نكات خاصه بالشوايقه

[مصباحيه]

عزراً اعزائى ولكن احلى النكات بتكون فى الشوايقه



هاكم دى من غير زعل


استطاع دكتور دنقلاوى ان يفك الف جنيه من يد شايقى بعمليه جراحية استغرقت ساعتين انتهت بنجاة الالف جنيه ودخول الشايقى العنايه المكثفه





يله ياشباب شوفوا لينا نكات عن الجماعه ديل

[ياسر الحكمي]

حقيقة اقدم عذري و اعتذاري لك الاعضاء المهذبين في هذا المنتدى الذي يعتبر من افضل المنتديات السودانية سلوكاً و مواضيع و شخصيات ، و معذرة لكل الاخوة اذا كان اول ما اشارككم به هو ما سارد به على الاخت نهلة حيدر التي لم تراعي لادب و سلوكيات التعامل و احترام الاخرين ، انا ليس من قبيلة الشوايقة و لكنني معجب جداً و احب كل من هو شايقي هذه القبيلة التي تتمتع برقة المعاني و التعابير و بالحقيقة هم رائعي المعشر في كل شي ، و لا اعتقد ان هنالك قبيلة في السودان ليس فيها نكات ما اكثرها نكات الجعلين و ما اكثرها نكات الدناقلة و ما اكثرها نكات الحلفاوين ،و الرباطاب ، فاذا كانت الاخت نهلة حيدر تقصد المعنى من باب الطرفة كان الاجدر بها ان تقدم مشاركتها بشمولية حتى لا يثور عليها كل من يحب هذه القبيلة او تلك و ينقلب المنتدى الى اشياءا مؤكد ان هذا المنتدى الرفيع في كل شي ينبذها و يحاربها ، لذا رجائي من الاخت نهلة حيدر ادراك خطأها .

[نزار حسن محمد]

الاخ ياسر اولا مرحبا بك بين اهلك وعشرتك من جميع القبائل السودانيه اخى ياسر اراك قد اخذته الموضوع بحساسيه زياده شويه ياخى لو لحظته للبوست بتاع الاخت نهله فهى بدات بمنتهى الادب مقدمه الاعتزار .. ومستدركه .. بقولها من غير زعل ..اكرر اخى ارجو ان لاتخد من الاخت نهله فى خاطرك وكلنا عائله واحده تضمنا منتدايات ودمدنى الحبيبه ومرحبا بك

[أبوبكرحامد]

بدون مقدمات أو التفاف على الموضوع أعلن رفضى القاطع لإتخاذ أى قبيلة أو طائفة أو فئة بعينها مثاراً للسخرية والتهكم ، نحن ننتمى لوطن مساحته مليون ميل مربع وتقطنه مختلف المجموعات السكانية بمختلف أثنياتها وثقافاتها ، وقد تجاوزت الحضارة وأسس المدنية نسبة الناس لقبائلهم ، فكلنا لآدم وآدم من تراب - احيى فيك اخى ياسر الحكمى هذه الوقفة لله والوطن.

[HaSsOoN]

هههههههههههههه حلوه يانهله عجيييييبه ......بس الاخوان ياسر وابوبكر ليه الزعل واتحسستوا مالكم تاني شي نهله كتبت من البدايه من دون زعل وهي ماول ولا اخر زول قالت نكات في الشوايقه او مهما كانت القبيله ...فرجاء ياجماعه مافي زول يتحسس ومااعتقد انو نهله غلطت على زول ..انا عن نفسي قبل كدا كاتب لي كمية نكت شي شايقي وشي جعلي وشي عرب وشي جنوبين ماخليت زول ..وفي النهايه المقصده من النكت مش التقليل من قيمه الزول او القبيله بس حاجه فكاهيه لااكثر ....ويدك العافيه يانهله وكتري منهم ...وانا راجع ليك تاني

[نزار حسن محمد]

Quote=رهيب]كـــــلــــمـــــات تـــقـــتـــل كـــــمـــا يـــقـــتـــل الــــرصــــــاص ))

الكـلـمـة الــتــي تـنـطـلـق مــــن أفـواهـنــا ....


أحـيـانــاً تـقـتــل كــمــا تـقـتــل الـرصــاصــة
المـنـطـلـقـة مـــــن فـــوهـــة مـــســـدس .....

هــل نفـكـر قـبــل أن نـتـحـدث مـــع الاخـريــن ؟؟
هـل ننتقـي كلماتنـا باهتمـام عندمـا نكـتـب للآخـريـن...
عندمـا نعاتبهـم ... عندمـا نحبهـم ... عندمـا نحتـج عليـهـم

الكلمة سلاح خطير يجب ان نتعامـل معهـا بكـل عنايـه وحـذر
حـــتـــى لانــقــتــل أحـــــــداً مـــــــا ....
أو تتسـب لـه بضـرر بالـغ او أعـاقـه نفسـيـه مزمـنـه ....

هل لنـا ان نتحكـم ونراقـب مسدسـات أفواهنـا و اقلامنـا ...
حتى لا تنطلق منها كلمه قاتله وان لم تقتل فلابد ان تجرح بعمق ..

كم يقتل الصمت فينا من أشياء ولكن ما يقتله الكـلام أكثـر ....

كــم مـــن كـلـمـه قـالــت لصاحـبـهـا دعـنــي ...

لـن نخسـر شيئـاً حيـن نقـول كلمـه جميلـه ونخسـر كثيـراً
حين تفلـت منـا كلمـه جارحـه تحطـم قلـب وتـؤذي نفـس
وتــتـــرك بـصــمــه مـؤلــمــه بـالــذاكــرة ..
ومـخــزون قـاســي مـــن الـذكـريـات الحـزيـنـة ..

نخسر انسان ربما لن تعوضه لنـا الحيـاة فـي الايـام القادمـة ..
نخـسـر قـلـب ربـمـا لــن نـجـد مثـلـه فيـمـا بـعـد ..
نخسر راحة ضميرنا وراحـة أنفسنـا و الكثيـر مـن حسناتنـا ..

هل نعيد صياغة القديـم ونحـاول فهـم معانيـه مـن جديـد ...
هــل نتمـهـل قـبـل الـشــروع بالـقـتـل بكلمـاتـنـا .. ؟
هــل نتمـهـل قـبـل أن نشـهـر سـيــوف حـروفـنـا ..؟
هـل ممكـن ذلــك قـبـل أن نـحـدث ثقـبـاً بـالـروح .. ؟

ودمتـــــــــــــــم احبتـــــــــــــــــــــي ,,,,,,,[/quote]

اخوانى لكم ودى .. وجدته هذا الموضوع خير رد على الموضوع اعلاه وعلى ردود المشاركين

[أبوبكرحامد]

هههههههههههههه حلوه يانهله عجيييييبه ......بس الاخوان ياسر وابوبكر ليه الزعل واتحسستوا مالكم تاني شي نهله كتبت من البدايه من دون زعل وهي ماول ولا اخر زول قالت نكات في الشوايقه او مهما كانت القبيله ...فرجاء ياجماعه مافي زول يتحسس ومااعتقد انو نهله غلطت على زول ..انا عن نفسي قبل كدا كاتب لي كمية نكت شي شايقي وشي جعلي وشي عرب وشي جنوبين ماخليت زول ..وفي النهايه المقصده من النكت مش التقليل من قيمه الزول او القبيله بس حاجه فكاهيه لااكثر ....ويدك العافيه يانهله وكتري منهم ...وانا راجع ليك تاني

الأخ حسون : لست غاضباً من أحد ، ولكنى سجلت اعتراضى انتصاراً لقيم الإلفة والمحبة التى زينت نسيج مجتمعنا السودانى .
نحن هنا نختلف بكل الحب ونتناقش فى اطار البيت الواحد وبشكل ديمقراطى لايحجر على رأى أحد ، وبالمنتدى قوانين تمنع تحقير الناس بسبب الجنس أو العرق أو الدين ، كما أن الموقف الرافض للإساءة لأى مجموعات بشرية هو موقف موضوعى ، وليس موقفاً من مشاركات الأخت نهلة التى تشهد لها ساحات المنتدى الكثير من المشاركات الجيدة والمتميزة .
ولعل الظرف السياسى الذى تشهده بلادنا ، والكثير من المجموعات القبلية التى لجأت للسلاح لإنصافها من المظالم التاريخية التى لحقت بهم ، لعل ذلك كله يجعلنا نحرص على نبذ كل مايفرقنا ولو أتى عن طريق مزحة بريئة قصد منها الإضحاك المجرد .
أرجو أن يكون ماسبق قد أزال بعض اللبس ، ومؤكد تقديرى لنهلة وياسر ونزار وحسون.

[امل حياتى]

هههههههههههههههههههههههههههههههههههههههههههههههههه هههههههههههههههههههههههههههههههههههههه
والله انت عسل عديل كدة والله موتينى من الضحك اختى نهلة يعطيك الف عافية

[خالد عبدالماجد]

رغم احترامي الشديد لوجهة نظر الأخ ياسر والأستاذ أبوبكر الذان أحسا بشئ لم يرضهم في مشاركة الأخت نهلة إلا أنى أعتقد أنها لم تقصد أبداً التقليل من شأن قبيلة الشايقية وأنما هي أستمرت في نهج دأبنا نحن كسودانيون على سماعة ومنذ ان وعينا في هذه الأرض نسمع النكات تروى عن الجعليين والشايقية والرباطاب والفلاتة والدينكا على سبيل المزاح البرئ الذي لايكون القصد منه التقليل من شأن القبيلة أو تحقيرها ...
أشكر للأستاذ أبوبكر توضيحه الأخير لمارمى إليه وتأكيده عدم وجود جفوة فمثل هذه المناقشات صراحة تجر عادة إلى صراعات غير محمودة فأتمنى أن يتجاوز الأخوة هذا الأمر حتى لانعود إلى المربع الأول الذي أقعدنا كثير ومازال السودان يعاني منه وهو مربع القبيلة وأحساس الإنتماء لها أكثر من الوطن فكلنا هنا أبناء وطن واحد جعلييين وشوايقه وشكرية مايمس أي قبيلة فيه يمسنا جميعاً ومايسئ إليها يسئ لنا جميعاً ...
الموضوع صراحة لايستحق هذه الحساسية ...
والله من وراء القصد ...

[نور العيون]

يا جماعه الوضوع د ما محتاج كل الحساسيه دي أنا زات نفسي ما اتحسست لأني أمي شايقيه و أبوي جعلي و كتير أبوي بيشاغل أمي و من ضمن المشاغلات مره قاليها
مره في جعلي وقع في البير و لمن طلع لقى الزول الطلعو مشلخ شايقي قام قاليهو فك فك ماباقي كمان غير مايطلعني شايقي
و في كمان مقوله متداوله بيقولوا فيها لو لقيت الشايقي و لقيت الدابي ( أي الثعبان) أقتل الشايقي و خلي الدابي
فالموضوع ما داير كل الحساسيه يا أخ ياسر و يا أخ أبو كر

[ناصر الباشا]

ياسر الحكمي

ابو بكر حامد

الاخوة الاعزاء هنا

احيكم جميعاً و مداخلتي تلك قد لا ترضي الكثيرين هنا ، و لكن فلنكن اخوة دون عنصرة المفردات

و نستخدم تلك المساحة النقية للتهكم و السخرية ، الاخت نهلة حيدر و ما ذكره الاخوة ياسر الحكمي

و الاستاذ ابو بكر حامد اخطأت بتخصيص اسم قبيلة بعينها ، و ما اعلمه ان منتديات ود مدني لم

يحدث فيها طوال فترة تواجدنا بمساحاتها الرحيبة ما يخدش جدار الاخوة المنيع الذي يتمتع به

هذا المنتدى عن سائر المنتديات السودانية على نطاق شبكة النت العريضة ، و حتى ان ابتدرت مشاركتها

بكلمات العذر الافتتاحية ، كان الاجدر بها ان تجعل المساحة مفتوحة لكل طرفة او نكتة دون تحديد او تمييز

و اشكر جداً اخي ياسر الحكمي على تلك الشجاعة التي تناول بها الموضوع ، و كثير الثناء لاستاذنا ابوبكر

على الموضوعية التي تميز بها دوماً ، و جزيل الثناء لكل الاخوة نزار و حسون و نهلة حيدر و كل من يرسم

هنا لوحة او حرفاً او معلومة نستفيد منها ،

[مصباحيه]

اعزائى والله العظيم ما قصته حاجه من الحاجات الاختوا بيها المعنى ده وبالمناسبه مناسبة الحاجه دى عندى صديقتى اعز صديقه عندى درسنا سوى من الروضه وحتى الثانوى وافترقنا فى الجامعة وتانى اتلاقينا هى شايقيه وكانت معاى ووصلتنى النكته دى فى جوالى وحكيتها ليها وبعدين قمنا سوى كتبناها فى المنتدى ابدا ما قصته حاجه من وراها ما تزعلوا كل حاجه ولا زعلكم منى اخى ياسر واخى ابوبكر لكم العتبى حتى ترضوا لكم كل اسفى واعتزارى واخى ناصر ليه اختها بالمعنى ده انت هل النكته دى انا الفتها من عندى لو ده حصل ازعلوا ولكنها مداوله ليها زمن ليه زعلتوا منى انا على العموم لو ما عرفته انكم سامحتونى تانى ما حاشارك باى شى ارجو الرد على استفسارى لاتمكن من المشاركه
والله العظيم ما قصته حاجه ولا فى يوم من الايام حاقصد انى اهين زول او حتى ازعلوا منى نهائى حتى ولو اتخليت عن حياتى فما بالك بمشاركه فى منتدى

[مصباحيه]

اشكرك اخى ابوبكر عن كلامك عنى لكن بالجد لما دخلته الموضوع وقريتوا اتفاجأته لانى ابدا ما قصته الشى الفهمتوه ده مستحيل افكر بمنطق زى ده معليش ارجو مسح المشاركه لو امكن لكن ما عارفه حتى اقول شنو فعزرا لاخوانى الشوايقه ونحن مناسبنهم وصاحباتى كلهم شايقيات وزى ما قلته ليكم فى انتظار ردكم على الاستفسار على احر من الجمر

[خالد هاشم علي]

في رأئيي الموضوع أخذ أكثر مما يستحق وهاهي الأخت نهلة تعتذر مع علمنا جميعا أنها لم تكن تقصد سوءاً من البداية لذلك ياأحبتي فلنفترض حسن النية في بعضنا البعض لأننا في بيت واحد وكيان واحد.
كل المني أن يكون إعتذار الأخت نهلة قد حسم الموضوع .... ويانهلة زي ماقال ليك أبو بكر البيت بيتك ومشاركاتك فاكهة للمنتديات فلا عدمناك....

[ابراهيم]

السلام عليكم كلكم
ومع احترامي لآراء الجميع

لكن يا جماعة ما أول مرة نسمع اونقول نكت عن الشوايقة ، الدناقلة ، الدينكا ، أدروب ، غرابة أو عموم السودانيين

انا شايف دة موضوع عادي وبسيط للمرح والفرفشة ما اكتر والمفروض نتقبلو ببساطة وطيب خاطر بدون اثارة وتحجيم

مع تقديري

[تاكابي]

اهلي واحبائي ابناء مدني الرائعين

اولا الواحد ليهو يومين مسجل معاكم ومنتظر ترحيبكم لكن باين خاتني مخفي حتي اثبت حسن النوايا،
عموماً انا سعيد بوجودي معاكم وده مابغير شي ..

ثانياً اسمحولي ادلو بدلوي في هذه الموضوع ..

منذ القدم ونحن نسمع هذه النكات وهذه التعليقات سواءً كانت قبليه او غير ذلك وانا اكاتبكم وانا ابنٌ
من ابناء الشرق وكثيراً مانسمع نكات عن ادروب وعن غيره ولكن لم تعني لي اكثر من نكته قيلت من
اجل الترفيه والخروج عن حالات الكآبه والحزن والملل الذي ينتاب الانسان .. ونحن نعيش في زمن لابد لنا
ان نتخلص فيه من رواسب الماضي من النعرات القبليه وتأثيرها في النسيج القومي للبناء السوداني .
وكما ذكر الاخوة نحن في زمنٍ نحتاج فيه ان نكون اكثر ترابطاً واكثر تقبلاً للاخر منا ونبذ النعرات القبليه،
واري ان تناول الموضوع بحساسيه لايختلف عن تناوله بمفهوم النعرة القبليه ..فاذا اخطأت الاخت نهلة في
نظر البعض فلم يختلف عنها المعترضون في تناولهم بحساسية لهذا الموضوع وهو معالجة النعرة بنعرة
مقابلة وهذا مانرفضه ...

اخرجونا من هذا الركن القبلي ودعونا نعيش بحسن النوايا فنحن اسر واحدة والبيت بيتنا وكل مايمس ادروب
يمس مناوي ومايمس جون بالتأكيد يمس حاج حمد ..,


احي الاخت نهلة لتفهم وجهات نظر الاخرين والاعتذار الذي هو سمة حضاريه تشكر عليها .. رغم قناعتي
بتناولها النكات من باب الدعابه ليس الا ..

وكلنا في السودان اخوة ..


تاكابي

[راشد خضر]

آمل أن تكون آخر مشاركة مشاركتي هذة ، ووددتُ ابداء وجهة نظري : ـ
الأخت نهلة أعتقد طرقت باب الشايقية لحبها لهم . وقد شاهدنا وسمعنا الكم الهائل من النكات التي يطلقها سكان القاهرة علي الصعيد
مع العلم أنهم أفضل سكان مصر ، لما اتصفوا به من شجاعة وكرم ودفاع عن الشرف .. أُمال ايييه أبآآآآآآآآآآآآآآآآآآآآآآي .
وأنا يا ناس رباطابي ولطالما تحدث الناس عن مساختنا وقلدوا لهجتنا ولكن عادي جدا . . هكذا شعبنا يحب الضحك والفرفشة
وكلكم قلوبكم بيـــــــــــــــــــــــــضاء انشاء الله .

[sambaaa]

الأخت العزيزة / نهلة ..
الأخوان الأعزاء ..

الكثير منا كان يتابع بكل إهتمام كل التعليقات والمداخلات في هذا البوست
وقد ظهر جلياً أن هناك حقيقة إنبثقت كخاتمة تثبت أن إختلاف الأرأء لم يفسد للود قضية
وقد كانت الأخت الرائعة / نهلة عظيمة جدا في توضيحها وإعتزارها ..
كما أشيد بالروح الحوارية للموضوع والجوانب الإيجابية للتطرق لمثل هذه المواضيع التي تدعم تأطير اواصر الصلة بيننا ..
هذا جانب والجانب الآخر والأهم هو فتح الباب لتناول قضايا هامة جدا ومؤثرة للفهم العام لبعض الظواهر الاجتماعية ..
لكم كل الشكر يا صحاب وكلي أمل في إستمرارية الحوار الهادف من اجل توضيح كيفية تناولنا لمثل هذه القضايا ..
وعلى اصحاب الرأي توضيح كيف يمكننا تهذيب الفكاهة والنكتة الإجتماعية في ظل واقع يؤكد ضرورة ذلك ..
ووافر شكري لكم ،،.

[الزبير محمد عبدالفضيل]

الاخت نهله حبت تدخل علي النتدي البسمه والضحك والطرفه السودانيه ومن هنا اقول لكم جميعا نحن شعب يحب النكته

ويحب الدعابه حتي نكون جميعا مبتسمين وبعدين عن السخريه


وتحياتي الي الاخت نهله

[أبوبكرحامد]

اشكرك اخى ابوبكر عن كلامك عنى لكن بالجد لما دخلته الموضوع وقريتوا اتفاجأته لانى ابدا ما قصته الشى الفهمتوه ده مستحيل افكر بمنطق زى ده معليش ارجو مسح المشاركه لو امكن لكن ما عارفه حتى اقول شنو فعزرا لاخوانى الشوايقه ونحن مناسبنهم وصاحباتى كلهم شايقيات وزى ما قلته ليكم فى انتظار ردكم على الاستفسار على احر من الجمر

الأخت العزيزة جداً نهلة حيدر ... لك التحية على احساسك النبيل تجاه المنتدى وتجاه مشاعر الآخرين ، ولعل هذا يجعلنا نتمسك بوجودك بالمنتدى أكثر من أى وقت مضى ، وأود التأكيد أن لاداعى أبداً للإعتذار لأننا أسرة واحدة ونتناصح بيننا ونتواصى بالحق ولما فيه خير المنتدى ، كما أؤكد معارضتى لحذف المشاركة ، لأن ذلك يتعارض مع النهج الديمقراطى فى الحوار الذى ينبغى أن يحمل كلا الرأيين .
ختاماً أهديك وكل الأعزاء المتداخلين فى هذا البوست مقاطع من أغنية طمبور زانها صوت المبدعة حنان النيل :
يللا نسافر فوق الكلمة نشيل الزاد احلام وردية
أغنية فيها تلاتة مقاطع
مقطع شال لون الدوبيت
ومقطع شال نَفَس الجرّارى
ومقطع طالع من قمرية
.................................................. ..
هيا نتغنى ونطمبر بين الجروف وعلى أنغام السواقى - شكراً لك نهلة حيدر ولكل منتمى لوطن الجدود.

[أبوبكرحامد]

اهلي واحبائي ابناء مدني الرائعين

اولا الواحد ليهو يومين مسجل معاكم ومنتظر ترحيبكم لكن باين خاتني مخفي حتي اثبت حسن النوايا،
عموماً انا سعيد بوجودي معاكم وده مابغير شي ..

احي الاخت نهلة لتفهم وجهات نظر الاخرين والاعتذار الذي هو سمة حضاريه تشكر عليها .. رغم قناعتي
بتناولها النكات من باب الدعابه ليس الا ..

وكلنا في السودان اخوة ..


تاكابي
أهلاً وسهلاً ومرحباً بك أخى تاكابى ، والتحية عبرك لكسلا - جنة الإشراق ، سعداء بوجودك بيننا ، ومؤكد أن اختلاف وجهات النظر لايفسد للود قضية مادام ملتزماً الموضوعية ومحترماً لوجهة النظر المخالفة فى الرأى ، وهذا مانسعى لترسيخه بمنتديات ودمدنى ، ومعك وعبرك نحيى نهلة حيدر تلكم الصوفية المتبتلة فى محراب مدنى .

[فتحي همام]

ياجماعة روقوا المنقة شوية البنية جننتوها وخلعتوها وحملتوا سطورها معاني أكبر مما قصدت وطيرتوا ليها البوست من راسها
يا نهلة تاني لمن تجي تحكي نكتة عن شايقي قولي (واحد كان زمان شايقي ) ) :D :D :D :D :D

[أبوبكرحامد]

ياجماعة روقوا المنقة شوية البنية جننتوها وخلعتوها وحملتوا سطورها معاني أكبر مما قصدت وطيرتوا ليها البوست من راسها
يا نهلة تاني لمن تجي تحكي نكتة عن شايقي قولي (واحد كان زمان شايقي ) ) :D :D :D :D :D
أضبط !!!! فتحى همّام بيننا بعد طول انقطاع ، لك التحية فتحى ولزميلى بمدنى الثانوية الإعلامى البارز عماد الدين بدرى همّام.

[مصباحيه]

اشكركم اعزائى انكم اتفهمتوا المقصود من المشاركه
واشكر جدا الاخ فتحى والله بعد مشاركتك انبسطه من جوه قلبى الله يديك العافيه لكن بالجد بالرغم من انى ما معترضه على النقاش الدار فى الموضوع وبحب النقد لكن ده ما اخد نقد بالمعنى المفهوم عندنا -لكن بقول انكم خليتونى اعمل الف حساب قبل ما ابادر باى مشاركه - ما قادره اكتب لانى لمن اكتب عادة شى بكتبوا للموقف او المناسبه او الشى القريتوا قدامى بدون لف ودوران ولا تنميق للكلام لكن بعد ده بحاول اشوف الكلام فى راسى قبل كتابتوا علشان ما يتكرر الحصل

والله يدى العافيه

[Jamal Elmahi]

كر عليّ يا نهله ...أخوانك زودوها حبتين...وما تتحسسي يابت أمي...أصلهم روحم محرقاهم وشالوها فيك ...لكن بيني وبينك دي ريده ساي...ذي ريده الطرده ...بتعرفي الطرده يعني شنو...؟ كر عليّ أنا ما كنته قايلك حنكوشه...الطرده يابت أمي يعني الاخو والاخت البلدوهم وري بعض...ريدتم كلها مناقره...ريده شديده ...ريدة الحمام لوليدا...وأحلي ما فيها مشاكلا....وألاحلي كمان نكات الشوايقه والرباطاب واهلنا ناس أدروب...النبي فيك كان ما قلتي لينا نكته عن الرباطاب...بس يعتّر ليك كدا كان ماقلتيها....

ود الماحي

[مصباحيه]

اخى جمال بصراحه مربياك حبوبتك بس اوعه من الزعل لانو لو زعلته تانى ولا بدخل المنتدى
لانو ناس المنتدى بقوا قاعدين على الهبشه بس الزول ما يقول حاجه يقيفوا ليه فى حلقوموا ويبلعوا كلامه والله عمله معاى بمبى

[ناصر الباشا]

الاخت نهلة حيدر

كان القصد من التعقيب حسب فهمي المتواضع ، هو عتاب اخوي لا نقصد به قطعاً ان لا نرى القك هنا وحينما جئنـــــــا

للمشاركة في هذا الموضوع كان القصد من مداخلتي و كل الاخوة ان لا ينفرط عقد الاخوة بيننا بسبب سؤ فهم للموضوع

حسب ايضاحك و جميع من سكب مداده بتلك المساحة ، و لك العتبى