فجر الخلاص

[مازن الجمّال]

ناس تاكل كباب بالسيخ

وناس بالسيخة مفلوقة ..

ناس كاساتها موية ورد

وناس بالموية مسلوقة..

وناس تتمنى فول سادة

يسد جوعا ملا عروقها ..

وناس تلبس حرير صافي

وناس في جِلِدها مقلوقة ..

كسا الظلم السواد الناس

غراب الشوم نعق فوقها ..



طغى الحكام واتمادوا

وصوت الحق لبد خايف ..

همد فجر الخلاص مكتوم

وصوت الحق كان شايف ..

صوت الحق وقف حيران

وكان فجر الخلاص نازف ..

حاول يداوي لجروحه

وكان جرح الفجر جارف ..


أبت فجواته تتضمد

ده جرحاً كان وكان خارف ..


سقط فجر الخلاص مصروع


وعرف انه الزمن ضايع

وعرف انه الوطن ضايع

وعرف انه الهناك مكبود

محاوطنه العبيد السود


ولاح في أفقه تاريخ كان

وما حيعود ..


لكن برضو .. كان عارف ..

[اميمه عشريه]

يا راستا ........ ديه شعرك ..؟ كاتبه انت ؟ طبعا جميل لحد لا يوصف ابدا وينك انت ياخي من الثقافي .. نطمح فقط لهكذا ابداع يحرك عصب السكون فينا ..كلمات جميله وفكره اجمل ...

سلمت يا بوب مارلي

تخريمه ::كل ما نشتل الأفراح .. تجي الغنماية تاكلها تااااني !!!!!!!
والله مفروض تهتم بأفراحك اكتر من كده ليه تخليها للغاشي والماشي بالصوره دي .؟؟ ولا شوف حل لغنماياتك ديك والجوع كافر حل ليها مشكلتا وما حتقرب من افراحك ..

[مازن الجمّال]

يا راستا ........ ديه شعرك ..؟ كاتبه انت ؟ طبعا جميل لحد لا يوصف ابدا وينك انت ياخي من الثقافي .. نطمح فقط لهكذا ابداع يحرك عصب السكون فينا ..كلمات جميله وفكره اجمل ...

سلمت يا بوب مارلي

تخريمه ::كل ما نشتل الأفراح .. تجي الغنماية تاكلها تااااني !!!!!!!
والله مفروض تهتم بأفراحك اكتر من كده ليه تخليها للغاشي والماشي بالصوره دي .؟؟ ولا شوف حل لغنماياتك ديك والجوع كافر حل ليها مشكلتا وما حتقرب من افراحك ..

الاخت اميمة

نعم ده شعري وده وجعي ودي كتابتي

وشكرا للمرور الراقي والكلمات المعبرة

طاقة للخروج ::

انا كان اهتميت بالفرح هو ما بيهتم بي

نأنو شنو

عامل مطنش..



تحياتي

[راشد خضر]

وناس تلبس حرير صافي * * وناس في جِلِدها مقلوقة ..

كسا الظلم السواد الناس * * غراب الشوم نعق فوقها ..
..
واللّه شئ جميل راستا ومصدره زول موجوع . وأبياتك دي ذكرتني شعر قاله عمي زمان الله يرحمه :
يا مرسالي قوم الزول عجـِّلـُه وبي سرعة روِّح لي محله
قليهو إكسير البلد قلعوه كُـلـُّه وشجر الشوم نبت قام في محله
البوم والغراب قيـَّل في ظـِله يابس ريقه ما قادر يبلـُه
أديتـُه المويه قالي شن أكلو تراك الشفتو ذي ماتقلو قلو

[نور العيون]

و الله يا راستا شعرك شعر عينه و ما فيه كلام
زيدنا من د كتير

[Jamal Elmahi]

ناس تاكل كباب بالسيخ

وناس بالسيخة مفلوقة ..

ناس كاساتها موية ورد

وناس بالموية مسلوقة..

..

ناس راكبه مارسيدس
وناس زي الركشه مركوبه
ناس متوسده ريش نعام
وناس نعام متوسد الطوبه
ناس لاعبه بلياردو
وناس زي البلياردو ملعوبه
ناس غالبه في الاولمبياد
وناس في عيشه مغلوبه...

مشاققه...
كل ما الغنمايه تاكل الافراح...الافراح تقوم برووس تاني....

ود الماحي

[مازن الجمّال]

واللّه شئ جميل راستا ومصدره زول موجوع . وأبياتك دي ذكرتني شعر قاله عمي زمان الله يرحمه :
يا مرسالي قوم الزول عجـِّلـُه وبي سرعة روِّح لي محله
قليهو إكسير البلد قلعوه كُـلـُّه وشجر الشوم نبت قام في محله
البوم والغراب قيـَّل في ظـِله يابس ريقه ما قادر يبلـُه
أديتـُه المويه قالي شن أكلو تراك الشفتو ذي ماتقلو قلو

الاخ راشد

كلنا موجوعين وما الوجع إلا بداية للخلاص

وكلام عمك ده يا ريت لو تجيبو كامل

لأنه كامل ..

[مازن الجمّال]

و الله يا راستا شعرك شعر عينه و ما فيه كلام
زيدنا من د كتير

تشكر يا نور العيون

وعدي علي كتير ..

[مازن الجمّال]

ناس راكبه مارسيدس
وناس زي الركشه مركوبه
ناس متوسده ريش نعام
وناس نعام متوسد الطوبه
ناس لاعبه بلياردو
وناس زي البلياردو ملعوبه
ناس غالبه في الاولمبياد
وناس في عيشه مغلوبه...

مشاققه...
كل ما الغنمايه تاكل الافراح...الافراح تقوم برووس تاني....

ود الماحي

اخي جمال

بادية البيت حروف

ونهاية البيت صفوف

وصف الكلام زي الجروف

تجرف معاني وتمحى خوف

شكرا لكلماتك ألوف

وواصل معاي من دون وقوف

[Jamal Elmahi]

وصف الكلام زي الجروف

تجرف معاني وتمحى خوف



أتحزّمنا ومشينا الجروف
نلقّط لوبه وقش للخروف
رجعنا لقينا الخروف بدون صوف
الصوف شالوهو ضرائب بدل المصروف
وقالوا راجعين يشيلو الجلد والراس والضلوف...

ود الماحي

[راشد خضر]

واللّه يا ود الماحي هيييي :p ييييع حلوه حكاية البروس دي ، وأتت على شاكلتها الجروف و الضلوف ودي كلمات ما يعرفها صح إلا الشال الطورية ومسك المحرات .
نشيد بك أنت وراستا وأقترح على راستا أن يعدل هذا البوست بإسم ( شِعر مجوبك ) وواصلوا . حيث لنا عودة ومشاركة ( بالشعر )