مشاهدة النسخة كاملة : اكتب الشي الذي تفتقده في حياتك
HaSsOoN
03-06-2006, 02:10 PM
السلام عليكم ياحبايبنا ويديكم العافيه على تواصلكم الرائع انا عندي موضوع رائع جدا قريتوا في احد المواقع وحبيت انقلوا ليكم هنا
كلنا منحنا الله الكثير
نحن نغرق فى نعم الله
ولكن الإنسان طماع
أو طموح
أو يتمنى ما ليس بيده
لكنا بالتأكيد نفتقد شئ أشياء
ربما نفتقد وجود شخص ما فى حياتنا
أو نفتقد حالة نفسية ما نعيشها
أو نفتقد مكان نتواجد به
نفتقد بيت بمواصفات معينه
أو الحــــــــــب
أو ربما سيارة
أو حتى موبايل
ربما نفتقد إبن أو إبنه
أو زوج او زوجة
أو أخ أو أخت
أو صديق او صديقة
ربما نفتقد أستاذ
أوعمـــل
كل زول يدخل ويذكر لينا الحاجه الفاقده وبتمنا انها تكون موجوده في حياتو...ارجو المشاركه :)
salwa
03-06-2006, 07:22 PM
جزاك الله كل خير حسون وموضوع معنوي وممتاز جدا (بيلمس الدواخل ) وغايتوا زي ما قلت صحي الواحد ممكن يكون يملك كل شيء الا شيء واحد لا يعوض فقده مال او اي شيء اخر وانا عن نفسي فاقدة اهلي شديد شديد شديد وبالذات امي ست الحبايب بعد الايام متين الاجازة تجي عشان اشوفها واقعد في احضانها طول فترة الاجازة ... ده هو فقدي الاكبر ...تسلم حسون
sambaaa
03-06-2006, 08:55 PM
حسوووووووون ..
بكل تأكيد يأتي إفتقاد الأهل على رأس قائمة الإفتقاد ، فالأهل هم جزء حقيقي من كيان كل فرد
كما نفتقد الأصدقاء والوطن .. والإنسان الثاني المكمل لشخصية كل فرد منا .. ( فهمتها دي ؟ ) .. ههههههه
والافتقاد هنا ثابت وغريزي بالدرجة الاولى ..
لكن هناك أشياء معنوية نفتقدها اثناء اليوم والليلة .. مثل الهدوء .. الإسترخاء .. لحظات التأمل ..
وكما اسلفت الاخت / سلوى .. فالموضوع بيهبش فينا حاجات كده من جوووووووه شديد ..
شكرا ليك حسون لمنحك لنا هذه الفرصة لنتحدث عن دواخلنا ..
HaSsOoN
04-06-2006, 01:21 PM
سلوى يديك العافيه على مشاركتك ..وفقدان الاهل دي اصعب حاجه على الانسان ..وبتمنى ليك اجازه سعيده وتلاقي الاهل كلهم بخير ...
HaSsOoN
04-06-2006, 01:23 PM
ياسامبا شايفك بتنخس في موضوع الانسان التاني دا كتير شكلك ناوي تعملا قريب هههههههههههههه يديك العافيه على مشاركتك الرائعه ياسكر
خالد عبدالماجد
04-06-2006, 02:08 PM
ياحسون بالله نقول شنو ونبكي على منو الفاقدنو كتييييييييييير ياحبيب وفقد الغربة غالي
عموماً أنا أفتقد كثيراً لأستمرار تواجد المرأة في حياتي يعني ياحسون أنحن أتعودنا الواحد مايغيب عن من يحب كثيراً ولكن لظروف التغرب أفتقد حبيبتي كثيراً ياحسون ...
ياحسون الواحد كان كويس اليومين الفاتو ديل مالك علينا .http://www.kassalahome.com/php/images/smiles/36_1_28[1].gif
HaSsOoN
05-06-2006, 07:55 AM
ههههههههههههههههههههههههه واللهي ياخلود انا بكتب مواضيع زي دي علشان الزول يفضفض شويه كدا ويكون مرتاح لاكن ان شاء الله ربنا يجمعك بيهم قريب ان شاء الله شكرا على مشاركتك ياغالي
elfatih61
05-06-2006, 08:55 AM
كثيـر كثير مفقود يا حبيــب 00 لكن
انا فاقــد الاهــل 00 أبوى ( الله يرحمه ) وأمي الله يديها طولة العمر والاخوان والاخوات والبيت
وفاقد نومـة الحوش لمن الواحد يرقد ويعاين للنجوم والسماء صافية والهواء عليييييييييييل
وفاقـد أصدقاء 00 ساروا في دروب الحياة المختلفة وإختفوا
( وفاقـــدك يا مدني الحبيبــة )
* عشان كدا الواحد صعب يقول شىء واحــد *
ويديكم العافية
سوار الياسمين
05-06-2006, 09:20 PM
موضوعك لذيذ يا حسون
والفاقدينو كثير يا حسون
لكن بالنسبة لي انا افتقد الصراحة عند الناس
لآني يمكن من الناس البدي رأي بصرلحة حتى لو كانت زي الرشاش
يعني لما الزول يجي يستشيرك ولا ياخد رايك في موضوع أو العكس وعايزك تكلموا بكل صراحة
تقوم تقول في بالك انا مالي اسه كان اديتوا رأي وما نفع يجي ويختها فيني احسن اقول ليهو العايزو اعملوا
طيب ما اكيد العايزو حيعملوا لاكن جاي يا خذ النصيحة
حاجة تغيظ والله
ويديك العافية يا حسون على موضوعك
HaSsOoN
06-06-2006, 08:42 AM
كثيـر كثير مفقود يا حبيــب 00 لكن
انا فاقــد الاهــل 00 أبوى ( الله يرحمه ) وأمي الله يديها طولة العمر والاخوان والاخوات والبيت
وفاقد نومـة الحوش لمن الواحد يرقد ويعاين للنجوم والسماء صافية والهواء عليييييييييييل
وفاقـد أصدقاء 00 ساروا في دروب الحياة المختلفة وإختفوا
( وفاقـــدك يا مدني الحبيبــة )
* عشان كدا الواحد صعب يقول شىء واحــد *
ويديكم العافية
الله يرحم والدك ويغفر ليهو ان شاء الله وفعلا فقدان الاهل هي من اكتر الحاجات البفقدا الانسان .....وياسلام عليك ذكرتنا برضوا نومة الحوش والهواء العليل ياسلام عليك واللهي ..والاصدقاء فعلا ليهم الاثر في حياتنا وبنفتقدم كتير ...ومدني برضوا ...وزي ماقلتا حاجات كتيره الزول فاقده ...يديك العافيه يالفاتح وربنا يجمعك بالفاقدم كلهم في القريب العاجل ان شاء الله
HaSsOoN
06-06-2006, 08:46 AM
موضوعك لذيذ يا حسون
والفاقدينو كثير يا حسون
لكن بالنسبة لي انا افتقد الصراحة عند الناس
لآني يمكن من الناس البدي رأي بصرلحة حتى لو كانت زي الرشاش
يعني لما الزول يجي يستشيرك ولا ياخد رايك في موضوع أو العكس وعايزك تكلموا بكل صراحة
تقوم تقول في بالك انا مالي اسه كان اديتوا رأي وما نفع يجي ويختها فيني احسن اقول ليهو العايزو اعملوا
طيب ما اكيد العايزو حيعملوا لاكن جاي يا خذ النصيحة
حاجة تغيظ والله
ويديك العافية يا حسون على موضوعك
يديك العافيه ياسوار الياسمين ...والصراحه في زمنا دا مفقوده شديد وقله من الناس البتتوافر فيهم صفه الصراحه ويكون صريح معاك من البدايه بدال اللف والدوران وزي ماقلتي كان اديتي الراي في حاجه يجوا يلوموك ويختوها فيك ..الله يعينك على الحاجه دي ويعين الجميع وشكرا على مشاركتك الرائعه
ابراهيم
06-06-2006, 08:49 AM
اخير الواحد يفقد سوائل .. سكريات .. دهون .. تفقد عديل تجن ما مشكلة
لكن تفقد حنان دي مشكلة.
أنا فاقد حنان:)
HaSsOoN
06-06-2006, 08:54 AM
اخير الواحد يفقد سوائل .. سكريات .. دهون .. تفقد عديل تجن ما مشكلة
لكن تفقد حنان دي مشكلة.
أنا فاقد حنان:)
فاقد حنان ولا مكتول مدني هههههههههههههههههههههههههههههههه هو الما فاقد حنان منو ياابراهومه ..يديك العافيه يارائع
سوار الياسمين
06-06-2006, 08:34 PM
وانتو يا ابراهيم وحسون بسلامتكم المفقدكم الحنان شنو ؟؟؟
:D :confused: :cool: ;) :) :p
نور العيون
06-06-2006, 11:38 PM
و الله الموضوع جميل و انا فاقده لي حبيب و راحه بال و الله يا حسون فتحت جروح قربت تندمل
والله الواحد الفاقدة كثير جداً ويعجز القلم كتابته ويعجز القلب نسيانه
ولاكن البسمه ما بتعني الفرح .. و الدمعه ما بتعني الضياع
يديك العافيه اخوي حسون
ولك تحياتي ......
Bushra Elfaki
07-06-2006, 02:26 AM
أفتقد مدني الحب الكبير وجميع الاهل وكللللللللل شئ
التيمان
07-06-2006, 03:16 AM
سلامات وهااااااااااااااااااااااااايات
شكرا ليكم ع فقدكم لينا
خلاص نسيتونا
شكرا ليكم
والله انا مانسيتكم
اخوانى واخواتى
ابو مرام
ابو المهتدى
ابراهيم
سالى
سامبا
مزونى
فاقد حنان
مكتول مدنى
الانيقه
انجل
فدوى الحسن
والله كلكم
مشتاق ليكم
zoolfrda
07-06-2006, 04:44 AM
حسوون الجميل
والله موضوع ولا أروع
أنا صراحة أفتقد أبوي الله يرحمه ويغفر ليهو ويجعل الجنة مثواه
معتز حمدتو
08-06-2006, 02:41 AM
حسونه انت بتفتح في المواجع ما لك
كونك تكون بعيد عن بلدك انت فاقد ، وعن اصدقائك انت فاقد ، انا فاقد الوعي تماما لكن الله ينعم علي المنتدي بالخير
الفقد الاكبر وفاة الوالدة ( طيب الله ثراه وجعلها في ملكوته ) وما اظنك تفقد اكبر من كده
zoolfrda
08-06-2006, 07:22 AM
معتز يا حبيبنا
البركة في عودتك يا غالي
أبقى مواصل وما تقطع
HaSsOoN
08-06-2006, 08:37 AM
يديكم العافيه على مشاركاتكم وردوكم وانا داير من الجميع يعبر ويكتب الشي البفتقدوا ....ومرحبا بيكم وبعودتكم التيمان ومعتز حمدتو
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir