ادخل وشوف الغربة كيف

[طلال]

يا غربة يا بكاية ياغشاشة يامسنتهبله
تغرينا بى درهم قرؤش ووراه قنطار بهدله
جيناك لى سنتين وبس او قول تلاته نكمله
نلقي المراد نرجع حياتنا نبدلها
نبني البيوت فى العاصمه وبى كوم اثاث نجملها
وكرونا حاره نحضرها اصلوالتنقل مشكله
ناس الضغط والسكرى وجع القلب وجع الكلى
مصران وقرحة واكتئاب ونفوسنا مامتحملة



وللغربة بقية:mad: :mad: :mad:

[rasheed]

حلوة
قالوا جاء يلم القرش عشان بت خالوا منتظره العرس
ولبيت ابوه يصلح ولبيتو كان يتم العرش
وصل اول أياموا وقائل بلقاها مفروشه في البرش
عد الأولى والثانية وقعد بالسنين لامن طرش
لمّ وجع الراس والضغط 00والسكري 00هرسوا هرس
سألوه مالك جاي راجع
بحكي ليهم لما حلقو انقرش
والناس ما صدقت قالوا فلان ساكت إنبرش
ما عارفين الغربة في راسو 00 لسه تسو 00 تش ،، تش ،،، تش
آآآآآآآآخ يا قرش !!!!!!؟؟؟؟؟

[اولاد المدارس]

والله الغربه حارة زي ما بقولوا اسال مجرب ولا تسال طبيب


حبيت اشارك معاكم لكن ومرارة الغربه ما خلت لي كلام

وشكراً

[al zeer]

كلمه صغريه
بالرقم من مرارة الغربه
انى اقول
الغربه بتعلم

[114]

أبدعتو يا طلال ورشيد
فعلا جبتو المفيد
يا ها الغربة، وذل البعيد
وشغل السخرة، شغل العبيد