شوق للبلد ..

[مازن الجمّال]

شوق للنيل

وشجر نخيل

وشمساً باردة وراه تميل
وأرضاً طيبة وطينا وحيل
وشجر النيم الضله ضليل
وغصن البان فرحان بيميل

شوق لليل

وسمر الليل

وشلة ونسة مساهرة الليل
في ضو القمرة الكاشفة الليل
في الرملة الباردة الشاربة النيل
وفي نص الونسة الشاقة الليل
نسمع صوت غناوي الليل
ونتنفس نسايم الليل ..

شوق للناس

وطيبة الناس

الصافية قلوبا بدون وسواس
والعامرة قلوبا بالإحساس
والطاهرة قلوبا بحب الناس
والماخدة الطيبة وجوب وأساس

يا بلدي

تهنا هناك واتعذبنا في بُعدك
شربنا المر وعشنا الذل بعيد عنك
صبرنا كتير نفتش في وطن بَعدك
يكمل لينا من نقصا بدر منك
محال لكن نلاقي هدفنا غير عندك
أو صدراً يسعنا جميعنا غير صدرك

نلف نرجع نقول إنك..
عزيز وانحنا اتعذبنا في بُعدك ..

[اميمه عشريه]

مش غريبه يا راستا الانسان السوداني ده ممكن يكون اكتر زول بعاني في البسيطه دي لكن بحب بلدوا بشكل خرافي وبتعنصر لاهلو بشكل مذهل .. شعرك يعبر به حب رائع وافتقاد وحنين للبلد فربنا يرد غربتك سالما غانما ..

[مازن الجمّال]

مش غريبه يا راستا الانسان السوداني ده ممكن يكون اكتر زول بعاني في البسيطه دي لكن بحب بلدوا بشكل خرافي وبتعنصر لاهلو بشكل مذهل .. شعرك يعبر به حب رائع وافتقاد وحنين للبلد فربنا يرد غربتك سالما غانما ..

اميمة
العنصرة على أهلنا من أجمل الحاجات الغرسوها فينا أهلنا والشوق للسودان مش بيكون للسودان كبلد وانما لناس السودان الطيبين والبسيطين والحقيقة الواحد ما بحس بقيمتم إلا بعد فراقم ..

الله يرد غربتنا جميعا ..

وبالجد مرورك بيسعدني..

[معتز حمدتو]

يارائع روعة نسيم بلدي وخضرة زرعُ الحاضنُ النيل ...
وسامق سموق القبة والتهليل ...
احيك ود الجمال وانت تفيض بهذا النبع الدفاق من الشوق والحينن للبلد وقد ذكرتني اشواقك ندوه عن اغاني المرحوم الاستاذ/ مصطفي سيد احمد ، حيث قال المتحدث متوهما من يظن انه يغني لحبيبته بل هو يغني لحيبنا الاكبر هو السودان ومنذ ذلك الوقت وانا اتمعن المعاني الخفيه حيث اصبحت هي الهاجس حتي اتمكن من فهم الحقيقي .
لك الود واتمني ان نجتمع تحت القمر وعلي ضفاف النيل في مدنينا الجميله وان لا يكون لنا حبيبا نسيناه او نسانا .

[saleh farah]

الاحساس حلو يامازن زى اسمك كلو حلاوه بس معليش لو زحيت من التكرار شويه اكون احسن زى كلمة الليل مثلا استعملتها اكتر من مره وناس الشعر قالو الكلمه لما تكون فى الغافيه مسموح بيها بعد عشره بيوت على الاقل
انا القصيده عجبتنى شديد بس اعمل شنو الناس ديل قالو انا مشرف يبقى لازم اقول رايي بصراحه ولا رايك شنو
ماتحرمنا من كلامك الحلو وزى ماقالو زمان الحلو مابكمل

[مازن الجمّال]

يارائع روعة نسيم بلدي وخضرة زرعُ الحاضنُ النيل ...
وسامق سموق القبة والتهليل ...
احيك ود الجمال وانت تفيض بهذا النبع الدفاق من الشوق والحينن للبلد وقد ذكرتني اشواقك ندوه عن اغاني المرحوم الاستاذ/ مصطفي سيد احمد ، حيث قال المتحدث متوهما من يظن انه يغني لحبيبته بل هو يغني لحيبنا الاكبر هو السودان ومنذ ذلك الوقت وانا اتمعن المعاني الخفيه حيث اصبحت هي الهاجس حتي اتمكن من فهم الحقيقي .
لك الود واتمني ان نجتمع تحت القمر وعلي ضفاف النيل في مدنينا الجميله وان لا يكون لنا حبيبا نسيناه او نسانا .

العزيز جداً عزو


ويكفي انك بتزكرني بكل الجمال في الماضي


معتز خليك قريب مني واوعى تمشى بعيد ..

[مازن الجمّال]

الاحساس حلو يامازن زى اسمك كلو حلاوه بس معليش لو زحيت من التكرار شويه اكون احسن زى كلمة الليل مثلا استعملتها اكتر من مره وناس الشعر قالو الكلمه لما تكون فى الغافيه مسموح بيها بعد عشره بيوت على الاقل
انا القصيده عجبتنى شديد بس اعمل شنو الناس ديل قالو انا مشرف يبقى لازم اقول رايي بصراحه ولا رايك شنو
ماتحرمنا من كلامك الحلو وزى ماقالو زمان الحلو مابكمل

العزيز صالح فرح

وانا لاقي اني ألقى توجيهاتي واصلح غلطاتي من استاذ كبير زيك

وانا فعلا منتبه للحاجة دي لكن احياناً يا صالح بتجيني زي خواطر كده وبلقى نفسي كتبتها

واوعدك اني ادقق أكتر في كل حرف اكتبه

وحقيقة سعيد بي طلتك علي ..

[معتز تروتسكى]

خالص التحايا
الزميل
مازن الجمّال
عبرك اصرخ واستغيث متماديا فى النداء...
يا نحن ياهؤلاء ..
ياجميعنا..
كم شربنا كاسا ؛ ومن لم يجد اصبح يحتسى قطرات النبيذ على فخذ ماضيها ..
فكان الناس محترمون ينساقون للاذعان فى اسماء حضرتك وخاصرت البلد..
يشتاقون ان يفرغوا بقايا الشهوه...
انه الضحك المدجج بالاصرار على تلميع الدرب الاخذ للوطن؛
انه الفرح المسؤل عن وعورة الطريق ورطل الحليب ودفتر الخواطر...
فالتخمه داخل الدواخل قد تؤدى الى اول الطريق المؤدى لتراب البلد..
ولان انتمائنتا التى طرقت اول الطرق كانت حزن يهفو للافراح الاتيه فى اخر الطريق ثم كان الوحش والسكين والمسرح..
وكذلك ال http://www.sudaneseonline.com/db/attention/110_Idea.gif

التحايا النواضر

[مازن الجمّال]

في البداية
آسف للانقطاع

العزيز تروتسكي معتز
حقيقة اشتقت لحلو كلامك

تحياتي واحترامي يا معتز

[نيازى كشك]

اخى مازن
رد اللة الغربة

الشوق شريد
والروح ترفرف تبحث عن ثقب فى هذا السد
تنفذ منة الروح الى الغد
ويبقى الشوق الذى لاينتهى والابتسامة ينقصها شىء خفىْ

[مازن الجمّال]

نيازي ود ناس كشك
حقيقة رجعت لي ذكريات
وذكرتني بي ناس مدني الحنان

تحياتي يا نيازي ورد الله غربتنا جميعا

[اخو سوااح]

هههههههههههههههههههههههههههههههههههههههههههههههههه هههههههههههههههههههههه
عبدالرازق

[ودتابر]

نلف نرجع نقول إنك..
عزيز وانحنا اتعذبنا في بُعدك ..

عزيزي .. مازن ..
يعجز قلمي عن وصفك .. وأنت تعزف آخر المقطع .. فيا لك من سوداني رااااائع .. مرهف الاحساس .. تتدفق شعراً نابضاً يسوقنا لديار الغبش .. يمحو الجراح .. ويبدد الظلام .. فلك ألف ألف تحية .. وأتمنى أن تتواصل كلماتك واحرفك وتحرك كوامن اللوعة فينا .

[صابرحسين]

أخي مازن لك التحية وأنت تعبر عن حب الوطن بهذا الكلام الجميل وكأنك تحكي عنا جميعاً نتمنى أن نرى منك الكثير 0