haroun ahmed
15-08-2006, 02:06 PM
................ الدايشة ............
لقيتا واقفة منشحطة
حتة جميلة بس لقطة
اخوكم شافا واتمطى
وبلع ريقوا التقول شطه
نان هى ما شافعة وجسيما يفوح روائح ند
لابسة الجنز تتسند ...
اخوكم خمخم انفاسوا واتنهد
حتى ناس مولانا وكل الشاف البت يستغفر
كانت دايشة وظاهرة الدوشة فى العينين
تمشى وتتلفت فى الناس شمال ويمين
ديل سارحين وديل هايجين
وداك فرادى بين اتنين
تمشى وعلى توبا يقع وتصلحوا
وتانى يقع وتصلحوا
وتتشجع وتسالنى ...
هوى يا انت سامعنى
كلامك داوى وليه رنين
قلوبنا لكوندة للدايشين
تلاجات وخلاطات واود نوم
وخدمات ليكى وسهر وعدم نوم
وفكت من اخوك وراح منشر
ما عارف اقبل وين
اروح اتبعا حتى لو اعاين للكرعين
دا الدايراه هى منذ حين
وفجاءة اتفتحت الاضنين
وجات على تانى وسالتنى
هوى على وين ...
اقول هناك على البوفيه
اشيل ببسى اشيل واسقى
وكل الفى الطريق يمشى
عشان يا غالية ما تنسى
واشيل كراسك الاخضر
واسجل ليكى لو بقدر
* * *
وفى يوم لقيتا مع ود وسيم وجيبوا تقيل
شكيتك يا برومة يا دايشة
بقيتى تخالطى الناس قدام عينى
ما بقدر بجازيكى يا الخدعتينى
التخلط مصارينك خلط على مصارينى
..........خلط على مصارينى
** ** ** ** ** **
لقيتا واقفة منشحطة
حتة جميلة بس لقطة
اخوكم شافا واتمطى
وبلع ريقوا التقول شطه
نان هى ما شافعة وجسيما يفوح روائح ند
لابسة الجنز تتسند ...
اخوكم خمخم انفاسوا واتنهد
حتى ناس مولانا وكل الشاف البت يستغفر
كانت دايشة وظاهرة الدوشة فى العينين
تمشى وتتلفت فى الناس شمال ويمين
ديل سارحين وديل هايجين
وداك فرادى بين اتنين
تمشى وعلى توبا يقع وتصلحوا
وتانى يقع وتصلحوا
وتتشجع وتسالنى ...
هوى يا انت سامعنى
كلامك داوى وليه رنين
قلوبنا لكوندة للدايشين
تلاجات وخلاطات واود نوم
وخدمات ليكى وسهر وعدم نوم
وفكت من اخوك وراح منشر
ما عارف اقبل وين
اروح اتبعا حتى لو اعاين للكرعين
دا الدايراه هى منذ حين
وفجاءة اتفتحت الاضنين
وجات على تانى وسالتنى
هوى على وين ...
اقول هناك على البوفيه
اشيل ببسى اشيل واسقى
وكل الفى الطريق يمشى
عشان يا غالية ما تنسى
واشيل كراسك الاخضر
واسجل ليكى لو بقدر
* * *
وفى يوم لقيتا مع ود وسيم وجيبوا تقيل
شكيتك يا برومة يا دايشة
بقيتى تخالطى الناس قدام عينى
ما بقدر بجازيكى يا الخدعتينى
التخلط مصارينك خلط على مصارينى
..........خلط على مصارينى
** ** ** ** ** **