المساعد الشخصي الرقمي

مشاهدة النسخة كاملة : بدون عنوان


مكتول مدنى
25-07-2006, 03:01 PM
اعزائى اعضاء منتدى ودمدنى انا كنت هذه القصيدة وارجوا منكم قراءتها بتمعن واختيار انسب عنوان لها كما اطالب برائكم فيها ونقدكم البناء

نايم سعيد مرتاح قرير العين
وانا يا حبيبى بعيد والنوم مجافى العين
متين يا روحى نتجمع الاتنين
مالك ياحبيبى مجافى ليك يومين
حتى الرسالة على بيها ضنين
انت كان شفت العذاب الضايقه من سنتين
يصعب عليك حالى وتبكى بدموع العين
صابر يا حبيبى مستنى داك اليوم
يوم يتجمعوا الاحباب من مدنى و الخرطوم
يوم يقعدوا الابوين وتزغرد النسوان
زغرودة فرح لاتنين من الحبان
وحياتك دا يوم راجيه لى زمان
حلفتك يا حبيبى تبطل الحرمان
يانور عيونى سيب الجفا
سامح خلاص وارجع كفى
Jamal Elmahi
25-07-2006, 04:24 PM
الشاعر الملهم مكتول مدني ...ليك وحشه...
القصيده دي أأأبوي حوليّه ولاّ اسبوعيه ولاّ يوميه ولاّ بالمزاج!!!؟
كان داير تبقي شاعر أحسن تكلمنا عديل عشان نطرّق مشاعرنا ونسن حواسنا ونشحذ همتنا ...
عنوان للقصيده العصماء : مكتول أنا...ولاّ اقول ليك مافي داعي تشوف ليها عنوان زاتو كدي أحلي....

مشاققه...
كان قلته تشارك بالقصيده دي في مسابقه أجمل المواضيع تبقي شلاقه والشلاقه عاقه....أتا ماليزيا دي فيها ملاريات برضو تخلي الزول يهضرب....نقد بنّاء....

ود الماحي
اميمه عشريه
30-07-2006, 08:29 AM
هههههههههههههههههههاي ود الماحي الله يجازي محنك ........
عاد النقد عندك ولا بلاش طفشت الراجل عديل كده .. يعني الزول ما يكتب معاك شعر ولا قصدك شنو بالضبط كده .. يا مكتول يا زول واصل الابداع حيجي يوم القافيه تتعدل والموسيقي الشعريه يكون ليها ايقاع والكلمات تبقي اكثر جزاله والدارجي زاتو يبقي عنده وقع لا يبارح الاذن واصل ياخي ومشوار المليون ميل ببدا بخطوه لك التحايا
TARIQ
14-08-2006, 12:02 AM
يا مكتول ودمدني...
صحيح إنو رحلة المليون ميل تبدأ بخطوة زي ما قالت الأخت أميمة عشرية ... بس خطوة للأمام مش لورا ...