غبت عن عينيا الا قلبى ماودر ملامحك

[saleh farah]

غبت عن عينيا الا
قلبى ماودر ملامحك
لسه طاري كلام عيونك
وابتسامتك يوم اصابحك
***
كان عيونك دوم بتشكى
عن شعور جواكا ببكي
كنت بتغالب دموعك
الا عينيك كان بتحكى
قبل ماعينى تصافحك
***
كنت بترجاك وياما
عشان تفسر لي كلامه
كنت سايق فينى ظنك
وهسه جايب لي ملامه
قوليا بس كيفن اسامحك
***
معقوله تسأل وانت عارف
قلبى غيرك مابوالف
حتى لو عزالنا قالوا
مفروض عيونك كان تخالف
اقلو لما اشوف ملامحك
***

[راشد خضر]

أنهُ نبض المخلصيــــن ، في عالم الغرام

جميـــــــــــــل

[saleh farah]

جميل احساسك ياود خضر ونبيل اخلاصك ليت كل المحبين يغتدون به

[معتز تروتسكى]

خالص التحايا
الأستاذ الجميل وعزيز..
saleh farah

ياخ يديك العافية كتير على الكلام الحلو ده...
ياااااااه...
بعيداً عبر المسافةِ والفراغاتِ بيننا ...جِئتَ لتَشويف أنت تَستمرُّ...
قُرْب، بعيد، حيثما أنت،أَعتقدُ بأنّ القلبَ يَستمرُّ....
مرةً أخرى تَفْتحُ البابَ ...وأنت هنا في قلبِي،
وقلبي سَيَسترسلُ في الحديث...

التحايا النواضر..

[saleh farah]

اسلم قلبك ياسعادة اللواء اركان حرب كلمات ( تروتسكى ) بالجد تستحق اللقب ان تكون الركن لهذا المنتدى فانت صاحب الكلمه الرقيقه والمخيفه كتر خيرك على المرور ومنى ومنك تكتمل الكلمات حلاوة ماتحرمنا منك

[ابن مدني]

الاخ صالح فرح بي صراحة من قوة الكلمات غلبني اعبر واترجم ليك اللي جوايا وارجو ان تستميحني عذرا
واقول ليك من كل قلبي ربي يعدل ليك طريقك ودايما بنتمنى تتحفنا بالاشياء الحلوة دي


ابن مدنـــــــــــــــــــــــي ,,,,,,

[محمد ابوعاقلة]

اسلوبك جميل ومزيكا مرتبه ... وبكاك ناشف
خلي الدمعة تنزل ... وارتاح ... كلنا دايرين نرتاح

[zoolfrda]

كان عيونك دوم بتشكى
عن شعور جواكا ببكي
كنت بتغالب دموعك
الا عينيك كان بتحكى
قبل ماعينى تصافحك

إبداع + تألق = صالح فرح

[saleh farah]

الاخ صالح فرح بي صراحة من قوة الكلمات غلبني اعبر واترجم ليك اللي جوايا وارجو ان تستميحني عذرا
واقول ليك من كل قلبي ربي يعدل ليك طريقك ودايما بنتمنى تتحفنا بالاشياء الحلوة دي


ابن مدنـــــــــــــــــــــــي ,,,,,,

تكرم ياابن مدنى ، الصراحه فى ملامحك وفى سماحتك ، مافى داعى تقوله ومادام انت ابن المدينه انا بعزرك من غير عزر
قبال تبارد بالكلام
وقبال عيونك تعتزر
مجبور افتش ليك عزر

[saleh farah]

اسلوبك جميل ومزيكا مرتبه ... وبكاك ناشف
خلي الدمعة تنزل ... وارتاح ... كلنا دايرين نرتاح
وابتسامتك يا ابوعاقله هى مايسترو هذه الموسيقى والمنديل البجفف دموعنا وبكانا ، منتظرنك عارفين عندك الكتير .

[saleh farah]

كان عيونك دوم بتشكى
عن شعور جواكا ببكي
كنت بتغالب دموعك
الا عينيك كان بتحكى
قبل ماعينى تصافحك

إبداع + تألق = صالح فرح
يافرده انا مشرك ليك لي مده عايز اجاوزك بس اخيرا الدموع جابتك انا لو عارف كده كان من زمان مليت المنتدى ده دموع .