المساعد الشخصي الرقمي

مشاهدة النسخة كاملة : تحية شوق



طارق التوم
07-07-2004, 01:03 AM
تحية شوق وشوق دفاق
محكر جوه فى الاعماق
وجد حراق
مولع زادو غربتنا
ملان وجعا
موسم بفراق ناسى
مقسم فى براحاتى
وغلب كلى
متين ترتاح رواحلنا
وتكف السير
ويرجع فيناطعم الليل
ونوم الليل
وعشقا طال زمانو بخيل
نجيكم يوم
بدون ما نكون نوينا رحيل
ونسكن جوه فى عيونكم
نحلق فى سماء الاحداق
رموشكم غيمه ضليله
كرمكم فينا زاد الخيل
وجود حاتم قليل بالحيل
ولمن فينا يبقى وجع
بتضوو الليل
وشوقنا الزاد كتير بالحيل
عليكم ديمه سايقنى
وجادى السير
سلامى على بلاد النيل
ولاد النيل بنات النيل
ضراير الريل
سلامى على شوارعنا ومزارعنا
وخفجة طينه
فى مطرا مساهر الليل
وشوقى الديمه متوقد
يصل لكل جميع الناس
ويكون وناس

ويسكن جوه فى الاحساس
سلام من الله وانشاء الله
جميعكم ديمه متسامحين
وصحه وعافية فى كل حين
بفوتكم فى امان الله
وعشان الله
تردو رسولى تو الحين

HAMADTO
07-07-2004, 04:09 AM
بسم الله الرحمن الرحيم

بدون ما نكون نوينا رحيل
ونسكن جوه فى عيونكم
نحلق فى سماء الاحداق
رموشكم غيمه ضليله
كرمكم فينا زاد الخيل
وجود حاتم قليل بالحيل
ولمن فينا يبقى وجع
بتضوو الليل
وشوقنا الزاد كتير بالحيل
عليكم ديمه سايقنى
وجادى السير

كده http://a3rak.jeeran.com/f79.gifhttp://a3rak.jeeran.com/f79.gifhttp://a3rak.jeeran.com/f79.gif يا طارق تسلم

روميساء 2004
07-07-2004, 06:34 PM
وعد شروق بيننا ...
وها انا هنا الان ...
اضع بصمة يدي على حروفي المجسدة بالشوق ...
الا يكفينا تغرب اجساد لا ارواح ...
بربك اغفر لي ضعفي ...
فما عادت روحي تطيق شوقها اليك ...


*****************
طارق ...
منك احساسات جميلة في حروف اجمل ...
منتظره أكتر ...

114
10-07-2004, 06:12 AM
يا طارق يا رائع

mohamed
05-08-2004, 01:53 PM
طارق التوم


كلك حلو

khalil
05-08-2004, 09:18 PM
شكرا يا اخ طارق على هذه القصيدة الرائعة ورجاءا اتحفنا بالمزيد .

ABUZAID
06-08-2004, 08:37 AM
سلامى على بلاد النيل
ولاد النيل بنات النيل
ضراير الريل
سلامى على شوارعنا ومزارعنا
وخفجة طينه
فى مطرا مساهر الليل
وشوقى الديمه متوقد
يصل لكل جميع الناس
ويكون وناس
.............................

صورة رائعة عبرت فيها عن داخل الدواخل
احييك

saleh farah
22-08-2004, 07:15 AM
سلامى كلام
سلامى حنان
سلام عينين ملانه دموع
عيون الفرقه دمعاتها
وتراب الحي وكت القاك
مغطى رموشها بى التحنان
ولمة اهلنا الطيبين
وكت تتفتح ابوابكم
وكلمة اهلا الصادقه
وبسمة امنا المشتاقه
امك انت ياطارق
وسؤالها علينا غير اسماء
تدغدغ فينا كلمة آه
متين نرتاح
ونرجع تانى نتلاقى
بعادنا سنينو جد طالت
ولسه اشواقا ماشبعت
تعال نرجع
تعال نرجع
عشان نرتاح

الاخ العزيز طارق التوم بصراحه قصيدتك استفزتنى ورجعت بى لايام الدراسه ايام كنا نتسابق فيها للحصول على الكوز بعد العطش الطويل اعادتنى الى الطرقات التى كنا نتسكع عليها بين مايو وجزيرة الفيل وكفى .. لان الجرح عميق والزكريات تتوالى وتتابع لكى تاخذ مكانها فى هذه الصفحه الصغيره ولكن لا .
سوف نرجع وسوف نلتقى ونعيدها على ارض الواقع ، هذه بعض الاحاسيس غير مموثقه ولكنها لحظيه فتقبلها منى .

امير عبدالباقي
22-08-2004, 08:20 AM
متين ترتاح رواحلنا
وتكف السير
ويرجع فيناطعم الليل
ونوم الليل
وعشقا طال زمانو بخيل
نجيكم يوم

يعطيك العافيه طارق بجد فتحت جروح وخنقتنا العبره ورقرقت اعيننا
فهل من مزيد

طارق التوم
06-09-2004, 11:03 PM
الاعزاء ابنا دار الحنان والمحبه تحية شوق شديد من مدنى الحبيبه امنياتى دوما ان التقيكم على ارضها الحانيه وتحيه خاصه جدا لاخى وعزيزى صالح وانا اسف جدا لعدم التواصل واتمنى ان نلتقى هنا فى مدنى والف مبروك للعزيز ياسر حتى التقيه

aborawan
08-09-2004, 03:20 AM
ويسكن جوه فى الاحساس
سلام من الله وانشاء الله
جميعكم ديمه متسامحين
وصحه وعافية فى كل حين
بفوتكم فى امان الله
وعشان الله
تردو رسولى تو الحين


وانشاء الله كلنا في سماح وتسامح وامن وامان وصحة وعافية طارق ابدعت واجدت الحروف لك من شخصي الضعيف خمسة نجوم

بلادنا حلوة اكيد راجعين ليها ودار الغربة ما بترحم