بيل جيتس بالأرقام

[الجندي المجهول]

:rolleyes:
يل جيتس أغنى رجل في العالم .. وصاحب شركة مايكروسوفت .،وهو يربح كل ثانية 250 دولار ، يعني 20 مليون دولار في اليوم ، يعني حوالي ثمانية مليار دولار في السنة ، ولو سدد ديون الأمم المتحدة بنفسه .. سيسددها في أقل من عشر سنوات ، مع العلم بأن ديونها تبلغ خمسة ونص تريليون دولار .
- لو خسر أو صرف ألف دولار فلن يؤثر فيه ، لأنه سيعوضه خلال أربع ثواني .
- لو أعطى كل واحد على الكرة الأرضية 15 دولار .. سيتبقى معه 5 مليون دولار .
-لو حولت ثروة بيل جيتس لفئة الدولار .. فيمكنك أن تفرشها من الأرض للقمر 14 مرة ، وستستخدم لذلك 713 طائرة بوينج لنقل النقود .
ـ بيل جيتس عمره 40 سنة ، لو افترضنا أنه سيعيش 35 سنة قادمة ، فلابد أن يصرف في اليوم ستة ونص مليون دولار كي يموت وليس عنده أي دولار .
ـ لو مستخدمي ويندوز في العالم كله أخذوا دولار واحد من مايكروسوفت في كل مرة الكمبيوتر يجمد أو يعلّق .. فإن بيل جيتس سيكون مفلساً بعد 3 سنوات .

[sambaaa]

يا سلالالالالالالالالالالالالالالالالام
والله كلام
يعني هسه انا لو بقيت زيه حالي بيكون كيف ؟؟
والله العظيم تلاتة لو بس لقيت نص العندو ده .. إلا اوزع الف دولار لكل عضو معانا هنا في المنتدى هدية ..:D
ههههههههههههههههههه
الف شنو ؟ والله عشرة الف مرة واحدة ..
وليك انت يا الجندي مليون دولار عشان تعبك وسهرك الكتير ده ..:p
ده الشغل ....:)

[امل حياتى]

والله ياجندى معلومة اول مرة اسمع بها بس معقول الارقام دى شبه حقيقية مستحيل ده معناه اغنى واحد فى الدنيا

وان شاء الله ده حالك ياجندى يا مجهول عشان تصلح وتعمر لينا مدنى وبعدين تعرس هههههههههههه

مشكور تحياتى واشواقى دائما"

[نزار حسن محمد]

لينا بحاله ياجندى قول امين ... وعند الله مابعيده.

[الجندي المجهول]

عزيزي سامبا ( وليك انت يا الجندي مليون دولار عشان تعبك وسهرك الكتير ده .. ) والله انت اللي تستاهل يا وفي



عزيزي امل حياتي ( وان شاء الله ده حالك ياجندى يا مجهول عشان تصلح وتعمر لينا مدنى وبعدين تعرس هههههههههههه

مشكور تحياتى واشواقى دائما"
وانا عازمك تعرس معاي تاني رايك شنو بس المدام ما تعرف



حبيبنا واخونا الكبير نزار اخو غسان
لينا بحاله ياجندى قول امين ... وعند الله مابعيده.

اميين لي ولي كل ناس المنتدي

شكرا علي مروركم يا رائعيين

[امل حياتى]

ياجندى شوف سامبا ده جلدة كيف قال والله العظيم تلاتة لو بس لقيت نص العندو ده .. إلا اوزع الف دولار لكل عضو معانا هنا في المنتدى هدية .. وكمان يضحك
والله سامبه ده جلدة كده فضحت نفسك والبنات بيشردو منك لانك كشفت حالك من هسه هههههههههه

الف دولار بس يامفترى من المليارات دى

انت ما شفت جندى قال بيكسر مدنى كلها ويبنيها من جديد ههههههههه

[الجندي المجهول]

تسلم يا امل حياتي لكن سامبا قصدو مدني كلها بس خانو التعبير وقال ناس المنتدي وذكر الجزء واراد الكل ولا رايك شنو يا سامبا

امل حياتي انا عازمك انت وسامبا عشاء لكن ما عارف الم فيكم كيف انت دبرو وفركو وقررو انا بدفع الحساب ما عندكم مشكلة
اها رايكم شنو ( طبعا انا بيل جيتس الايام دي )

[امل حياتى]

الخوف ياجندى نتعب ونتصل ونركب طيارة ونخسر دولارات فى النهاية تعشينا فتة فول ده معقول ياجندى يامجهول ههههههههه

تحياتى

[الجندي المجهول]

والله يا امل حياتي الفتة ( البوش ده انا مشتاااق ليهو كيف انا هسع ما عارف لو مشيت مدني ابدا بي عمدة جنب سلا ولا كشك ولا ابو ظريفة ولا وين مشتاااق لي فولة ود مدني بصورة ما عادية اها رايك شنو في الكلام ده

[sambaaa]

هههههههههههههههههههههههه
يا جماعة الله يجيب الدولار والباقي هين
والله يا امل حياتي إلا افرش ليك الارض من ( أبوصلعة ) ده ..
وبعدين ياخي انا عشانك عدلت الهدية من الف لعشرة الف .. اها رايك شنو ؟
والتحية مجددة للجندي الرهيب العجيب ..

[مزوني]

ـ لو مستخدمي ويندوز في العالم كله أخذوا دولار واحد من مايكروسوفت في كل مرة الكمبيوتر يجمد أو يعلّق .. فإن بيل جيتس سيكون مفلساً بعد 3 سنوات .

بعد ده كلو يا الجندي

يا راجل خليك عاقل

على العموم ربنا يهنيه ويديك حاجه كده على خفيف من طرف دولابو يا حبيبنا

ويا جماعه ما تخافو اللي أداه بالكوريك انشاءالله حيديني انا وانتوا كلكم بالملعقه

عشان كده خليكم متفائلييييييييين هههههههههههههههههههههههههههه


والله ياجندى معلومة اول مرة اسمع بها بس معقول الارقام دى شبه حقيقية مستحيل ده معناه اغنى واحد فى الدنيا

يا عريس الكلام ده وهو قال ليك ده أغنى رجل في العالم

وانت ما حضرت اللقاء حق الوليد بن طلال لما سألوه كم رصيدك في البنك؟؟؟؟؟؟؟

عارف الزول ده قال للمذيعه شنو؟؟؟؟

قال ليها دايره تعرفيه بعد السؤال ولا قبل السؤال!!!!!!

أها زي ده يقولوا عليه شنو؟؟؟؟

يا مان خليها على ربك

وتسلم يا الجندي المجهول على الموضوع وبنا يديك الصحه والعافيه

[الجندي المجهول]

يا عريس الكلام ده وهو قال ليك ده أغنى رجل في العالم

وانت ما حضرت اللقاء حق الوليد بن طلال لما سألوه كم رصيدك في البنك؟؟؟؟؟؟؟

عارف الزول ده قال للمذيعه شنو؟؟؟؟

قال ليها دايره تعرفيه بعد السؤال ولا قبل السؤال!!!!!!

أها زي ده يقولوا عليه شنو؟؟؟؟

يا مان خليها على ربك

وتسلم يا الجندي المجهول على الموضوع وبنا يديك الصحه والعافيه
************************************************** ****************

بعد دا مافي كلام يا مزوني