مشاهدة النسخة كاملة : ابو علا كوفي شوب
ابراهيم
07-08-2006, 03:00 AM
قريباً جداً
ترقبــــــــــــ<غداً الافتتاح>ـــــــــــونا
ويوم الافتتاح مجاني
وجائزة لحامل الإعلان
HaSsOoN
07-08-2006, 05:44 AM
يلا نحنا راجييين الافتتاح .....................
ابراهيم
07-08-2006, 05:57 AM
مرحباً بأول زبون
جاهزين يا مان بس انت تعال ومعك آخرون
http://www.cafe-monteverde.com/images/window_lrg.jpg
شعـــــــــــــــــــــارنا:
لسنا الوحيدون ولكننا الافضل
وليك على يا حسون فنجان قهوة من الصحن الفي النص
ابراهيم
07-08-2006, 06:02 AM
نبثقت الفكرة من البوست بتاع سيدة بتاع امسك يدي وفيك يدي والموضوع اتشعب وجاب ليهو دوبيت ومسادير وكلام دقاق وكلام كبار ودردشة عن النحت في الابدية والوجد الخرافي وفلسفات تكييفية .. واقترح لينا ابو علا نعمل انفصال من سيدة ويا سيدة يا اختى دي فكرة تقومي تطالبي بتعويض من رئيس مجلس الشيوخ اقصد الادارة وتقولي ليهم ابو علا استغل فكرة موضوعك في موضوع تاني وبقى انفصالي عامل فيها سلفاكير ..
وانا ماليش دعوة غايتو انا هنا رئيس مجلس ادارة القهوة دي ..
عندنا ضمنة، كتشينة ، شطرنج ، طاولة ، سحلب وقهوة وشاي
واجمل ما في القهوة دي حيكون في مطارحات شعرية لحظية
ويوجد موبايل لزوم اتصالات ..
zoolfrda
07-08-2006, 06:14 AM
فكرة خطيرة ومنتظرين الجديد والشديد
zoolfrda
07-08-2006, 06:15 AM
الإنترنت ما تنسوهو يا إبراهيم أهم حاجة ولازم يكون عندكم صالة رومانسية لزوم الجكس وراعونا في الأسعار عشان القعده تحلوه
HaSsOoN
07-08-2006, 06:15 AM
كدي اول شي ناولني كباية الجبنه دي ...واجدع لي الكشتينه داير العب حريق الخاشي معاي منو
ابراهيم
07-08-2006, 06:31 AM
الإنترنت ما تنسوهو يا إبراهيم أهم حاجة ولازم يكون عندكم صالة رومانسية لزوم الجكس وراعونا في الأسعار عشان القعده تحلوه
الشغلانة مقسمة بالاجنحة
جناح خاص لعجايز المنتدى
وجناح خاص للشباب
وجناح خاص للجكس كلو في يا فردة .. جناح وجناح الجكس مكندش كندشة مركزية ومفروش كلو احمر في احمر زايد اضاءة خافتة وخلفية موسيقية من بتاعة زانفير ديك
وجناح خاص لمجلس الشيوخ:D دة غايتو البجي جنبو انا مش مسؤول.
سواااح
07-08-2006, 06:36 AM
ابراهيم ..
يعني كوفي شوب بالكلام الحديث
منتظرين الافتتاح
وبعدها نقرر اذا كان فعلا الكوفي شوب بتاعكم تمام ولا العكس
والميه تكذب الغطاس
دمـــــــــــت ،،
zoolfrda
07-08-2006, 06:47 AM
كدي اول شي ناولني كباية الجبنه دي ...واجدع لي الكشتينه داير العب حريق الخاشي معاي منو
هوي يا حسون .. هو شنو ناولني الجبنة والكتشينة... ده كوفي شوب راقي مش كهوة حبش .. ليسه ما فتحوا ودايرين تملوهو لينا كتشينة وركلسه.... إنت داير تطفش الجكس من أول يوم
نور العيون
07-08-2006, 10:56 PM
منتظرين الافتتاح الكبير
محمد حسين (المميز)
07-08-2006, 11:14 PM
حالتكـــــــــــــــم صعبه لكن
كوفي شوب ولا كابريه
ابراهيم خسر خساير شديده ولابد من العائد المادي
انا طبعت التذاكر حقت الدخول
الدفع عندي وبعدين بحاسب اخوي ابراهيم:p
ومابين الاخوان حساب:D
,,,,,,,,,,,,,,
بعدين يا هيمه ماوريتني الزول داك غطست حجره وين؟؟
قطع مره وحده.
نزار حسن محمد
07-08-2006, 11:47 PM
والله حيرتنا ابراهيم ... نحن تعبانين بنفتش لك فى العروس وانت ياك انت مرمى الله.. تجى ترفعه ارميك .. يعنى ياابراهيم انا اكلام الجماعه عشان نمشى نخطب لك وعمك ود الماحى ...جرينا جر من الفريق الفوق قال الجو الحلوه دا مابتاع خطوبه .. نقط المطر..ده.. داير ليه حاجه تانيه!!! لقايت ماحلف عليه ودالماذون و قلع ليه عمته ... ومشى بالطقيه بس وانت جارى لى وراء الجكس والكافيهات ...الحل الوحيد نجيبك الاستاد ونعرس لك عرس مع ناس العرس الجماعى... نحن منتظرنك فوق الدكان تعال بسرعه.
abu_ola
07-08-2006, 11:47 PM
حباب الدارنا و الزارنا
حبابكم انتو في دارنا
و بيكم أنتوا يا حلوين
تتم فرحتنا تحلا لنا
ابراهيم يا حلو يا رائع اشكرك على الكوفي شوب فكرة بجد رهييييييبة و لازم تختار ليه محل ناصية يفتح على أربعة شوارع عشان كل الناس تشوفوه و البنيان و الديكور لازم يجمع بين الحداثة و الأصالة والتراث يعني أي زوول يلقي راحتوا عندنا و اعمل ليك خيمة شعر ملحق لأهل العوض و ناس النم و الدوبيت و شوف ليك غرفة صغيرة كدى للحش و القطيعة و الونسة عشان البنات ما يزعلوا منا و بعدين في واحدين تانيييين بحبوا الشغلات دي أنا بجيب معي بلي استيشن و أتاري عشان العيال و اذا دعى الأمر بنعمل فيه ( حضانة ، روضة ، تمهيدي ) المهم بنطوره و يصبح أساس لجامعة تخرج فحول الشعراء و الأدباء
ألف .... ألف ... معزرة لك أيها الرائع و لزوارك الذين تشرفنا بزيارتهم .....
اليومين دي انا مشغول شوي و بكرة إن شاء الله مسافر أنا و أم علا لآداء فريضة العمرة و برجع بعد 10 أيام أن شاء الله القي الكوفي بقي عامر و الجماعة متعاونين معاك و بدفعوا كااااااااش
برجع ليكم تاني إذا لقيت فرصة اليوم
همهمة :
يا إبراهيم نحن ما بنقدر ننفصل من سيدة لانو لازم يكون عندنا بيت بعد ما نخلص الدوام نرجع ليه نرتااااااااااااا ح و ما بنلقى أفضل من بيت سيدة
معتز حمدتو
08-08-2006, 12:41 AM
طول عمري وانا بمر بمحلات الكوفي شوب وما دخلته ودي اول مره ادخل كوفي شوب .
بس انت اعملُ اي حاجة تتناسب مع العجائز عشان بعد شوية نجاريكم .
وبعدين يافرده انت لمتين تفتش في الجكس لما عيونك الجوه العدسات تقع وما تتلحق ولما تجي للجكس الصاح تبقي ذي ود عمي عندك وجع في ...... ( بالمناسبة ده نقزه للفرده وود عمي كمان ) .
بعدين قهوة الحبش اخير من قهوة المصريين لان قهوة المصريين شدة ما عاجبنهم الحبش فتحوا قهوه جنبهم عشان الموا السودانيين الخجلانين لكن عاوزين اعاينوا سااااااااااااااااااااااااااااااااااااااااااااااااا ااااااي .
ابراهومه والله نحن نحب الحاجات الراقية ونضيفة ومعاك حتي الثمالة .
ابراهيم
08-08-2006, 02:24 AM
http://www.arabiyat.com/forums/images/smilies/taheyatayeba.gif
اول حاجة فنجان قهوة لكل فرد في المنتدى
وسكرها انتو يا حلوين
والوسام أدناه للزبائن الاوائل
زول فردة - حسون - سواح - نور العيون
المميز - نزار - ابو علا - معتز
ابراهيم
08-08-2006, 02:44 AM
المراد من قهوتنا يا حبايبنا الحلوين تنشيط المنتدى ..
بالـ ونسة والدردشة والشمارات البريئة طبعاً عشان ما تهاجموني عشان نتقرب اكتر واكتر وتاني حاجة عشان نطلع من الجدية شوية في ناس في المنتدى دة جادين اربعة وعشرين سنة يا كافي البلا ما بضحكو كلو كلو المهم هنا للفرفشة والخروج من الروتين يعني ممكن الواحد لو اتعصر في بوست يجي يرتاح هنا بنديهو حق اللجوء وما بيناتنا ...
الموضوع هو للراحة والفائدة والمعلومة والسؤال والاستفسار والتعارف والتقارب بعيداً عن الرتابة المملة .. والأسلوب ذو النمط الواحد دون البحث عن البديل ..
وهي تجربة فكرتها مستوردة ورؤيتها مختلفة ..
والتواجد وصنع روح المحبة والدعابة والتعاون ..
فلذلك هو موضوع لمن لا موضوع له ..
والفكرة تحت التجربة
http://www.asharqalawsat.com/2006/06/14/images/travel.368124.jpg
محمد حسين (المميز)
08-08-2006, 03:41 AM
لكن يا باشا قهوتك تشهّي
الكابتشينو عندك
صب لي معاك
,,,,,,,,,,
نزار حسن محمد
08-08-2006, 12:31 PM
ابراهيم ... هوى انا بعد ماشفته فنجان القهو المظبط دى ... انا داير ادخل معك شريك .. يازول العرس ملحوق .. وهم العرسو ديل عمله شنوه .. يازول هوى انا معك تب من الليله...
جالوص
08-08-2006, 01:21 PM
طق
طق
طق
واحد
واحد
http://t222t.com/files/kanzee-1141323204.jpg
وانا جاهز ليوم الافتتاح
Jamal Elmahi
08-08-2006, 05:03 PM
أنا غايتو ما بحب الاضواء بس وروني الحتات الرومانسيه وضوها بمبي خافت زي اللمبه الهبوبيه بي وين...أأأأي محل الكلام الدقاقه...بالله حتي ريحتو فرق من دكان ود الصول....هو العمر كلو كم عشان يبعزقوهو في دكان ود الصول....جيب الجكسه أقصد القهوه أأأأجنا...أها الصعوط كيف أأأناس ...سفتي أبزغا وين...أبلعا....
ود الماحي
مدنيّة
08-08-2006, 09:39 PM
وجائزة لحامل الإعلان
[/center]
وينها الجائزة ؟؟؟ يلا بسرررررررررررعة ياخوي مافي وقت ودا كلامك انت
وبعدين ياخوي مسئول من الخير اسمك ابراهيم سمح ابوعلاء دي شنو ؟؟؟ مع العلم اني من خلال البوست عرفت انك عزابي وكد اعشان الجماعة بفتشوا ليك علي عروس ;)
ابراهيم
11-08-2006, 03:51 AM
لكن يا باشا قهوتك تشهّي
الكابتشينو عندك
صب لي معاك
,,,,,,,,,,
المميز المميز
ازيك يا زبون ..
دة للعرض فقط
ابقى داخل لا جوة وما بنقصر معاك
ابراهيم
11-08-2006, 06:35 AM
ابراهيم ... هوى انا بعد ماشفته فنجان القهو المظبط دى ... انا داير ادخل معك شريك .. يازول العرس ملحوق .. وهم العرسو ديل عمله شنوه .. يازول هوى انا معك تب من الليله...
مية مية يا نزار على قولك اصلو العرس ملحوق
لكن القهوة دي كان فاتت لحقانها صعب تاني
وبالنسبة للشراكة ما عندك اي مشكلة وعندك الباشا الكبير صاحب القهوة ابو علا زولاً حبوب والشراكة معاه عندها طعم تاني ...
ومحسوبكم كاشير وتحت الخدمة ...
مالنا ومال الشكواكيش يا عم:D
ابراهيم
11-08-2006, 06:40 AM
طق
طق
طق
واحد
واحد
http://t222t.com/files/kanzee-1141323204.jpg
وانا جاهز ليوم الافتتاح
يا جالوص ياخ انا بفتش ليك من متين ...
ابقى تعال في اسرع وقت اصلو اي حاجة جاهزة بس راجنك وماشاء الله المايك قصبة
وبعدين عاملين سفرة خاصة للفنان والفرقة ..
وعايزين نتعاقد معاك حفلة كل خميس
ابراهيم
11-08-2006, 06:46 AM
أنا غايتو ما بحب الاضواء بس وروني الحتات الرومانسيه وضوها بمبي خافت زي اللمبه الهبوبيه بي وين...أأأأي محل الكلام الدقاقه...بالله حتي ريحتو فرق من دكان ود الصول....هو العمر كلو كم عشان يبعزقوهو في دكان ود الصول....جيب الجكسه أقصد القهوه أأأأجنا...أها الصعوط كيف أأأناس ...سفتي أبزغا وين...أبلعا....
ود الماحي
يا ود الماحي ياخوى انت عايز تجي الحتات الرومانسية بي سفتك ودي تيجي ازاي يا عم الحج .. عموماً الف مرحبتين بيك وانت مكانك محجوز في صالة مجلس الشيوخ اما ان جيتنا في صالة الضو البمبي دي خلى كيسك في البيت وبنجيب ليك تمباك هندي مغلف ومقصدر حفاظاً على الجو الرومانسي.
ابراهيم
11-08-2006, 06:54 AM
وينها الجائزة ؟؟؟ يلا بسرررررررررررعة ياخوي مافي وقت ودا كلامك انت
وبعدين ياخوي مسئول من الخير اسمك ابراهيم سمح ابوعلاء دي شنو ؟؟؟ مع العلم اني من خلال البوست عرفت انك عزابي وكد اعشان الجماعة بفتشوا ليك علي عروس ;)
وبعدين انتي مستعجلة للجائزة سريع كدة مالك الصبر الببل الآبرى مافي؟
ما عندك مشكلة بس ورينا الاعلان وجايزتك بتجيك في محلك..
ابو علا يا ستي دة صاحب القهوة يعني الباشا الكبير وانا هنا كاشير
آي عزابى وتاني عزابي عندك لي عروس؟ كان عندك قولي لي المواصفات والمعايير والموازين عشان انا بعد شغل القهوة دي عملت تعديل لفكرة العرس وكدة وانا منتظرك في ركن قصى من القهوة عشان نتناقش في الموضوع.
مدنيّة
11-08-2006, 10:24 PM
وبعدين انتي مستعجلة للجائزة سريع كدة مالك الصبر الببل الآبرى مافي؟
ما عندك مشكلة بس ورينا الاعلان وجايزتك بتجيك في محلك..
ابو علا يا ستي دة صاحب القهوة يعني الباشا الكبير وانا هنا كاشير
آي عزابى وتاني عزابي عندك لي عروس؟ كان عندك قولي لي المواصفات والمعايير والموازين عشان انا بعد شغل القهوة دي عملت تعديل لفكرة العرس وكدة وانا منتظرك في ركن قصى من القهوة عشان نتناقش في الموضوع.
انت لما قلت الجائزة كتبت بين قوسين مع الصبر !!! :mad:
ورينا الجايزة هي شنو عشان مانتعب ساااااااااااااي
وشايفة نزار ماقصر في العروس كدي خت الرحمن في قلبك وكثف جهودك في مكان وحد وماتشتت جهدك ساااااااااااي ;)
خالد عبدالماجد
12-08-2006, 12:13 AM
إبراهومة :
إينما تكون يكون التفرد .
أولاًَ مبروك إفتتاح الكوفي الجميل وبالتأكيد سيكون حافلاً بالروائع ومن هنا أعلن تواجدي معكم وفي كل الأركان وبمختلف الإضاءات ...
كدي خلى الناس تعرف المحل ..
وراجع ليكم ..
محمد حسين (المميز)
12-08-2006, 12:45 AM
يابراهومه
ياخوي جيب لينا تربيزة بلياردو نتسلى بيها
حاجه كده عالماشي
وممكن نختها في الحته الفاضيه
ديييييييييك>>>>>>>>>>
sambaaa
12-08-2006, 01:24 AM
مبروووووووووك الافتتاح
وين الكروكي يا ابراهومة
وانا داير الركن الهادئ دااااااااااااك
بس الحساااااب آخر الشهر يا عم
تشكرات اخوي ابراهيم على الكوفي شوب
بس رائي حيكون بعد الافتتاح
ولك ودي ’’’
السلامى
13-08-2006, 05:08 AM
شلعتونا أبراهيم وقربنا نقفل الدكان والغريبه الكوفى شوب بتاعكم غير الشمارات وحكاوى الافلام الهنديه مافيه شئ
abu_ola
19-08-2006, 05:27 AM
الحلوين و الرائعين زوارنا الكرام الجونا و الجايين حبابكم 100000000000
يا دبوي جيت من بعد غيبة لمدة 10 أيام كنت في زيارة الى الأراضي المقدسة لآداء العمرة و زيارة مدينة الرسول صلي الله عليه و سلم و وصلت باليل و يا دوبي فتحت عيني من النوم و قلت اروح الكوفي شوب اشرب قهوة و اشوف اخباركم يا حلوين
برجع ليكم بعدين يا روائــــع
abu_ola
19-08-2006, 09:14 PM
زبائن الكوفي الحلوين
صباحكم ورد و فل و ياسمين
القاعدين في مدني و المغتربين ...
كيفكم و الله مشتاقين
بمناسبة العودة من السفر و قبل أخونا ابراهيم ما يجي الكوفي ... اليوم القهوة والكابتشينو مجاناً
و للمغتربين و محبي الدوبيت نهدي هذا المسدار
يخسي الغربه كم ذلت جني عزّام
خلت ليلو ليلين والشهر أعوام
ظروف الناس بتجبر والقدر حكّام
كتير أوضاع مريره بتفرضه الأقسام
محمد حسين (المميز)
19-08-2006, 09:51 PM
بالله شوفو لينا ندى القلعه
خلوها تكون من الزباين حقون الكوفي
خلّو الناس تكتر
*****************
معتز حمدتو
19-08-2006, 11:24 PM
ناس الكوفي شوب كيف اخباركم وصحتكم ...
انتظرنا النسكافي ولا واحد عبرنا مع غرفكم الرائعة ومكانكم الجميل الا ان الخدمات ما بتوصل بالهين
شنو الحكاية يابراهومه وابو علا ...
مبروك العمره يابوعلا وعقبال الحج ان شاء الكريم ،،، وان شاء الله تكون دعيه لبراهيم معاك بالزواج...
zoolfrda
20-08-2006, 09:20 PM
جيب لينا التمر وموية زمزم يا أبو علا
abu_ola
20-08-2006, 10:34 PM
معليش يا حمدتو انا كنت مشغول شوية وديت الطلبات للجكس بجوه إبراهيم الله يجزيه خير ليه كم يوم غائب و جنو إجازات طارئة ما عرفت قصتو شنو تفضل يا معلم نسكافيه بالحليب عليه سكر زيااادة
زول فردة اهلا بيك في الكوفي شوب
موية زمزم و التمر جبتهم معاااي بس بنوزعهم بعد الصلاة و لا أقول ليك احسن تشيل حقك توزعه في إجتماعات الإدارة زي ما الجماعة بوزعو الفول و التمر في اجتماعتهم ... ما في زول احسن من التاني و كلنا يانا سودانيين
يا إبراهيم واحد شاي ساده سكر خفييييييييييف ،، و جيب معاك الضومنة للشباب و شيل البلي استيشن دا من العيال ما يكسرو
abu_ola
20-08-2006, 10:38 PM
المميز ندي القلعة ما غالية عليك بس كان جبناها خايفين المرة الجاية تقول داير نانسي عجرم و تفتح لينا باب طلبات ما نقدر نسدوا
و ناس مدني ديل أنا عارفهم معجبين بالكاشف و دي بصراحة أنا ما بقدر عليها و لا رأيك شنو ؟؟؟
محمد حسين (المميز)
21-08-2006, 12:19 AM
المميز ندي القلعة ما غالية عليك بس كان جبناها خايفين المرة الجاية تقول داير نانسي عجرم و تفتح لينا باب طلبات ما نقدر نسدوا
و ناس مدني ديل أنا عارفهم معجبين بالكاشف و دي بصراحة أنا ما بقدر عليها و لا رأيك شنو ؟؟؟
ياخوي كدي بس جيبها والباقي هييييييين
بعدين عدد الزباين بيبقى بالكوم
الصايم حيدخل وحيطلب طلبات
هههههههههههه
:D
***************
محمد حسين (المميز)
21-08-2006, 12:26 AM
حولاااااااااااااااااااا
ده شنو؟؟:eek:
يا ابراهيم
شنااااااااااااااااااتك لكن
كده الزباين بيهربو ده شنو المعلقو في المدخل ده
غير الصوره دي
:p
**************
ابراهيم
21-08-2006, 07:00 AM
زبائن الكوفي الحلوين
صباحكم ورد و فل و ياسمين
القاعدين في مدني و المغتربين ...
كيفكم و الله مشتاقين
بمناسبة العودة من السفر و قبل أخونا ابراهيم ما يجي الكوفي ... اليوم القهوة والكابتشينو مجاناً
و للمغتربين و محبي الدوبيت نهدي هذا المسدار
يخسي الغربه كم ذلت جني عزّام
خلت ليلو ليلين والشهر أعوام
ظروف الناس بتجبر والقدر حكّام
كتير أوضاع مريره بتفرضه الأقسام
الباشا وصل والله حمدلاك بالسلامة يا ابو علا
انشاءالله بس شلتنا الفاتحة وسيعة ..
انا طبعاً شغال في ترتيبات القهوة وتنظيم العمالة وكدة عشان كدة اتأخرت
استميحكم العذر
كدي حسي خليني اشرب السحلب دة واجيكم راجع تاني
وبالمناسبة عايزين عمال يومين بس وحنعمل اعلان وعلى ذوي الكفاءة تجهيز الشهادة والجوازات والاقامات وكل البيانات
وعايزين ست شاي خبرة حسنة المظهر وحسنة السير والسلوك
نزار حسن محمد
21-08-2006, 09:51 AM
... اه ياناس باركوا... للاخ ابراهيم... اليوم استلمت اوراق التصديق وبعد كده الافتتاح جاهز... بس ياابراهيم رمضان جاى ممنوع الشغل نهارا لكن فى المساء مسموح بس كتر من المدائح والحلو مر والطنبرا.... اه بمشى وبجيك ..
نزار حسن محمد
21-08-2006, 09:56 AM
... لكن ياابراهيم صورتك تقطع الخميره من العجين ... ده شنوا .. الشياطين بربطوهم فى رمضان .. الله اجيبك يارمضان.. بطفش علينا الزبائن..
hamad2
21-08-2006, 10:47 AM
مبروووووووووك الافتتاح
Jamal Elmahi
21-08-2006, 02:51 PM
كيس السعوط حشرناهو فرق طوبتين في زاوية الكوفي شوب...
الكوفي شوب دا مالو صانّي كدا ...المزيكا وين ...ان شاء الله أغاني هابطه نحن ما عندنا قشه مرّه....
ولكن لرومانسية البكان ياريت تتحفونا بالشوق والريد ...الكاشف أو عصام محمد نور...
مشاققه...
البقدموا القهوه لازم يكونو جكس نضيف ينطبق عليه...فنجان جبنه بي شمالو يسوي الدنيا بي حالو....
بالردميه...
أبو علا ما جبته لي طاقيه وسبحه من العمره...!!!
باللفه...
عمره + كوفي شوب = صفر معانا واحد....والله يعظم الاجر....
جمال الماحي
HaSsOoN
21-08-2006, 03:09 PM
ياسلام والله محلك راقي ياابوعلا.....وكمان ود الماحي شخصيا قاعد كويس لميت فيك الليله داير نتونس معاك وندق الحنك شويه نسعلك من البلد ديك وكيف ماشه معاك .....
تخريمه:
لوسمحت......
الجرسون:اتفضل يااستاذ
جيب لي راس شيشه ظابط تفاحتين وكباية كبتشينو....تشرب حاجه ياود الماحي؟؟؟
.................................................. ....
الجرسون :ثواني والطلب بجيكم
اها ياود الماحي ...الايام دي قالوا البحر زايد لمين الحواشات غرقت ..اها سكركم كيف لعل ماجات عوجه
ونواصل.....................
abu_ola
21-08-2006, 10:39 PM
... اه ياناس باركوا... للاخ ابراهيم... اليوم استلمت اوراق التصديق وبعد كده الافتتاح جاهز... بس ياابراهيم رمضان جاى ممنوع الشغل نهارا لكن فى المساء مسموح بس كتر من المدائح والحلو مر والطنبرا.... اه بمشى وبجيك ..
مشرفنا الكبير نزار حسن ....
رمضان نصوموا ولي الخلقنا ننطيع
وعند ساعة النداء دائماً نلبي سريع
قصدي فضيلة ما ني اللي النفس سِميّع
نفتح كوفي شوب نكرم ضيوفنا جميع
abu_ola
21-08-2006, 10:42 PM
كيس السعوط حشرناهو فرق طوبتين في زاوية الكوفي شوب...
جمال الماحي
ود الماحي ما تدس السعوط بي غادي
أدخل بالدرب سمعنا نم الشادي
راجيك إبراهومة للكوفي تبقي الحادي
غني و دوبي قول يا ليلي ليكي بنادي
abu_ola
21-08-2006, 10:52 PM
[QUOTE=HaSsOoN]ياسلام والله محلك راقي ياابوعلا.....وكمان ود الماحي شخصيا قاعد كويس لميت فيك الليله داير نتونس معاك وندق الحنك شويه نسعلك من البلد ديك وكيف ماشه معاك .....
تخريمه:
لوسمحت......
الجرسون:اتفضل يااستاذ
جيب لي راس شيشه ظابط تفاحتين وكباية كبتشينو....تشرب حاجه ياود الماحي؟؟؟
.................................................. ....
الجرسون :ثواني والطلب بجيكم
QUOTE]
حسون الظريف مصابحني دايما هاشي
مطروح الوجه نفسك عزيزة و باشي
للضيف البجينا نحلف يمين مالك ماشي
قبل الكبتشينو نعشيه كبدة حاشي
abu_ola
21-08-2006, 10:55 PM
ياسلام والله محلك راقي ياابوعلا.....وكمان ود الماحي شخصيا قاعد كويس لميت فيك الليله داير نتونس معاك وندق الحنك شويه نسعلك من البلد ديك وكيف ماشه معاك .....
تخريمه:
لوسمحت......
الجرسون:اتفضل يااستاذ
جيب لي راس شيشه ظابط تفاحتين وكباية كبتشينو....تشرب حاجه ياود الماحي؟؟؟
.................................................. ....
الجرسون :ثواني والطلب بجيكم
اها ياود الماحي ...الايام دي قالوا البحر زايد لمين الحواشات غرقت ..اها سكركم كيف لعل ماجات عوجه
ونواصل.....................
حسون الظريف مصابحني دايما هاشي
مطروح الوجه نفسك عزيزة و باشي
للضيف الـ بجي نحلف يمين مالك ماشي
قبل الكبتشينو نعشيه كبدة حاشي
abu_ola
21-08-2006, 10:57 PM
مبروووووووووك الافتتاح
حمد الظريف جايينا بي نجماتو
يتبسم تقول برقاً حضن غيماتو
صبي الكوفي يجيك جاري بدون نعلاتو
كان أتاخر عليك نادي أبراهيم بذاتو
zoolfrda
21-08-2006, 11:25 PM
http://www.elhoot.net/Music/YaReat.wma
abu_ola
22-08-2006, 12:46 AM
مشكور يا فردة يا رائع على اللحن الجميل
abu_ola
22-08-2006, 06:09 AM
أحبائي زوار الكوفي شوب ....
إن تكن منا عرفاك .... عرفنا وجهنا فيك
و إن تكن غريبا ... فإني نسعد بلقاء الغرباء
تعالوا الكوفي شوب كل يوم ..
و بمناسبة الإفتتاح أهدي هذه المربعات الشعرية المتواضعة لكل من زارنا علها تفتح شهية الآخرين و يشدوا بأصواتهم العذبة ليعطروا خيمة الشعر في الكوفي شوب بتاعنا
الزول الظريف يشجيك دوام بي فنو
أبراهومة العسل كلن البنات حبنو
بنات المنتدي شافنو عشقن جنو
حالفات اليمين لي فلانة ما يخلنو
****
الفردة العجيب الفي الأمارات ساكن
ذا النون الطمح بحر الدميرة العاكن
عود السيف عديل ماهو الغليد الماكن
قشاش الدموع يوم البنات يتباكن
****
حسون الظريف مصابحني دايما هاشي
مطروح الوجه نفسك عزيزة و باشي
للضيف الـ بجي تحلف يمين مالك ماشي
قبل الكبتشينو تعشيه كبدة حاشي
****
حار النم وقف عند الكبير سواح
في بحر العلوم أمهر من السباح
مشرفنا العظيم عطر الجناين فاح
حارس المنتدي كل ما يجيه صباح
***
حمد الظريف جايينا بي نجماتو
يتبسم تقول برقاً حضن غيماتو
صبي الكوفي يجيك جاري بدون نعلاتو
كان أتاخر عليك نادي أبراهيم بذاتو
***
ود كسلا الرهيب القالوا اسمك خالد
معروف زول فهم في العلم ساسك جامد
في يوم الصدام نلقاك واقف صامد
تنفق باليمين و لله شاكر حامد
***
وينك ود حسن اقصد أخونا نزار
ركازة القبيلة العامرة بيك الدار
فرتاق الصفوف ساعة الكلام الحار
إياك تاج المنتدى و قبلة الأنظار
***
العضو المميز في منتدانا الوافي
الأسمو ( المميز ) أب كلاماَ شافي
نورت الكوفي شوب بي قلمك المتعافي
في كل بوست جبت الجواب الكافي
****
حمدتو البجر فوقو القصيد و النم
اتفشر و أقول معتز أخونا علم
علمت الجميع من دون كراس و قلم
ورينا الفنون و منك بنتعلم
***
جالوص الصمد ما شالوا سيل الجهل
ما جالوص تراب يملاك طين و وحل
جالوص من أصالة و لمنتدانا فحل
علمت الرجال الممتنع و السهل
****
البت الأديبة و للفهم أستاذة
( مدنية ) و أصيلة و للعلوم ركازة
بالراي و الفهم قطعت معانا مفازة
وينك يا إبراهيم كون للبنية ملاذه
***
نور العيون نسمة دعاش جايانا
كملتي الفهم و في العلوم فايتانا
كل ما امشي بوست بلقاها ديما معانا
أبشر يا أبراهيم ما دام البنية ورانا
***
ود الماحي يا سيد الفهم و الرأي
يا بحر العلم الما كملو القرايُ
علمت الكبار و المعاك و الجاي
فهمت البشر حتى الحجر و النأي
أزيدك بيت شعر و اديك كأسة شاي
****
رهيب يا ( الرهيب ) و انت المميز ديمة
يا شمس العلم الما بتغطيك غيمة
من حر الجهل ضللنا أبقي الغيمة
يا واحة الأدب تب ما بتجينا هزيمة
****
ما بقدر أقول شيتناً يكافي افعالك
استاذ الفنون أنت الحميدة خصالك
أب قلماً شفيف برق السحاب أتشابك
سامبا العظيم فيك الخلقو تتدابك
****
عمدة مدني يا حارس العرين و الحامي
كل ما اروح مكان بلقاك دوام قدامي
أحتاروا الخلوق ما فهموا معني كلامي
قلت ليهم عديل قصدي الأصيل السلامي
****
شباب مدني يا صقور الجزيرة تلوب
مشكورين خلاص يا الجيتو في الكوفي شوب
ظللتو المكان لا سموم ولا هبوب
كلموا الباقين يجونا فرادى ... قروب
Jamal Elmahi
22-08-2006, 10:22 AM
أبو علا الخزين سيد العرين والكار
ياأسد البراري تاكل الحديد والنار
كيفن يوصفوك بالقصيد مسدار
ياسيد النضم كملته الحروف أشعار
****
أبوعلا الارباب العشاي ودكبشور
نضميك درر لافي أرض لا بحور
جاب ليك الشباب واقفين صفوف بالدور
والجكس النضيف يتلاصفن بس حور
****
مشاققه...
تمباكي القبيل في الزاويه ديك ضاريتو
عشان الكوفي شوب الفي الشلوفه تب ساويتو
وفي حب البنات كجنتو وزمان خليتو
تطير النفيسه بعد الفراق بالله تاني طريتو...
جمال الماحي
Jamal Elmahi
22-08-2006, 10:32 AM
ياسلام والله محلك راقي ياابوعلا.....وكمان ود الماحي شخصيا قاعد كويس لميت فيك الليله داير نتونس معاك وندق الحنك شويه نسعلك من البلد ديك وكيف ماشه معاك .....
تخريمه:
لوسمحت......
الجرسون:اتفضل يااستاذ
جيب لي راس شيشه ظابط تفاحتين وكباية كبتشينو....تشرب حاجه ياود الماحي؟؟؟
.................................................. ....
الجرسون :ثواني والطلب بجيكم
اها ياود الماحي ...الايام دي قالوا البحر زايد لمين الحواشات غرقت ..اها سكركم كيف لعل ماجات عوجه
ونواصل.....................
حباب حسون
الكلو زوق وفنون
تجدني ليك ممنون
ويحفظك مولايا من العيون
جمال الماحي
HaSsOoN
22-08-2006, 11:47 AM
حسون الظريف مصابحني دايما هاشي
مطروح الوجه نفسك عزيزة و باشي
للضيف الـ بجي نحلف يمين مالك ماشي
قبل الكبتشينو نعشيه كبدة حاشي
تسلم ياابو علا على الابيات الظريفه دي ....وياسلام على الكبده الراقيه دي
HaSsOoN
22-08-2006, 11:52 AM
حباب حسون
الكلو زوق وفنون
تجدني ليك ممنون
ويحفظك مولايا من العيون
جمال الماحي
ويحفظك ربي ياود الماحي يالكلك زوق.....
zoolfrda
22-08-2006, 07:38 PM
أبو علا كلامك عاوز أوصفو
خايف الوصف ما ينصفو
****
فيهو سماح فيهو صفى
كدر النفوس بيهو صفى
****
abu_ola
22-08-2006, 08:45 PM
ود الماحي الأصيل أستاذ الشعر و النم
و حسون الظريف لمنتدانا علم
الفردة الجميل الـ للشباب علم
جيبو الجكسي داخل خلونا نتكلم
سعدت أن أجدكم أمامي من الصباح في الكوفي شوب
أهو داء الصباح و لا بلاش
مدنيّة
22-08-2006, 09:43 PM
اها ياخوانا انا عايزة عدد واحد حرية من سجنكم دا
محمد حسين (المميز)
22-08-2006, 10:28 PM
العضو المميز في منتدانا الوافي
الأسمو ( المميز ) أب كلاماَ شافي
نورت الكوفي شوب بي قلمك المتعافي
في كل بوست جبت الجواب الكافي
****
[/COLOR]
:rolleyes: :rolleyes: :rolleyes:
والله والله والله
راااااااااقي
وجميـــــل
وقلمك بديــــع
**********
يلا انا اتبرعت ليكم بديجتال مطعــّـــــم بكرتين
شوتايم وart وشاشة بلازما 49بوصه
عشان يحلى السهــر والسمــر
*****************
محمد حسين (المميز)
22-08-2006, 10:34 PM
اها ياخوانا انا عايزة عدد واحد حرية من سجنكم دا
شووووووووووف البت
السجنك منو؟؟
ياربي تكون طلبتي طلبات ومادفعت الحســــاب :eek: !!؟؟
خلاص ياخوانا حساب مدنيــّـــه عندي :p
هههههههههههههه :D
****************
نزار حسن محمد
22-08-2006, 11:04 PM
حباب ..الاصيل ....ابوعلا
حباب ودبلدى الجاب علا
شحدته ربى فوق علاك
تزيد علا
عمدة منتدانا المنور ومزدان بى
ابو علا
مدنيّة
22-08-2006, 11:19 PM
شووووووووووف البت
السجنك منو؟؟
ياربي تكون طلبتي طلبات ومادفعت الحســــاب :eek: !!؟؟
خلاص ياخوانا حساب مدنيــّـــه عندي :p
هههههههههههههه :D
****************
ااااااي انت عاد ماحصل دخلت السجن دا كدي تعال بهناك عشان نديك مؤبد :p
abu_ola
23-08-2006, 12:09 AM
حبيبنا المميز
انا عارفك مميز من قبل ميلادك
الراي و الفهم ورثة كبار أجدادك
همسة:
مدنية دي انا كنت ساجنه في السجن الموجود بشارع الألعاب العام عشن كده جاتنا بهنا قالت ( اعطني حريتي و أطلق يديا ) غايتو كان مشيت بهناك شيل شيلتك ساااهي شكلها و الله تديك تأبيدة
******
أستاذنا نزار
ود حسن الأصيل قولي كيف الراي
يا شخ المنتدي و قبلة السرايً
****
الرقيقة مدنية
البت الأصلية الحرة من ولدوك
فكينا القيود كان بي هناك سجنوك
همهمة :
أشهد بأنك حرة من هذا اليوم و عندك حصانة دبلوماسية ضد السجن و أي واحد يعترض خلي يجي الكوفي
abu_ola
23-08-2006, 01:02 AM
يا إبراهيم براك قلت أنا بشتغل كاشير
غائب دون عذر ليه يا أخونا كثير
داوم في الكوفي أوعك من التأخير
فقدوك الزبائن الكبير و صغير
يا ابراهيم تعال ساعدني شوية ناس عمك ود الماحي و نزار و حسون و المميز و كل كبارات المنتدي عندنا ، و المسألة كمان جابت ليها جكس و أنت عارف اخوك الكبكبة و الرجفيبة دي ما بقدر عليها و خايف كان كترت دخلاتي على الجكس النضيف داء أم علاء ما بترضي و الشغلانة بتجيب ليها حنبيـــك و زعــل و مفاريك و الكلام القبيل الكنا بنقوله في البوست بتاع سيدة ( تتذكره !!!!! ) و أخوك ما ناقص تبقي عليه غربة و شجن
تعااااااال يا أخوي و عيب الراجل يقول الرووووووب
معتز حمدتو
23-08-2006, 01:17 AM
حمدتو البجر فوقو القصيد و النم
اتفشر و أقول معتز أخونا علم
علمت الجميع من دون كراس و قلم
ورينا الفنون و منك بنتعلم
ابو علا الاديب مسدارك بالحيل اسعدني
أطربني وحير فكري ولجمني
قلت اوصفك لكن عجز فني !!!
اديمك ربي زهرة في منتدي ودمدني.
معليش ياابو علا علي الرد الماذي نسقك ولكن سعدت اياما سعاده وشكلك ح تخلي الردود دوما ذات مزاج عالي ولازم نفكر بعد ده في زياده الكوفي شوب خاصة ورمضان علي الابواب ...
مدنيّة
23-08-2006, 01:21 AM
[SIZE=3]الرقيقة مدنية
البت الأصلية الحرة من ولدوك
فكينا القيود كان بي هناك سجنوك
همهمة :
أشهد بأنك حرة من هذا اليوم و عندك حصانة دبلوماسية ضد السجن و أي واحد يعترض خلي يجي الكوفي
الكلام دا سمعتووووووووووووووووووووه ياخوانا ولا نقوله تاااااااااااااااني ؟؟؟ :confused:
كدي تاني اشوف زول يسجني ويحرم بناتي مني :D
مدنيّة
23-08-2006, 01:24 AM
فردة لك التحية والله علي الاغنية
بس برضو خليك في سجنك
ابراهيم
23-08-2006, 03:59 AM
مهلك يا ابو علا خلينا نكتب حاجة
الجمت العقول الـ للحروف سراجة
خليت المكان ليهو النفوس تتراجى
مهلك يا جميل ... العافية ما دراجة
دوبيتك جميل كل بيت بغازل بيتو
شدة ما الكلام سمحاً مجيهة جيتو
الكيبورت راح من ايدي تب ما لقيتو
غصباً عنو كابست الحروف لميتو
شان القى الكلام الليك موجهة سيرتو
جهجهت الزباين صنقعو وانذهلو
من طعم الكلام واحدين عديل انسطلو
Jamal Elmahi
23-08-2006, 06:29 AM
أبوعلا سيد الكرم كلّك فهم ودرايه
شاهيك التقيل علينا تب ما كفايه
والقهوه أم جنزبيل والله ما هي الغايه
ناقصانه المريسه وأم فتفت والاندايه
ومتين ياالله ندخل ندوبي و نتاكي الرايه
مشاققه ...
باع أرقد أأأأعيش أنا مدقاقك....الكترابه....
جمال الماحي
abu_ola
23-08-2006, 07:10 AM
أبوعلا سيد الكرم كلّك فهم ودرايه
شاهيك التقيل علينا تب ما كفايه
والقهوه أم جنزبيل والله ما هي الغايه
ناقصانه المريسه وأم فتفت والاندايه
ومتين ياالله ندخل ندوبي و نتاكي الرايه
جمال الماحي
عارفك ود أصول الشينة ما تسويها
و في وسط البنات السفة بتضاريها
نفيسة السجم يا أخوي ما تباريها
مريسة الرماد ما بتلقي خير فيها
****
ود الماحي يا الماسك العلم و الرايٌة
دوبي و غني نم طمبر مع الغنايٌة
أركز للبطان أتحزم و أرجي الجاية
يا جبل الثبات أذكر هناي و هناية
****
القهوة بتجيك و الشاي لبنو مقنن
في بحر العلوم كت بالصدر و أتفنن
غني و دوبي قول حاكي القماري الحنٌن
من شهد الغنا شفت البنات أتنن
Jamal Elmahi
23-08-2006, 10:29 AM
أبوعلا الارباب
المريسه أأألخزين بيها بنعدل الكيف
ترياق للغلابه عزّ الهجير والصيف
مرواد للعمايه وبيها بنكرم الضيف
وليهو الحاشي بنعقروا بأم جفيروالسيف
****
المريسه أأأبوي بيها بنفك الريق
والشينه تب ما عرفنا ليها طريق
والكوفي كان ما جاب أم غباشه وزيق
هادا طرفنا منو والعبّار مابنقلب أبريق
****
جمال الماحي
نزار حسن محمد
23-08-2006, 11:57 AM
[SIZE=5]اه يالخزين ..حرام من غير مريستك تب ما بندورك ...ولو عايز عرقى حرام نجيبوا ليك ها يازول هو اليومين دى من غير المريسه والعرقى فى واحد بقدر اعيش مع البحر الهائج ده ,,,
شايف ابراهيم رسلوه للقضارف قالوا ماشى اجيب ((انى شاء.. )) بتاعت الحبشه وكان على الشربوت ذايدنه هينكين وده سر بينى وبينك عشان ناس النضباط مايقولو كدى الندوقه.... ودالماحى اشرب شرابك ساكت أأأبوى بس أأأأابوى كثر من البان ساكت عشان ريحتك بترمى الصقرأأأأبوى وماطفش لنا الجكسى../SIZE] .
zoolfrda
23-08-2006, 07:23 PM
<param name="BACKGROUNDCOLOR" value="#000000"><embed src="http://www.sudaneseonline.com/SudaneseMusic/music/SamiElmaghrabi/mn%20lmsat.wma" align="baseline" border="0" width="275" height="40" type="audio/x-pn-realaudio-plugin" console="Clip1" controls="ControlPanel" autostart="true">
<br>
عمك تنقو
23-08-2006, 08:20 PM
الكوفي ده يابراهيم سمعت تحت تحت كده كانت ستو يهودية :D
وجزء من الدخل بمشي ليهم
انا ما داير اخرب عليكم
لكن كان عندكم سجك الكلام يطلع صاح
مدنيّة
23-08-2006, 09:22 PM
غايتو ياعمك تنقو بري منك ياود امي تبقي علي العدو غايتو لو في زول محتاج لشايعات يجي لعمك تنقول وهو مابقصر
انا طبعا كنت جاية اصبح لكن بعد السمتعه دا ياخواني اعذروني
مدنيّة
23-08-2006, 09:23 PM
تسلم يافردة علي الاغنية
نور العيون
24-08-2006, 03:13 AM
[QUOTE=abu_ola]***
نور العيون نسمة دعاش جايانا
كملتي الفهم و في العلوم فايتانا
كل ما امشي بوست بلقاها ديما معانا
أبشر يا أبراهيم ما دام البنية ورانا
***
و الله ياابو علا تسلم يا غالي على الكلام الرائع د و ما قصرت .....
طيب يا جرسون دايره لي كبايه كركدي بارده ...... و الحساب على ابو علا...
هاهاهاهاهاهاهاه
abu_ola
24-08-2006, 04:20 AM
الكوفي ده يابراهيم سمعت تحت تحت كده كانت ستو يهودية :D
وجزء من الدخل بمشي ليهم
انا ما داير اخرب عليكم
لكن كان عندكم سجك الكلام يطلع صاح
هوووي يا عم تنقو أنت لسه ما دخلت كراعك التانية في الكوفي قلت حق يهودية .. أنت لو شربت من مريسة ود الماحي دي تحلف تقول المنتدي دا حقك برااااااااااك
أناود السوق و الحركات دي بعرفه كوييييييس و لو داير تشاركنا تعال يا أخوي من غير شائعات بس من أسه الأول شرط أخرو نور كل شئ بينا يكون مكتوب و تبصم عليه بأصابع يديك و كرعيك
دا العندي و كان ما عجبك الكلام ارجي ابراهيم و أتفاهم معاه
خلاص انا علندي قلتو
abu_ola
24-08-2006, 05:22 AM
غايتو ياعمك تنقو بري منك ياود امي تبقي علي العدو غايتو لو في زول محتاج لشايعات يجي لعمك تنقول وهو مابقصر
انا طبعا كنت جاية اصبح لكن بعد السمتعه دا ياخواني اعذروني
مدنية انتي براك قلتيها الداير شائعات يجي لعمك تنقو ..... أنتي أي كلمة تسمعيها تصدقيها دا كلام شنو دا يا اختي ؟؟؟ ثقة مافي تب و لا شنو الحكاية يا بت أمي ؟؟؟
مدنية كان بعتينا نحن ما بنبيعك
ماشين بوراك آمرينا نحن نطيعك
ملهوفين عليك من البدور تضييعك
معقول كلمة واحدة تشتريك و تبيعك
قالت أنا ماشة قالت تمشي وين ؟؟؟ حلاة لقلق نحن بنفكك
abu_ola
24-08-2006, 05:29 AM
و الله ياابو علا تسلم يا غالي على الكلام الرائع د و ما قصرت .....[/color]
طيب يا جرسون دايره لي كبايه كركدي بارده ...... و الحساب على ابو علا...
هاهاهاهاهاهاهاه
[/size][/font]
جرسون شنو !!! نخدمك حافين يا نور العيون
كركدي... نسكافيه .... كبتشينو .... عصاير .. سندوتشات ... معسل تفاحتين
حنة ... منكير ... عطور .... كريمات ... إكسسوارات .... أي حاجة كان قلتي لبن الطير في
بس انتي أدخلي الركن الهادي أب لمبةً بمبية داك خليني أشوف أعمامك ود الماحي و نزار حسن ديل و أجيك
عمك ود الماحي دا زولاً مزاجو عالى و الليلة ما تقولي اليوم خميس طلباتو ما بتخلص ،، غايتو كان أتاخرت عليك ما تفوتي .. أنا برأي في الكوفي و إبراهيم غائب ما عارف قصتو شنو
abu_ola
24-08-2006, 05:33 AM
[SIZE=5]اه يالخزين ..حرام من غير مريستك تب ما بندورك ...ولو عايز عرقى حرام نجيبوا ليك ../SIZE] .
ود حسن يا اخوي شيل شيلتك عمك ود الماحي شايل باقتو و بطاريتو و مستنيك وراء الكوفي شوب الراجل أنت وعدتو ابقي قدر كلامك ما تبقي هراط سااااكت
ابراهيم
24-08-2006, 05:37 AM
يا إبراهيم براك قلت أنا بشتغل كاشير
غائب دون عذر ليه يا أخونا كثير
داوم في الكوفي أوعك من التأخير
فقدوك الزبائن الكبير و صغير
يا ابراهيم تعال ساعدني شوية ناس عمك ود الماحي و نزار و حسون و المميز و كل كبارات المنتدي عندنا ، و المسألة كمان جابت ليها جكس و أنت عارف اخوك الكبكبة و الرجفيبة دي ما بقدر عليها و خايف كان كترت دخلاتي على الجكس النضيف داء أم علاء ما بترضي و الشغلانة بتجيب ليها حنبيـــك و زعــل و مفاريك و الكلام القبيل الكنا بنقوله في البوست بتاع سيدة ( تتذكره !!!!! ) و أخوك ما ناقص تبقي عليه غربة و شجن
تعااااااال يا أخوي و عيب الراجل يقول الرووووووب
سلامات يا زول يا رايع الله ما جاب الروب ممكن تقول قهوة شاي اي حاجة ههههههههه وبعدين في ناس هنا ممكن يقول للمدام جبنة جدييل في حالات متأخرة شديد ومافي داعي لذكر الاسامي:D قالو السترة والفضيحة متباريات ...
غربة وشجن دي قوية:D
الجكس النضيف خليهو ما تتباكي
لاحسن ام علا تغشانا بالمفراكة
من بين الالوف تلقى المدام ساكاكا
والكوفي شوب يجوط تقع الكبابي هناك
يا الارباب اخوي جاييك اصبر لي
ما دنيا السجم ماسكاني من ايدي
ناس رمسيس وخفرع ما عندهم حنية
صبرك يا جميل خليها بس بالنية
ابراهيم
24-08-2006, 05:42 AM
الكوفي ده يابراهيم سمعت تحت تحت كده كانت ستو يهودية :D
وجزء من الدخل بمشي ليهم
انا ما داير اخرب عليكم
لكن كان عندكم سجك الكلام يطلع صاح
عمك تنقو مرحب بيك في الكوفي شوب ..
كدى اول حاجة هاك بل ريقك بى عصير تبلدي
وبعدين نتفاهم ..
شكلك عايز تجيب لينا الهبوب المرطبة
وانت عارف ناس حزب الله ما عندهم هظار
نزار حسن محمد
24-08-2006, 06:38 AM
افو .. ياأأأأبوه علاء.. ((حرام انا الصعب المتكل بالشعب)) ودالماحى ياأأأبوى نصه طابقه فى جيبه ماتشيل همه .. هو بجى جاهز مويه ونور ونص العرقى ده للقزقزه ساكت. عشان الجكس.... يازول ديل ناس سكرالجنيده الحله وامرك على الله
abu_ola
24-08-2006, 06:57 AM
أبوعلا الارباب
المريسه أأألخزين بيها بنعدل الكيف
ترياق للغلابه عزّ الهجير والصيف
مرواد للعمايه وبيها بنكرم الضيف
وليهو الحاشي بنعقروا بأم جفيروالسيف
****
المريسه أأأبوي بيها بنفك الريق
والشينه تب ما عرفنا ليها طريق
والكوفي كان ما جاب أم غباشه وزيق
هادا طرفنا منو والعبّار مابنقلب أبريق
****
جمال الماحي
الرأس أعدلو بالسجار و سعوط
مسموح بيها تب نحن ما بنجوط
الشاي أب لبن و الجبنة أم ساموط
الشيشة المعسل و الجراك مظبوط
***
مريسة السجم تب ما بتفك الريق
شربوت الرماد زيو زي أم زيق
عقلك خلي صاحي ما تسوي فيه حريق
باكر بشكروك ساعة الرجال بتضيف
***
العرقي البخلي الزوق يفقد عقلوا
ينبح زي كلب منو الخلوق يتبروا
زي قرد الطلح دايماً وجيهو يصرو
تب ما فيه خير أنا راي احسن خلو
*****
يسلم يا الخزين راسك نضيف و صافي
الغني بالقناعة ما تبقي طالب المافي
قلل من المنبهات و أرقد دوام متعافي
تصبح شيخ قبيلة كل الخلوق بتوافي
*****
الأبريق آعشاي ورثة من خالاتك
والعبّار دخيل بحميك من مصلاتك
في يوم الخلوق تشهد على زلاتك
بتندم يا الخزين و بتاكلن نعلاتك
*****
ود الماحي آآ أخوي سمحنا ليك كتير
جبنة و سعوط و شيشة ليها خرير
شاهي و سجار و سندوتش و عصير
اخير من المرسية الـبترملي البير
همسة :
ود الماحي الحكاية شنو شاهي و سعوط و سجار و جبنة و شيشة و جراك و عصير و معسل و كمان داير ليها مريسة ... و ود حسن الله يهدي سوي ليها عرقي و شربوت يا اخوي راسك دا رأس و لا قفة حلبـــيٌة ؟؟؟؟؟
abu_ola
24-08-2006, 07:06 AM
افو .. ياأأأأبوه علاء.. ((حرام انا الصعب المتكل بالشعب)) ودالماحى ياأأأبوى نصه طابقه فى جيبه ماتشيل همه .. هو بجى جاهز مويه ونور ونص العرقى ده للقزقزه ساكت. عشان الجكس.... يازول ديل ناس سكرالجنيده الحله وامرك على الله
آآآآآآي عشان كدة أنا شايفو مركب الدرب في خشمو و يفشط ساااكت زي حافلات دردق زقلونة الحلة الجديدة و ما في زول جايب ليه خبر و جنوي الزمن دا كان شافو الدرب جاي بجنب الإضان بفتكروه سماعة الموبايل
أيامك يا ودالماحي لقيت هبوبك و تضري عيشك
HaSsOoN
24-08-2006, 09:00 AM
سلام ياحبايبنا.....طبعا الليله خميس حفله ورقيص جيناكم والليله الكوفي شوب حيكون عمران بالجكس وحبايبنا واعمامنا الكبار كدي لحظه بس النمشي اتاوق على اعمامنا ود الماحي وود حسن ادق معاهم الحنك واجيكم خاشي لي جوه
HaSsOoN
24-08-2006, 03:44 PM
شنو ياجماعه مافي حس ولا حركه شكلي الليله قاعد براي في الكوفي شوب...سيد المحل زاتو الليله مافي ...يالله الحاصل شنو الليله؟ اعمامي ناس ود الماحي وود حسن ماقاعدين ...ياجماعه شيلتونا هم زاتو!!!!!!
دا حالتو قلنا الليله خميس حفله ورقيص وتكون مدوره لين مالشمس تجهرنا
المهم ياابوعلا يوم تجي جهز لينا تورته كبيره كدا علشان عيد ميلاد اختنا سلوى دايرين نعملا ليها هيلامانه كدا ...بشرط التورته تكون تلاته طوابق...
Jamal Elmahi
24-08-2006, 09:45 PM
أبو علا الحبيب
السعوط كيسو في البحر فنيناهو
والمريسه عبّارا بالبرابندي قديناهو
والجكسي في الكوفي أتوهطنا ورجيناهو
لا لمينا في الجكسي لامريسه لا سعوط شميناهو
****
المافيهو شق ما بقول طق
عمنا تنقو بالاكيده نطق
ستها يهوديه تشيل وتتمطق
حريقه في اليهود واسرائيل تتفرطق
****
الاندايه ستها من الجنان حوريه
متحزمه ومتلزمه في الحوبات محريه
كان ضربك فلس تقول ليكا ما هميه
تشبع مرايس وتدوبي لي العصريه
****
الكوفي أنا عودي فيهو عود مرا
لا جكسي لا سفه ماكنه نقنطرا
لا مريسه لا أم فتفت نفرفرا
القاعدنلها شنو نضمي ومكاجرا
****
جمال الماحي
محمد حسين (المميز)
25-08-2006, 10:45 PM
هوووووووووي ياجماعه
انا جاي ومعاي مــــزّه
وعاوز اتونس معاها في الركن الهادي
دااااااااك>>>>>>>
عندي معاها موضوع قديم كده
بس أمانه ياخوانا زول يجيب سيرة للمره مافي
خايف من الشمارااااااات
بعدين يطلقونا
يابوعلا جهــّـــز الشيشه معسل نعناع بالله
***************
abu_ola
26-08-2006, 04:30 AM
[right]
[b][font=Arial][size=4][color=darkgreen]
يا الارباب اخوي جاييك اصبر لي
ما دنيا السجم ماسكاني من ايدي
ناس رمسيس وخفرع ما عندهم حنية
صبرك يا جميل خليها بس بالنية[/center]
عند رمسيس و خفرع حنية تب مافشية
دوماً يزنقوك من راسك يطلعوها كديسة
خليك في الشغل و لا القراية ... العيشة
و ارتاح في الكوفي بي جبنة و لا الشيشة
ماسكين في الصبر راجين دوام طلاتك
مشتاقين خلاص يا فردة لي ونساتك
حسون و المميز و الكبار أبواتك
راجين يوت تجي و تنعشنا بي ضحكاتك
abu_ola
26-08-2006, 04:35 AM
شنو ياجماعه مافي حس ولا حركه شكلي الليله قاعد براي في الكوفي شوب...سيد المحل زاتو الليله مافي ...يالله الحاصل شنو الليله؟ اعمامي ناس ود الماحي وود حسن ماقاعدين ...ياجماعه شيلتونا هم زاتو!!!!!!
دا حالتو قلنا الليله خميس حفله ورقيص وتكون مدوره لين مالشمس تجهرنا
المهم ياابوعلا يوم تجي جهز لينا تورته كبيره كدا علشان عيد ميلاد اختنا سلوى دايرين نعملا ليها هيلامانه كدا ...بشرط التورته تكون تلاته طوابق...
معليش يا حسون و الله آسف جداً جداً من يوم الخميس مافي زول رد عليك ( يا جماعة هووووي دا حسون ماهو زولاً هين ) غايتو أنا الخميس و الجمعة ديل بايعن للولية الفنجرية حلاوة نبق من يوم الله ما جمعني بيها .. ما لك عليا حليفة صلاة الجمعة دي ما بتخليني أمشي ليها إلا بالإذن و بعدين زي ما انت عارف الغربة و ظروفها بنفرحها شوي في اليومين ديل و نتمشي في الكورنيش و بنشتري حاجات البيت و غايتو ربك يعين يعني ما في طريقة أسهر معاكم يوم الخميس إلا أجيب معاي المدام و أجي و ما بخفيك سر أبراهيم دا أنا يوم شاركتو في الكوفي قلت الراجل عزابي و ما عندو محل بمشي ليه يوم الخميس و بجي أسهر معاكم و أسد مكانتي بس شكلو كده و الله أعلم المصريين ديل عادوه ومتزوج عرفي.... كدي أنت شمشم الموضوع بجاي و جاي و كان ليقت أي طرف خيط كلمني
التورتة خليها على بنجيبها 5 طوابق و نفق و نعمل ليك فيها حديقة و مسبح بس جيب لينا سلوى دي في الكوفي النشوفها فيس تو فيس و أعمامك ود الماحي و نزار حسن و باقي الجماعة ما بقصروا تب انت عارفهم براك
abu_ola
26-08-2006, 04:40 AM
ود الماحي طالما أنك بطلت الحركات النص كم دي خد مني التمرات ديل لحدي ما أجيل راجع ( يا جماعة أشهدوا عليه تمر نااااااشف ما يمشي بهناك يبلوا و يقول أبو علا جاب لي كريستال البلح !!! شاهدين و لا لا ؟؟؟ )
حلو النضمي من خشماً بقول الخير
و حلوة الونسة معاك من الصباح لعصير
حلاة السهرة يالدخري المعاك بالليل
حلاة بنوتنا يشابن يحاكو الخيل
abu_ola
26-08-2006, 04:44 AM
هوووووووووي ياجماعه
انا جاي ومعاي مــــزّه
وعاوز اتونس معاها في الركن الهادي
دااااااااك>>>>>>>
عندي معاها موضوع قديم كده
بس أمانه ياخوانا زول يجيب سيرة للمره مافي
خايف من الشمارااااااات
بعدين يطلقونا
يابوعلا جهــّـــز الشيشه معسل نعناع بالله
***************
المميز عمك ود الماحي شايل عكازو و و خاتي كرسيه قدام الركن الهادي من يوم الخميس العصير راجي و د حسن باقي بيناتون وعداً قديم و الراجل مفتح و ناقششش كل حاجة و نظام دي بت خالتي أصبحت موضة قديمة و ما بتمشي عليه... غايتو إلا تخليها تدخل و بعدين أنت تلبس ملابس العمال و تدخل عليها شايل الطلبات ( نظام أنك عامل جديد و كدا ) بس نسيت أقول ليك ود الماحي العمال ديل بعرفهم نفر .. نفر لانه برسلهم للصعوط
أنت يا المميز أقيف النسألك (( وكت عندك بقرة تحمد سيدك الجابرك على اللبن أب رطل من البقالة شنو ؟؟؟ )
نزار حسن محمد
26-08-2006, 11:30 AM
اخوى ابوعلاء ..انت ماعارف عمك ود الماحى ده ..يازول الزول دا كان.. حيرد.ذى ابو الدقيق بقوم اتمرد وادخل الغابه غابة ام بارونه والله تانى نكوس ليه كواسه ..خلى ساكت اى هو من الجنيد لكن عينه مفتحه قدر الريال ابوعشره .. بعدين شايف ولدنا المتميز بقى الخبط الظاهر دايره له عكاز ولا سوط بطانه حار فى نص راسه.. راسه بجى بره بعدين خليه كدى تانى ايفرر امانه مايشوف نجوم الضهر عز النهار .. ابو علاء ابقى عشره على الكوفى شايف ابراهيم ماموريتة للقضارف طولت .. اه فوتكم بعافيه
ابراهيم
26-08-2006, 01:22 PM
http://www.electvillage.com/files/up4/15214.JPG
ود الماحي ابشر جبنا ليك الشيشة
واشرب بيبسي كولا حتى لو بالفيشة
خليها المغبشة وام عمايلاً طيشة
الشيشة المزينة بالحرير والريشة
بتعدل المزاج وتجيبلك المافيشة
ابراهيم
26-08-2006, 01:47 PM
معليش يا حسون و الله آسف جداً جداً من يوم الخميس مافي زول رد عليك ( يا جماعة هووووي دا حسون ماهو زولاً هين ) غايتو أنا الخميس و الجمعة ديل بايعن للولية الفنجرية حلاوة نبق من يوم الله ما جمعني بيها .. ما لك عليا حليفة صلاة الجمعة دي ما بتخليني أمشي ليها إلا بالإذن و بعدين زي ما انت عارف الغربة و ظروفها بنفرحها شوي في اليومين ديل و نتمشي في الكورنيش و بنشتري حاجات البيت و غايتو ربك يعين يعني ما في طريقة أسهر معاكم يوم الخميس إلا أجيب معاي المدام و أجي و ما بخفيك سر أبراهيم دا أنا يوم شاركتو في الكوفي قلت الراجل عزابي و ما عندو محل بمشي ليه يوم الخميس و بجي أسهر معاكم و أسد مكانتي بس شكلو كده و الله أعلم المصريين ديل عادوه ومتزوج عرفي.... كدي أنت شمشم الموضوع بجاي و جاي و كان ليقت أي طرف خيط كلمني
التورتة خليها على بنجيبها 5 طوابق و نفق و نعمل ليك فيها حديقة و مسبح بس جيب لينا سلوى دي في الكوفي النشوفها فيس تو فيس و أعمامك ود الماحي و نزار حسن و باقي الجماعة ما بقصروا تب انت عارفهم براك
ابو علا سلامات ...
يا اخوى مالك داير تطير على الحمام .. نحن نحاحي ونشرك والله خلعتني خلعة لما شفت كلمة عرفي دي قربت اقع وبالطريقة دي يوم بتكتل ليك زول في الكوفي شوب . . . دة حالتي انا عايز اناسبك
انا غايتو وعشان الواحد يبعد من الشبهات الخميس والجمعة ديل قاعدهم هنا في الكوفي شوب .. وكلامك دة يا ابو علا في ناس كان شافو معناها انا بيتي اتخرب ...
بختك يا حسون التورتة ماشاءالله ماجيك لاند عديل يا سلوي تعالي لاحسن التورتة دي اشتهيناها قبل ما يجي عمك تنقو يقول دي عاملينها في تل ابيب وتروح علينا.
ابراهيم
26-08-2006, 02:09 PM
بعدين شايف ولدنا المتميز بقى الخبط الظاهر دايره له عكاز ولا سوط بطانه حار فى نص راسه.. راسه بجى بره بعدين خليه كدى تانى ايفرر امانه مايشوف نجوم الضهر عز النهار .. ابو علاء ابقى عشره على الكوفى شايف ابراهيم ماموريتة للقضارف طولت .. اه فوتكم بعافيه
مشتاقين والله يا ود حسن .. اهو انا جيت من القضارف وجبت ليكم معاي سمسم قندران ولوريين ..باقى قالو السمسم دة مو هين كلام اخونا السفير وبعدين عايزين نعمل استثمارات خارج الكوفي شوب بالشراكة مع دكان الصول لأنو سمعت تحت تحت قالوا واحد من الاعضاء سمع كلام السفير قال عايزيفتح ليهو معصرة زيت جنب دكان الصول اصلو الزمن دة الزول ما يقول بنات افكارو لي زول ...
zoolfrda
26-08-2006, 09:17 PM
<param name="BACKGROUNDCOLOR" value="#000000"><embed src="http://www.alrakoba.net/ss/mo3taz/abyadhdhamerak.rm" align="baseline" border="0" width="275" height="40" type="audio/x-pn-realaudio-plugin" console="Clip1" controls="ControlPanel" autostart="true">
<br>
محمد حسين (المميز)
26-08-2006, 09:51 PM
المميز عمك ود الماحي شايل عكازو و و خاتي كرسيه قدام الركن الهادي من يوم الخميس العصير راجي و د حسن باقي بيناتون وعداً قديم و الراجل مفتح و ناقششش كل حاجة و نظام دي بت خالتي أصبحت موضة قديمة و ما بتمشي عليه... غايتو إلا تخليها تدخل و بعدين أنت تلبس ملابس العمال و تدخل عليها شايل الطلبات ( نظام أنك عامل جديد و كدا ) بس نسيت أقول ليك ود الماحي العمال ديل بعرفهم نفر .. نفر لانه برسلهم للصعوط
أنت يا المميز أقيف النسألك (( وكت عندك بقرة تحمد سيدك الجابرك على اللبن أب رطل من البقالة شنو ؟؟؟ )
هههههه :D ههههههه :D ههههههههه
بدور لبن البودره يابوعلا
;)
محمد حسين (المميز)
26-08-2006, 10:02 PM
بعدين شايف ولدنا المتميز بقى الخبط الظاهر دايره له عكاز ولا سوط بطانه حار فى نص راسه.. راسه بجى بره بعدين خليه كدى تانى ايفرر امانه مايشوف نجوم الضهر عز النهار ..
على قول اخوي حسووووون
لووووووووول
;)
مادام جابت ليها سيطان وعكاكيز خلينا كده بدون مزز
نقابل ابوعلا وابراهيم ديل :p
********************
abu_ola
26-08-2006, 11:42 PM
اخوى ابوعلاء ..انت ماعارف عمك ود الماحى ده ..يازول الزول دا كان.. حيرد.ذى ابو الدقيق بقوم اتمرد وادخل الغابه غابة ام بارونه والله تانى نكوس ليه كواسه ..خلى ساكت اى هو من الجنيد لكن عينه مفتحه قدر الريال ابوعشره ..
ود حسن أخوي الحرد الله ما جابوه ... و أنت براك عارف ود الماحي دا هو المرشد الأعلي للشغلانة دي كلها ،،، يعني بصريح العبارة كده من غيرو الكوفي دا ما ليه داعي و نحن ما بخليه يحبنك و لا يزعل مننا و بعدين اليومين دي في السودان طلعت موضة جديدة كل واحد يزعل الجماعة يمشوا يتكلموا معاه يقول داير جزء من الثروة و السلطة !!!! ناس الجنوب اخدوا حقهم و ناس الغرب اخدوا حقهم و ناس الشرق جارين ورا حقهم و ليك على بياخدوه تب .... بس كان باقي نحن ناس الوسط ديل الضايعين وسط الكرعين و باين ود الماحي دا داير يجرب الشغلانة من الكوفي و كان نفعت معاه بوسع نطاقها و بكرة كان تسمع بيه بقي سفير مكتب رئيس وزارة المالية و التخطيط و الصناعة و التجارة و العمران و العلاقات البينة بمجلس وزراء الدول المصدرة للصعوط و القات ...
abu_ola
26-08-2006, 11:47 PM
ابو علا سلامات ...
يا اخوى مالك داير تطير على الحمام .. نحن نحاحي ونشرك والله خلعتني خلعة لما شفت كلمة عرفي دي قربت اقع وبالطريقة دي يوم بتكتل ليك زول في الكوفي شوب . . . دة حالتي انا عايز اناسبك
.
نسبك يا ابراهيم نحن بنفتش ليه بالجبادة ما بنلم فوقه و الزيك يا أبو الشباب نحن بنشتري بالدهب و لا أقول ليك أبدأ قسط لينا في المهر من الآن و كل أخر شهر رسل لينا شوي لحدي ما البنت تكبر و تبقي جاهزة للعرس ...
يا ابراهيم يا أخوي تشارك ود الصول ،،، تعمل معصرة و لا تعمل طاحونة عديل كدة أنا ما عندي مانع لكن يا ابراهيم عملك ود حسن بقول ليك ( أجي يوم ساكت بالغلط ألقاك بالي سمسم في جردل ولا السمسم دا تسوي منو شي غير الزيت و الأمباز أقفل الكوفي شوب و اشكيك لمشرف المنتدى الإسلامي ) و الباقي انتو عارفو براك عشان كدي يا اخوي ما تقطع رزقنا ... و أعمل حسابك بنات أفكارك ديل ما يودوك في الإتجاة المعاكس
abu_ola
26-08-2006, 11:51 PM
هههههه :D ههههههه :D ههههههههه
بدور لبن البودره يابوعلا
;)
لبن البودرة دا يا المميز اخوي ما معروف لبن كدايس و لا كلاب !!!! وغايتو كان باريتو بخرب بيتك و بوديك في ستين داهية .....
abu_ola
27-08-2006, 12:15 AM
الكوفي الصباح الليل جابلو شكية
من يوم الخميس ما جتني داخلة بنية
نجماتي القبيل الكانو بفرحو بيه
دراتنا الحسان .. نور العيون .. مدنية
قلت ليه الصبر توك جديد في النت
ما تزعل كتير كان للبنات حنيت
ود الصول زمان دكانو عدم الزيت
صابر و محتسب ما قال كفاية أبيت
قال لي يا أبو علا أنت دايماً فاريٌ
و أبراهيم هناك بالعلي ما داري ٌ
مبسوطين خلاص ما همكم أخباري ٌ
ود الماحي قال تب ما بجيب لي طاري
ود الماحي عاد أوعاك تزعلو مرة
جيب ليهو البنات كان الوجيه ينفرا
كان طفي السجار و لا بزق الجرة
قشها بي أدب ما تقول كليمتن مرة
قالي الخلوق في حضني يوت سهرانة
نزار ود حسن و حسون و ابوك يا فلانة
و الشاب المميز المنو الخلوق طربانة
و الفردة الرهيب مكانتو أعلى مكانة
قلت ليه الشباب فيك يوت مجتمعة
سهرانين دوام من السبت للجمعة
دراتنا الحسان كان غشنك سرعة
أرقص يا جميل و ضوي زي الشمعة
abu_ola
27-08-2006, 12:30 AM
الكوفي الصباح الليل جابلو شكية
من يوم الخميس ما جتني داخلة بنية
نجماتي القبيل الكانو بفرحو بيه
دراتنا الحسان .. نور العيون .. مدنية
قلت ليه الصبر توك جديد في النت
ما تزعل كتير كان للبنات حنيت
ود الصول زمان دكانو عدم الزيت
صابر و محتسب ما قال كفاية أبيت
قال لي يا أبو علا أنت دايماً فاريٌ
و أبراهيم هناك بالعلي ما داري ٌ
مبسوطين خلاص ما همكم أخباري ٌ
ود الماحي قال تب ما بجيب لي طاري
ود الماحي عاد أوعاك تزعلو مرة
جيب ليهو البنات كان الوجيه ينفرا
كان طفي السجار و لا بزق الجرة
قشها بي أدب ما تقول كليمتن مرة
قالي الخلوق في حضني يوت سهرانة
نزار ود حسن و حسون و ابوك يا فلانة
و الشاب المميز المنو الخلوق طربانة
و الفردة الرهيب مكانتو أعلى مكانة
قلت ليه الشباب فيك يوت مجتمعة
سهرانين دوام من السبت للجمعة
دراتنا الحسان كان غشنك سرعة
أرقص يا جميل و ضوي زي الشمعة
نزار حسن محمد
27-08-2006, 12:35 AM
السلام جاكم ناس جوه ... ماشاء الله شايف الشيش اشكال والوان والله يابراهيم ماقصرته .. انت من القضارف مرقته فى بور سودان ..ياخى كان تسوى(( موس كول)) ساكت .. بعدين اعمامك فى الدكان مشيت اسلم عليهم بالله حدرو لى تقول ماكل حقهم ... كيف نفتح الكوفى شوب .. غايتو اعمل حسابك وماتعتب عليهم اليومين ديل ..
ابوعلاء .. قالوا العرجه لى مراحه .. يا ااابوى.. ماعليك عمك ودالماحى .. بغيب ليه يومين بعد داك .. تلقاه مصنقر فى نص الكوفى وكمان متحكر مع الجكسى .. دا زولى وبعرف تب .. ماتشيل هم وارقد قفاه..
ولدنا المميز ... يابوى اقعد مع ناس حسون وابراهيم براحتك تب مانى سالك .. لكن ماتتاخر على بنت الناس ..وربنا انشاء الله ارزقك بتيمان اخلوك تساهر الليالى... قول امين
محمد حسين (المميز)
27-08-2006, 12:41 AM
آآآآآآآآآآآآآمين يارب العالمين
**************
abu_ola
27-08-2006, 01:00 AM
حباب السلام أدخل لي داخل يا ود الحسن قالوا ود الحلال كان طرو بيجي
ود الماحي دا أنا خليتو عليك و من اليوم دا تب ما بشيل همو و زي ما قالو ( البلد بكتلوها بي خبارها .. و انت خبيرنا و دليلنا ) و كان اتأخر شوية بعلق لي طرحة فوق باب الكوفي براااه بشم الريحة و بجي
المميز دا اسألني منو ما ود حفرتي ما تشوف الجري و النطيط دا آآزول ها على الحليفة دي فورة لبن ساااااااكت و بتكمل .... بعد شوية كان تلقاهو نايم على بطنو
زمان الجماعة الكانو البدرسو في مصر كل ما يجونا اجازة بيجو معاهم الحلل ... اسع أبراهيم ما شاء الله تبارك الرحمن ضاربنا شيشة سااااكت انت آآآآآخوي تعال النسألك مصر دي غير الأواني المنزلية و الفخار ما فيها حاااجة و لا الحكاية شنو ؟؟؟
abu_ola
27-08-2006, 01:04 AM
آآآآآآآآآآآآآمين يارب العالمين
**************
شيخنا ود حسن ما شاء الله تبارك الرحمن البشوف صورتو بالجلابية أقول إصلي وراه من غير وضوء ... أها شفت يا المميز الدعوات السمحة دي ... كان باريت البنات ما بتسمع منهم كلاماً طيب كلو كلو
أنا معاك بقول آآآمين ربنا يرزقك و يرزقنا و يرزق الجميع الزرية الصالحة
Jamal Elmahi
27-08-2006, 08:26 AM
ناس الكوفي سلام أأأناس ...
الونسه معاكم حلوه بالحيل...علا اليومين دول الضهر أعوج...
أبراهيم كتّرخيرك أأأبوي وبارك الله فيك علي الشيشه ..علا أأألعشاي بتهيج عليّ الدبس...
لكن السمسم بدورو تب اليومين دول البطاريات نازله ودايره ليها دفره بي زيت سمسم ...
أبو علا باقي زيت السمسم قالو زي الفياجرا يخلي الواحد عاير زي حمار العمده ولاّ زي تيس الفريق يلبلب اليوم كلو...
ود حسن عازمك فول بي زيت سمسم وكمان بملا ليك الكويره أم قعير تشيلو معاك لزوم المسوح والكركار...أبو علا جيب كويرتك أأأبوي برضو ...
أما العزّابه ناس أبراهومه كفاهم زيت الفول ....هسع أأأبراهيم مالك جبتنا لينا سيرة زيت السمسم أأأبوي...زيت السمسم دا أبعدوهو من الكوفي شوب...
بجيكم صاد أأأهلي...
جمال الماحي
معتز حمدتو
27-08-2006, 12:25 PM
سلام ياناس الكوفي
ابو علا وينك ياراجل ما شايف ولا حبشيه بتعمل في الكوفي انت عارف ده ماركه مميزه بتستقطب الشباب اكثر وتحلا الونسه شويه شويه مره اشي ، ومره كونجو بس التعامل باسلوب راقي يليق بمكانة الكوفي وشرط اكونوا من الامهرنجه .
حاج ابراهيم ده وقت السمسم والا الفول ده كوفي ولا ابو ظريفة ههههههه.
ابوعلا وين مساديرك الحلوه مره مره بحس اني في خيمة ود الحردلو .
نزار حسن محمد
28-08-2006, 12:25 AM
أاااابوى.. لى يومين ماخليت قشرة برتكان مالميته .. وكل مايدق الباب اقول ودالماحى جاب زيت السمسم ..الحقنا أاااابوى ..اليومين ديل مع البحر الهائج ده بقت تجيب ليها زيفه اخر الليل ومن غير الكركار الشقوق بدخل الفار .
ابوعلاء .. من غيرك الكوفى ماببقى ماتتاخر... اخوى ابراهيم ده ..عنده دريبات تحت تحت ... اصلو .. ده حال العزابه اول مااقبض ليه قرشين يغيب ليه اسبوعين..
abu_ola
28-08-2006, 04:56 AM
أبو علا باقي زيت السمسم قالو زي الفياجرا يخلي الواحد عاير زي حمار العمده ولاّ زي تيس الفريق يلبلب اليوم كلو...
جمال الماحي
ود الماحي بارك الله فيك يا اخوي على المعلومة لكن عندي كان كلمتني بيها في أضاني كان أحسن ناس ابراهومة و العزابة ديل كان سمعوا الكلام دا ما بخلوا لينا رطل زيت حاااايم .... ها آآزول ها... مالك على يمين الزيت دا ما بخلوا ليك براك كان يشققوه شرموط... يا كافي البلاء أولاد الزمن دا الواحد منهم طابق حبتو الزرقاء في جيبو و حايم المعني أنا أول مرة في حياتي أشوف واحد بشتري الحبل قبل البقرة...الحكاية شنو يا ود الماحي
abu_ola
28-08-2006, 05:00 AM
سلام ياناس الكوفي
ابو علا وينك ياراجل ما شايف ولا حبشيه بتعمل في الكوفي انت عارف ده ماركه مميزه بتستقطب الشباب اكثر وتحلا الونسه شويه شويه مره اشي ، ومره كونجو بس التعامل باسلوب راقي يليق بمكانة الكوفي وشرط اكونوا من الامهرنجه .
حاج ابراهيم ده وقت السمسم والا الفول ده كوفي ولا ابو ظريفة ههههههه.
ابوعلا وين مساديرك الحلوه مره مره بحس اني في خيمة ود الحردلو .
عليكم و السلام ابقي لداخل .... حمدتو اخوي شغلانة العمال دي انا مخليها لإبراهيم الراجل شباب و بعرف يعزل الجكس النضيف و المعني يوم داك جايب ليهو كووووم بنات شي حبش و شي فلبينات و وحدات تانيان انا زاتي ما عرفت جنسن شنو بس وداهن وين الله أعلم !!!! يكون الراجل دا فاتح ليه محل تاني و أنا ما جايب خبر ؟؟؟
المسادير دي يا ود حسن أخوي زي السجارة كان ما إترصوا ليها الشباب و دا يديها لي دا ما بتنفع و لا بتعدل الراس و بمناسبة الحاردلو لي يومين كده فاتح لي بوست في الثقافي بتكلم فيه عن المسدار و أثره في الأدب السوداني ما في زول عبرني قال لي انت بتقول في شنو إلا اخونا لواء بارك الله فوقو ما قصر تب ... غايتو العولمة دي شكيناها لله شالت الجنـــوي زي شيلت البحر لولاية سنار .
كدي اقعد بي جنبي النكورك لعمك ود الماحي الراجل لسه شباب و الجلسات دي بحبها تب و باقي موصيني قال لي الجماعة كان جو كورك لي سااااكت
عمك ود حسن يا هو داااك جاااي الراجل باقي الكلام دا بعجبوا بالحيييييل ما تفوت يا حمدتو بجيكم راجع
abu_ola
28-08-2006, 05:03 AM
ود حسن كيف قيلت آآآبوي و الله فقدناك تب و بقينا نتقريف ليك زي جبنة العصرية ود الماحي آآآخوي سمسمو دا عامل ليه جنس دعاية أن شاء الله ما يطلع فشوش ..
abu_ola
28-08-2006, 05:17 AM
قصة خفيفة على المعدة
قال ليك كان في واحد ماشي في الشارع لقي موية مكشوحة في الواطة زلقتو وقع على يدوو و بقي كوعو بيوجعو قام مشي لأقرب عيادة و لمن دخل العيادة الممرضة قالتو دايرين عينة من البول !!! صاحبنا أستغرب و قال ليها يا بت الناس اناقلت ليك يدي بتوجعني تقولي لي عايزين عينة من البول !!!!! الدخل دا في دا شنو ؟؟؟ قامت الممرضة قالي ليه اسمع يا أخينا أنا ما فاضية للكلام الكتير ،، النظام عندنا بقول كده في عينة بدخلك على الدكتور…. ما في بول و الله ما تدخل للدكتور كان تضرب السماء جير ، ،،،،
صاحبنا احتار و في النهاية سلم أمرو لله و قام جاب ليها عينة من بولو قامت الممرضة دخلتها للدكتور بعد شوية طلع الدكتور و قال ليه صحيح انو الوقعة كانت قوية و صحيح أنو موية البلاعة وسخانة بس اطمئن يدك ما مكسورة بس فيها شوية فكك و ورم ساهي و بروح ما في مشكلة
صاحبنا استغرب جداً نطط عيونو و فتح خشمو شبرين و حالتو بقت حاله قال للدكتور بس انت من وين عرفت انو يدي بتوجعني ؟؟؟ اكيد الممرضة دي قالت ليك ؟؟؟ ، الدكتور قال ليه لا و الله لا قالت لي و لا حاجة أنا عندي جهاز جديد لتحليل البول بالكمبيوتر و بنعرف منو كل حاااجة عن حالتك الصحية ، كدي أنت خد المرهم دا امسح بيه يدك و بعد أسبوع راجعنا و ما تنسي تجيب معاك عينة من البول
الراجل مشي البيت و حكي لأولادو الجماعة قامو يضحكو على نصب دكاترة اليومين ديل و حركاتهم الما ليها دااااعي قال شنو قال تحليل بول بالكمبيوتر ؟؟؟؟ بالله عليك الله شوف الراجل الما بخاف الله دا و عامل فيها دكتور كمااان أبوهم قال ليهم أنا المحيرني و ما قادر أفهمو للآن أنو كيف عرف زلقتني موية البلاعة و انو يدي بتوجعني !!!! قام الولد قال ليه دي بسيطة يا أبوي ... الدكتور مش قال ليك تراجعوا بعد اسبوع ... خلاص أصبر و بتشوف براك .
بعد اسبوع كوعه بقي تمام التمام و قرر يرجع للدكتور قام ولدو قال ليه انا داير اعمل مقلب في الدكتور دا عشان أوريك انو نصاب و محتال ...... قام الولد جاب قزازة كب فيها عينة من بولو زايد عينة من بول اختو زايد عينة من بول ابو و ضاف ليهم شوية من زيت ماكينة العربية و كب عليهم باقي زيت لقاه في الطوة و تم القزازة من الماسورة و خجاها كوييييسسس و أداها لابوه قال ليه شيلها وديها للدكتور النصاب دا.
صاحبنا اخد الخلطة الغريبة دي و مشي العيادة وقت وصل اداها للممرضة و قعد ينتظر في الاستقبال ... شوية الدكتور جاي طالع و شايل ورقة طويلة عريضة و عرقان و حالتو حالة قام صاحبنا سالو بطريقة استفزازية خاااالص شنو يا دكتور ان شاء الله خير ....؟؟؟؟؟؟ قام الدكتور قال ليه خير... باين انو كوعك بقي كويس و تمام التمام و ما عندو أي مشكلة بس في شوية حاجات كدة يعني ما مظبوطة اولا ولدك مدمن هيروين ..... و تانياً بنتك حامل ... ثالثاً مرتك محمرة سمك بلطي بزيت عافية ... رابعاً العربية حقتك لازم تغير ليها طرمبة الزيت .... , اخر شي أعمل حسابك البحر اليومين الجاية دي بفيض و يغرق بيتكم .
همسة :
أي واحد فيكم بيتهم جنب البحر و لا بانينو في خور ينتظرني بكرة الصباااح في الكوفي عشان أوصف ليه العيادة قبل ما الفأس تقع في الرأس و بعدين تندموا يا حلوين و و تقولوا أبو علا ما كلمنا
التيمان
28-08-2006, 09:21 AM
الهمسه مبالغه والله
abu_ola
28-08-2006, 08:41 PM
يديكم العافية التيمان و مشكورين على المرور
بمشي و بجيكم صاااد كان المولى هــون
محمد حسين (المميز)
28-08-2006, 09:39 PM
آآآآآآآآآآآآهـ
صباح الخير
ياهل الله ياللي هنا
القهوه ياجماعه وجريدة معاك بالله
**************
abu_ola
28-08-2006, 10:27 PM
صباح النور يا المميز
محنه وإلفه تكفي وبينا عشره أكيده
بينا سماح وبينا محبه يوت بنزيده
طلاتك دوام البسمة لينا تعيده
القهوة بتجيك و معاها أحلي جريدة
مدنيّة
29-08-2006, 12:38 AM
صباح النور يا المميز
محنه وإلفه تكفي وبينا عشره أكيده
بينا سماح وبينا محبه يوت بنزيده
طلاتك دوام البسمة لينا تعيده
القهوة بتجيك و معاها أحلي جريدة
الجابك هنا شنو ؟؟ وطلعت من السجن كيييييييييييييييفن :eek:
محمد حسين (المميز)
29-08-2006, 02:44 AM
صباح النور يا المميز
محنه وإلفه تكفي وبينا عشره أكيده
بينا سماح وبينا محبه يوت بنزيده
طلاتك دوام البسمة لينا تعيده
القهوة بتجيك و معاها أحلي جريدة
ياخي والله يابوعلا دخلتنا في ضفورنا
:o
ياخي انت راقـــي
وطبعـــك راقـــي
;) ;)
*************
محمد حسين (المميز)
29-08-2006, 02:48 AM
الجابك هنا شنو ؟؟ وطلعت من السجن كيييييييييييييييفن :eek:
هوووووي يابت
:cool:
ضمنته انا الراجــل ده
ودفعت ليهو الكفاله
:p :p
**********
abu_ola
29-08-2006, 03:54 AM
هوووووي يابت
:cool:
ضمنته انا الراجــل ده
ودفعت ليهو الكفاله
:p :p
**********
يا المميز أخوي ما تستغرب مدنية دي ساجناني في سجن الألعاب العام ليها 3 أيام و حسب قانون اللعبة ما تكون عندي اي مشاركةفي المنتدي لحدي ما يجي واحد يطلعني من السجن و الجماعة ناس نور العيون و التيمان و زول فردة و حسن على كل مرة يجو يسلموا علي و يمشوا زول داير يطلعني ماااافي .....لكن بيني بينك انا قاعد ارشي العسكري و بجي الكوفي اشوف الناس الروائع الزيك و بعدين عندي 3 مواضيع بكتب فيها بصورة مستمرة في المنتدي الثقافي و المنتدي الاسلامي لازم كل يوم أكتب فيها شوية و اشوف مداخلات الأعضاء يعني بصراحة أنا ما فاضي للسجن لكن السجن أقســااااااام و كل زول لازم يرضي بقسمتو
نزار حسن محمد
29-08-2006, 12:16 PM
الزول الوسيم فى طبعه دايما هادى ... ابوعلاء
ابوعلا ء يازول مالك انت ومال السجون انت مكانك هنا ياأأأبوى ماتبرى اولاد الزمن ديل الكوفى من غيرك مسيخ ونحن اعتمادنا عليك كبير ياأأأبوى خلى بالك على رزقك ورزق عيالك وبكره الخميس وشايف فى طليبه بتاعت عيد ميلاد .. وقالوا اليومين ديل فى معسل مرغوب اسمه طردنا القوات الدوليه عشان نحن الحرميه كان عاجبكم التوقيع ا الحزب الحاكم ... ابوعلاء ماتخلى الكوفى وتمشى تبارى الجكسى ياأأأبوى سمح .
abu_ola
29-08-2006, 08:52 PM
حباب ود حسن و حباب كل روائع الكوفي شوف
ود الماحي مشكور آآآبوي على زيارتك لي في المنتدي الثقافي
برجع ليكم بعد شوي كان المولي هون
Jamal Elmahi
30-08-2006, 03:35 PM
هاأأأناس الليله الكوفي مالو !!! ؟
جوكم ناس الضرايب ولاّ دا زيت السمسم....أختو الطحنيه والامباز....
جمال
ابراهيم
30-08-2006, 03:51 PM
والله يا ود الماحي شكلو دة يكون زيت السمسم
انا غايتو عملت بي نصيحتك وشغال زيت فول ساي عشان كدة متحاوم في انصاص الليالي
وزيت السمسم الطير علينا الزباين دة اريتو بالانكشاحة ..
انت ما سمعت الفنان القال في غناهو
يا سمسم القضارف
والزول صغير ما عارف
بس جملة ما عارف دي ما قدرت اعربها يدك معانا يا ود الماحي باقى الرياضيات دي ما بتتوصى فيها ..
ابراهيم
30-08-2006, 03:56 PM
ابو علا سلامات والله الشوق متمدد لي بكانات لسا ما معروفة وين
والقصة دي عايزة ليها تكية ضل وقهوة برازيلية في ركن قصي من الكوفي شوب
اليومين ديل انا عندي كورسات شغال فيها عشان كدة بجي بالرقراق
وقبلهو كنا شغالين بنرحل رمسيس
وجاييكم بالتقيل
محمد حسين (المميز)
30-08-2006, 10:35 PM
صبــــــاحكم ابيــض
خميسكم ده الليله ماله صااااااااني كده
الليله انا ماعاوز قهـــوه عاوز سحلــب
في ولا مافي؟؟؟
**********
abu_ola
30-08-2006, 11:40 PM
حبايبنا
عمنا ود الماحي
أبراهومة الفردة
الشاب المميز
ود حسن الأصيل
و كل زوارنا الكرام
اشتياقات و سلامات ما ليها عد ،،، الواحد متقريف ليكم عديل بالجد
بس خلوها على الله أخوكم اليومين ديل مشغول جنس شغلة حتي الرأس زاتو خليت المدام تحكو .. ود الماحي آآخوي أبشرك أهل العوض اليومين دي كلللللهم عندي و الواحد لازم يقيف فوق راسهم من شاي الصباح لي عند المصلاية و الإبريق عشان المعني كاان رجعوا ما يقولوا الجني اتعولم .. قافل عليه اوضتو و حارس ليه صندوق اكتب و يضحك براااه ... و لا مو كدي آآآعشاي
ابراهيم يا اخوي الليلة الخميس ما تشيل زيت ود الماحي دا و تمشي تسرح ساااكت لا قيد لا بربندي ... ابقي عشرة على الجماعة و أنا كان فضيت بجيك راجع
هسع سامع واحد فيهم بكوريك لي ... العرب ديل لا سمعوا بالهمس و لا لغة العيون الواحد فيهم يكوووورك تقول ضارب الوادي
فتكم بعافية يا الحلوين
abu_ola
31-08-2006, 05:21 AM
حبايبنا الحلوين .... كيف قيلتو ووينكم ما باينين
انا اليوم مشغول بالحيييييل معااي اهل العوض كلهم و كل واحد جايب باقتو باقي بدوري زيت ود الماحي الخبر باقي انتشر و الجماعة راجنك يا ود الماحي في البيت قالوا الكوفي شوب لا بياكلوه و لا بطونهم بتهضموا شبعانين تب إلا بدوروا الزيت للمسوح آآآ عشاي
ود حسن آآآخوي أعزرنا كان إتأخرنا عليك
المميز ... زول فردة .... مدنية : لكم العتبى حتي ترضوا
ابراهيم ما تنسي زي كل يوم ... الليلة الخميس عليك و علىالحليفة انا كان ما معاي ضيوف ما بفوت حبايب الكوفي بس وكت جيتكم هاكم كل واحد فنجان جبنة مدنكلة اشربوا ساكت لحدي ابراهيم ما يجيكم
ود الماحي أخوي الدنيا ما دار راحـة
يوم تديـك نسيـم ويوماً هبوب كتاحة
ويوم توريك رجال كرماً معاها فصاحة
ويوم أشباه رجال جهلاً سياجو بجاحـة
أبراهيم أخوي الدنيا فانية و زايلة
ما تغرك كتير بي ضحكتها المتوالية
يوما تحن عليك تديلك بي أيدا طايلة
يوم عز النهار توريك نجوم القايلة
ود حسن الأصيل الدنيا ضل ضحوية
يوم بتجيب دعاش يوماً سموم مكوية
يوم توريك بنات شتلة جروف مسقية
يوم اشباه بنات قردة طلح دغرية
يا حسون أخوي الدنيا اوعي تغشك
زايلة و دار خراب ما تشتريها بقرشك
يوم تبسم معاك ترفع مقامك وفرشك
و يوم تضحك عليك يصبح قفاك زي وشك
بوصيك يا المميز الدنيا ما تغريكا
ذي ضل الضحي بتفوت و بتخليكا
يوماً في انبساط رقصاً مع المزيكا
يوماً بالرحيح .. بتفترن كرعيك
الفردة العجيب يوم الدنيا تجري وراك
تصبح في إنبساط كل الخلوق ترجاكا
يوم تعطف عليك زي القيوم تبراكا
يوماً دون ميعاد زي القلم تبراكا
حمدتو الأصيل الدنيا عارفه مقامك
ما تحزن كثير كان كشرت قدامك
في ساعة نهار بتحققن أحلامك
و زي لمح البصر بتقصرن أيامك
يا نور العيون دي الدنيا فيها غرائب
كل ما يطل صباح توريك فنون و عجائب
يوماً دون ميعاد يجي الحبيب الغائب
يوماً زي هجير صيفاً غيومو مصائب
طبع الدنيا يا مدنية صادرة و ورادة
زي صيده الخلا تلقيها دايما شاردة
كان بسمت معاك بتجيب نسايماً بااردة
كان حقدت عليك زي الكديسة الوالدة
بوصيك يا الحبيب دي الدنيا ما مضمونة
مرة تشوفها عاقلة و مرات كتير مجنونة
خلت ناس فلان زي بروة الصابونة
يوما تديك شطره ويوم تنطحك بقرونه
كل عزيز ذكرته قصدي ليه أمازح
ما يزعل كتير كان الكلام ما صالح
زي كل الخلوق مرات أكون الطالح
و مرات دون قصد أصبح وليداً فالح
فناجين الجبنة ديل حسابهم انا قيدتو على أم علا و ما فيكم واحد يدفع ساامعين آآجنيات
نزار حسن محمد
31-08-2006, 05:54 AM
افوه ابو البنيه ابوعلاء ... كثر..الف خيرك على الجبنه وبخور التيمان ... لكن ياخوى عمك ود الماحى الله اجازى محنه فى حياتك سمعت بزيت سمسم طعمه موليتا والله جغمته منه بقه التقول دواء ملاريا.. يازول جاتنى عشراكه قربت تودينى المقابر ...واسع عندى ام برد وراسى لافى شيتن اشوفه وشيتن مااشفه... ودربى دا على الاسبتاليه..ودحسن
Jamal Elmahi
31-08-2006, 06:23 AM
والله يا ود الماحي شكلو دة يكون زيت السمسم
انا غايتو عملت بي نصيحتك وشغال زيت فول ساي عشان كدة متحاوم في انصاص الليالي
وزيت السمسم الطير علينا الزباين دة اريتو بالانكشاحة ..
انت ما سمعت الفنان القال في غناهو
يا سمسم القضارف
والزول صغير ما عارف
بس جملة ما عارف دي ما قدرت اعربها يدك معانا يا ود الماحي باقى الرياضيات دي ما بتتوصى فيها ..
أبراهومه كان ما أخاف الكضب قالو شاعر سمسم القضارف دا أول زول نقش فايدة السمسم وزيت السمسم عشان كدا كان عضلات تبش والعضله التالته عجور...وكمان قالوا كان بمضغ السمسم حاف وبحلّي بي حلاوه سمسميّه....وبعد العولمه لقو جغمة زيت السمسم بتساوي خمسه حبات فياقرا...حكمتو بالغه....يضع سرو في زيت السمسم...وبرضو الزول صغير ماعارف...لكن الزوله الصغيره كان عرفت كانت بتشرّبو للزول الصغير بالقوّه....
أعلام مافي نعمل شنو...يعني نشيل جركانتنا ونوزعوا فنجان فنجان ولاّ شنو!!!
ود الماحي
Jamal Elmahi
31-08-2006, 06:30 AM
أبوعلا والله بختكم ...أهل العوض ديل الخير والبركه...أبقي عليهم عشره...والله يخدّر ضراعك ويكتّر نفاعك...
غايتو بلداَ مافيها أهل العوض ما حبابا...بالله نحن ضاربانا كوفاره لي أهل العوض....وطيبة اهل العوض ...وونسة أهل العوض...يا حليل أهلي أهل العوض...منعول أبو الدنيا الفننتنا في سقط لقط...
ود الماحي
Jamal Elmahi
31-08-2006, 06:34 AM
افوه ابو البنيه ابوعلاء ... كثر..الف خيرك على الجبنه وبخور التيمان ... لكن ياخوى عمك ود الماحى الله اجازى محنه فى حياتك سمعت بزيت سمسم طعمه موليتا والله جغمته منه بقه التقول دواء ملاريا.. يازول جاتنى عشراكه قربت تودينى المقابر ...واسع عندى ام برد وراسى لافى شيتن اشوفه وشيتن مااشفه... ودربى دا على الاسبتاليه..ودحسن
ود حسن أأأبوي كان زيت السمسم غلّت عليك بكونو عاملين ليك عمل ....أمش فك العمل عند أبكرونه وجرّب زيت السمسم تاني...وزيت السمسم أأأبوي بشتغل من الصرّه ولي تحت....مالكن أأأأناس بتجرجروني في الكلام ....
ود الماحي
معتز حمدتو
31-08-2006, 06:58 AM
حبيبنا ود الماحي
صراحتا تعجبني كتاباتك وردودك الرائعة وكلما دخلت علي المنتدي ابداء في البحث عن اخر كتابه لك لما تحتويه معانيك من دفئ عائلي معبق با محنة حبوباتنا ...
لكن ياود الماحي اسالك انت حكاية زيت السمسم ده شنو كده براحة من الاول لاني داخل المعمعه جديد ...
يعني بالتفصيل الممل
وسمع هس لكل من في المنتدي مع ايضاحات ود الماحي ...
معتز حمدتو
31-08-2006, 07:09 AM
ابو علا قيل عافية مع ضيوفك وياك البقصدوه في الغربة عشان تخفف عنهم وجعة الزمن المعاكس با مساديرك والكلامك المليان .
وابراهيم ما بنابا اهتماموا بينا لكن انت عارفُ من يوم ود الماحي وراه الزيت بقينا ما لامين فيه ، حسي انا في الكوفي وما شايف ، حتي البنات قالن لي ابراهومه بقي ذي النو إطوطح باقاتُ يمين ويسار .
سلامي الكتير مو حبة لضيوفك ..
نزار حسن محمد
31-08-2006, 07:17 AM
ود الماحى ... تعرف ياأأأ بوى بعد ما الواحد ادخل سن الخرف مابنقدر نسوى ليه شى .. الشكيه لبيدن قويه .. الله يصبرك يام الاميره .. ود الماحى يابت امى خرفه شين
وانت ياود حمدتو مالك جايب لينا الكلام نحن نسكت فى ود الماحى بى ضالين امين.. اه النقول لك ياود الماحى اخر البحوث قالت زيت السمسم فوقه اشعاعات بتشل الجزء التحتنى اه خوم وصر......
ابوعلاء عليك الله شوف لك حبتين منوم لعمك ود الماحى خته ليه فى الحرجل عشان نمشى نوصله لعياله
hamad2
31-08-2006, 09:26 AM
سلام يا ناس الكوفي شوب
عندكم كبتشينو
HaSsOoN
31-08-2006, 03:09 PM
وييييين ياحبايبنا واللهي مشتااقين كميات معليش ياابوعلا لي كم يوم كدا مختفي لظروف خليها ساكت اها جديدكم شنو ..شايف جابت ليها زيت سمسم وكركار الحاصل شنو لوووووووووووووول واحي اعمامي ناس ودالماحي وودحسن القاعدين في الركن ......اها وجديد الكوفي شوب لي رمضان شنو؟؟ اهما حاجه الابري والكركديه والعرديب ماتنساهم ياابو علا ...وطربيزت الكوشتينه ختها لينا جنب اعمامنا ود الماحي وود حسن خلينا نجرهم كم خمسين كدا بعد الفطور ههههههههههههههههه
وياابراهيم شد حيلك عليك الله ليك كم يوم ماقاعد في الكوفي شوب عامل رايح مش؟؟؟ غايتو قدامك رمضان لو مااشتغلتا فيهو تمام نجيب المميز بدلك
فاصل اعلاني قصير ...ونواصل لووووووووووووووووووووول
zoolfrda
01-09-2006, 12:44 AM
سلام جاكم يا ناس الكوفي شوب وجمعة مباركة علينا وعليكم
أبو علا وإبراهيم الليلة الجمعة إجازة سعيدة وضيوفكم حيكونوا كتار بالحيل
عاملين غدا ولا نمشي لأبو ظريفة نضرب الأقاشي ونجي نشرب القهوة معاكم
Jamal Elmahi
01-09-2006, 04:24 AM
حبيبنا ود الماحي
صراحتا تعجبني كتاباتك وردودك الرائعة وكلما دخلت علي المنتدي ابداء في البحث عن اخر كتابه لك لما تحتويه معانيك من دفئ عائلي معبق با محنة حبوباتنا ...
لكن ياود الماحي اسالك انت حكاية زيت السمسم ده شنو كده براحة من الاول لاني داخل المعمعه جديد ...
يعني بالتفصيل الممل
وسمع هس لكل من في المنتدي مع ايضاحات ود الماحي ...
حباب معتز....حباب ناس حمدتو...
زيت السمسم أأأبوي ختو تحت مخدتك ...زيت السمسم كان موضوع كتبو السفير عن فوائد زيت السمسم وبأختصار زيت السمسم طلع مفعولو أقوي من الفياقرا...يعني الخواجات يتكطعوا وطلعوا بالفياقرا كمنشط جنسي وطلع زيت السمسم أقوي منها ...عشان كدا السودانيين لما جاتهم الفياقرا قايلنها مهدئات...يضع سرو في أضعف خلقو....
أبقي عشزه أأأبوي علي زيت السمسم ...كان جغمتا ليك جغيمه كل يوم ولاّ أكلتو مع الفول الاّ كان تعرّس ليك أربعه نسوان ولاّ يصرروك...براك سعلتني وجبته الهبايب...
جمال الماحي
محمد حسين (المميز)
01-09-2006, 08:58 AM
Q[QUOTE=abu_ola][COLOR=DarkOrange]بوصيك يا المميز الدنيا ما تغريكا
ذي ضل الضحي بتفوت و بتخليكا
يوماً في انبساط رقصاً مع المزيكا
يوماً بالرحيح .. بتفترن كرعيك
:rolleyes:
ياخوي ابوعلا يديك العافيه على ذوقك
والجبنه وحاتك شربناها
لكن ياخوي عيني عليك بارده
تكون انت الشاعر اسحق الحلنقي
ومسمي نفسك ابوعلا :D
:p
***************
محمد حسين (المميز)
01-09-2006, 09:03 AM
وياابراهيم شد حيلك عليك الله ليك كم يوم ماقاعد في الكوفي شوب عامل رايح مش؟؟؟ غايتو قدامك رمضان لو مااشتغلتا فيهو تمام نجيب المميز بدلك
:rolleyes:
حسوووووووون
انت ياخوي بتغطس كده وين؟؟ :cool:
كدي مرّه كده سوقني معاك اشوف دربك ده :p
بعدين ياخوي كان ناوي تمسكني الكوفي شوب
ياهو الخرب :o
الجكس بجي يتكسر ومابيدفع
وانا قلبي رهيف ياخوي مابحب ازعل الجكس مني :p
ههههههههههههه
*************
abu_ola
01-09-2006, 11:14 PM
ياخي والله يابوعلا دخلتنا في ضفورنا
:o
ياخي انت راقـــي
وطبعـــك راقـــي
;) ;)
*************
المميز يا اخوي انتو ما عندكم ضفارة في البيت و لا شنو ؟؟؟ كان ما عندكم عادي يا اخوي تعال شيل سكيني دي ضفر بيها باقي النضافة من الأيمان
abu_ola
01-09-2006, 11:42 PM
أبوعلا والله بختكم ...أهل العوض ديل الخير والبركه...أبقي عليهم عشره...والله يخدّر ضراعك ويكتّر نفاعك...
غايتو بلداَ مافيها أهل العوض ما حبابا...بالله نحن ضاربانا كوفاره لي أهل العوض....وطيبة اهل العوض ...وونسة أهل العوض...يا حليل أهلي أهل العوض...منعول أبو الدنيا الفننتنا في سقط لقط...
ود الماحي
ود الماحي
الخواجات ديل آآآعشاي ما تصابحم من الصباح بيسوا ليك أم برد و بعدين العرب ديل ما تقربم بنشفوا ريقك و كان ما لقيت أهل العوض شوف ليك أي أفريقي بفك الكوفارة المعني أخونا نجاد بتاع إيران دا قال انتو السودانين ديل ماكم عرب و ماكم أفارقه أنتو مسلمين ساااكت طولق زينا كدي خليكم قراب مننا و ما بتروح ليكم عوجة تب
دحين يا ود الماحي النسعلك انتي يا اخوي الدنيا دي فنتك ودتك وين المعني أنا من أمس ماسك الخريتة و بفتش لي سقط لقط دي ما ليقيتها ...واحد من أهل العوض الجنبي ديل قال لي الحلة الأسمها (سقلط لقط ) دي قطع شك في أوربا باين عليها من كلمة سقط دي ( المعني أهل العوض ديل ضارباهم زكااااووة ساااكت بالفطرة ) الدنيا ما معروفة يا اخوي و باقي أنا زولا مرات .. مرات بلفلف سااااكت بالبلود من دون شغل و لا مشغلة يعني ممكن نتقابل فيس تو فيس و لا مو كدي يا الخزين
abu_ola
01-09-2006, 11:57 PM
ابو علا قيل عافية مع ضيوفك وياك البقصدوه في الغربة عشان تخفف عنهم وجعة الزمن المعاكس با مساديرك والكلامك المليان .
وابراهيم ما بنابا اهتماموا بينا لكن انت عارفُ من يوم ود الماحي وراه الزيت بقينا ما لامين فيه ، حسي انا في الكوفي وما شايف ، حتي البنات قالن لي ابراهومه بقي ذي النو إطوطح باقاتُ يمين ويسار .
سلامي الكتير مو حبة لضيوفك ..
حمدتو يا اخوي سلامك وصل أردام أردام زي العافية في العضاام و أهل العوض ديل دايرين يدخلوا ايدم في الكمبيوتر اقالدوك عديييل كده كان ما البنية قالت ليهم الكمبيوتر دا فيه كهرباء و انت عارف انو أهل العوض ديل الكهرباء و الدكتور ما بريدوهم في المذاهب الأربعة
بعدين يا اخوي وقت لقيت اضانك فاضية و قبل عمك ود الماحي يجينا النقول ليك كلمتين ينفعوك في الدنيا ( عمنا ود الماحي عن إذنك كان أطاولت على مكانتك )
أول التبادي زيت السمسم دا حسب ما مكتوب في الجركانة الجابها ود الماحي ليهو استعمالات خارجية و داخلية
الخارجية دي يا فوق خالص ...يا تحت خالص ... يا في النص
الفوق خالص :
دا حق البنات الفتوات يعني الواحدة منهن لمن تتمشط تلقي الزيت خاري و ينقط من ضفايرها زي الحواشة الحرتها يادوب و فتحت فيها الموية
و التحت خالص :
دا حق الوليدات الصغار الواحد امو تدبغوا بالزيت بالليل و آخر اليوم وقت يجيك من الشارع بسم الله ما شاء الله كرعينو ديل من الغبار زي غنماية حاجة التومة أم حجول
و شغل النص نص دا زي ما قاليك ود الماحي حق الناس الكبار حريم و رجال و العلم ما فوقو حياء يا اخوي
و زيت السمسم كان جغمت ليك منو جغمة بتشيل منك الأمراض تب و بتخليك اليوم كلو تتدشي سااااكت و كمان بتساعدك في الإستعمال الخارجي و كان داير تبقي فااالح و نجييض جيب ليك باقة زيت كبها في الطشتي و أقعد جلبغ سااااكت و كل مرة اخد ليك غطسة و أيديها جغمة تحت تحت بس الولية ما تشوفك بس ما تكتر منو يسألني ما يسألك كان زدت على الجرعة المكتوبة فوق الباقة كان تقعد تلف زي الحصان المربوط في الشاية .
abu_ola
02-09-2006, 12:02 AM
اه النقول لك ياود الماحى اخر البحوث قالت زيت السمسم فوقه اشعاعات بتشل الجزء التحتنى اه خوم وصر......
ابوعلاء عليك الله شوف لك حبتين منوم لعمك ود الماحى خته ليه فى الحرجل عشان نمشى نوصله لعياله
ود حسن آآ خوي مالك قاطع قلب الراجل والإشعاعات دي الله لا عاده و لا ذكرها في القبل الاربعة بعدين انتا ماك عارف عملك ود الماحي دا جنو جن الحبوب و كان ختيت ليه حبوب في الحرجل الراجل بقول انتو دايرين تنوموني عشان تسرقي حقتي و ما بشربو ليك كان خسارة قروش ساااكت ... خلي الراجل يتفشي و يقول الدايرو أحسن من ما يدخل على الجكسي و يجيب لينا ناس النظام العام
abu_ola
02-09-2006, 12:07 AM
سلام يا ناس الكوفي شوب
عندكم كبتشينو
حمد يا اخوي صحي القمر بغيب و بظهر بس ما تعمل فيها أتقل من القمر
ما تطول الغيبة باقي الخااارب دا كان كبوها ببرد سريع و باين لي ات زولاً غيباتك كتيييرة
كبتشيون و لا كبشور و لا حلة كوكو زاته عندنا بس ابقي داخل
abu_ola
02-09-2006, 12:13 AM
وييييين ياحبايبنا واللهي مشتااقين كميات معليش ياابوعلا لي كم يوم كدا مختفي لظروف خليها ساكت اها جديدكم شنو ..شايف جابت ليها زيت سمسم وكركار الحاصل شنو لوووووووووووووول
وياابراهيم شد حيلك عليك الله ليك كم يوم ماقاعد في الكوفي شوب عامل رايح مش؟؟؟ غايتو قدامك رمضان لو مااشتغلتا فيهو تمام نجيب المميز بدلك
حسون آآخوي ابقي لداخل و بعدين أت كان عزابي زيت ود الماحي دا ما تقربو المعني هو و الفياقرا أخوان اشقاء بس هو الكبير و بعدين تجي الفياقرا
انت وين بتمشي يا اخوي فقدناك كثيييير ،، مشكور يا اخوي على ضمانتك و كفالتك لي نردها ليك ان شاء الله قريييييييييييب ،،،،
طالما أنو أبراهيم الخميس و الجمعة ما جاء خايف كلامي القبيل يكون صحى
رمضان داير ليه خطة كبيرة تناسبو يلا يديكم معانا و زي ما قالوا يد الله مع الجماعة
abu_ola
02-09-2006, 12:33 AM
سلام جاكم يا ناس الكوفي شوب وجمعة مباركة علينا وعليكم
أبو علا وإبراهيم الليلة الجمعة إجازة سعيدة وضيوفكم حيكونوا كتار بالحيل
عاملين غدا ولا نمشي لأبو ظريفة نضرب الأقاشي ونجي نشرب القهوة معاكم
وينك يا فردة ابقي داخل كدي النجيب ليك عصير تبل بيه ريقك و بعدين نشوف طريقة الغداء دي كيفن كل شئ فضلة خيرك موجود و الجبنة في النار ،،، و بالمناسبة أبو ظريفة اليوم دكانو مقفول قالوا عندو عزاء باقي قدرة الفول كشحها الحمار و الراجل فارش عليها و الما بعزيهو في القدرة قال كان أنكشح زيتو ما بجيه
abu_ola
02-09-2006, 12:37 AM
المميز يا اخوي الجكسي وينو انتو جيبوا و ما تشيل هم تب و بيني بينك كان ابراهيم دا ماشي بطريقتو دي الكوفي دا بعد شوية بنعملوا شركة مساهمة عااامة و كل واحد فيكم بنديه سهمين ثلاثة وبعد داك بندخله البورصة عدييييييييييل كده
المميز آآخوي وين أبو علا من شاعرنا أسحق الحلنقي ... شيتك دا يا المميز بجيب لينا القوات الدولية عدييييييييييل و المعني انا ما عندي مروة للإنتربول
zoolfrda
02-09-2006, 08:52 PM
صباح الخير يا حلوين
آها داير كل زول يرد بصراحة شديدة كده
اوكي
صحيت من النوم في يوم :
1- لقيت نفسك في السجن وبعد ساعات قليلة موعد اعدامك
2- عرفت ان والدينك ما الحقيقيين وانو تم تبديلك في المستشفى مع ولد تاني
3- دخلت غرفتك لقيت ابوك قاعد بيفتش في دولابك الإنت داسي فيهو كيس السعوط والسجاير وقزازتين كده
4- حسيت انو سائق التاكسي غير طريقو عن المكان الداير تصلوا وبدأ يسوقك لمنطقة نائية
5- لقيت نفسك في طيارة وبعد دقائق حتقع
6 -يدعوك احد اصدقائك الى بيته ليعرفك على والدينو وتفاجأ بأن والده هو والدك!!!!
7 -لقيت نفسك تنام في الشارع وانت احد المتسولين
محمد حسين (المميز)
02-09-2006, 10:15 PM
لاحول ولا قوّة الاّ بالله:eek:
لكن يافردة أقول ليك شنو؟؟
انت ياخوي حلمت بالكلام ده كلّــه ولا شنو؟؟
غايتو انا اتخيلت نفسي في الكلام ده كلّـــه وهاك شوف;)
1- لقيت نفسك في السجن وبعد ساعات قليلة موعد اعدامك
دي ما أظن ليها غير حل واحد كان بريء ولا مدان حلها
أشهـد أنّ لاالـه الاّ الله وأشهـد أن محمـد رسـول اللـه:(
2- عرفت ان والدينك ما الحقيقيين وانو تم تبديلك في المستشفى مع ولد تاني
دي كمان ياخوي ببقى مارق استفسر وأفتش وأرجع للمستشفى وملفاتها القديمه و
أحاول ألقى طرف للحقيقه وكان غلبت يعني أطير وين؟؟ أرجع وأستمتل بس ..:confused:
لكن كان ابوي المزيّف مطيـّن علي عيشتي أمانه ما وقــع..:mad:
3- دخلت غرفتك لقيت ابوك قاعد بيفتش في دولابك الإنت داسي فيهو كيس السعوط والسجاير وقزازتين كده
غايتو دي ما أظن تحصل لأني ما شايلها لكن الاّ كان يلقى مزّه مدسوسه ودي خلاص تبقى اجابتها
زي اجابة السؤال الأول..:(
4- حسيت انو سائق التاكسي غير طريقو عن المكان الداير تصلوا وبدأ يسوقك لمنطقة نائية
أمــّا دي أمانه ما دقس بتاع التاكســي وهو الندمان
وما ظنـّيت تاني يكررها مع غيري :D
5- لقيت نفسك في طيارة وبعد دقائق حتقع
ده بخــوّف وربنا ما يسوّيها علينا ياخ:o (( امتنع عن الأجابه ))
6 -يدعوك احد اصدقائك الى بيته ليعرفك على والدينو وتفاجأ بأن والده هو والدك!!!!
لوووووووووووووول
دي نسمـّيهــا الطوبه جات في المعطوبه
المكسب انه الصديق بقى كمان اخوي ودي حلوه;)
7 -لقيت نفسك تنام في الشارع وانت احد المتسولين
السؤال ده بالذات مفروض تحولو لـ
لقيت نفس مليونير ومن أغنياء العالم:p
حالتك صعبه يافرده
ده امتحان غريب
اللمبــي ما امتحنه
تسلم فرررررررررررررده
****************
التيمان
02-09-2006, 10:58 PM
انتا يازول فرده داير تشككنا فى روحنا ولا شنو
والله لو ده انا شخصيا بنتحر
سامر حسن
03-09-2006, 01:05 AM
1- لقيت نفسك في السجن وبعد ساعات قليلة موعد اعدامك
.... مش بسألوا الزول آخر أمنية .... تقول ليهم ما تكتلوني الا الحكومة تتغير ... ديل قعدوا 17 سنة ...
2- عرفت ان والدينك ما الحقيقيين وانو تم تبديلك في المستشفى مع ولد تاني
المهم هم عارفين ولا لا ؟؟؟ وهم راحاة ولا لا ؟؟؟ علي ضوء يا طنشت يا طقيت السكلي
3- دخلت غرفتك لقيت ابوك قاعد بيفتش في دولابك الإنت داسي فيهو كيس السعوط والسجاير وقزازتين كده
بجي براااااااااااااااااااحة لحد ماااا اصل واكلكلو شديد ..... ولما يقبل علي اقول بسسسسسسسسم الله الجاب دولاب نزار اخوي محل دولابي قادر يقلب شكل محمد أخوي لشكل ابوي
4- حسيت انو سائق التاكسي غير طريقو عن المكان الداير تصلوا وبدأ يسوقك لمنطقة نائية
بسأولا يا اخونا ديالكاميرا الخفية ولا نتلب
5- لقيت نفسك في طيارة وبعد دقائق حتقع
ما بكنكش في اسمح مضيفة عشان نضمن حسن الخاتمة
6 -يدعوك احد اصدقائك الى بيته ليعرفك على والدينو وتفاجأ بأن والده هو والدك!!!!
الطريقة الوحيدة لممارسة الابتزاز .... تاني يا زول ما بجنن الحاج !!! الكيس السجاير واجي خاشي البيت متأخر وما املا التلاجة ولا انقف البلاعة ولا أدخل السراير ولا القط الهدوم من الحبل ولا أدفق الوسخ .. وحق الفطور دبل اخواني ...
7 -لقيت نفسك تنام في الشارع وانت احد المتسردين
لم أقل أن الفضيحة قد تعرت في تلافيف العمامة
وامتداد اللحية الزيف
لماذا لم تقل ان العمارات استطالت
أفرغت اطفالك الجوعى على وسخ الرصيف
عفوا أخي ما سبق كان ضحكا ولكنني عند السابعة وجدت الدمع والحزن والأسى
لنا ولهم الله
abu_ola
03-09-2006, 06:53 AM
سلام يا روائــــع و مساكم الله بالخير
زول فردة : ( إمتحاناتك دي ما تكون زي إمنتحانات الوزارة كل سنة مكشوفة )
التيمان : ( واحد فيكم يجاوب على الأسئلة و التاني ما مشكلة يتمشي علىالشأطي
المميز : ( إجاباتك رائعة و ورقتك بتمر على في التصحيح )
و سلام مربع لضيفنا الجديد سامر حسن مرحبتين حبابك في الكوفي اشرب قهوة سحلب كركدي و لا كبتشينو على حسابي
سامر حسن ( ورقتك دي انا علمتها عشان داير اراحعها تاني ، مداخلاتك حلوة و مقدرة و مشاركة أولي حلوة
) وين أعامنا ود الماحي و د حسن و اخونا حسون و برهوته
يا فردة مصادفة عجيبة و إمتحانات رائعة اتمني للجميع النجاح ( ممنوع أصطحاب البخرات و البراشيم و يسمح بإستخدام جدول اللوغيرثمات و البوصلة ) أنا غايتو مراقب و كنترول الإمتحانات و ما أظن تكون في ورقة زايدة ايدوها لي
اتمني عمنا ود حسن يجي يجاوب باقي هو نجيييييط في الحساب و الكمياء دي ما بتغلبو تب
ود الماحي امتحانك قااااعد منتظرك كان لي دور الليلة
اسمحولي شوي لاني مشغول عالآخر و كان لقيت فرقة بجيكم بالطاقة
Jamal Elmahi
03-09-2006, 09:47 AM
[QUOTE=abu_ola]ود الماحي
دحين يا ود الماحي النسعلك انتي يا اخوي الدنيا دي فنتك ودتك وين المعني أنا من أمس ماسك الخريتة و بفتش لي سقط لقط دي ما ليقيتها ...واحد من أهل العوض الجنبي ديل قال لي الحلة الأسمها (سقلط لقط ) دي قطع شك في أوربا باين عليها من كلمة سقط دي ( المعني أهل العوض ديل ضارباهم زكااااووة ساااكت بالفطرة ) الدنيا ما معروفة يا اخوي و باقي أنا زولا مرات .. مرات بلفلف سااااكت بالبلود من دون شغل و لا مشغلة يعني ممكن نتقابل فيس تو فيس و لا مو كدي يا الخزين [/QUOTE ]
حباب علا وأبوعلا...عاد كان جيتونا زياره ما الله أدانا...أنقر بنفككم تاني...جيبو معاكم الابري والحلو مر والعراديب والكركدي وأهل العوض...
نحن لما يصلنا الابري من الاهل فنّه في الدهر بنقعد نجعّر لامن الله يغفر لينا ونستغفر حتي نبل أبرينا ....وعشان نبل شوقنا حنرجاكم في الكريبه...
أقصد هيوستن -أمريكا...وعد الحر دين عليه...يعني راجينكم راجينكم ..وبعدين علا حتلعب مع بتي أميره سكر الجنيد (أربعه سنين)....
جمال الماحي
نزار حسن محمد
03-09-2006, 12:02 PM
ابوعلاء .. الحبيب الغالى .. يازول انت عبد المنعم الاسد ده طلبنا مقصه ولا شنوه يازول والله تقول كان فى اللجان بتاعت امتحانات السودان دى اسئلة منكر ونكير .. وكمان دايرنى اجواب يازول .. انا زول نضمى ساكت لكن اول ماتجيب ليه سيرة الامتحانات... طوالى بمشى العياده وكمان رياضيات لاحوله ولاقوة .. شايف عمك ود الماحى مضرب لموية رمضان...
ود الماحى الفقره اتقسمه النبقه ... والله حكايه... انا كل ماافكر فى المثل دا بستغرب فى اهلنا عليكم الله قول لى كيف النبقه دى قسمه غايتو الا عملوها سفوفه...
ابوعلا ابقى عشره على العقاب ... اليومين ديل انا ذى العمده فى الحله باقى فى ناس عملين لنا حسكنيته داير اشوف اخرتوم شنوا ... مااوصيك ابو الرجال فتكم بعافيه ودحسن
abu_ola
06-09-2006, 04:16 AM
[QUOTE=abu_ola]ود الماحي
[COLOR=DarkOrange]حباب علا وأبوعلا...عاد كان جيتونا زياره ما الله أدانا...أنقر بنفككم تاني...جيبو معاكم الابري والحلو مر والعراديب والكركدي وأهل العوض...
نحن لما يصلنا الابري من الاهل فنّه في الدهر بنقعد نجعّر لامن الله يغفر لينا ونستغفر حتي نبل أبرينا ....وعشان نبل شوقنا حنرجاكم في الكريبه...
أقصد هيوستن -أمريكا...وعد الحر دين عليه...يعني راجينكم راجينكم ..وبعدين علا حتلعب مع بتي أميره سكر الجنيد (أربعه سنين)....
جمال الماحي
الظاهر يا ود الماحي الدنيا دي فنتك بيدها الشمال لين وصلتك أمريكا بس أن شاء تكون مدياكم باليمين شيتن زين امريكا دي يا ود الماحي أخوك لسه بسمع بيها سمع الجداد لي العد و ما أظن ازورها قريب بس يا ريت نجمتع في منطقة محايدة و ما تشيل هم الآبري و العرديب و الكركدي و اللوبا و الفريك حق البليلة و التمر و كل شي فضلت خير بجيبو معاي .
بس تعال النسعلك قالوا نحن فايتنكم بتسعة ... عشرة ساعات يعني المعني بتصوموا قبل رمضان ما يدخل و لا بتأجلوا الصيام لي يوم بكرة اها بتعيدوا معانا و لا لي تاني يوم و لا شغلتكم شنو ؟؟؟انا مرة صمت رمضان في روسيا اتجهجهت جنس جهجهة آآود الماحي باقي الشمس عندهم بتغيب الساعة تسعة و بعدين الصبح دا قبل ما تولع ليك سجارة كان تلقاه جاء المعني الناس ديل ليلهم قصير خلاس و نهارهم طوله حواشتين و شابورة و كان عملت فيها شاعر و قلت ( آلا أيها الليل الطويل ألا أنجلي ... بصبح و ما الإصباح منك بأمثل ) الجماعة قرررررررررر يضحكو عليك ، عشان كدي تاني قلت التوبة يا حبوبة ما بصوم في بلد الخواجات و مما يجي رمضان اتحاوم ساااكت على البلود الشمسها بتغيب من بدري ها آزول ها أقولك ليك حاجة الآذان دا ما بنخلي يكمل أول ما يقول ( الله أكبر) طب أطب ليك الكورة و أكرع بيها ،، على الحليفة ( على مستمعينا في الأقاليم مراعاة فروق الوقت ) دي ما شغال ليك بيها الشغلة المعني عاملين فيها متعولمين و الكلام ما خاسينا
أها يا اخوي سكر الجنيد دي ما تكون هبيشة باقي أنا علا بتي لسه ما كملت السنة و ما برضى فوقها تب و بعدين زي ما عارف انو رمضان دا بخلي الزول نفسي ضييييييق و روحو محرقاوه و متحيل تب داير ليه أي سبب يفطر المعني كان هبشت جناه و لا جيت بي جنب جيبو سااااكت كان تلقاه مشي الزير عديييييييييل
ريقي نشف من ذكرة رمضان يا عشاي كدي النمشي اشرب لي موية و بجيك صاااد
abu_ola
06-09-2006, 04:25 AM
ود حسن أخوي انضم نضميك ساااكت امتحان واحد جايك مافي بس المعني وقت نقول عمك ود حسن و عمك الكبير ود الماحي مشاركين في الإمتحانات الجنيات كلهم بجو جري يجابوا على الإمتحان يعني المسعلة مسعلة إعلان ساااكت زي حكاية البيض بالطوة كان مشيت المطعم و بالغلت طلبت بيض بالطوة يدوك ليه بيض حاف و تقعد ترفع في رأسك و تنقدر للصباح ما بدوك الطوة و بتكون شربت المقلب كان مضرب للطوة توديها للولية
برا مسألة الفقرا اتقسموا النبقة دي شي معلمنا الكسل مافي ... كباية الموية كان موديها على خشمك واحد يقول ليك الفقرا يتقسموا النبقة تقوم تفضل ليه معاك يا كافي البلاء بقينا منتظرين غيرنا يسولي ليه كل حاجة و طوالي ندخل عليه بإسطوانة الفقرا اتقسمو النبقة المعني المثل دا بقينا لابسنو بالقلبة ...
إلا ذكرتني قصت الطالب الفي الإبتدائي الأستاذ قال ليه 4 ÷ 8 = كم قام الطالب قال ليه يا أستاذ دي ما بتقبل القسمة بس انت قول 8÷ 4 الأستاذ قال ليه لا 4 ÷ 8 و عشان اقرب ليه المسألة قال ليه اذا عندك 4 رغيفات داير تقسمن على 8 طلاب تعمل شنو و كل واحد تديه كم قام الطالب قاليه و الله يا استاذ دي ما بتتقسم إلا نعملها فـــــتة
ود حسن أياك كبير المنتدي و البتأتر العقاب و أي واحد يعمل ليك شمطة و لا يقول سيك ميك أجغم ليك جمغة زيت سمسم زي ما قال ود الماحي بخلي عضلاتك تبش و العضلة التالتة عجوووووور .
نزار حسن محمد
06-09-2006, 08:58 AM
ود حسن أخوي انضم نضميك ساااكت امتحان واحد جايك مافي بس المعني وقت نقول عمك ود حسن و عمك الكبير ود الماحي مشاركين في الإمتحانات الجنيات كلهم بجو جري يجابوا على الإمتحان يعني المسعلة مسعلة إعلان ساااكت زي حكاية البيض بالطوة كان مشيت المطعم و بالغلت طلبت بيض بالطوة يدوك ليه بيض حاف و تقعد ترفع في رأسك و تنقدر للصباح ما بدوك الطوة و بتكون شربت المقلب كان مضرب للطوة توديها للولية
برا مسألة الفقرا اتقسموا النبقة دي شي معلمنا الكسل مافي ... كباية الموية كان موديها على خشمك واحد يقول ليك الفقرا يتقسموا النبقة تقوم تفضل ليه معاك يا كافي البلاء بقينا منتظرين غيرنا يسولي ليه كل حاجة و طوالي ندخل عليه بإسطوانة الفقرا اتقسمو النبقة المعني المثل دا بقينا لابسنو بالقلبة ...
إلا ذكرتني قصت الطالب الفي الإبتدائي الأستاذ قال ليه 4 ÷ 8 = كم قام الطالب قال ليه يا أستاذ دي ما بتقبل القسمة بس انت قول 8÷ 4 الأستاذ قال ليه لا 4 ÷ 8 و عشان اقرب ليه المسألة قال ليه اذا عندك 4 رغيفات داير تقسمن على 8 طلاب تعمل شنو و كل واحد تديه كم قام الطالب قاليه و الله يا استاذ دي ما بتتقسم إلا نعملها فـــــتة
ود حسن أياك كبير المنتدي و البتأتر العقاب و أي واحد يعمل ليك شمطة و لا يقول سيك ميك أجغم ليك جمغة زيت سمسم زي ما قال ود الماحي بخلي عضلاتك تبش و العضلة التالتة عجوووووور .
اول شى تعال انسعلك ابوعلا انت من يوم استلمت الماهيه.. مشيت وين ...بعزقت الماهيه خلاص.. خبرك جانى قالوا مبارى الجكس فى منتدى اللعاب
وغايب عن الكوفى ..وين وصيتى ليك... اه دا شهر وعده نشوفك الشهر الجاى بتمشى وين..
ابوعلا تعرف موضوع البيض بالطوه دا ذكرنى الجنوبى الفتح مطعم وكتب فى اليافطه عندنا فول باللحمه... اه فى شباب من الحله كل يوم بتعشوا فى المطعم ال جنوبى .. واحد قال تعالوا نسال صاحب المطعم من اللحمه ال مع الفول .. اه قام واحد من الشباب سال.. الجنوبى اه جون احتار وقام قال ليه لا المسعاله ماكدى يعنى انت ذاتو اسع دى لو مشيت البقاله وقلت ليه ادينى معجون ابوورده بديك معجون ومعه ورده.؟؟؟
ابوعلاء الحمدالله اتحلت المشاكل الكانت عامله لى دوشه لكن يااااخوى مسعلة العموديه دى صعبه بالحيل.. عشان كدى انا اعتمدى عليك فى الكوفى
سمح يالعشاء باللبن.. اه ودعتك الله انمشى ندخل لى جوه نشوف اخبار الحله شنوا..ودحسن
Jamal Elmahi
06-09-2006, 04:56 PM
الوجيه زين الشباب أبوعلا
الكوفي شوب من غيرك خلا
دفار عديل لابوري لا فرملا
بل قندراني راجع حركة ورا
لافيها جكس لاسفه كاربه مدنكلا
الشاي مكرر والقهوه ياكافي البلا
والشيشه دخانا واصل عطبرا
برهوته طفش وزباينو قاعده مكسرا
مانقلبا اندايه لاشلهته لا بهدلا
وفي رمضان زاويه دراويشا مدورا
وفي العيد نادي ضمنا ساي وكشتنا
ولا عاجبك اللهطي دا والبشتنا...
جمال الماحي
abu_ola
06-09-2006, 11:46 PM
اول شى تعال انسعلك ابوعلا انت من يوم استلمت الماهيه.. مشيت وين ...بعزقت الماهيه خلاص.. خبرك جانى قالوا مبارى الجكس فى منتدى اللعاب
وغايب عن الكوفى ..وين وصيتى ليك... اه دا شهر وعده نشوفك الشهر الجاى بتمشى وين..
........
ابوعلاء الحمدالله اتحلت المشاكل الكانت عامله لى دوشه لكن يااااخوى مسعلة العموديه دى صعبه بالحيل.. عشان كدى انا اعتمدى عليك فى الكوفى
سمح يالعشاء باللبن.. اه ودعتك الله انمشى ندخل لى جوه نشوف اخبار الحله شنوا..ودحسن
ود حسن يا اخوي يعني المسعالة ما فيها شي كان الواحد شم هواء في شارع الألعاب دا و طالما انو البنية لسه صغيرة و ما بتعرف تعلب قلنا النعلب شوي قبل ما تكبر و يجيك واحد حاني كدرو يقول ليك و الله يا عمي انا في الحقيقة .... و الذي منو ... وكان وافقت ما يخليك تتم الحول بعد داك الجماعة يقول ليك استحي يا راجل عيب تعلب مع أولاد بتك
بعدين يا اخوي الماهية دي الولية الله يجعل فيها البركة حريصة عليها تب المعني هي وزير المالية و الإقتصاد و السياحة و التخطيط الإستراتيجي علاوة لذلك من يوم البنية ما طلت علينا و ملت دنيانا بهجة و مسرة قامت الولية استغلت فرصة فرحتنا بيها دي و قامت فتحت حساب باسم علا و أخدت حق التوكيل على حساب بنتها و كل قرش دخل الحساب دا لي يوم الليلة ما طلع و شعار ام علا معروف ( كان كانت ولد كان قلنا معليش بكرة بكبر و بشيل نفسو براه بس لكين هي بت يعني لازم نوفره ليها قرشين و لا رأيك شنو و قبل ما اقول رأي تكون أودعت القريشات في الحساب )
ود حسن أخوي العمدة و الداية و سيد الكوفي شوب كلهم ووووووواحد خلي بطاريتك و عكازك تحت العنقريب المعني الجماعة ممكن يحتاجوك في أي وقت باقي احسن تنوم نوم الغزال عين مفتحة و عين مغمدة و تخلي يد تبني و أخري تحمل الكرباج و نخريك دي واحدة تشمشم بيها الأخبار و التانية تتنفس بيها ها زول ها من كترت الحوامة على البوستات كريعك يفترن تب إلا تأجر ليك كرعين واحد تلف بيها باقي المنتدي غايو ..
يا ود حسن العمودية دي ما بتخليك تستمتع بأعضائك كلها يعني تشاركك فيها النص بالنص و كان عندك مرة تاخد باقي الأعضاء الفرداني و الجوز و الله يا ود حسن اخوي كان تبقي زي القرمة البكسرو فوقها اللحم في الجزارة .
غايتو انا لا ببقي عمدة و لا داية بس الكوفي شوب دا اسعلني منو تب و كان عندك قريشات اديهن لأخوك يفتح ليه دكان صحي صحي زي ما قال ود الماحي بدل ما نقعد للكلام و المكاجرة ..
abu_ola
06-09-2006, 11:54 PM
الوجيه زين الشباب أبوعلا
الكوفي شوب من غيرك خلا
دفار عديل لابوري لا فرملا
بل قندراني راجع حركة ورا
لافيها جكس لاسفه كاربه مدنكلا
الشاي مكرر والقهوه ياكافي البلا
والشيشه دخانا واصل عطبرا
برهوته طفش وزباينو قاعده مكسرا
مانقلبا اندايه لاشلهته لا بهدلا
وفي رمضان زاويه دراويشا مدورا
وفي العيد نادي ضمنا ساي وكشتنا
ولا عاجبك اللهطي دا والبشتنا...
جمال الماحي
الكوفي آآ الحبيب عامر بالرجال أمثالك
عامر بالمحبة و بالسؤال كيف حالك
بي ريحة المحنة الفايحة من أمثالك
و بي ضحكة وشيك زي البرق الشالك
عامر بالشباب ناس و د حسن و حسون
و فردة روحنا زولاً في الوعد مضمون
حبيبنا المميز لينا تب ما بخون
تيمان الفرح لينا ببقو حصون
ود الماحي اخوي البشتنا ما عاجباني
بس اعمل شنو ابراهومة فات خلاني
من يومو الطفش و جافوني حباني
اصبح زي مريض فقد الدرب الحاني
من بكرة الصباح للكوفي برجع تاني
اجي الجكسي النضيف ناس سعاد و تهاني
ننزرع للضحك غيماً رزازو اماني
ينبسطوا الشباب و يجونا راجعين تاني
من بكرة الصباح الكوفي بصبح عامر
بي نفس المحنة الفي كلامك ظاهر
بي رأي ود حسن أصلو زولاً شاطر
عمدتنا اللزوم بي روحو ديمة يخاطر
بي همس الشباب و كبارنا و البنوت
و بي درر الكلام زي العنب و التوت
بي ضحكة مودة و نغمت الزغرووود
بنصبح زي قمر وحاسدنا كية يموت
ابراهيم أخونا حكايتو و الله حكاية
من يوم فارقنا تب ما سمعنا عنو رواية
لا طايبنا يوم لا قال سلام آآآآآ عشايا
و لا فكرة يجي للكوفي مرة و رايا
الخادم ام جدوم ماك من جلاسا
الأنداية اخوي انت ماك من ناسا
كلها منكرات وسخاً معاه نجاسا
بتكمل قروشك و توديك لي حراسا
أقعد زول ذكر في زاوية و كان جامع
في الدنيا ام قدود ما تبقي دايما طامع
في يوم الحساب ليك الخلوق بتطالع
ما بفيدك ندم و ما بنفعك سوء الطالع
zoolfrda
07-09-2006, 12:18 AM
يديك العافية يا أبو علا
كلام مصبن
وربنا يديم المحبة بيناتنا
http://www.alrakoba.net/vb/uploaded/Youu%20Are%20Not%20Alone.rm
hamad2
07-09-2006, 02:57 AM
من بكرة الصباح للكوفي برجع تاني
اجي الجكسي النضيف ناس سعاد و تهاني
ننزرع للضحك غيماً رزازو اماني
ينبسطوا الشباب و يجونا راجعين تاني
اه ياابو علاانا متبرع ليك بي طلبية جكس هنديه من الممثلات رايك شنو
وبعدين انا برشح ليك زول فرده بخصوص الديجي
ياسلام عليك يا فرده يا راقي
وانشاء الله دايما الكوفي شوب عامر بي اصحابو
abu_ola
09-09-2006, 05:12 AM
زول فردة دوما تعطر الكوفي بأنغامك الرائعة
ألف شكر
ألف تحية
ألف ... ألف ... ألف مودة بيننا
Hamad 2
مشكور على المرور الكريم و على طلبية الجكس بس ما قلت لي الطلبية بحسبوها بالدستة و لا بالأردب بس المعني عشان ما يتلخبت علينا الإختصاص ، اليومين دي ابراهيم ما موجود و هو المسئول على الجكسي باقي الراجل عينو نجيييضة و عزال خلاس انت مشكور ما قصرت و هو بجي يعزل الدايرو
abu_ola
09-09-2006, 07:06 AM
http://www.arab-x.com/get-1157817844.jpg (www.arab-x.com)
hamad2
09-09-2006, 10:19 AM
حبيبنا ابوعلا والله الطلبيه دي ابراهيم لوقام وقعد ما اقدر
اختار واحده.... والاختصاص ما بتلخبط لانو ما بقدر اعزل
تحياتي احمدحمدتو
محمد حسين (المميز)
09-09-2006, 10:07 PM
كدي ياخوانا شوفو لي وحده من البنات ديل
بس تكون بتعرف تزغرت
جيبوها لي جاي
يابت اديني زغروووته كبيــــــــــــــره
ابــوعـــــــلا
ادّوهو ترقيــــــــــــه
بقى مراااااااااقب
خــــــلاص كلّ المشاريب علي الليلـــه
************
abu_ola
09-09-2006, 11:23 PM
في يوم من الأيام كان محاضر يلقي محاضرة عن التحكم بضغوط وأعباء الحياة لطلابه فرفع كأسا من الماء
وسأل المستمعين ما هو في اعتقادكم وزن هذا الكأس من الماء؟
الإجابات كانت تتراوح بين 50 جم إلى 500 جم.
فأجاب المحاضر: لا يهم الوزن المطلق لهذا الكأس!!!
فالوزن هنا يعتمد على المدة التي أظل ممسكا فيها هذا الكأس فلو رفعته لمدة دقيقة لن يحدث شيء ولو حملته لمدة ساعة فسأشعر بألم في يدي ولكن لو حملته لمدة يوم فستستدعون سيارة إسعاف
الكأس له نفس الوزن تماما، ولكن كلما طالت مدة حملي له كلما زاد وزنه.
فلو حملنا مشاكلنا وأعباء حياتنا في جميع الأوقات فسيأتي الوقت الذي لن نستطيع فيه المواصلة، فالأعباء سيتزايد ثقلها. فما يجب علينا فعله هو أن نضع الكأس ونرتاح قليلا قبل أن نرفعه مرة أخرى.
فيجب علينا أن نضع أعبائنا بين الحين والأخر لنتمكن من إعادة النشاط ومواصلة حملها مرة أخرى.
فعندما تعود من العمل يجب أن تضع أعباء ومشاكل العمل ولا تأخذها معك إلى البيت.
لأنها ستكون بانتظارك غدا وتستطيع حملها
كدي كلنا مع بعض نضع متاعبنا قليلاً و نرتاح في الكوفي و ندردش شوي و اشربوا الكأس التحت دا
http://www.arab-x.com/get-1157876125.jpg (www.arab-x.com)
abu_ola
09-09-2006, 11:31 PM
كدي ياخوانا شوفو لي وحده من البنات ديل
بس تكون بتعرف تزغرت
جيبوها لي جاي
يابت اديني زغروووته كبيــــــــــــــره
ابــوعـــــــلا
ادّوهو ترقيــــــــــــه
بقى مراااااااااقب
خــــــلاص كلّ المشاريب علي الليلـــه
************
حبيب المميز يا هلا وسهلا فيك
يا اخوي نحن قبيييل ما تنفقنا انو عندك بقرة تحمد سيدك و قلنا ما في داعي لي لبن البقالة أب رطل ، تاني جبت سيرة البحر مالك
البنات ديل جابن أخونا حمد هدية للكوفي و إبراهيم لسه ما جاء يستلم الطلبية لو داير ليك واحدة أستني إبراهيم لحدي ما يجي و لا أقول ليك شيل واحدة بس قفل الكرتونة كويس عشان إبراهيم ما يشك في الموضوع بس حكاية الزغاريد دي احسن ـاجلها شوي و لا تشغلها صااااامت عشان ما تعمل لينا ضجة ويجي عمك ود الماحي يحلف يشيل باقي الطلبية .
المميز عقبال ما نشوفك شيخ عرب و مشـــــرف كبير ذي ود حسن ( قول آمين )
نزار حسن محمد
10-09-2006, 12:32 AM
ابوعلاء والله العموديه تطير وتقع فى البئر... عمت لى عيونى وعوجة لى ضهرى ...اه انا متنازل منها تب ...وبدور اقديل مع الجنيات لا حسيب ولا رقيب...بعدين انا داير الحق باقى شبابى.. قبل مايلاقنى هازم الذات فيس تو فيس...
zoolfrda
10-09-2006, 12:46 AM
شفتك وين...
شفتك وين...
شفتك وين...
بس...
عليك الله يا أبو علا كبايتك دي ما عامله زي شعار الفضائية السودانية !!!
السلامى
10-09-2006, 12:55 AM
شفتك وين...
شفتك وين...
شفتك وين...
بس...
عليك الله يا أبو علا كبايتك دي ما عامله زي شعار الفضائية السودانية !!!
هاههاهاهاهاههاههاهاهاهاهاهاهها
نزار حسن محمد
10-09-2006, 01:14 AM
ابوعلاء ...بسرعه جيب بخور التيمان .. واتصل بالتيمان ..كمان وقول معاى ..ياعين ياعنيه ..ياكافره ..يانصرانيه ..عين الفتاه..تقد الواطه .. وعين الحسود ..فيها عود .. من عين.. زول فرده ومن عين السلامى ...ابوعلاء كدى اتاكد من الحجاب معلق فى مكانه
هوى ياناس ..الكوفى دا ..عدمنا التعريفه الحمراء كدى صلوا على النبى...
سوار الياسمين
10-09-2006, 04:48 AM
مبروك الترقية ابو علا
وتستاهل الاشراف كلو والله
على قفا الترقية ده مافي كدة كباية كبتشينو متوصية
abu_ola
10-09-2006, 06:40 AM
ابوعلاء والله العموديه تطير وتقع فى البئر... عمت لى عيونى وعوجة لى ضهرى ...اه انا متنازل منها تب ...وبدور اقديل مع الجنيات لا حسيب ولا رقيب...بعدين انا داير الحق باقى شبابى.. قبل مايلاقنى هازم الذات فيس تو فيس...
العمودية يا ود حسن أخوي براها بتعرف ناسه زي السخلان وكت يفكوهم المغرب لي أماتم و بتختارهم من وسط الخلوق كما تختار النحلة الزهور المدرة للعسل ... على الحليفة كان كتبت على جلابيتك من ورا ( أنا ما نزار ود الحسن ) تختمك من قدام تشوف وشك الصبوح دا و تتعنكلك ....
براك يا ود الحسن الحلة ما بتبقي و الدار بعدك حيطــــان سااااكت ،،،، و كان أنت تركت العمودية أنا بشيل الكوفي دا و أرحل أوشف لي ديرة تانية ..
بعدين العرس دا يا ود حسن زي شرك الكديس يومو اللي يندرع في رقبتك بتعرف الله حق .... و بصورة واضحة كدي الزواج دا عبارة عن برميل مليان بنزين و من فوق فيه طبقة عسل شووووووية على قدر حظك و يوم ما يكمل العسل البي فوق دا ببق فيك البرميل و بتفتش لي ناس المطافي ما بتلقاهم .... و بيني و بينك العرس دا زاتو واحد من الأسباب الغير مباشرة البتخلي هادم اللذات يلاقيك الصب .....
abu_ola
10-09-2006, 06:47 AM
شفتك وين...
شفتك وين...
شفتك وين...
بس...
عليك الله يا أبو علا كبايتك دي ما عامله زي شعار الفضائية السودانية !!!
زول فردة شعار الفضائية السودانية دا مقابلك في العرب سات و النايل سات و الأوربي و في المنتدي كمان و بعد شوية الله يكضب الشينة بلاقيك في القنوات الإخبارية كلها اها يا اخوي بتطير و لا بتقع البير ....
فردة يا أخوي الإمارات دي كان ما فيها بعر حمير تتبخر بيه اشرب ليك جغمة من موية الطملة بتغير معلومات الجواز و بتخلي عيونك زقاء بدل عسلية و تاني كان شفت أي حاجة بتقول بسم الله ما شاء الله براااك .... على العموم لي دور الليلة كان وقعت كباية ساكت انت المسعول ،،،، و أي واحد كان جاتو قبــضة ساااكت البوليس بجي ييدق بابك عموماَ ابقي جاهز يا اخوي سجن الألعاب في أنتظارك
abu_ola
10-09-2006, 06:52 AM
مبروك الترقية ابو علا
وتستاهل الاشراف كلو والله
على قفا الترقية ده مافي كدة كباية كبتشينو متوصية
سوار الياسمين الليلة يوم طلتنا
ولع الكوفي شوب و اتجهجهت عدتنا
نططت الكبابي و جاتنا في محلتنا
تتسابق عليك بشوقها جد فضحتنا
كل كباية عايزة تمس حرير يديك
و الفنجان هناك برقة عاين ليك
حتي جك العصير بكل شوق راجيك
من دم قلبو حالف يا سوار يسقيك
الله يبارك فيك يا سوار الياسمين عطرتي الكوفي بطلتك البهية و عقبال ما نشوفك كبيرة مستشاري المشرف العام ..... ولا رايكم شنو يا حضرة المشرف !!!
كان الأماني بإيدي ...
أسقيك من وريدي ....
بس للأسف ما مسجلة في قائمة الطلبات عندي عشان كده شيل الكباية التحت دي كان تبرد عليك حر الكرسي الساخن بس اشربيها سريع قبل ما يجي الفرد و يحيرنا
http://www.arab-x.com/get-1157903365.jpg (www.arab-x.com)
سوار الياسمين
10-09-2006, 08:23 PM
يعني يا ابو علا بعد الرد الجميل ده لازم صباحنا يكون جميل زيك يا راقي
صباحك هنا وسعادة وجمال يا ابو علا وبالجد انت تعد اضافة جميلة جدا لمنتدانا
دمتى لينا
abu_ola
10-09-2006, 10:08 PM
يعني يا ابو علا بعد الرد الجميل ده لازم صباحنا يكون جميل زيك يا راقي
صباحك هنا وسعادة وجمال يا ابو علا وبالجد انت تعد اضافة جميلة جدا لمنتدانا
دمتى لينا
قالت لي انت إضافة جميلة لمنتدانا الرائع
قلت ليها المنتدي يا سوارنا كل روائع
كان شفتي الشباب كل يوم بجيبو بدائع
و أخواتنا البنات نجمات بيهدو الضائع
اقعدي في الواطة و بكل احترام عديهم
خيراتم كتار ما بحصي فضلاً ليهم
في بأدي الأمر شالونا بي يديهم
زي طفلاً رضيع ختونا في عينيهم
من بعد البشاشة و السلام بي محنة
ورونا الأصول كيف نحترم لأهنا
كان خالفنا زول في رأيوو لا جهلنا
توجيـــــه بي أدب لا أذي لا منــة
كل عضو في المنتدي نجماً تقيل ميزانو
الرأي والفهم و الدين أساس بنيانو
الذوق و الأدب و الشعر بي أوزانو
أصبح لينا والد و بقينا زي أخوانو
الشعر أنقطع وكايو و اصبح سايل
النثر الجميل زي الغصين المايل
الرأي و الفكر لي مدني أحلي جدايل
الدين زي نجم في الليل بيهدي الحاير
كل أقسامنا صافي زلاله حلو خريره
كل مشرف عريس في يمينو حريرة
ابشرن يا البنات ليلة فرحنا الليلة
زي اروع عريس قاد منتدانا السيرة
محمد حسين (المميز)
10-09-2006, 10:53 PM
مراقــب يوصف في مــراقب
اتنيناتهـــم زي الكواكــــــب
نـورتـو منتـدانـا بكميـه مـن المواهــب
زي العسل كلامهم حتى لو كان معاتب
ابوعـلا عقبال مانشوفك باش مراقـب
نزّل الطلبات يلاّ وآخر الشهر نحاسب
:rolleyes:
اها رأيك شنو؟؟
مش بقيت زيّك شــاعر:p
*********
سوار الياسمين
10-09-2006, 11:53 PM
رائع
مبدع
لبق
مشكلتي يا ابوعلا ما بعرف اصوغ الكلمات الممكن تكفيك وتكفي مقامك الرفيع وانا بشكرك لوجودك الجميل معانا في المنتدى
abu_ola
10-09-2006, 11:53 PM
مراقــب يوصف في مــراقب
اتنيناتهـــم زي الكواكــــــب
نـورتـو منتـدانـا بكميـه مـن المواهــب
زي العسل كلامهم حتى لو كان معاتب
ابوعـلا عقبال مانشوفك باش مراقـب
نزّل الطلبات يلاّ وآخر الشهر نحاسب
:rolleyes:
اها رأيك شنو؟؟
مش بقيت زيّك شــاعر:p
*********
اسمك مميز في الخلوق بنيانو
قلمك ما بخيب دايماً اصيد نيشانو
يا أب راياً سديد ذي الدهب ميزانو
ايه يعني الشعر لو ما ضبطت أوزانو
***
بينا مودة بينا محبة بي ذكراك يوت بنلاهي
بينا العشرة بيناتنا الصلات حبلاً متين ما واهي
بيني و بينك الحب المفرهد زي خداراً باهي
بيناتنا مافي حساب و انت أطلب سااااهي
abu_ola
11-09-2006, 12:33 AM
رائع
مبدع
لبق
مشكلتي يا ابوعلا ما بعرف اصوغ الكلمات الممكن تكفيك وتكفي مقامك الرفيع وانا بشكرك لوجودك الجميل معانا في المنتدى
سوار الياسمين
قديماً قيل كل إنسان يحمل بعضأً من ملامح اسمه
فحسب علمي المتواضع السوار نوع من الزينة و الياسمين أفخر أنواع العبير
فيا عجبي عندما تصنع الزينة من العطور !!!!
فحقاً أنتي سوار يزين معصم المنتدي و عبيراً يضمخ كل بوستاته
عومي و أقدلي زي صيدة الخلا الجفالة
ضمخي بالعبير كل مدنية و حارة
زغردي بالفرح يوم الرجال تتجارا
أركزوا يا شباب الليلة يوم الحارة
abu_ola
12-09-2006, 05:50 AM
عملائنا الكرام
نسبة لقرب حلول شهر رمضان المبارك أعاده الله علينا و على الأمة الإسلامية بالخير و اليمن و البركات
نزف لكم التهنـــئة بمناسبة إفتتاح قسم الحلويات و الوجبات الخفيفة
http://www.up07.com/upload-12/wh_307985224.JPG
كما يسرنا ان ننتهز هذه الفرصة لنزف لعملائنا البشرى بأنه سيتم قريباً إفتتاح قسم خاص بإفطارات رمضان إذ
يحتوى القسم على وجبات إفطار ... عشاء ... سحور
بالإضافة الى برامج دينية و ترفيهية مصاحبة
توجد جلسات عائلية خاصة و أماكن خاصة بكبار الزوار و العزاب
للحجز و الإستفسار يرجي الإتصال بقسم الحفلات الخارجية
ملحوظة
سوف تقام صلاة التراويح أما مدخل الكوفي شوب الشمالي
و كل عام و أنتم بخير
سوار الياسمين
12-09-2006, 05:58 AM
يعني شنو يا ابو علا قاعد تجوع فينا وانا في الشغل عيني طالعة
الله يسامحك بس
abu_ola
12-09-2006, 06:31 AM
دا يا سوار عشان تتخيلي بس أنو رمضان معانا بكون ليه طعم تاااااااني
بس شايف ماحجزتي و لا شيئ يعني ما بتجينا في رمضان و لا شنو ؟؟
سوار الياسمين
12-09-2006, 06:41 AM
احجز شنو ولا شنو يا ابوعلا
انا عايزة من كلو
واكيد رمضان معاكم انتو غير
ينعاد علينا وعليكم
Jamal Elmahi
12-09-2006, 07:08 AM
حباب أبوعلا...حباب أخوي
عوارض الدنيا أأألخزين وقفوا بيني وبين الكوفي شوب...القعده معاكم ساي ترد الروح وتشيل الهم والغم..
وماشاء الله اليومين ديل شايف بت أخوي سوار الياسمين مشرّفه الكوفي وتوزع في البسمات شمال ويمين ...أها بعد دا زول داير ليهو شاي وقهوه مافي أبتسامه بس من سوار تظبط الراس وتخلي الواحد يدوبي للصباح...والعجب كان شغلتها معاك الشباب يجوك الاعمي شايل المكسّر ألاّ تقج ليك صيوانات قدام الكوفي عشان تشيل الخلوق وبرضو تكون ريحته أبوها عامله ليهو وجع وش كل يوم وباقيه ليهو حقنه وشوكة حوت لابتنبلع ولا بتفوت....
مشاققه...
أتكل علي ألله وشغّل البنيه معاك وأنا ببقي ليكم سيد اللبن أهل العوض كل يوم بجيب ليكم تمنتين لبن واربعه قزازات سمن بلدي ....
ضفّاري...
أبو علا دحين أأألعشاي الزول كان ماوصلو الابري والحلو مر برضو لازم يصوم رمضان؟؟ ولاّ يرجانهن لامن يصلن وبعد داك يصوم مع الناس ...بس قلتا النسعل أخوي أبوي علا النعمنو بيتكم جمب الجامع...
جمال الماحي
ابراهيم
12-09-2006, 01:18 PM
الحمد لله
يادااااااااااااااااااب الواحد شم الهوا
أهلي الزينين
اول حاجة رمضان كريم ..
والله انا مقصر وثم مقصر
وازازي ساااااااااي على الكوفي شوب
خايفكم تودوني الصالح العام او الخاص
المعذرة يا سمحين والله اخوكم ممكون شغل وقراية وحاجات تانية حامياني
وفوق ليهم غربة وشجن
وفوق ليهم كمان وجع ضرس ولي هسع الجضم وارم والشوف خمسطاشر خمسطاشر
والمغالطني يسأل دكتور طلعت
اها كدة بتعفوني من الصالح العام ولا ناكل باستة
مشتاقين كتير والله كدى النشوف جيرنا في الكرسي الساخن
وبجيكم تاني
sambaaa
12-09-2006, 01:56 PM
الله يبارك فيك يا سوار الياسمين عطرتي الكوفي بطلتك البهية و عقبال ما نشوفك كبيرة مستشاري المشرف العام ..... ولا رايكم شنو يا حضرة المشرف !!!
ههههههههه
هههههههههههه
مافي حاجة مجان يا ابوعلا :mad:
لازم في التبادي تديني كباية كابتشينو كااااااااربة كده
وبعدين ينظر ويفاد في طلبكم المقدم :D
الشريف الهندي
12-09-2006, 03:57 PM
وفوق ليهم كمان وجع ضرس ولي هسع الجضم وارم والشوف خمسطاشر خمسطاشر
والمغالطني يسأل دكتور طلعت
الغالي ابراهيم الف لا بأس عليك وربنا يكتب سلامتك وتعود لينا من جديد
عمنا الغالي ود الماحي والله واشتقنا ليك بالحيل
خبرنا عنك عساك مبسوط وست البنات سكر الجنيد عساها بخير
عملائنا الكرامنسبة لقرب حلول شهر رمضان المبارك أعاده الله علينا و على الأمة الإسلامية بالخير و اليمن و البركات
نزف لكم التهنـــئة بمناسبة إفتتاح قسم الحلويات و الوجبات الخفيفة
سيد البيت أبوعلا سلامات ... وكل سنه وانت طيب
أنا جيت حايم بيجاي لقيت المحل منور والدنيا ليك والعطش كاتلني باليحل
دحين تسمح لي اروي عطشي وآخد لي قعده معاكم بيجاي
Jamal Elmahi
12-09-2006, 05:09 PM
الغالي ابراهيم الف لا بأس عليك وربنا يكتب سلامتك وتعود لينا من جديد
عمنا الغالي ود الماحي والله واشتقنا ليك بالحيل
خبرنا عنك عساك مبسوط وست البنات سكر الجنيد عساها بخير
[size=3][size=6][color=#2e8b57]
سيد البيت أبوعلا سلامات ... وكل سنه وانت طيب
أنا جيت حايم بيجاي لقيت المحل منور والدنيا ليك والعطش كاتلني باليحل
دحين تسمح لي اروي عطشي وآخد لي قعده معاكم بيجاي
الشريف ود الاشراف
حبابك أأأبوي والله شوق ليهو ذبد زي بحر المالح...وينك اأأألعشاي الشئ فرد غتسه...لمتك فيك هنديه زي جميلة حقت أبشوارب ونسّتك المنتدي وناس المنتدي...والله وماطالبني حليفه ليك وحشه شديده والعشره أأأبوي ما بتهون علي الناس البعزوها...
مشاققه...
سكر الجنيد بقت منقة كسلا...حلوه وصافي لونا...بسم الله وماشاء الله ودقر العين...
جمال الماحي
سوار الياسمين
12-09-2006, 08:35 PM
عمي العزيز ود الماحي
يعني دايرني اشتغل كمان بعد دوامين الشغل ولا شنو واوزع ابتسامات ما خشمي بيوجعني كان كدا
وبيني وبينك ابوي فعلا عايزاه يرتاح مني لي سنتين في وشو ا مقابلاهو صباح ومسا بس في البيت ما بهوب نحيتو عشان الراجل ما يهج من البيت كفاية عليهو في الشغل
تخريمة
اللبن لما تجيبو ما تجيبو نصو موية ونصو لبن (الحركات ده بطلوها)
محمد حسين (المميز)
12-09-2006, 09:58 PM
صبــــــــاح الخيــــــــر
على الناس
الحلويـن
السمحين
الزينين
الذوق
ابوعـــلا
صباحك فل اخوي
قالو فيفي عبده الرقاصه في رمضان
عندها خيمه رمضانيه بتسوي فيها فطور تحفه من كل النواحي
تخش تضرب مالذّ وطاب وبعد كده يامعلّم
في الباب تجي مارق يدّوك ((10جنيه مصري))
كدي انت حاول تسوّي لينا الحكايه دي
وقسّم لينا ((10ألف عند الباب)):p
وشووووووف زباينك يكترو كيف:p
ودي تلقاها عند ربنا في ميزان حسناتك..:D
*************
abu_ola
12-09-2006, 11:41 PM
حباب أبوعلا...حباب أخوي
عوارض الدنيا أأألخزين وقفوا بيني وبين الكوفي شوب...القعده معاكم ساي ترد الروح وتشيل الهم والغم..
وماشاء الله اليومين ديل شايف بت أخوي سوار الياسمين مشرّفه الكوفي وتوزع في البسمات شمال ويمين ...أها بعد دا زول داير ليهو شاي وقهوه مافي أبتسامه بس من سوار تظبط الراس وتخلي الواحد يدوبي للصباح...والعجب كان شغلتها معاك الشباب يجوك الاعمي شايل المكسّر ألاّ تقج ليك صيوانات قدام الكوفي عشان تشيل الخلوق وبرضو تكون ريحته أبوها عامله ليهو وجع وش كل يوم وباقيه ليهو حقنه وشوكة حوت لابتنبلع ولا بتفوت....
حبوبة الله يذكرها بالخير يا ود الماحي اخوي كانت بتقول ( عارضك بني آدم ) أنت ياتو في الجنيات باقي ليك شوكة حوت انت بس كلمني نخلي ( أبو حفص السوداني ) يقلعو ليك قلعة فجلة من الواطة
سوار يا الخزين بقت مننا و فينا و اليومين دي الجماعة متكيفين 24 سنة عفواً اقصد قيراط بي ريحتها سااااكت و المعني كان سوت فيها بسمات انقر تاني نحن بنشتري شأي و لا بن مالك علي حليفة يا الخزين كفتيرت الشاي دي إلا نديها للراعي يشيل فيها العصيدة
مشاققه...
أتكل علي ألله وشغّل البنيه معاك وأنا ببقي ليكم سيد اللبن أهل العوض كل يوم بجيب ليكم تمنتين لبن واربعه قزازات سمن بلدي ....
و الله يا ود الماحي بعد كلامك دا و كترت غياب أبراهيم الشايفو بي عينك دي الواحد بدأ يفكر تشاركنا عديل كده خلك من الوظيفة البستنو راتبها لي آخر الشهر و بعدين الواحد يعمل ليه حسنة في الدنيا دي و يريح منها ابوها شوي و نطبق المثل البقول مصايب أبو سوار عند أبو علا فوايييييييييد
ود الماحي ات تعال النسعالك القصة شنو شغلك كلي دهنيات زيت سمسم و سمن بلدي بعد شوية بتجيب ليها زيت كركار و حاجات تانية ما معروفة وين ؟؟؟
ضفّاري...
أبو علا دحين أأألعشاي الزول كان ماوصلو الابري والحلو مر برضو لازم يصوم رمضان؟؟ ولاّ يرجانهن لامن يصلن وبعد داك يصوم مع الناس ...بس قلتا النسعل أخوي أبوي علا النعمنو بيتكم جمب الجامع...
جمال الماحي
أول التبادي رمضان يا اخوي بثبتوه بشوف العين و باين لي انت ماك فاضي تطلع في رأس البيت و تقعد تعاين اليوم كلو
بعدين يا أخوي رمضان من غير الآبري و الحلو مر زي جلابية الساكوبيس من غير عراقي و سروال طويل غايتو دا راي انا بس انت اسأل الشريف الهندي المعني قالوا إختلاف المذاهب رحمة
دعاء سيد جرسة
اللهم أجعل رمضان متل كأس العالم كل أربعة سنوات
اللهم أجعله كل عام ينظم في دولة
غايتو كان ربك قبل الدعاء الفوق دا يا ود الماحي ما حظنا ،،، ماك طالبني حليفة لي جنا الجنا ما بتجينا عوجة بس انت آآآعشاي شيلو شيلتكم سااااكت كل سنة ينظموه ليكم في ولاية و أخوانا ناس الإتحاد الأوربي ديل يتحزموا يرجوا الجاياهم سااااااااااااااكت
abu_ola
12-09-2006, 11:47 PM
الحمد لله
يادااااااااااااااااااب الواحد شم الهوا
أهلي الزينين
اول حاجة رمضان كريم ..
والله انا مقصر وثم مقصر
وازازي ساااااااااي على الكوفي شوب
خايفكم تودوني الصالح العام او الخاص
المعذرة يا سمحين والله اخوكم ممكون شغل وقراية وحاجات تانية حامياني
وفوق ليهم غربة وشجن
وفوق ليهم كمان وجع ضرس ولي هسع الجضم وارم والشوف خمسطاشر خمسطاشر
والمغالطني يسأل دكتور طلعت
اها كدة بتعفوني من الصالح العام ولا ناكل باستة
مشتاقين كتير والله كدى النشوف جيرنا في الكرسي الساخن
وبجيكم تاني
الحمد لله ما شميت حاجة تانية ياإبراهيم كان تجيب لينا الهواء المرطب و تقطع عيشة أولادنا
خلاص يا إبراهيم خميت الرماااد بزيت و د الماحي و جيتنا .........
اها يا اخوي الحاجات التانية دي كيف في رمضان ؟؟؟؟؟
ضرسك القلعوه دا إلا تعلقوا لينا في باب الكوفي و يجي عمك ود الماحي يفحصو باقي الراجل خبير في المتفجرات بعدين تجيب معاه فحمة و حبة عيش و تقيف قدام الكوفي و تجدعو لعين الشمش
بعدين يا أخوي في واحد من الوليدات المعانا ديل قال لي في حاجة اسمها ( سيك ليف ) انا عارف هي شنو بس لازم تجيبها معاك على زمة الجنا دا قالي الحاجة دي بتوريك كان كنت عند الدكتور و لا كان داير تغشنا ساااكت
عموماً لي حدي ما تشوف ناس الكرسي الساخن و تجينا ردد معاي انت و كل زوار الكوفي
(اللهم اجرني في مصيبتي هذي و أخلف لي خير منها اللهم اجعله أجر و عافية ،، أللهم أنت الشافي شفاء لا يقادر سقما اللهم اشفني بشفاك و داويني بدواك و أغنيني عن سؤال سواك يا رب العالمين
abu_ola
12-09-2006, 11:50 PM
مافي حاجة مجان يا ابوعلا :mad:
لازم في التبادي تديني كباية كابتشينو كااااااااربة كده
وبعدين ينظر ويفاد في طلبكم المقدم :D
أنت يا سامبا يا اخوي حاجة لله × لله كدا مافي ولا شنو ؟؟؟ نحن قلنا البت وكت كملت تعليمها تجي تشتغل معاكم لكين حالكم بري وحدو لا بتضبحو تور و لا بتساعدو زول المعني إلا الواحد يتمرد و بعدين يجي شايل كورتو يشاركم الثروة و السلطة!!! الرؤساء ديل يا كافي البلاء و حايد المحن التقول راضعين من شطر واحد !!!! و لا حكايتكم شنو ؟؟؟ أستغفر الله يا أولاد أمي
abu_ola
12-09-2006, 11:58 PM
[/size[size=3]سيد البيت أبوعلا سلامات ... وكل سنه وانت طيب
أنا جيت حايم بيجاي لقيت المحل منور والدنيا ليك والعطش كاتلني باليحل
دحين تسمح لي اروي عطشي وآخد لي قعده معاكم بيجاي
الشريف ود الشريف حبابك ألف و أربعمائة سبعة و عشرين هجرية
نحمد الله الما سر زول الجبك لينا ... البيت بيتك آآآعشاي أبقي داخل اشرب سااااااكت لمن تقول بس .....باقي رمضان على الأبواب الخلفية ،،،،
ها آآآزول ها على ذكرة رمضان دي دحين نحن ما دايرين نعمل ليلات ذكر و حولية و رحمتات كمان و انت ما شاء الله تبارك الرحمن ياك زول الدين و الذكر و بي بالمرة تصلي بالجماعة التراويح بس ما تطولها المعني النسوان السنة دي كترن البهارات في الأبري و ما عليك مدسة الواحد بقي زي كمساري الحافلة يخليها لمن تمشي و يجي جاري وراها
يعنيبالواضح كدي الواحد بقي كل دقيقة يجري يتوضأ و يجي يلحق الجماعة قبل ما يتمو الركعة علاوة لذلك ناس عملك ود الماحي و عمك ود حسن ديل ناس عندهم مشاغل كثييييرة خلاس تشيب الرأس صحي هم بصلوا معانا بس كمان يعني لازم نقدر ظروفهم ... الدين يسر و لا شنو ؟؟?
abu_ola
13-09-2006, 12:01 AM
عمي العزيز ود الماحي
يعني دايرني اشتغل كمان بعد دوامين الشغل ولا شنو واوزع ابتسامات ما خشمي بيوجعني كان كدا
وبيني وبينك ابوي فعلا عايزاه يرتاح مني لي سنتين في وشو ا مقابلاهو صباح ومسا )
خشمك فوقو اللبن يا بت أمي قولي آآمين بعدين أخر الكشوفات العلمية بتقول الإبتسامات دي مفعولها احسن من الديانا و الكلي و الروز و بتوفر القريشات في المستقبل يعني بيني و بينك كده ما بتخليك تحتاجي تعملي عمليات تجميل و شد وش
و زي ماك عارفة البسمات دي صدقة لي الفقراء الزينا كدي ( تبسمك في وجه أخيك صدقة )
بعدين تعالي النسألك وقتك لقيتك براك و ما معانا زول انتي أبوك دا معرسك انتي و لا معرس أملك باقية ليه في وشو 24 ساعة يا عااااااااالم خلو الناس ياخدو راحتهم .... استفغر الله يا بت أمي
abu_ola
13-09-2006, 12:07 AM
ابوعـــلا
صباحك فل اخوي
قالو فيفي عبده الرقاصه في رمضان
عندها خيمه رمضانيه بتسوي فيها فطور تحفه من كل النواحي
تخش تضرب مالذّ وطاب وبعد كده يامعلّم
في الباب تجي مارق يدّوك ((10جنيه مصري))
*************
المميز آآآخوي أنا خابرك تب أنت ماك موديك الفطور و لاك محتاج للعشرة جنيه تحمد سيدك
آآآآناس اسكتو ساااهي ما تخلوني أتكلم
أنت يا البتخلــــي بقرتك والدة في الزريبة و تمشي تشتري اللبن من البقالة ... الله يجازي محنك
غايتو النتفشــا فيك اليومين دي قبل رمضان ما يجينا بعدين الواحد يفوت بي غبينتو ساااكت زي الموبايل المشغلينو هزاز
محمد حسين (المميز)
13-09-2006, 12:19 AM
المميز آآآخوي أنا خابرك تب أنت ماك موديك الفطور و لاك محتاج للعشرة جنيه تحمد سيك
آآآآناس اسكتو ساااهي ما تخلوني أتكلم
أنت يا البتخلــــي بقرتك والدة في الزريبة و تمشي تشتري اللب من البقالة ... الله يجازي محنك
غايتو النتفشــا فيك اليومين دي قبل رمضان ما يجينا بعدين الواحد يفوت بي غبينتو ساااكت زي الموبايل المشغلينو هزاز
ههههههههههههههههه
:D :D
والله انت حيّرتنا زاتو
لا عرفناك بتاع كوفي شوب
ولا عرفناك شاعر
لاعرفناك مباحث
لا........... ;)
لا......... :p
انت شنو يازول؟؟
اعترف قبل رمضــان :D
*************
سوار الياسمين
13-09-2006, 12:20 AM
والله يا ابو علا انا عايزة اطير منو لمحل تاني بس مالاقيا والما نصيح يشتغل مع ابو
ومش انا بنيتو الوحيدة موريني ليك في الشغل النجوم في عز الظهر لا بيعرف امو ولا ابو
اذا كدا مش لي حق اني اطير
كان لقيت لي طيرة قول لي عوووووك
hamad2
13-09-2006, 01:47 AM
سلام عليكم ياصاحب الكوفي شوب محلك دا مرخص
عشان بكره جاينك ناس الضرايب قلنا نسبقم با لترخيص
مافي حاجة كدا سريعة كباية كبتشينو ولا شيريا
انشاء الله شاي ساده
Jamal Elmahi
13-09-2006, 04:36 AM
عمي العزيز ود الماحي
يعني دايرني اشتغل كمان بعد دوامين الشغل ولا شنو واوزع ابتسامات ما خشمي بيوجعني كان كدا
صراحةَ وجودك في الكوفي أهمّ من الكهربا ..يعني تقطع الكهربا ولا تنقطعي أتي ...نورك كفايه وكمان برائحة الياسمين + أبتسامه ترمي في الشوك...
وبيني وبينك ابوي فعلا عايزاه يرتاح مني لي سنتين في وشو ا مقابلاهو صباح ومسا بس في البيت ما بهوب نحيتو عشان الراجل ما يهج من البيت كفاية عليهو في الشغل
أبوك يا بت أمي قال الروووب عديل ...أفهموها بقي ...حلّي عنو ينوبك ثواب...أنا ما قلته ليك ما تجيني حانفه وشك من غير عريس في مشيتك للسودان لكن كلام القصيّر ما بنسمع...تخريمة
اللبن لما تجيبو ما تجيبو نصو موية ونصو لبن (الحركات ده بطلوها)
اللبن كان ما زدناهو مويه ونيدو ما بكفّي ياست البنات
مشاققه..
الكوفي ياست البنات بخلينا نخارجك ...ماتقولي لي هو أنا بايره ليك! أنا غايتو وراك لغاية ما تتخارجي وأريّح أبوك منّك ...غايتو جنس عكلته...يا ساتر...
Jamal Elmahi
13-09-2006, 04:46 AM
أبوعلا النبشرك أأأأبوي
بمناسبة رمضان مع تمنتين اللبن والسمن الماخمج بجيب معاي بخستين الليلات روب النعمنو بقطع العطشه ...الحناكيش والجكس بنسوي ليهم غباشه عشان ما يغلت عليهم...ولاّ أخير نسويهو داندرمه النعمنهم بحبو الاسكريم ...حكمتو بالغه ...
مشاققه...
من أمس كايس لي ..لي محويب ...المحويب المعلّق فوق الشبعه مدغتو الغنمايه....ولاّ رسل لي سوار الياسمين التمسك لي العجيل ...بجيك صاد أأأبوي
جمال الماحي
سوار الياسمين
13-09-2006, 05:13 AM
مشاققه..
الكوفي ياست البنات بخلينا نخارجك ...ماتقولي لي هو أنا بايره ليك! أنا غايتو وراك لغاية ما تتخارجي وأريّح أبوك منّك ...غايتو جنس عكلته...يا ساتر...
هو انا بنت وحدة يا ود الماحي عشان كدا ما عايزة اتخارج اي خروجة لازم تكون حاجة تستاهل بعيدا عن الماديات
سؤال ( عكلتة يعني شنو) معليش حنوشة :D
abu_ola
13-09-2006, 06:33 AM
ههههههههههههههههه
:D :D
والله انت حيّرتنا زاتو
لا عرفناك بتاع كوفي شوب
ولا عرفناك شاعر
لاعرفناك مباحث
لا........... ;)
لا......... :p
انت شنو يازول؟؟
اعترف قبل رمضــان :D
*************
يا المميز أخوي اعترف بي شنو ؟؟؟ خباري انا واقع لي جرف ؟؟؟؟ بعدين الإعتراف دا ما بتم إلا في حالتين
الحالة الأولي في الكنيسة يوم الأحد عشان البابا يغفر ليك و الحمد لله لا أنت بابا و لا اليوم الأحد و لا أنا تبع الجماعة
الحالة التانية كان مسكوك الجماعة ديلاااااااااااك و ودوك المعتقلات و باين لي أنت ما منهم
طيب بعد دا ما أظن تلقي طريقة تخليني أعترف بيها إلا في الكرسي الساخن ( طرينا الشر لي بعدو ) استغفر الله الواحد بقي براه يجب المصائب لي نفسو
سوار الياسمين
13-09-2006, 06:37 AM
جبتو لي رووووووووحك يا ابوعلا
ارجى ثمن عمايلك
abu_ola
13-09-2006, 06:37 AM
والله يا ابو علا انا عايزة اطير منو لمحل تاني بس مالاقيا والما نصيح يشتغل مع ابو
ومش انا بنيتو الوحيدة موريني ليك في الشغل النجوم في عز الظهر لا بيعرف امو ولا ابو
اذا كدا مش لي حق اني اطير
كان لقيت لي طيرة قول لي عوووووك
هو انا بنت وحدة يا ود الماحي عشان كدا ما عايزة اتخارج اي خروجة لازم تكون حاجة تستاهل بعيدا عن الماديات
سؤال ( عكلتة يعني شنو) معليش حنوشة :D
شوف البت يا ود الماحي دايرة تطير بالريش الدقاق !!!!!
انتي وقت العكلتة ما عارفها الطيران ليك شنو
ابراهيم يا اختي زمان قال كان مسكت ما تفك و كان فكيت ماتندم النعمنو نحن البجينا داخل في الكوفي دا ما بطلع مننا إلا على بيت عدلو دربو عديييييييييييل
abu_ola
13-09-2006, 06:41 AM
سلام عليكم ياصاحب الكوفي شوب محلك دا مرخص
عشان بكره جاينك ناس الضرايب قلنا نسبقم با لترخيص
مافي حاجة كدا سريعة كباية كبتشينو ولا شيريا
انشاء الله شاي ساده
أول التبادي أنت ( حمد ولا حمادة ) بعدين يا أخوي أنا جني و جن بنات الضرائب الواحدة تجيك لابسة ابيض تقيف كدي في نص الدكان و تقزز ليك كيعانها زي اللمبة أم قزازة و لسانة يولول زي المكنة الصابح عليها العيد تخليك تفتش لي حبوب الضغط ما تلقاهن
و بالمناسبة أأنا عندي سوط عنج معلقو في الكوفي مسميه ( الرأي الصائب لناس الضرائب ) البمحطو بيه ضهروا يقوم شييييييط زي الحواشة الحرتوها جديد
اها ما آخدك بالكلام خش لي جوه اشرب الدايرو و تعال طالع باقي انا مستني عمك ود الماحي يجيب لينا اللبن
abu_ola
13-09-2006, 06:46 AM
أبوعلا النبشرك أأأأبوي
بمناسبة رمضان مع تمنتين اللبن والسمن الماخمج بجيب معاي بخستين الليلات روب النعمنو بقطع العطشه ...الحناكيش والجكس بنسوي ليهم غباشه عشان ما يغلت عليهم...ولاّ أخير نسويهو داندرمه النعمنهم بحبو الاسكريم ...حكمتو بالغه ...
مشاققه...
من أمس كايس لي ..لي محويب ...المحويب المعلّق فوق الشبعه مدغتو الغنمايه....ولاّ رسل لي سوار الياسمين التمسك لي العجيل ...بجيك صاد أأأبوي
جمال الماحي
ود الماحي آآآخوي اول التبادي عجولك ديل ضكور و لا نتايات عشان ما يتلخبت علينا الإختصاص
بعدين روبك سمح بالحيل بس ما تخليه يزيد عل يومين في شان نقدر نفرق بين الفطور و السحور و بعدين كان سويتو داندرمه الوليدات و البنات ديل بقعدوا يمصوها مع بعض و بالطريقة دي بصبحوا أخوان في الرضاعة و ما بنقدر نعرسهم لي بعض
الحناكيش آآآعشاي روبك دا ما بيجو بي جنب بخساتو ...
بختك يا إبراهيم تكرع سااااكت و كان الجماعة شافوا عيوناتك الحمر ديل تقول ليهم شارب روب ود الماحي ( مقدرة سااااكت )
كان المحويب ما لقيتو آآآعشاي اقطع ليك لحاية من الشدرة القدامك دي و أحلب البقرة باقي النار هبدت و الحلة قنانتها طاقة السماء
ود الماحي ما بلقي لي عندك فرصة و لا ودك أمسح بيه شطور الغنماية دي باقي الطين شقق شطورها
سوار الياسمين
13-09-2006, 06:48 AM
انتو يا خوانا ابوي وامي ديل شكو ليكم مني
يعني قالو ليكم حاجة كلكم عايزني اطير وافارقهم
وانا اقول الجماعة ديل يشيلوا ويعاينو لي العين الماياها
اتاريهم كاتمين في جواهم ما راضين يقولو لي
وانا عاملة فيه طرشة
abu_ola
13-09-2006, 07:04 AM
انتو يا خوانا ابوي وامي ديل شكو ليكم مني
يعني قالو ليكم حاجة كلكم عايزني اطير وافارقهم
وانا اقول الجماعة ديل يشيلوا ويعاينو لي العين الماياها
اتاريهم كاتمين في جواهم ما راضين يقولو لي
وانا عاملة فيه طرشة
يا سوار الطلح اقصد سوار الياسمين ( استغفر الله الواحد بقي يلخبت ساااكت ، غايتو خرفك يا أبو علا الله لا يحضرنا ليهو ) زمان سمعنا قالوا اضان الحامل طرشة و قلنا ماشي بس اضان الفتوات دي إلا ترجعي لي عمك ود الماحي صفحة 159 باقي هو بفهم في النسوان كوييييييييييس
بعدين يا اختي انتي منتظرة لحدي ما أهلك يشكو ما تفهميها طايرة و تطيرها براك
sambaaa
13-09-2006, 12:59 PM
ههههههههههههههههههه
هههههههههههههههههه
يا حبايب والله العظيم الضحكة على كل الردود الحلوة دي والجدعات الهنا وهناك ديك
ووحات الله يا ابوعلا انت ما زولاً هين ولا لين ..
وعشان كده انا قلت نعمل ترشيح سريع لضيافتك على الكرسي داااااااااااااااااااااااك .. وكان دايرو عنقريب عشان ترتاح يكون احسن
أها قلت شنو ؟؟؟؟؟؟:D
نزار حسن محمد
13-09-2006, 01:07 PM
سامباااا انت بتقول فيها نحن ذى ناس القنوات الفضائيه بنجهز لبرامج رمضان ... وابوعلا ء جاهز مويه ونور ..بس انتو اصبرو شويه. وبتشوفو العجائب
Jamal Elmahi
13-09-2006, 04:45 PM
هو انا بنت وحدة يا ود الماحي عشان كدا ما عايزة اتخارج اي خروجة لازم تكون حاجة تستاهل بعيدا عن الماديات
سؤال ( عكلتة يعني شنو) معليش حنوشة :D
في زمّتك ما بتعرفي عكليته...كان كدي أنا وأبوعلا النفتح لينا فصل محو أميّه أقصد محو حنكشه...العكليته الزول المابنفكه من الرقبه زي الحسكنيت...قدر ما تحاول تخارجو ما داير يتخارج...توزعو برضو ما يتوزّع....كان شالوهو مابنشال وكان خلوهو حبس الدار....أها وقع ليك ولاّ نعملا مدرسة محو حنكشه عديل....
مشاققه...
بالله حتي الحنكشه خايله فيك ياسوار....
ود الماحي
Jamal Elmahi
13-09-2006, 04:52 PM
ود الماحي ما بلقي لي عندك فرصة و لا ودك أمسح بيه شطور الغنماية دي باقي الطين شقق شطورها
وحاة ودحسونه كلو عندي ...
وكان داير ليك ربيت حتتو عندي ...ودك أصلي بعد ما تقضي من الغنمايه الباقي مسّح بيهو الكرعين أأأبوي ...الشق يدخل ضب ...والودك الكمده بالرمده....
وبعدين أأأبوي أنا بدل ما أديك فرصه ما أخير ليك السعن ...تهز الصباحيه كلها منو فرصه ومنو رووووب...والماعارف يقول زبادي....
ود الماحي
abu_ola
13-09-2006, 11:59 PM
ههههههههههههههههههه
هههههههههههههههههه
يا حبايب والله العظيم الضحكة على كل الردود الحلوة دي والجدعات الهنا وهناك ديك
ووحات الله يا ابوعلا انت ما زولاً هين ولا لين ..
وعشان كده انا قلت نعمل ترشيح سريع لضيافتك على الكرسي داااااااااااااااااااااااك .. وكان دايرو عنقريب عشان ترتاح يكون احسن
أها قلت شنو ؟؟؟؟؟؟:D
سامبا يا اخوي كان ما استخدمت ودك و د الماحي دا شلاليفك بتشققن من الضحك شايفك تبحت في الواطة وتقرقر ساااكت ذي الموبايل المشغلنو هزاز ،،،، مبسوووووو ط تحمد سيدك و زي ما قال المثل العندو مغترب برا السودان ما زي الرفعوا عليه أسعار السكر و الجاز
الكرسي يا سامبا يا اخوي الناس بقعدوا فوقو 16 - 18 سنة مش اسبوووووع !!!!! عشان كدي أنا جني و جن الكراسي البتسوي البواسير ..و من أيام المدرسة متعود أقعد في البرش حاااااف ،،،، ماك طالبني حليفة لي يوم الليلة الحمار أنا بركب فوقو عري سااااااكت بدون سرج اخت لي بردعة و افحط اليوم كلوا
بس كان ختيت لي عنقريب هباب في ضل الشجرة و خليت البنوت روشوا الواطة بجردل موية و جبت لي جبنة بونسك بالحيل بس ما عليك مدسة الأسئلة التعسفية دي ما نا عندي ليها روووووح النعمنو أنا زول ونسة و قرقرابة ساااكت و زي ما قال ليك ود حسن اصبر علينا شوية رمضان على الأبواب و نحن مضيوفين اليومين دي و بعدين خلينا النشوف مشهاد رمضان كيف ؟؟؟ بعد داك أنا طاير منكم وين ؟؟؟
abu_ola
14-09-2006, 12:04 AM
سامباااا انت بتقول فيها نحن ذى ناس القنوات الفضائيه بنجهز لبرامج رمضان ... وابوعلا ء جاهز مويه ونور ..بس انتو اصبرو شويه. وبتشوفو العجائب
ود حسن آآآخوي خبارك بتغيب و تجي زي الشمش المغتياها التخااااية !!!!!!
بعدين يا عشاي رمضان قرب كدي املص جلابيتك دي علقها في المسمار و اقد معانا في الواطة دي النشوف رمضان دا بنسوي فيه شنو النعمينو ات زولاً متعلم و فااااهم انت وجهنا تب اللعوج قول لينا اعوج و العديل قول لينا عديل و انا و عمك ود الماحي دا بنتم الباقي بي ضراعنا ساااكت
abu_ola
14-09-2006, 12:09 AM
في زمّتك ما بتعرفي عكليته...كان كدي أنا وأبوعلا النفتح لينا فصل محو أميّه أقصد محو حنكشه...
ود الماحي
ود الماحي آآخوي عدم الشغلة قالوا بعلم المشاط
خلاص بطلت الزراعة و بقيت تعلم في البنيات آآآ الخزين ،،، بعدين خت في بالك التعليم دا بخرب الجنوي وما بنلقي زول يحش معانا البلدات ،، المعني أنا ما ضد التعليم بس الحقيقة المدرسة دي كان لابد منها خليها باالليل بعد ما نجي من الضهرية سامعني آآآعشاي ؟؟؟؟
abu_ola
14-09-2006, 12:22 AM
وحاة ودحسونه كلو عندي ...
وكان داير ليك ربيت حتتو عندي ...ودك أصلي بعد ما تقضي من الغنمايه الباقي مسّح بيهو الكرعين أأأبوي ...الشق يدخل ضب ...
ود الماحي
استرنا يا ود الماحي الله يستر فوق الأرض و تحت الأرض و يوم العرض ( قول آآمين ) الباتا انقطعت زمااااان آآآالخزين و الشقيانة بقت أصغر مني السفنجة يسألني ما يسألك رابط نخرتها بالحبل الحالة يعلم بها رب العباد بس ابشرك العيد قرب بننكســــي تب و كان داير لك سروال دمورية كلمني من هسع
سعنك دا يااخوي جلد نتاية و لا ضكر باقي يا عشاي أنا عندي قربة اللي لت نعجة بعدين يا اخوي انا كنت مستحي منك بس وقت جبت طاري السعن البقطع لي شعبة من الغابة أعلق فيها السعن منو ؟؟؟ بالمرة كمان النستاذنك تخلي سوار بت أخوك دي تجي كل يوم المغربية تحلب لينا الغنماية
ود الماحي آآآخوي انا عارف نفسي كترتها معاك بس قالوا في المثل الجار الما بدين و لا بتشحد منو قوات الأمم المتحدة أحسن منو كدي أخوي داير لي قرض ادبغ بيه القربة دي ليها 3 أيام باليها في الهبود و الولية دايرة الطشتي تعلق فيه للحمار
غايتو يا اخوي لي بكرة العصر كان القربة دي ما شريتها قطع شك رمضان لا بنصومه و لا شتين المعني شيخ الجامع قال من السنة تفطر على موية و لا بلح قلت ليه يا شيخنا الله يطراك بالخير البلح دا شوفتنا ليه طهور الوليدات قام قالي لي انت يا أبو علا تفطر على موية زرقا سااااكت ،،، الشيخ دا باين عليهو أدور النعمنو كان ما سويت القربة دي الموية اجيبها من وين ؟؟؟؟
نزار حسن محمد
14-09-2006, 12:41 AM
ود حسن آآآخوي خبارك بتغيب و تجي زي الشمش المغتياها التخااااية !!!!!!
بعدين يا عشاي رمضان قرب كدي املص جلابيتك دي علقها في المسمار و اقد معانا في الواطة دي النشوف رمضان دا بنسوي فيه شنو النعمينو ات زولاً متعلم و فااااهم انت وجهنا تب اللعوج قول لينا اعوج و العديل قول لينا عديل و انا و عمك ود الماحي دا بنتم الباقي بي ضراعنا ساااكت
الزول الضكر .. ابو البنيات .. ابوعلاء والله اليومين ديل انا ذى ام العروس مضيوف يابوى معاى ناس تلفزيون الجزيره وبنحضر لى تسجيل حلقه لى اهلنا فى ودمدنى عشان نشرح ليهم عن المنتدى واهل المنتدى وليلة ودمدنى الثقافيه
لكن .. ياالدخرى واثق فيك وعارفك بسدها وتقدها . وكمان معاك عمك ودالماحى..انا راقد قفاااااا ه. آه لقايت ماانتهى من ضيوفى ديل بجيك بالباب السرى عشان نشوف برامج رمضان ..وليالى الحلميه اقصد ليالى الكوفى.. اه شوفته الخمه دى كيف.أاااابوى... ابقى عشره على العقاب .. ودعتك الله
Jamal Elmahi
14-09-2006, 08:29 AM
ود حسن أها ناس تلفزيون الجزيره معاهم مزيعات ولاّ جت ضكور...النعمنو الجكس بحلي القعده...
جيبن لينا في الكوفي نحن راجينكم في الكريبه...
أبو علا النسعلك أأأعشاي دحين الجكس بجرّح الصيام...غايتو كان بجرّحو أنا صيامي من أول يوم بودوهو الانعاش ...أها عاد أطير وين من الخواجيات ..وحاتك أتا التقول الهدوم بتسوي ليهن الحساسيه والدبس...والشطور أشكال وألوان شئ نيدو وشئ حليب المراعي وشئ موشئ...محل ماتقبّل هن في وشك...وكمان أأأأجنا في مقالده ومحنّه شديده بالله يخلن الواحد يتضاير جيهه جيهه وبرضو ما جايب مريسة تامزينو...أها الرأي شنو أصوم بالليل وأنا نائم ولاّ أخير بجروحو ...القحه ولا صمة الجشم...
ود الماحي
عوض صقير
15-09-2006, 11:56 PM
كوفى رهيب جدا
لكن الظاهر ماعندنا نصيب فيه
لأن هناك أعلان يفيد بأن الدخول للأعضاء فقط ؟؟؟؟؟؟!!!!!!!
abu_ola
16-09-2006, 01:01 AM
الزول الضكر .. ابو البنيات .. ابوعلاء والله اليومين ديل انا ذى ام العروس مضيوف يابوى معاى ناس تلفزيون الجزيره وبنحضر لى تسجيل حلقه لى اهلنا فى ودمدنى عشان نشرح ليهم عن المنتدى واهل المنتدى وليلة ودمدنى الثقافيه
ود حسن أخوي بعد ما تقضي من ناس التلفزيون ديل كان فضل باقي شريط فاضي ما ترسلهم لي المعني داير ارسل سلامي بمناسبة رمضان لأهل العوض جــــت عليهم و بالمرررررة تعمل حسنة في أخوك و يلقاها فرصة يطلع فوق التلفزيون .... يا كافي البلاء و حياد المحن أهل العوض ديل الواحد منهم ما ينذكر في إعلام الحكومة كلو كلو و يوم تسمع أسمو و أسمو حلتو في الرادي أعرفوا مات تب المسيكين
abu_ola
16-09-2006, 01:05 AM
أبو علا النسعلك أأأعشاي دحين الجكس بجرّح الصيام...غايتو كان بجرّحو أنا صيامي من أول يوم بودوهو الانعاش ...أها عاد أطير وين من الخواجيات ..وحاتك أتا التقول الهدوم بتسوي ليهن الحساسيه والدبس...والشطور أشكال وألوان شئ نيدو وشئ حليب المراعي وشئ موشئ...محل ماتقبّل هن في وشك...وكمان أأأأجنا في مقالده ومحنّه شديده بالله يخلن الواحد يتضاير جيهه جيهه وبرضو ما جايب مريسة تامزينو...أها الرأي شنو أصوم بالليل وأنا نائم ولاّ أخير بجروحو ...القحه ولا صمة الجشم...
ود الماحي
الجكسي يا الخزين من غير دخان شلهتة سااااكت ..... و بعدين الدخان و غبار الطاحونة و غبار الدقيق ما بفطروا و لا شتين ..... و كان خايف على صيامك من التجريح قول لي رقم تلفونك كم و أول ما يأذن الفجرعندنا بعمل ليك مس كول و من ما يجيك المس كول أبدأ الصيام ( هو في أحسن من أنك تصوم بتوقيت مكة المكرمة ) و بي الطريقة دي و الله أعلم بتكون حافظت على 9 ساعات من الصيام سالمة تامة و الباقي تمو جككككككة ....
أها نسيت أقول ليك يا الخزين كان ما جاك الآبري باقي الساعات أت ماك مسعول منها و لا شتين ،،،، أت قول لي شن طعم الجلابية بدون عراقي و سروال طوووووويل !!!!!!!!!!
تخيرمة كعبة بالحيييييييييييل
ات يا ود الماحي اللبن الداير تجيلبو لينا في رمضان نعلوا ما لبن خواجيات
abu_ola
16-09-2006, 01:10 AM
كوفى رهيب جدا
لكن الظاهر ماعندنا نصيب فيه
لأن هناك أعلان يفيد بأن الدخول للأعضاء فقط ؟؟؟؟؟؟!!!!!!!
هو قالوا ليك العضوية بقروش يا ود صقير كدي املص نعلاتك و تعال لي داخل كل شئ فضلت خيرك بتلقاه عندنا و بعدين ما شاء الله جيت خاتم هلال رمضان من قدام و نورك ضوا البكان اها آآزول بمناسبة رمضان دي ما نتفق معاك تصلي بينا التراويح و لا عندك مشغوليات تانية !!!! بخصوص الصلاة دي نحن كلمنا الشريف الهندي بس لي يوم الليلة ما رد علينا و نحن قلنا أحسن نشوف لينا إمام من ضو المعني ود الماحي قال بجيب البروش و د حسن الله يجعل فوقو البركة ما قصر تب في مسعألة الأباريق دي و الفروة علي أنا دا ،،، بس ما باقي لينا إلا السواق
كدي أضرب خماسيك في سداسيك و رد علينا
Jamal Elmahi
16-09-2006, 04:58 AM
كوفى رهيب جدا
لكن الظاهر ماعندنا نصيب فيه
لأن هناك أعلان يفيد بأن الدخول للأعضاء فقط ؟؟؟؟؟؟!!!!!!!
حباب ود صقير
كان ما شالك الكوفي في عيونا بنشيلك..
أتا أأأبوي ماك عضو أتا سيد محل...
جمال الماحي
سوار الياسمين
16-09-2006, 05:15 AM
مساء الخير عليكم
بما انكم قررتو تشغلوني في الكوفي
فامبارح كنت بدرب على طبخ الاكل السوداني
اتخيلو عملتى شنو
ملاح ويكة حمر باللحمة الهبر والقراصة
حاجة كدا طلعت رهيبة والحلة نضفت زي الما طبختى فيها
والعجب القراصة حعملتى ديك يا القراصة الماخمج
وده كله بس لعيون الكوفي وناس الكوفي بالزات عمي الماحي
ارجوني في رمضان
Jamal Elmahi
16-09-2006, 05:18 AM
!!!!!!!!!!
تخيرمة كعبة بالحيييييييييييل
ات يا ود الماحي اللبن الداير تجيلبو لينا في رمضان نعلوا ما لبن خواجيات
مالك أأأعشاي داير تجرّج لي صيامي قبّال ما يبدأ...اللبن أأأبوي خشم بيوت شئ بي نكهة الفانيلا وشئ بي نكهة الفراوله وبالشكولاته ولاّ أخير ليكم لبن البقر...مرمي الله مابنرفع...لبن الخواجات عيبو بنقطع لما تسخنو ...علا بيني وبينك صحّي لما تشربو من حلاّبو لي شرّابو...أها أجيبو ولاّ أخليو بعد رمضان...اللهم أني عايز أصوم...
مشاققه...
مسعول من الخير ود حسن لقي ناس تلفزيون الجزيره ومن لقي أحبابو نسي أصحابو...غايتو قال ليك جكس صاح...المزيعه لما تسبل ليك عيوناتا تخلي قلبك يضرب زي الهبابه..بب بب بب بب بب بب..
جمال الماحي
نزار حسن محمد
16-09-2006, 05:19 AM
ودالماحى .. جهز اسعلتك ساكت أبوى..بعد مانزلت سوار الياسمين من الكرسى لا احرى ولاندره نط لينا.. عود الكتير..اقصد شجر الحميض ..فى الكرسى ..لكن يأااابوى حميض حلوه بالحيل احلى من الحمبوك..
كدى تعال بهناك وشوف المعلق فى الكرسى ده منوا... وبعدين ماانسى المذيعه بتاعت التلفزيون مصنقر للصباح تقراء بس فى كلام ود الماحى وتقول قرررررر بضحك.. اجازى محنك فى داعى لذكر جكسى الخوجات ديل... بجيكم بس النفضاء..ودحسن
abu_ola
16-09-2006, 05:20 AM
الله .... الله ... الله
يا سوار الياسمين
جبتيها على الجرح زي ما بقولوا
أنا بمووووت في القراصة و رمضان كله قراصة بالدمعة و اللحمة الهبر الكبار ... كبار
كان كدي انا صينيتك بحرسها من صلاة الضهر و ما بخليها لعمك و د الماحي براه
Jamal Elmahi
16-09-2006, 05:33 AM
مساء الخير عليكم
بما انكم قررتو تشغلوني في الكوفي
فامبارح كنت بدرب على طبخ الاكل السوداني
اتخيلو عملتى شنو
ملاح ويكة حمر باللحمة الهبر والقراصة
حاجة كدا طلعت رهيبة والحلة نضفت زي الما طبختى فيها
والعجب القراصة حعملتى ديك يا القراصة الماخمج
وده كله بس لعيون الكوفي وناس الكوفي بالزات عمي الماحي
ارجوني في رمضان
وأنا أشم في ريحة الكشنه من الشارع وهو تاريك دي أتي ياسوار الياسمين...لكن الكشنه ماعندكم ...ما تحرجيني وتقولي لي كشنه يعني شنو؟!!
رمضان كشنه يابت أمي ومن غير كشنه في رمضان بنكوفر وكان مابتعرفي الكشنه نادي سلوي ...سلوي أأأأي جات ما شامّه ريحة الابري والبصل المحمّر ...سلوي كشنتا جاهزه...ومدنيّه حتها حريفه كان ماتقوم تتحنكش علينا وتعملا لينا من غير بصل...أها العصايد كيف ياسوار؟
جمال الماحي
سوار الياسمين
16-09-2006, 05:38 AM
بس سؤال في الاول
كشنة يعني شنو :D :p
خخخخخخخخخ
والعصيدو من زمان ما عندي فيها عوجة
طلباتك اوامر
abu_ola
16-09-2006, 06:51 AM
اللبن أأأبوي خشم بيوت شئ بي نكهة الفانيلا وشئ بي نكهة الفراوله وبالشكولاته ولاّ أخير ليكم لبن البقر...مرمي الله مابنرفع...لبن الخواجات عيبو بنقطع لما تسخنو ...علا بيني وبينك صحّي لما تشربو من حلاّبو لي شرّابو...أها أجيبو ولاّ أخليو بعد رمضان...اللهم أني عايز أصوم...
ود الماحي آآخوي لبن الحبان ليهو فريقة ... جيب ساااكت آآخوي البتلقي قدامك كلو جيبو و كان لقيت لبن الطير جيبو معاك بس آآآخوي أختا لبن المرة المحبوسة و لا المرة الكبارية لانه بكون حامض و ما بنفع في السحور بسوي ليك أبو الشهيق المعني إلا تسويه روب ،،،، و كان نوعت لينا يبقي بارك الله فيك ترا من سنة حفروا البحر بنشرب في آبري السجم دا على الزرقة العلينا زادنا زرقة وكت الله لمانا فيك كدي زينة صلاة النبي النغير ساااكت في رمضان دا كان الواحد لونو يفتح ساااكت بس لبن البقر ما بنفع معايا آآآالخزين قالوا بسوي الإندراوة .
ما أوصيك كان لقيتني مافي يا عشاي اللبن شققو شرموط و شروو فوق رأس الكوفي عشان ما يقطع بس اعمل حسابك كان جات مطرة خلي سوار تطلع تنزل الصينية المعني اللبن دا كان صبت فوقو الأمطار المدارية دي ببقي مفعولو أقوي من اليورانيوم المخصب ....
abu_ola
16-09-2006, 07:02 AM
بس سؤال في الاول
كشنة يعني شنو :D :p
طلباتك اوامر
والله يا ود الماحي عندك بعد نظر ما شاء الله عليك و كان و من هذا المنبر ضم صوتي لصوت عمنا ود الماحي و من بكرة العصر بنفتح مدرسة محو الحنكشة
و هادي بعض المقررات المقترحة
تاريخ دخول الحنكشة في السودان
التراث و آثاره في بناء شخصية الفرد السوداني
أثر الحبوبات في تقويم سلوك الحنكوشات
الحنكشة من منظور أهل العوض
تعريب مصطلحات الحنشكة
مستقبل الصراع الفكري بين الحناكيش و الغبش
الإغتراب و أثاره في تغير معالم الشخصية
و كان لقيت أي كتاب آخر مفيد بضيفو للمقرر
ود الماحي آآخوي عندك مطلق الحق في التنقيح و تصحيح المقرر
أخونا ود حسن أها يا أخوي دورك جاء بالحيل و يا ها المحرية فيك
محمد حسين (المميز)
16-09-2006, 07:14 AM
ياخوانا البت دي بتجامل فيكم
سااااااااااااااااااااي
:rolleyes:
هي بتاعت بيتـــــــزا وسمبوكســــه
وسلطت الفواكه والبسبوسه;)
ماتحرجوها اكتر من كده:p
هههههههههههههههه
:D:D:D
*************
محمد حسين (المميز)
16-09-2006, 07:22 AM
والله يا ود الماحي عندك بعد نظر ما شاء الله عليك و كان و من هذا المنبر ضم صوتي لصوت عمنا ود الماحي و من بكرة العصر بنفتح مدرسة محو الحنكشة
و هادي بعض المقررات المقترحة
تاريخ دخول الحنكشة في السودان
التراث و آثاره في بناء شخصية الفرد السوداني
أثر الحبوبات في تقويم سلوك الحنكوشات
الحنكشة من منظور أهل العوض
تعريب مصطلحات الحنشكة
مستقبل الصراع الفكري بين الحناكيش و الغبش
الإغتراب و أثاره في تغير معالم الشخصية
و كان لقيت أي كتاب آخر مفيد بضيفو للمقرر
ود الماحي آآخوي عندك مطلق الحق في التنقيح و تصحيح المقرر
أخونا ود حسن أها يا أخوي دورك جاء بالحيل و يا ها المحرية فيك
كمان ازيد على كلامك لو سمحت لي اخوي ابوعلا
يستضيفو لينا وحده كمان في الحنكشه زاااااااااااتها
حنكوووووووووووووووشه ;)
عشان من خلال استفساراتها واسئلتها يستفيدو
حناكيشنا الطيبين :D
وكمان ده كلللللللللللللللللله يكون منقول فقــــــط وحصريا
عبر الكوفي شــــــوب ;)
:D :D :D
*************
محمد حسين (المميز)
16-09-2006, 07:40 AM
www.OzQ8.Com Bhebak Ana Kteer
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir