ابو علا كوفي شوب

[Madanawi]

عمنا ابو علا لك التحية على الامتحان والمعلومات التي اعترف انني لا املك الاجوبة لها كاملة - عشان كدا انا حولت الاسئلة كلها لي ناس google لكن للاسف من يومها ما بيرفعوا سماعة التلفون الاسئلة دي اكيد ليها علاقة بالارهاب !!!!!!!!!!!!!!!!!!!!!!!!!!!!!!!

مرة واحد صاحبنا في مدرسة مدني الثانوية ممتحن تاريخ وعامل ليهو بخرة لمقالة " اسباب قيام الثورة المهدية "، فللاسف السؤال في الامتحان كان عن "اسباب انهيار الثورة المهدية". صاحبنا ما كضب وبدأ اجابته كالتالي:

دعكم من أسباب انهيار الثورة المهدية ولنتحدث قليلاً عن أسباب قيامها وبدأ يرش في البخرة............................................ .................................................. .................................................. .................................................. .................................................. .................................................. .................................................. ................

[abu_ola]

لاحولة ابو علاء عليك الله دا شنو دا ؟؟ :confused:
غايتو انا ماعرفت ليك اااااااااااااااااي حاجة في الاختبار دا غير
الحجلة وكمبلت دي مش بتاعت كورة الشراب :(


الغالية مدنية

لكي التحية و التجلة و الوفاء

الحكمة يا مدنية أنو الحجلة و كمبلت دي ما بتاعت كورة الشراب !!!!

عليك الله كورعت دي شنو

الامثال في بعض منها عرفته ناس الجمل مابشوف عوجة رقبته عشان دي حاااااااصلة عندنا بشدة


عشان كدة نحن دايرين نشوف عوجة رقبة الجمل دي جاتو من وين و نصلحها ليهو كمااااااااااان

[مدنيّة]

لاحولة ابو علاء عليك الله دا شنو دا ؟؟ :confused:
غايتو انا ماعرفت ليك اااااااااااااااااي حاجة في الاختبار دا غير
الحجلة وكمبلت دي مش بتاعت كورة الشراب :(


الغالية مدنية

لكي التحية و التجلة و الوفاء

الحكمة يا مدنية أنو الحجلة و كمبلت دي ما بتاعت كورة الشراب !!!!

عليك الله كورعت دي شنو

الامثال في بعض منها عرفته ناس الجمل مابشوف عوجة رقبته عشان دي حاااااااصلة عندنا بشدة


عشان كدة نحن دايرين نشوف عوجة رقبة الجمل دي جاتو من وين و نصلحها ليهو كمااااااااااان


الغش ممكن يا ابو عُلاء ؟؟ :confused: لو ممكن غايتو بطلع الامتحان دا وبمشي اغش واجي اكتب ليكم الحل بس انت اديني القرين لايت :p
اها عليك الله بعد ما تعرف الجمل دا العوج ليه رقبته شنو شوف لينا معك طير الباقير الحير ابراهيم قال شنو :D
يديك العافية اخوووووي

[مدنيّة]

عمنا ابو علا لك التحية على الامتحان والمعلومات التي اعترف انني لا املك الاجوبة لها كاملة - عشان كدا انا حولت الاسئلة كلها لي ناس google لكن للاسف من يومها ما بيرفعوا سماعة التلفون الاسئلة دي اكيد ليها علاقة بالارهاب !!!!!!!!!!!!!!!!!!!!!!!!!!!!!!!





يجازي محنك يامدناوي :eek: وانا اقول كل مااتصل علي ناس قوقل ديل بجيني الرد هذا المشترك لا يمكن الوصول اليه حاليا الرجاء المحاولة مرة اخرة اتاريك انت السبب :confused:

[abu_ola]

يطرشني ويطرش حبوبتي في تربتها



ما سمعت والله ولا شفت اي شيء من ده


كده سؤال هو شنو...


اكل ولا شراب ولا بيلبسوا


ولا يمكن ...لا لا اخير نسكت ولا الفضيحة


( ابو النسب غششني النبي ...بيني وبينك في الخاص وكده )


والله عاد بصراحة وحياة اولادي ما نقشت اي شيء من ديل


بالغت لكن يا الماحي شوية عدل بس يا كده يا كده وسط مافي

كده نشوف سوار دي يمكن تغششنا ولا مدنية



تبري من الطرش يا أم النسب

قلتي لي و لا سمع الجداد لي العد !!!!!

طيب دايرة تناسبينا أنا و ود الماحي كيف !!!!!

أها تتعاملي معانا بلغة الإشارة و لا شنو ؟؟؟؟

على العموم و لا يهمك يا ستي نحن وراكم وراكم

يا غرقت و لا جيت حازما

القمر بوبا عليك تقيل

اها ما تقولي لي القمر بوبا ما لبسيتها كمان !!!!!!

[abu_ola]

والله ابو علا


أنا بكتفي أكون من المرشحين


أها الأول منو


والله زرزرتا الناس ديل


ههههههههههههههههههه


الأعزاء المستشار ،،، راسكال

حضوركم تشريف لنا


و خلاص قيدنا اساميكم في المدرسة


لازم تبقوا نجاااض و مفتحين عشان تجوا الأوائــــل


الأوائـــــل و لا الأي أر تي كل عند العرب صابون

[مدنيّة]

طيب دايرة تناسبينا أنا و ود الماحي كيف !!!!!




عاد يا ابوعُلاء اخوي ود الماحي دا عرفنا تناسبه كيفن لكن انت تناسبك كيف ؟؟ :eek:

لا انت عندك ولد لا هي عندها بت :p

[abu_ola]

أبو النور


دي الحالة أنت أبو النور

طيب كان جاء ولدك النور يا ربي بقول شنو ؟؟؟؟

على العموم ورقتـــك ختيناها بعيييييييييييييد

و المدرسة انت خاشيها خاشيها لا محالة في ذلك

[abu_ola]

عمنا ابو علا لك التحية على الامتحان والمعلومات التي اعترف انني لا املك الاجوبة لها كاملة - عشان كدا انا حولت الاسئلة كلها لي ناس google لكن للاسف من يومها ما بيرفعوا سماعة التلفون الاسئلة دي اكيد ليها علاقة بالارهاب !!!!!!!!!!!!!!!!!!!!!!!!!!!!!!!

مرة واحد صاحبنا في مدرسة مدني الثانوية ممتحن تاريخ وعامل ليهو بخرة لمقالة " اسباب قيام الثورة المهدية "، فللاسف السؤال في الامتحان كان عن "اسباب انهيار الثورة المهدية". صاحبنا ما كضب وبدأ اجابته كالتالي:

دعكم من أسباب انهيار الثورة المهدية ولنتحدث قليلاً عن أسباب قيامها وبدأ يرش في البخرة............................................ .................................................. .................................................. .................................................. .................................................. .......................

مدناوي يا أخوي ما تزيد فاتورة النت عليك ساااااهي


قوقل ما بعرف جنس الكلام دا


وفر القروش لي مصاريف المدرسة


انتي ما سمعت بالبدوي القالو ليه أعرب كلمة

برنامج الرياضة

قال

بر : معاناها خلا و صحراء

نامج : أصلها ناجم بمعني نجيض

الرياض : عاصمة السعودية

الها : ما في ليها داعي

ما تخاف آآعشاي خلاص قيدنا اسمك في المدرسة

[Madanawi]

قراية تاني يا ابو علا؟؟؟؟

كان كدا احسن نخش في نسب ود الماحي ومدنية وابو رجاء!!!!!!!!

في طريقة ولا جينا متاخرين يا شباب؟؟؟؟؟؟؟؟؟

[مدنيّة]

ابو عُلاء عليك الله ماتحل الامتحان دا عشان انا ارسلت لي زول الجزيرة يحله لي واجيبه ليك تصححه :p

[ابوشوتال]

واحد قهوة سادة

واحد قرفة

واحد شيريا

واحد شاي سكر زيادة
واحد كبينة ضوها زيادة عشان انا نظري 3

اكتب ليك لوحة قدام المحل ( بكرة الدخول مجاني عشان نجي)

[ابوالنور]

ابو عُلاء عليك الله ماتحل الامتحان دا عشان انا ارسلت لي زول الجزيرة يحله لي واجيبه ليك تصححه :p



هي وتاني هي ارعي بي قيدك
يجز راسك الما فيه شعر دا قولي امين

[شبارقة]

الناس ديل متلمين في الكافتريا دي من متين ، وأنا أوزع في الجرايد بره بره، ليه ماكلمتونا من زمان؟؟
جرايد .. جرايد .. أقرا اليوم جريدة المنتدى .. الأخبار السياسة والإجتماعية ..
جرايد جرايد ...
***
لكم خالص الود

[hamad2]

ابوعلا والله كن ماعندي امتحانات كان خشيت معاك لكن مامشكلة خليها لي باكلوك
وادعو لي عليكم الله

[بنت الرفاعي]

بصراحة قايلة روحي تفتيحة وشايلة مفاتيحة لكن لقيت اني شايلة المفتاح الخطأ,
لكن كمبلت دي لعبتها زمان لمن كنت صغيرة وبلعب بالتراب, بمناسبة التراب والحنكشة سمعتوا التحريف بتاع لمن كنت صغيرة بلعب بالتراب بقوهو حاجه مبااااااالغة.:p
عندي ليكم قتراح وبما انو انتو حدخلونا مدرستكم ضد الحنكشة مع اني ماحنكوشة ومابريد الحنكشة لكن تفتيحة في حاجات فتعلمونا وأنا ورضا والمعانا نعلمكم يعني يبقى تبادل معلومات رايكم شنوو؟؟؟!:D
أها الحصص بتبدا متين؟؟؟

[مدنيّة]

يااخوانا كدي شوفوا ابوعُلاء دا الحاصل عليه شنو ؟؟ :confused:
ياربي يكون مشي براه لمعسكر محو الحنكشة :p
غايتو ننتظر تلاتة ايام من تاريخه كان ما ظهر نمشي نبحث مع الشرطة زي ماعملنا لشبارقة

[ابوالنور]

أبو النور


دي الحالة أنت أبو النور

طيب كان جاء ولدك النور يا ربي بقول شنو ؟؟؟؟

على العموم ورقتـــك ختيناها بعيييييييييييييد

و المدرسة انت خاشيها خاشيها لا محالة في ذلك
في زمتك الكلام الحليتو انا دا لو جبتا بت فلفل بتحلو ليك بت فلفل دي حبوبتنا السادسه

[بنت الرفاعي]

اليوم التالت جا يا مدنية وأبو علا ماظهر أرح نبلغ ونفتشو نحن ذاتنا.

[ابراهيم]

في زمتك الكلام الحليتو انا دا لو جبتا بت فلفل بتحلو ليك بت فلفل دي حبوبتنا السادسه

والله يا ابو النور ضحكتني لمن وقعت:D

[خواطر]

اها يااخوان ابو علا دا فات وين انا حاضرب ليهو واردليكم بكرة

[مدنيّة]

معليش يااخوانا ابو عُلاء في مهمة عمل وح تخلص نهاية الاسبوع باذن الله وهو ببلغكم اسفه وح يواصل معانا من بداية الاسبوع الجادي باذن الله

[ابوالنور]

ناس الكوفي سلام عليكم ونستكو حلوه وميتكو باره واتو زاتكو حلوين بجيكم يوم اتونس معاكو

[خواطر]

ببلغكم سلام ابو علا انا اتصلتا عليهو امبارح وزي ماقالت اختنا مدنية انوا انشاء الله الاسبوع الجاي حيفتح الباب من الصباح ويقش المحل ويرش قدام الباب عشان الغبار

[معتز حمدتو]

النجاضة ابو علا
تسلم علي الاسئلة والاجوبة انا عارف كمبلت وشدت بس كورعت ده الماعرفتها ياربي تكون ذي ام الحفر ولا تك تراك لكن العشرين سطر ده عاوزه مخمخه بعد مباراة عمان والامارات بالمناسبة انت بتشجع وين ؟؟؟؟؟
تعرف مره من المرات جالسين في المركز الثقافي في ابوظبي لتكريم المتفوقين من طلاب الشهادة الثانوية من السودانيين فسؤالت طالبه عن المشلعيب والمعراكه والسيار والقرقريبه والصاج وماعرفت الا الصاج وبكل بروده قالت للسأل انت فاكرني داخله جامعه ولا مطبخ .
بالمناسبة تعريف المتبقي من اختصاصك ياود القبائل .

[salwa]

ابو علا

وينك

منتظرين اي شيء بس تهل علينا نسماتك ا الغاليه

اظهر وبان,,,,وليك الامان

[ابوالنور]

ابو علاء انشاءالله المانع خير والله قتلتنا القريفه

[مدنيّة]

ابو علاء انشاءالله المانع خير والله قتلتنا القريفه


قلتلك شنو ياابو النور :confused:

انا بجي بعد شوية احل الامتحان عشان ابوعلاء لما يجي يصحح لي ومايدخلني مع الحناكيش :D

[مدنيّة]

اها انا جيت احل الامتحان :D

[مدنيّة]

إختبار تحديد مستوي الحنشكة في الدم



السؤال الأول :

عرف الآتي تعريفاً شاملاً

1/ العبوب

هو صغير البقر الذي مات عند الولادة

2/ المشلعيب

نوع من السعف يستعمل في حفظ الاطعمة

3/ الملود

الة من الالات الزراعة تتكون من حديد + حطب

4/ الكبروس

نوع من انواع السمك

5/ الدهاسير

نوع من الاشجار

6/ الحنقوق

جريد النخيل (السعف)

7/ البخسة

اناء من القرع يستعمل في هز اللبن

8/ الضناب

هو حبل يربط به السرج في الحمار

9/ ام شعيفة

ملاح ويكة بدون لحم

10/ اللقاي

اناء يوضع تحت الزير


السؤال الثاني :

إختر الكلمة الشاذة من الآتي و وضح السبب
[COLOR="purple"]1/ أم حليبين / أم تكشو / أم بقبق / ام كيكي

ام كيكي لانها اله طرب والاخريات نوع من انواع الاطعمة

2/ الرباع / السديس / الدغور / التني

الدغور هو العجل الذي لم يتشبع باللبن

3/ الهواب / الهمبول / العبوب / خيال المآتة

الهمبول هو تمبوك العشر

4/ الليشفا / السوميتة / الحجل / الزمام

الليشفا تزين الشفاة السفلي

5/ البخسة / الباطي / السعن / الوكــاي


[COLOR="blue"]السؤال الثالث

حل الغلوتية التالية

1/ المكربعة أم كرعين أربعة كان هي حامت القيامة قامت

دابة الارض

2/ أربعة خبابات و اربعة صبابات و أتنين يشحدو في رب العالمين و بي وراهم أخوهم مجينين



3/ كان شالو ما بنشال و كات خلو سكن الدار

الرماد

4/ دخل القش ما قال كش

الظل

5/ جدادتي الرقطا تجيب الخبر من قعر الوطة


السؤال الرابع

اشرح المثل الشعبي الآتي


1[COLOR="purple"]/ ود الفار بطلع حفار

الولد بطلع لابوه

2/ الفيك بدربـــو

الحاجة الفيك سارع وقول انها في الناس

3/ الحسنة معطت شنب الأسد
بالحسني ممكن تصل لما تريد حتي وان كان صعب المنال

4/أم جركم ما بتأكل خريفين

5/ الجمل ما بشوف عوجة رقبتو
الانسان ما بشوف العيب اللي فيه


اها والله دي الاجابات اللي شففوني ليها مابعرفها كان صح ولا غلط

[salwa]

ها والله دي الاجابات اللي شففوني ليها مابعرفها كان صح ولا غلط


مدووووووووووووووووووون


بالغتي

ما تسكتي ساي يا بنت البخليك تفضحي حالك وحالنا مالك

( نظام لصقة بس فرصة قلت اعمل نفسي شففتك )




ابوعلاااااااااااااااااااااااااااااااااااااا

مشتاقين والله ومنتظرين

[ابوالنور]

إختبار تحديد مستوي الحنشكة في الدم



السؤال الأول :

عرف الآتي تعريفاً شاملاً

1/ العبوب

هو صغير البقر الذي مات عند الولادة

2/ المشلعيب

نوع من السعف يستعمل في حفظ الاطعمة

3/ الملود

الة من الالات الزراعة تتكون من حديد + حطب

4/ الكبروس

نوع من انواع السمك

5/ الدهاسير

نوع من الاشجار

6/ الحنقوق

جريد النخيل (السعف)

7/ البخسة

اناء من القرع يستعمل في هز اللبن

8/ الضناب

هو حبل يربط به السرج في الحمار

9/ ام شعيفة

ملاح ويكة بدون لحم

10/ اللقاي

اناء يوضع تحت الزير


السؤال الثاني :

إختر الكلمة الشاذة من الآتي و وضح السبب
[COLOR=purple]1/ أم حليبين / أم تكشو / أم بقبق / ام كيكي

ام كيكي لانها اله طرب والاخريات نوع من انواع الاطعمة

2/ الرباع / السديس / الدغور / التني

الدغور هو العجل الذي لم يتشبع باللبن

3/ الهواب / الهمبول / العبوب / خيال المآتة

الهمبول هو تمبوك العشر

4/ الليشفا / السوميتة / الحجل / الزمام

الليشفا تزين الشفاة السفلي

5/ البخسة / الباطي / السعن / الوكــاي


[COLOR=blue]السؤال الثالث

حل الغلوتية التالية

1/ المكربعة أم كرعين أربعة كان هي حامت القيامة قامت

دابة الارض

2/ أربعة خبابات و اربعة صبابات و أتنين يشحدو في رب العالمين و بي وراهم أخوهم مجينين



3/ كان شالو ما بنشال و كات خلو سكن الدار

الرماد

4/ دخل القش ما قال كش

الظل

5/ جدادتي الرقطا تجيب الخبر من قعر الوطة


السؤال الرابع

اشرح المثل الشعبي الآتي


1[color="purple"]/ ود الفار بطلع حفار

الولد بطلع لابوه

2/ الفيك بدربـــو

الحاجة الفيك سارع وقول انها في الناس

3/ الحسنة معطت شنب الأسد
بالحسني ممكن تصل لما تريد حتي وان كان صعب المنال

4/أم جركم ما بتأكل خريفين

5/ الجمل ما بشوف عوجة رقبتو
الانسان ما بشوف العيب اللي فيه


اها والله دي الاجابات اللي شففوني ليها مابعرفها كان صح ولا غلط
ملحق ولا شنو امتحنا زمااااااااااااااااااااااااااااااااااااااااان

[مدنيّة]

ها والله دي الاجابات اللي شففوني ليها مابعرفها كان صح ولا غلط


مدووووووووووووووووووون


بالغتي

ما تسكتي ساي يا بنت البخليك تفضحي حالك وحالنا مالك

( نظام لصقة بس فرصة قلت اعمل نفسي شففتك )




ابوعلاااااااااااااااااااااااااااااااااااااا

مشتاقين والله ومنتظرين


اي اي ياسلوي ياغالية الكضب حرااااااااااام :p

[مدنيّة]

ملحق ولا شنو امتحنا زمااااااااااااااااااااااااااااااااااااااااان


امتحنت عملت شنو يعني ماعدت السنة :rolleyes:
اخير انا شلت الامتحان بدائل ومشيت ذاكرت وجيت :D

[ابوالنور]

امتحنت عملت شنو يعني ماعدت السنة :rolleyes:


اخير انا شلت الامتحان بدائل ومشيت ذاكرت وجيت :D


انشاءالله تجي الاوله

[خواطر]

4/أم جركم ما بتأكل خريفين
ام جركم دي نوع من الجراد ياتي غالبا لي اهلنا ففي غرب السودان وهو بيجي مع امطار الخريف وبعد كدا بيموت عشان كدا بيقولو مابتاكل خريفين

[ابوالنور]

اها يا مدنيه طلعو ليك غلطه تقولي لي زاكرت

[مدنيّة]

اها يا مدنيه طلعو ليك غلطه تقولي لي زاكرت


ماغلطة يااااااااااااخ
دي انا فضيتها الزول الشففني ماعرفها ;)

[ابوالنور]

ماغلطة يااااااااااااخ



دي انا فضيتها الزول الشففني ماعرفها ;)


الحقي يا مدنيه الامتحان قالو كشفو وحا يعدو
انشاءالله الزول الشففك يكون قاعد ما مشي

[مدنيّة]

الحقي يا مدنيه الامتحان قالو كشفو وحا يعدو
انشاءالله الزول الشففك يكون قاعد ما مشي


مافي اااااااااااااااي مشكلة هو قااااااااعد وجبت ليه دعم كمان :cool:

[ابوالنور]

مافي اااااااااااااااي مشكلة هو قااااااااعد وجبت ليه دعم كمان :cool:




دعم فني 0000000000000000000000000

[محمد حسين (المميز)]

هاا جماعه سلام عليكم

والله قلنا نجي نتفقدكم سااااااي

ابوعلا اظهر وبان عليك الأمان
ياااااااااااربي الزول ده يكون جــنّ وعرّس تاني
ويكون ياربي في شهر العســل
الله يكضب الشينه

الله يستر قالو مرتو مشتركه معانا هنا في المنتدى
انشالله ماتعرف الكلام ده

استغفرالله استغفرالله استغفرالله
الفتنه اشد من القتــل

*-*-*-*-*-*-*-*-*-*-*-*

[abu_ola]

حبايبنا الحلوين
أو التبادي اسفيييييييييييييييييين على التأخير بس مصايب الدنيا اكبر مننا
تحياتيو اشواقي لكم فردا فردا

المفروض ارد علىكل واحد منكم بس خدو دي بلو بيها ريقكم و اتصبروا لحدي ما نكنس المحل و ننفض عنه غبار السنين

الإمتحانات و الملاحق انتهت خلااااااص و المدرسة بكرة من الصباح و يا حلوين كلكم داخلين المدرسة

ود حسن يا اخوي مش كان فكيت تثبيت الكوفي كان وديتنا غابة امبارونة بنفتح المدرسة بنفتح المدرسة دي ما فيها شك و بنزيل الحنكشة تب كان المولي هون

جايييكم بس شيلوا الصبر شوية

[abu_ola]

سلام يا حلوين و جيناكم

[مدنيّة]

سلام يا حلوين و جيناكم


وعليكم السلام ورحمة الله وبركاته

صحي زي ما بيقولوا مصيرو الحي يلاقي

شنو ياابوعُلاء قدر كدا الغيبة ؟؟ غايتو لكن ما بسعلك

اها الجية دي ما تبقي زي الفاتت قلت جاي واخدت ليك شهر حتي ظهر هسي

منتظرين والله رجعتك اخووووي

[abu_ola]

السلام عليكم و رحمة الله و بركاته يا حلوين

المعذرة و السموحة على الغياب

انا عارف نفسي متلوم فيكم بالجملة

بس و الله ما كان بي يدي حيلة و انتو عارفين الشغل و ظروفو

المهم انا جيت و تاني ما بفوتكم

و كل يوم تلقوني من الصباح مصنقر منتظركم

و ياني ابو علا القديـــــم

إلا بس فاقد حجابي و ضاع سواري

زي ما قال حميد

[مدنيّة]

لالالا ابو عُلاء لا فقدت حجابك ولا ضاع سوارك

بس يلا كدي شد حيلك وصحح لينا الامتحان اللي انا مشيت شفيته وتعبت تعب السنين عشان اصل للاجابات الصحيحة

[abu_ola]

الحبايب الحلوين

سلامات و إشتياقات ما ليها عد

خلاص خلصت الإختبارات و بكرة الدراسة من الصباح

أنا غبت ما فيهو الكفاية عشان كده ما داير اي واحد يغيب منكم

كل واحد يجيب عنقريبو و يجي يسكن معانا

يا بنات ما تنسو البنابر تجيبوها معاكن زي ما تفقنا

تأكيداً على مصداقية المدرسة و انتهاجها احدث الوسائل العلمية نرفق لكم حل إختبار تحديد مستوي الحنكشة و بكرة ان شاء الله سوف نكتب لكم مقرر المستوي الأول و سوف نعقد جلسة نقاش لمناقشة و تنقيح المقرر ...

حلول إختبار تحديد مستوي الحنشكة في الدم

السؤال الأول :

عرف الآتي تعريفاً شاملاً

1/ العبوب
هو عبارة عن جلد العجل الميت يتم سخله و يملأ بالقش حتي يصبح بشكك العجل و يستخدم في ساعة الحليب لخداع البقرة لتظن بأن الواقف أمامها هو عجلها المتوفي
2/ المشلعيب

المشعلين يسمي دواء الكلب او ثلاجة المسكين اناء يصنع من السعف على شكل ضفاير بعلق في الراكوبة او سقف البيت يستخدم لحفظ الطعام

3/ الملود

أداة من أدوات الزراعة مقوسة الشكل تشبه السهم الى حد ما ، تستخدم في حش القش و تنظيف النباتات من الأعشاب الضارة

4/ الكبروس
أناء يستخدمه الراعي لحفظ الطعام و يكون عبارة عن بسلة ، كورة أو علبة قديمة

5/ الدهاسير
نبات بري ينمو على حافة الترعة أو الجداول الزراعية و يستخدم كبخور لعلاج الرطوبة

6/ الحنقوق
يسمي السعف المر او ضكر السعف هو نوع من السعف القوي هو عبارة عن الجزء الأوسط من جريد النخلة ( الورقة ) يستخدم قي صناعة المقاشيش

7/ البخسة
أناء يصنع من القرع بعد تجفيفة و تنظيف البذور من داخله و يستخدم في حفظ الروب كما تستخدم البخسة الصغيرة في الشراب ( مثل الكوز )

8/ الضناب

حب صغير يربط يستخدم لربط السرج و يمر بمؤخرة الحمار لشيد السرح و منعه من السقوط من على ظهر الحمار

9/ ام شعيفة
ملاح يشبه إلى حد ما ملاح الشرموط الأبيض و هو عبارة عن ( موية + ويكة + بصل ) و لكن دون إستخدام الشرموط ( الحم المجفف )

10/ اللقاي
أناء صغير عبارة عن كورة بخسة أو أي اناء قديم يوضع تحت الزير لتشرب منه السواسيو ( السواسيو = الكتاكيت )

السؤال الثاني :

إختر الكلمة الشاذة من الآتي و وضح السبب

1/ ام كيكي

الكلمة الشاذة هي ( ام كيكي ) و هي آلة موسيقية شعبية شبيه بالكمان تتألف من وتر واحد مصنوع من شعر ذنب الحصان و تعزف بإستخدام قوس مشابهه لقوس الكمان تماما (أم حليبين أم تكشو أم بقبق ) أنواع أكلات شعبية

2/ الرباع السديس الدغور التني

الكلمة الشاذة ( الدغور ) و هو صغير الماشية المتوفي أمه ( يتيم الماشية ... يا حرااااام )
( الرباع السديس التني ) مراحل نمو الماشية

3/ الهواب الهمبول العبوب خيال المآتة

الكلمة الشاذة هي العبوب و قد تم شرحه سابقاً

4/ الليشفا السوميتة الحجل الزمام

الكلمة الشاذة : الليشفا و هو عبارة عن أداة شبيهة بالمرواد تستخدم في المشاط
السوميتة ، الحجل ، الزمام نوع من الحلي تستخدم للزينة

5/ البخسة الباطي السعن الوكــاي

الكلمة الشاذة : الوكاي
عبارة عن خيط ( حبل ) صغير يربط به خشم القربة أو السعن لمنع تدفق الماء او الروب ( البخسة ، الباطي ، السعن ) أسماء لبعض الأواني المنزلية

السؤال الثالث

حل الغلوتية التالية

1/ المكربعة أم كرعين أربعة كان هي حامت القيامة قامت

الراكوبة و في رواية أخري الفروة

2/ أربعة خبابات و اربعة صبابات و أتنين يشحدو في رب العالمين و بي وراهم أخوهم مجينين
دي البقرة
4 خبابات : الأرجل
4 صبابات : ثدي البقرة
الأثنين : القرون
الواحد : الضنب ( الذيل )

3/ كان شالو ما بنشال و كات خلو سكن الدار
الرماد أو الهبود

4/ دخل القش ما قال كش
الظل

5/ جدادتي الرقطا تجيب الخبر من قعر الوطة
الجواب ( يعني لا الراديو و لا التلفزيون و لا الموبايل ولا الأنترنيت ) يا حناكيش موتو بغيظكم ....

السؤال الرابع

اشرح الممثل الشعبي الآتي

1/ وليد الفار بطلع حفار

الطبع يقلب التطبع

2/ الفيك بدربـــو

كل إناء بما فيه ينضح


3/ الحسنة معطت شنب الأسد

الأعمال الطيبة تلين أكثر القلوب قساوة و تستطيع أن تنال بالكلمة الطيبة ما لا تقدر على نيله بالقوة و المنعة

4/أم جركم ما بتأكل خريفين

أم جركم هي نوع من الجراد موجود في غرب السودان لا يزيد عمرها عن سنتين
و غالباً ما تولد في بداية فصل الخريف و تموت قبل الخريف التالي

5/ الجمل ما بشوف عوجة رقبتو


الانسان ما بشوف العيب اللي فيه

اما السؤال الخير ان شاء الله سوف يتم شرحها عن طريق الفيديو لتعمل الفائدة بصورة اكبر و ضمان تطبيق اللعبة بحزافيرها

[مدنيّة]

هي يا ابوعُلاء يعني ما قلت لي انا جبت كم في الاجوبة الشفيتها ديك ؟؟ :confused:

[ابراهيم]

تعرف يا ابو علا
اولاً بالتبادي مشتاقين
وتانياً بالتبادي
انت بتجيب الكلام دة من وين
انا والله ترباية حبوبات عشان ما تقول على حنكوش لكن يمين الامتحان لو جبتو لي حبوبة كان طشت شبكة ..
لكن روعة حقيقة خاصة الكلام ماخد من هناك وهناك يعني في تغطية جغرافية ودة اجمل ما في الموضوع انا غايتو بطبع الكلام دة وبحفظو تاني مافي زول يقدر يقشر بينا
تسلم يا غالي وما تنقطع يا عزيزي

[abu_ola]

الأعزاء طلاب و طالبات الحنكشة

نقدم لكم مقرر طلاب محو الحنكشة ( المستوي الأول ) علماً بان سوف تعقد ورشة عمل بمباني الكوفي لمناقشة المقرر ، عليه نرجو تسجيل ملاحظاتكم و إقتراحاتكم القيمة


ملخص المقرر :

1/ الأمثال الشعبية معاني و دلالات
نماذج من الأمثال الشعبية
معاني الأمثال
الهدف من المثل ( متى يضرب المثل )
الحكمة أو المثل العربي المرادف له


2/ الأحاجي السودانية دراسة و تحليل
نموذج الأحاجي
شرح الأحاجي
الهدف أو العبرة من القصة

3/ الألعاب الشعبية و أثرها في بناء الفرد و المجتمع

شرح اللعبة
الهدف من اللعبة
المهارات المكتسبة من اللعبة

5/ الأكلات السودانية طريقة التحضير و الفوائد الغذائية
أسم الأكلة
طريقة التحضير
الفائدة الغذائية و العلاجية

6/ الأعمال الحرفية و أثرها في تنشيط الصناعات و زيادة الدخل
أسم الحرفة
طريقة عمل الحرفة
الإستخدامات


8/ الشعر و الأغاني و الرقصات الشعبية

نماذج من الدوبيت / المسادير / شعر الهمباتة / أغاني الحماسة / الطتبور / الجراري

اسم الرقصة / طريقة الأداء / مناسبات الرقصة .


9/ العادات و التقاليد و اثرها في المحافظة على الهوية السودانية

النفير / الشلوخ / البطان


10/ الأزياء و الزينة و العطور الشعبية


11/ الغلوتية , أثرها في تنشيط الذهن و نمو المهارات الإبداعية و تطوير الملكات العقلية

12 / الشخصيات الإجتماعية و أثرها في الترابط الأسري و المجتمعي
الحبوبة
الحكامة
الهداي



المراجع

تاريخ دخول الحنكشة السودان - للمؤرخ بتاع الشمارات

التراث و آثاره في بناء شخصية الفرد السوداني - حبوبة السرة

أثر الحبوبات في تقويم سلوك الحنكوشات - التاية بت جبارة

الحنكشة من منظور أهل العوض - عمك ود الماحي

تعريب مصطلحات الحنشكة - حسن ود جبارة الله بالتعاون مع الحنكوشة نيللي

مستقبل الصراع الفكري بين الحناكيش و أهل العوض - العوض ود نفسية بت اللمين

الإغتراب و أثاره في تغير معالم الشخصية - اتحاد نساء المغتربين

لزوم الكندشة واصول الحنكشة - اتحاد حناكيش جبرونة

الحتكشة وجهجهة التساب – ديون شعر - ابراهيم ود جزيرة الفيل

قاموس المصطلحات العوضة قاموس ثلاثي اللغة ( عوضي – عربي - حنكوشي )

[مدنيّة]

لاحولة يا ابوعُلاء :eek:

دي رؤوس المواضيع طب المواضيع كيف ياربي

[abu_ola]

هي يا ابوعُلاء يعني ما قلت لي انا جبت كم في الاجوبة الشفيتها ديك ؟؟ :confused:



الرائعة مدنية

خلي الطابق مستور و بكرة من الصباح ابري قلمك و تعالي بدري كان تلقي ليك بنبر قدااااااااااااااام جنب الأستاذ

[abu_ola]

تعرف يا ابو علا
اولاً بالتبادي مشتاقين
وتانياً بالتبادي
انت بتجيب الكلام دة من وين
انا والله ترباية حبوبات عشان ما تقول على حنكوش لكن يمين الامتحان لو جبتو لي حبوبة كان طشت شبكة ..
لكن روعة حقيقة خاصة الكلام ماخد من هناك وهناك يعني في تغطية جغرافية ودة اجمل ما في الموضوع انا غايتو بطبع الكلام دة وبحفظو تاني مافي زول يقدر يقشر بينا
تسلم يا غالي وما تنقطع يا عزيزي

الرائع دوماً برهــــــــــــــــوتة

تحيات و أشتياقات شايلنها بالشولات

أنقر انت كان قلت لي انا حنكوش بصدقك !!!!!!!!!!

قال تربية حبوبات قال

باين لي انو حبوبتك دي كان اسمها سوزي

انتو يا ناس جزيرة الفيل اسكتو ساااااكت

بالمناسبة انا عندي اصحاب من جزيرة الفيل ان شاء تكون بتعرفهم

ما يبقو عليك اتنين حنكشة و عدم معرفة ( هههههههههههههههههههه )

[مدنيّة]

الرائعة مدنية

خلي الطابق مستور و بكرة من الصباح ابري قلمك و تعالي بدري كان تلقي ليك بنبر قدااااااااااااااام جنب الأستاذ


اي اي ابوعُلاء مافي اي مشكلة من الصباح بدررررررري
بس ما يكون فيها طابور عشان انا ما بقدر اقيف

[abu_ola]

أعزائي الطلاب الأوفياء

السادة / أولياء الأمور المحترمين

سوف تبدأ الدراسة من اليوم لذا وجب التنويه بضرورة الحضور و أهمية مناقشة الدروس لتعم الفائدة كما لا يفوتني أن اذكر الطلاب بضرورة تسجيل الحضور عند الإطلاع على هذه المحاضرات

الأمثال الشعبية معاني و دلالات

المثل هو مقولة شعبية مختصرة تحمل في طياتها الحكمة و يتداولها الناس مع التركيز على المعني العام دون الإلتفات لصاحب المقولة و يضرب المثل في الحالات المشابهة لتوضيح الحكمة أو المعني المراد . . و الأمثال الشعبية السودانية تعتبر عصارة تجارب المجتمع في جميع مراحل تطوراته الحياتية الإقتصادية و الفكرية و الثقافية و تمثل الأمثال الشعبية علامة بارزة في تطور الثقافة الشعبية كما تعتبر الأمثال بمثابة الإشارات المرورية التي تنظم حياة الفرد و المجتمع لما للمثل من مكانة نفسية خاصة في نفوس عامة الناس .

الحسنة معطت شن الاسد

يقال أن هناك أمراءة أتت الى رجل حكيم ظناَ منها بأنه دجال أو مشعوذ و طلبت منه أن يعمل لها عملا تستطيع به أن تسيطر على زوجها فطلب منها أن تحضر لها شعرة من شارب ( شنب ) الأسد فذهب المرأة الى الغابة بحثاً عن الأسد و ظلت تقدم له الطعام يوماً بعد يوم و تتقرب إليه و تتودد إليه و بعد مرور أكثر من شهر إستطاعت المرأة ان تلمس الأسد و تقترب منه أكثر و في لحظة من لحظات أنسجام الأسد مع الطعام الذي تقدمه له أستطاعت المرأة أن تنال مرادها و تحصل على شعرة من شارب الاسد و أتحت بها فرحاً الى ذلك الرجل فلما رأي الرجل ذلك الشعر و شرحت له كيفية الحصول عليه بعد ترويضها للأسد و تقديم الطعام له و التقرب منه يوماً بعد يوم قال لها الرجل الحكيم أن زوجك ليس أكثر وحشيةً من الأسد فأتني وحدك القادرة على ترويضه و الحصول على مبتغاك منه ، ثم أطلق مقولته الشهيرة التي صارت مثلاُ ( الحسنة معطت شنب الأسد )
الحسنة : تشمل كافة الأعمال و الكلمات و الإشارات الحسنة
معطت : أقتلعت
شنب : شارب
اللسد : الأسد
المعني : العمل الطيب يلين أشد القلوب صلابة ( الحسنات يأكلن السيئات )
يضرب المثل في التأكيد على أن عمل الخير لا يضيع سدا
أزرع جميلاً و لو في غير موضعه ** ** ** فلن يضيع جميلاً أينما زرع

[samah]

ابو علا سلام والله انا زعلانه لاني مادخلت البوست من زمان كن بكل عافية المطر
كلامك سمح وانا بريد متل الكلام ده شكرا ليك
انا حنكوشه من الجزيره يعني بعرف ام تكشو والموليته وام بقبق
وجايه اتعلم اها اقعد وين جنب مدنيه
ودمت لينا وعندي كم سؤال كده
اقعد عافيه

[شبرقية]

يديك الف عافية ابو علا
والله بوست قمة في الروعه
وقلمي هدا جنبي ودفتر كبير
يلا ابدا الحصة

والى الامام
معا لمحو الحنكشة

[مدنيّة]

اي اي يا سموحة عشان اشف منك :D

ويلا يااستاذ عشان نمحو امية ناس شبرقية ديل :p

[abu_ola]

ابو علا سلام والله انا زعلانه لاني مادخلت البوست من زمان كن بكل عافية المطر
كلامك سمح وانا بريد متل الكلام ده شكرا ليك
انا حنكوشه من الجزيره يعني بعرف ام تكشو والموليته وام بقبق
وجايه اتعلم اها اقعد وين جنب مدنيه
ودمت لينا وعندي كم سؤال كده
اقعد عافيه


سموحة
الصبوحة

العاجبانا و عاجبة روحها

وينك يا بت امي من زمااااان

الزعل و حردان ابو الدقيق ما بنفع

الكوفي فاتح 24 ساعة و المدرسة منورة بي وجودك يا الغالية

عاد نسوي شنو ناس مدنية و نور العيون و شوق العيون و همس الجنون و المميز و أخوهم حسون
و عصير ليمون و كلو عند العرب صابون ديل بقلع ليك حنكشتهم دي قلعة فجلة من الواطة

اها يدك معانا شوية ادي المدرسة لزة و ما تنسي تجيبي معاك المعراكة عشان نسمح بيها السبورة

عمك ود الماحي كان صادفتي فرت يوم كان تهملي مشهادتك و تصاقريه يوماتي على الله

جيبي ليك بنبر وهيييييييييييييييط و ختي قدام و ابقي نجيييييضة مدنية ما تشيل منك كراسك تعمل بيهو مرقنبو قربنو

غايتو في الزمن دا الواحد بنات افكارو كان ما حافظ عليها بشيلوها اعرسوها لأولاد افكار واحد تاني و بتجيب ليك المحنكشين و انصاف المدلعين و الممسحين بالنيفا و الفازلين و عاد لي وين

من اليوم دا داير اشوفك يوماتي في المدرسة و مسجلة حضور و كان ما لقيتي دفتر اشختي في الواطة و قولي يا واحد الله و يا محمد رسول الله


ام تكشو دي دفي ليها الموية شوية و الموليتة فقشي ليها البصل الكبار كبار

و غني معاي

أنا أم بقبق قرعة الشيخ

أنا ام بقبق قرعة الشيخ

[abu_ola]

يديك الف عافية ابو علا
والله بوست قمة في الروعه
وقلمي هدا جنبي ودفتر كبير
يلا ابدا الحصة

والى الامام
معا لمحو الحنكشة



شبرقية

الحنكوشة

النعنوشة

الراسية ما مدووشة

كان ما المدرسة مجان

كان تقرأ بي قروشة

كان ما خليت حنكـــك سنيــــــــــييين زي القوقاية أكون أنا ما ابو علا

بس ساعديني بالحضور

و الأنتباه

و سندوتشات الفطور

[abu_ola]

اي اي يا سموحة عشان اشف منك :D

ويلا يااستاذ عشان نمحو امية ناس شبرقية ديل :p



تبصي من منو يا مدنية اختي

ديل كلهم بسلامتهم حناكيش جداد لنــــج

بعدين نظام مرقنــــــــبو قربنـــبو دا أنا ما بنفع معاي

شبرقية شنو يا اختي

صحي و الله قالوا أبو سنيــنة بضحك على أبو سنيـــينتين

النصيحة لي الله يا مدنية اختي انتي داير ليك معسكر مقفول و دروس عصر و مدرس خصوصي

و كان عندك محــرم بعرف جنس النضمــي دا جيبيــه معااااك

و بعد دا كان تنجحي انتي في و أنا في و زي ما قالوا الموية تكضب الغطاس

[abu_ola]

حبايبنا الحلوين

مساكم الله بألف خير

سوف نتحدث اليوم عن واحدة من العادات السودانية الخالدة التي تفرد بها هذا المجتمع السوداني العظيم فهذه دعوة عامة للتعرف على النفير

النفير عادة تكافلية إجتماعية تكرس روح الوحدة و العمل الجماعي تعتمد على تكاتف الأهالي و تعتبر مقياس لروح الأخاء و الترابط بيت أفراد المجتمع إذ يهدف النفير لمساعدة الضعيف و نجدة الملهوف
و قد تكون التسميه تشبيهاً بنفرة الحجاج من صعيد عرفات الطاهر في اليوم التاسع من شهر ذو الحجة أو قد تكون كلمة نفير مأخوذة من الفعل (نفر ) بمعني هب و قام لمساعدة شخص ما
و النفير عادة سودانية أجتماعية قديمة ذات جذور تكافلية دينية اسلامية تبين بجلاء التساوي بين أفراد المجتمع و حب الخير للجميع و هي ذات دلالة على ترابط النسيج الأجتماعي لأفراد المتجمع الواحد و فيها تتجلي اسمي أيات الإيثار و حب الخير للجميع كما تبرز أهم سمات الشخصية السودانية مثل الكرم و الترابط و الرجولة و الشهامة و الصدق و الوفاء بالعهد و المحافظة على محارم الجار و نجدة الصديق و مد يد العون للمحتاجين و يعتبر النفير اساس الجمعيات المدنية و الأنسانية الحديثة .
و في النفير يتخلص الفرد من الأنانية و الطمع و إيثار الذات و تتجلي فيه روح الوحدة و التضامن حتى تحسبن أفراد المجتمع كالبنيان المرصوص يشد بعضه بعضا .
يعتمد المجتمع على النفير في الكثير من مناحي حياته اليومية و هو علامة بارزة في المناسبات و الإجتماعات و تستند عليه كافة المناسبات ( الزراعة ، الحصاد ، الأفراح ، الأعراس المآتم بناء المنازل و مقارعة نوائب الدهر و الأزمات
يشارك كافة افراد المجتمع في النفير ففي الزاعة مثلا يقوم الرجال و الشباب بأعمال الزراعة في الحقول و تجتمع النسوة لطبخ و صنع الأكل كما تقوم الفتيات بجلب الحطب لإستخدامة كوقود في الطبيخ و يقوم الصبيان بجلب الماء من البئر أو الترعة او البحر و في المساء يجتمع القوم صغيرهم و كبيرهم أميرهم و غفيرهم في دار الشخص الذي عقد من أجله النفير يتناول أصناف الطعام التي صنعتها النسوة في حبور و بشاشة راضين عن أنفسهم تمام الرضاء عن ما بذلوه في خدمة احد افراد مجتمعهم يتجاذبون أطراف الحديث في سعادة و حبور يتناقشون في ما يهمهم من احداث و قضايا و قد يعقدون العزم للقيام بنفير من نوع اخر لمصحة شخص آخر يحتاج الى مساعدتهم و يحتاجون لكي يعبرون له عن مدي اهتمامهم بمشاكله
و يمكن ان نلاحظ النفير في عدة مناسبات مثل الزراعة و الحصاد ، بناء المنازل ، درء أثار الأمطار و الخريف و الفيضانات ، مواجهة الألزمات المالية التي يعاني منها احد افراد المجتمع و صنع الطعام في المآتم ، الفزعة للبحث عن المفقود أو مطاردة اللصوص في حالة تعرض احد افراد المجتمع لعميلة السطو أو السرقة من قبل اللصوص و غيرها من الملمات التي تلم بالمجتمع و أفراده
كما يمكننا أن نلاحظ صور مصغرة للنفير مثل تجمع النسوة في أحد البيوت قبل حلول شهر رمضان المبارك لعواسة الآبري و كذلك عملية دق الريحة قبل مناسبات الزواج كما تقوم بعض الفتيات الصغار بنفير مصغر لترتيب و تنظيف بيوت بعض الاسر التي ليس لديهم بنات في الأعياد و غيرها من المناسبات الخاصة

و مما سبق ذكره نلخص ان النفير عادة تكافلية اجتماعية يقوم بها كافة أفراد المجتمع في كافة المناسبات التي يمر بها بالمجتمع و لكل فرد من افراد المجتمع دور في عملية النفير كما ان هناك شخص أو أشخاص يقومون بالإشراف على النفير و توزيع المهام بين أفراد المجتمع و تنظيم عمليات النفير المستقبلية ، و هو المقياس الحقيقي لوحدة و ترابط افراد المجتمع

و عملاً بنشر تقافة النفير في المنتدي و تأكيداً بأن هذا المجهود لا يضيع سداً ارجو منكم المشاركة في محو الحنكشة و الحاضر يكلم الغايب
راجيكم كلم الصباح في ضهر الترعة اقصد ( مدخل الكوفي شوب )

[مختار بازى]

كلام روعـــــــــــــــــــه ما داير ليك زول يشتغل معاك انا جاهز والمرتب علي كيفك

[abu_ola]

الواجبات المنزلية

تطبيقاً لأحدث الوسائل العلمية الحديثة يتم أحتساب درجات الواجب المنزلي من ضمن درجات الإختبارات الفصلية و السنوية


الواجب المنزلي رقم ( 1 )

مستخدماً جدول اللوغرثيمات و البودي لوشن دون الإستعانة بصديق الرجاء حل الغلوتية التالية


الكلوقية و المرفعيب

لو عندك كلوقية و مرفعيب و خروف و داير تقطعهم البحر و بعدين المركب ما بتشيل إلا حاجة واحدة تعمل شنو ؟؟

معاني الكلمات :

الكلوقة : حزمة القصب
المرفعيب : حيوان من أكلة اللحوم
الخروف : حيوان من الثديات يذبح و يقشر في العيد

تنبيه :

على جميع الطلاب حل الواجب المنزلي قبل المحاضرة التالية

[معتز حمدتو]

الرائع روعه غروب شمس بلدي ....
الممتلئ معاني بقدر كلمات اهلي ....
الغائب عنا ذي غيبت كتاررررررررررررر عن وطني.....
وينك ياحاج وحمدا علي العوده ،،، لكن اول مره اشوف دراسه من اول يوم بعد الاجازه ماتبقي ذي ناس الخليج ، خليك ذي ناس السودان الاسبوع القادم الدراسه ولايام الاولي دردشه وكده .
لك الود ابو علا والله منووووووووووووووور كميات .

[samah]

ابوعلا صباحاتك نور
دخلنا في الجد اهاياود امي الغلوتيه انا حافظها حفظ لكن مابحلها الا تجي مدنيه تشوفها وتحلها

[abu_ola]

كلام روعـــــــــــــــــــه ما داير ليك زول يشتغل معاك انا جاهز والمرتب علي كيفك

أخونا مختار بازي

ألف تحية و سلام و انت تشرف مدرستنا المتواضعة

نرحب بك عضواً فعالاً في هيئة التدريس

المرتب ما تشيل ليهو هم يا ود عشاي

دولار ... ريال ... شيك سياحي

و كان السيولة ما أتوفرت عندهم

الحناكيش ديل بغرقوك بالهدايا

بس انت شد حيلك سااااهي و قول يا مهون القواسي

[abu_ola]

الرائع روعه غروب شمس بلدي ....
الممتلئ معاني بقدر كلمات اهلي ....
الغائب عنا ذي غيبت كتاررررررررررررر عن وطني.....
وينك ياحاج وحمدا علي العوده ،،، لكن اول مره اشوف دراسه من اول يوم بعد الاجازه ماتبقي ذي ناس الخليج ، خليك ذي ناس السودان الاسبوع القادم الدراسه ولايام الاولي دردشه وكده .
لك الود ابو علا والله منووووووووووووووور كميات .

حمدتو ....

يا أيها الممتلئ روعة و بهاء

ليك وحشة ....

والشوق أردام أردام زي القطن في مارنجان

حمدتو يا اخوي الساعة البايلوجية حقت الحناكيش ديل مظبووووطة على الخليج و الدول المجاورة

عشان كده نحن إخترنا انو الدراسة تكون على راحتهم مش هم البيقروا و بدفعوا القروش !!!

كدي خليهم يأخدوا راحتهم شوية و لا شنو ؟؟؟؟ بعدين يا اخوي توقيت السودان ياتو فيهم القديم و لا الجديد ؟؟؟

على العموم المستوي الأول دا شكلوا كلوا نظري بعدين المستوي التاني بكون فيهو العملي و التطبيقي

و بيني و بينك كده الكوفي دا زاتو بنبــني فيهو رواكيب و كرانق لي الدراسة

انت بس شيل الصبر و يدك معانا لز المدرسة شوية أن شاء الله بي قنقليس

[Madanawi]

يا ابو علا طبعا لو شلت القصب المرفعيب بياكل الخروف،
ولو شلت المرفعيب الخروف بياكل القصب
عشان كده اول حاجة تشيل الخروف وتقطعو البحر عشان المرفعيب ما بياكل القصب.
بعدين تجي تشيل المرفعيب تقطعو البحر وترجع معاك الخروف.
تاني تقوم تشيل القصب تقطعو وتخلي الخروف براهو.
ترجع فاضي للخروف وتخلي بي هناك المرفعيب والقصب.
تشيل الخروف تقطع بيهو وتكون انجزت المهمة بأمان.

رأيك شنو في أخوك ؟؟ أها .. بتشغلني معاك وكيل للمدرسة .. ولا كيف ؟؟

[abu_ola]

ابوعلا صباحاتك نور
دخلنا في الجد اهاياود امي الغلوتيه انا حافظها حفظ لكن مابحلها الا تجي مدنيه تشوفها وتحلها


سمـــــوحة الصبوحة سلاماااااات

أنتي و قت عارفة الغلوتية دي تراكي ما عندك عوجة

بس خوفي تكون دي فرمالتك الوحيدة

بعد شوية بندخل في الغريق

أها دي عمـــتي كان ما مرقتي بــــرة الشبكة و بطاريتك طفت

على العموم ما في عوجة تـــب قاموس أهل العوض بساعدك

وأي كلمة دايرة تعرفي معناها أكتبيها و بجيك الرد في خمارة العجين

[شبرقية]

شبرقية شنو يا اختي

صحي و الله قالوا أبو سنيــنة بضحك على أبو سنيـــينتين

قصدك شنو يابو علا

[abu_ola]

يا ابو علا طبعا لو شلت القصب المرفعيب بياكل الخروف،
ولو شلت المرفعيب الخروف بياكل القصب
عشان كده اول حاجة تشيل الخروف وتقطعو البحر عشان المرفعيب ما بياكل القصب.
بعدين تجي تشيل المرفعيب تقطعو البحر وترجع معاك الخروف.
تاني تقوم تشيل القصب تقطعو وتخلي الخروف براهو.
ترجع فاضي للخروف وتخلي بي هناك المرفعيب والقصب.
تشيل الخروف تقطع بيهو وتكون انجزت المهمة بأمان.

رأيك شنو في أخوك ؟؟ أها .. بتشغلني معاك وكيل للمدرسة .. ولا كيف ؟؟




حبيبنا مدنــــاوي

سلامات

و إشتياقات

أدرب و الباقي كيـــلات

أأأأأي بركــة الجيب بركــة الجيت

وينك من زمان ما بتزورنا

تعجبــني يا مدناوي و كدي مــية مـــية

أتقطعت فيها و قطعتهم بالسلامة

أها يدك معانا نطور المدرسة شوية

و من اليوم دا ياكــا العمــدة حق المدرسة دي

أنا بس بدرس الحناكيش و باخد راتبـــي آخر الشهر

و لا رأيك شنـــو آآآخزين

[مدنيّة]

ابوعلا صباحاتك نور
دخلنا في الجد اهاياود امي الغلوتيه انا حافظها حفظ لكن مابحلها الا تجي مدنيه تشوفها وتحلها


يعني ياسموحة انا قلت عايزة اقعد معك لشنوووووووووووووو ؟؟ :confused:

يلا باصي لي الاجابة في الخاص عشان نجي نكتبها سوا

[مدنيّة]

حبيبنا مدنــــاوي

سلامات

و إشتياقات

أدرب و الباقي كيـــلات

أأأأأي بركــة الجيب بركــة الجيت

وينك من زمان ما بتزورنا

تعجبــني يا مدناوي و كدي مــية مـــية

أتقطعت فيها و قطعتهم بالسلامة

أها يدك معانا نطور المدرسة شوية

و من اليوم دا ياكــا العمــدة حق المدرسة دي

أنا بس بدرس الحناكيش و باخد راتبـــي آخر الشهر

و لا رأيك شنـــو آآآخزين


اها عجبك كدا ياسموحة ؟؟؟ :mad:
جاء التوم حلاها وقالوا ليه شاطر وعينوه عمدة المدرسة
اها اسمعيني النحدثك من هنا وجاي اي حاجة تعرفيها حليها طوالي واكتبي في نهاية الاجابة سموحة ومدنية ;)

[samah]

ازيك ياابوعلا كيف علا وام علا اها قول لي ام علا قالت ليك سماح اديني فندوكم ندق ونديكم
بري مابدور ادق فيهو محلب هدي ويكه ضرابه قبل تجي بهمة الماحي تاكلها
بمناسبة بهمة ودالماحي بتعرف المحويت

[abu_ola]

قصدك شنو يابو علا


الغالية شبرقية

أنتي عارفة أختنا مدنية دي حنكوشة الحناكيش

و ما دايرة تعترف بالكلام دا مع العلم بأنو قالت

دايرة تقعد جنب سماح عشات تشف منها

و بعد دا كلو تجي تقول لينا عشان نمحو حنكشة ناس شبرقية




اي اي يا سموحة عشان اشف منك :D

ويلا يااستاذ عشان نمحو امية ناس شبرقية ديل :p




شفتي جنس المحن دي

عشان كدي أنا قلت ( أبو سنينة بضحك على أبو سنينتين )

يعني العندو سن واحدة ( مدنية ) بتضحك على العندها سنين ( أنــتي )

يعني بالعربي المكشوف المارعارف حاجة بضحك على العارف أحسن منو

أهـــا وقع ليك كلامي و لا ترجي عمك ود الماحي في الكريبة

[abu_ola]

ازيك ياابوعلا كيف علا وام علا اها قول لي ام علا قالت ليك سماح اديني فندوكم ندق ونديكم
بري مابدور ادق فيهو محلب هدي ويكه ضرابه قبل تجي بهمة الماحي تاكلها
بمناسبة بهمة ودالماحي بتعرف المحويت



حبوبة سماح

قومي الصباح

أحلبي اللبن

سوي الملاح

خلينا نفطر بإرتياح

نفرح نقول بي إنشرح

أخدر ضراعك يا سماح

الويكة الضرابة و الشطة القبانيت دقيهن من بدري قبل ما تدخل النواية

باقي الرشاش قرب

و أعملي حسابك اليومين دي هبايب و سموم ما تشري الصلصة فوق راس الراكوبة بتقع و الصينية بي تتطرقع و الغنم باكلوا الصلصة


غنم ود الماحي شكيتن لي الله كان حايمات فرق البيوت يلقطن في الأكياس و الدلاقين


أم علا بتقول ليك الفندق داقــة فيه قرض داير تدبغ بيه القربة

باقي الصيف قرب و أبو علا دا ضيوفوا كتار خلااااص




بمناسبة المحويت دي كان خليتي واحد من العيال يجي يمسك لي العجول يكون بارك الله فيك يا بت أمي

[samah]

وينك يامدنيه تعالي شوفي الابداع
والله ياابو علا انت زول صاح ومفخره وانا سعيده اني بتعامل معاك
اها والله بهم ودالماحي علا احدث ابحمد يناحيهن علي واطه حاج النور خلي يودوهن الزريبه عشان يدفع دم قلبو
اها ام علا اكان هزت رسلو لينا فرصه مع الدرافين
ياحليل القربه والله يقطع التوكنولجيا

[مدنيّة]

وينك يامدنيه تعالي شوفي الابداع
والله ياابو علا انت زول صاح ومفخره وانا سعيده اني بتعامل معاك
اها والله بهم ودالماحي علا احدث ابحمد يناحيهن علي واطه حاج النور خلي يودوهن الزريبه عشان يدفع دم قلبو
اها ام علا اكان هزت رسلو لينا فرصه مع الدرافين
ياحليل القربه والله يقطع التوكنولجيا


والله ياسموحة اخونا ابوعُلاء دا مفخرة للمنتدي بالجد وانتي لسة ما شفتي حاجة ياقول المصريين التقل وراء

ياختي شايفاك خلا اتعلمتي الرطانة :p

همسة : هسي قاطعة الكونكلوجيا دي مالك ؟؟ كان ما هي كان عرفنك وين ياعثل ;)

[abu_ola]

وينك يامدنيه تعالي شوفي الابداع
والله ياابو علا انت زول صاح ومفخره وانا سعيده اني بتعامل معاك
اها والله بهم ودالماحي علا احدث ابحمد يناحيهن علي واطه حاج النور خلي يودوهن الزريبه عشان يدفع دم قلبو
اها ام علا اكان هزت رسلو لينا فرصه مع الدرافين
ياحليل القربه والله يقطع التوكنولجيا



ود الماحي دا يا بت أمي راجلاً مبسوط و خيرو كثير ، الزريبة ما بتسوي ليه الترابة

بس كان عندك بنيـــة نجيييضة خليها تنهر غنم ود الماحي ديل علي البلدات يسألني ما يسألك

ياكلن العدار الشايفاهو عيني دا كان ينقـــرن من الصباح

الفرصة و الحشكل و السمن كلهن فضلت خيرات موجودات


إلا بس وكاي السعن أنقطع كان عندك دبارة و لا باقي سدأيــة في المترار رسليها لينا

و بي المرة أديني شوية ودك أسمح بيهو شطور البقيرات ديل


عارف نفسي تقلت عليك يا بت حشاي بس زي ما قالوا في المثل

الجار الما بي دين و لا بتشحـــد منـــو قوات الأمم المتحدة أحسن منـــو

[abu_ola]

الدوبيت هو أحد الفنون الشعبية الأدبية المنتشرة في السودان منذ القدم، ويسمى أحياناً بالمسدار وجمعها مسادير، وهو عبارة عن مقاطع شعرية يتكون كل مقطع من أربعة أبيات من الشعر و يسمي أحياناً مربعات الدوبيت ويتناول الدوبيت موضوعات مختلفة ولكن كلها تدور حول معاني الشجاعة والكرم وذكر المحبوبة وغالباً ما تأخذ أبيات الدوبيت طابع الفخر حيث يفخر الشاعر في أبياته إما بكرمه أو شجاعته أو أي معنىً آخر من المعاني السامية ، وينتشر فن الدوبيت في السودان بصورة أساسية في المناطق الرعوية حيث يعيش السكان في هذه المنطقة حياة يغلب عليها طابع البداوة .و الدوبيت من ضروب الشعر السماعية التي يتداولها الناس فيما بينهم دون الحاجة الى التدوين و الكتابة و يحلو الدوبيت دوماً مع ليالي السمر أذ تنشط المجادعة وهي ان يبتدر احد الشعراء مقاطع دوبيت فيرد عليه اخر بمقاطع دوبيت أخري كذلك فن المجاراة و هي مجارات الشاعر في القافية أو المعني
و سوف نتطرق في هذا المقرر الى بعض نماذج الدوبيت المختلفة

و من شعراء الدوبيت المشاهير
عكير الدامر و الطيب ود ضحوية ، طه الضرير أحمد عوض الكريم أبو سن ، يوسف الشوبلي ، الحاردلو ، يوسف حسن عثمان و ود ام سيالة ود جلي و غيرهم من الشعراء الفحول



ومن الرباعيات التي تلخص زمان الجاحدين وناكري الجميل رباعية عكير الدامر

كتير الفيهم أحسنت وعليك إتباهو

جاهم ريش طغوا وكفك نسوهو جباهو

ود الدابي بالصح بلدغ الرباهو

وأب قنفد حقيقة بجرح الحباهو

معاني المفرادت

أتباهو : أفتخروا
الدابي : الدبيب ( الثعبان )
الرباها : من قام بتربيته
أب قنفد : هو حيوان ابو القنفد المعروف , هو حيون من الزواج يمتاز بوجود أشوك على جدله


المعني العام

ما أكثر الأشخاص الذين أحسنت فيهم و تكبروا عليك و تباهو بفضلهم عليك
و عندما جائتهم قليل من النعمة طغوا و تكبروا و نسوا عطفك عليهم و مسحك لجباههم
صحيح أن الثعبان الصغير عندما يكبر فأنه قد يلدغ من رباه و أحسن فيه و ابو قنفد و هو حيوان شوكي فإنه يمكن أن يجرح من حباه و عطف عليه

و في البيتين الأخرين صورة بلاغية رائعة في تشبيه ناكري الجميل و المعروف بالدابي ( الثعبان ) و أبو قنفد

و المعني العام لهذه الأبيات يشبه الى حد كبير تلك القصة التي وردت في العصر الجاهلي إذا يقال
أن أمرأة كانت تسكن بالقرب من الغابة و ذات يوم و هي في طريقها الي البيت وجدت ذئباً صغيراً مشرفاً على الهلاك فعطفت عليه و أخذته الى بيتها و كانت لديها شاة واحدة فأخذت ترضع الذئب من لبن الشأة حتى كبر و أستوي عوده
و ذات مرة خرجت المرأة من بيتها و تركت الشاة و الذئب في الحظيرة و لما عادت وجدت أن الذئب قد أكل الشاة فأنشدت قائلة

بقرت شويهتي و فجعت قلبي
و كنت لشاتنا طفل ربيب
غذيت بثديها و ربيت فينا
فمن أنبأك أن أباك ذئب
إذا كان الطباع طباع سوء
فلا أدب بفيد و لا أديب



هوي يا جماعة الخير الأولو شرط أخرو نور

الكلام دا لاوم تحفظهو على ظهر قلب

الإمتحان بعدين بكون عن طريق المسنجر

وطبعاً و انتو يا حلوين عندكم المايك و الكاميرا

يعني ما في طريقة تعملوا نسخ و لصق و بعدين مافي اي طريقة واحد يجيب لي واحد من أهل العوض يمنتح بدلوا

فاهمين يا حنــا...................... كيش

[همسة شوق]

ياإبراهيم كدى قول لينا قبل مانجى
اهم حاجة ريحة قلية البن
عشان تكون جبنة بى تحديقتا

[samah]

صلاة النبي علي النضم السمح
صلاة النبي علي ابوسن والشوبلي
ومحبوبي الحردلو
وهاك دي وبندور المضمون ياابوعلا

حليل بناتنا وحليل السماحه
وحليل اللوادن القدلن بالراحه
سارات القلب زايداتنو شراحه
مستورات توبن مابلفحنو لفاحه
ملعون ابوك يا زمن كسيتن قباحه
التوب اترمى والمحاسن مباحه
جاريات جري الوحوش حبسن الساحه
وان اقبلن قبال تمامن تسبقن كتاحه

[مدنيّة]

صلاة النبي علي النضم السمح
صلاة النبي علي ابوسن والشوبلي
ومحبوبي الحردلو
وهاك دي وبندور المضمون ياابوعلا

حليل بناتنا وحليل السماحه
وحليل اللوادن القدلن بالراحه
سارات القلب زايداتنو شراحه
مستورات توبن مابلفحنو لفاحه
ملعون ابوك يا زمن كسيتن قباحه
التوب اترمى والمحاسن مباحه
جاريات جري الوحوش حبسن الساحه
وان اقبلن قبال تمامن تسبقن كتاحه




عليك الله ياسموحة مالي حق اقعد جنبك ؟؟

[abu_ola]

صلاة النبي علي النضم السمح
صلاة النبي علي ابوسن والشوبلي
ومحبوبي الحردلو
وهاك دي وبندور المضمون ياابوعلا

حليل بناتنا وحليل السماحه
وحليل اللوادن القدلن بالراحه
سارات القلب زايداتنو شراحه
مستورات توبن مابلفحنو لفاحه
ملعون ابوك يا زمن كسيتن قباحه
التوب اترمى والمحاسن مباحه
جاريات جري الوحوش حبسن الساحه
وان اقبلن قبال تمامن تسبقن كتاحه





حليل التوب يا سماح و حليل النسوان البلبسو التوب
حليل زمن شوف عيني الحبيب بي حشمة لابس التوب
و حليل زمن تمشي الهوينى كما يمشي الوحي الوجل

سموحة خدي المربعات دي هدية متواضة منــــي
و يا حناكيش عشان ما تقولوا أبو علا لقى سماح و قلبوها مجــادعة المربعات التحت دي و أبيات السموحة الفوق ديل من ضمن مقرر المطالعة


حليلك يا سماح و حليل زمن السماح المات
حليل زمن النفوس زي اللبن صافيات
حليل زمن البنات البشبهـــو الأمات
و حليل زمن الجمال عفة و أدب و صفات


حليل زمن البنات لابسات عفيف و نضيف
صاينات للعروض ما بعرفــن التزيـــيف
في عزة و شموخ قادلات على التشريف
ما بســـون غلــط و ما بعرفن التخريف

حليل زمن البنات الزي قمر دورين
لا ســـون كــلي لا نيفـــيا لا شتين
صادقات في الكلام ما جكسن نفرين
حافظات لى عهود الماتو و الحيــيين

[ود المطامير]

حليل ناس عبير وحلاة التوب عليهن
غزلان البر يغيرن والله من مشيهن
وقمر السما إختفى لما شاف وشيهن
والأخلاق حقتهن والحشمه منهن وفيهن


ديل ناس عبير كيف أقدر أكافيهن ؟
بخاف أظلم ومع بنات آاااه أساويهن
فى الجمال زايدات وحبل الدلو حنن يديهن
ويدين غيرهن حلاوه قطن ما بتجاريهن


ديل بنات الجروف ودروب الغابه ما بتصعب عليهن
حوريات رمال البحر والموج فرحان بيرقص ليهن
أخوات الرجال فى الحاره قدام بتلقيهن
ما طماعات فى الدنيا القليل برضيهن
دايرات ستر الحال يارب تحفظن وتغطيهن

[abu_ola]

الحرف اليدوية و اثرها في تطور الإقتصاد و زيادة الدخل


تر القطن

اليوم شكلو الموضوع صعب من عنوانو غايتو نسوي شنو الليلة الناس البطلعو برة الشبكة كتااااااار الله يكضب الشينة

تمشياً مع سياسة الكونفردرالية و بما أن غالبية حناكيشنا من الجزيرة رأيكم شنو نرجع خطوتين لي وارء و نتحدث عن موضوع تر القطن المشهور جداً في قري الجزيرة و بعض مناطق النيل الأبيض

تسبق عملية تر القطن عملية اللقيط اذ تقوم النسوة بلقيط القطن في موسم الحصاد و من ثم تبدأ عملية نفش القطن إذ أن قديماً كان يتم نفش القطن يدوياً و تجتمع الأسرة في المساء لنفش القطن كما تقوم بعض البنات بعملية نفير مصغر لمساعدة بعضهن البعض في نفش القطن
و أحيانا تحمل إحداهن كرتونه مليانة قطن و تذهب في زيارة جارتهم او صديقتها و يقوم أهل البيت بمساعدتها في نش القطن

ثم تطور الحال قليلا فتم إكتشاف القوقاية و هي عبارة عن آلة شعبية تتكون من شعبة و سيطان اثنين اذ يقوم شخص ماهر بعملية صناعة القوقاية و هي عبارة شعبة قصيرة في شكل (( Y و يتم تخريم رأسي الشعبة بالنار لتمرير السيطان من خلالها و السيطان هذه اما أن تكون عبارة عن مطارق من اللعوت أو تتم صناعتها من السيخ علي شكل منفلة و يتم لف السيطان بقطع قماش قديمة في منتصف المسافة بين رأسي الشعبة لتضييق المساحة بين السوطين

و بعد صناعة القوقاية بالطريقة المذكورة أعلاه يتم حفر حفرة في منتصف البيت أو الراكوبة تضع فيها القوقاية و يدفن الجزء الأسفل منها لتثبيتها و منعها من الحركة و بهذا تكون القوقاية جاهزة للعمل اذ يمرر القطن من خلال فتحة صغيرة تترك بين السوطين علماً بأن تشغيل اللآلة يدوي يقوم بها شخصين يقومان بلف السيطان في أتجاهين مختلفين كذلك يكون أحدهما مسئول عن عمليةتغذية القوقاية بالقطن بيمنا الأخر منشغل بأستلام المنفوش الطالع من القوقاية و يجب عليه المتابعة الدقيقة و الأنتباه حتى لا يلتف القطن في السيطان مرة أخري و يعمل على تعطيل القوقاية

و تمشياً مع الطفرة الحديثة التي غزت العالم تم إدخال بعض التحسينات في القوقاية اذ تم الإستغناء من الحفرة و تم استبدال الشعبة بعودين يوضعان في علبة كبيرة بشكل متوازي و يتم عمل خلطة من التراب و الحصي و الأسمنت و توضع في العلبة لتثبيت العودين و بذا يحصلون على قوقاية عصرية متحركة يمكن نقلها من بيت لآخر .

بعد نفش القطن يتم جمع الغلغل و أستخدامه كعلف للسخيلات الصغار أو الغنماية الوالدة بعد ذلك يتم جمع القطن و وضعه في عنقريب و ضربه بالسياط و المطارق للتخلص من الغبار و الشوائب المتعلقة به و هذه المهمة غالباً ما تقوم بها الفتيات أو الشباب ثم تأتي بعد ذلك عمليه فرز و أختيار القطن الأبيض الناصع ليدخل مرة أخري من مراحل التصنيع أما القطن المتبقي فيتم أستخدامع في تنجيد المراتب و المخدات من ثم يدخل في مرحلة اخري من مراحل الإنتاج و هي مرحلة تر القطن
يتم تر القطن بإستخدام المترار و هو عبارة عن عود رفيع مسنن الراس و مشطوف مثل المرواد و يتم تركيب درة في رأس المترار و الدرة عبارة عن قطعة دائرية من الفخار مقدودة في الوسط و فائدة هذه الدرة تثبيت المترار و مساعدته على الحركة بسرعة

تبدأ عمليه تر القطن بوضع رأس القطنة على الشطفة الموجودة في بدأية رأس المترار و مط المتبقي من القطن في اليد اليسري و من ثم وضع المترار بشكل متقاطع ( أفقي ) على أحد الفخذين و غالباً ما يكون الفخذ الايمن و وضع اليد اليمني علي المترار و اليد الاخري يتم امساك القطن بها إلا أذا كان المرأة عسرا ( شولا ) فأنها تقلب الأية . ثم بعد ذلك تبتدى عملية تحريك المترار الى الامام و الخلف في حركات حركات خفيفة و سريعة و من ثم دفعة بحركة مفاجئة و تركه معلقا في الجوء ليدور حول نفسه عدة دورات مكوناً في الوقت نفسه خيطاً رفيعاً من القطن ثم يشد الخيط بحركات خفيفه لإكسابها المرونة و المتانة و من ثم يتم لف الخيط في المترار في المنطقة خلف الدرة مباشرة و يتم تكرار هذه الحركة مراراً و تكرار و كلما كررنا نفس العملية حصلنا على خيط جيد مع المحافظة على أن يكون الخيط متواصلا غير مقطوع و بهذه الطريقة تتكور و تكبر كرة الغزل الموجودة في المترار و عندما يصبح حجم كرة الغزل كبيرا تتم استخراجها من المترار و لفها في شكل كرة تسمي كرة الغزل
فإذا كانت الخيوط المكونة لكرة الغزل رقيقة و ناعمة تسمي السداية أما اذا كانت الخيوط غليظة و غير متساوية في حجمها فيه ما تعرف باللحمة

و نحتاج الى النوعين ( اللحمة و السداية ) في صناعة الغزل
ففي عملية النسيج يتم استخدام اللحمة أولاً و يتم نسج خيوطها في شكل طولي و هي بمثابة الأرضية لقطعة القماش التي نقوم بنسجها كذلك يتم استخدام السداية لنسج خيوطها بشكل عرضي متقاطعة مع خيوط السداية لتكون لنا قطعة قماش

يستخدم هذه النسيج الرائع في صناعة الفراد و جلابية القنج و الشالات كما يستخدمه بعض الموسرين في صناعة أكياس السكر

و بعد نسج الفردة أو الشال يتم تزيين اطرافه و صبغها بالوان غالباً ما تكون خضراء أو زرقاء أو عنابية و ذلك حسب نوع الصبغة المتوفرة في البيت

و من ثم يتم بيعها للمساهمة في زيادة دخل الأسرة و توفير المستوي المعيشي المطلوب كذلك قد تقوم بعض النسوة ببيع الغزل لواحد من النساجين دون الدخول في عملية النسيج علماً بأن كرة الغزل يتم وزنها بالرطل و غالباً ما يتراوح وزن الكرة بين رطل أو نصف رطل
علماً بأن رطل السداية اغلي من اللحمة و اكثر طلباً منها و لكن النوعين مهمين في عملية النسيج و لا يمكن الإستغناء عن احدهم علماً بأن كل رطل سداية يجب ان يقابله نصف رطل لحمة في عملية النسيج .

و قد قامت الكثير من النساء السودانيات منذ قديم الزمان بممارسة عملية تر القطن و عملية الغزل و النسيج تطبيقاً لشعار الإكتفاء الذاتي و الإعتماد على المنتجات المحلية و مساعدة رب الأسرة في تحمل المسولية الأسرية


معاني الكلمات

تر القطن ( بفتح التاء و سكون الراء ) غزل القطن

اللقيط : عملية الحصاد و جني القطن

نفش القطن : تنظيف القطن و إستراج الغلغل

الغلغل ( بضم حرفي الغين ) : بذور القطن

القوقاية : ألى شعبية لحج القطن

الشعبة : عود على شكل حرف ( Y ) يتم استدامها كدعامة في البيوت و الرواكيب

السيطان : عبارة عن عودين رفيعين

مطارق : المطرق و هي عبارة عن عصا رفيعة متوسطة الطول

اللعوت : نوع من الأشجار الشوكية

السخيلات : جمع سخلة و هي بيـــبي الغنامية

المترار : آلة لتر القطن

الدرة ( بكسر الدال و سكون الراء ) قطعة دائرية من الفحار

السداية : خيوط الغزل الرفيعة الناعمة

اللحمة : خيوط الغزل غير متساوية الحجم

الفراد ( بضم الفاء ) : جمع فردة و هي حاجة سودانية خالص تشبه الشرشف أو الملاية

جلابية القنج ( بفتح القاف و كسر النون ) : جلابية تصنع من القطن يلبسها أولاد الذوات

النساجين ( بفتح النون و تشديد السين ) جمع نساج و هو الشخص الذي يقوم بعملية النسيج

[salwa]

الأعزاء طلاب و طالبات الحنكشة

نقدم لكم مقرر طلاب محو الحنكشة ( المستوي الأول ) علماً بان سوف تعقد ورشة عمل بمباني الكوفي لمناقشة المقرر ، عليه نرجو تسجيل ملاحظاتكم و إقتراحاتكم القيمة


ملخص المقرر :

1/ الأمثال الشعبية معاني و دلالات
نماذج من الأمثال الشعبية
معاني الأمثال
الهدف من المثل ( متى يضرب المثل )
الحكمة أو المثل العربي المرادف له


2/ الأحاجي السودانية دراسة و تحليل
نموذج الأحاجي
شرح الأحاجي
الهدف أو العبرة من القصة

3/ الألعاب الشعبية و أثرها في بناء الفرد و المجتمع

شرح اللعبة
الهدف من اللعبة
المهارات المكتسبة من اللعبة

5/ الأكلات السودانية طريقة التحضير و الفوائد الغذائية
أسم الأكلة
طريقة التحضير
الفائدة الغذائية و العلاجية

6/ الأعمال الحرفية و أثرها في تنشيط الصناعات و زيادة الدخل
أسم الحرفة
طريقة عمل الحرفة
الإستخدامات


8/ الشعر و الأغاني و الرقصات الشعبية

نماذج من الدوبيت / المسادير / شعر الهمباتة / أغاني الحماسة / الطتبور / الجراري

اسم الرقصة / طريقة الأداء / مناسبات الرقصة .


9/ العادات و التقاليد و اثرها في المحافظة على الهوية السودانية

النفير / الشلوخ / البطان


10/ الأزياء و الزينة و العطور الشعبية


11/ الغلوتية , أثرها في تنشيط الذهن و نمو المهارات الإبداعية و تطوير الملكات العقلية

12 / الشخصيات الإجتماعية و أثرها في الترابط الأسري و المجتمعي
الحبوبة
الحكامة
الهداي



المراجع

تاريخ دخول الحنكشة السودان - للمؤرخ بتاع الشمارات

التراث و آثاره في بناء شخصية الفرد السوداني - حبوبة السرة

أثر الحبوبات في تقويم سلوك الحنكوشات - التاية بت جبارة

الحنكشة من منظور أهل العوض - عمك ود الماحي

تعريب مصطلحات الحنشكة - حسن ود جبارة الله بالتعاون مع الحنكوشة نيللي

مستقبل الصراع الفكري بين الحناكيش و أهل العوض - العوض ود نفسية بت اللمين

الإغتراب و أثاره في تغير معالم الشخصية - اتحاد نساء المغتربين

لزوم الكندشة واصول الحنكشة - اتحاد حناكيش جبرونة

الحتكشة وجهجهة التساب – ديون شعر - ابراهيم ود جزيرة الفيل

قاموس المصطلحات العوضة قاموس ثلاثي اللغة ( عوضي – عربي - حنكوشي )



هوووووووووووي يا ابو علا

لا دايرين نمحو الحنكشة

ولا دايرين نقرى عشن نخلي الحنكشة

اريت الحنكشة تتعمم على المدارس

بررررررررررري ياود امي ده شنو ده

انا اقعد اقرى وافتش مراجع تاني وارجع للبحوث وغيره

ما دددددددايره

من حسه انا سحبت ورقي وطالعه

:D :D :D :D

[abu_ola]

هوووووووووووي يا ابو علا

لا دايرين نمحو الحنكشة

ولا دايرين نقرى عشن نخلي الحنكشة

اريت الحنكشة تتعمم على المدارس

بررررررررررري ياود امي ده شنو ده

انا اقعد اقرى وافتش مراجع تاني وارجع للبحوث وغيره

ما دددددددايره


من حسه انا سحبت ورقي وطالعه

:D :D :D :D



هوووي يا أحمد فتحي عينك زي الريال أبو عشرة

و الله كان نرسل ليك المقرر في البيت و نعمل دراسة عن بعد و لا بالإنتساب ما بخليك ما بخليك

و بيني و بينك كان ما محيتي الحنكشة بتاعتك دي بعدين بعد ما تناسبونا إلا تجيبوا ليكم مترجم

و كان انتي ما دايرة تقري شيلي المقرر لي حمــودي و درسيهو و راجعي معاهو عشان بعدين يعرف

يتفاهم مع البينة دي


بعدين شيلي الورقة كان شايلاها أسمك مقيد عندي في الداهـــي الأسمو الكمتيـــتور دا

[معتز حمدتو]

اذكر في عام 86م تم عمل نفير في الجزيرة للقيط القطن في الحواشات التى على طريق بركات ، كنت بفتكر المسأله بسيطه جدا لكن اتضح إنُ من دون معرفه نحن بنضر في المزارعين وما بنساعدهم ورغم إن الواحد عرف حاجة عن قرب الا إنُ شرحك يابو علا غاية في الروعه والتسلسل .
الا ان إستوقفتني بعض الكلمات التى لها معاني اخري مثل المطارق ( ام مطارق ) ( المراه ام شلوخ ) .
وتر القطن ( عند بعض اهلنا ) ( تعني ابعد او امشي _ زح _ ) .
الفرده ( مااجمل الفراد وخاصه فراد تمبول وشندي للنوم ( ذي البطانيه ) وفراد كسلا البقت حاجة عجيبه ) وفرده ( صديق ، رفيق ) .
وعشان خاطر عيونك يافردة جناحي الثاني لما الناس تطير لعالما .
لك الود ابو علا وربما لا تكون المشاقه في مكانه ... ولك الود مره ثانيه .

[samah]

دقر دقر صلاة النبي
عيني باااااارده عليك ابوعلا ويابختك ياعلا
اها بالنسبه لدرس اليوم
مشيت اللقيط كتير لكن امي كانت بتدني علقه صاح
اها ولي يوم الليله اكان رجعت حالفه الا امشي اللقيط
ونفش القطن ياحليلو كان عندي كرتونه صابون بملاها وامشى انفش تحت شجره يمه عشه
وحبوبتي تقول لي جيبي معاك الغلغل وماتخلي لي بهمه حاجه عشه
والقوقايه لي الليله عندنا
وتر لقطن بعجبني الا ماجربتو وبتابعها بكل اعجاب عند حبوباتي
اها عاد اللحمه والسدايه يطرشني ماسمعت بيهن
اها والله نضمك سمح بالحيل لكن وين الناس اريت يخبرو الكلام ده
وانا والله ممتنه وشاكره لهذا الجمال
ودمت بعافيه وصحه ويديك طول العمر
اها ماتكلمنا حبه عن مدرستكم زمان وكانو بدوكم شنوووووو

[salwa]

هوووي يا أحمد فتحي عينك زي الريال أبو عشرة

و الله كان نرسل ليك المقرر في البيت و نعمل دراسة عن بعد و لا بالإنتساب ما بخليك ما بخليك

و بيني و بينك كان ما محيتي الحنكشة بتاعتك دي بعدين بعد ما تناسبونا إلا تجيبوا ليكم مترجم

و كان انتي ما دايرة تقري شيلي المقرر لي حمــودي و درسيهو و راجعي معاهو عشان بعدين يعرف

يتفاهم مع البينة دي


بعدين شيلي الورقة كان شايلاها أسمك مقيد عندي في الداهـــي الأسمو الكمتيـــتور دا






لالالا ............عليك الله كله الا بنتك دي


بعمل اي شيء ان شاء الله عيوني دي تتفقع زاته من القراية

كله الا نبطل نسبك .........معقول لكن

انت ما فهمت:rolleyes: :rolleyes:

انا كان قصدي تاني بس انت لفحت الكلام سااااااااااي

:p :p

نظام جقلبة

برجع ليك عشان تدرسني

[abu_ola]

اذكر في عام 86م تم عمل نفير في الجزيرة للقيط القطن في الحواشات التى على طريق بركات ، كنت بفتكر المسأله بسيطه جدا لكن اتضح إنُ من دون معرفه نحن بنضر في المزارعين وما بنساعدهم ورغم إن الواحد عرف حاجة عن قرب الا إنُ شرحك يابو علا غاية في الروعه والتسلسل .
الا ان إستوقفتني بعض الكلمات التى لها معاني اخري مثل المطارق ( ام مطارق ) ( المراه ام شلوخ ) .
وتر القطن ( عند بعض اهلنا ) ( تعني ابعد او امشي _ زح _ ) .
الفرده ( مااجمل الفراد وخاصه فراد تمبول وشندي للنوم ( ذي البطانيه ) وفراد كسلا البقت حاجة عجيبه ) وفرده ( صديق ، رفيق ) .
وعشان خاطر عيونك يافردة جناحي الثاني لما الناس تطير لعالما .
لك الود ابو علا وربما لا تكون المشاقه في مكانه ... ولك الود مره ثانيه .


المتفرد دوماً حمتـــدو

تزداد ألقاً و بهاء كل يوم

و نزداد شوقاً لرؤياك

الخدود رمان

و الشلوخ مطارق

جوز البرتكان

لي قلوبنا حارق

يا قمر دورين

يا ضو المشارق

الشلوخ المطارق دي يا حمدتو هي الشلوخ المستقيمة و بتكون عديييلة زي المطرق

و سموها مطارق تشبهاً بالمطرق ( و هي الغضن الرفيع الرقيق الناعم الندي المستوي )

بعدين تر ( بصم التاء ) بمعني زح أو ابعد شوية ( تر يا جني الدم ما يملاك )

تر ( بفتح التاء ) بمعني غزل و نسيج القطن

و هذا يدل على أصالة و غزارة مترادفات لغة اهل العوض

و بعدين كلمة ( فردة ) حسب لغة الشباب تعني الصديق الحميم

و هي تشبهاً بفراد شندي و كسلا لما لفردة القطن من دفء و نعومة و الفردة بتكون ملازماك طووووالي و توفر لك الراحة و الأمان من البرد و تقيك الأمطار و الزيفة كالصديق تمام

و عندما تستخدم كلمة ( فردة ) مجازاً للبنت او الصديقة ترمز الى النعومة و الدفء و الراحة و الأمان

هذا و الله أعلم

و لا شنو يا فـــردة

[abu_ola]

اها ماتكلمنا حبه عن مدرستكم زمان وكانو بدوكم شنوووووو




الرائـــعة سمــــوحة

درس اليوم دا دير ليهو ورشة عمل و تطبيق عملي عشان كدي شوفي كان شجرة يمة عشة لسه في ارسل ليك سلوي و مدنية و شبرقية و باقي الحنكوشات و أنصاف المدلعين تديهم حصة عملي
بس عليك الله ما تخلوا الغلغل جيبهو عندنا غنامية والدة جديد

كان ما اخاف الكضب يا سموحة اقول نحن أولاد حفــرة واحدة ولا طـــورده بس من تالا أننا قريبين بعض قريبين تــــب ما فيها شك

زمان في المدرسة ما كانو بدونا التــــــــرابة ، غير طه القرشي مريض ، و طه القرشي في المستشفي يعني قراية الحكومة دي حاجة حشو ساااااااااااكت ما فيها فايدة زي الفشار حق الحناكيش و بعدين يا بت أمي حبوبة فاطنة الله يرحمها قالت لي يوم القلم ما بزيل بــلم أها من اليوم داك انا صاقرتها و بقيت المدرسة ما بمشي إلا ابوي يكون موجـــود

عموماً يا ستي أنا مواليد منتصف السبعنيات الميلادية و قريت المدرسة قبل مرحلة الأساس بس وقت جينا الجامعة لقينا ثورة التعليم حقت ابراهيم احمد عمر دي كبيييرة ليها كم سنة .

و على العروبية العلينا الجامعة زاته عربوها و أزيدك في الشعر بيت في الجامعة ما لقيت فــرقة إلا في كلية الآداب عشان كدي جنس النضمي دا ما غريب على يا بت عشاي

و لا شنــــــــــــــــــــــو

[abu_ola]

حليل ناس عبير وحلاة التوب عليهن
غزلان البر يغيرن والله من مشيهن
وقمر السما إختفى لما شاف وشيهن
والأخلاق حقتهن والحشمه منهن وفيهن


ديل ناس عبير كيف أقدر أكافيهن ؟
بخاف أظلم ومع بنات آاااه أساويهن
فى الجمال زايدات وحبل الدلو حنن يديهن
ويدين غيرهن حلاوه قطن ما بتجاريهن


ديل بنات الجروف ودروب الغابه ما بتصعب عليهن
حوريات رمال البحر والموج فرحان بيرقص ليهن
أخوات الرجال فى الحاره قدام بتلقيهن
ما طماعات فى الدنيا القليل برضيهن
دايرات ستر الحال يارب تحفظن وتغطيهن




ود المطامير هـــا جنا هـــــا

خبارك واقف بالشباك زي الحــيديـــــدون

عبير خلاص لحست عقلك و لا شنـــو ؟؟؟

غايتو وليدات الزمن دا الواحد ما يشوف ليهو طرف طرحة سااااكت يباريها لــي البحر

كدي و قت الله جابك شيل سرج حمار النــاظر دا ختــو في الضل داااك خليهو كان يبرد شوية

و تعال لي بي بجوة بيجهك تــب

أنا جني و جن الصبيان البتحــاومــوا لا شغل و لا مشغلة

و كان طلعت زول دوبيت و مسادير سااااكت

أرجــي الجمعية الأدبــية يوم الأثنين

بقطع نفســك بالنـــم و الطمـــبور

[abu_ola]

الواجب المنزلي رقم ( 2 )

مستخدماً الجــل و الفير أند لفلي دون الإستعانة بعمك ود الماحي

الرجاء حل الغلوتية التالية

1/ حبوبتي أم شنقــنق في قعر البيت تنــنقــنق .... دي شنو ؟؟؟

2/ قاعدة في ديــوانه تأكل في مصــرانه ..... دي شنو

3/ من تحت حيوان و من فوق أنسان و بي الجنبات حديد .... عرفتوه ؟؟



ردد الجملة التالية بصوت عالي ( 5 ) مرات دون أخطاء أو تلعثم


بنــبر مريــم رمى مـــره رميــــة

[مدنيّة]

الواجب المنزلي رقم ( 2 )

مستخدماً الجــل و الفير أند لفلي دون الإستعانة بعمك ود الماحي

الرجاء حل الغلوتية التالية

1/ حبوبتي أم شنقــنق في قعر البيت تنــنقــنق .... دي شنو ؟؟؟

2/ قاعدة في ديــوانه تأكل في مصــرانه ..... دي شنو

3/ من تحت حيوان و من فوق أنسان و بي الجنبات حديد .... عرفتوه ؟؟



ردد الجملة التالية بصوت عالي ( 5 ) مرات دون أخطاء أو تلعثم


بنــبر مريــم رمى مـــره رميــــة


سموووووووووووووووووحة

وينك ياخ تعالي حلي الواجب دا

هسي يجي التوم يحله ويقولوا ليه شاطر :(

[abu_ola]

ثقافة عامة

في هذه المادة سوف نتناول بعض المقتطفات و المواضيع الغير مدرجة في أي من المقررات الأخري و التي تهدف الى زيادة الوعي و الثقافة العامة لدي الطالب و هي المادة التي تتيح للطلاب المشاركة في النقاش و الإجابة على كافة التسأؤلات المطروحة من قبل الطلاب كما يمكنكم في هذه المادة ان تطرحوا بعض القضايا أو الإستفسار عن أي من المواضيع الخاصة بالثقافة الشعبية العامة فقد تم تصميم هذه المادة العلمية لتزويد الطالب بالذخيرة الثقافية العامة و التعرف على الأحداث و القضايا التي تهم الفرد السوداني .


العملات السودانية

يعتبر الجنية هو العملة السودانية الأولي في السودان و قد تم إعتماده كعملة وطنية منذ فجر الإستقلال و بالرغم من تعاقب الحكومات الوطنية على الحكم فظل الجنيه هو العمل السائدة حتى عهد قريب إذ عزم بعض منظري الإقتصاد إلى تغير العملة السودانية و إعتماد الدينار كبديل وقد تم إعتماد تداول الجنية و الدنيار في فترة ليست بالبعيدة . و نسبة لتمسك عامة الناس بالجنيه فقد اصبحوا يحسبون بالجنيه و يدفعون بالدنيار و بعد مضي فترة وجيزة تم الرجوع للجنيه مرة أخري وإعتماده كعملة رئيسية في البلاد و يتم حالياً تداول الجنية الجديد و الدينار في ما يعرف بفترة التداول المزدوج و نسبة لعودة الجنيه مرة أخري و حتى لا يختلط الحابل بالنابل و نعتبر أن الجنيه الذي يتحدثون عنه الآن هو ذات الجنيه السابق فهذه دعوة مني للرجوع الى الوراء و أستذكار الجنية السابق بشئ من الحسرة و التأمل

أجزاء الجنية

الجنيه = 100 قرش
القرش = 10 مليم

و مع زيادة التضخم و تمشياً مع التطور الإقتصادي و زيادة الدخل القومي ظهرت الحاجة الى طباعة عملات ورقية ذات فئات أكبر فظهرت عدة فئات من عملة الجنية تختلف من حيث الحجم و جودة الورق و الصور المطبوعة في العملة تمشياً مع الحكومة السائدة في كل فترة ، و لكن هناك بعض الصور مثل صقر الجديان و الجمل و التي تعتبر بمثابة رموز و شعار للدولة لم يتم تغيرها في الكثير من الأوقات

كان الجنيه في السابق عبارة عن عملة ورقية مطبوع في أحد جانبيها صورة بنك السودان و في الجانب الأخر صقر الجيدان و هو الشعار الرسمي لجمهورية السودان

ثم ظهرت بعد ذلك الخمسة جنية و العشرة جنية و المائة جنية و هي عملات ورقية تختلف في الحجم اللون و الصور المطبوعة عليها ، كذلك نجد هناك بعض الفئات المعدنية و هي فئات أقل من الجنية
كذلك نجد فئة الخمسون قرشاً و هي عملة ورقية بها صورة صقر الجديان

و فئة الخمس و عشرون قرش و هي ما تعرف شعبياً بالطرادة و سبب تسميتها بالطرادة يقال انه يرجع الى مزارعي الجزيرة و النيل الأبيض اذا ان تكلفة حرث الحواشة في ذلك القوت كانت تساوي 25 قرشاً و قد كانت تدفع لصاحب التراكتور للقيام بعملية الحرث أو الطرد كما يسميها الأهالي لذا تعتبر القيمة الفعلية لها بالنسبة للمزارعين هي حرث ( طرد ) الأرض لذا اطقلوا عليها أسم الطرادة

و فئة العشرة قروش و هي عملة معدنية فيها صورة الجمل و تسمي الريال و هي عملة معدنية بيضاء كبيرة الحجم نسبياً و يضرب بها المثل في جمال العيون و بياضها و كبرها فيقال ( فلانة عينها بيضاء زي الريال ) و تستخدم التعبير مجازاً بالقول ( فتح عينك متل الريال أبو عشرة ) أي بمعني كن متيقظاً و مراقباً لكل ما يدور حولك

ثم فئة الخمس قروش و هي ما تعرف بالشلن أو نص الريال

و فئة القرشين و هي ما تعرف بالحتة ام قرشين او ام قرشين او الفريني و هي عملة معدنية بيضاء صغيرة الحجم نسبياً تكاد تكون أصغر أنوع العملات المعدنية و تكني البنت الشابة الناعمة الممتلئة الجسم بالفريني أو ام قرشين تشبهاً بهذه العملة

ثم القرش و هو عملة معدنية اكبر حجما من القرشين و تصنع من النحاس و فيها صورة الجمل و يستخدمها الشباب في ما يسمي بضرب البطيخ و هي عبارة عن عملية تدريب على الرماية حيث توضع البطيخة على بعد عدة أمتار و يتباري الشباب في قذف القرش داخل البطيخة و يكون الرابح فيها من يستطيع إدخال القرش داخل البطيخة

ثم فئة التعريفة و هي تساوي 5 مليم و هي العملة التي كانت تدفع كهدية للأطفال علماً بأنها كانت تكفيهم لشراء الحلوى و التمر و البسكويت

فئة المليم و هي عملة معدنية مصنوعة من النحاس الأحمر و هي ما تعرف شعبياً بالدمجة و يضرب بها المثل في الفلس فيقال ( ما عندي المليم الأحمر ) و هي كناية عن شدة الفلس .

و تمشياً مع أنتشار تداول العملات المعدنية فقد قام المجتمع بإبتكار الجزلان و هو عبارة عن كيس قماش مستطيل الشكل يتم وضع العملة فيه و لفة عدة لفات و ربطه بخيط أو حزام من القماش تتم خياطته على فتحة الجزلان و يعتبر هذا الجزلان خاص بالرجال ، كذلك تم إبتكار المفحضـــة و هي عبارة عن كيس مصنوع من الجلد أشبه ما يكون بالشنطة و توجد به عدة جيوب كما يوجد بها لسان شبيه بخيط الجزلان يتحكم في فتح و إغلاق المحفضـــة كما تزود المحفضــة بيد طويلة مصنوعة غالباً من خيط الحرير لتقوم النساء بتعليقها في رقابهن و تتدلي بين الملابس و الجسد حتى لا تتعرض النساء للسرقة

[abu_ola]

سموووووووووووووووووحة

وينك ياخ تعالي حلي الواجب دا

هسي يجي التوم يحله ويقولوا ليه شاطر :(




مدنية يا أخــتي قالوا الصقر كان وقع كترت البتــــابت عــيب

سموحة غايبة الليلة يا أختي

أها عاد الشورة كيف

غايتو يا أختي لي دور الليلة الواجب رأجيك راجيل

دحين بطلي الجرسة و تعالي حلي سااااهي

[samah]

صباحك زين ابوعلا
1/ حبوبتي أم شنقــنق في قعر البيت تنــنقــنق .... دي شنو ؟؟؟
والله كان ماخانتني الغربه دا نقاع الزير
2/ قاعدة في ديــوانه تأكل في مصــرانه ..... دي شنو
دي لمه الجاز
3/ من تحت حيوان و من فوق أنسان و بي الجنبات حديد .... عرفتوه ؟؟
والله عاد ي قويه
نطلب الاستعانه بودالماحي
او اعطاء خيارات

[abu_ola]

سموحـــــة

مشكورة على المحاولة و الإجتهاد

عندك واحـــــــــــــــــدة بس صاح

نقول يا ربي الجملة ديك عرفتي تردديها كويس و لا يفتح الله

عموماً كان انتي ما عرفتي ناس مدنية دي ميييييييييييييييييييييييييييح أبيض يا لبن



حل الواجب

حبوبتي ام شنــنق في قعر البيت تنقــنق

دي الباعوضة و في رواية اخري المطرة

قاعدة في ديوانه و تأكل في مصرانه ( دي لمبة الجاز و انتي حليتيها صاااح )

من تحت حيوان و من فوق أنسان و بالجنبات حديد ( دا بتاع اللبن راكب في الحمار و رابط تمنات اللبن بالجنبة )

و الغلوتية دي عملناها مخصوص للحناكيش عشان يفهمو معانا شوية


أهــا شنو ليك ما قلت ليك بتطلعي برة الشبكة !!!!!

[samah]

من تحت حيوان و من فوق أنسان و بالجنبات حديد ( دا بتاع اللبن راكب في الحمار و رابط تمنات اللبن بالجنبة )

و الغلوتية دي عملناها مخصوص للحناكيش عشان يفهمو معانا شوية


أهــا شنو ليك ما قلت ليك بتطلعي برة الشبكة !!!!!
هههههههههههههههههههه
والله جات في بالي لكن قلت ماللدرجه دي
فعلا طلعتني بره الشبكه
زيدنا من الشعر بيت
لانو والله مافضل لي الا اتصل بي ابوي
جننتني حقت سيد اللبن شديد
لكن الحنكشه ماعندك ابوعلا

[معتز حمدتو]

المميز ابو علا
والله مقرراتك صعبه لما غلط !!!!!
وياريت مع الاسلئه الصعبه شوية دوبيت عشان غلبنا الرد نترنم مع الدوبيت .
ابو علا العديل وفضيل
في بيتُ ماهو بخيل
وفي شعر ماهو كليل
وفي فهمُ ماهو قليل

[samah]

وينك يالزين ابوعلا

[شبرقية]

ابو علا كان تدينا فرصة
ليه حليت الواجب سريع
نحن ماحناكيش
لكن ساسموحة طلعتي.......
محتاجة دروس خصوصية

[abu_ola]

المميز ابو علا
والله مقرراتك صعبه لما غلط !!!!!
وياريت مع الاسلئه الصعبه شوية دوبيت عشان غلبنا الرد نترنم مع الدوبيت .
ابو علا العديل وفضيل
في بيتُ ماهو بخيل
وفي شعر ماهو كليل
وفي فهمُ ماهو قليل



المتفرد روعةً و بهاء

حمدتو

آسف اذا تأخرت في الرد عليك و لكن مصايب الدنيا آآآخزين ماسكانا من إيدنا اليمين

كان غلبتك الدراسة يا ود عشاي ما تخاف بنسجلك مستمع لي السنة الجاية تجي تدرس معانا عديل

النم ما غالي عليك يا عشاي و تستاهل اكتبو فيك معلقة كاملة بس انت شوف لينا محل نعلقها فيهو


عشاي الضيوف دايما بتوقد نارو

فرتاق الصفوف يوم الرجال يتجارو

في شينة و ملام قط ما بجيبو اخبارو

ود عز الملوك العامرة ديمة ديارو

في الجود و الكرم دايماً حميدة خصالو

حافظ لي العهود تب ما بخون لي جارو

حمدتو الاصيل مشكورة ديمة فعالو

[abu_ola]

درب السلامة للحول قريب

الحول : السنة

أي أن الطريق الذي يوصلك بأمان مهما بعد وطال زمنه أفضل من الطريق المختصر الذي قد يعرضك للمهالك و هو شبيه بالمثل الذي يقول في العجلة الندامة و في التأني السلامة ، فالعبرة بالخواتيم ..


العود لو مافيهو شق ما بقول طق

العود : الجزع أو القصن او الفرع
طق : اسم صوت
بمعني انه ليس هناك شي أو كلام ياتي من فراغ لابد ان يكون له اساس مبني عليه و هذا شبيه بالمثل ( مافي دخان بدون نار ) و هو دلاله على انه لكل شئ سبب


البَرْدَانْ يْحَطِبْ

البردان : من يشعر بالبرد
يحطب : يحتطب أي يجمع الحطب

أي أن الشخص الذي يشعر بالبرد عليه ان يجمع الحطب لكي يشعل النار و ينعم بالدفء
و هذه دعوة لأن يهتم كل شخص بأموره الخاصة و يسعي في تحقيقها و يقابله المثل ( ما حك جلدك غير ظفرك فتولي انت جميع أمرك )


كان جريت جري الوحوش غير رزقك ما بتحوش.


الوحوش : الحيوانات المفترسة
تحوش : تحصل على الشئ
أي مهما بلغت من السعي و الجهد في طلب الحاجات فأنك لا تحصل إلا على ما كتبه الله لك و هذه دلالة على أن الأرزاق مكتوبة و مقسمة من عند الله و لذلك اشار الشاعر حميد بقوله
نحن عارفين الله أعظم
و الرزق بنزل مقسم
لي البجاهد و لي المعسم


النـــية زاملة سيدها

الزاملة : الدابة

بمعني أن النية هي بمثابة المطية أو الدابة التي توصل سيدها الى مراده و مبتغاه
و فيه اشارة الى الحديث ( إنما الأعمال بالنيات )

[abu_ola]

من تحت حيوان و من فوق أنسان و بالجنبات حديد ( دا بتاع اللبن راكب في الحمار و رابط تمنات اللبن بالجنبة )

و الغلوتية دي عملناها مخصوص للحناكيش عشان يفهمو معانا شوية


أهــا شنو ليك ما قلت ليك بتطلعي برة الشبكة !!!!!
هههههههههههههههههههه
والله جات في بالي لكن قلت ماللدرجه دي
فعلا طلعتني بره الشبكه





سموحة الصبوحة

زمان قالوا في المثل ( كان ما الدقسات كانوا لعبنها البنات ) و المقصود الكشتينة

بس هسي الظاهر لي البنات بقوا يعلبوا الكشتينة و حاجات تانية حامياني

معليش يا الغالية و خيرها في غيرها

اشخطي في الواطة جنبك و قولي وااااااااحـــد

بدينا إن شاء الله مليـــنة

[abu_ola]

الواجب المنزلي رقم ( 3 )

قال يوسف ود عبشبيش من أهلك الشكرية لي آسيا بت اختو:

أمرقى يا آسيا و برعيهو قرينك

أمرقى و زغردى وشوفى الكتال بى عينك

كان ما نحفلك شكره و نزيل غبينك

تنقطع الشراكه الباقيه بينا وبينك

1/ أشرح معاني الكلمات الآتية

برعيهو :
قرينك :
الكتال :
نحفلك :
غبينك :
الشراكة :

2/ أكتب المعني العام للأبيات

[معتز حمدتو]

برعيهو : شجعيه
قرينك :شبيهك ( اخوك ، زوجك )
الكتال : القتال ( ربما ما تكون الحرب )
نحفلك : نزيدك
غبينك : ما يعتلج في الصدر
الشراكة : الصله - الرابط


الشفيف ابو علا شوق الشوق للشوق مشتاق ولمتابعات دروسك وبوستاتك اشواق ارتال ارتال

[abu_ola]

المجـــادعة في الشعر الشعبي

من فنون الدوبيت المجادعة او ما يعرف أدبياً بالمساجلات الشعرية و هي ان يتبارى الشعراء في قول الشعر فيبتدر احدهم قولاً فيرد الآخر عليه بشعراً مثله في المعني او مشابه له في القافية و قد يتناوب الشعراء الحديث عن موضوع واحد من المواضيع التي تهمهم و ليس شرطاً ان تتم المجارة في الشعر في نفس المكان و الزمان فقد يقول احدهم شعراً في مناسبة ما فيسمع به شاعر أخر في مكان و زمان اخر فيرد على ابياته بأبيات مثلها تحمل نفس القافية أو تدور في نفس مضمون القصيدة

قال الطيب و د ضحوية واصفاً حال الدنيا و تقلباتها مشجعاً و مصبرا لرفيقه طه الضرير
يومأ فى السجن، ويومآ رقاد متحدر
ويومــآ بالصــــفايح للبـــحر بنبدر
القيــــد إن ظبط قط للقلِب ما بودر
أطرى السمحه يا طه الضرير لا تودر

هكذا حال الهمباتة فأنهم يوماً في السجن و يوم ينامون هادئين و يوماً اخر هو يوم السعد عندهم عندما يحصلون على مرادهم من الأبل
فالقيد هنا بمعني الحبس اي انهم مهما طال حبسهم و شددت عليهم القيود فأن القلب ثابت على مبدأئه لا يتأثر بذلك
و انهم يتحملون كل كذلك في سبيل إرضاء المحبوبة

فرد عليه طه

درق البازا جـاك زى السحابة الجارة
حس اب جقرة والقربين صوقعن كارة
أركز للتجيك اطرى ام حـــمد والسارة

هنا يوصف الشاعر الحالة التي تصيبهم عندما يحلقهم اهل الأبل و ما يتخلل ذلك من حرب معهم و يحثهم على الثبات اكرما لتلك المحبوبة حتى تظل مكانتهم عندها في اعلى المقامات

فقال الطيب

باكل حارة ماضُقْ باردة ماك دارينى
أســـعل منى رُبْعَاي البعرفوا قرينى
حِسْ أب جقرة والقربين دوام بارينى
انا خو السارة كان يبقى الكلام عانينى

فرد الطيب في زهو بأن عيشته كلها صعاب فلم يعرف طريق اللين و العيش السهل فان كنت لا تدري بتلك الحالة فأسل مني ربعاي اي ربعي و اصدقائي فأنهم يعرفونني جيدا


و من روائع المساجلات التي قرأتها قول شاعرنا الكبير الحاردلو في قصيدته التي يتغي بها استاذنا الفنان عبد الكريم الكابلي

الزول السمح فات الكبار و القدرو
كان شافوه ناس عبد الله كانوا يعزرو
السبب الحماني العيد هناك احضرو
درديق الشبيكي البنتوه فوق صدرو

البيت الأخير يحكي قصة الزول السمح الذي منع شاعرنا الرقيق من السفر لحضور العيد مع اهله و أصحابه ناس عبد الله ففيه بيان لتلك المحبوبة صغيرة السن التي قد بدأت بعض البروز تظهر علي صدرها .
و التبنيت في الأصل يستخدم في السيجة و يقصد به عمل نتؤاءت صغيرة بطرف الأصبع على صفحة الرمل

فرد عليه الشاعر يوسف حسن عثمان بقوله

كتاب القصيدة الليلة كلو و فترو
دايرين يوصفوها الملكة اظن ما قدرو
السبب الخلاني جمالا اتيه في ذكرو
شفت ( الحار ) فتر و عصاهو شيطان شعرو
بت انديرا غاندي المن سلالة نهرو
كملت الجمال ورست معالمو و سحرو

كلمة الحار : اشارة لشاعرنا الكبير الحاردلو

فلك ان تسرح في هذا الجمال اللامتناهي في قول الحاردلو ( فات الكبار و القدرو ) أو تعرج على الجمال الهندي في إشارة لطيفة من شاعرنا يوسف في قوله ( بت انديرا غاندي المن سلالة نهرو )


و قول الحاردلو في موضع اخر يصف الساقية

من عز نوما قامت لازمت لي انينها
من كترت بكاها دموعها تروي جنينة



هنا وصف دقيق و قمة في الروعة لحال الساقية و صوت الصرير الذي تحدثه عند دورانها اذ شبهه بالأنين كما شبه تدفق الماء من القواديس ( القواديس هي الجرادل التي تربط في الساقية و تعمل على غرف الماء من البحر ) بالدموع


فرد عليه الشاعر يوسف حسن عثمان

شايلة و لافة ديمه بشوف جيوبها ملانة
كل ما تشيل كتير ما بتشكي من شيلانة
كل ما اشوفا لافة بقول خلاص فايتانا
و العجب العجيب بلقاها واقفة مكانا

أما شاعرنا يوسف فقد شبه القودايس بالجيوب

[abu_ola]

الواجب المنزلي رقم ( 3 )

قال يوسف ود عبشبيش من أهلك الشكرية لي آسيا بت اختو:

أمرقى يا آسيا و برعيهو قرينك

أمرقى و زغردى وشوفى الكتال بى عينك

كان ما نحفلك شكره و نزيل غبينك

تنقطع الشراكه الباقيه بينا وبينك

1/ أشرح معاني الكلمات الآتية

برعيهو :
قرينك :
الكتال :
نحفلك :
غبينك :
الشراكة :

2/ أكتب المعني العام للأبيات





يا جكاعة الخير مالكم غير حمدتو مافي واحد داير يحل الواجب دي الحالة انا قلت اساعدكم شوية في درجات الإختبارات بعدين و اخفف عليكم من هسي بس الظاهر انكم ما بتحبو المساعدة

شبرقية وينك يا بت امي ما قلتي ما تحلوا الواجب انا بجي بحلوا مالك ليك إسبووووع ما جيتي و لا بتجي تحت تحت

الواجب دا انا بلحو ليكم لاكين تاني بي رأي فيكم


1/ أشرح معاني الكلمات الآتية

برعيهو : اجدليهو ( اجعليهو جدايل )

قرينك : تصغير قرنك و المقصود به ضفاير الشعر

الكتال : القتال ( الحرب )

نحفلك : نحفك و المقصود نزيدك شكرا و فخرا

غبينك : الغبن من الغبينة و هو ما يعتلج في النفس

الشراكة : الصلة او الرابط و المقصود صلة الدم و الرابط الأسري



2/ أكتب المعني العام للأبيات

في هذه الأبيات يدعو الشاعر أسيا بنت اخوو يقول ليها اخرجي يا اسيا و و اشهدي فراستنا و شجاعتنا و قوة عزيمتنا و صبرنا في الحرب و معرفتنا بفنون القتال و انثري شعرك تهياً و فخراً و زهوا فنحن قد عزمنا على جلب ما يسرك و يزيل ما اعتلج في نفسك من كدر و إلا فيحق لك ان تنفينا من القبيلة و النسب و لا تفتخري بنا و لا تذكري الصلة و الرابط الأسري الذي يربطنا

[abu_ola]

السلام عليكم يا طلاب المدرسة و يا أوليـــاء الأمور

غايتو انتو الواحد كان غاب و لا مات عدييييل كده ما بتيجبوا خبرو و لا بتسألوا منو نقول يا ربي ديل طلاب شنو ديل ؟؟؟؟

عموماً كان ما دايرين تواصلوا تعليمكم و تفكوا حنكشتكم دي ادوني قروش الدروس الماضية و تاني العفو في العافية و الكوفي داي انا بسوي ليهو قبة من فوق و بقلبوا جامع

أهاا بتجتو تصلوا و لا دي برضوا باااااااااص ؟؟؟؟

[مدنيّة]

وعليكم السلام ورحمة الله

هي يا استاذ انت زاتك شكلك كدا متسيب واذا كان رب البيت بالدف ضاربا اكيد التلاميذ ح يكونوا زيه :rolleyes:

عموما العود احمد وفي انتظار بقية القروش هي قصدي الدروس :D

[samah]

ابوعلا والله منور المنتدي
اجازة طويله لكن........

[abu_ola]

ابوعلا والله منور المنتدي
اجازة طويله لكن........



الغالية سماح

دي اجازة لكل السنوات الماضية

أها رجعنا تاني للدراسة و كلام الحبوبات

بس يا ريتك تجــي و تشاركينا الإبداع

و بالمناسبة دي في مدرسين جداد انا بحاول اقنعهم يجو يساعدوني في التدريس ، غايتو كان ديل رضوا يدرسوا يا بت امي بختكم بتنجحوا من أول حصة

[صلاح ودالطاهر]

اه ياجنه كدي كم مره بجي بتاوق في الكوفي ده اه ان كنت قايلو بتاع بنادر اه يولد كدي ادني جبنه كاربه اصلو امس احلام بزرديات والمفكات اه ابوعلاء بضم العين بجيك صاد كدي نمشي نشوف الحشيان الحاصل فيها شنو

[abu_ola]

اه ياجنه كدي كم مره بجي بتاوق في الكوفي ده اه ان كنت قايلو بتاع بنادر اه يولد كدي ادني جبنه كاربه اصلو امس احلام بزرديات والمفكات اه ابوعلاء بضم العين بجيك صاد كدي نمشي نشوف الحشيان الحاصل فيها شنو


ود الطاهر استاذ الأدب و النم
في نغمو الجميل نرتاح و ننجم
من شعر الغزل خلينا نتعلم
و لي أدبو الجميل يا ريتنا لو نفهم


مشكور يابا على الزيارة و نفخر بيك شديد و يا ريت يا عشاي تستقر معانا شوية و تدرس معانا الحناكيش ديل و ينوبك الأجر و الثواب

[ابوالنور]

ابو علا والله مشتاقين وحمد الله علي السلامه والبركه الشفناك طيب

[صلاح ودالطاهر]

اه مشيت لحاجه ام بليناه وقالت الروب بقوهو غباشه وهو مختوت في المشلعيب وتمشي تشيل الشب تختو في الزير يمكن ينقع كويس وتمشي جنب التكل تلق الدوكه اه شوف يمكن يكون الزير كراد وبعدك تمش تجيب المحركه وتخت فيها العيش عشان يبقي دراش اه بجيك صاد درسهم الكلام الملون

[ابوالنور]

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة ..

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

[abu_ola]

تعرف يا أبو السرة اخوي

مديدة الحلبة دي هسي إلا تعملها بالفرن ما دام الياكني شال الويقود

بس نقول الحناكيش ديل بعرفوا مديدة الحلبة و لا الويقود

اها انت رأيك شنو في الجردقــة و المخبازة و أم حليبين و القاشيــت

[HaSsOoN]

سلام لي ارقي كوفي شوب ولي ارقي شخصيه عمنا ابو علا الغالي اشتقننا ليكم ياجماعه واشتقنا للقعدات الحنينه على جنبات الكوفي شوب ...طال غيابنا عنكم لظروف الدراسه وخفت عننا شويه قلنا نطل عليكم نمسيكم ونسلم عليكم ونطمن .....وياجماعه وين الجرسون ابراهيم اشتقنا ليو ......تقبلو تحياتي وان شاء الله الفتره دي نحاول انو نتواصل معاكم باذن الله

[abu_ola]

سلام لي ارقي كوفي شوب ولي ارقي شخصيه عمنا ابو علا الغالي اشتقننا ليكم ياجماعه واشتقنا للقعدات الحنينه على جنبات الكوفي شوب ...طال غيابنا عنكم لظروف الدراسه وخفت عننا شويه قلنا نطل عليكم نمسيكم ونسلم عليكم ونطمن .....وياجماعه وين الجرسون ابراهيم اشتقنا ليو ......تقبلو تحياتي وان شاء الله الفتره دي نحاول انو نتواصل معاكم باذن الله


الغالي حسون

الشوق بحر و عليهو شوية من إعصار غونو

وينك يا رائـــع متخفي عن الأنظار

اشتقنا لي ضحكاتك و لا طلاتك البهية

ما تحرمنا من الطلة يا راقي



همسة :

إبراهيم يا حبيب خلي شغلة الجرسون دي زمااااااااااااااان و دخل الحيكومة عديل و بقي مشرف المنتدي الثقافي و كلامو بقي من الموشحات الأندلسية و لي فوق

[HaSsOoN]

الغالي حسون

الشوق بحر و عليهو شوية من إعصار غونو

وينك يا رائـــع متخفي عن الأنظار

اشتقنا لي ضحكاتك و لا طلاتك البهية

ما تحرمنا من الطلة يا راقي



همسة :

إبراهيم يا حبيب خلي شغلة الجرسون دي زمااااااااااااااان و دخل الحيكومة عديل و بقي مشرف المنتدي الثقافي و كلامو بقي من الموشحات الأندلسية و لي فوق

يديك العافيه ياابوعلا وشوقنا ليكم بالكراتين ...بس ظروف الدراسه هي الحرمتنا منكم وهسي الايام دي فترة اجازه ان شاء الله نحاول نواصل معاكم في الفتره دي ...

وياحليلك يابراهومه من جرسون للحيكومه طوالي .....تعال هنا اتحفنا ببعض من موشحاتك

ودمتم يااحبتي

[abu_ola]

اه مشيت لحاجه ام بليناه وقالت الروب بقوهو غباشه وهو مختوت في المشلعيب وتمشي تشيل الشب تختو في الزير يمكن ينقع كويس وتمشي جنب التكل تلق الدوكه اه شوف يمكن يكون الزير كراد وبعدك تمش تجيب المحركه وتخت فيها العيش عشان يبقي دراش اه بجيك صاد درسهم الكلام الملون


تعرف يا استاذ صلاح روب حاجة ام بلينا دا زي اليورانيوم المخصب الحناكيش ديل ما بنفع معاهم إلا تسوي داردمـــة بس كمان بخاف كان سويتو داردمة الجماعة ديل يبقوا اخوان في الرضاعة

بعدين الشب دا كان كبيتو في الزير بقدو باقي زير مدنية الحنكوشة دا عاملهو من الورق و ضارباهو منكير بدل الحيـــمور ،، و أخاف كان شافت المشعليب تشيلو تقول شنطة تراثية باقي هي مرات مرات عندها اهتمامات بتعرفها براها

بعدين التكل و لادوكة و المرحاكة ديل الجماعة إلا يشوفهن في المتحف الوطني حليل زمن الرحل المدرسة للمعرض و الحدائق .

[ابراهيم]

آه يا قبلة أقدامي، إذا شكت الأقدام أشواك الطريق

وبريقاً يظمأ الساري له أين في عينينك ذياك البريق ؟

الواحد مشتهى الكلتشينو بتاع الركن الهادى
لكن اطلال الكوفي شوب غالطتني

[abu_ola]

يا جماعة أنا كنت هنا و كان في ناس كتاااااار حوالين الكوفي دا

يا ربي هسي برجعونا تاني نقرأ و لا عفى الدهر

اي زول من دفعتي يرفع يديو

و الما دفعتي برضو يرفع ايـــــدو

اشتياقات ما ليها عــــــــــــــــــد

[مدنيّة]

والله ياابو عُلا بالجد نورت المنتدي

وين الغيبة قدر كدا!!

[آلاء عبد الرحمن]

الف حمد الله علي السلامة

[ahmed algam]

حمد لله علي السلامة


الحبيب ابو عُلا

والله نورت المنتدي من جديد

[abu_ola]

والله ياابو عُلا بالجد نورت المنتدي

وين الغيبة قدر كدا!!

سلامات ام جمال
شوق الشوق لكل الأخوة و الأحباب في المنتدى

قالوا في المثل ( العرجا لي مراحها )

يا ربي المراح بيكون فاتنا قدر شنو

[abu_ola]

الف حمد الله علي السلامة

بت عبد الرحمن كيفنك

عساك طيبة يا بت امــي

مشكورة على الترحيب

ربنا يقبل حمدك

[abu_ola]

حمد لله علي السلامة


الحبيب ابو عُلا

والله نورت المنتدي من جديد

الحبيب أحمــــد

ربنا يرحم الوالدة و يجعل مثواها أعلى الجنان

...

النور نورك يا عشا البايتات
الفريق منور بي ناســه و أهله