وعلى مسؤليتي الخاصه..

[محمد حسين (المميز)]

الســـــــــــــ عليكم ـــــــــــــــلام

الى كل غيور على هذا الوطن
في وقت سابق ايها الاعزاء
كنت قد طرحت موضوع كان عنوانه
(( اتصرف بسرعه يا وزير الداخليه))
والموضوع كان يتعلق بالفوضى الموجوده من الاناس الذين يدعون انهم سودانيين وهم ليسو بذلك..
وعن عدم سؤالهم عن جنسياتهم

اليوم اروي لكم قصه حقيقيه وانا مسؤول عن رواية هذه القصه تماما.

يوم الاربعاء الماضي الموافق 9/8/2006م
كالعادة كل يومين يتم ترحيل عدد كبير من السودانيين عن طريق الباخره وقد يتعدى العدد اكثر من 200شخص في كل مرّه.

باختصار.. بينما ادخل المرحلين الى الباخره بدء موظف الجوازات بادخال بياناتهم في الكمبيوتر
وعن طريق الصدفه ((الصدفه فقط)) :eek:
اكتشف موظف الجوازات ان من ضمن المرحلين شخص كان قد دخل السعوديه وهو يحمل الجنسيه النيجيريه وهو الان يرحل من المملكة ويحمل وثيقة سفر سودانيه.. كيف؟؟؟؟؟؟؟؟؟؟؟؟؟؟
بكل بساطه كالعادة جا موظف قنصليتنا شايل شنطته مليانه وثائق قرفان من عنبر الأفارقه في الترحيل وعاوز يخلص
يلا اي سوداني يجيني بي جاي وطبعا كل من هب ودب عاوز يرحلوهو السودان عشان قريب يفكر يجي تاني بسرعه
كل الافارقه بقو من دارفور..
مندوب القنصليه عاوز يخلص ويسال انت سوداني ؟؟ :(
الافريقي يجاوب.. اي سوداني
من وين يا زول ؟ دارفور دارفور :o
هاك الوثيقه.. اللي بعده
وهكذا
يسافر السودان وبالوثيقه يطلع جواز سوداني وبقى اصل وفصل سوداني
رايكم شنووووووووووووو؟؟؟؟؟؟
المسؤوووووول منووووو؟؟؟؟؟؟ :mad:

بالمناسبه موظف الجوازات السعودي الموضوع زعله وقال ماحيفوت الموضوع كده ساي..
تخيل السعودي زعلان
ونحن السودانيين في القنصليه ولا على بالنا.. :( :(
,,,,,,,,,,,,,,,,
كمان نسيت ازيدكم
العسكري لمن جا الباخره ونادى الراجل النيجيري
سأله اسمك .. جاوب
جنسيتك قال سوداني ..ضربه كف قال سوداني ضربه الكف التاني نطق وقال نيجيري..
قال ليهو كيف اخدت وثيقه سودانيه قال في الترحيل قلت سوداني اداني الوثيقه.. بكل بساطه :(
ارخص واسهل جنسيه ممكن تاخدها..
,,,,,,,,,,,,,,,

[مدنيّة]

الموضوع كبير جدا ويحتاج لزمن لتدرك الحكومة اهميته

مشكور اخوي المميز

[محمد حسين (المميز)]

تسلمي مدنيه ومشكوووووووووره

[نزار حسن محمد]

... فعلا اخى المميز هذه مشكله وتحتاج لحل من قبل وزارة الداخليه وكنا الله فى عون السودان

[محمد حسين (المميز)]

همتــــــك معانا يا استاذ
نـــــــــــــــــــــــزار
عشان صوتنا يوصـــل

[خالد هاشم علي]

أخوتي الأعضاء...
قمت بالإتصال بالمقدم / أمير عبد اللطيف محمود نائب مدير الجوازات بالقنصلية السودانية بجدة وهو بالمناسبة عضو في منتديات ود مدني بإسم (alamairo ) وقد وعدني بالتحقيق في هذا الأمر فوراً وكتابة تصريح بخصوص هذا الأمر وملابساته...
ونحن في إنتظار التصريح من سعادة المقدم في القريب العاجل.

[نزار حسن محمد]

تسلم اخى خالد .. ونحن فى انتظار تحقيق المقدم امير وهذا التصرف يدل على صدق منتدانا فى نشر اى موضوع

[محمد حسين (المميز)]

كل الشكر لك الأستــــــاذ
خالـــــــد
على هذا الاهتمام
وانشالله نطلع بنتيجه ايجابيه

[محمد حسين (المميز)]

كل الشكر لك الأستــــــاذ
خالـــــــد
على هذا الاهتمام
وانشالله نطلع بنتيجه ايجابيه
,,,,,,,,,,,,

[أمير عبداللطيف]

اخى المميز
اخوتى اعضاء المنتدى
لكم الف تحية وسلام

بعد محادثة هاتفية من الاخ خالد هاشم اطلعت على الموضوع اعلاه ، وبعد عودة الضابط المسؤل عن الترحيل وقبل استفسارى له وضع ملف هذا الموضوع امامى وخلاصته هى :
1/ نعم هناك مواطن يحمل وثيقة سفر سودانيه اعيد من الميناء ( لانه ثابت بالحاسب الالى انه نيجيرى ) .
2/ هذا المواطن سودانى / هوساوى يسكن وكل اسلافه بالقضارف ( 21 اكتوبر ) .
3/ دخل السعودية عمرة بجواز سفر سودانى وتحصل هنا على جواز سفر نيجيرى واقامة بناءا عليه .
4/ تم القبض عليه ومخالفته هى عدم تجديد الاقامة وتقرر ترحيله .
5/ لما كانت كل اسرته بالسودان ولديه صورة جوازه السودانى وافق الضابط على ترحيله للسودان واستخرج له وثيقة لان جوازه الحالى نيجيرى .

*** طريقة عرضك اخى المميز للموضوع فيه كثير من الاثارة والتهكم ، وكان بامكانك ببساطة شديدة الاتصال ومعرفة الحقيقة وهواتفنا متاحة ومكاتبنا ومنازلنا وقلوبنا مفتوحة للجميع ، وما اتينا هنا الا لخدمة كل سودانى فى ما يلينا من مهام وصاحب القصة اعلاه احدهم ..

**** ومعلومة بسيطة لمن لايعلم ان القانون السودانى يسمح بازدواج الجنسية ، يعنى ممكن تحمل جنسية وجواز سودانى وتتحصل على جنسية وجواز دولة اخرى دون التنازل عن السودانية ،،،،،،،، واديك التعديل الاخير على قانون الجنسية السودانى وهو ( تمنح الجنسية السودانية بالميلاد لكل مولود من ام سودانية بالميلاد ) يعنى لو ابوك ايا كانت جنسيته وامك سودانية تاخد الجنسية السودانية كحق قانونى وليس منحة من احد !!!

*** شئ طبيعى ان يجد موظف الجوازات بالحاسب الالى جنسية المعنى نيجيرى لانه تحصل على الاقامة بجوازه النيجيرى ،،،، وكدى الله يسالك بتعرف كم سودانى حامل اقامة تشادية ونيجيرية وووووو غيرها كتييييييير ؟

*** ختاما احسب ان المنتديات ليست المكان المناسب لمناقشة القضايا التى تمس الهوية والعلاقات بين الدول ،، ومرة اخرى نرحب بكل الاراء والمقترحات من كل حادب على مصلحة البلد بس بدون تهكم وتجريح واساءة للناس ، وليبقى الاحترام والود بيننا متبادل ، والله الموفق ... .

[HaSsOoN]

يديك الف عافيه المقدم امير على توضيحك الراقي جدا....وكمان شكر للمييز على غيرته وحبه لهويته السودانيه

[نزار حسن محمد]

.... نعم اخى المميز لك الشكر على غيرتك على الوطن وتسلم سعادة المقدم امير على الايضاح (( واذا حضر الماء بطل التيمم))

[مرتضى ساتى]

براقو عليك انت جد عضو مميز وموضوع زى ده مفروض تكون هناك ترقيه ليك
وانا بهنى كل انسان غيور على بلدنا السودان والى الامام

[محمد حسين (المميز)]

اخى المميز
اخوتى اعضاء المنتدى
لكم الف تحية وسلام

بعد محادثة هاتفية من الاخ خالد هاشم اطلعت على الموضوع اعلاه ، وبعد عودة الضابط المسؤل عن الترحيل وقبل استفسارى له وضع ملف هذا الموضوع امامى وخلاصته هى :
1/ نعم هناك مواطن يحمل وثيقة سفر سودانيه اعيد من الميناء ( لانه ثابت بالحاسب الالى انه نيجيرى ) .
2/ هذا المواطن سودانى / هوساوى يسكن وكل اسلافه بالقضارف ( 21 اكتوبر ) .
3/ دخل السعودية عمرة بجواز سفر سودانى وتحصل هنا على جواز سفر نيجيرى واقامة بناءا عليه .
4/ تم القبض عليه ومخالفته هى عدم تجديد الاقامة وتقرر ترحيله .
5/ لما كانت كل اسرته بالسودان ولديه صورة جوازه السودانى وافق الضابط على ترحيله للسودان واستخرج له وثيقة لان جوازه الحالى نيجيرى .

*** طريقة عرضك اخى المميز للموضوع فيه كثير من الاثارة والتهكم ، وكان بامكانك ببساطة شديدة الاتصال ومعرفة الحقيقة وهواتفنا متاحة ومكاتبنا ومنازلنا وقلوبنا مفتوحة للجميع ، وما اتينا هنا الا لخدمة كل سودانى فى ما يلينا من مهام وصاحب القصة اعلاه احدهم ..

**** ومعلومة بسيطة لمن لايعلم ان القانون السودانى يسمح بازدواج الجنسية ، يعنى ممكن تحمل جنسية وجواز سودانى وتتحصل على جنسية وجواز دولة اخرى دون التنازل عن السودانية ،،،،،،،، واديك التعديل الاخير على قانون الجنسية السودانى وهو ( تمنح الجنسية السودانية بالميلاد لكل مولود من ام سودانية بالميلاد ) يعنى لو ابوك ايا كانت جنسيته وامك سودانية تاخد الجنسية السودانية كحق قانونى وليس منحة من احد !!!

*** شئ طبيعى ان يجد موظف الجوازات بالحاسب الالى جنسية المعنى نيجيرى لانه تحصل على الاقامة بجوازه النيجيرى ،،،، وكدى الله يسالك بتعرف كم سودانى حامل اقامة تشادية ونيجيرية وووووو غيرها كتييييييير ؟

*** ختاما احسب ان المنتديات ليست المكان المناسب لمناقشة القضايا التى تمس الهوية والعلاقات بين الدول ،، ومرة اخرى نرحب بكل الاراء والمقترحات من كل حادب على مصلحة البلد بس بدون تهكم وتجريح واساءة للناس ، وليبقى الاحترام والود بيننا متبادل ، والله الموفق ... .


اولا لك كل الشكر استاذنا
الاميرو
على التوضيح اللي يخلينا نتعرف على الحقيقه.
الحاجه التانيه انا ماقصدي اني اتهكم على حد ولا حاجه
ولكن انا زيي زي اي مواطن غيور على بلده
عاوز يشوف بلده في احسن حال وانا متأكد من انه اي مواطن لمن عرف القصه اثارة جواهو نوع من الغضب.

ارجو انه مافي حد يفهمني غلط :(
انا انسان اتمنى رؤية بلدنا من افضل دول العالم وبأسرع فرصه
ومرة تانيه لك كل الشكر سعادة المقدم على التوضيح.
وبعتذر لو اني كنت حاد في اسلوب الطرح ولكن زي ماقلت ليك
دي من الوطنية الجواي.. :cool:
والحمدلله اتضحت الحقيقه
,,,,,,,,,,,,,,,,,

[محمد حسين (المميز)]

الأخوة
حســـّـــوون
نـــــــــــزار
مرتضــــى
لكم كل التقدير والاحترام
وانا بصراحه سعيد جدا جدا
بالمشاركة معاكم في المنتدى

,,,,,,,,,,,,,,,,,,,

[نزار حسن محمد]

المميز اعجبنى ردك وتفهمك للموضوع ومره اخره بنشكر العزيز امير على الستجابه والرد الشافى ... وارموا..لى. قدام ابناء مدنى

[خالد هاشم علي]

الشكر كل الشكر لكل المشاركين في هذا البوست وشكر خاص لزميلنا المميز والشكر أجزله لسعادة المقدم / أمير عبد اللطيف محمود نائب مدير الجوازات بالقنصلية السودانية لرده الشافي عن الموضوع وفي إعتقادي أنها بداية مثمرة للتعاون والتواصل بين منتدانا وكل مايخص المواطن السوداني .
أفيدكم بأن سعادة المقدم قام بالرد علي البوست منذ الأمس وفور ورود أتصالي له لكن لظروف تقنية لم يري رده النور إلا اليوم.
الشكر أجزله مرة أخري سعادة المقدم للإستجابة السريعة.