراضي ديل حكايتهم شنو أكلونا عديل كده 00 بالله أسألوهم لسه مشكلتهم مع مشروع الجزيرة ما تحلت عشان يدونا نصيبنا القسمو لينا الله وهم وقفو 00 ههههههههه
حمام
HaSsOoN
19-05-2006, 01:50 AM
اخوي محمد احمد يديك العافيه لاكن مااظن انو انا اكتب ولا انشر خبر الا اتاكد منو يعني مابنشر اخبار كاذبه والخبر دا انا اتاكتا منو بنفسي وشوفتا الباصات بعيوني وكنتا قاعد في مدني وقت جابو الباصات ...وتاني شي ياحبيبنا قصص الاراضي دي مااعتقد انتا براك المضرر منها اكتر من نص سكان الجزيره لو ماكلهم مضررين من الحكايه دي...................
mohammed ahmed
19-05-2006, 08:51 AM
ويديك العافيه كمان يا حسون
والله فرحت قلبي الله يفرحك كمان وكمان ويريح حبايبنا المتلتلين بين مدني والخرطوم مرتين إسبوعيا 00 المهم كيف أسعار تذاكرهم إنشاء متهاوده 0
طيب ماتشوفوا لينا التماسيح الحايمة وسط الناس الغلابه نتخلص منها كيف عشان الأمور تمشي بعدالة رب العباد 0
عشت يا حسون
حمام
أبوبكرحامد
20-05-2006, 10:15 PM
بشرك الله بالخير اخى حسونة ..... مواصلات الجزيرة كانت نموذجاً للإستثمار الناجح الذى يحكى عن عظمة الجزيرة وانسان الجزيرة ، دقة فى المواعيد ، سائقين وموظفين يزرعون البسمة والأمل بغدٍ مشرق لأهلنا بالسودان ، دمت أخى ودامت مدنى موطناً للجمال .
حسن على
14-06-2006, 08:47 AM
الاخ حسون خشمك فيهو كلو شي سمح كلامك صاح الشركه دي وراها ناس تماسيح زي ناس فلان وفلان
mohammed ahmed
15-06-2006, 03:46 AM
أخونا حسون
لك التحيه
بالله عليك الله قول لي سبب واحد يخليني والله يخلي أى واحد يضرر من حكاية الأراضي دى مايدو كل زول حقو وفقا للدستور ومش كده وبس ويمشي لي أى مصلحة يطلب حقوقو يدوها لي وفقا للقانون كمان والناس الببلعو في المكاتب ديل يبطلو الدناوه بتاعتهم دى ويبطلو يأكلو أولادهم من الحرام خلو عندكم عزة نفس 00 أووووووووووف
حمام