المساعد الشخصي الرقمي

مشاهدة النسخة كاملة : حلمنتيش - باعوضة مارينز (خطيبة فار ابراهيم)



ناصر الباشا
15-06-2006, 06:48 AM
بــاعــوضـــة جـــــــات لــعــنــدنــا

ان شــــاء الله مـــــا تــشـــوف زيــهـــا

بـاعـوضــة ديــــك مــــا مــــن هــنـــا

باعوضـة تـوزن خمسـة طـن لـو قلـت دايـر تـوزنـا

باعوضـة مـن نوعـاً غريـب فـي حجـم بقـرة مهجـنـه

فــي يــوم غـريـب و الدنـيـا حـــر و مسـخـنـة

دقـت البـاب بتـحـدي قـالـت عـديـل قـاصـداك انــا

خليـك متعـاون مطـيـع مــا دايــرة اصــلاً عكنـنـه

يـوم الاحـد جايـاك عديـل خلـي الـجـرس و التنشـنـه

***

يـوم السبـت كـان يـوم فظيـع اصلـو كـان الدنيـا حـر

بديـت اجهـز فــي الدفـاعـات و الخـنـادق و الحـفـر

جبـت البطاطـيـن و النوامـيـس و البـنـادول و الابــر

جبت الفليت و مسيـل دمـوع و جهـزت اكتـر مـن حجـر

جاني الطنيـن بصـوت مخيـف زي التقـول بـوري القطـر

عرفـت ان الحـرب بـدت غيـر الثبـات مـا لـي مـفـر

بـدت هجومـا مـن الامـام خرطومـا بـس عشريـن متـر

بـديـت دفـاعـات الفلـيـت تنـهـال عليـهـا كالمـطـر

استنشقـت كـل الفيـلـت زي التـقـول شـمـت عـطـر

بديـت ادافــع بالحـجـار و رميـتـا بملـيـون حـجـر

صـدت حجـاري بثـبـات زي التـقـول شـاتـت كـفـر

قلـت ارتكـز جـوه الحصـون رغــم ان الدنـيـا حــر

شفت النواميس طايـرات بعيـد و رجـول سريـري بتتكسـر

جرجـرت ازيـال الهزيمـة و لملمـت جيشـي الانـدحـر

حاولت اجري و اقوم صوف مـا الحـرب فيهـا كـر و فـر

بس بالجنـاح قبضـت علـي خـلاص وقعـت فـي الاسـر

استسلمـت اديتـا الوريـد و رضيـت بمـا كتـبـو الـقـدر

بدت شرابا من الشمال و انا ريقي جفَّ و حالي اصبح في خطر

باعوضة فجأة اتهيجت و اتوقفت و شفت فـي عيونـا الشـرر

تعبت فيك من غيـر سبـب و حربـي فيـك ضاعـت هـدر

بالله بتـقـاوم لأيــه انــت دمــك شـيــن و مـــر

بـاعــوضــة قــالـــت دمـــــي مــــــر

انـــــــا دمـــــــي مــــــــر ؟؟؟؟؟؟؟؟؟

سواااح
15-06-2006, 09:50 AM
ناصر ..

احيانا مرارة الدم

يكون سببه الاصالة الجارية فيه

وانت عندي كذلك

لكن باعوضتك دي طلعت لينا من وين ؟؟

وكمان خطيبها فار ؟؟

دمـــــــــــــت ،،

اميمه عشريه
16-06-2006, 05:06 AM
حاشاك انت يا كنار من المرار
ليت شعري انت فينا حياه ودار
وبعوضه تلعب في حويشك عز النهار
قاصدانا ياخ عدييييييل قاصده يعني اطلاق نار
نقبض خطيبا .. قال كمان خطيبا فار ؟؟
كفايه انت من المواجهه خليك بعيد
انت جوكر منتدانا وانت في ليلنا الفنار
سيبا لينا في معاملنا التجارب في حوار
بنجرب فليت جديد يقتل ديناصور بالع حمار :D

فاتنة
16-06-2006, 05:20 AM
ههههههههههههههههههههه

ان شاء الله ما ينفعا و انا بكلم ليها خطيبا فار ابراهيم

ابراهيم
17-06-2006, 12:48 AM
يا ساتر استر
يا لها من بعوضة مستبدة
لعمرى انها مهجنة بغوريلات لاتينية تلكم الغوريلات ذوات العوارض
لم يكن لدى ادني شك بأن ذاك الفار الحاقد كان خطيبها ولعل وفي فعله بي انا والطريقي كان نتاج شاكوش من هذه البعوضة المستهجنة وهاهي ذي تستعرض قواها امامك فلنتحد اخي ناصر صوب جبروتهما كما اتحد العرب ضد المنتجات الدينماركية وستعاوننا أميمة عشرية بكديستها الاوتماتيك.


ابداع يا ناصر

sambaaa
20-06-2006, 07:13 PM
:D :) :D :) :D :) :D :)
http://www.9m.com/upload/21-6-2006/0.98159011859876.gif
<BGSOUND balance=0 src="http://www.nilelove.org/music/vedio/abkrona.wmv" volume=0 loop=infinite>

ناصر الباشا
21-06-2006, 02:32 AM
سواحنا يا اعظم حليف باعوضة قالت دمي مر

كل يوم قالقة المنام تطن و تشرب كم لتر

ساكت و بتفرج عليها ملت الطرابيز بالابر

و في النهاية كمان تقول انت دمك شين و مر ؟

ناصر الباشا
21-06-2006, 02:35 AM
باعوضة الليلة ما يوم تعيس و يا ويلك

جاية منتهكة الحصون بجيوشك و بخيولك

اميمة جاتك بجيوشا و شدي حليك

شوفي ليك مخبأ سريع كان تلقي ليك ارضاً تشيلك

أبوبكرحامد
21-06-2006, 02:35 AM
أمانة يالباعوضة ماك مطرطشة وغشيمة
تختارى ود الباشا ..... بى لغتو الفخيمة
عاوزة تحرمينا من اشعارو..... يالئيمة
شاحد مولاى ادقشك .......قطر كريمة
وانفرم لحمك .. ...... زى ملاح قيمة
ويوم القيامة تنشوى فى لظى وجحيما

ناصر الباشا
21-06-2006, 02:39 AM
باعوضة جاك برهوم عديل قائد جيوش حرب (الجقر)

جايك بصاروخ عنيد (بف باف) بيمسح كم متر

يخبرك من شهد الثبات يوم معركة حرب (الجقر)

برهومنا ما بعرف يفر الا شان يرجع يدمر ينتصر

ناصر الباشا
21-06-2006, 02:44 AM
سامبا جاء و باعوضة عينا ملانــــــــــــــه خـــــوف

عاملة لي فرعون عديل و لما تغضب ما بتشـــــــوف

كملت دمي القليل و الفته و الفول و الرغيـــــــــــف

و لما شافت سامبا جاء باعوضة فرت قايمه صوف

ناصر الباشا
21-06-2006, 02:56 AM
ابو بكر يا صاحبي العزيز باعوضة ما عاملاها خطه

قالت انو جد لذيذ زي ملاح شرمــــــــــــــــوط بشطه

و ذي طعم شوربة حمام مسبوك مدنكل احلى خلطه

و لما زهجت من سكوتي عامله غلطت في المحطه ؟

ناصر الباشا
21-06-2006, 02:59 AM
فاتنة يا اختي العزيزة

ان شاء دعوتك توصلا

عمار بست
21-06-2006, 11:35 PM
الغالي الباشاء البعوضة دي انت متاكد انها مخطوبة ولا دا تزوير في اورق رسمية لو كانت مخطوبة يا رب يدوها الصالح العام عشان ما تحرمنا من ارقي زول في دنيا وعشان خاطر عيوناتك يا رائع انا يوم يدوها الصالح العام واحتك وعشان نور عيوني الغالية حبيبتي ست البنات منو دي ست البنات ؟ اها يا ابراهيم انت صحي المشرف لكن خلي الشمارت اقول ليكم هي منو الله يسلمة ويبارك لي فيه .
ياربي قالت انو دمك مر عشان دم احرار ولا عشان موية النيل الروياك ؟

طارق سنهوري
29-06-2006, 11:42 AM
الاخ ناصر
الباعوضة دى شكلها اتربت فى حوش مرايس
ههههههه