المساعد الشخصي الرقمي

مشاهدة النسخة كاملة : اغنيةراجل المره (للنقاش):)



الرماش
05-07-2006, 10:27 AM
هل اغنية راجل المره تليقه بالمستمع السوداني :rolleyes:

ابراهيم
06-07-2006, 02:25 AM
العزيز الرماش لك تحياتي
وبعد ..
وهي البورة أو ما يسمونه بالعنوسة وما الى ذلك ..
وهو تعبير عن طموح المرأة للزواج والخروج عن دائرة البايركس
فأتى تعبيرهن مبالغاً .. في قولهن يا ابشرا "إن شاءالله راجل مرة"
وكثير من أغاني البنات لا تحصى ولا تعد تناولت الموضوع بروءى وتصورات مختلفة
وفي الواقع هن يغنين هكذا ، لكنما كوامنهن غير ذلك فهناك فارس أحلام لكل فتاة
لا يمت بصلة لـ"راجل المرة" ومواصفاته أحياناً عسيرة حتى على الخيال
فهذه أغاني هلامية .. وكما فارس الأحلام هلامي
وفي الآخر هي ليست سوي ترويح عن النفس وتعبير بصورة هلامية
هذا على حد فهمي للموضوع
ولك تقديري على اثارة الموضوع
وانتظرك على الناصية

التيمان
08-07-2006, 01:31 AM
هوووووووى سيطره


والله حلوه ياخى

حسن على
08-07-2006, 11:56 AM
هوووووووى سيطره


والله حلوه ياخى

راجل المره حلوه حله

وبعدين الراجل محلل ليه اربع

رامى طلبه
24-07-2006, 02:42 AM
والله بصراحه انا لغايه حسه ما سمعت الاغنيه دى .... ومتمنى اسمعها لان شايف عامله مشاكل كتيره ... كدى انت يالرماش ما تسمعنى ليها علشان نتناقش ؟؟؟؟ والشى التانى انت من اول مشاركه جايينا براجل المره ... الله يستر على المنتدى؟؟؟؟؟؟هههههههه

mohammed ahmed
24-07-2006, 09:07 AM
سلملم
كدى أول حاجة سمعونا أغنية راجل المره
وبعدين ماهو الراجل راجل مره والمره مرة راجل ..... والله شنو يا أخوانا......

التيمان
25-07-2006, 02:06 PM
انا ما بسمعكم ليها لكن بكتبا ليكم


يلا بسم الله


وينو سيطره راجل المره حلو حلاه


انا جاياك ياخاينه انت صاحيه ولا نايمه

كان انتى مرتو الاولى انا ببقى ليك التانيه

سيطره راجل المره حلو حلاه

لا بناكل باسطة سلا ولا بنركب ركشات ورا

ولا بنركب ركشات ورا ولا بنجيبو راجل مره


سيطره منتدى ودمدنى حلو حلاه

التيمان
25-07-2006, 02:07 PM
الباقى ما حافطظو والله


حاولو براكم

راسكال
26-07-2006, 11:30 AM
ياولدنا

بلطريقة دى البنات

بطلعو نفسهم من

مطب عفن جدا

أسمو البوره

وبفتحو لينا مجال أوسع

عشان الحكايه تمشى

معاهم ووووو معانه


وشكرن علي الموضوع الجميل

ونبقى نشوفك

تانى

حسن على
27-07-2006, 01:03 PM
الباقي حق الغنيه
اليله مغرزه راجل المره ده حلوه حله

اليله مغرزه راجل المره ده حلوه حله
اتلمو رجال الحله ديل حلفو علي اسم الله مقدره
اتلمو رجال الحله ديل حلفو علي اسم الله مغرزه
انا حلفت بالله راجل المره مابتخله
اليله مغرزه راجل المره ده حلوه حله

العجوز الخرفانه تمسح بالديانه مغرزه تمسح بالديانه والوش حالتو تعبانه

mohammed ahmed
28-07-2006, 09:50 AM
والله يا جماعة لو كلمات الأغنيه أقصد ما يسمي بالأغنيه .. يبقي المسئولية مسئولية الشباب السمحو لهكذا مستوى يأخذ كل هذا الصيت وحقو يا جماعة لو سمعنا أى واحد أو واحدة بترنم بالكلمات الهابطة ديه يوعوه .. والا يحارب بكافة الوسائل وإنشاء الله يشتكو وتبقي محكمة عديل كده.
والله يسلمكم

معتز حمدتو
28-07-2006, 10:23 AM
الواحد اقول ياحليل ايام الغناء الهادف والجميل والذي تحسه داخل نخاشيشك كمان موش احاسسك بس وان قل هذه الايام .
الواحده مفروض يتكلم علي هبوط الكلمات قبلها سنتر الخرطوم وقبلها اشياء من شدة هبوط كلماتها لم اعد اتذكرها ايكون حملة الوية الغناء ابو الامين ، كابلي ، وردي ، عثمان حسين ، احمد المصطفي ، مرورا بعصام محمد نور ونتدحرج الي هذا المستنقع بزيف الهجيج والمتعة الزائفة .
لقد كانت لنا مناسبة في شهر يناير /2006م وكان الفنان من العاصمة وقد سمعت عن سنتر الخرطوم وانها قنبلة وتخلي الشباب هايش ذي المسطل وطلب من الفنان الصدوح بسنتر الخرطوم فتجاهل الكثير من الطلبات والصياح وفترة الاستراحة سالت الفنان : لماذا لم تصدح بالاغنية .
فقال لي بالحرف الواحد:- لو كنت عاوز فعلا سنتر الخرطوم ما كنت تخسر مبلغ قدر ده وتجيبني لانُ الاغنية ممكن اي واحد اغنية مع الاورجن .
فقدرة كلماته ونصحة وشاءت الظروف ان احضر مناسبة لاحد المعارف والفنان من الشباب الصاعد وغني سنتر الخرطوم ولم افهم غير اسم المرحوم (عوض دكام) ولكن رايتُ الشباب وقد انخرط في الرقيص شئ من لا شئ .
وعرفت بعد ذلك كلماتها وايقنت بهبوط كلماتها التي لا ترقي للمستوي واحترمت فنانا المبجل لعدم سقوطه في هذا المستنقع .
فرحمتا بنا يا هيئة المصنفات ورحمتا بنا ياحملة لواء الابداع الاصيل .

ابراهيم
29-07-2006, 08:46 AM
الباقي حق الغنيه
اليله مغرزه راجل المره ده حلوه حله

اليله مغرزه راجل المره ده حلوه حله
اتلمو رجال الحله ديل حلفو علي اسم الله مقدره
اتلمو رجال الحله ديل حلفو علي اسم الله مغرزه
انا حلفت بالله راجل المره مابتخله
اليله مغرزه راجل المره ده حلوه حله

العجوز الخرفانه تمسح بالديانه مغرزه تمسح بالديانه والوش حالتو تعبانه

يا حسن يا اخوى دي غنية ولا شكلة
عاملة زي جري الكلب في اللوبة:D

حسن على
29-07-2006, 08:55 AM
يا حسن يا اخوى دي غنية ولا شكلة
عاملة زي جري الكلب في اللوبة:D

والله ياابراهيم اصلو راجل المره بيواجه مشاكل

ابو التيمان
29-07-2006, 11:02 AM
لا اله الا الله محمد يارسول الله

zukibush
31-07-2006, 01:52 AM
تحياتى يا اخوان
غايتوا انا اول مرة اسمع الغنية دى فى السودان من ثلاثه اسابيع فاتو
كنت فى اجازة فى السودان ومشينا عرس الجيران كانت حنة بنات
وديك يالفنانة وداك الحت وسامعة البنا ت بقولوا للفنانة راجل المرة وهى تضحك
لما غنته وسمعتها تعال سوف السكسكة والرقيص والبهجة ديل البنات
والنسوان المعرسات تعال اسمع التعليق الصرت وشها والبتعلق اسمكم
والحكاية بقت حرب رقيص وكده يعنى الكل مبتهج ودى اللجلانى مستغربة ومستنكرة
تانى يوم لقيت نفسي من غير ما اشعر بغنيها واللحن عاجبنى
الحاصل شنو ما عارفه
هاهاهاها

hamad2
15-08-2006, 08:47 AM
والله حلوه السيطرة

abosnoon
16-08-2006, 05:57 AM
بس ياناس ورونا نجي ولاتجو ........................... راجل المره ده حلو حلا..............................( سبحان الله)