اخطف اللي قبلك ووديه معك [الأرشيف]

مدنيّة

22-08-2006, 09:41 PM

السلام عليكم ورحمة الله

لعبة حلوة جدا واكيد شفتها في احد المنتديات :D

الفكرة العامة بتاعتها ان الواحد يخطف اللي قبله ويوديه معاه اي مكان يختاره هو ;)

رايكم شنو نبدا ولا عندكم راي ؟؟؟ :confused:

abu_ola

22-08-2006, 10:38 PM

مدنية دي لعبة دي و لا ....

غايتو شوفي المشرفين كان وافقوا على عملية الإختطاف دي المنتدي دا بكرة ما بكون فيه زول الناس دي كلها تخطلف بعض وتمشي ، عموماً أنا بتحفظ عليك في الكوفي شوب بتاعنا لحدي ما نشوف قصة الإختطاف دي نهايتها شنو ؟؟

و بالمناسبة الزول البختطفوه دا يدفع فدية و لا يفكو كيف ما قلتي لينا ؟؟؟؟

و الخاطف يحق ليه يخطف أكثر من شخص ؟؟؟؟

يا ناس يا هووووووو مدنية عندي لحدي ما نشوف لينا حل

مدنيّة

22-08-2006, 11:35 PM

مدنية دي لعبة دي و لا ....

غايتو شوفي المشرفين كان وافقوا على عملية الإختطاف دي المنتدي دا بكرة ما بكون فيه زول الناس دي كلها تخطلف بعض وتمشي ، عموماً أنا بتحفظ عليك في الكوفي شوب بتاعنا لحدي ما نشوف قصة الإختطاف دي نهايتها شنو ؟؟

و بالمناسبة الزول البختطفوه دا يدفع فدية و لا يفكو كيف ما قلتي لينا ؟؟؟؟

و الخاطف يحق ليه يخطف أكثر من شخص ؟؟؟؟

يا ناس يا هووووووو مدنية عندي لحدي ما نشوف لينا حل

دا اختطاف سلمي مافيه رصاص وسيارات مفخخة والحاجات دي :D

لا انت بتخطف واحد وممكن يكون اكتر من واحد توديه معك اي حتة تختارها انت وهسي بديك مثل لعملية الاختطاف دي طبعا ح اطبقها فيك بما انك القبلي :p

مدنيّة

22-08-2006, 11:35 PM

انا بخطف ابو علا وبوديه اموااااااااااااااااااااااااااااااج ( مطعم في الخرطوم للمعارفين ) يتغدي ويجي راجع يشوف طلبات الكوفي شوب والحساب علي طبعا

مدنيّة

22-08-2006, 11:36 PM

اها شفت انها عملية اختطاف حلوة كيف ؟؟؟؟؟؟؟؟؟

abu_ola

23-08-2006, 12:46 AM

مدنية اخطتافك حلووووووووووو و يا ريت ما يجي واحد يرجعني

حليل السودان و حليل الخرطوم و أيامها ، صراحة وقت كنا في السودان مطعم أمواج دا لسه ما سوهو ،، طالما المسعالة زي كده اخطتفيني على طوووول و حوميني السودان دا شبر شبر

مدنيّة

23-08-2006, 01:19 AM

اها شفت الاختطاف دا سمح كيف ؟؟؟؟

اها انا بخطفك ونمشي الامارات نشوف البت نووووووووووورنا دي غايبة مالها

محمد حسين (المميز)

23-08-2006, 02:34 AM

ووووووووووووووووووو
ده شنو يابت
جابت ليها اختطافات
خلاص تعالي النخطفك معاي تسوي عمره
رأيك شنو في الخطفه دي؟؟؟

لكن بشرط
تخطفيني على مدني بعد العمره

******************

نور العيون

23-08-2006, 03:09 AM

و الله تسلمي يا مدنيه يا عنمري و تسلمي انو فقدتيني و الله اخطفك انتي و بناتك و نمشي جزر هاواي نصيف هناك رايك شنو ....

abu_ola

23-08-2006, 03:47 AM

من أولها جابت لها هاواي و لاواي

أنا بخطفكم كلكم نور العيون و المميز و مدنية ست اللعبة ذاتها و أوديكم البيت نزور أم علا في السعودية ( الخبر )
وبعد داك نمشي عمرة مع المميز

نور العيون

23-08-2006, 04:01 AM

و الله يا ابو علا رايك شنو اخطفك انت و علا و نمشي برج العرب يومين ؟؟؟؟

abu_ola

23-08-2006, 04:46 AM

انا مــــــــــــــــــــــــــــــوافق 100 % امشي معاك اي محل بس شيلي شيلتك مع أم علا و فيك الخير سوقيها معانا

HaSsOoN

23-08-2006, 05:09 AM

هههههههههههههه لعبه حلوه واللهي ......ومدام جابت ليها اختطاف ..انتا ياابوعلا مدام انتا في الخبر قريب من قطر يعني انا بختطفك انتا وبسوقك معاي نمشي الامارات لي نور العيون .. تودينا برج العرب وكدا...وبعدين نمشي للمميز نغشاهو ونمشي نعمر ...بعداك نمشي نتلب بالبحر نصل السودان نمشي مدني نلف واعزمك عشاء في منتزه اسطنبول في شارع النيل ونجي راجعين.....

رايك شنو في الاختطاف دا ياابو علا؟؟؟؟؟

abu_ola

23-08-2006, 06:01 AM

موافـــــق

شفت اللعبة الحلوة دي ويتنا الحلوين ساكنين وين .... قوانين اللعبة بتقول تشيل القدام و تروح عشان كدة بخطفك و نمشي الشأطي نجلس برانا و نحكي و نسولف لين تقول آمين و يا ليت ما يجي واحد قريب يقطع علينا ونستنا دي

مدنيّة

23-08-2006, 09:47 PM

ابو علا بخطفك ونمشي لام علاء الغداء عليها الليلة علي الاقل الواحد يتشرف بعلاء كوفي شوب دا ههههههههههههه

نور العيون

24-08-2006, 02:51 AM

و الله يا مدنيه انا بخطفك و نمشي انا و انتي و بناتك لماليزيا نعمل سياحه ....

abu_ola

24-08-2006, 03:09 AM

نور العيون بعد ما تجوا من ماليزيا مدنية طالباي غداء عشان كدة بخطفكم الأثنين و بوديكم البيت و بعد داك نمشي شأطئ الغروب

مدنيّة

27-08-2006, 02:20 AM

ياسلام علي الاختطافات دي

ابو علاء بخطفك ونمشي الامارت لنورنا دي نشوفها مالها البت دي والغداء عليها

abu_ola

27-08-2006, 06:25 AM

موافق يا مدينة نمشي لنور العيون بس سؤال ساااكت كدي أنت في مدني و لا خارج السودان عشان التذاكر و كده هههههههههه

نور العيون

27-08-2006, 07:40 AM

و الله تمام شغالين خطف ساي انتو وين المراقبين ما شايفين الخطف د
غايتوا الله يدي العافيه

طيب و الله بخطفو نمشي يا ابو علا لأم علا ونتغدا معاها

abu_ola

27-08-2006, 08:41 PM

نور العيون أنا بفتش ليك من زمن و أنا بتحاول بالشارع ساااااكت أقول يا ربي متي تجي البنية دي تخطفني

الخطف دا بقي حلو خلاااااص اسه كدي النخطفك و بوديك البيت و بعد داك نمشي شأطئ الغروب بالجد مكان روعــــــــــة

مدنيّة

27-08-2006, 09:37 PM

انا بخطفك اخوي ابو علاء نمشي نشوف التيمان ديل وينهم لانهم مسجلين غياب ليهم فترة << بعدين الغداء من هسي اقوليك عليهم هم كمان نفتشهم ونصرف قروش في المواصلات ونغديهم !!!!!!!!!!!!!!

مدنيّة

27-08-2006, 09:38 PM

موافق يا مدينة نمشي لنور العيون بس سؤال ساااكت كدي أنت في مدني و لا خارج السودان عشان التذاكر و كده هههههههههه

انا قاعدة محل الريس بنوم والطيارة بتقوم :D

في الخرطوم يعني التذاكر لازمانا لازمانا :p

abu_ola

27-08-2006, 09:43 PM

أنتو يا ناس الخرطوم قريبين شديد مننا كان جيت إجازة بخطفك صحي صحي ( هههههههههههااااي )

كدي اسه النوديك أندنوسيا صراحة فيها جزر روعــــة و الجو اليومين ديل يهبــــــل

مدنيّة

27-08-2006, 10:30 PM

أنتو يا ناس الخرطوم قريبين شديد مننا كان جيت إجازة بخطفك صحي صحي ( هههههههههههااااي )

كدي اسه النوديك أندنوسيا صراحة فيها جزر روعــــة و الجو اليومين ديل يهبــــــل

دا الاختطاف والا فلا ;)

اها انا بخطفك اجيبك الخرتوم اعرفك علي البنات وابوهم :D

abu_ola

27-08-2006, 10:58 PM

حلوووو يا مدنية

و يشرفي أن اتعرف على اسرتك الكريمة و بعد داك بخطفك انتي و بناتك و أبوهم و بوديك أم درمان تتعرفي على الأسرة

و تبقي علاقة اسرية اصيلة

مدنيّة

28-08-2006, 12:07 AM

انت شكلك كدا علاقتك بمدني زي علاقة فردة بيها !!!!!!! <<<<<<<<< عشان قلت الاسرة في ام در

بعد مانزور اسرتك نمشي علي اسرة فردة دا اظنها برضو في امدرمان والغداء عليهم

محمد حسين (المميز)

28-08-2006, 03:12 AM

اسوقــــــك ويــــــن:rolleyes:
اسوقــــــك ويــــــن:rolleyes:
اسوقــــــك ويــــــن:rolleyes:
يا ماما مدنيــّــه

رأيك شنو في خطفه سريعه وقريبه كده
فكّـة كعب زي مابيقولو
:p
لغاية مقر شركة المايكروسوفت ونشوف الناس دي شغاله كيف وبتفكر كيف
ونسألهم كيف هم بيفكرو احسن مننا؟؟
:confused:

رأيك شنووووو
;)

***********

abu_ola

28-08-2006, 04:01 AM

المميز ... حتي في الخطف مميز

البت دايرة تتفسح تقول ليها شغل و مايكروسفت

يا جماعة الجكس دا ما بتعاملوا معاه كده

مدنية أنا اصلا من النيل الأبيض و ساكن أم درمان ... علاقتي بمدني علاقة لها طعم خااااااص .. فردة من أم درمان بس هو حالياً في الإمارات حسب ما فهمت

التيمان

28-08-2006, 09:08 AM

انا بخطفك محل ماشى

حلمك بس

محل لين بوديك

abu_ola

28-08-2006, 09:04 PM

ما في أحمل من أنو الواحد يضيف لأهلوا أهل و لأسرتو اسرة جديدة يلا ودوني بيتكم يا التيمان الروائع

نور العيون

28-08-2006, 09:38 PM

و الله انتو شكلكم كونتوا عصابات مافيه .

abu_ola

28-08-2006, 10:03 PM

نور العيون دي وقت جات براها أا بخطفها بوديها جزيرة الواق الواق

مدنيّة

29-08-2006, 12:52 AM

اها انا بخطفك بوديك علي لبنان دي خلا الحرب وقفت النشوف الناس دي عاملة شنو ونشيل لينا معاهم كيس الصايم لانه خلا رمضان قرب

abu_ola

29-08-2006, 06:53 AM

مدنية يا أختي أسأليني أنا لبنان دي لا بجيها رمضان و لا حاااااجة بس انتي قولي ما دايرة تصومي سااااكت .. هههههههههااااي

ما مشكلة يا اختي من هناك اقرب نمشي روسيا لانو لي فيها زكريات صبا روعــــة و بصراحة البلد كلها غابات و غيوم على

طووووووووووووول يعني من غير كريمات الواحد يبقي زي القمر .. يا قمر

مدنيّة

29-08-2006, 11:01 PM

هههههههههههههههه

اها نجي من روسيا نمشي علي قطر نفقد الود حسووووون دا ليه كم يوم كدا ماظاهر

نور العيون

29-08-2006, 11:12 PM

و الله البيقع في يدكم غايتوا الله يعينو....

abu_ola

29-08-2006, 11:49 PM

نور العيون انا داير اخطفك من زمااان ما لاقي ليك طريقة وكت الله جمعني بيك تعالي اخطفك نمشي مصر نشوف ابراهيم دا وين

نور العيون

30-08-2006, 12:26 AM

مامشكله انا جاهزه يلا على الأقل نتفسح

مدنيّة

30-08-2006, 12:27 AM

بخطفك انا يانووووووووورنا واوديك القمر نشوفه سمح صحي ولا كلام ساااااااااااااااي

abu_ola

30-08-2006, 12:32 AM

مدنية القمر دا حجاااار سااااكت ما فيه حاجة تاني و كان بتمشي بالكعب العالي اللابساهو دا غايتو الله يكون في عونك احسن شي يا مدنية تعاينو ليه من بعيييييييييييييييييييد

مدنيّة

30-08-2006, 12:34 AM

ههههههههههههههه

بخطفك وبوديك مدني اعرفك عليها وتتعرف علي ناسها واماكنها وتشوف الطيبة والاخلاق الحميدة

abu_ola

30-08-2006, 12:47 AM

يسلم فمك

أحلي شي يا مدنية و من زمااان منتمني أمشي مدني بس كايس السبب ما لاقيه

و خلاص نوقف اللعبة و ما داير واحد يمرقني من مدني ( مفهووووم )

مدنيّة

30-08-2006, 01:03 AM

هههههههههههه

من مدني بوديك امدر عشان نزور الاهل اها رايك شنووووووووووو

abu_ola

30-08-2006, 03:45 AM

ممتاز يا مدنية أم درمان حنينة و أصيلة و بعداك بوديك وين ... اوديك وين ؟؟

اقول ليك حاااجة أختاري مكان على زوقك و انا بوديك

محمد حسين (المميز)

30-08-2006, 11:12 PM

حباااااااااااااااابك يابو عـــــلا
تعال لي جاي وسيبك من البت مدنيــّــه دي:p

رأيــــك شنو نبقى مارقين نبرّد على روحنا شويه
ونمشــي شرم الشيخ عالبحر كده نقعد نشم الهوا
وبالمساء نمشي ندخل السينما نشوف فلم
عمارة يعقوبيان العامل ضجــّــه ده
,,OK

*************

abu_ola

30-08-2006, 11:20 PM

كلام في محله يا المميز و بعدين طلعات العزابة دي يا حليلها و يا حليل زمانها و بالمرة نشوف ابراهيم دا ليه فترة ما جاء الكوفي مالو ؟؟

مدنيّة

31-08-2006, 12:20 AM

بعد تجي من ابراهيم بخطفك نمشي لحسووووووووووون بالغ الولد دا ليه زمن غايب

abu_ola

31-08-2006, 03:28 AM

حسون و زول فردة و ابو علي الجماعة ديل بالغو عديييييل كده و ليهم فترة ما بانو

غايتو إلا نختطف طيارة عديل كده و نمشي نزورهم واحد ... واحد

نور العيون

01-09-2006, 05:56 AM

و الله انا عن نفسي بخطف زول فرده و اودييييييييييييييييييييييييييييه .................................................. ......................

abu_ola

02-09-2006, 12:53 AM

انا بدوري كمان بخطف كل أعضاء المنتدي و بجيبهم ليك يا نور العيون كان نعمل ليكم أزعاج انتي و الفردة

نور العيون

02-09-2006, 07:03 AM

ما عندك مشكله بالنسبه لي الكل اهل و احباب ...
بس اعملوها و شوفوا ....

التيمان

02-09-2006, 11:28 AM

انا بخطف الاعضاء كلهم واكون انا وتومى برانا

abu_ola

02-09-2006, 08:38 PM

التيمان انا اخطف فيكم منو ؟؟؟

ما مشكلة أنا بخطف واحد و بخلي نور العيون تخطف التاني و نوديكم نتشرف بالسلام على استاذنا صاحب هذا الموقع الجميل

التيمان

02-09-2006, 09:45 PM

اوووووووووووو انا موافق

حبيبنا بابكر الادمن راجل سكره والله

ونتمنى ليه زياره قريبه

abu_ola

03-09-2006, 04:34 AM

تاني جيتو قدامي يا التيمان عشان اخطفكم باين لقيتو خطفي حلو ( ههههههههههههههههههههه )

عموماً بخطفكم و نروح ماليزيا نقضي إجازة أسبوع

التيمان

03-09-2006, 06:26 AM

وانا بخطفك بجيبك مدنى نضهب ضهب غريب

abu_ola

03-09-2006, 06:36 AM

بحب مدني موووت
بس وديني نادي الإسماعلي و نضهب شوي في حزيرة الفيل و نمشي السوق و الحديقة العامة

محمد حسين (المميز)

03-09-2006, 10:15 PM

انا بخطفك يابوعلا وارجعك الكوفي شوب
عشان تقعد فيهو اليوم كله وما تتحاوم
ههههههههه

************

التيمان

03-09-2006, 10:53 PM

المميز انتاا يودوك وين

راشد خضر

04-09-2006, 02:18 PM

وأنا أخطف التيمان ونذهب لرحــلة صيــــــــد

بس بعاكم بندقية الصيد

.

مدنيّة

05-09-2006, 11:45 PM

راشد بخطفك اوديك جدة <<<<<<<<<<<<<<< مع انك قاعد فيها غتاتة بس طبعا الكفيل بكون مكرهك حياتك

سوار الياسمين

06-09-2006, 12:04 AM

مدنية ايه رايك اخطفك معاي لكايرو نديها اثنين كشري على الماشي

نزار حسن محمد

06-09-2006, 12:53 AM

مدنيه.. وسوار الياسمين .. وانا بخطفكم ..وبوديكم .. مدنى حديقة وقيع الله ..تاكلوا ..اغاشى بالشطه...

مدنيّة

06-09-2006, 01:01 AM

يالله

يديك العافية والله نزار اخوي ذكؤتنا مدني وايام مدني

انا بختطفك اجيبك الخرتوم محل الريس بنوم والطيارة بتقوم اوريك الخرتوم بالليل

راشد خضر

06-09-2006, 03:25 PM

لا واللّه يا مدنية الكفيل علاقتي معاه صداقة ، وأنا جني وجن اليرفع نخرتو علي بخليله البلد كلها
و نسبة للقتاته أخطفك أوديك سجن ( ود الباشا ) وبررررضو بجده أيه رايك فيه ؟
.

abu_ola

06-09-2006, 08:49 PM

يا ود خضر السجون اليومين دي ما في داعي لذكرها

طالما أنت في جدة أخطف نفسك و تعال زورنا في الخبر

راشد خضر

07-09-2006, 03:52 PM

واللّه يا abu_ola لو كنت أدري إنك بالخبر كان جيتك لأنو مشيت ليها مرتين

ولا يمنع أخطفك إقامة جبرية تحت ضيافتنا بجده
.

مدنيّة

10-09-2006, 03:43 AM

راشد اخطفك اوديك امريكا ماتقول ذكري 11 سبتمبر علي الابواب

abu_ola

10-09-2006, 03:46 AM

طرينا الشر لي بعدو ... مالك بتذكري في الميتين بالليل يا مدنية

طيب تعالي أخطفي رجلك زورينا في البيت ام علا بتسأل عليك و ما تنسي تجيب معاك بناتك الـ 3

مدنيّة

10-09-2006, 03:48 AM

هههههههههههه

بناتي اتنين يا ابو علاء

يديك العافية انت وهي وعلاء يارب

بخطفك نمشي علي نورنا دي باقي لي مختفية البت دي ماشفت لي تعليق او بوست ليها قريب

سوار الياسمين

10-09-2006, 04:23 AM

اها مدنية ده المرة التانية البعزمك فيها مصر وما بتقولي رايك

اخطفك يعني ولا شنو

abu_ola

10-09-2006, 07:07 AM

بناتك أثنين يا مدنية !!!! ( يا ربي اكون أنا بنظر للمستقبل و لا شنو ؟؟؟؟ )

سوار الياسمين و مدنية تعالوا نشمي نشوف نور العيون دي غايبة وين

التيمان

10-09-2006, 07:45 AM

اوديك وين احلى محل فى مدنى

abu_ola

10-09-2006, 08:35 PM

التيمان حبايبي الحلوين

المرة دي انا بخطفك وبوديكم بيتكم عشان تعرفوني على الأسرة الكريمة و لا رأيكم شنو ؟

مدنيّة

10-09-2006, 09:54 PM

سوقوني معاكم يا ابوعلاء عشان التيمان ديل طلعوا بالجد جد تيمان انا كنت قايلاهم بتكلموا ساااااااااااااااااااااااااي

سووووووووووووورانا يابت وين انا الالقي انك تخطفيني عشان اقضي العمر كله معك ياعسلنا

ابوعلاء قلتي بتنظر للمستقبل !! ههههههههههههه يديك العافية اخوي

نور العيون

10-09-2006, 09:59 PM

بخطفك و نمشي كوالا لامبور

abu_ola

10-09-2006, 10:25 PM

نور العيون .... مدنية

كوالا لامبور دي بالذات اليومين دي فيها انفلوزا الطيور عشان كده احسن نمشي أندوسيا فيها التسونامي بس احسن من الإنفلونزا

مدنيّة

10-09-2006, 10:44 PM

ههههههههههههه
خلي بالك البت دي عايزة تجيب خبرنا بسرعة يا ابوعلاء

بخطفك اوديك انت كوالامبور وانا بقعد مع علاء وامه امشي انت سريع كدا وتعال صاااادي

abu_ola

11-09-2006, 05:14 AM

و الله فكرة حلوة يا مدنية تبقي علاقة أسرية بدل ما هي علاقة نت × نت

بالمناسبة ( علا ) بنت خليها تعلب مع بناتك الــ ( 2 )

التيمان

11-09-2006, 08:20 PM

ابو علا ارح نمشى عمره رمضان ونجى

abu_ola

11-09-2006, 08:26 PM

صحيح يا التيمان

عمرة رمضان فيها أجر عظيم جداً

بس التذاكر عليكم أنا على الطواف و السعي بس ( ههههههههههههاي )

التيمان

11-09-2006, 08:28 PM

ماعندك مشكله نمشى ساى

abu_ola

11-09-2006, 08:32 PM

خلاص أمشوا انتو الجامعة أول و بعدين تعالوا نتفسح سااااااااااكت

التيمان

11-09-2006, 08:43 PM

جدا يا ابو علوه

abu_ola

11-09-2006, 09:14 PM

انا في أنتظاركم تجو من الجامعة بعدين أخطفكم نمشي قاعة الريفيرا نتضهب بي هناك

مدنيّة

12-09-2006, 03:08 AM

لبوعلاء بخطفك اوديك السجن تدخل فيه مكاني

abu_ola

12-09-2006, 03:43 AM

مدنية دا أختطاف و لا أعتقال ؟؟؟؟؟

بس غايتو أحسن من الإختطاف البقطعو فيه الرقبة و يجدعوه في الكلاكلة

في الحالة دي انا بختطف نفسي من السجن ( يعني إفراااااااااااااااااااااااااااااج )

سوار الياسمين

12-09-2006, 06:10 AM

يا ابو علا ما اخطف منك علا واجيبها تلعب مع بنت اخوي عندنا

رايك شنو

abu_ola

12-09-2006, 06:37 AM

سوار الياسمين ما بنقدر نقول ليك حاجة غير موافقيييييييييييييييييييييييين

و كان خطفتيني في المرة الجاية بكون أحسن

الدوحة قريبة مننا و كلها فركة رجل

رمضان إن شاء الله أنا بنزل إجازة السودان و داير لي ناس روائع زيك أخطفهم معاي ( جهزي نفسك ساااهي )

سوار الياسمين

12-09-2006, 06:51 AM

والله يارييييييييييييييييت يا ابو علا بس ناس الشغل ما بيدوني اجازة عشان دوبي جاية الا عيد الضحية

النبي سلم لي على السودان كلو

فتاة مالي

12-09-2006, 02:34 PM

خلاص انا اخطفك تروحي السودان اجازه
وانا اداوم عنك في الشغل
هههههههههههههه

abu_ola

12-09-2006, 08:47 PM

فتاة مالي أنا بخطفك نمشي السودان تتعرفي عليه مدنية .... مدنية .. و فرداً ....فردا

مدنيّة

12-09-2006, 11:34 PM

هههههههههههه
ابوعلاء اخوي مدنية مدنية ولا مدينة مدينة ؟؟ قلت لي قريت عربي وين !!! ههههههههههههه يديك العافية اخوي

انا بخطفك نمشي علي البت سوار دي نحنس ليها المدير بتاعاها عشان الاجازة وكدا بس التذاكر عليها طبعا نحنس ليها وندفع كمان ؟؟؟

سوار الياسمين

12-09-2006, 11:40 PM

تكوني ما قصرتي يا مدنية بس هو يرضى وانا التذاكر علي كفاية عليكم الحنيس

وانا بخطفك نمشي اديس ابابا نشرب لينا جبنة ونجي

مدنيّة

13-09-2006, 12:07 AM

هههههههههههههههه

خطفة حلوة دي لكن يابت خليها قهوة وغداء علي الاقل نكون اتمتعنا بالتذاكر دي

بخطفك انا نمشي لنور البت دي قالت اخدت اجازة نشوف الشمارة شنو ونجي

abu_ola

13-09-2006, 01:02 AM

شفتي يا مدنية من كثرت ................. الواحد بقي يلخبط

غايتو الحمد لله المدام مامشتركة معنا في المنتدي .... كان تجيب اجلنا

على العموم بكرة الخميس ما عندي شغل و لا مشغلة انا بخطفكم نمشي الكورنيش نتفسح ساااااا كت

مدنيّة

13-09-2006, 03:13 AM

ههههههههههههههه
لخبتطة السنين

الله ديك العافية اخوي

اها رايك شنو نمشي علي حسون دا والله الولد دا عدددديل كدا اختفي ؟؟

abu_ola

13-09-2006, 03:36 AM

حسون و زول فردة ليه فترة غايبين

خلاص بخطفك نمسي الإمارات لزول فردة و بعد داك نغشي قطر نسوف حسون

مدنيّة

13-09-2006, 03:47 AM

ايوة كمان نمر علي مصر نشوف ابراهيم دا حي ولا الحاصل عليه شنووووووو

سوار الياسمين

13-09-2006, 04:36 AM

ابو علا كرنيش في الرطوبة والحر ده

ده الربنا قدرك عليهو

طيب انا اخطفكم بعد لفتكم ده ونروح الشانزيليزيه

مدنيّة

13-09-2006, 04:45 AM

ايوة يابت

اسمع يا ابوعلاء دي الاختطافات ولا بلاش

اها يابت بعد باغي دي نمشي علي ناس رايس نشوفهم عايزين يعملوا شنو مع الايرانين ديل ؟؟

راشد خضر

13-09-2006, 04:12 PM

نخطفك مدنية لمدينة الجنقل لاند ، بس أوعي تكوني ما عارفاها ( بجده ) ترفيه وضحك يشرط .

فتاة مالي

13-09-2006, 05:27 PM

انا اخطفك يا راشد وواديك المطار تجي عندنا الرياض
اوديك الحكير لاند تلعب شوي

abu_ola

13-09-2006, 09:02 PM

بسم الله الرحمن الرحيم
فتاة مالي انتي يا اختي اول التبادي وين ساكنة

مرة من مالي !!!!

و مرة في الرياض !!!!

و بتعرفي السودان حلة ... حلة !!!

يا اختي ركزي معانا باقي كيماء التعارف دي اليومين دي منتشرة

انتي وين بالضبط عشان ما يتلخبط علينا الإختصاص و نخطفك بالغلط

فتاة مالي

14-09-2006, 05:15 AM

انا مغتربه في الرياض
اصلي من مالي
وانا خطفك يا ابو علا انت وعلا والمدام اوديكم مالي تتفرجو عليها
اوديكم غاوه وانزلكم نهر النيجر
سياحه حلوه ايه رايك

abu_ola

14-09-2006, 05:30 AM

موافق

بس في الأول انا معاك في السعودية في الخبر تعالي لينا زيارة في البيت و بعد داك بنمشي معاك معالي

فتاة مالي

14-09-2006, 06:58 AM

خلاص موافقه
بس تجي اول اجازه
اسافر ليكم الخبر
لكن تعملو لي اكلات سودانيه
اوكي

saleh farah

14-09-2006, 11:06 PM

انا حا اختطفك واوديك جزيرة الفيل يابت مالى واختك مع النسوان فى حديقتنا القدام البيت عشان تتعلمى عواسة الابرى والكسرى والعصيده وتعرفى كيف تطلعى الخرات من الابرى الابيض وتعملى ليه الليمون والطماطم والملح عشان نجهز الفطور للناس الجايين اعوسو ليهم جردل جردلين .

فتاة مالي

15-09-2006, 08:38 AM

اوكي موافقه لكن قبل كذا
انا كمان اخطفك اوديك مالي جنب النهر نصيد سمك
ونعمل عصيدة دخن وويكه
ونفطر هناك في غاوه مع العائله قلت ايه

saleh farah

15-09-2006, 11:21 AM

قلت موافق بس عليك الله جهزى لي معاك ورقه وقلم عشان ارسم منظر النيل وهو مسافر امكن الاقى فيه زول رايح منى ليه مده ومابعيد اكون مشى مالى واستقر فى غاوا . وبعداك نسافر انا وانتى مع الموج ونخلى الشراع على حريته عشان اختطفنا الاتنين مع بعض رايك شنو ؟

مدنيّة

16-09-2006, 02:08 AM

انا حا اختطفك واوديك جزيرة الفيل يابت مالى واختك مع النسوان فى حديقتنا القدام البيت عشان تتعلمى عواسة الابرى والكسرى والعصيده وتعرفى كيف تطلعى الخرات من الابرى الابيض وتعملى ليه الليمون والطماطم والملح عشان نجهز الفطور للناس الجايين اعوسو ليهم جردل جردلين .

كدي عليك الله سوقني مع فتاة مالي دي عشان اشوف بيان بالعمل كلامك دا :D

مدنيّة

16-09-2006, 02:09 AM

بخطفك ياصالح اوديك مالي ببحث معك علي زولك الرايح منك وانشاء الله نلقاه

عوض صقير

16-09-2006, 03:37 AM

غايتو أنا من قبيل واقف براقب حركة الخطف دى ماشة لى وين
وطبعا بسجل أى عملية أختطاف عندى مامعروف الظروف ممكن واحد يختفى

على الأقل نكون عارفين منو آخر واحد أختطفوا

وبالمناسبة دى أنا بختطف صاحبة الفكرة مدنية وبسلمها تقرير كامل بحالات الأختطاف

مدنيّة

16-09-2006, 03:44 AM

منور استاذ عوض الاختطافات الارهابية دي بس بالجد والله اختطافات سلمية يعني مافيها عربات مخففة وكلام من النوع دا

يلا انا بخطفك اجيبك مدني تنهل من معينها شوية كدا وتتزود لغربتك عشان تقدر تواصل فيها

abu_ola

16-09-2006, 04:00 AM

يا مدنية انتي شكلك طولتي من مدني عشانكدة انا بخطفك و أخطف نفسي نمشي مدني نزورها و نستمتع بهواها الطيب

مدنيّة

16-09-2006, 04:04 AM

والله يا ابو علاء ياخوي مدني من العيد للعيد تصدق !!!!!!!!!!!!!!

احلي اختطاف لمدني والله

اها انا بخطفك نمشي اسبانيا نشوف روعتها وروعة جدودنا العرب العملوها ونبكي شوية كدا علي امجادنا الضايعة

طبعا اسبانيا دي انا بحبها من زمن المدرسة والقصائد الجميلة اللي بتحكي عن روعتها

عوض صقير

16-09-2006, 04:06 AM

ماقصرتى معاى أبدا والله ده أجمل أختطاف
وقبل مانرجع من مدنى لازم تمشى معاى البيت نسلم على أم محمد ومحمد وعليه وشهد

وبعد ده ممكن أخطفك وأعطيك خيار الأتجاه ( قصرت معاك )

abu_ola

16-09-2006, 04:12 AM

استاذ عوض يا حليل السودان و حليل مدني

بالرغم من اني ليس من مدني بس لديه أصدقاء أعزاء في مدني و لو أعطيتني الخيار بختار امشي جزيرة الفيل

مدنيّة

16-09-2006, 04:15 AM

ابوعلاء اخوي وقت ما من مدني بتشعر فيها ماااااااااااااااااااااااااااااالك ؟؟ كدي اعترف وسرك في بير مابصل لام علاء

احلي اختطاف استاذ عوض واحلي ناس ناس ام محمد وبقية العيلة يارب فعلا نتعرف بيهم علي الاقل ماتبقي عرفة منتديات والسلام

ابوعلاء بخطفك اوديك امواج نتغدي هناك عشان رمضان قرب

abu_ola

16-09-2006, 04:32 AM

مدنية قلتي لي سري في بئر و لا صهريج !!!!!!!!!!!!!!!!!!!!!!!

عشان يا أدس الماسورة و لا الدلو

ما علينا بمناسبة ذكري أم علا تعالي نخطفك تمشي البيت تتعرفي عليها

مدنيّة

16-09-2006, 11:08 PM

انا المرة دي بخطف ام علاء زااااااتها في رقبتها واجيبها السودان اديها شوية اربي وحاة الله مامستعمل بس علي شرط ادوا معاكم ود الماحي شايفاه بهضرب هضربة السنين بالابري

عوض صقير

17-09-2006, 02:59 AM

أبوعلا طيب لو ماشى جزيرة الفيل بتجى مارى بى بيتنا وبكلم محمد يجرك من قميصك ويدخلك البيت

مدنية بتشرف بمعرفتك وزى ماقلت ماتبقى عرفت منتديات فقط وناس أم محمد ومحمد فى أنتظارك فى العيد أن شاء الله

مدنيّة

17-09-2006, 03:19 AM

ياريت والله

وعندي اهلي في حي الجامع بصلهم باذن الواحد الاحد اصلي مدني دي الا الاعياد

انا بخطفك نمشي نشوف البت نورنا دي غطست كدا مالها وبالمرة نشيل لينا معاها ابري حاكم المغتربين ديل حالهم يحنن

عوض صقير

17-09-2006, 03:26 AM

حى الجامع ينور بزيارتكم والله

يلا نخطف البت نورنا وطبعا لو عرفت بالأبرى ح تظهر بسرعة البرق

مدنيّة

17-09-2006, 03:38 AM

العجب ود الماحي ح يطير من الفرح قال عايز ليه ابري انشاء الله مستعمل ههههههههههههه

بخطفك تاني يا اتساذ عوض اوديك القاهرة ناكل بيتزا في كنتاكي بسرعة كدا ونجي

عوض صقير

17-09-2006, 04:34 AM

والله أختطاف القاهرة ده وقع لى فى جرح
ومن القاهرة بخطفك ونمشى أسكندرية محطة الرمل عازمك عشاء عند على كيفك لأنى من زمن الدراسة تانى ماشفتها

سوار الياسمين

17-09-2006, 04:58 AM

وانا يا عم عوض اخدكم معاي للقلعة في اسكندرية جوها يرد الروح من السنة الفاتت ما مشيت ليها

عوض صقير

17-09-2006, 05:05 AM

وأنا كمان بخطفكم نمسى المرسى أبو العباس نصلى المغرب
وبعدها نمشى شارع سعد زغلول وصفية زغلول أشترى ليكم هدايا

ومعاها هريسة من الحلبى

سوار الياسمين

17-09-2006, 05:20 AM

اااااااااااااه من الهريسة والبسيمة يا عم عوض بموت فيها

ارح اسه عليك الله

طيب انا باخدك معاي شط ميامي عشان نسهر هناك ومعانا مدنية

عوض صقير

17-09-2006, 05:26 AM

ميامى حلوة لكن على شرط

أنا باخدكم أنت ومدنية معاى بعد ميامى الى المعمورة عشان تستمتعوا بالأيسكريم بتاع المعمورة

سوار الياسمين

17-09-2006, 05:32 AM

ما عندك مشكلة

وبعدها نمشي سيدي جابر نتمشى هناك

عوض صقير

17-09-2006, 05:44 AM

جدا نمشى سيدى جابر

وبعدها نمشى كامب شيزار عندى واحد هناك بعمل فطائر بالسمنة البلدية ماحصلت

مدنيّة

17-09-2006, 10:14 PM

استاذ عوض بخطفك نمشي المغرب نفسي والله اشوفها

عوض صقير

18-09-2006, 03:17 AM

حمدلله على سلامتك مدنية أمس أختفيتى مننا فى أحد شوارع الأسكندرية
وسوار الياسمين رفضت تكمل أكل الهريسة وكانت حزينة على أختفاءك

والله أنا كمان نفسى أشوف المغرب يلا نمشى

بعد المغرب بختفط نمر على تونس ونشوف الخضرة على أصولها

مدنيّة

18-09-2006, 04:30 AM

سوار الله يديها لعافية تكون زعلانة عشان هي في السجن

طواااااااااااااااااااااالي ماعندي اي مانع

وبعدها نمشي علي الجزائر عشان نكون كدا كملنا دول المغرب العربي

عوض صقير

18-09-2006, 04:51 AM

الى الجزائر مدنية على الأقل نترحم على المليون شهيد

وبعدها بخطفك الى هولييود نشوف أخبار الناس ديل شنو

مدنيّة

18-09-2006, 11:27 PM

تمااااام

ومن هناك نمشي علي اسبانيا نفسي اشوفها والله

عوض صقير

19-09-2006, 01:29 AM

جدا الى أسبانيا ولازم نمشى برشلونة نسلم على رونالدينو

وبعدها الى سوريا قالوا حلوة نمشى نشوفها

مدنيّة

19-09-2006, 01:33 AM

ياخ رونالدينو دا كنت بتكيف للعبه جدا بس بعد عملته الاخيرة اثناء حرب حزب الله مع اسرائيل طلع من نفسي لكن نمشي برشلونة نشوفها للزمن

من سوريا نمشي علي لبنان دي حاكم الحرب خلا وقفت ونشوف الناس دي عاملة شنو بعد الحرب؟؟

عوض صقير

19-09-2006, 01:55 AM

عمل شنو رونالدينو ماسمعت ؟

لبنان بلد حلوة ناس ال Lbc

بعد لبنان ناس الرياض زعلانيين منك وقالوا مدنية أبدا مامتذكراهم نمشى الرياض عشان ترضى على أهلها

مدنيّة

19-09-2006, 03:57 AM

اجي ياولد امي ؟؟؟

ماشفت عاد رونالدينو ايام حرب حزب الله مع الاسرائلين قال اتبرع لاطفال اسرائيل عشان الارهاب اللي اتعرضوا ليه !!!!!!!!!!

تمااااااااااااام نمشي الرياض ونزور اهلها ومنها نمشي مكة والمدينة نادي لينا عمرة

عوض صقير

20-09-2006, 03:41 AM

عمرة مقبولة

قال رسول الله صلى الله عليه وسلم : ( عمرة فى رمضان كحجة معى )

وبعدها نمشى جدة سوق باب شريف نلقط ليك هدايا لى ناس السودان

التيمان

20-09-2006, 11:32 PM

انا بوديك شارع الجمهوريه تخش ساعه نت

مدنيّة

21-09-2006, 02:46 AM

ههههههههههههه

التيمان همكم كله النت

خلا انا بوديك القمر رايك شنو !!!!!!!!!!

عوض صقير

24-09-2006, 02:05 AM

سلام مدنية رأيك شنو أوديك جنوب أفريقيا
أكيد ماعندك مانع

مدنيّة

24-09-2006, 02:56 AM

تماااااااااااام ونمشي علي ناس نلسون ديل نشوف خبرهم شنو !!

انا بخطفك نمشي علي سوارنا دي نشوفها مالها مختفية كدا

عوض صقير

24-09-2006, 03:30 AM

الظاهر عليها متجرسة شوية من رمضان يلا نمشى ليها

وبعدها بخطفك نمشى نفطر فى الحرم ونصلى المغرب مع السديس

abu_ola

24-09-2006, 09:47 AM

كل عام و انت بخير أخي عوض

بعد ما تصلوا التراويح في الحرم
تعالوا زورنا في الخبر مواصلة الأرحام بتوسع الرزق

عوض صقير

25-09-2006, 02:16 AM

أخونا أبوعلا
رمضان كريم وكل عام وأنت بخير

ماعندنا مانع جهز العشاء والسحور ونحن بنجيب معنا موية زمزم

وبعدها بالمرة نمشى قطر نتفقد أختنا سوار لو ماعندكم مانع

abu_ola

25-09-2006, 09:40 AM

مرحبتين حبابك أستاذ عوض أنت و الجماعة المعاك

و بعدين بالمرة نزور اخونا زول فردة و الود حسون باقي غايبين ليهم فترة

عوض صقير

26-09-2006, 02:36 AM

جدا نزور أخونا زول فردة وحسون
وبعدهم نزور كل الغايبين نتفقدهم بالمرة ونشوف أخبارهم شنو ؟

abu_ola

26-09-2006, 09:13 PM

ممتاز يا يا أخ عوض نواصل كل الأرحام و الأ÷ل و الأصدقاء في هذا الشهر المبارك

يعني أختطاف مفتوووووح زماناً و مكانا

رأيك شنو ؟.

نور العيون

26-09-2006, 09:20 PM

بخطفك يا ابو علا و بوديك لندن نقوم نمشي سياحه .....

عوض صقير

27-09-2006, 02:35 AM

بخطفك نور العيون بوديك مروى سياحة أيضا

abu_ola

01-10-2006, 01:46 AM

انا بخطفك كلكم اعضاء المنتدي و تجو تعيدو معانا في المدنية المنورة

اها رأيكم شنو ؟؟؟

zoolfrda

01-10-2006, 06:51 AM

حاجة جميله

وبعد داك أخطفكم لمكه ونعمل كلنا عمرة رمضان رأيكم شنو ؟

abu_ola

01-10-2006, 10:28 AM

فردة تعال نخطف أنفسنا و نزوركمفي الإمارات نتشرف بمعرفة الأسرة الكريمة

أنت قلت لي من وين في أم درمان ( أسفين يا شباب )

عوض صقير

04-10-2006, 03:50 AM

أبوعلاء قبل ماتمشى الأمارات مع فردة
رأيكم شنو نمشى الخرطوم محل الرئيس بنوم والطيارة بتقوم

نشوف أختنا مدنية مختفية مالها

الظاهر عليها متجرسة و قالوا رمضان مسخن معاهم

اللمسة الساحرة

19-10-2006, 02:29 AM

الاخ عوض صقير والله مدنية عزيزة علينا وماعارفه سبب اختفائها شنو انشالله يكون المانع خير ،
بس برضو السودان وفي السودان الخرطوم في الحر دة معليش مابنقدر امشي انت وسلم لينا على مدنية لانو انا ماشة الاسبوع الجاي السودان عشان كدة مامستعجلة انتو تعالو لينا هنا في الرياض

راسكال

31-10-2006, 08:00 AM

أنشاء الله تكون الدعه عامه يا اللمسة الساحره

وسلمو عليها برضو

والسلام أمانه

مدنيّة

01-11-2006, 01:53 AM

مشكور والله استاذ عوض

وانتي يا اللمسة الساحرة يابت الفيك اتعرفت خلا يعني شنو سخااانة يابت مااهو انا دمي نشف وقااااااااااعدة وصابرة فيها

ياريت والله لو جيتي تتصلي علي باي وسيلة ياغالية

تسلم راسكال

وانا بخطفك نمشي ننتظر اللمسة الساحرة في المطار

خطاب العبيد

02-11-2006, 04:39 AM

وانا بخطفك يامدنية ونمشى تعدى ليك شهر فى شرم الشيخ فترة نقاها من غبار السودان وهضربة الحادث
وبالمناسبة الف الف حمد لله على السلامة ويدوب اليوم عرفتة بالصدفة من موضوع الزولة الراقية سوار الياسمين ونشكرها عبرك على التواصل الجميل ده وربنا يدوم عليك نعمة الصحة والعافية

reeem

02-11-2006, 06:37 PM

اولا حمدالله على السلامة يامدنية وما تشوفي شر انشاء الله..
ثانيا انت ياخطاب وقعت معاي يلا حقوم اوديك مكان ظريف شديد حوديك معاي وين ؟ وين ؟ وين ياربي ؟ ايوا عرفت حوديك معاي البحر و حرجعك عطشان..

محمد مصطفي

03-11-2006, 04:51 AM

وقعتي تاني معاي يا ريم شيلي شيلتك

طيب حاخطفك واوديك السجن رايك شنو خخخخخخخخخخخخخخخخ

راسكال

03-11-2006, 08:56 AM

أنا عوز أخطف سور الياسمين

وأوديها أبعد كوكب في المجموعه الشمسيه

عشان أريح الناس من لسانها الطويل

محمد مصطفي

04-11-2006, 08:18 AM

انا اقوم اخطفك يا حبيب واوديك بيتكم

راسكال

04-11-2006, 08:28 AM

بصراحه أنا عاوز أخطف التيمان

لكن المشكله أشيلم بي شنو

خطاب العبيد

05-11-2006, 04:58 AM

ياريم مشكورة على خطفك لى وترجيعك لى عطشان من البحر لكن اتحداك نشوف مين فينا البعطش التانى .

ثانيا انا بخطفك واوديك القطب المتجمد الشمالى مع الدببة واخليك فى قطعة جليد مربعة عايمة فى قلب الموية ومعاك اربغة من الدببة القطبية

reeem

05-11-2006, 07:10 PM

برضوا بتقع معاي طيب انا بشكرك على المكان الجميل وانك خليتني اشوف الدببه طيب انا حسع بخطفك وبوديك معاي نشوف الدلافين اها رايك شنو زيارة حلوة صح ..

مدنيّة

06-11-2006, 01:17 AM

ريمونا انا بخطفك اوديك شارع مدني رايك شنووووووووووووووووووو

محمد مصطفي

06-11-2006, 04:09 AM

مدنية انا بخطفك واوديك منتزه الكاسح في مدني رايك شنو

خطاب العبيد

06-11-2006, 04:26 AM

ياكبك انا بخطفك واوديك زيارة الى المسلخ بتاع الكريبة عشان تشوف الجلود بتطلع كيف

Madanawi

06-11-2006, 04:38 AM

والله خطافين - لكن انا بخطفكم واوديكم ورا الشمس اها رايكم شنو؟؟؟؟؟؟؟؟؟؟؟؟

محمد مصطفي

06-11-2006, 06:53 AM

جدا يا خطاب العبيد ما عندك اي مشكله بمش معاك

وبخطفك يا يا مدناوي بوديك ورا القمر

راسكال

06-11-2006, 09:12 AM

بصراحه أنا عاوز أخطف كبك ونمشي لى السور الياسمين

عشان نشوفه بعد لسانا الطويل دى سمح ولا.............

reeem

06-11-2006, 06:39 PM

انا بخطفك يامدنية وبوديك نزهة حول العالم رايك شنو...

محمد مصطفي

07-11-2006, 08:27 AM

ريم ما تخربي اللعبه قلنا اللقبالك

وانا بخطفك يا ريم واوديك اي محل حابه تمشي ليهو

reeem

07-11-2006, 05:19 PM

طيب انشاء الله ...

انا بخطفك وبوديك الملاهي عشان تلعبني على حسابك ...
ههههههههههههههههههههههههههههههههههه

محمد مصطفي

08-11-2006, 05:07 AM

جدا

انا بخطفك يا ريم وبديك تصيفي في شرما الشيخ

هههههههههههههههههههههه

خطاب العبيد

08-11-2006, 05:34 AM

انا بخطفك ووديك لى معسكر ودالحداد لقضاء الخدمة الالزامية (حيث ان القمل اجارك الله يمشىفى الارض حتى المستجدين عافهم )

رايك شنو ياكبك

راسكال

08-11-2006, 07:40 AM

عوز أخطف مزووووووونى و خطاب أوديهم

القمر

وأفيكهم من غير بدل فضاء

محمد مصطفي

09-11-2006, 07:17 AM

انا داير اخطفك يا راسكال

حاوديك محل ما انت عاوز

راسكال

09-11-2006, 08:43 AM

وانا ياكبك

هاخطفك وأوديك طورامبورا

reeem

09-11-2006, 10:12 AM

وانا حوديك المحيط

محمد مصطفي

10-11-2006, 05:57 AM

وانا حواديك البحر

راسكال

10-11-2006, 08:32 AM

وانا ماماشى معاكم

ههههههههههههههههههه

reeem

10-11-2006, 08:30 PM

طيب انا بوديك يا راسكال دزني لاند نقضي اليوم مع بعض رايك شنو؟

خطاب العبيد

10-11-2006, 11:25 PM

طيب ياريم انا بخطفك واوديك معاى الى

رحلة فى تنزانيا عشان تشوفى حياة البرارى على الطبيعة

محمد مصطفي

11-11-2006, 07:54 AM

خطاب العبيد انا بخطفك معاي

رحله في البحر رايك شنو

راسكال

11-11-2006, 09:17 AM

ريم يديك العافيه

بس ورينى متين عشان ممكن اكون مشغول

وانا بخطفك يا ريم واوديك جبال لبنان نزحلق في التلج هناك

رايك شنو

فتاة مالي

12-11-2006, 06:11 AM

انا بخطفك يا رسكال اوديك معاي رحلة عبر الزمن نروح فيها الى العصر العباسي وزمن الاسكندر رايك ايه

محمد مصطفي

12-11-2006, 06:35 AM

فتاة مالي انا بخطفك واوديك الاحسان

عازمك كافي رايك شنو

راسكال

12-11-2006, 09:37 AM

فتاة مالي

هتكون رحله ولا في الاحلام مشكوره

وانا بخطفك في رحله عبر الزمن برضو لكن

نمشي عصر الديناصورات واسيبك هناك

واجي راجع

رايك شنو

محمد مصطفي

15-11-2006, 07:35 AM

وانا يا راسكال بخطفك واوديك الكاسح

رايك شنو

HaSsOoN

15-11-2006, 08:33 AM

سوقني معاكم ياكبك ..المنتجع

انا بخطفا ياكبك بجيب الدوحه واوديك الكورنيش الايام دي الجو اوروبي في الدوحه

reeem

16-11-2006, 07:35 PM

وانا بخطفك ياحسون واوديك زيارة لي جبال الألب رايك شنو

بات مان

17-11-2006, 04:34 AM

انا بخطفك ياريم واوديكى اى مكان تختاريهو فى العالم بشرط

تكاليف الرحله تكون عليكى

ok

هههههههههههههههههههههههههههههههه

;) :cool: ;) :cool: ;) :cool: ;) :cool: :D

محمد مصطفي

17-11-2006, 06:09 AM

انا بخطفك يا بات مان واوديك لي التيمان

قالو دايرنك

بات مان

17-11-2006, 11:57 AM

انا ياكبك بخطفك اوديك

المزاد

ههههههههههههههه

reeem

17-11-2006, 06:24 PM

أنا بخطفك يا باتمان و اوديك حديقة الحيوان

خطاب العبيد

17-11-2006, 09:20 PM

انا بخطف ريم وكبك واوديهم يحضرو فلم رعب فى هوليوود

بات مان

18-11-2006, 12:59 AM

انا بخطفك ياخطاب اوديك مكه نمشى نحج بس تكاليف الحج عليك لانى مفلس

ااسمر

18-11-2006, 03:17 AM

مدنيه انا بخطفك واجيبك هانكس واعزمك ساعتين علي الانترنيت

خطاب العبيد

18-11-2006, 05:07 AM

على الرحب والسعة وحبا وكرامة يابات مان من عيونى .
وانا بخطفك انتا وفتاة مالى وتمشو معاى تحضرو زواجى بإذن الله تعالى

محمد مصطفي

18-11-2006, 07:21 AM

وانا بخطفك يا خطاب اوديك حته لا النور لا المويه ما وصلوها

عشان ما تعرس

راسكال

18-11-2006, 08:51 AM

بخطف ريم واوديها الصومال

ورايك شنو؟

بات مان

18-11-2006, 10:20 AM

انابخطفك ياراسكل اوديك كسلا

عشان

تشوف

و

نهر القاش

reeem

18-11-2006, 07:39 PM

ما موافقة ياراسكال وامشي براك

وانا بخطفك ياباتمان واوديك كوكب المريخ

بات مان

19-11-2006, 02:23 AM

ان بوديكى ياريم

البحر الاحمر

هههههههههههههه

خطاب العبيد

19-11-2006, 10:48 PM

والله يابات مان انابحبك فى الله وقلتى خلاص الود بيحج معاى وعلى حسابى تقوم تتمنى لى كده ياخ انتا غريب جدا المهم على الرحب والسعة برضو .

وانابخطف فتاة مالى تحضرحفل توزيع الاوسكار

بات مان

20-11-2006, 03:32 AM

بخطفك ياخطاب

واوديك نحضر حفله فى الديم

فتاة مالي

20-11-2006, 01:41 PM

مشكور يا خطاب يا عسل كلك ذوق
ومبروك يا عريس بس اهم شي تترك التلفون وانت على الكوشه علشان ما تزعل العروسه
انا بخطفك يا بتمان اوديك اعماق البحر نشوف مين نفسه اطول انا ولا انتا ايه رايك

reeem

20-11-2006, 07:09 PM

وانا بخطفك يافتاة مالي واوديكي معاي نحضر في السينما فيلم كمودي

ابوالنور

21-11-2006, 03:44 AM

خطاب انا بخطفك اوديك الزريبه تشتري لي خروف لانو اهل مكه ادري بها

فتاة مالي

21-11-2006, 08:12 AM

انا بخطفك يا ابو النور اوديك ميدان الفروسيه نركب خيل حقيقي
نشوف مين يسبق التاني
ايه رائيك

ابوالنور

21-11-2006, 09:31 AM

وانا موافق بس العزومه عليك

محمد مصطفي

21-11-2006, 09:48 AM

انا بخطفك يا ابو النور واوديك محل ما انت ماشي

اوكي

ابوالنور

22-11-2006, 02:05 AM

اوكي يا فرده بس ما يكوووووووووووووووووووون!!

محمد السر احمد

22-11-2006, 09:41 AM

ابو النو انا بخطفك اوديك بور تسودان عشان تحضر المطرة ههههههههههههههه

بات مان

22-11-2006, 10:31 AM

انا بخطفك يامحمد اوديك

مطعم نفطر على حسابك

ههههههههههههههه

شزى الياسمين

23-11-2006, 04:42 AM

انتو ناس بخيلين كده مالكم اى شيء على حسابك على حسابك طيب وين الكرم والشهامة ياشباب والله كلام ياعوض دكام ....؟
طيب انا بخطف بات مان + ابوالنورواوديهم يحضرإحكم إعدام بالكرسى الكهربائى

ابوالنور

23-11-2006, 05:28 AM

دي وين عشان نحدد ماشين ولا 00000000000

محمد مصطفي

23-11-2006, 08:12 AM

انا بخطفك يا ابو النور واوديك الطريفي نت رايك شنو

راسكال

23-11-2006, 09:09 AM

وانا بخطفك يا شزى الياسمين

واوديك ساحل العاج

رايك شنو؟

reeem

23-11-2006, 06:25 PM

انا بخطفك يا راسكال و أوديك معاي البر رايك شنو؟

بات مان

24-11-2006, 12:11 AM

انا بخطفك ياريم بوديكى

دريم لاند

راسكال

24-11-2006, 09:24 AM

موافق بشرط يكون في مندى

وانا علي البارد والشاى

بات مان

24-11-2006, 12:15 PM

انا يارسكل بخطفك اوديك

نمشى نكتم

محمد مصطفي

25-11-2006, 01:49 AM

بخطفك يا بات مان واوديك حفله

رايك شنو

ولد مدنى

25-11-2006, 10:21 AM

والله انا بخطف اخوى كبك ونمشى لى اشرف

reeem

25-11-2006, 07:19 PM

وانا بخطفك وحوديك الحضانة...
ههههههههههههههههههههههه

راسكال

26-11-2006, 02:49 AM

ههههههههههههههههه

ريم ارحمى الشباب شويه

وانا بخطف التيمان اوديم يخطبو لي ريم

بات مان

26-11-2006, 03:06 AM

مبروك راسكل

انا بخطفك

واوديك ناس ريم
هههههههههه

محمد مصطفي

26-11-2006, 06:59 AM

انا بخطفك يا بات مان اوديك الخرطوم عشان ارتاح منك

ابوالنور

26-11-2006, 07:03 AM

وانا بخطف يا كبك والا تجي ريم عشان افكك

راسكال

26-11-2006, 09:05 AM

هههههههههههههههههه

معناها ما هتفكو

وانا بخطف مزوووووووووونى واوديو البحر واجيبو عطشان

ابوالنور

27-11-2006, 01:55 AM

وانا بخطف راسكال من مزوني واعزمو مويه صافيه

بات مان

27-11-2006, 02:00 AM

انا بخطفك يابو النور واوديك

اى مكان فى العالم يعجبك

راسكال

28-11-2006, 10:01 AM

طيب انا بخطف بات مان ونمشى الديم نحضر حفله هناك

محمد مصطفي

28-11-2006, 10:03 AM

انا بخطفك يا راسكال واوديك دردق
انشاء الله تكون فهمته لي
ههههههههههههههها

nahla abass

29-11-2006, 02:13 AM

أنا بخطف كبك وأوديهو معاى دبى
يااااابختك

ماستر

29-11-2006, 02:20 AM

تسلممممممممممممممو

بات مان

29-11-2006, 03:50 AM

انابخطفك ياماستر واوديك مكان ماجيت

محمد مصطفي

29-11-2006, 08:27 AM

انا بخطفك يا بات مان واوديك عطبره نتفسح هناك

داير اشوف العجله بتاعتك هناك

راسكال

29-11-2006, 08:40 AM

وانا بخطفك ياكبك اوديك ارض الطفل تلعب هناك

رايك شنو؟

ابوالنور

30-11-2006, 02:54 AM

جابت ليها لعب اطفال
انا بخطفك يا كبك اوديك الدار الزراعي تلعب معانا كتشينه

محمد مصطفي

30-11-2006, 03:17 AM

ميه الميه يا ابو النور

وانا بخطفك يا ابو النور عازمك كبتشينو في الاحسان

شاكسس

30-11-2006, 05:12 AM

كبتشينووو

دى خلقت كبتشينو

قول فته عند اشرف

خشاف عن كسار

ههههههههه

تحياتى،،

راسكال

30-11-2006, 08:28 AM

انا بخطفك يا شاكسس ونمشى نتمشى

رايك شنو؟