تسجيل الدخول

مشاهدة النسخة كاملة : أشواق كده


zukibush
17-07-2006, 02:42 AM
سلالالالالالالالالالالالالالالالالالالالالالالالال الالالالالالالالالالالالالالام يا ناس المنتدى
والله مشتاقيين طبعا مافى زول معبرنى ماتقولى ليهم يا منونى
رجعت بعد غيبة دامت الشهر والنصف كنت فيها فى اجازة فى السودان
ولا حد عبرنى وقال لى حمد الله على السلامة
معليش اقولها لنفسى ما مشكلة
لكم تحياتى واشوقى الحارة
اختكم نازك بشرى
sambaaa
17-07-2006, 02:45 AM
حبابك الفين وخمسمائة وستة وعشرين مرة
وانتي خليك ظاهرة عشان الناس تفقدك
ومرحب بعودتك
zukibush
17-07-2006, 03:06 AM
حبابك الفين وخمسمائة وستة وعشرين مرة
وانتي خليك ظاهرة عشان الناس تفقدك
ومرحب بعودتك
اخوى سامبا الف شكر ليك والله يسلمك
انا والله ظاهرة كتير يمكن اكتر وحجة بتخش المنتدى
انا بدخل كل يوم المهم ياسيدى ولا يهمك انا معاكم على طول وربنا يوفقنا جميعا
تحياتى
Jamal Elmahi
18-07-2006, 06:33 AM
سلالالالالالالالالالالالالالالالالالالالالالالالال الالالالالالالالالالالالالالام يا ناس المنتدى
والله مشتاقيين طبعا مافى زول معبرنى ماتقولى ليهم يا منونى
رجعت بعد غيبة دامت الشهر والنصف كنت فيها فى اجازة فى السودان
ولا حد عبرنى وقال لى حمد الله على السلامة


حباب نازك...حباب بت بشري
مشتاقين ليك شوق بي عشراقتو يا بت أمي...والله يعلم سعلنا منك طوب الارض ...لكن اتّي النسيتينا ...
مشيتي السودان والبلقي أحبابو بنسي أصاحبو....
أهلا مرحب بيك يا نوارة المنتدي...
والنبي عليك كان تنسينا من القنقليس والحلو مر والنبق واللالوب والدوم والحرجل والعطرون والمحريب والكركار وشوية ودك...

ود الماحي
zukibush
27-07-2006, 02:23 AM
حباب نازك...حباب بت بشري
مشتاقين ليك شوق بي عشراقتو يا بت أمي...والله يعلم سعلنا منك طوب الارض ...لكن اتّي النسيتينا ...
مشيتي السودان والبلقي أحبابو بنسي أصاحبو....
أهلا مرحب بيك يا نوارة المنتدي...
والنبي عليك كان تنسينا من القنقليس والحلو مر والنبق واللالوب والدوم والحرجل والعطرون والمحريب والكركار وشوية ودك...

ود الماحي
ود الماحىىىىىىىىىىىىىىى ما بصدق
شكرا ليكود امى ما قصرت والله يسلمك البلد مشتاقه ليكم
مشتاقه للناس الطيبة الناس البدوس على الارض تخليها خضرة
وبالمناسبة وخليها بينى وبينك بالنسبة للقنقليز والتسالى والحلو مر وحاجتنا السمحةكان وزنى فيها 50 كيلو بقيت زى
ست التسالة اربط حزم حزم واهدى لحبايبى وناس فى ليبيا عشان طولو من البلد وحاات البلد
شكرا ليك ودى الماحى
وانشاء الله نكون على اتصال
Jamal Elmahi
27-07-2006, 10:45 AM
نازك ....
يا بت أمي أتي وين يانور العين
تظهري لينا دقيقه وتغيب سنتين
كان ما الصحراء الكبري ووجع الكرعين
كان وصلناك في ليبيا كدّاري و حفيانين

ود الماحي
zukibush
29-07-2006, 12:41 AM
نازك ....
يا بت أمي أتي وين يانور العين
تظهري لينا دقيقه وتغيب سنتين
كان ما الصحراء الكبري ووجع الكرعين
كان وصلناك في ليبيا كدّاري و حفيانين

ود الماحي
ود الماحى اشتياقات كده
كيف ات والاسرة انشاء الله تمام التمام
والله مش ليبيا زى ما قلت الصحراء الكبرى كلها بترحب بيك وانت فوق رسينا
انا موجودة دائما فى المنتدى وبصورة مستمرة وعلى الدوام فى الفترات الصباحية
وانت عارف اكل العش صعب اهو الواحد بحاول يعيش مستور والحمد لله
وانا ماعارفة مواعيد تواجدكم كيف على المنتدى
وتحياتى سلاماتى والف شكر ليك
abu_ola
29-07-2006, 05:10 AM
نازك كيفك يا اختي ان شاء الله بخير و كيف الغربة معاك ..... أنتو شمعاتنا و الرافعات راسنا في الغربة صحيح و الله الغربة صعبة و خصوصاً انتو البنات عليكن حااارة بالحيل بس نسوي شنو يا بت امي كل زول بياكل قسمتو و بمناسبة اللكل دي انتو ناس ليبا لسه بتاكلوا في المكرونة و لا دا كلااام سااااكت

ما تستغربي يا بنت امي تقولي دا منو الدخل علي دا..... انا عضو جديد في المنتدي بس بيني و بينك كده حاسي نفسي التقول صاحب المنتدي ذاتو الجماعة و الله ما مقصرين تب و اليومين دى ترحيب و سلامات ساااكت ايدي اتفكت من كتر المقالدة و السلام النعمنو الجماعة ديل حنااان بالحيل .... الواحد منهم كان عينوه وزير سلام يحل مشاكل الغرب و الشرق دي في ضحوة
ما تقفلي الباب .... بجيك تاني يا بت أمي كان المولي هون
zukibush
30-07-2006, 01:13 AM
نازك كيفك يا اختي ان شاء الله بخير و كيف الغربة معاك ..... أنتو شمعاتنا و الرافعات راسنا في الغربة صحيح و الله الغربة صعبة و خصوصاً انتو البنات عليكن حااارة بالحيل بس نسوي شنو يا بت امي كل زول بياكل قسمتو و بمناسبة اللكل دي انتو ناس ليبا لسه بتاكلوا في المكرونة و لا دا كلااام سااااكت

ما تستغربي يا بنت امي تقولي دا منو الدخل علي دا..... انا عضو جديد في المنتدي بس بيني و بينك كده حاسي نفسي التقول صاحب المنتدي ذاتو الجماعة و الله ما مقصرين تب و اليومين دى ترحيب و سلامات ساااكت ايدي اتفكت من كتر المقالدة و السلام النعمنو الجماعة ديل حنااان بالحيل .... الواحد منهم كان عينوه وزير سلام يحل مشاكل الغرب و الشرق دي في ضحوة
ما تقفلي الباب .... بجيك تاني يا بت أمي كان المولي هون
اخوى ابو علا
لك التحيايا الحارة شكرا ليك ود امى بالحييييييييييييييييييل ما تقصرته
واهلا بيك صديق واخ فى المنتدى التقول انا خلاص قديمة هاهاهاها
بس والله ناس المنتدى ناس تمام التمام واصبحو هم ناسى واهلى وونستى بعد اسرتى الصغيرة فى الغربة
ربنا يخلينا لبعض ونتلاقة فى ساعة خير يا رب
اما بالنسة للمكرونة حاجة تمااااااااااااااااااااااااااااام اها رايك شنو فى وجبة مكرونة مبكبكة على كلام الليبين
لك كل التحايا الحارة
Jamal Elmahi
30-07-2006, 07:24 AM
ود الماحى اشتياقات كده
كيف ات والاسرة انشاء الله تمام التمام
والله مش ليبيا زى ما قلت الصحراء الكبرى كلها بترحب بيك وانت فوق رسينا
انا موجودة دائما فى المنتدى وبصورة مستمرة وعلى الدوام فى الفترات الصباحية
وانت عارف اكل العش صعب اهو الواحد بحاول يعيش مستور والحمد لله
وانا ماعارفة مواعيد تواجدكم كيف على المنتدى
وتحياتى سلاماتى والف شكر ليك

بت بشري العزيزه
ياحليلنا فيها الدنيا دي شوفي فرزعتنا كيف؟ وخطفتنا من أهلنا وفننتنا كل زول في حته وأرض الله واسعه يابت أمي وعزانا في الغربه وفي المنتدي أهو الواحد فينا بلقي فيكن أخواتو وبنات خالاتو وبنات عماتووالله أديكن الصحه والعافيه وارد غربتكم ويستركم دنيا وأخره...
بالله دموعي رقرقن والعبره خنقتني أتزكرته أمي وأخوأتي ...كر علي يا امي وياحليلك يا أمي ...
كدي خليني أنفشّه لي بي تجعّره بدل ما أكطعو في مصاريني ...
بجيك صاد يا بت أمي ...جهزي لي كباية حلو مر بارده خليها تنزل لي عبرتي دي....

مشاققه...
فرق التوقيت بخلي تواجد الاعضاء في المنتدي في أوقات مختلفه ...يعني الصباح عندكم نحن نكون يا داب دايرين ننوم ولما نصحي أنتو تكونو فطرتو واتغديتو تحمدو سيدكم ...ولما ندخل علي المنتدي العصر عندنا أنتوا تكونوا في سابع نومه والله غالب....

ود الماحي
zukibush
31-07-2006, 02:40 AM
بت بشري العزيزه
ياحليلنا فيها الدنيا دي شوفي فرزعتنا كيف؟ وخطفتنا من أهلنا وفننتنا كل زول في حته وأرض الله واسعه يابت أمي وعزانا في الغربه وفي المنتدي أهو الواحد فينا بلقي فيكن أخواتو وبنات خالاتو وبنات عماتووالله أديكن الصحه والعافيه وارد غربتكم ويستركم دنيا وأخره...
بالله دموعي رقرقن والعبره خنقتني أتزكرته أمي وأخوأتي ...كر علي يا امي وياحليلك يا أمي ...
كدي خليني أنفشّه لي بي تجعّره بدل ما أكطعو في مصاريني ...
بجيك صاد يا بت أمي ...جهزي لي كباية حلو مر بارده خليها تنزل لي عبرتي دي....

مشاققه...
فرق التوقيت بخلي تواجد الاعضاء في المنتدي في أوقات مختلفه ...يعني الصباح عندكم نحن نكون يا داب دايرين ننوم ولما نصحي أنتو تكونو فطرتو واتغديتو تحمدو سيدكم ...ولما ندخل علي المنتدي العصر عندنا أنتوا تكونوا في سابع نومه والله غالب....

ود الماحي
كبيرنا
تحياتى الحارة والاشواق الكتاحة والبلد منتدى ود مدنى
كيف ابوى وكيف اخبارك والله الواحد بقى المنتدى دى بيته الرئيسى يعنى لو ما دخلت كل يوم زى الحاجة الناقصة لى
ربنا يديكم العافيه ويطول فى اعمارنا ونتلاقى فى ساعات خير يا رب
المهم الواحد كل ما بخش بحى الشباب والله العظيم بفرح فرح لما القى رد من اخوانى واخواتى
ربنا يحفظكم
جالوص
31-07-2006, 01:37 PM
عنيدة كيف تشبه شريحتين من شبابي
زي عنب طول معتق في الخوابئ
وسمحة زي ما تقول ضيوفا دقو بابي
فرحي بيهم سال ملا حتى الكبابي
zukibush
01-08-2006, 12:56 AM
اخى العزيز جالوص
شكرا ليك كتير الفرحة ما ملت الكبابى وبس دى ملت الطشاته والازيار
تحياتى سلاماتى