موضوع للنقاش : هل نتقبل ماضي شريك حياتنا؟؟؟

[خالد هاشم علي]

أخوتي بالمنتديات لكم التحية....
قبل كم يوم كده إستضاف أحد البرامج بقناة النيل الأزرق أحد أخصائيي النساء والتوليد بالسودان وتحدث بإسهاب عن بعض المشاكل التي تعترض النساء والبنات بصفة عامة...
وهي خوفهم المستمر من ألا يتقبل شريك حياتهم الماضي العاطفي ... بمعني أنه لا يتقبل التجارب السابقة لشريكة حياته....
ولا يحب التحدث عنها ولذلك كانت نسبة 99% منهم تصر علي أن تخفي تجاربها السابقة عن شريك حياتها .. لانها وعلي حد تعبيرهم لن يرضي وسينسحب من حياتها حتي لو كانت التجربة في قمة البراءة...
وفي نفس الوقت تجد الشاب لا يجد حرجاً من التحدث عن تجاربه العاطفية السابقة بل أن بعضهم يفتخر بكثرة تجاربه..

سؤالي....:
هل تقبل أن تتحدث معك شريكة حياتك سواء الحالية أو المستقبلية عن تجاربها العاطفية السابقة؟؟؟؟؟؟؟؟؟؟ ولماذا؟؟؟
وكذلك سؤال للجنس اللطيف..:
ماذا يحدث لو حاولتي إخفاء تجاربك العاطفية السابقة عن شريك حياتك وأكتشف هو بنفسه ذلك الماضي الذي كنت تخفينه؟؟؟؟ أليس من الأفيد الصراحة؟؟؟ حتي ولو أدت لفقدان هذا الشريك؟؟؟وهل ستقومين بمصارحته من البداية أم تتركي الأمر للظروف عسي ولعل أن يمر بسلام؟؟؟؟؟؟؟؟؟؟؟

[مدنيّة]

وهي خوفهم المستمر من ألا يتقبل شريك حياتهم الماضي العاطفي ... بمعني أنه لا يتقبل التجارب السابقة لشريكة حياته....
ولا يحب التحدث عنها ولذلك كانت نسبة 99% منهم تصر علي أن تخفي تجاربها السابقة عن شريك حياتها .. لانها وعلي حد تعبيرهم لن يرضي وسينسحب من حياتها حتي لو كانت التجربة في قمة البراءة...
وفي نفس الوقت تجد الشاب لا يجد حرجاً من التحدث عن تجاربه العاطفية السابقة بل أن بعضهم يفتخر بكثرة تجاربه..


لية ؟؟؟؟؟؟؟؟ مع انه في الاسلام لا يوجد فرق بين رجل وامراة كلهم سواء لكننا في العالم العربي لا نوجد صلة بين البت والولد الولد ولد يعمل العايزه مافي اي زول بيساله وبالعكس لو حصل وضبط متلبسا من قبل الاب -او الام- يضحك في سره ويقول ولدي كبر وبقي راااجل !!!! كانما الرجولة تعني مايفعله الولد في الخفاء
سؤالي....:
هل تقبل أن تتحدث معك شريكة حياتك سواء الحالية أو المستقبلية عن تجاربها العاطفية السابقة؟؟؟؟؟؟؟؟؟؟ ولماذا؟؟؟

المفروض نتقبله لانه حاجة حصلت ومن باب الامانة المفروض الشريك الاخر يعرف الماضي وبعدين يحكم ويقرر اذا كان ح يستمر او لا وكذلك سؤال للجنس اللطيف..:
ماذا يحدث لو حاولتي إخفاء تجاربك العاطفية السابقة عن شريك حياتك وأكتشف هو بنفسه ذلك الماضي الذي كنت تخفينه؟؟؟؟ أليس من الأفيد الصراحة؟؟؟ حتي ولو أدت لفقدان هذا الشريك؟؟؟وهل ستقومين بمصارحته من البداية أم تتركي الأمر للظروف عسي ولعل أن يمر بسلام؟؟؟؟؟؟؟؟؟؟

من المفترض ان لا يخفي هذا الامر كما اوضحت اعلاه

[نزار حسن محمد]

اخى خالد.. والله موضوعك .. قوى وذى ماقلت نسبة 99% تحب ان تخفى عن شريك حياتها الماضى اما بنسبه للرجال ... العكس تماما
طيب .. ياخالد.. تعال نحلل الموضوع .. اولا نحن السودانين تحديدا ... قلوب مفتوحه .. يعنى كدى بالدارجى الشمارات ..بتصل خارج الحدود.. ومافى حاجه بتدسه... طيب بالنسبه للنساء انا مع عدم البوح بماضيها لى شريك حياتها.. وراجع ذلك لتركيبة الرجل السودانى الغيور بزياده.. وكذلك بالنسبه للرجال عليه ان يحترم مشاعر شريكة حياته. ولا يخوض بالتفاصيل الدقيقه عن ماضيه.
والموضوع ياخالد شائك فعلا .. وياريت نسمع اراء بقية الاعضاء..

[zoolfrda]

الموضوع شائك ومتشعب وبيزداد تشعب مع الأيام والسنين

والصراحة راحة واحسن من صدمة كشف المستور بعد العشرة الطويلة

[خالد هاشم علي]

مدنية....
مشكورة علي مرورك الباهي وكنت بتمني وأنا بكتب في البوست إنو أول مداخلة تكون من الجنس اللطيف لأنهم متضررين بصورة كبيرة من الموضوع... وفعلاً جات مداخلتك التي اسعدتني...
تسلمي....

[خالد هاشم علي]

ود حسن...
لك التحية والتقدير...
فعلاُ يانزار الموضوع شائك ويحتاج للتحليل وسماع المزيد المزيد من الآراء....
مشور ياحبيب علي المداخلة....

[خالد هاشم علي]

الغالي الزول الفردة...
مشكور علي المداخلة...
لكن وبكل صراحة هسة إنت لو مشيت تعرس وإخترت شريكة حياتك وإتفقتوا علي كل حاجة ولقيتها مناسبة ليك وحبيتها من جوة قلبك ... قامت قالت ليك ياخي أنا كان عندي علاقة مع فلان....
رد فعلك حيكون شنو؟؟؟؟؟؟؟؟؟
هل حتعتبر الموضوع عادي وإنو ماضي وخلاص راح بكل تفاصيله؟؟؟؟
ولا ماحتتقبل الموضوع؟؟؟؟؟؟؟؟؟
سؤال للجميع؟؟؟؟؟؟؟؟؟
الصراحة مطلوبة عشان نصل لي حل

[نور العيون]

و الله يا أخ هاشم تشكر على طرح هذا الموضوع الرائع و الشائك و هو لا بد من تقبلكلا الشريكين من ماضي الشريك الاخر بدلا من اخفائهملماضيهم و بعد فتره يكتشف انه كان هناك ماضي و تصبح مشاكل مما يؤدي الى الطلاق و غيره و كما ان للرجل ماضي كذلكيوجد ماضي للمراه و هذا في رايي لا بد من تقبل كل شريك للطرف الآخر كما هو بدلا من ان يفاجأ من وجود ازعمات تعرقل مسيره حياته التي بداها و بما انهم سيصبحون شريكين لا بد من وجود الصراحه و الا لن تسير الحياه الى الأمام

[محمد حسين (المميز)]

الأستاذ خالد
الأخوه الأعضاء
واللـــــــه لو جينا نتحاور في الموضوع عشان نلقى حل
انا متأكد ماممكن حنتفق على رأي واحد
لأنه الموضوع صعب خااالص وخصوصا للبنوتات السكرات
ليه؟؟؟
لأنه في مجتمعنا السوداني بالتحديد عيــــــب ثم عيــــــــب
رغم انه الجميع يعلم وبنسبة تقديريه من وجهة نظري 70%
من البنات وخصوصا في المدن الكبرى وخصوصا في الفتره الجامعيه
انه بتنشأ علاقات متنوعه بين الجنسين واغلبها بتنتهي بالفشل وليس بالزواج
فالموضوع طويل والآراء فيهو بتختلف.
الشاب ممكن يحكي عن بعض العلاقات الغراميه لشريكة حياته ولكن
بعناوين فقط وليس تفاصيل
البنت ممكن تقول كانت في علاقة استلطاف بدون اي تفكير في الحب < ودي تعتبر جريئه> رغم انها ممكن تكون دي مالحقيقه في الكلام حقها
والنوع التاني بينفي نهائي طبعا وده من الخوف لأي ردة فعل من الطرف التاني.
لكن انا متأكد انه اي شاب يقدر يعرف من اسلوب الانسانه اللي هو ارتبط بيها او عاوز يرتبط بيها
انه هل سبق ليها حبت قبله ولا لأ؟؟.
عشـــــــــــان كده الصـــــــــــــراحه راحـــــــــــــــــــه

[خالد عبدالماجد]

الأخ خالد
بإعتقادي من أول الأشياء لجعل الحياة الزوجية مستقرة أن يصل الزوجان لمرحلة الصراحة الكاملة في كل مايتعلق بحياتهما وخفاياها ..
فكيف لي أن أتعايش مع أنسان يحاول أخفاء كثير من الأشياء عني ويعمل جاهداً على مداراتها ، لأمشكلة البتة في أن تكون للزوجين علاقات عاطفية ماضية أو غيرها من الأشياء التي يخشان أظهارها لكن المشكلة الحقيقية في محاولة أخفائها فعند علم أحد الزوجان بما أخفاه عنه الآخر ربما يحس بالغضب ...
كدي بيني وبينك ياخالد الزمن ده نسبة المتزوجين الذين لم يخوضوا أي تجارب عاطفية سابقة للزواج كم ؟

[امل حياتى]

تحية طيبة اخوى خالد انا من ناحية نظرى اول شىء اى واحد فى مجتمعنا السودانى اذا اراد الارتباط لابد ان من المصارحة للعلاقات السابقة وذلك لتعزيز الحب الجديد ونسيان الماضى لن المصارحة بالعلاقات السابقة تأكد ان الحب القديم قد انتهى وتهيئة لحب شريك الحياة الجديد اما اذا اخفى كلا من الطرفين ماضية وبعد ذلك اكتشف ما بعد الزواج هذا يؤدى الى الشكك بأنه مازالت العلاقة بالحب الاول وبتالى يؤدى الى الشكك والظنون وعدم الثقة وهذه تلقائيا" تؤدى دمير الحياة الزوجية

اما اذا اخفت الفتاة فى بداية علاقتهما مع بعض والتى انتهت بالزواج او العكس هو الصحيح وبعد ذلك تكتشف العلاقات السابقة من قبل صديق او كلام من صديقة او بوجه العموم من الاقارب او الاهل تبقى مشكلة كبيرة كيف تكون شريكة حياتك وهى تخفى عنك اهم الاشياء وانت كذلك وفى نهاية المطاف كما ذكرت سابقا" تكتشف من صديق او صديقة

اما فى حالة الصراحة بين الزوجين مع بعض بالماضى واذا سمع احد منهم بأن فلان كان عنده علاقة مع فلانة بالتالى بيكون شىء عادى عنده او عندها لان سبق التفاهم والصراحة بالعلاقات السابقة

اما اذا حصل العكس نفترض انها عندها علاقة مع فلان ولم توضح لى وفى الاخر اكتشفت انها كانت عندها علاقة مع فلان اولا" بهرب من مصارحتها او اظهار هذه العلاقة السابقة لانها انتهت وفى نفس الوقت داخل دواخلك بتكون مولع نار ودائما" تشك بها مثلا اذا رن موبايلها اول شىء يتبادر الى ذهنك انو ده الحبيب الاول وبالتالى تجد نفسك ان استحاله العيش معها وفى نفس الوقت تكون هى بريئة وانهت علاقتها تماما" بالعلاقة السابقة بمجرد الارتباط بك والعكس هو الصحيح

مشكور اخوى خالد على الموضوع الجيد ومبروك الترقية الجديدة

[تومى]

اخ خالد والله الموضوع حقيقى وواقعى رغم ده الناس ماقاعدة تناقشو لانه كل واحد من الرجال بتمنى هو يكون الرجل الاول فى حياة البنت الهو ارتبط بيها . بس انا فى اعتقادى انو الوضوح والصراحة اساس اى علاقة انسانية ناجحة ورغم صعوبة تقبل ذلك لكنه فى نفس الوقت يعطيك احساس بالارتياح لان الطرف الآخر تخلى عن حياة كاملة قبل ارتباطه بك واختارك ليكمل معك مشوار حياة طويل يعنى مشوار باقى العمر .
بس فى حاجة بسيطة ومهمة فى نفس الوقت ظروف الاعتراف بوجود علاقة سابقة يعنى كان تحت طلب منك ولا لانه الزول قريب ليك ومصيرك تعرفو علشان كدة الاحسن توريك لانك حتعرف حتعرف ولا من باب الصدق والاحساس بانه من حقك وواجب عليها ان تلم بكل تفاصيل حياتها .
هذا فى اعتقادى وقد أصيب وقد أخطى ولكن هناك كثير من المؤشرات التى تقود تفكيرك لتقبل الامر او رفضه.واحياناً للحدس دور فى القناعات .
بس ياخالد هاشم الموضوع حقيقى صعب وحساس

[أبوبكرحامد]

فى البدء لك التحية خالد على طرح مثل هذه المواضيع التى تسهم فى تشكيل رؤانا حول العديد من القضايا ، وبذلك يسهم المنتدى فى بلورة الآراء والمفاهيم عبر مختلف الرؤى والتجارب ، أنا أؤيد بشدة ضرورة مصارحة كلا الطرفين عن شكل العلاقة السابقة ، مع التأكيد أن مايهمنى هو الحاضر والمستقبل دون نبش الماضى ، وعن نفسى فقد ملكت زوجتى كافة تفاصيل حياتى حتى تكون على بينة ، غير أن المصارحة تعتمد فى المقام الأول على طرفى العلاقة ، فمن خلال معايشتك للطرف الآخر يمكنك الوصول لمدى تقبله لتجاربك السابقة ، فإن كان الشخص من النوع المتزمت فلا داعى لمصارحته ، نظراً للنتائج العكسية المتوقعة من ردة فعله ، بينما هنالك شخص متفهم يمكنه استيعاب تجارب الطرف الآخر باعتبارها ماضياً ، والمصارحة هى دليل على صيرورة العلاقات السابقة من الماضى ، كما تدعم ثقة كلا الطرفين ببعضهما البعض .

[خالد هاشم علي]

و الله يا أخ هاشم تشكر على طرح هذا الموضوع الرائع و الشائك و هو لا بد من تقبلكلا الشريكين من ماضي الشريك الاخر بدلا من اخفائهملماضيهم و بعد فتره يكتشف انه كان هناك ماضي و تصبح مشاكل مما يؤدي الى الطلاق و غيره و كما ان للرجل ماضي كذلكيوجد ماضي للمراه و هذا في رايي لا بد من تقبل كل شريك للطرف الآخر كما هو بدلا من ان يفاجأ من وجود ازعمات تعرقل مسيره حياته التي بداها و بما انهم سيصبحون شريكين لا بد من وجود الصراحه و الا لن تسير الحياه الى الأمام

أنا معاك في كل كلمة يانور العيون لكن ...والله من الناحية النظرية فقط لأنو مافيهو حاجة مطبقة علي أرض الواقع و مثبت بالدراسات عدم تقبل الرجل لماضي شريكة حياته، عشان كده البنت بتحاول إخفاء المعلومات في إعتقاد منها إنها ستحافظ علي الشريك. وده زي ماقلت إعتقاد خاطيء لأنو الشريك لو عرف أي معلومة عن طريق آخر غير الشريكة ستكون العواقب وخيمة... وحيقول لو مافي حاجة في قلبها لسة من الماضي كانت حكت لي وصارحتني.
يعني تصارحو وووووووووووب يعرف من بره ووووووووووووووووبين.
تسلم علي المشاركة الرائعة..

[خالد هاشم علي]

الأستاذ خالد
الأخوه الأعضاء
واللـــــــه لو جينا نتحاور في الموضوع عشان نلقى حل
انا متأكد ماممكن حنتفق على رأي واحد
لأنه الموضوع صعب خااالص وخصوصا للبنوتات السكرات
ليه؟؟؟
لأنه في مجتمعنا السوداني بالتحديد عيــــــب ثم عيــــــــب
رغم انه الجميع يعلم وبنسبة تقديريه من وجهة نظري 70%
من البنات وخصوصا في المدن الكبرى وخصوصا في الفتره الجامعيه
انه بتنشأ علاقات متنوعه بين الجنسين واغلبها بتنتهي بالفشل وليس بالزواج
فالموضوع طويل والآراء فيهو بتختلف.
الشاب ممكن يحكي عن بعض العلاقات الغراميه لشريكة حياته ولكن
بعناوين فقط وليس تفاصيل
البنت ممكن تقول كانت في علاقة استلطاف بدون اي تفكير في الحب < ودي تعتبر جريئه> رغم انها ممكن تكون دي مالحقيقه في الكلام حقها
والنوع التاني بينفي نهائي طبعا وده من الخوف لأي ردة فعل من الطرف التاني.
لكن انا متأكد انه اي شاب يقدر يعرف من اسلوب الانسانه اللي هو ارتبط بيها او عاوز يرتبط بيها
انه هل سبق ليها حبت قبله ولا لأ؟؟.
عشـــــــــــان كده الصـــــــــــــراحه راحـــــــــــــــــــه

الغالي المميز دوماً...
اول حاجة مشكور علي المشاركة... تاني حاجة إنت أثرت حته مهمة جداً.... وهي نسبة الأنفتاح والتطور من كل النواحي مما يجعل إحتمالات أن تكون لشريكة الحياة تجارب سابقة إحتمال وارد وبنسبة كبيرة.
طيب ياخوانا طالما إنو في إحتمال كبير زي ده ليه البحث عن الماضي والسؤال عنه؟؟؟؟ ليه ندخل من أساسه في حته ضيقة زي دي ... ونخت شريكة حياتنا في زنقة وزرزرة ومن جوانا بنكون عارفين وبنسبة كبيرة إنو إحتمال كبير تكون مرت بي تجربة سابقة... والمشكلة أنو شريكة حياتك لمن تسألها بتكون من جواك بتتمني إنو مايكون عندهاتجربة لأشياء في نفس الرجل الشرقي... ولو قالت ليك إنت أول شخص في حياتها برضه حتقول معقووووووول مشت المدارس ومشت الجامعة ولا غيره وماجربت معقولة بس.
ولا شنو؟؟؟؟؟؟؟
مزيد من الأراء

[خالد هاشم علي]

الأخ خالد
بإعتقادي من أول الأشياء لجعل الحياة الزوجية مستقرة أن يصل الزوجان لمرحلة الصراحة الكاملة في كل مايتعلق بحياتهما وخفاياها ..
فكيف لي أن أتعايش مع أنسان يحاول أخفاء كثير من الأشياء عني ويعمل جاهداً على مداراتها ، لأمشكلة البتة في أن تكون للزوجين علاقات عاطفية ماضية أو غيرها من الأشياء التي يخشان أظهارها لكن المشكلة الحقيقية في محاولة أخفائها فعند علم أحد الزوجان بما أخفاه عنه الآخر ربما يحس بالغضب ...
كدي بيني وبينك ياخالد الزمن ده نسبة المتزوجين الذين لم يخوضوا أي تجارب عاطفية سابقة للزواج كم ؟

الرائع والصديق خالد كسلا...
أنا بتفق معاك كتير لكن ياخالد بيني وبينك حتقبل شريكة حياتك تكون عندها تجارب سابقة ؟؟؟؟ وبالمناسبة في حاجة غريبة جداً في الموضوع...
ممكن تكون إنت بتعرف شريكة حياتك دي من بدري ( تكون زميلتك ولا قريبتك ولا بت جيرانكم ) وتكون عارف إنو عندها تجربة في حياتها قبل إرتباطك بيها... في الحالة دي معظم الشباب ماعندهم مشكلة في الحاجة دي ... مش كده؟؟؟ يعني تكون زميلها في الجامعة وتكون هي مجكسة واحد زميلكم.. بعد فترة يجمع بينكم الحب وترتبط بيها ومافي أي مشكلة في الحاجة دي والشواهد كثيرة.
لكن لو كان عندها تجربة وإنت ماعندك فكرة عنها لأي سبب من الأسباب مثل عدم المعرفة السابقة وخلافة وتسألها وتحكي ليك معظم الشباب ماحيقبلوا بالموضوع وإحتمال كبير يكب الزوقة ولا يعمل مشكلة لي رب السماء..
طيب ليه؟؟؟؟يعني لو كانت العلاقة قدام عينك اوكي مافي مشكلة ... لكن لو ماعندك عنها فكرة تحصل مشكلة...
والله دي مشكلة ذاتها...

[السلامى]

لو قلت لك أخى خالد بان زوجتى كنت أعرف ماضيها بكل تفاصيله هل تصدقنى ......... لان فهمى عكس جميع الاصدقاء أو معظمهم الذين ردوا على الموضوع وفهمى هو أفضل شئ أن تعرف ماضيها بتفاصيله الممله خيرا من أن يخبرك به أحد خصوصا لو فعلا لها ماضى عاطفى ثم ثانيا أخى فى أعتقادى الحب والعاطفة والحياة الزوجية أذا لم تكن مبنية على الصراحة لاأظنها سوف تستمر العلاقة كثيرا لان أخفاء الحقيقة صعب فى زمن يكثر فيه القيل والقال

[خالد هاشم علي]

[QUOTE=امل حياتى]تحية طيبة اخوى خالد انا من ناحية نظرى اول شىء اى واحد فى مجتمعنا السودانى اذا اراد الارتباط لابد ان من المصارحة للعلاقات السابقة وذلك لتعزيز الحب الجديد ونسيان الماضى لن المصارحة بالعلاقات السابقة تأكد ان الحب القديم قد انتهى وتهيئة لحب شريك الحياة الجديد اما اذا اخفى كلا من الطرفين ماضية وبعد ذلك اكتشف ما بعد الزواج هذا يؤدى الى الشكك بأنه مازالت العلاقة بالحب الاول وبتالى يؤدى الى الشكك والظنون وعدم الثقة وهذه تلقائيا" تؤدى دمير الحياة الزوجية

اما اذا اخفت الفتاة فى بداية علاقتهما مع بعض والتى انتهت بالزواج او العكس هو الصحيح وبعد ذلك تكتشف العلاقات السابقة من قبل صديق او كلام من صديقة او بوجه العموم من الاقارب او الاهل تبقى مشكلة كبيرة كيف تكون شريكة حياتك وهى تخفى عنك اهم الاشياء وانت كذلك وفى نهاية المطاف كما ذكرت سابقا" تكتشف من صديق او صديقة

اما فى حالة الصراحة بين الزوجين مع بعض بالماضى واذا سمع احد منهم بأن فلان كان عنده علاقة مع فلانة بالتالى بيكون شىء عادى عنده او عندها لان سبق التفاهم والصراحة بالعلاقات السابقة

اما اذا حصل العكس نفترض انها عندها علاقة مع فلان ولم توضح لى وفى الاخر اكتشفت انها كانت عندها علاقة مع فلان اولا" بهرب من مصارحتها او اظهار هذه العلاقة السابقة لانها انتهت وفى نفس الوقت داخل دواخلك بتكون مولع نار ودائما" تشك بها مثلا اذا رن موبايلها اول شىء يتبادر الى ذهنك انو ده الحبيب الاول وبالتالى تجد نفسك ان استحاله العيش معها وفى نفس الوقت تكون هى بريئة وانهت علاقتها تماما" بالعلاقة السابقة بمجرد الارتباط بك والعكس هو الصحيح
مشكور اخوى خالد على الموضوع الجيد ومبروك الترقية الجديدة....

كلامك مليون المية... عشان كده أنا قلت مافي داعي من أساسه لفتح مواضيع زي دي والواحد يكتفي بأن الماضي ماضي وخلاص ولي.
ولو إضطريت لفتح مواضيع زي دي تكون عقلاني بمافيه الكفاية وعندك القابلية للتسامح... ولا شنو؟؟؟

[sayeda]

الاخ خالد التحية لك ولحوارك الناجح وأأمل ان يستفيد الجميع منه لانه حقيقي موضوع ما ساهل وهو في غاية الاهمية وانا عن راي الشخخصي بفتكر انو الصراحة اهم شيئ في بناء العلاقة الزوجية وقد زكر كثير من الاخوة انو لازم البنت تصارح بماضيها عشان ما يعرفوا من بره او تجيهوا كمعلومة من الاهل او الاقارب انا بفتكر انها تصارحو لكن ما عشان حيعرف من بره لانو ممكن ما يعرف طول عمرة بس تصارحو لانو من حقو يعرف ماضيها بكل تفاصيلة ومفترض هو يحترم تجاربها لانها انسانة اولا واخيرا وما ننسى انو ده اسمه الماضي الزي لا يعاد . طبعا انا بفتكر ده المفروض يحصل لكن المفروض شيئ والواقع شيئ اخر مع احترامي لأراء الاخوة لكن حقيقي الرجل السوداني بيتكلم خلاف ما يبطن وانا متاكدة انو 99,5% يفضلون من ليس لها تجارب قبل الزواج

[خالد هاشم علي]

اخ خالد والله الموضوع حقيقى وواقعى رغم ده الناس ماقاعدة تناقشو لانه كل واحد من الرجال بتمنى هو يكون الرجل الاول فى حياة البنت الهو ارتبط بيها . بس انا فى اعتقادى انو الوضوح والصراحة اساس اى علاقة انسانية ناجحة ورغم صعوبة تقبل ذلك لكنه فى نفس الوقت يعطيك احساس بالارتياح لان الطرف الآخر تخلى عن حياة كاملة قبل ارتباطه بك واختارك ليكمل معك مشوار حياة طويل يعنى مشوار باقى العمر .
بس فى حاجة بسيطة ومهمة فى نفس الوقت ظروف الاعتراف بوجود علاقة سابقة يعنى كان تحت طلب منك ولا لانه الزول قريب ليك ومصيرك تعرفو علشان كدة الاحسن توريك لانك حتعرف حتعرف ولا من باب الصدق والاحساس بانه من حقك وواجب عليها ان تلم بكل تفاصيل حياتها .
هذا فى اعتقادى وقد أصيب وقد أخطى ولكن هناك كثير من المؤشرات التى تقود تفكيرك لتقبل الامر او رفضه.واحياناً للحدس دور فى القناعات .
بس ياخالد هاشم الموضوع حقيقى صعب وحساس

الغالي مرتضي التوم...
أول حاجة مليون مرحب بيك في البوست ومشكور علي المشاركة القيمة دي.... وإنت اثرت حاجة مهمة وهي ( ظروف الإعتراف) بوجود علاقة سابقة وهل تم الإعتراف بعد طلب منك ولا خوفاً من معرفة الحقيقة لقرب الشخص منك...
في إعتقادي لو الشريك طلب منها معرفة الماضي فهي لازم تجاوب بكل صراحة وثقة في نفسها دون أي خوف ( موت موت حياة حياة) ولو ماطلب منها الشريك أن تتحدث عن ماضيها فأنا بشوف مافي داعي هي تطوع للمهمة دي... لأنو طالما الشريك لم يسأل عن الماضي فمعني ذلك أن الماضي لا يهمه من قريب ولا من بعيد... لكن لو طرح الشريك السؤال عن الماضي فهنا لابد من الحقيقة وفي إخفائها جريمة لا تغتفر لانه لو عرف في يوم من الأيام أنها كذبت عليه فسينهار كل شيء.
ولا شنو ؟؟؟؟

[تومى]

في إعتقادي لو الشريك طلب منها معرفة الماضي فهي لازم تجاوب بكل صراحة وثقة في نفسها دون أي خوف ( موت موت حياة حياة) ولو ماطلب منها الشريك أن تتحدث عن ماضيها فأنا بشوف مافي داعي هي تطوع للمهمة دي... لأنو طالما الشريك لم يسأل عن الماضي فمعني ذلك أن الماضي لا يهمه من قريب ولا من بعيد... لكن لو طرح الشريك السؤال عن الماضي فهنا لابد من الحقيقة وفي إخفائها جريمة لا تغتفر لانه لو عرف في يوم من الأيام أنها كذبت عليه فسينهار كل شيء.
ولا شنو ؟؟؟؟


والله ياأخ خالد كلامك مظبوط بس لنل كنت بقصد انو ماضرورى انو الشخص يسأل لانه ممكن يكون ماعلى بالو السؤال بس الظروف ترمى فى طريقه معلومه او كلام فالافضل انو هى تقول كل حاجة عنها بدون اى طلب لانه ده معناه قمة الوضوح والصدق ورغبة حقيقية لنسيان الماضى وده طبعاً ليه تقييم حسب الموقف .
ولك الود أخ خالد وبرضو الموضوع صعب شديد

[خالد هاشم علي]

فى البدء لك التحية خالد على طرح مثل هذه المواضيع التى تسهم فى تشكيل رؤانا حول العديد من القضايا ، وبذلك يسهم المنتدى فى بلورة الآراء والمفاهيم عبر مختلف الرؤى والتجارب ، أنا أؤيد بشدة ضرورة مصارحة كلا الطرفين عن شكل العلاقة السابقة ، مع التأكيد أن مايهمنى هو الحاضر والمستقبل دون نبش الماضى ، وعن نفسى فقد ملكت زوجتى كافة تفاصيل حياتى حتى تكون على بينة ، غير أن المصارحة تعتمد فى المقام الأول على طرفى العلاقة ، فمن خلال معايشتك للطرف الآخر يمكنك الوصول لمدى تقبله لتجاربك السابقة ، فإن كان الشخص من النوع المتزمت فلا داعى لمصارحته ، نظراً للنتائج العكسية المتوقعة من ردة فعله ، بينما هنالك شخص متفهم يمكنه استيعاب تجارب الطرف الآخر باعتبارها ماضياً ، والمصارحة هى دليل على صيرورة العلاقات السابقة من الماضى ، كما تدعم ثقة كلا الطرفين ببعضهما البعض .

الغالي ود المأذون...
تسلم ياحبيب علي مشاركتك التي اعتز بها...وإنت قلت إنو زوجتك ملكت كل تفاصيل حياتك ... طيب لو هي ملكتك كل تفاصيل حياتها وكان من ضمنها تجربة غرامية ... كيف يكون الحال؟؟؟؟ هل حيكون عادي بإعتبار إن الماضي خلاص ولي إلي غير عودة؟؟؟ ولا حتنتصر جواك طبيعة الرجل الشرقي الذي لا يجد حرج في الإعتراف بماضيه ولا يتقبل ماضي شريكة حياته...
ذكرت في حديثك ياأبوبكر أن المصارحة تعتمد علي طرفي العلاقة وأنه إذا إتضح أن أحد الأطراف من النوع المتزمت فلا داعي لمصارحته... خوفاً من النتائج العكسية .. وبالفعل ده الواقع الذي ذكرنه معظم الفتيات اللأئي شملتهن الدراسة.. ذكرن بأن السبب في إخفاء الماضي هو الخوف من خسارة الشريك.... لكن ياأبوبكر في إعتقادي أن الموضوع يختلف في حالة أن الشريك سأل شريكة حياته سؤال مباشر عن الماضي... فإذا أخت الحقيقة تكون قد كذبت ومابني علي الكذب وأساسه الكذب فالإنفصال أكرم منه بمليون مرة.
أما إذا لم يسأل الشريك وكما ذكرت في ردي علي الأخ مرتضي التوم ... ذكرت أنه لا داعي لأن تتبني الفتاة الإعتراف إلا إذا طلب منها شريكها ذلك.. لأنو وبكل أمانه إحتمال إنتهاء العلاقة وارد وبنسبة كبيرة...
لكن والله أحسن من الصراحة مافي حتي ولو كان الثمن فادح.
تسلم علي المرور.

[خالد هاشم علي]

لو قلت لك أخى خالد بان زوجتى كنت أعرف ماضيها بكل تفاصيله هل تصدقنى ......... لان فهمى عكس جميع الاصدقاء أو معظمهم الذين ردوا على الموضوع وفهمى هو أفضل شئ أن تعرف ماضيها بتفاصيله الممله خيرا من أن يخبرك به أحد خصوصا لو فعلا لها ماضى عاطفى ثم ثانيا أخى فى أعتقادى الحب والعاطفة والحياة الزوجية أذا لم تكن مبنية على الصراحة لاأظنها سوف تستمر العلاقة كثيرا لان أخفاء الحقيقة صعب فى زمن يكثر فيه القيل والقال


الرائع السلامي...
والله أحييك من جوة قلبي وصدقني لو قلت ليك دي حاجة نادرة شديد وتقبلك للماضي كما هو ... اروع من رائع لانو والله الدنيا دي ضيقة شديد والمستخبي مصيره يبان وفي الحالة دي تكون العواقب وخيمة لكن إذا تملك الشريك تفاصيل الماضي فما أعتقد يكون في مشكلة وهي مخاطرة من شؤيكة الحياة... تجرب المصارحة ...يانفعت وإرتاحت من الهم الكامن في صدرها وأمورها مشت تمام التمام ... ولا كمان الأمور جاطت وفي الحالة دي تكون برضه هي كسبانه لانها حاولت تبني اساس حياتها علي الصراحة.
التحية ليك...
بس عندي سؤال:
هل عرفت ماضي زوجتك لأنك كنت قريب منها ومعايش كل التفاصيل ؟؟؟ ولا سألتها وهي حكت ليك ؟؟؟ ولا هي حكت ليك من نفسها؟؟؟
لأنو الأوضاع تختلف من حالة لأخري...
أتمني ليك حياة زوجية سعيدة وبالمناسبة أنا في نهاية البوست ده ح اتكلم عن تجربتي الشخصية في هذا الموضوع بس في النهااااااااااااية.
سلمت ياباشا.

[خالد هاشم علي]

الاخ خالد التحية لك ولحوارك الناجح وأأمل ان يستفيد الجميع منه لانه حقيقي موضوع ما ساهل وهو في غاية الاهمية وانا عن راي الشخخصي بفتكر انو الصراحة اهم شيئ في بناء العلاقة الزوجية وقد زكر كثير من الاخوة انو لازم البنت تصارح بماضيها عشان ما يعرفوا من بره او تجيهوا كمعلومة من الاهل او الاقارب انا بفتكر انها تصارحو لكن ما عشان حيعرف من بره لانو ممكن ما يعرف طول عمرة بس تصارحو لانو من حقو يعرف ماضيها بكل تفاصيلة ومفترض هو يحترم تجاربها لانها انسانة اولا واخيرا وما ننسى انو ده اسمه الماضي الزي لا يعاد . طبعا انا بفتكر ده المفروض يحصل لكن المفروض شيئ والواقع شيئ اخر مع احترامي لأراء الاخوة لكن حقيقي الرجل السوداني بيتكلم خلاف ما يبطن وانا متاكدة
نو 99,5% يفضلون من ليس لها تجارب قبل الزواج



سيدة وجمالها فريد.... ومشاركتها ذاتها فريدة...
كان مهم جداً اشوف أراء الطرف المتضرر بصفة كبيرة وهن النساء... وفعلا قلت الحقيقة إنو الرجل السوداني يفضل من ليس لها تجارب... وفي إعتقادي بأنه يدفن رأسه في الرمال زي النعامة... لأنو إحتمال ضعيييييييييييييف تجد فتاة ماعندها تجربة عاطفية...
طيب عندي ليك سؤال ياسيدة..
هل بتفضلي إنو البنت تتبني المصارحة حتي لو لم يسألها الشريك؟؟؟ ولا تنتظر لغاية مايسأل؟؟؟؟
مشاركتك تاني وتالت ورابع مهمة فلا تبخلي بها.

[خالد هاشم علي]

والله ياأخ خالد كلامك مظبوط بس لنل كنت بقصد انو ماضرورى انو الشخص يسأل لانه ممكن يكون ماعلى بالو السؤال بس الظروف ترمى فى طريقه معلومه او كلام فالافضل انو هى تقول كل حاجة عنها بدون اى طلب لانه ده معناه قمة الوضوح والصدق ورغبة حقيقية لنسيان الماضى وده طبعاً ليه تقييم حسب الموقف .
ولك الود أخ خالد وبرضو الموضوع صعب شديد[/QUOTE]


ود التوم ...
شكراً لعودتك ....
لكن يامرتضي قي رأئي إنو مافي داعي إنو الشريك يعمل نفسه زي بتاع المباحث ولا الأمن ويكون عنده معلومة ولا طرف معلومة ولا حتي كلام ويستني الشريكة تعترف ليهو...
طيب ليه يحرق أعصابه وأعصابها ... أنا شايف إنو لو سألها مباشرة يكون أفضل ليهو... ولو هي أنكرت فمن حقه إنه يبحث في الموضوع ولو ثبت له أنها كانت تكذب فليجلس معها ويتناقش في مبررات كذبها ... هل لشي في نفسها ؟؟؟ أم لخوفها من فقدان الشريك؟؟؟؟ في إعتقادي أن الغالبية العظمي تكذب خوفاً من فقدان الشريك.
في الحالة دي مفروض الرجل يجلس مع نفسه وبكل صراحة.... الا تستحق منه هذة الشريكة أن يتجاوز الماضي العاطفي لها وهو متأكد أنه ماضي ولي إلي حال سبيله؟؟؟ أم يضرب بكل مايربط بينهم عرض الحائط بسبب الماضي؟؟؟؟
سؤال ياناااااااااااااااااس.

[mohab]

:confused:
بسم الله الرحمن الرحيم
يا خوان يا خوان في شنوه الكلم ته بجيب كلم والكلم بجيب ألمشكله
القضية يا خوان ليس عنصرية رجال وأمرا
بيس أنا حاقوا.
لي كل إنسان في هذه الدنيا كان سوداني لو غير له تاريخ وأنا لم قالت تاريخ كانت
أقصيد الأبيض المشرف أو غيره فلا يوجد إنسان في العالم بلا قديم وكال واحد له
الحق في أخفا أو الإعلان عنه ولكن بشرط أن تندهي هذا العلاقة مع بدء علاقتي معه
ولا افتكا ر من الممكن إن تجد إنسان له مذكرات فراغبة يعني علي بلطه كيده علي
الزيرو يعني ولده هسع
وشكرا" أخي خالد
خالص الود كل التحية
مهاب سليم

[خالد هاشم علي]

:confused:
بسم الله الرحمن الرحيم
يا خوان يا خوان في شنوه الكلم ته بجيب كلم والكلم بجيب ألمشكله
القضية يا خوان ليس عنصرية رجال وأمرا
بيس أنا حاقوا.
لي كل إنسان في هذه الدنيا كان سوداني لو غير له تاريخ وأنا لم قالت تاريخ كانت
أقصيد الأبيض المشرف أو غيره فلا يوجد إنسان في العالم بلا قديم وكال واحد له
الحق في أخفا أو الإعلان عنه ولكن بشرط أن تندهي هذا العلاقة مع بدء علاقتي معه
ولا افتكا ر من الممكن إن تجد إنسان له مذكرات فراغبة يعني علي بلطه كيده علي
الزيرو يعني ولده هسع
وشكرا" أخي خالد
خالص الود كل التحية
مهاب سليم


أخي مهاب...
لك التحية ومشكور علي المشاركة المقدرة وزي ماقلت إحتمال ضعيف يكون الشخص بدون ماضي عاطفي .

[دموع القمر]

الصراحة بين الشريكين طبعا امر ضروري جدا علشان يستمرو من غير كذب وحاجات مخبينها عن بعض احتمال انها تنكشف في يوم من الايام وساعتها اكيد هو ما حيغفر ليها وهي كمانما حتغفر لية.وممكن تدمر العلاقة للسبب دة.بس في الواقع في حدود وخطوط حمراء مهما كان الشريك منفتح ماحيتقبل تجاوزها والحدود دي نسبية بتختلف من شخص لاخر وفي النهاية انا شايفة انة الرجل السوداني حتي لو تقبل الماضي لشريكتة حيتقبلة بس علي مضض وحيظل يشك فيها

[أبو الزيك]

حقيقة الموضوع له أبعاد شتى وسأحاول ان اتناوله بنظرة دون تحيز إلى أي طرف :
* حقيقة الغالبية منا له علاقاته العاطفية سواء شاب أو بنت وعندما أقول علاقات لأ أقصد العلاقات التي تذهب في مسار لا أخلاقي وأنما علاقات الحب الصادق ... ونحن في مجتمعنا السوداني بالذات متحفظين لأبعد الحدود مما يجعل العلاقات شبه عيب .. ولهذا نحن كرجال ( الغالبية ) نعطي أنفسنا الحق لإقامة علاقة ولا نرضى بأن يكون الطرف الثاني له علاقة ..وهنا يجب التساؤل إذا كنا لأنرضي بأن يقيم الطرف الأخر علاقة فمع من نحن أقمنا العلاقة ... حقيقة الموضوع شائك .. أما بخصوص الصراحة بين الطرفين فاعتقد من وجهة نظري الخاصة طالما كل من الطرفين مسلم بنسبة 99% بأن كل طرف كان له علاقة فيحتم ذلك على كل طرف أن يحترم هذه الخصوصية وأن تبدأ حياتهم منذ لحظة الإرتباط بعيداً عن الماضي لأن في بعض الأحيان الصراحة الزائدة قد تجلب مشاكل قد تؤدي إلى نهاية العلاقة فلذلك أرى والله أعلم أن تبدأ صفحة بيضاء من بداية العلاقة بين الطرفين

[sayeda]

الاخ خالد تحية لك وشكرا لكرمك الفياض في اتاحة الفرصة لي للمداخلة مثنى وثلاث ورباع .
طيب انا بفضل انو البنت تصارح بماضيها حتى لو لم يسألها عنه لسببين اولا عشان تعرف مدى تقبله لماضيها مهما كانت ابعاده وثانيا لكي تنشأ العلاقة على اساس من الصراحة والوضوح مع يقيني التام بأن الاغلبية لا تتقبل الماضي .

[خالد هاشم علي]

الصراحة بين الشريكين طبعا امر ضروري جدا علشان يستمرو من غير كذب وحاجات مخبينها عن بعض احتمال انها تنكشف في يوم من الايام وساعتها اكيد هو ما حيغفر ليها وهي كمانما حتغفر لية.وممكن تدمر العلاقة للسبب دة.بس في الواقع في حدود وخطوط حمراء مهما كان الشريك منفتح ماحيتقبل تجاوزها والحدود دي نسبية بتختلف من شخص لاخر وفي النهاية انا شايفة انة الرجل السوداني حتي لو تقبل الماضي لشريكتة حيتقبلة بس علي مضض وحيظل يشك فيها

الغالية دموع القمر...
عاش من عرف أخبارك... وينك مختفية.... وحمد لله علي السلامة..
أنا معاك يادموع القمر لكن ... هل قصدتي بالخطوط الحمراء التي لا يقبلها الشريك ( العلاقة العاطفية وإن كانت بريئة خالية من الأخطاء) أم العلاقة علي الوجه العام.؟؟؟
في إنتظار مداخلتك ولا تبخلي علينا...

[خالد هاشم علي]

حقيقة الموضوع له أبعاد شتى وسأحاول ان اتناوله بنظرة دون تحيز إلى أي طرف :
* حقيقة الغالبية منا له علاقاته العاطفية سواء شاب أو بنت وعندما أقول علاقات لأ أقصد العلاقات التي تذهب في مسار لا أخلاقي وأنما علاقات الحب الصادق ... ونحن في مجتمعنا السوداني بالذات متحفظين لأبعد الحدود مما يجعل العلاقات شبه عيب .. ولهذا نحن كرجال ( الغالبية ) نعطي أنفسنا الحق لإقامة علاقة ولا نرضى بأن يكون الطرف الثاني له علاقة ..وهنا يجب التساؤل إذا كنا لأنرضي بأن يقيم الطرف الأخر علاقة فمع من نحن أقمنا العلاقة ... حقيقة الموضوع شائك .. أما بخصوص الصراحة بين الطرفين فاعتقد من وجهة نظري الخاصة طالما كل من الطرفين مسلم بنسبة 99% بأن كل طرف كان له علاقة فيحتم ذلك على كل طرف أن يحترم هذه الخصوصية وأن تبدأ حياتهم منذ لحظة الإرتباط بعيداً عن الماضي لأن في بعض الأحيان الصراحة الزائدة قد تجلب مشاكل قد تؤدي إلى نهاية العلاقة فلذلك أرى والله أعلم أن تبدأ صفحة بيضاء من بداية العلاقة بين الطرفين

الأخ ابو الزيك ...
تحية لا تحد وبرضه وينك مختفي وطولت الغيبة...
مافي أجمل من الصفحة الجديدة والبيضاء مع ضرورة الصراحة إذا طلب الشريك ذلك ... أما أذا لم يطلب معرفة الماضي فلا بد من طيه بكل قسماته وفتح صفحة جديدة حقيقية جادة واضحة صريحة لا كذب فيها ولا غش.
سلمت علي المشاركة.

[دموع القمر]

:) اللة يسلمك ياخالد انا قلت انة المسالة نسبية بتعتمد علي بيئة وثقافة وتعليم الشخص وبناء علي كدة بيكون رسم حدودة وخطوطة الحمراء يعني المسالة بتختلف من شخص لشخص في ناس ممكن يتقبلو الشريك حتي لو علاقاتة السابقة ماكانت بريئة بمبرر انة خلاص كان ماضي وانتهي.وفي ناس حتي لو كانت علاقة بريئة جدا مابيتقبلوها.انا عن نفسي لن اتقبل الارتباط برجل كان يحمل ماضي سيئ يحوي علاقات غير بريئة لانة اكيد ماحاثق فية بس ممكن اتقبل انة كان مرتبط ارتباط جدي بس الظروف ماحققت املة لانة في النهاية حيكون يحمل ماضي نظيف خالي مما يشينة امام نفسة وامامي :)

[خالد هاشم علي]

:) اللة يسلمك ياخالد انا قلت انة المسالة نسبية بتعتمد علي بيئة وثقافة وتعليم الشخص وبناء علي كدة بيكون رسم حدودة وخطوطة الحمراء يعني المسالة بتختلف من شخص لشخص في ناس ممكن يتقبلو الشريك حتي لو علاقاتة السابقة ماكانت بريئة بمبرر انة خلاص كان ماضي وانتهي.وفي ناس حتي لو كانت علاقة بريئة جدا مابيتقبلوها.انا عن نفسي لن اتقبل الارتباط برجل كان يحمل ماضي سيئ يحوي علاقات غير بريئة لانة اكيد ماحاثق فية بس ممكن اتقبل انة كان مرتبط ارتباط جدي بس الظروف ماحققت املة لانة في النهاية حيكون يحمل ماضي نظيف خالي مما يشينة امام نفسة وامامي :)

الغالية ...دموع القمر..
مشكورة علي مداخلاتك التي أعتز بها جداً وتسعدني من الدواخل.
أتفق معك بأن المسألة نسبية وتختلف من شخص لآخر... وهنا مربط الفرس... فإذا كان ربنا بيغفر الذنوب فليه نحن البشر مانصفح ونغفر لمن نحب؟؟؟
سؤال يادموع...؟؟؟
هل ح تسألي شريك حياتك عن ماضيه؟؟؟
مشكورة تاني وتالت وفي إنتظارك.

[راشد خضر]

موضوع شائك كما قيل ولي وجهة نظر خالد بعدما جهزتها قفلت الصفحة بالخطأ ولي عودة فآسف لضيق الزمن

[أمير عبداللطيف]

[FONT=Tahoma] [COLOR=DarkOrchid]اخى خالد وانت الخبيييييييييييييييييييييييييير ،،،، تعال من الاخر وادينا المفيد !!

قناعتى هى عدم وجود شاب او فتاه بدون ماضى وعلاقة سليمة كانت ام خاطئة ،،، واعتقد ان كل ارتباط جاد من المفترض ان يبدا دون الخوض فى تفاصيل الماضى للطرفين ويجب ان تتوفر الثقة بينهما لانها اساس العلاقة فى اعتقادى ،،،
واذا قلنا انهم يحكوا لبعض ماضيهم ويفتحوا صفحة جديده !!! دا كلام نظرى وشلاقة مافى داعى ليها ،، واذا البنت قبلت فالرجل مؤكد ما ح يقبل !!!!
( خلوها مستورة ) وما تسكوا الشمارات ،،، مع مودتى .

[خالد هاشم علي]

موضوع شائك كما قيل ولي وجهة نظر خالد بعدما جهزتها قفلت الصفحة بالخطأ ولي عودة فآسف لضيق الزمن


الرائع راشد خضر...
منور البوست والله حتي ولو بي نص كلمة...
مستني مداخلتك يارائع وماتتأخر علينا

[خالد هاشم علي]

[FONT=Tahoma] [COLOR=DarkOrchid]اخى خالد وانت الخبيييييييييييييييييييييييييير ،،،، تعال من الاخر وادينا المفيد !!

قناعتى هى عدم وجود شاب او فتاه بدون ماضى وعلاقة سليمة كانت ام خاطئة ،،، واعتقد ان كل ارتباط جاد من المفترض ان يبدا دون الخوض فى تفاصيل الماضى للطرفين ويجب ان تتوفر الثقة بينهما لانها اساس العلاقة فى اعتقادى ،،،
واذا قلنا انهم يحكوا لبعض ماضيهم ويفتحوا صفحة جديده !!! دا كلام نظرى وشلاقة مافى داعى ليها ،، واذا البنت قبلت فالرجل مؤكد ما ح يقبل !!!!
( خلوها مستورة ) وما تسكوا الشمارات ،،، مع مودتى .


الغالي أمير...
اول حاجة حمد لله علي سلامتك وكيف كانت الربة إنشاء الله إنبسطت تمااااااااااااااااام.
طبعاً إنت كلامك ده كلام خبير ومجرب مش كده

زي ماقلت الباب اللي يجيلك منو الريح سدوا وأستريح...
هههههههههههههههه عجبتني فقرة دي شلاقة مافي ليها داعي)...
نشوف رأي البقية شنو؟؟؟