المساعد الشخصي الرقمي

مشاهدة النسخة كاملة : قصيده بعنوان اعاين ليك



طارق التوم
04-07-2004, 01:17 AM
اعاين ليك

حروف مشتاقه تتسطر
عيون ملهوفه تتوسل
قلوبا فايضه بالريده
رجاها يجينى منك رد
يبل شوق السنين الطال
يرضى الصبرو فات الحد
يغوص جواى فى الاعماق
يزيل وجعا زمان ممتد
ويفرح بيك فؤاد طول
زمان مستنى يد تتمد

ويا قدر الزمان وقف
شقاك ايامو ما بتنعد
خلاص ايام زمان ولت
مناى من تانى ما تترد
وما نشوف الهموم بعدك
وباقى الباقى يبقى سعد
وفينا يطل صباح نادى
زهور نديانه فوحة ند
واعاين ليك فرح جانا
سكن جوانا واتحكر
وجدد فى سمانا العهد
واتمناك دوام فرحه
واترجاك معاى لهفه
هنا وافراح وبيك نسعد
واعاين ليك قريب منى
واضمك ضمه فى حضنى
واقول الليله تم الوعد

HAMADTO
04-07-2004, 01:54 AM
بسم الله الرحمن الرحيم

اعاين ليك
http://a3rak.jeeran.com/Eye-12.gif
حروف مشتاقه تتسطر
عيون ملهوفه تتوسل
قلوبا فايضه بالريده
رجاها يجينى منك رد
يبل شوق السنين الطال
يرضى الصبرو فات الحد
يغوص جواى فى الاعماق
يزيل وجعا زمان ممتد
ويفرح بيك فؤاد طول
زمان مستنى يد تتمد


إلى الامام دوما طارق التوم وفي انتظار المزيد



http://a3rak.jeeran.com/Eye-12.gif http://a3rak.jeeran.com/Eye-12.gif

ابراهيم
04-07-2004, 05:31 PM
رهيب ورايع ومبدع
وزيدنا من دررك يا رائع

114
05-07-2004, 12:09 AM
حلوه شديد يا طارق
وهات المزيد

saleh farah
05-07-2004, 12:31 AM
بالجد ياود التوم زى ماقال استاذنا 114 حليوه شديد
وانا بقوليك حليوه شديد وزايده حلا
حتى الزهره بيك تحلا
لما ورودها تتفتح
قصاد عينيك تبين احلا
زكرتنا ايام الدراسه ، ايام الكوره ، فكما كنت لاعبا فذا هاهو تفاجئ الجميع بهدف زهبى اخر فى مجال الشعر ، عليك الله ياطارق ماتطول كفايه انك طولت من مجالسنا وبيتنا مشتاق ليك ولو الايام فرقت بيناتنا فودمدنى هاهى تفتح احضانها لنا كلنا فهيا بنا ياود التوم نستعيد الايام الحلوه

طارق التوم
07-07-2004, 01:24 AM
الاخوان حمدتو .ابراهيم .114 . وابو سراقه اشكركم على ردودكم الجميله امنياتى ان استطيع التواصل بشئى ينال اعجابكم ( اخى وصديقى ورفيق دربى صالح امنياتى دوما ان نلتقى فى ارض الوطن الحبيب فى ربوع مدينتنا الرائعه دوما باهلها ودمدنى فالشوق اصبح نارا تتقد فى جوانح روحى

ABUZAID
19-03-2010, 09:57 PM
حبيبنا الغالي - طارق التوم


كلمات رائعات
ومعان اروع



نتمنى ان نراك قريبا


تحياتي

تغريد
19-03-2010, 11:06 PM
شكرا اخي طارق التوم علي هذا الجمال

وشكرا أبوزيد علي مد جسر التواصل مع هذه القصيدة

وامنياتي معك بعودة كل الطيور المهاجرة

لنتوجه سويا نحو غد احلي وانضر