سُـحقـــاً للحناكيش والحنكوشات !!!!!!!!

[HaSsOoN]

http://www.asmilies.com/smiliespic/ar_welcome/aaa0asmilies.gif (http://www.asmilies.com)

وجمعه مباركه على الجميع وربنا يستجيب للدعوات ان شاء الله

الليله عندي ليكم موضوع ظريف جدا وصلني عن طريق الايميل وحبيت انو انقلوا ليكم هنا

http://www.asmilies.com/smiliespic/FAWASEL/002.gif (http://www.asmilies.com)

لا يُخفي عليكم سيطرة الحناكيش والحنكوشات علي أماكن الترفيه المعدومةأصلاً في هذا البلد وعلي كثير من الجامعات (جامعة الخرطوم يتناقص فيها عدد شياطين ومفتحين أمدرمان (الثورة - أمبدة) يوماً بعد يوم) حتي يصل
العدد في الاخر إلي الصفر المجرد ... !!!
لعل مشكلتنا مع الحناكيش كبيره منذ الازل فهم متسحسحون يضيعون أموال
الشعب في الكماليات ويخلقون الطبقة الارستقراطية في المجتمعات
الشبابية السودانية مما يكرس الغبن المتنامي في نفوس فقراء
الاقاليم...!!!
ومشكلتنا مع الحنكوشات أكبر وأعمق ... فالحنكوشات أشد خطراً خصوصاً
(حنكوشات الشهادات العربية) و (متحنكشات الانترنت) !!!
>>> >>تعريف:-
((الحنكوش حسب النظرية الجسيمية الرمتالية المعدلة لسنة 1427 للعام
الهجري 2006 عقب الميلاد تنص فى الفقرة الثلاثين بعد المئة والتى تهتم
بتعريف الحنكوش / الحنكوشة بانه ذلك الززززززوووول الذى لم يذق طعم البشتنه فى حياته الدنيا .. ولم يتمتع بمذاق الشلهتة فى مدافرات
مواصلات الكلاكلة القبة ... ولم يستمتع بسكن رواكيب الحاج يوسف التى تقى حرارة الشمس ولا تغنى عن زمهرير الشتاء .. وقضى جميع مراحله التعليمية فى المدارس غير الحكومية ذات الطوابق المتعددة والبلدان
العربية ذات الرفاهية المطلقة.. والمكيفات ذات الهمبريب الضاغط
ولم يشرب من المياه سوى مياه سوبا الصحية ))
>>> >>صفات الحناكيش:-
الحناكيش ناس (بابــــــــا) و (مامـــــــا) وناس ال (جلكسي جواهر) والبيرقر الجامبو) وناس (أحواض السباحة) و (لعب البلياردو) وناس (عمرو دياب) و (نانسي عجرم) وأخر غنية ل (راغب علامة) لسه ما حفظتها ... ناس حفلات (إيهاب توفيق) البي 300 الف جنية ............ ناس (حمودي) ما ضرب لي الليلة ولا رسل لي رسالة ولا عمل لي مسكول أنوم كيف أنــــــــا الليلة !!!!!!! ناس العربات الكامري وميرسيدس 2005 وعربات ما عارفين عدلتها من قلبتها, راسها من اخرها... !!!
ناس الفلنتاين وعيد الزواج .!!!
ناس الرفييرا وناس الغناء والرقيص ... !!!
لابد
من ثورة ضد الحناكيش والمتحنكشين
:) :) :) :) :) :) :)

[نزار حسن محمد]

. اخى العزيز حسوووووون لك تحياتى عذرا اخى لقد حذفت بعض الكلمات وذلك لى اسباب انت تعلمها
اتفق معك اخى حسون على خطورة ظاهرة الحناكيش .. والخوف من ارتباطهم بى عبدة الشيطان تلك المجموعات التى ظهرة بجمهورية مصر ودول اخرى ..ندعوا الموالى بان يبعد ابناء وبنات السودان من هذا السلوك ..والحناكيش والحنكوشات اعتبرهم دخلاء على عادات وتقاليد الشعب السودانى ..

[HaSsOoN]

اخوي نزار يديك العافيه على المرور...وعلى مااعتقد الكلمه الحذفت ماكلمه بذيئه ولا لااخلاقيه.....

[سواااح]

عزيزي حسون ..

الحناكيش ظاهرة اجتماعية
يجب التعامل معها وفق معايير
تخلط بين الحذر والخشية
نحذر كل ما يحملونه من افكار
ونخشي ان نتركهم وحدهم دون احتواء
فنكون عالجنا الخطا بخطا اخر

دمــــــــــــت ،،

[HaSsOoN]

الاخ العزيز سواح شكرا على تواصلك وتفاعلك مع الموضوع ويديك العافيه

[محمد حسين (المميز)]

حسوووووووووووووون
الحناكيش هينين الكلام الرمتاله المتحنكشين
الحنكشتهم تعمل طمّــه
حمـــــــانا اللــــــــــــــه
من الحنكشه والمتحنكشين
تسلم ياغالي

*************

[أسامة رقيعة]

الاخ العزيز سواح شكرا على تواصلك وتفاعلك مع الموضوع ويديك العافيه

العزيز حسون
روقت مزاجي بموضوعك الجميل هذا
وقد ابتسمت وانت تقدم هذا التعريف المانع والجامع لهذه المفردة
ولكن أرى يا عزيزي ان المشكلة ليس فيما ذكرت فما ذكرت هي نعم محضة لله في خلقة شؤون فيها ولكن المشكلة هي العقلية التى تتعامل مع هذه النعم المحضة ..
أرى انك كفء لان تقدم لنا فكرة منهجية اصلاحية تعيد للعقول مقدرتها المتوزانة للتعامل بما ورد في تعريفك الجامع
لك محبتي كلها ايها الجميل
أسامة رقيعة

[lamis]

موضوع حلو شديد يا hassoon

thanx
:)

[HaSsOoN]

حسوووووووووووووون
الحناكيش هينين الكلام الرمتاله المتحنكشين
الحنكشتهم تعمل طمّــه
حمـــــــانا اللــــــــــــــه
من الحنكشه والمتحنكشين
تسلم ياغالي

*************

هههههههههههههههه ديل موضوعم براهم لكن واللهي دي ظاهره غايتو الله يستر لي قدام كدا

شكرا ياحبيبنا المميز على ردودك الحلوه

[HaSsOoN]

العزيز حسون
روقت مزاجي بموضوعك الجميل هذا
وقد ابتسمت وانت تقدم هذا التعريف المانع والجامع لهذه المفردة
ولكن أرى يا عزيزي ان المشكلة ليس فيما ذكرت فما ذكرت هي نعم محضة لله في خلقة شؤون فيها ولكن المشكلة هي العقلية التى تتعامل مع هذه النعم المحضة ..
أرى انك كفء لان تقدم لنا فكرة منهجية اصلاحية تعيد للعقول مقدرتها المتوزانة للتعامل بما ورد في تعريفك الجامع
لك محبتي كلها ايها الجميل
أسامة رقيعة

كاتبنا الرائع اسامه رقيعه تشرفت بي ردك الرائع والجميل ....ودي ظاهره خطيره جدا بدت تظهر بي كثره في المجتمع السوداني ودايرا ليها حل من الجذور ...والموضوع دا بحتاج مناقشه من جميع النواحي الشرعيه والنفسيه

ويديك العافيه يااسامه رقيعه

[HaSsOoN]

موضوع حلو شديد يا hassoon

thanx
:)

تسلمي كتير على تواصلك الراقي يالميس Thanx alot

[نزار حسن محمد]

اخوي نزار يديك العافيه على المرور...وعلى مااعتقد الكلمه الحذفت ماكلمه بذيئه ولا لااخلاقيه.....

الاخ حسون قلت الكلمه التى حذفت ماكلمه بذيئه ولا لااخلاقيه..
اولا ..هى ليست بكلمه كما ذكرت وانما عدت كلمات ورموز استفهاميه وعلامات تعجب .تعنى المضمون المعنى اتمنى ان تراجع الاميل لذى وصلك وتراجع الموضوع وترى الكلمات والعلامات التى حذفت وما هو معنها والى اى معنى ترمز العلامات. وشكرا

[HaSsOoN]

الاخ حسون قلت الكلمه التى حذفت ماكلمه بذيئه ولا لااخلاقيه..
اولا ..هى ليست بكلمه كما ذكرت وانما عدت كلمات ورموز استفهاميه وعلامات تعجب .تعنى المضمون المعنى اتمنى ان تراجع الاميل لذى وصلك وتراجع الموضوع وترى الكلمات والعلامات التى حذفت وما هو معنها والى اى معنى ترمز العلامات. وشكرا

الاخ نزار اولا شكرا ليك على متابعتك وحرصك على المنتدى ودي حاجه مقدرا ليك
ثانيا: انا نقلت الموضوع هنا في المنتدى لانو بناقش الظاهره دي والمتفشيه في السودان بصوره فكاهيه.......والكلمات وعلامات الاستفهام والتعجب الرأيت انو فيهم اشاره الى مضمون ما .....المعاني المقصود بيها دي فعلا حاجات حاصله ومتفشيه ....ومن وجهة نظري الطريقه التى تم الاشاره فيها للكلامات دي احسن من ماتجي بطريقه مباشره

ولك العتبى اخوي ود حسن .......واشكرك مره تانيه على تواصلك وحرصك على المنتدى......

[الزبير محمد عبدالفضيل]

الاخ / حسون لك التحيه والعرفان علي اثارة هذا الموضوع المهم نعم ونعم ونعم ولازم نحاربهم بنات واولاد لازم

نرجعهم الي العادات السودانيه السمحه التي تخلي الشاب رجل بمعني الكلمه وتخلي البنت مراه الحنكشه للولد او البنت


ليس بالعاده الطيبه انما هي عاده تجرف الي الضياع والبعد من عاداتنا السمحه الكريمه



اكررررر شكري لك ياحسون موضوعك جميل ارجو من الجميع النقاش

[امل حياتى]

حسون يا رائع يعطيك الف عافية بس اوع تكون انت حنكوش واحد منهم لانك شهادة عربية والجماعة اشتغلوك فى السودان شوفو ود قطر ود المكيفات والتفاح والعنب

[نزار حسن محمد]

الاخ نزار اولا شكرا ليك على متابعتك وحرصك على المنتدى ودي حاجه مقدرا ليك
ثانيا: انا نقلت الموضوع هنا في المنتدى لانو بناقش الظاهره دي والمتفشيه في السودان بصوره فكاهيه.......والكلمات وعلامات الاستفهام والتعجب الرأيت انو فيهم اشاره الى مضمون ما .....المعاني المقصود بيها دي فعلا حاجات حاصله ومتفشيه ....ومن وجهة نظري الطريقه التى تم الاشاره فيها للكلامات دي احسن من ماتجي بطريقه مباشره

ولك العتبى اخوي ود حسن .......واشكرك مره تانيه على تواصلك وحرصك على المنتدى......


اخى الرائع دوما حسووون اولا اخى انت من الاعضاء الذين اكن لهم كل الاحترام والتقدير وكما قلت فاننا كمشرفين حملنا تكليف ومسؤليه لكى يظل المنتدى ودما كما نصبوا اليه فى المقدمه وهذا يتتطلب من التكاتف والتعاون
ثانيا بخصوص الموضوع كما لحظات لم يخرج من المضمون الذى نقلته للاعضاء من غير الاشارة للكلمات او العلامات التى تم حذفها . وقد ذكرت من وجهة نظرك الطريقه التى تم الاشاره فيها للكلامات دى احسن من ماتجى بطريقه مباشره
وهنا اختلاف معك اخى حسون فالمنتدى مفتوح للجميع من عمر سبعه سنوات الى ماشاء الله .. لهذا يجب ان نراعى
كل ذلك .. اكرر اخى حسون شكرى وامنتنانى ودمت لنا ... اخوك ودحسن

[HaSsOoN]

في تقدير المتواضع ان مجموعة بسيطه من الفتيات والفتيان وهم اغلبيه من ابناء المغتربين او الاثرياء وهذا الذي يحدث منهم نوع من المرض النفسي ونقص في الذات والشخصيه الاذدواجيه وهي شخصيه تتربي بين البنات وقد تكون لاسباب كثيره منها انه وحيد والديه وكثر عليه الدلال او انه مريض بمرض خطير منذ الصغر وهو التشبه بالفتيات والميل اليهن وذلك من عده اسباب منها عدم الفصل بين الابناء في المضاجع وهذةوصيه الرسول الكريم (ص ) وقد يكونتربي في بئيه غير صحيه يعني يكون الاب او الام غير سوين وغير معتدلين او غير مرتبطين بتعاليم ديننا الحنيف الاسلامي السمح الذي من يتبعه يصل الي طريق النجاه وقديكون من لهم عقدة نقص ويريدون اكمالها بسلك طريق مميز وطريق مختلف قد يلفت النظر اليهم وهذا يستوجب العلاج النفسي وعلي المجتمع ان يحدث ثوره لنبذ هولاء والتعامل معهم مثل التعامل مع المنخنسن من الرجال والمتخنسات من النساء وهذة ظاهرة منذ زمن الاسلام الاول وقد امتدت هذة الظاهرة الي يومن هذا حيث يطالبون الان بحقوق وغيرذلك من والامم المتحدة وغيرها من المنظمات الحقوقيه ذادت الطين بلا اتعرف ان هنالك رئيس وزراء دوله من هذه الفئه ومتعصب لها جداا
وعلي الاهل في الغربه انراعو ابناهم والتعامل معهم والفصل بين البنت بنت والولد ولد وانني قد لاحظت ان بعض الاباء يفرحون بابناهم من هذا النوع علي اساس انهم ابناء عز وجاه واستقراطيه اننا الجميع الحمد لله عشنا حياه حلوة وقد كنا نشارك في كل المناشط وكنا نعتمد علي انفسنا وهذا ما جعلنا ندخل معترك الغربه سوي من ايام الدراسه وحتي العمل والدراسه ونحن ابناء الست او السبع عشر عام ولنا اصدقاء اسقراطين وابنا عز وجاه وناس محترمين وذلك لان الاسره زرعت فيه عادات وتقاليد وزرع طيب منذ الصغر والحناكيش فئه ضاله ليس عن سبيل الله بل عن الطريق السوي الصراط المستقيم والعلاج الناجع لذلك هو التعامل معهم بحسم وليس التشجيع بل بذر بذور الخير واذا كان الواحد منهم لا يريد الذجر فعلي الاخرين نبذه والبعد عنه حتي يشعر بانه عنصر غير مرغوب فيه بين الشباب ولكن بعض التفتيحه لقولك يريدون استقلالهم سوي ماديا او معنويا او الظهور علي حسابهم ومن يجد مصلحه في حنكوش لا يهمه الاصلاح بل ان يقضي مصلحته ويستفيد قد الامكان من هذا الحنكوش او الحنكوشه وفي النهايه النادم والخاسر هذا الحنكوش في الدنيا والاخره والاخر ايضا خاسر لاخره لان الله تعالي امرنا بالامر بالمعروف والنهي عن المنكر
انني اتمني ان يمتد النقاش الجاد عبر هذا المنتدي ولي من اجل المهزله او الضحك بل من اجل الاصلاح والتقيد بما امرنا الله تعالي به من خير لنا جميعا
رحم الله الجيل السابق واباءنا وعمامنا واهلنا اللذين كانوا اسود
وليس مثل هولاء ويحكي لي احد الاخوة عن الحناكيش الشهادة العربيه في معسكر التدريب الخدمه الالزاميه وعن كيف انهم يخسرون الالاف من اجل وجبات غير العدس والفاصوليا وكيف ان احدهم اصابه سوء هضم وغازات من الفاصوليا والعدس اصبح وامس يبكي انه سوف يموت رغم ان الاداره قامت بكل مايجب وكانت المعضله هي سوء هضم وان بواسطه روعي هذا الشخص حتي انتهي التدريب
هذه احدي مايكي والكثير والكثير انتم تعلمنه
اننا نريد شباب يعرف واجباته وحقوقه ورجال عند الشد رجال عز كما قال مدني النخلي في وصيته للبت عن العز ونحاسه الذي يدق في العز والقصيده في جانب اخر ستجدونها
ليس ترويج ولكن الحقيقه ان رجال زمان كان النحاس عندهم حينما يدق يجتمع الصغير والكبير رجال لهم نخوة وعزة نفس وكبرياء والذي يفز ينبذ ولا احد يجعل له قيمه حتي يهرب من القبيله او يطرد او يموت حسره
اننا من هنا ندعو اخواننا واخواتنا ليس بالحنكشه والتحنكش يعرف ابن العز وابن الاثرياء ولا الاستقراطين بل يعرف بالمواقف واصول والعمل الرجولي

وفقنا الله لمايحب ويرضي
دوما ابورامي وروان عماد الدين النخلي الشفيع
ابن الجزيرة الخضراء ـــــــــ اركويت
الدوحة ـ قطر :D :D :D :eek:


اخوي عماد شكرا على مشاركتك ومناقشتك معانا للموضوع.....والظاهره دي مابس عند اولاد المغتربين فقط برضوا في الناس الجوا السودان ..والظاهرة دي ماليها علاقه بااغتراب ولا بي ثراء دي ناتج من التربيه والبيئه العايش فيها ....

[HaSsOoN]

الاخ / حسون لك التحيه والعرفان علي اثارة هذا الموضوع المهم نعم ونعم ونعم ولازم نحاربهم بنات واولاد لازم

نرجعهم الي العادات السودانيه السمحه التي تخلي الشاب رجل بمعني الكلمه وتخلي البنت مراه الحنكشه للولد او البنت


ليس بالعاده الطيبه انما هي عاده تجرف الي الضياع والبعد من عاداتنا السمحه الكريمه



اكررررر شكري لك ياحسون موضوعك جميل ارجو من الجميع النقاش

اخوي السفير كلامك صحيح لازم نحارب الظاهره دي ونرجعهم الى عادتنا السمحه ....وشكرا على تواصلك يالسفير

[HaSsOoN]

حسون يا رائع يعطيك الف عافية بس اوع تكون انت حنكوش واحد منهم لانك شهادة عربية والجماعة اشتغلوك فى السودان شوفو ود قطر ود المكيفات والتفاح والعنب


لووووووووووووووووووووول سكت دهرا ونطق شرا شنو ياامل حياتي هههههههههههههههههههه اي بعترف انا شهاده عربيه اي اكلنا التفاح وضربنا الكندشه ....لاكن ماحنكوش

اها جيت قلبتا فيني انا ههههههههههههههههههههههههههه لاكن والله اشقنا ليك ياامل حياتي شنو اختفيت كدا طغيت ولا غنيت؟؟

[HaSsOoN]

اخى الرائع دوما حسووون اولا اخى انت من الاعضاء الذين اكن لهم كل الاحترام والتقدير وكما قلت فاننا كمشرفين حملنا تكليف ومسؤليه لكى يظل المنتدى ودما كما نصبوا اليه فى المقدمه وهذا يتتطلب من التكاتف والتعاون
ثانيا بخصوص الموضوع كما لحظات لم يخرج من المضمون الذى نقلته للاعضاء من غير الاشارة للكلمات او العلامات التى تم حذفها . وقد ذكرت من وجهة نظرك الطريقه التى تم الاشاره فيها للكلامات دى احسن من ماتجى بطريقه مباشره
وهنا اختلاف معك اخى حسون فالمنتدى مفتوح للجميع من عمر سبعه سنوات الى ماشاء الله .. لهذا يجب ان نراعى
كل ذلك .. اكرر اخى حسون شكرى وامنتنانى ودمت لنا ... اخوك ودحسن


يديك العافيه اخوي ود حسن وشكرا على ملاحظتك

[salahomr1968]

لا يخلو قروب او مجموعات الحنا كيش من بعض الطرافه فهم قليلو الخبره في الحياه ووضح الاخ كاتب الموضوع ذلك
فهو يتعامل مع الحدث بكل براءه وخد يا عمي هذا
احدهم سمع الفنان الكبير محمد وردي يغني القمر بوبا عليك تقيل فنادي الحنكوش ما ما تعالي شوفي دا بيغني لنعلات حبوبتي
للعلم فقط القمر بوبا طبعا خرس كانت نساء السودان اي العرائس في زمنهم بلبسوه وهو رمز جمال وزينه المراه السودانيه

[HaSsOoN]

لا يخلو قروب او مجموعات الحنا كيش من بعض الطرافه فهم قليلو الخبره في الحياه ووضح الاخ كاتب الموضوع ذلك
فهو يتعامل مع الحدث بكل براءه وخد يا عمي هذا
احدهم سمع الفنان الكبير محمد وردي يغني القمر بوبا عليك تقيل فنادي الحنكوش ما ما تعالي شوفي دا بيغني لنعلات حبوبتي
للعلم فقط القمر بوبا طبعا خرس كانت نساء السودان اي العرائس في زمنهم بلبسوه وهو رمز جمال وزينه المراه السودانيه

اخوي صلاح عمر شكرا على مداخلتك الجميله .....

[مدنيّة]

غايتو ياحسووون ماخليت ليهم جهه يقبلوا عليها <<<<< بس سؤال كدا انت قلتي وين ؟؟ قطر ولا شنو ؟؟ ههههههههههههه من غير زعل اخوي مزحة صباحية بس