صلوا علي النبي ورحبوا برجوع الثلاثى (سالي وابو ريلان وابوروان )

[صالح ابوشوارب]

كانوا ولازالوا فاكهة المنتدى منذ بداياته . لهم مشاركات مقدره . تجدهم في كل المنتديات يصولوا ويجولوا . لن تجد موضوع لاى عضو والا شاركوا فيه .
الاول هو ابو روان وله اكثر من 6073 مشاركة ومداخلة
والثاني هو ابو ريلان وله اكثر من 2474 مشاركة ومداخلة
والثالثه هي سالى ولها اكثر من 1184 مشاركة ومداخله
غابوا عنا لفترة لاسباب . وزالت الاسباب وعادوا الينا
صلوا على النبي ورحبوا معاى برجوع الاخوان ناس
( ابوروان وابوريلان و سالى )

[سواااح]

التحيات بعودة الثلاثي
ولا فرق الله شملنا
من جديد
وجعل الجميع
يعملون سوياً مع بعض
من اجل
رفعة وسمو ورقي
هذا المنتدي
هذا الصرح الذي
ولد عملاقاً
مرحبا بهم مرة اخري
والتهاني للاستاذ صالح
الذي قاد هذه المبادرة
وكانت الثمرة
التئام الشمل
ليزداد المنتدي جمالاً

[نزار حسن محمد]

عودا حميد ... مرحب بالاحباب ... نعمل ليكم مؤتمر صحفى .. والا حفلة شاى .. غايتو حفلة الشاى متبرع بيها عمكم ود الماحى فى الكوفى شوب...
اصلوا محفظته دى مابطلعا بالهين .. ودى فرصتنا ... ونحن فى انتظاركم ... ودحسن

[ابراهيم]

مرحبتين باهلنا الزينين وحبايبنا الطيبين
ابو روان وابو ريلان وسالي
والحمد لله بالجية
كل الشكر لعمنا ابو شوارب
والمثل قال الخير على قدوم الواردين
تعالوا املو الدنيا محنة

[اميمه عشريه]

تحيات من القلب وابواب الروح مشرعه لكم كما ابواب المنتدي فرحه مشرعه متوهجه بقدومكم .. فأهلا وسهلا والف مرحب ..

[zoolfrda]

الأحباب ( سالى وابو ريلان وابو روان )

عمر الغيم ما بيحجب خيوط الشمس

عمر البعد ما بيطوي صداقة الأمس

ولطالما عهدناكم رموزا ننها من معانيها صدق العطاء

وحشتونا

[الزبير محمد عبدالفضيل]

]اللهم صلي علي النبي محمد وعلي اله وسلم تسليما كثير

وياااااااااامرحبا وسهلا بكم جميعا وبعودتكم الي ديااااااااااااااااار منتدي ودمدني العامر


ودمدني ومنتدي ودمدني واهل مدني واعضاء منتدي ودمدني يقولوا لكم حبااااااااابكم الف


والشكر موصول للاستاذ / السيد صالح ابوشوارب في لم الشمل وتوحيد البيت لك اجزل التحيه [/COLOR]

[محمد حسين (المميز)]

الف صلاة على الحبيب

هلا بيكم نورتونا
طبعا غيبتكم دي زي
المغترب الغاب عن السودان لسنين طويله
ولمن يرجع يلقى اولاد اخوانه رجال كبار
ولا الصغار كبرو واتزوجو وعندهم اطفال برضو كبار


وانتو اظن حتلقو اعضاء جدد ومشرفين جدد واسامي
عجيبه وغريبه وكمان مشاريع جديده وما خفي اعظم


مرّه تاني يا مراااااااحب ولنا الشرف بمعرفتكم اكتر

**************

[صالح ابوشوارب]

شكرا للاخوان
سواح / نزار حسن / ابراهيم / اميمه / زول فرده / السفير/ المميز
اولا الفضل يرجع لله اولا . ثم لمجلس الإدارة بقيادة الادمن الذي شجعني وكذلك كل المشرفين الفخريين ومشرفي المواقع و بالإجماع وبدون تحفظ وكذلك الاخوة أعضاء المنتدى الذين طالبوا برجوع الأعضاء في بوست للاخ ابراهيم فشكرا لهم جميعا وسوف نكون يد واحدة لرفعة المنتدى

[aborawan]

بسم الله الرحمن الرحيم
إن الحمد لله نحمده ونستعينه ونستغفره ونعوذ بالله من شرور أنفسنا ومن سيئات أعمالنا من يهده الله فلا مضل له ومن يضلل فلا هادي له وأشهد أن لا إله إلا الله وحده لا شريك وأشهد أن محمد عبده ورسوله وبعد

بداية اهدي سلام حار ممزوج باشواق تفوق حد الوصف لرئيس مجلس الادارة واعضاء المجلس وجميع المشرفين ولكل احبابي واعزائي في المنتدى بصفة عامة ولكل الذين واصلوني وانا بعيد عن المنتدى وكان لهم بعد الله فضل كبير في رجوعي للمنتدى بصفة خاصة واذكر منهم على سبيل المثال وليس الحصر العزيز العم الرائع ابوشوارب الذي لم يهنأ له بال وكان دائم السؤال ، والـم العزيز جمال ود الماحي الذي التمست في حروفوه كل الصدق وصفاء النية ، ولا انسى عمنا العزيز عزيز الذي كان دائماً يناشد بالعودة ، ولا يفوتني ذكر الانسان الراجل الضكران بمعني الكلمة ( عمو خالد هاشم ) الذي لم ينقطع عني لاي سبب من الاسباب ، ولا يفوتني ذكر الاخ امير الذي كان دائم السؤال عني ، هاتفياً وشكرى الخاص للاخ برهوته الذى ناشدنا بالعودة في بوست خاص وكذلك الاخت العزيزة اميمة صاحبة القلم الذهبي وايضا شكر خاص للعائد توأم روحي ( ياسر عبدالرحمن ابوريلان ) الذي كان له دور كبير في اثنائي عن قرار المغادرة الابدية .
من هنا اهتف باعلى صوت مرحبا ويا هلا بيكم احبائي اعضاء ورواد منتديات ودمدني وها نحن نعود رافعين شعار (يد واحدة من اجل رفعة وازدهار المنتدى ) ويلا يا حلوين صفو النية


جييناكم حبايبنا والشـــــــــــــوق بحر
بحراً فسيح فيهو الجمال فــــيهو القمر
قمراً يضوي القلوب نهــــــــــم السهر
سهراً ثمل حتى الصـــباح حتى الفجر
فجراً جديد يشـــــــــرق يبيح المستتر
لينا بيت يحلو فيهو المقام طول الدهر
ولا فرق الله شملنا وشملكم


تحاياي

[Jamal Elmahi]

حبابكم حبابكم حبابكم ....حباب الغاليين وفي قلوبنا دايماَ حاضرين....
أفو أأأود حسن ديل بكرموهم بي حفلة شاي...ديل أأألعشاي بنحروا ليهم الجمال وبضبحوا ليهم التيران أما الخرفان كان رصيناهن مضبحات من الحصاحيصا حدّهن مدني مابنكون أكرمناهم ....دايرين نعمل ليهم يوش ماحصل ...أزيار الشربوت والبقنيه حدّها حسن وعطرابة الشيّه تجيب الضهبان والمراره بالقداحه الكبيره وأم فتفت ألاّ تغسلوها في البحر ....وبالليل الحفله بي ندي القلعه وأنتا طالع....أبشرن بالخير أأأبنات ...النقده ...النقده...

مشاققه....
أشيد بمجهودات كل الاخوه في رأب الصدع وعلي رأسهم أبشوارب والوجيه خالد هاشم وودالمبارك والخواجه عزيز ود الماذون والفرده ود الصادق وأمير ومكتول سكينه أبراهيم والعزيز حمدتو وست البنات أميمه والعروسه مهيره وكل من أسهم في لم شملنا ولم تسعفني الزاكره بزكر أسمه....
بالمناسبه دي أول مشاققه جادّه....

جمال الماحي

[معتز حمدتو]

عودا حميدا للثلاثي الذي افتقدنا معانية الجميلة في حينا من الزمن وسأل الله ان لا يفرق لنا شملا ابدا ولا يحرمنا من اطلالة الجميع لاي سببا كان .
منورين المنتدي والشكر كل الشكر لكل من ساهم في اعادة هذا النفر الكريم الي الحضن الدافئ ..

[HaSsOoN]

واللهي خبر سعيد جدا يامرحب بيكم ...واخيرا اتلم الشمل

[aborawan]

شكرا بلا حدود لكل من سطر حرفاً في هذا البوست وها هي اصالتكم بائنة على خطوطكم واحرفكم الهادئة لكم مني كل الحب والتقدير والاحترام

تحية خاصة جدا لرمز الاصالة والشهامة عمي العزيز ودالماحي الذي عجزت نساء هذا الزمان ان يلدن مثله ادامك الله ذخرا لكل من حولك ومتعك بالصحة والعافية ( تحية خاصة لسكر الجنيد )


http://www.brbtyt.com/up1/4aabc9518a.jpg

[sambaaa]

سعادة غامرة أصف بها دواخلي بعودة الأخوان
( أبوراوان وياسر وسالي )
لدارهم وأخوانهم وأصدقائهم
كنا جميعاً ننتظر هذا الإياب
لم يكن مستحيلاً .. فعودة الأبناء لبيتهم نتيجة طبيعية وحتمية ..
كان الحزن كبيراً لفقد إخواننا .. لكن سعادتنا اليوم أكبر
فالصفاء يملأ صدورنا وعزيمتنا شامخة كالجبال لرفعة المنتدى والنهوض به نحو آفاق أوسع تتجاوز كل الخلافات .
وافر الشكر والتقدير لأستاذنا الجليل / صالح ابوشوارب .. ولكل من ساهم في إنجاز هذا الحدث .

[راشد خضر]

صلى اللّه عليهِ وسلم ومرحبا ً بهم ، ( ابوروان وابوريلان و سالى )


وفي انتظار مشاركاتهم

[أبوريلان]

بسم الله الرحمن الرحيموالحمد لله رب العالمين والصلاة والسلام علىسيدنا محمد خاتم الأنبياء والمرسلين، وعلى آله وأصحابه أجمعين، والتابعين، ومن تبع هداهم بإحسان إلى يوم الدين، وبعد: يقول الله عزوجل في سورة الحجرات ( إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ )

أخواني الكرام<O:p

وصف الرسول صلى الله عليه وسلم ( المؤمن للمؤمن كالبنيان يشد بعضه بعضا وشبك بين أصابعه ) وقال صلى الله عليه وسلم مثل المؤمنين في توادهم وتراحمهم وتعاطفهم كمثل الجسد الواحد إذا اشتكى منه عضو تداعى له سائر الجسد بالسهر والحمى .<O:p
وبعد :
أزجى عاطر التحايا والأشواق التي لا تحدها حدود لكل المنتمين لهذا الصرح العظيم من رئيس مجلس إدارته إلى زواره الكرام ، كما أسمحو لي أخواني بأن أخص بالشكرهؤلاء الزمرة من أصحاب المنتدى الذين يعملون في خفاء من أجل لم الشمل حتى نرتقي بالمنتدى للثريا : الأخ رئيس مجلس الإدارة أبو بكر محمدالمبارك باتصالاته والأخ عضو مجلس الإدارة صالح أبوشوارب الذي كان يعمل بكل ما أتيح له من إمكانيات في إلتئام أعضاءالمنتدى في نسيج واحد ، والغيور صاحب العقل الكبيرخالدهاشم أمين المال بالمنتدى هو صاحب فضل علينا والأخ رجل المهمات الصعبة والذي كان لمناشدته كبير الأثر في نفسي إبن عمتي نبيل حمدتو والمرأة التي فاقت حد الوصف أميمه عشرية والأخ العزيز الذى طالما تفقدنا عبر إتصالاته المتوالية الأخ أمير عبدالباقى الرجل الإنسان ، والأخوان عثمان فرح وسوباوى وعمر بابكر وأشكر لهم زيارتهم ، والملائكي خفيف الروح أبراهيم ا لذي طالما نادي بلم الشمل ، وأشواق خاصة للأخوان جمال الماحي والخواجة عزيز لمشاعرهم الطيبة وشكر لكل من كتب في هذا البوست وإنشاء الله نكون عند حسن ظن الجميع . <O:p

أهل منتدى ود مدني السمحين<O:p

أحب أن أبعث من هنا بالورود لكل الذين إنضموا للمنتدى وهم كثر ومميزين دائما وأشيد بالكوكبة التي أشعلت المنتدى الثقافي بفيضانات الكلمة وبهاء المعنى .<O:p

كما أسمحو لى من هنا أن أرحب بعودة صمام الأمان الأخ والصديق محمدأبوروان وأشكر له تلبية طلبى وبقولوا عشان عين تكرم ألف عين وأتمنى له عودة موفقة لمسيرته الطويلة بالمنتدى والتى نتاجها هذا الترحيب من كل الأعضاء .<O:p


لكم جميعا أهدى تحياتي وأشواقي<O:p


أبو ريلان<O:p

[Jamal Elmahi]

[QUOTE=aborawan]
تحية خاصة جدا لرمز الاصالة والشهامة عمي العزيز ودالماحي الذي عجزت نساء هذا الزمان ان يلدن مثله ادامك الله ذخرا لكل من حولك ومتعك بالصحة والعافية ( تحية خاصة لسكر الجنيد )


[/QUOTE )

ألحبيب أبو روان...أمانه ما ليك وحشه أأأبوي...
سكر الجنيد اليومين ديل أتعلمت ليها رقيص رقبه وحالفه تديك شبّال أن شاء الله بي أيميل....
لك تحياتي وللأسره الكريمه...

جمال الماحي

[خالد هاشم علي]

الليلة جيت شايل الفرح....
قصدك تعوضني اللي فات...
أديتني حنية عيون...
مالقيتها في أقرب صلات...
أديتني إحساس بي عمر ...
حاضنو الربيع.. يوم كنا في جلستنا ديك...
نحكي ونعيد الذكريات....
***********************************************
ماتشيل مع الحنية هم... وتخاف من الأيام تدور...
وتخاف يغيرني الزمن... وأعبر بدون عينيك بحور...
أنا روح بتعرف عزتك وزيك كما صادق شعور...
وأنا بيك منور دنيتي زي ليلة هالي عليها نور...
**************************************************
حاولت افتش كلام يوصف فرحتي لكن والله لقيت كل كلام الدنيا ماحيقدر يوصف شعوري برجعة الأعزاء محمد وياسر وسالي.. لكن لقيت في أغنية حمد الريح وصف جميل لما أحسه لذلك أديها للغاليين وبركة بالعودة..

[خطاب العبيد]

مرحبتين باهلنا الزينين وحبايبنا الطيبين
ابو روان وابو ريلان وسالي
والحمد لله بالجية
كل الشكر لعمنا ابو شوارب
والمثل قال الخير على قدوم الواردين
تعالوا املو الدنيا محنة
ونرحب بكل الغائبين

[الشريف الهندي]

عودا حميدا انشاء الله ومرحبا بيكم بيناتنا من جديد والحقيقة طــــــــال غيابكم ولكن امتد الأمل للقياكم الى أن هـــل علينا نوركم من جديد

[أبوبكرحامد]

سعداء بإطلالة الأعزاء محمد وياسر ، شكراً لك كبير الكهان بمحراب العشق " صالح أبو شوارب " ، ونتطلع لعودة الجميع وتكاتفهم لرفعة المنتدى وتطوره .

[aborawan]

شكرا للجميع على المشاعر الحلوة دي

عمنا ود الماحي ربنا يديها الصحة والعافية وخليها تعرض عشان تحتفظ باصالة ابوها وده شئ مؤكد وهذا الشبل من ذاك الاسد وقول ليها والله شبالك روعة ربنا يحفظها ويستر عليكم بثوب ستره من كل شر ومكروه دمتم

الضكران ود هاشم اصلو ظني فيك ما خاب ودائما كعادتك رمز للشهامة والنخوة العربية دمت

خطاب العبيد الصديق الغائب الف شكر ليك

الشريف الهندي شكرا ليك كتير وكفاية علينا انك افتقدتنا الفترة الفاتت دي الف شكر

أبوبكرحامد الناطق الرسمي باسم المنتدى الف شكر .

[مزوني]

الله الله الله الله

اللهم صلي وسلم على أشرف الخلق أجمعين

والله ما بصدق والله كلام عسل كلام بركه يا عمناى صالح أبو شوارب والله لو ألم فيك ليك بشارى على قد المقام

تؤام الروح الحبيب الغالي أبو روان انت كنت بالنسبه لي روح المنتدى انت الحببتني في المنتدى انت الوقفت معاي في المنتدى وطلعتني وظهرتني للناس

واتحدى الأعضاء عضو عضو لو في واحد فيهم يقدر يوازي فرحتي بي رجعتك نورتنا والله وحبابك ملااااااااااااااااااااين يا نصي التاني

الأعزاء ياسر وسالي كم هو جميل خبر عودتكم وأجمل انو أكيد رجعتكم حتكون أقوى وأحلى ونتمناها كده انشاءالله

ويالله يا شباب عودتونا عليكم وبقيتوا زي شمسنا وقمرنا ونتمنى همتكم ( أبو روان وياسر موش ده الكلام الكنتوا بتقولوا لي لما كنت جديد )

انا بقى حأذكركم بيه تاني عشان أوريكم اني طالبكم الشاطر الما بنسى الدروس ههههههههههههههههههههه

ومرحب بي عودتكم مليون واتنين وتلاته وربنا يسعدكم ويسعدك يا عم صالح زي ما فرحتنا

وانشاءالله ايامكم كلها افراح

[hamad2]

مرحبتين باهلنا الزينين وحبايبنا الطيبين
ابو روان وابو ريلان وسالي
والحمد لله بالجية
كل الشكر لعمنا ابو شوارب

[salwa]

نورتوا المنتدى من جديد
واهلين ووسهلين بيكم وفعلا انتم ما ينقص المنتدى
وربنا يديم المودة والصداقة والاخاء بين الجميع ولا يفرقنا ابدا
مرررررررررراحب كتيرة بيكم

[ام قبس]

جاء هنا مرحبا
اتدرون اين هو الان ...
ماهو وضعه تحديد...
ماهو وضع اسرته ....

[ودسمير]

مليون صلاة على الحبيب المصطفى ومرحب بالعائدين لديارهم

[zukibush]

اللهم صلي وسلم وبارك على الحبيب المصطفى

يالله عادت ايام المنتدى الظريفة بعودت اخوانا الاحبة ياخي كده تاني ما حا نقوم من النت ده خاااااااااااااااالص

[ايمن عبد الله]

أللهم صلّ على سيدنا محمد وعلى آله وصحبه أجمعين ..


ألف مليون سلام وحمداً لله على السلامة ومليون مرحباً بالثلاثي .. وان شاء الله آخر الغيابات ..

[التيمان]

زكريااااااااااااااات

بوست من الزمن الجميل