الغيم والدعاش - بين الأزرق والقاش

[أبوبكرحامد]

مدينة كسلا .. تلكم المدينة الزاهية التى تخيرت من الوطن ركناً شرقيا - ظلت على الدوام ملهمةً للشعراء بسحرها وجمال إنسانها وروعته ، وقد أهدت هذا المنتدى العديد من الرائعين من أمثال : عشوشة- خالد ودكسلا - كسلاوى - تاكابى ، وغيرهم كثر ممن جملوا ساحات منتديات ودمدنى ، وقد بهرتنى وشيجة الوداد التى تربط بين مدنى وكسلا ، ترى هل هى بسبب ولاء غالبية أهلها للسادة المراغنة وطريقتهم الختمية ؟ ، هل الروعة والجمال هما القواسم المشتركة بين كلتا المدينتين ؟ أرجو أن نتداخل عبر هذا البوست للتأطير لمتانة العلاقة بين كسلا ومدنى ، وشكرى العميق للجميل خالد هاشم الذى اقترح على هذا البوست ، والتحية للأستاذ عمر غلام الله ولبوسته المخصص للتعريف بموقع منتديات كسلا الوريفة ، وللمبدع سامبا صاحب فكرة التوأمة بين كسلا ومدنى
أستميحكم عذراً سادتى لأوجه عبر هذا البوست تحايا خاصة لأصدقاء وزملاء الدراسة من أبناء كسلا : إبراهيم سليمان - الختمية ، مصطفى محمد الحسن - منظمة أكورد - السوريبة ، عبد الرحمن شاويش

[خالد عبدالماجد]

الأستاذ أبوبكر حامد
الأستاذ خالد هاشم على
كل أبناء مدني الحبيبة
لكم أعبق التحايا وأجل التقدير وأنتم تفردون هذه المساحة الرائعة
روعة النيل والسواقي للتواصل ...
دعاش رائع وتواصل قادم كنتم أنتم من أذنتم له بالفواح ليغمر طيبه كسلا ومدني ...
نأمل الكثير المثير في هذه المساحة ...
نأمل بالتواصل والتلاقي والتعارف والتآلف ...
هم هكذا أهل مدني كما العهد بهم دائما سباقين لمثل هذه المواقف ...
وإن فردتم لنا هذه المساحة فسنفرد لكم مثلها مساحات ومساحات وستجدونا حريصون كحرصكم على تقوية هذا الرابط الجميل بين هاتين المدينتين ...
لكم أجل التقدير وليكن هذا إيذانا بتحقيق الأمل المنشود ...

[هشام شيخ الدين]

التحية والتقدير لكل (مدنى) أصيل ، والتحية والتقدير لكل (كسلاوى) جميل ، والتحية تأتيكم هذه المرة من أم درمان بلد الأمان ،

أشكر القائمين على أمر هذا المنبر الموقر

وتحية خاصة لأخى وحبيبى خالد عبدالماجد الذى أتاح لى فرصة المشاركة معكم عبر منتدى كسلا ، فمن كسلا سلام مرورا بالقضارف (حيث ولدت) لتصل لضفاف الزرق الحبيب (حيث أهل زوجتى) وتستقر فى مدنى ، بلد الجمال والأدب والفن والهيام

وسنقبع هنا لنستنشق عبير القاش والنيل الأزرق ، ولنلتقى إخوة كرام من بلدين يعتبران من أجمل بلاد السودان ولا يختلف فى ذلك إثنان (كسلا ومدنى) ويا لها من خلطة

ألف ألف تحية

محبكم
هشام شيخ الدين

وفى رواية (يازولyazoalيازول) من سودانيز أون لاين

[esmat]

أنا لم أزر كسلا قط وأتمنى زيارته وزيارة هذا الجبل الذي يسحر العقل (كما قيل)
جبل توتيل:
أكثر ما يميزه بئره ، فما سر هذه البئر ذات المياه العذبة ؟

[خالد هاشم علي]

التآلف والتآخي بين بين كسلا ومدني فطري وبين إنسان كسلا وإنسان مدني برضه فطري.... لأنو في الحالتين الرابط بينهم الجمال في كل حاجة... جمال بلد وجمال ناس...
كسلا ومدني أو مدني وكسلا هم المدينتين البتلقي فيهم تعايش فطري وترابط غريب ومابتعرف جاركم جنسه شنو ولا قبيلته شنو مش عشان إنت مقصر ولا ماداير تتعرف عليهو لا أبدا لكن عشان إنت بتكتفي بي إنو جارك... وجارك في كسلا ومدني يعني أخوك... أخوك بكل ماتحمل الكلمة دي من معاني... في الفرح والترح قلوب واحدة موحدة.... وشفنا كلنا ترابط أهل كسلا في كارثة فيضان القاش ... ياسلام والله كانت ملحمة...
أنا إتعمدت وأنا في طريقي من بورتسودان إلي مدني في إجازتي الفاتت إني أدخل كسلا وأشوف القاش ده عمل فيها شنو ... مع إنو شفت في الأخبار الخراب والدمار لكن قلت أكيد في كلام كتييييييييييييييييييير لازم أسمعه من ناس كسلا ( لأنو سمح الكلام في خشيم سيدو).
المهم دخلت السوق وشفت القاش عمل شنو بي عيني .... سبحان الله كانت كارثة بمعني الكلمة لكن لقيت الناس متماسكة وصابرة ومتكاتفة ... وشفت النفير... ياسلام علي النفير... كل أولاد الفريق تلقاهم في النفير مع فلان وبعد ماينتهوا كلهم يمشوا بي ربطة المعلم لي فلان...
كنت عايز أبدل قروش سعودية وماعارف امشي وين... سألت أول واحد قابلني عن مكان أبدل فيهو القروش... الزول رفض يوصف لي لكن أصر يوصلني بي نفسو مع إنو عكس الإتجاه بتاعو...
مشي معاي السوق ولقينا صاحب المحل في الصلاة وقعدنا نتونس شوية وحكي لي عن القاش والحوادث اللي ماسمعنا بيها في وسائل الإعلام ( كالعادة) وعن البطولات وكيف كان الشباب يسبحوا حتي لو ماكانوا بعرفوا السباحة عشان ينقذوا غريق... وكيف إنتصروا علي الفيضان بكل جبروته وقوته...
المهم تعارفنا بي بعض وفي اللحظة دي وصل صاحب المحل... فقام صديقي (بقينا أصحاب في ثواني )بدور التعارف وقال لي صاحب الدكان ...( الزول ده ود خالتي من مدني عشان كده ماتقصر معاهو) صاحب الدكان حلف قبل كل حاجة لازم نتغدي ... قدر ماحاولت اتملص مافي طريقة... جابو الغداء... واتغديت معاهم ... وحسيت إني بعرفهم من زماااااااااان وحسيت بالجد إني وصلت مدني.
بقت بيناتنا معرفة وكل مرة اعدي عليهم وازورهم حتي اللحظة دي....
حكيت القصة دي عشان أأكد إنو ناس كسلا وناس مدني زي بعض في حاجات كتييييرة ويكفي إنو ناس كسلا جدهم سيدي الحسن وناس مدني جدهم الشيخ مدني السني.
مثال تاني لإنسان كسلا هو الرائع خالد عبد الماجد ( خالد كسلا) زي ماكنا بنسميهو ... تعارفنا ببعض في فريقنا حي مايو بمدني لأنو خالد كان يدرس بكلية الإقتصاد جامعة الجزيرة وكان يسكن مع قرايبو في الفريق... والله خالد دخل في اولاد الفريق بي سرعة مدهشة ومالقي أي صعوبات وبقي واحد من أولاد الفريق ( الدافوري... النفير.... الفرح..... الترح....) كل حاجة لدرجة إنو لمن تجي الإجازة وخالد كسلا يكون ماشي أهله لازم يكون معاهو نفرين تلاتة من شباب الفريق... لدرجة إنو بقينا نعرف كل أهل خالد وحتي جيرانه وبرضه هم بيعرفونا.
فياريت نستمتع بالغيم والدعاش ونفتح شرفات للتآخي و......

عشانك حبيت كسلا

[خالد عبدالماجد]

عصمت وخالد هاشم
أبناء مدني الحبيبة ..
مازرع الحب في قلوبنا لمدنى وأهلها التشابه الكبير في طريقة التعامل وأسلوب التعايش بينها وكسلا ، ففي كسلا الكل يعيش كالأسرة الواحدة داخل الأحياء وهذا الشئ هو دأب أهل مدنى ، والحنان والإلفة التي تجدها بمدنى تجعلك تحس بأنك لم تخرج أبداً عن الدائرة الجغرافية لكسلا هما مدينتان بنفس الملامح ، ولكم كنت أتمنى طوال حياتي أن ينعم أبناء كسلا بصحبة من مدنى وأن تتقوى أواصر صداقاتهم مع أولئك النفر الطيب لأحساسي الكبير بأن الطريق لهذه الصداقات ملئ بالورود ويحمل كل الطيب ....
الحبيب خالد هاضم أنسجامي الذي شهدته مع أبناء مدنى لم يكن جهداً منى ولكن أنتم من أحطتمونى بحبكم ومودتكم ولم أحس أبداً أننى أتعامل مع أناس يطلون حديثاً في حياتي ، كنتم لي خير معين وكنت أودي دوري بينكم كأحد أبناء حي مايو (40) ، وأعتز كثيراً أخي خالد بصداقاتي التي نشأتم بينكم ومعكم ...
عصمت :
أنت تعال زور كسلا واشرب من توتيل عشان تعرف سر هذا البئر رغم أني لاأعرف عنه غير انه بئر عادي داخل الجبل تتجمع به المياه نتيجه تدفقها من العيون المتفجرة من داخل الجبل وفي منطقة تعرف بتوتيل ، ويقولون أن من شرب من هذا الماء حتماً سيكون من العائدين لزيارة كسلا مرة أخرى ..
نسقيك مياه توتيل علشان تعود ليا

[أبوبكرحامد]

الأستاذ أبوبكر حامد
الأستاذ خالد هاشم على
كل أبناء مدني الحبيبة
لكم أعبق التحايا وأجل التقدير وأنتم تفردون هذه المساحة الرائعة
روعة النيل والسواقي للتواصل ...
دعاش رائع وتواصل قادم كنتم أنتم من أذنتم له بالفواح ليغمر طيبه كسلا ومدني ...
نأمل الكثير المثير في هذه المساحة ...
نأمل بالتواصل والتلاقي والتعارف والتآلف ...
هم هكذا أهل مدني كما العهد بهم دائما سباقين لمثل هذه المواقف ...
وإن فردتم لنا هذه المساحة فسنفرد لكم مثلها مساحات ومساحات وستجدونا حريصون كحرصكم على تقوية هذا الرابط الجميل بين هاتين المدينتين ...
لكم أجل التقدير وليكن هذا إيذانا بتحقيق الأمل المنشود ...
لك التحية أخى خالد ... انا هنا فقط لتحيتك ، ولى عودة عن كسلا وناس كسلا وجمال كسلا .... كاسلا كاسلا ايا آي كاسلا كاسلا

[أبوبكرحامد]

التحية والتقدير لكل (مدنى) أصيل ، والتحية والتقدير لكل (كسلاوى) جميل ، والتحية تأتيكم هذه المرة من أم درمان بلد الأمان ،

أشكر القائمين على أمر هذا المنبر الموقر

وتحية خاصة لأخى وحبيبى خالد عبدالماجد الذى أتاح لى فرصة المشاركة معكم عبر منتدى كسلا ، فمن كسلا سلام مرورا بالقضارف (حيث ولدت) لتصل لضفاف الزرق الحبيب (حيث أهل زوجتى) وتستقر فى مدنى ، بلد الجمال والأدب والفن والهيام

وسنقبع هنا لنستنشق عبير القاش والنيل الأزرق ، ولنلتقى إخوة كرام من بلدين يعتبران من أجمل بلاد السودان ولا يختلف فى ذلك إثنان (كسلا ومدنى) ويا لها من خلطة

ألف ألف تحية

محبكم
هشام شيخ الدين

وفى رواية (يازولyazoalيازول) من سودانيز أون لاين
يازول يازول ... حبابك وأهلاً بك بيننا ، التقيتك بسودانيز اون لاين ووجدتك غاية فى التهذيب والروعة ، مراحب وأنت المدناوى الأصيل " الرجل على دين زوجته - دى شعارات العولمة :D :) "

[أبوبكرحامد]

أنا لم أزر كسلا قط وأتمنى زيارته وزيارة هذا الجبل الذي يسحر العقل (كما قيل)
جبل توتيل:
أكثر ما يميزه بئره ، فما سر هذه البئر ذات المياه العذبة ؟
أرجو أن تكون رابط الجأش ومنيع القلب ، لأن كسلا تملأ الروح والفؤاد بدفقات عاطفية لايحتملها ذوى القلوب الضعيفة ، والشعور الأقسى حين تفارقها ، لاأكون مبالغاً إن قلت أن فراقها أشبه بفراق الروح للجسد " على رأى سعيد صالح : شفتنى وانا ميَّت - أجنن وانا ميِّت " :) :D

[أبوبكرحامد]

خالد هاشم ....عشقت كسلا وعشقتك هى وهذه علاقة أبدية وليس بالإمكان غير ذلك ، وهل للفراشات من ملاذ سوى ثغور الأزاهر ؟؟

[راشد خضر]

شئٌ جميل منكم هذا الترابط يا أبوبكر ..بس عايزين رتوش ولمسات لهذا البوست
ووين يا خالد الملفات الصوتية ومقاطع الفيديو وكمان المناظر الطبيعية ( شد حيلك أنت أقدم مننا ويمكن يسهل عليك هذا ) يا عجوز ! هههههههههههههههه

[هشام شيخ الدين]

شكراً جزيلاً أخى أبوبكر حامد على ردك الجميل

[أبوبكرحامد]

شئٌ جميل منكم هذا الترابط يا أبوبكر ..بس عايزين رتوش ولمسات لهذا البوست
ووين يا خالد الملفات الصوتية ومقاطع الفيديو وكمان المناظر الطبيعية ( شد حيلك أنت أقدم مننا ويمكن يسهل عليك هذا ) يا عجوز ! هههههههههههههههه
والأجمل هو مرورك ياراشد ، اتفق معك أن البوست شكلو زى بيت العزابة ، والبركة فى شبابنا ليزينوه ببعض الرتوش ، أما أنا فأحتاج لتعليم كبار فى تقنيات الكومبيوتر.

[كمال سويكت]

لكل الرائعين
أولئك الذين تتساقط كلماتهم شهداً


هى ..

أشواق بلا حدود ... وتحايا بحجم الأمل ..
لكل صاحب مفردة .. وحرف .. وكلمه
هى الأريج فى بيادر اللغه ..


من على روابيها .. وبين سواقيها
تتسلل أشعة الكلمات
تغتسل بدفق من توتيل ..
وتحمل بين جوانحها خيراً
كما القاش فى عطائه

مفردات .. هى برائحة قهوة على سفوح
التاكا ..
بجمال حسانها ..
ببشاشة إنسانها

كلها لكم .. لمنابع الروعة
والابداع ..

للتى شقت من جيوب النفس
ستر هاتيك الدواخل
الى مدنى ..

والعشق جميل

يا أحبة الحرف .. والسعد

... والنقاء


وما بين الأزرق والقاش
هى أشواق وهمس نسيم
ماش ..



********************************
ومع كل أشواق الوجود ينتظركم قلبى

[كمال سويكت]

لكل الرائعين
أولئك الذين تتساقط كلماتهم شهداً


هى ..

أشواق بلا حدود ... وتحايا بحجم الأمل ..
لكل صاحب مفردة .. ورحف .. وكلمات
هى الأريج فى بيادر اللغه ..


من على روابيها .. وبين سواقيها
تتسلل أشعة الكلمات
تغتسل بدفق من توتيل ..
وتحمل بين جوانحها خيراً
كما القاش فى عطائه

مفردات .. هى برائحة قهوة على سفوح
التاكا ..
بجمال حسانها ..
ببشاشة إنسانها

كلها لكم .. لمنابع الروعة
والابداع ..

للتى شقت من جيوب النفس
ستر هاتيك الدواخل
الى مدنى ..

والعشق جميل

يا أحبة الحرف .. والسعد

... والنقاء


وما بين الأزرق والقاش
هى أشواق وهمس نسيم
ماش .




*******************************
مع أشواق الوجود ... ينتظركم قلبى

[عزيز عيسى]

والأجمل هو مرورك ياراشد ، اتفق معك أن البوست شكلو زى بيت العزابة ، والبركة فى شبابنا ليزينوه ببعض الرتوش ، أما أنا فأحتاج لتعليم كبار فى تقنيات الكومبيوتر.
أها يا ودالمأذون أنحنا الشباب جينا نزين البوست..
والله من زمان نفسي أزور كسلا وأشرب من موية توتيل..
وأزور ضريح الشيخ الحسن.
لأني دائما بسمع عن أهل كسلا بأنهم راقين في تعاملهم مع الناس
ويتميزون بالطيبة والمعشر وحسن الضيافة للزائر
وتنافسهم بالحفاوة بالضيف لإكرامه.
والله ناس زي ديل ما ساهلين.

كسلا أشرقت بها شمس وجدي
فهي بالحق جنة الأشراق

مين علمك يا فراش
تعبد عيون القاش
الخضرة في الضفة
وهمس النسيم الماش

على حمرة الوردة
وحب الندى الرقاش

وحبيت عشانك كسلا

نضر الله وجه ذاك الساقي
انه بالرحيق حل وثاقي
فتراءى الجمال مزدوج الاشراق
يسبي معدد الآفاق
كان صبحا طلق المحيا
نديا اذ حللنا حديقة العشاق
نغم الساقيات حرك أشجاني
وهاج الأسى أنين السواقي
بين صب في حبه متلاش
ومحب مستغرق في عناق
وتلاقت في حلبة الرقص أيد وخدود
والتف ساق بساق
فضللنا والظل والطل هام
في انسجام وبهجة واتساق

وصف في منتهى الروعة..

أهل الشرق لكم مني أطيب التحايا القلبية يا أجمل ناس.

[أبوبكرحامد]

لكل الرائعين
أولئك الذين تتساقط كلماتهم شهداً


هى ..

أشواق بلا حدود ... وتحايا بحجم الأمل ..
لكل صاحب مفردة .. ورحف .. وكلمات
هى الأريج فى بيادر اللغه ..


من على روابيها .. وبين سواقيها
تتسلل أشعة الكلمات
تغتسل بدفق من توتيل ..
وتحمل بين جوانحها خيراً
كما القاش فى عطائه

مفردات .. هى برائحة قهوة على سفوح
التاكا ..
بجمال حسانها ..
ببشاشة إنسانها

كلها لكم .. لمنابع الروعة
والابداع ..

للتى شقت من جيوب النفس
ستر هاتيك الدواخل
الى مدنى ..

والعشق جميل

يا أحبة الحرف .. والسعد

... والنقاء


وما بين الأزرق والقاش
هى أشواق وهمس نسيم
ماش .




*******************************
مع أشواق الوجود ... ينتظركم قلبى
ياسيدى .... ألجمتَ أحرفى ومفرداتى ، فعفواً إن أشبهَتِ الصهيل الآتى من شمبوب ، وكلى ثقة أن مروره بالجبال سيدوزنه لحناً شجياً للعشق وحلو الوصال.

[أبوبكرحامد]

والله من زمان نفسي أزور كسلا وأشرب من موية توتيل..
وأزور ضريح الشيخ الحسن.
لأني دائما بسمع عن أهل كسلا بأنهم راقين في تعاملهم مع الناس
ويتميزون بالطيبة والمعشر وحسن الضيافة للزائر
وتنافسهم بالحفاوة بالضيف لإكرامه.
والله ناس زي ديل ما ساهلين.

.
صدَقتَ ياعزيز ، فإنسان كسلا مميز ببشاشته وعفويته ، هم والروعة صنوان .
فقط أنوه أن الضريح هو ضريح سيدى الحسن وشتان بينه وبين الشيخ حسن ، حين تدلف للضريح تتملكك سكينة وطمأنينة واحساس بالراحة وأنت تتجول بين مراقد السادة المراغنة ، وبجوارك توتيل بسحره وبهاءه ، إنها عوالم من الروعة والمزاوجة بين الدين والدنيا أسهمت فى تشكيل إنسان كسلا

[الزبير محمد عبدالفضيل]

التآلف والتآخي بين بين كسلا ومدني فطري وبين إنسان كسلا وإنسان مدني برضه فطري.... لأنو في الحالتين الرابط بينهم الجمال في كل حاجة... جمال بلد وجمال ناس...
كسلا ومدني أو مدني وكسلا هم المدينتين البتلقي فيهم تعايش فطري وترابط غريب ومابتعرف جاركم جنسه شنو ولا قبيلته شنو مش عشان إنت مقصر ولا ماداير تتعرف عليهو لا أبدا لكن عشان إنت

[zoolfrda]

كل الود والتحايا العطره لأبناء كسلا الطيبين
http://www.asmilies.com/smiliespic/FAWASEL/006.GIF (http://www.asmilies.com)
وإن شاء الله يطيب لكم المقام وسط إخوانكم وأحبائكم المدنيين
http://www.asmilies.com/smiliespic/FAWASEL/006.GIF (http://www.asmilies.com)
http://www.asmilies.com/smiliespic/ar_welcome/10.gif (http://www.asmilies.com)

[أبوبكرحامد]

كسلا ومدني أو مدني وكسلا هم المدينتين البتلقي فيهم تعايش فطري وترابط غريب ومابتعرف جاركم جنسه شنو ولا قبيلته شنو مش عشان إنت مقصر ولا ماداير تتعرف عليهو
لك التحية أخى السفير وقد قلت ماقل ودل ، وحقاً سر الروعة فى كسلا ومدنى يكمن فى انصهار مجموعاتها البشرية فى بوتقة الوطن الواحد بلا تمييز أو انحياز لقبيلة

[أبوبكرحامد]

كل الود والتحايا العطره لأبناء كسلا الطيبين

وإن شاء الله يطيب لكم المقام وسط إخوانكم وأحبائكم المدنيين





تسلم يافرده على ترحيبك بإخوتنا فى الإبداع أبناء توتيل - والجبل نعسان خدارو " بالله فى توصيف أحلى من كده؟ "

[خالد عبدالماجد]

هما مديتنان عشقناهما حد الأرتواء مدنى وكسلا
عنوان كبير للجمال ومنبع للألق والإخضرار ...
مدنى بإناسها الذين أخجلتنا كلماتهم المعبرة وأسعدنا إحتفائهم
وإحتوائهم وإلفتهم ..
وكسلا التي سنبقى علىهواها ...
كلماتكم عن كسلا وجمالها تدغدغ في حنايا الروح
وتسعد أبنائها الذين هاموا بها حباً وكما يقال
لكل إناس مدينة يعيشون فيها ولكن لأهل كسلا مدينة تعيش فيهم
لكم ياأبناء الجزيرة منبع التفرد مساحات من الحب المتعاظم ولكم آيات الشكر الجزيل ...

[كسلاوي]

أستاذنا أبو بكر
وكل " المدنيين" الرائعين

هي مدني كما عهدناها هنا نفسها "مدني"

الطيبة والحفاوة والمعدن الأصيل

عشقت مدني عشقاً جعلني أجعلها محطة من محطاتي كلما عبرت إلى الخرطوم المدينة العجوز

طيلة أيام الدراسة فكانت المحطة ذهاباً وإياباً

تجولت في أحيائها وأسواقها وبرها وبحرها وحدائقها الغناء

مدني السني القبة بانت النصر الدباغة مارنجان المدنيين جزيرة الفيل والسكة حديد وكل أزقة وساحات ومحطات ودمدني

ومنبر الإشعاع الإعدادية والنشيشيبة لي معها ذكريات

وحنتوب منبع العلم ورحم الأفذاذ

عشقت نيل مدني في ضفتيه

كل "مدني" عرفته كان بحق "مدنياً" رائعاً مثقفاً شهماً

إن قلت أن مدني وكسلا سيَان فأكون قد أجحفت في حق ودمدني

أنا " كسلاوي" حتى النخاع ومدني بالعشق والهوى

عشقي لمدني لأنها تجسد لي "ثغر" كسلا الباسم وأياديها البضة

أواه يا كسلا
أواه يا مدني
لكم التحية
أحبتي
كل الحروف تعجز عن هذا التواصل
من منتديات ودمدني

والله يا ناس ود مدني كا جيتو كسلا نلاقيكم بره بطبولنا ونحاسنا
باسم الوريفة
أشكر كل من سطر حرفاً في هذا البوست
أبوبكر والمجموعة " المدنية"
وخالد عبد الماجد " كسلاوي" والمجموعة الكسلاوية

التحية لأهل مدني ومحبي مدني
ولكم ودي

عبد المتعال / كسلا

[أبوبكرحامد]

مرحباً بك كسلاوى ... سعداء بإطلالتك البهية ، مدنى وكسلا وكل ربوع بلادى هى مواقيتُ للعشق والوجد .

[114]

يا أبا بكر
ناس كسلا ما خلو لينا حاجة نقولها !!!

خلونا فاتحين خشومنا ونعاين بس!!

[أبوبكرحامد]

يا أبا بكر
ناس كسلا ما خلو لينا حاجة نقولها !!!

خلونا فاتحين خشومنا ونعاين بس!!
هى أخى عمر ذات الدهشة التى ألجمت أمير الشعراء أحمد شوقى حين أنشد قائلاً:
وتَعَطَّلَت لُغة الكلامِ وخاطبت ......... عيناى فى لغةِ الهوى عيناكِ

[خالد عبدالماجد]

الأستاذان عمر وودالماذون
رغم أنكم ماخليتو شئ ماقلتوه .. إلا أن ترحيبكم بنا يكفينا
كدي ياودالمأذون أحكى لينا شوية عن كسلا وزياراتك ليها والعجبك فيها شنو والماعجبك شنو ؟

[114]

والماعجبك شنو ؟


يا خالد ود كسلا، الجملة الفاتت دي مافي ليها داعي!!! هو معقول يكون في حاجة ما عجبتو في كسلا؟!!!

وترحيبنا بيكم ترحيب بسيد الدار لمن يغيب عنها ويرجع ليها تاني..

وفعلاً يا أبا بكر، وخلاصتها: ناس كسلا ناس طيبين كما تغنى بها الشعراء

[خالد عبدالماجد]

أستاذ عمر
الله يجبر بخاطرك يااستاذ وأتمنى أن يجد كل قادم إلى كسلا مايريح نفسه وروحه ..

[الميرغنابي]

خالد ود كسلا
والجماعة الركبو معانا ماشين كسلا
لكم سلامي واحترامي
خلودي
انت الناس ديل.. بتسألهم ليه قبل ما تفسحهم في كسلا ؟
كدي اولاقبل كل شئ ..
امشي بيهم في ضريح سيدي الحسن الكراعو راسية في الختمية
والعصاري امشي بيهم تجاه جبل توتيل واستراحات الجيل
واسقيهم من ( بئر العافية ) جك موية ..
وبعد المغرب امشي بيهم قاعة عثمان دقنه
او منتجع ساهرون -- او منتزه الشرق العائلي
وفي اليوم الثاني انزل معاهم السوق واسيقهم فنجان جبنه في مقهي الرياضين
اومقهي اولاد شرفي ..
والعصرية وديهم استاد كسلا شان يستمتعوا بالمباراة النهائية بين التاكا والميرغني
وبعدالعشا وديهم مسرح تاجوج ..
وفي اليوم الثالث اعزمهم قيلا في السواقيي واتمشي معاهم في ضفاف القاش
بعدا ك قول ليهم شنو العجبكم في كسلا..؟
معلوم .. ياصديق .
بعد تسقيهم المويه .. براهم بيجوا..
لك احترامي...

[114]

وبعد المغرب امشي بيهم قاعة عثمان دقنه
او منتجع ساهرون -- او منتزه الشرق العائلي

دي جديدة عليّ، زمان ما كان فيه لما زرنا كسلا آخر مره (سنة 1992م)، أكيد حاجات حلوه وزاهية من (بتوع اليومين دول)!!


اومقهي اولاد شرفي ..
يبدو لي دي قهوة زميل دراستي بالمغرب كمال شرفي، ومشهوره حاجاتهم بأولاد شرفي..



بعد تسقيهم المويه .. براهم بيجوا..

ولو ما سقيتونا المويه برضو حنجي تاني، مش المويه الحاتجيبنا، طيبة ناس كسلا هي الحاتجيبنا، وكرم اهل كسلا الزائد حيجيبنا، وخضرة ضفاف القاش، وجناين السواقي، والميرغنابي، وخالد ود كسلا، وكسلاوي، ديل الحايجيبونا..
وكسلا أشرقت بها شمس وجدي * فهي بالحق جنة الإشراق..

[الميرغنابي]

العمدة الرائع / عمر
والبورداب الكرام
تحية بشوق مروية
بطيبة اهل مدني مطليه
قاعة عثمان دقنه
هي قاعة مجهزة للاحتفالات والليالي الشعرية
وفيها سينما فخمة جداً
تم افتتاحها في اواخر عام 1995م
تقع شرق كبري القاش
امام نادي الميرغني الجديد
علي ضفاف القاش وكانت تسمي زمان ( كازينو النفيرا )
وعبرك التحية
لكل ابناء عمنا شرفي فهم من معالم مدينة كسلا
اما ساهرون عبارة عن فندق في شكل فلل
فيه مسرح كبير وشقق مفروشة للعرسان بطريقة حديثة..

عندنا في كسلا مقولة تقول ( لو شربت من موية توتيل )
اكيد بترجع تاني .. وانا اصدق هذه المقولة ..
لك كل الاحترام

وهذه نبزة عن جبل توتيل..
تو تيل جبل في كسلا..!!
بأرتفاعه الشاهق وظلاله الوارفة يطمأن الناظر اليه متدبراً عظمة آيات الله نجده راسي وباسط زراعيه يسر الناظرين ..
يقع جنوب شرق كسلا كلما تسلقته إلى أعلى وجدت مساحة منبسطة ومسطحة تصلح للجلوس عليها ، وهو معلم رئيسي للمدينة ، فحيثما ذكرت كسلا ذكر جبل توتيل وما من أحد زار المدينة إلا وزاره كذلك ، فهو مكان مناسب للرحلات والتنزه ، ومن فوقه يكتشف الشخص جمال مدينة كسلا فيراها وكأنما تعرض أمامه على شاشة تلفزيونية كبيرة ، ترى من قمته المنازل والأشجار والسواقي الجنوبية والشمالية وأماكن زراعة الموز ونهر القاش، بل كل معالم المدينة ، لذلك أصبح الجبل مكاناً للرحلات وخاصة في أيام العطلات ، حيث تكثر فيها المطاعم وأماكن إعداد القهوة المشروب الفضل لدى سكان كسلا وقبائلها ، وأماكن بيع التحف ، وفوقه يلتقط الأصدقاء والأسر الصور التذكارية ، ولكن أكثر ما يميزه بئره ، فما سر هذه البئر ذات المياه العذبة ؟

لقد أصبحت مقولة (تشرب من مياه توتيل تاني تجي راجع) معتقداً وأسطورة حيث يعتقد أهل كسلا أن مياه بئر جبل توتيل تزيد عمر الإنسان ، فهي عين طبيعية لم يحرفها إنسان ، ماؤها عذب لا ينضب ، فمنذ عرف الناس جبل توتيل عرفوها معه، ويفسر الأهالي المقولة بأن الشخص الذي يشرب من مياه هذه البئر لا يموت حتى يشرب منها مرة ثانية ولكن العقلاء يقولون في تفسيرهم للمقولة بأن الشخص الذي يزور كسلا ويشرب من بئر توتيل تعجبه المدينة بطبيعتها الساحرة وطيبة أهلها فيزروها مرة أخرى .
ولكم تدوم مودتي

[خالد عبدالماجد]

عندما تأتي كلماتك فللروعة موعد
عندما يصفو خيالك فللجمال معناً ومعاني
تحية عن النبذة التعريفية الجميلة ونحتاج كثيراً لوجودك هنا عزيزي ( أبو الخير ) فأنت منبع للفرح والسكون .
وأنت موعود برحلة نيلية اصتحبك فيها على ضفاف النيل بمدنى والشارع الأروع بها مع نسائمه وأنت تمتع ناظريك بأجمل مناظر العمران التليد ، يقابلك من الجانب الآخر مستحدث الحدائق وعميدها نادي الجزيرة ولن ننسى أن ندلف بأنفسنا لتلك البساتين الرائعة المعانقة للنيل بكل أمتداده وسنختار منها أم سنط لنستريح فيها قليلاً ...
ملامح هذه المدينة الساحرة ( مدنى ) أخي أبو الخير تمنح المدينتان عنوان الجمال المشترك وتمنح زائريهما فرحهم وهدوئهم ...

[الميرغنابي]

وأنت موعود برحلة نيلية اصتحبك فيها على ضفاف النيل بمدنى والشارع الأروع بها مع نسائمه وأنت تمتع ناظريك بأجمل مناظر العمران التليد

الغالي خالد
اول شئ آسف لتاخير الرد
لبعض المشغوليات الحياتية
ثانياً ..
هل تصدق ياخالد لم ازور مدينة مدني
حتي الأن رغم ان بعض اصدقائ من مدينة مدني
وكل زياراتي كعابر سبيل وذات مرة مررت بها الي المناقل
تمنيت ان تجول بي الايام بشوارعها بل من امنياتي ان اظل سواح
في جناينها وسواقيها وازقتها حتي اعرف منابع هذا الجمال الذي
يتنفسه ابناء مدني ..
اتمني ان يتحقق هذا الحلم قريباً..
كل تشكراتي اخي ود كسلا

[أبوبكرحامد]

كدي ياودالمأذون أحكى لينا شوية عن كسلا وزياراتك ليها والعجبك فيها شنو والماعجبك شنو ؟
الماعجبنى فى كسلا إنى كنتا خرمان ألاقى زول غير رائع فتلفت ولم أجد أحداً سواى ، وحدى كنت اللحن النشاز أما بقية الخلق فى كسلا ... سماح خلقة واخلاق ... تبارك ربى الخلاق.
أما عن ذكرياتى عن كسلا ، فمازلت أترقب الميقات الزمانى لزيارته فى الخيال ، ليت النفس تصفو قليلاً لأحكى وأبكى كثيراً ... عن كسلا وجمال اهلا.

[الميرغنابي]

استاذنا
ابو بكر
تسلم ايدك
وينصر دينك
من طيب معدنك
بتقول لينا كدا
انشا الله نلاقيك هناك
شان الذكريات الجميلة نجددا
كسلا تحمل قصن
من شجرة الصندل
التي جزعها باسط في الجزيرة
وفرعها في السماء..
في انتظار صحائف
ذكرياتك في كسلا.

[خالد عبدالماجد]

الجمال الذي رأيته في كسلا لأنك كنت فيها ..
أخجلتنا بحديثك الذي يحرك مواقع الرهف فينا ...
ويشجينا ويجعلنا نردد ..
كل الجمال وهبوه ليك
وجعلوا السحرفي مقلتيك

لك آيات الشكر الجميل أستاذ أبوبكر .