ممكن أعرف عمرك كم؟.. لو ما مصدق أدخل وشوف بنفسك [الأرشيف]

مشاهدة النسخة كاملة : ممكن أعرف عمرك كم؟.. لو ما مصدق أدخل وشوف بنفسك

عزيز عيسى

19-06-2006, 08:02 AM

تحدي.. أيه رأيك ممكن أعرف عمرك كم.
لو ما مصدق تابع معاي خطوة خطوة وسترى بنفسك العجب..
الناس العجائز أحسن ليكم ما تدخلوا حتفضحوا أنفسكم.

أولا: في البداية إختار عدد المرات التي ستتصل فيها بأصدقائك خلال الأسبوع (على أن يكون عدد الاتصالات أقل من 10 مرات خلال الأسبوع الواحد).

ثانيا: أضرب عدد المرات التي تتصل فيها بأصدقائك في العدد 2
ثالثا: أضف 5 الى مجموع حاصل ضرب الأعداد أعلاه
رابعا: أضرب المجموع أعلاه في العدد 50
خامسا: إذا مضى موعد تاريخ ميلادك لهذا العام أضف العدد 1756 للمجموع أعلاه
أما إذا لم يحين بعد موعد تاريخ ميلادك أضف العدد 1755 بدلا عنه للعدد أعلاه
سادسا: أطرح تاريخ ميلادك المكون من 4 خانات كاملاً للعام الذي ولدت فيه من الحاصل (مثلا إذا ولدت عام 1910 أطرح الأرقام 1910 من المجموع) أنا عارف في ناس كثيرين في المنتدى دا مولودين قبل التاريخ الذي ذكرته.
لا يهمك سأعطيك مهلة أخذ راحتك وسأنتظر الى أن تحضر آلة حاسبة – للناس العجائز ما تعمل نفسك شايف أحسن تمشي تلبس النظارة - وبعد ما تنتهى من عمليات الضرب والجمع والطرح تلقاني في إنتظارك لكن تأكد إنك أجريت العمليات الحسابية صاح.
أها خلصت ولا مازالت تحسب.. أحسن ليك تراجع حساباتك وتتأكد.
طيب.. الآن النتيجة أصبحت لديك ثلاثة أرقام فقط وهي الباقي من المعادلة أعلاه.
لاحظ الرقم الأول من الجهة اليسرى هو عدد المرات التي إتصلت فيها بأصدقائك خلال الأسبوع الواحد.
أما الرقمين الآخرين – يا خبر أسود لقد إكتشفنا السر – هذا هو عمرك الحقيقي.. معليش لقد أصبحت عجوزا .. والمرة القادمة لما الواحد يسألكم عن العمر خليكم جادين وجاوبوا من البداية وما تحاولوا تخفوا لأنه في النهاية سيكتشف سر عمرك وهي مسألة وقت ليس إلا. :D :D :D

يا جماعة الأيام بتمضي بسرعة والعمر كل يوم يكبر والواحد فينا مفروض يحاسب نفسه ماذا قدم في هذه الدنيا لكي يدخره ليوم الآخرة.. واللي ما عمل شيء عليه مراجعة نفسه.. ولا يشيل شيلتو.

Jamal Elmahi

19-06-2006, 08:21 AM

ابراهيم

19-06-2006, 08:22 AM

والله حسبت لمن صدعت في الآخر
طلع عمري 77 سنة
مع العلم انو دة عمر حبوبتي ام حبوبتي الحقيقي
والله يا عزيز جهجتنا ...

وينك انت يا راجل بقيت جافي ومختفى مشتاقين كتير والله
ويوم تجينا توصلنا سبعة وسبعين سنة.

لكن فعلاً العمر ما بتحسب بالزمن
الأمام الشافعي قال:

حتى متى نحن في الايام نحسبها وانمــا نحن فيها بين يومين
يــوم تولى ويــوم نحـــن نامـــله لـــعله اقـــرب الايــام للحين

نسأل الله أن يهدينا الى ما يرضاه
لك اخي عزيز تقديري ومودتي

عزيز عيسى

20-06-2006, 06:07 AM

ياخوانا الحاصل شنو...ود الماذون في الدكان شابكنا ..يوم الحساب والعذاب...وهسه كمان قام لينا الخواجه بي جاي الاخره ويوم القيامه وأعملوا حسابكم وشيلو شيلتكم..والله أرهبتونا ...طبعاَ لسه ماعملنا حاجه لي قدام وقايلين القيامه لسه بدري عليها...غايتو الله يكفينا شركم أظن سمعتو ليكم خبر أكيد ولابدين بيهو وتدردقو فينا...أها كان كدي النقوم أتوضأ ساي...ياحليلنا فيها الدنيا دي...

ود الماحي
ودالماحي الممسوخ.. قطعت مصاريني بالضحك
ودالمأذون احتمال شامي حاجة..
ربى دقن وإشتغل مع ناس الأمر بالمعروف والنهي عن المنكر
علشان كدا عايز يطبق فيكم الشريعة والسنن والفرائض.
بس يا ودالماحي أعمل حسابك ما يرسل ليك ناس الكشة
ويقبضوك بي سفتك.. إعدام
أسمع كلامي.. خليك محافظ على وضوك بإستمرار.
الدنيا بقت ما مضمونة..

عزيز عيسى

20-06-2006, 06:18 AM

والله حسبت لمن صدعت في الآخر
طلع عمري 77 سنة
مع العلم انو دة عمر حبوبتي ام حبوبتي الحقيقي
والله يا عزيز جهجتنا ...

وينك انت يا راجل بقيت جافي ومختفى مشتاقين كتير والله
ويوم تجينا توصلنا سبعة وسبعين سنة.

لكن فعلاً العمر ما بتحسب بالزمن

نسأل الله أن يهدينا الى ما يرضاه
لك اخي عزيز تقديري ومودتي
يا ابراهيم واحده في الأثنين..
يا إما إنك ما استخدمت آلة حاسبة وما تابعت الخطوات بإنتظام
أو بقى نظرك مجلي.. لو نظرك مجلي بقول ليك أجري ركب ليك نضارات.
كدي أمشي راجع تاني.. بس ما تجيني المرة الجاية وتقول
لي عمري بقي 144.
وبعدين أنا قلت ليك نزل تاريخ ولادتك إنت مش ولادة حبوبتك.
مش إحتمال حبوبتك قامت بالعمليات الحسابية دي وأدتك ليها وجهجهتك؟

والله يا ابراهيم المشغوليات حجبتنا منكم الأيام الماضية..
لكن زي ما بقولوا شدة وتزول وأهو رجعنا لأنكم دائما في البال.
الله لا يحرمنا منكم.

ولك مني كل الود يا أعز إنسان.

عماد الصادق

20-06-2006, 06:52 AM

عزيز عيسى

20-06-2006, 11:11 AM

عزيز يا دفعة
التحية والأشواق
أها النتيجة حقت الشهادة طلعت
إنت عملت شنو!!!

موضوعك عاليه بصراحة
حاولت أجمع وأطرح وأضرب
ماقدرت أكمل ...
أحاول بكره
أو بعد بكره..

أبراهومة والله مشتاقين..
أخيرا عمدتنا ودفعتنا ظهر..
دا يوم الهنا والسعد..
والله الشوق ليك زاد وفات حد البعاد..
وينك يا راجل مسجل غياب الفترة دي كلها..
أرسلت ليك لاندروبل علشان يفتشوا عليك ويجيبوك
لكن الظاهر دحشة جمال الماحي حوامة جابتك لينا
يادوب خلصت السمستر الأول وباقي لي سمسترين
ونستلم الشهادة.. والشهادة لله.
شوف يا حبة.. إنت لازم تمشي تغير النضارات
من النوع المجهري علشان تقدر تحل المعادلة.
صدقني الحكاية في غاية البساطة.. بس إنت تابع بشويش
وحتصل للنتيجة.. وأنا في انتظارك لغاية بكرة..
ما تنسى تجيب معاك قلم رصاص وبراية وإستيكة
علشان تكتب وتمسح وتبرى وكمان تبريني معاك.
أنا ما حذرت من أول وقلت الناس العجائز ما يدخلوا.

:D :D

ابراهيم

20-06-2006, 06:00 PM

يا ابراهيم واحده في الأثنين..
يا إما إنك ما استخدمت آلة حاسبة وما تابعت الخطوات بإنتظام
أو بقى نظرك مجلي.. لو نظرك مجلي بقول ليك أجري ركب ليك نضارات.
كدي أمشي راجع تاني.. بس ما تجيني المرة الجاية وتقول
لي عمري بقي 144.
وبعدين أنا قلت ليك نزل تاريخ ولادتك إنت مش ولادة حبوبتك.
مش إحتمال حبوبتك قامت بالعمليات الحسابية دي وأدتك ليها وجهجهتك؟

والله يا ابراهيم المشغوليات حجبتنا منكم الأيام الماضية..
لكن زي ما بقولوا شدة وتزول وأهو رجعنا لأنكم دائما في البال.
الله لا يحرمنا منكم.

ولك مني كل الود يا أعز إنسان.

يا عزيز المرة دي بقى 42 سنة ارحم شوية من السبعة وسبعين
غايتو الشغلانة يا انت عايز تجهجهنا يا اما الحاسبة خسرانة
وفي الحالتين انا ضايع ياخ انا لسا في ريعان شبابي لسا ما بقيت مشرف فخري مع الاعتذار لصاحب الغنية:D
بعدين بعمليتك دي بتطير مننا الحمام:D
يا عمدة والله الشوق متدفق بس انت بقيت رقراق تجي يوم وتختفي سنة
عليك الله اقرع مننا دفعتك عزيز دة ما يضيعنا.

لكم تقديري ومودتي

sambaaa

20-06-2006, 06:51 PM

يا عزيزنا

الحسابة لسه بتحسب وكل يوم بإتنين جنيه ( دولار )
أدفع مقدم وأقول ليك عمري كم
رايك شنو ؟

عماد الصادق

21-06-2006, 02:07 AM

عزيز يا دفعة يا
الغياب كان بسبب تغيير الخطة..
وحصلت جهجهة فكرية
والكتابة بقت مستحيلة..
لكن شوقنا ليكم هزم المستحيل
ورجعنا .. رغم أننا في نص البحر..

أديني فرصة.. تاني عشان أجهز ليك
بالنصارة والمكبر ...
وولدنا ابراهيم ده اعفيهو
وريحو وقول ليهو بالواضح ..
ممنوع لما دون الثلاثين...
أها قصرت معاك يا إبراهومة..

عزيز عيسى

21-06-2006, 11:52 AM

يا عزيز المرة دي بقى 42 سنة ارحم شوية من السبعة وسبعين
غايتو الشغلانة يا انت عايز تجهجهنا يا اما الحاسبة خسرانة
وفي الحالتين انا ضايع ياخ انا لسا في ريعان شبابي لسا ما بقيت مشرف فخري مع الاعتذار لصاحب الغنية:D
بعدين بعمليتك دي بتطير مننا الحمام:D

عليك الله اقرع مننا دفعتك عزيز دة ما يضيعنا.

لكم تقديري ومودتي
ابراهيم صدقني نظرك مجلي و ما تحاول تتهم الآلة الحاسبة..
كدي حاول لحدي ما تجمع صاح..
المرة الجاية حيدونا الدكتوراة الفخرية كمان.. :D
تقول لي أطير منك الحمام.. أنا لحدي الآن ما شايف لي
حمامة واحدة جات طايرة بهنا..
إنت الظاهر عليك مشرك بي قلابة..
المرة الجاية جيب معاك موية سكر وشبكة علشان تهبر بيها حمام كثير..

عزيز عيسى

22-06-2006, 04:03 AM

يا عزيزنا

الحسابة لسه بتحسب وكل يوم بإتنين جنيه ( دولار )
أدفع مقدم وأقول ليك عمري كم
رايك شنو ؟
الزول السمح سامبا،
سلامات،

بدفع بالدينار ينفع؟
شوف المبلغ بالدينار كم و أحسبها بالدولار علشان أرسل ليك حوالة..
ثم ثانيا أدفع ليك مقدم أصلو أنا عايز أخت ليك بياض علشان أعرف عمرك؟
يا زول إنت عايز (تستكرتني) ؟
بطل حركاتك دي وورينا نتيجة عمرك طلعت صاح أم لا؟ :D
على فكرة الدينار بيساوي كم جنيه؟
الحكاية دي ملخبطاني منذ أن كنت عايش في السعودية
ولغاية آخر مرة زرت فيها السودان..
بتاع التاكسي من المطار لغاية إمتداد الصحافة طلب مني
أعتقد 50 جنيه..دفعت ليهو بالدينار وكان مبلغ كبير جدا
بتاع التاكسي ما صدق طبق القروش وبسرعة إختفي..

عزيز عيسى

22-06-2006, 04:11 AM

عزيز يا دفعة يا
الغياب كان بسبب تغيير الخطة..
أديني فرصة.. تاني عشان أجهز ليك
بالنصارة والمكبر ...

..
عمدتنا يا دفعة،

إنت كنت لاعب بياتو خطة؟
وليه غيرت الخطة..
أنا ما قلت ليك من زمان
ألعب بخطة 4 2 4 دفاعية هجومية عشان في الآخر تكسب.
وبعدين إنت لسه بتحسب وما وصلت للنتيجة؟
الله يطولك يا روح.. عاد نسوي شنو حأنتظرك..
:eek:

راشد خضر

22-06-2006, 04:18 PM

قال أبراهيم : 1-والله حسبت لمن صدعت في الآخر طلع عمري 77 سنة
مع العلم انو دة عمر حبوبتي ام حبوبتي الحقيقي
2- يا عزيز المرة دي بقى 42 سنة ارحم شوية من السبعة وسبعين
غايتو الشغلانة يا انت عايز تجهجهنا يا اما الحاسبة خسرانة
والله يا عزيز أنت أبدعت ولكن ابراهيم دا دير ياكلك حنك بس . :p :p وددتُ التوضيح في المرحلة6 قلت : أطرح عددالأرقام الأربعة للعام الذي ولدت فيه وفي ذلك لبس لبعض الناس ويمكن أبراهيم منهم
فالأدق أن تقول ( أطرح تاريخ ميلادك المكون من 4 خانات كاملاً )فعندما قلت : عدد الأرقام الأربعة وأنا من مواليد 1972 في البداية طرحت ( 19 )أي ( 1+9+7+2 ) وسرعان ما صححت ذلك لكن يا خوي خلعتنا والله لسا أنا قايل نفسي في العشرينات :p :p

عزيز عيسى

23-06-2006, 02:36 PM

والله يا عزيز أنت أبدعت ولكن ابراهيم دا دير ياكلك حنك بس . :p :p وددتُ التوضيح في المرحلة6 قلت : أطرح عددالأرقام الأربعة للعام الذي ولدت فيه وفي ذلك لبس لبعض الناس ويمكن أبراهيم منهم
فالأدق أن تقول ( أطرح تاريخ ميلادك المكون من 4 خانات كاملاً )فعندما قلت : عدد الأرقام الأربعة وأنا من مواليد 1972 في البداية طرحت ( 19 )أي ( 1+9+7+2 ) وسرعان ما صححت ذلك لكن يا خوي خلعتنا والله لسا أنا قايل نفسي في العشرينات :p :p
الأخ العزيز راشد،

أهلا ومرحب بيك بين أخوانك وأخواتك في المنتدى..
سعدت جدا بمروركم الكريم وإنضمامكم للمنتدى..
وشكرا كثير على الملاحظة.. وقد قمت بإجراء التعديل اللازم.
ابراهيم دا عايز ياكلني حنك وكمان زول صلباطي..
مره يقول 77 سنة وتاني يرجع يقول لي كم وخمسين سنة..
والمرة الجاية حيقوم يقول كم وتمانين سنه..
الزول دا نسوي معاهو شنو.. أشكيهو لمنو بس؟
غايتو إلا أفتح عليه بلاغ في دكان ودالصول..
بالمناسبة أخوي الصغير إسمه راشد والآن
موجود في مدني.. وعاشت الأسماء.
ولك مني كل الود،

راشد خضر

23-06-2006, 03:26 PM

الزول دا نسوي معاهو شنو.. أشكيهو لمنو بس؟
بالمناسبة أخوي الصغير إسمه راشد والآن
موجود في مدني.. وعاشت الأسماء.
*ابراهيم دا أشكيهو للعيون . . بي تخليه يرقد سلطة ويعترف بعمره
*هاااا أخوك بمدني ، طيب أنت فين عزيز ( أرجو المراسلة علي الخاص )

عماد الصادق

23-06-2006, 10:13 PM

[
عزيزنا الدفعة...
أخيراً بعد أن ضربت الكوارع ليومين متتالين
وأي أكلة كوارع وراها كوزين كركدي..
أها جيت اليوم من الصباح وختيت ليك الورقة
والآلة الحاسبة ..
لقيت العملية ساهلة يا زول ..
وصدقو أو لازم تصدقو
إنو طلع كما هو تماماً

أما بتاع التاكسي والخمسين جنيه
إنت آخر مرة جيت السودان متين!
إذا كان المشوار كان بــ 50 جنيه تكون جيت في أواخر الثمانينات
الزمن داك أخوي ما كان في دينارات
كانت بداية الجن والعفاريت
هسه العفاريت راحو باقي الجن..[/COLOR]
وإذا إنت بتحب الغنيه بتاعة
إن شاء الله أجن
وأزيد في الجن
تعال صاد أخوي
وخلينا نتلم..

أما عن تغيير الخطة..
في الحقيقة هي كما ذكرت في مكان ما
ما هي تغيير خطة.. هي عودة للخطة القديمة
أبعة أبعة إنين.. مافي أحسن منها
وخليني من اللعب المفتوح المعقد
حركات ساي من المدربين
وقلة شغلة..
[COLOR=Purple]يا سامبا ياخي غير لنا الشين ده
جيب لينا كاكا... مثلاً

عماد الصادق

23-06-2006, 10:45 PM

عزيز عيسى

26-06-2006, 03:56 AM

*ابراهيم دا أشكيهو للعيون . . بي تخليه يرقد سلطة ويعترف بعمره
*هاااا أخوك بمدني ، طيب أنت فين عزيز ( أرجو المراسلة علي الخاص )
ابراهيم دا أنا عارفه زول قلبه رهيف.. لو شكينا للعيون يقوم يتهيج وينطط عيونه
ينسى مسألة العمر ويفكر في العرس.. ما فيش حل غير نقاضيه.
أخواني كلهم في مدني وأنا الصايع الوحيد العايش بره البلد
محسوبك عايش في بلاد العم سام.

راجع بريدك الخاص ستجد رسالة مني.

مع فائق تحياتي وتقديري،

أخوك
عزيز

عزيز عيسى

26-06-2006, 04:12 AM

عزيزنا الدفعة...
أخيراً بعد أن ضربت الكوارع ليومين متتالين
وأي أكلة كوارع وراها كوزين كركدي..
أها جيت اليوم من الصباح وختيت ليك الورقة
والآلة الحاسبة ..
لقيت العملية ساهلة يا زول ..
وصدقو أو لازم تصدقو
إنو طلع كما هو تماماً

أما بتاع التاكسي والخمسين جنيه
إنت آخر مرة جيت السودان متين!
إذا كان المشوار كان بــ 50 جنيه تكون جيت في أواخر الثمانينات
الزمن داك أخوي ما كان في دينارات
كانت بداية الجن والعفاريت
هسه العفاريت راحو باقي الجن..

أما عن تغيير الخطة..
في الحقيقة هي كما ذكرت في مكان ما
ما هي تغيير خطة.. هي عودة للخطة القديمة
أبعة أبعة إنين.. مافي أحسن منها
وخليني من اللعب المفتوح المعقد
حركات ساي من المدربين
وقلة شغلة

يا عمدتنا يا دفعتنا،

شوف يا حبه عايزك تضرب الكوارع وتشرب الكردي كل يوم
عشان تقدر تركز.. دي وصفة جديدة نديها لود الماحي..

سافرت آخر مرة على السودان عام 2000 وذكرت بأني أعتقد
صاحب التاكسي طلب مبلغ 50 جنية لكن ما كنت متأكد المبلغ كم..
والدينار طبعا كان موجود المهم القروش الدفعتها كانت مبلغ كبير بالدينار
أخونا طبقها كلها وفرتق.. أها بتاع التاكسي دا من العفاريت ولا من الجن؟

ما تنسى تورينا أخبار الخطة القديمة لو نجحت.

عزيز عيسى

26-06-2006, 04:15 AM

عزيزنا الدفعة
أها كمان لقيت الحكاية حلوة
ونقصت لي عمري سنة كاااااملة
في الحقيقة أنا كنت زايد عمري ساااي
وجربت العملية الحسابية من غير الخطوة الأولى
يعني رابعا خليتها أولا
وهي : تضرب الرقم 5 × 50
وتواصل ..
يجيك عمرك من خانتين بس
يا عماد كمان بقيت تتفنن أكثر مني في حكاية اللعبة دي..
كدي خليني النجربها لو طلعت صاح أقوم أجري أكل لي كوارع وأشرب كردي.. :D

عماد الصادق

26-06-2006, 06:16 AM

دفعتنا يا عزيز
نقول شنو عاد... صدقنا بحكاية الدينارات
وصاحب التالكسي يكون قبض ما قبض2
لكن مسكين زينا كده
يقبض بجاي
ويورد للجن والعفاريت بي غااااادي

إنت عليك الله شفت تكسي المطار كيف!!!
يعني البيجو والكونسل اللي كانت شغالة بين السوق والجديد والدباغة
أنضف منها... أنا ما عارف دي بيرخصوها كيف!!!!
طيعا الكلام ده كان حتى السنة الماضية...
يمكن هسه بعد العزو الكوري يكون الحال ينعدل شوية!!!
بالله مش حاااجة تجنن..

بخصوص الخطة لسه الماتش شغاااال
والحكاية أبوي مباراة هنا..ومباراة هناك...
ولمن نصل للنهائي ومرحلة يا غالب يا مغلوب..
تاني بندكها ونبدأ من الأول...
الحمدلله ناس الفيفا طلع عندهم راس
بطلو حكاية القون الذهبي....

ودالماحي الحبيب لو سمع بحكاية الكوارع دي
بتجيهو عشراقة .. كركدي ما يفكها..

الله يستر علي عويناتو من البلازما
قالو فيها اشعاع مشع يشع اسعاعا
الله يستر ويرد غربته وغربتنا
ونرجع لترابنا وأهلنا

عزيز عيسى

26-06-2006, 08:33 AM

يا عماد ذكرتني بتكاسي الخرطوم.. كدي النحكي ليك الموقف دا حصل معاي..
خلال زيارتي الأخيرة للسودان..
رجعت من مدني وفي تاني يوم في الخرطوم قشرت من الصباح وخرجت
ركبت تاكسي أخذته طلب من الخرطوم إمتداد الصحافة لغاية بحري وأم درمان
وعودة الى الخرطوم لقضاء بعض الأغراض.. وكان معاي ولد أختي..
علشان ما أغلط في الحساب بالدينار والجنيه.. المهم القروش السودانية قربت
تخلص وأغراضي لسه ما خلصتها.. ود أختي قال لي نمشي على الصيارفة
نفك الدولارات بعملة محلية.. ركبنا تاكسي شكله كان عكس تماما..
من بره هلا هلا ومن جوه يفتح الله.. تشوف الشكل الخارجي جميل
لكن لما ركبنا وجدنا المقاعد مشرطة والأبواب عينك للحديد المصدي في كل
محل.. قلت ما أقوم أنزل وأحرج الراجل تلقاهو عنده أطفال وجاري اليوم كلو وراء الرزق..
لما وصلنا محل الصيارفة وحاسبت صاحب التاكسي فتحت الباب وعايز
أنزل.. ما أشعر ليك إلا وفي حاجة في الباب مسكتني ليك من طرف بنطلوني
تحت الركبة وكانت حديدة سنينة شرطت البنطلون وانقرزت في داخل جسمي.. يعني جرحتني..
وتعال شوف الدم ابتداء يكب والراجل يقول لي: نعل ما في عوجه يا ود البلد..
قلت ليه يا خي الحديد البارز في الباب دا ما تصلحو بدل ما يقطع هدوم الناس
ويجرحهم.. أها زي دا تسوي ليهو شنو.. تشكيهو لي منو بس..
رجعت أمريكا متعثر في المشي وشايل لي (عوارة) في كدري..
وكنت خايف من التتنس لكن ربك ستر..
اللهم لا شماته.