يا ناس المنتدي ... أعرفوني [الأرشيف]

مشاهدة النسخة كاملة : يا ناس المنتدي ... أعرفوني

محمد ابوعاقلة

05-09-2006, 02:19 AM

خلوني امارس طقوس الذبح الحلال والتفريط خارج سربكم (احلي حاجه الطيران بالليل والناس نايمه) . قررت اني امارس المنتديات . بما انو ما من أكلاتي المفضله. تفاصيل كتيره وهواجس بتشبه ضهر صاج العواسه (الجهة الأكثر سوادا من حيث المضمون)
كنت فاكر نفسي تعيس وبتطاول عليكم. لكن انتو عباره عن استنساخ لغة في معامل الانترنت. ولادة مفردات غالبا بتكون متعسره للزول العندو مروه علي الكتابه
ظنيت انو الشدر الواقف نيم. والحنضل تيراب. وضل الزير مجرد سكن عشوائ لصارقيل الوجعه الطلع عين البذره الناشفة ونشف ريق الكوز. ولم تقطع المويه. بحل محلها ضفر غيظ وحاجات ما مرتبه بتطلع في شكل شخير او ذبحه عنصريه ضدي وضدك. شنو الخلاك يا مويه تقيفي في العتبه وما تدقي الباب. امكن من الوسخ الفينا. وامكن فنطاظ القدره صفيح وهياكل. والنشف فينا اكبر من بلة ريق. امكن الريحه العفنه بتطرد. رجعت موية البحر لينه وبتتأسف علي الجيه

لاقيني براك ..انا طوفي طرور وموجك دفر
لاقيني براك... انا في خطر
لاقيني براك...من غير مجاري وموج بحر
في الحته ديك

كان الطريق مجرد كلبه والده والزقاقات الجريوات ما بتمشي عديل زي كانها بتفتش عن قوت اليوم او عضم باكر. الشارع كان سكران وبترتح علي الفاضي ومنافذ مسدودة. الناس كانت واقفه والشارع بعاين فيني بعين حمرا ... شاور للزقاق الضيق

شاوريني لو نفسك بضيق
شاوريني لو مات الرفيق
شاوريني في عز الحريق
شاوريني لو طال الطريق
عشمي في آخر محطه
دين المحطات لو بقت لافته ومظله
لو بقت وقفه ومذله
وانتظار ساكت

http://www.geocities.com/boldman14

أبوريلان

05-09-2006, 02:52 AM

الأخ محمد أبو عاقلة ألف مرحب بقدومك

البيت بيتك أبقى داخل لى جوووووووووووووه والناس فى إنتظارك

الزبير محمد عبدالفضيل

05-09-2006, 03:25 AM

اهليييييييييييييييييييييييين فيك ومرحب بيككككككككككك وحباااااااااااااااابك عشره المنتدي يرحب فيك

محمد ابوعاقلة

05-09-2006, 03:27 AM

الأخ محمد أبو عاقلة ألف مرحب بقدومك

البيت بيتك أبقى داخل لى جوووووووووووووه والناس فى إنتظارك

يا ريت بدون ما نمشي نوصل ... حاجة زي الطيران بالليل والناس نائمة ... حلم شبعان ... ويا شارع الممشي الهناك ... اهضم خطاي
انا جايي بي اخر الزاد ... وشوية امل ... شعي .. كان شارع الليل يبقي ضو ...
تحياتي يا مشرفة يا نشيطة

محمد ابوعاقلة

05-09-2006, 03:31 AM

اهليييييييييييييييييييييييين فيك ومرحب بيككككككككككك وحباااااااااااااااابك عشره المنتدي يرحب فيك

سفير النوايا الموجبة ... وفصيلة من دم ادمي نقي ... تحياتي
ودعواتك

أبوريلان

05-09-2006, 04:51 AM

الأخ محمد أبو عاقلة

حلم الجعان زريعة يا خوى ، رمضان جاء عندكم الظاهر

مشرف وليس مشرفة كن بعافية أخوى

محمد ابوعاقلة

05-09-2006, 08:55 AM

الأخ محمد أبو عاقلة
حلم الجعان زريعة يا خوى ، رمضان جاء عندكم الظاهر
مشرف وليس مشرفة كن بعافية أخوى

ههههههههههههههههه كتيره
سحبنا تاء التأنيث ... وغوشة .. فرضت وجودا
لكن الاسم بوغوش ... ورمضان قال جاي في نفس الوقت
وصناديد ... ضحكتني شديد
الله يعافيك

hamad2

06-09-2006, 02:19 AM

مرحب بيك محمد ابو عاقلة

محمد ابوعاقلة

06-09-2006, 08:47 AM

مرحبتين حمد ... كلو تمام .. والتفاصيل فيما بعد

مرتضى ساتى

06-09-2006, 06:07 PM

مرحب حبابك 10 ولا اقول 1000
والمنتدى نور بيك ياحلو

محمد ابوعاقلة

06-09-2006, 08:33 PM

مرحب حبابك 10 ولا اقول 1000
والمنتدى نور بيك ياحلو

عندما تكون الاضنين كقدين قربة ... او كما الدارج .. دي بطينه ودي بعجينة
الطين لا يصلح كرقعة لرقبة مقدودة .. تعب ان ارتضيت ان احملها بمسمارين علي كتفي ..فيا وعثاء السفر .. انتظر .. سأمشيك خطي كتبت علي.. ما دام السكوت جزء لا يتجزأ من الشوف الغلط .. لا نريد ان نلتقي كمناظر بشرية أو جمال متحرك .. لا تدب فينا الحياة .. الحياة باستخدام حواس .. كل الحواس .. في اي حتة ولكل نطاق ...
يا حمد ويا مرتضي : سالتقيها (براي) وحتشاورني في وقت لاحق من هذا العام
او أشويني بسكوتك حتي احترق ...
ربما السكوت ثورة حواس في الحتة ديك ...
والحته ديك ... منطقة جمالية اخري غير الموية والشدر ووردة ... في ناس ما بتاخد البال معاها ...

ودكبوشيه

07-09-2006, 11:50 PM

مرحبتين حبابك عشره من غير كشره ياابو عاقله نورت المنتدي وامنياتي لك بالاستفاده من هذا المنتدي واوعك تكثر جياتك مفهوووووووووووووووووووووووووووم ياابو عاقله :o

حسن على

08-09-2006, 02:40 AM

ألف مرحب بقدومك

البيت بيتك أبقى داخل لى جوووووووووووووه والناس فى إنتظارك

Jamal Elmahi

09-09-2006, 06:42 AM

محمد ابوعاقلة

09-09-2006, 08:31 AM

مرحبتين حبابك عشره من غير كشره ياابو عاقله نورت المنتدي وامنياتي لك بالاستفاده من هذا المنتدي واوعك تكثر جياتك مفهوووووووووووووووووووووووووووم ياابو عاقله :o

من ناحية استفيد حأستفيد ... وأكيد ... لكن كتر الجيات بعتمد عليكم ... لكن لزوم التهديد ما فهمتو ... امكن .. آآآآآآ
ربما نقشت الموضوع ... يا ربي ياهو
وتحياتي

محمد ابوعاقلة

09-09-2006, 08:38 AM

ألف مرحب بقدومك
البيت بيتك أبقى داخل لى جوووووووووووووه والناس فى إنتظارك

حسن علي
ازيك كتيرة ... اوع تقول انت الخليت الدال واو
ما مشكلة ... بلعتها .. والغصة في حلقي ... ومااااااا من عوايدي
عشان ريحتكم حلوة ... واطاتكم حنينة
بيتك عامر بوجود كل الناس الحلوين
تحياتي ... بمقدار وافر حتي تستغيث

محمد ابوعاقلة

09-09-2006, 08:48 AM

ود الطريفي حبابك...
البسمع أأأبوي صاج العواسه يقول مصنقر في خشم باب التكل راجي الحاجه تطلّع اول طرقة كسره تناولك ليها تقرضا...
لكن شكلك أأألعشاي كورنفلكس وبيتزا...ماتقول لي البيتزا ما زي الشيط...هاك القرقريبه دي....
مشاققه...
أهل العوض ديل أهلي...وحباب أهلي...والغبش ياهم أهلي...وحباب أهلي...وياحليل أهلي... وبريد أهلي....
جمال الماحي

جمال .... دا كلام شنو اااللخو ...
شوف ... فيما يخص التكل
طلعت في راسو ... دمعت من دخاخينو ... لغاية ما قشيت المخاته بطرف الليد ... وطلعت طايوقة من خروف الضحية ... ودفنت قلابتي لود ابرك وام زعينبير سخانة الساعة حداشر وشلت من الهبود لفردة اللستك البنجري وراه ... وعجاجا ما عجاج ... وقبل دا كلو ساهمت في البنيان ... تكوين انسان ... وفي الدنيا مشيت ... لفيت لفيت وتقولي بيتزا
انا ما جبت كلام احلام او تنظير ... انا عشت الواقع ... بهمة ودافع ... شافع شيطان ... نطط ونطط ... من اول ترعة .. لآخر خزان
انت معاي ... والا مصرج
خدعك منظر ... دي كل الحكاية

Jamal Elmahi

09-09-2006, 09:02 PM

ود الطريفي أنا معاك ومع الترتار...
لاف سورو خفيف فايت المترار
كسره قروض بأم شعيفه وأبنحّار
لاشقيّانه ولامركوب والشق يدخّل فار
ياك زولي ودخلته القليب قبل الدار

جمال الماحي

التيمان

10-09-2006, 11:23 AM

الـسلام علـيـكـم ورحـمة الله وبـركاته

لو علمت الدار بمن زارها فرحت
واستبشرت ثم باست موضع القدمين
وأنشدت بلسان الحال قائلةً
اهلا وسهلاً بأهل الجود والكرم

أهــــــــــــــــــلا ً وسهــــــــــــــــلا

كم أتمنى أن تتسع صفحات منتدياتنا لقلمك
وما يحمله من عبير مشاعرك ومواضيعك
وآرائك الشخصية
التي سنشاركك الطرح والإبداع فيها
مع خالص دعواي لك بقضاء وقت ممتع ومفيد

http://www.0zz0.com/2006/08/21/262276791.gif

http://www.0zz0.com/2006/08/21/642216188.gif

http://www.0zz0.com/2006/08/21/293657725.gif

http://www3.0zz0.com/2006/09/10/17/269409458.gif

محمد ابوعاقلة

11-09-2006, 01:41 AM

ود الطريفي أنا معاك ومع الترتار...
لاف سورو خفيف فايت المترار
كسره قروض بأم شعيفه وأبنحّار
لاشقيّانه ولامركوب والشق يدخّل فار
ياك زولي ودخلته القليب قبل الدار
جمال الماحي

الخفة بتحكي عن اللونية وزول حبّوب
بتنادي الناس من فوق الحيطة التحتها طوب
ونفيرك لم الناس الغاشيه وماشه وست التوب
تتحزم وكنت هميم الحاره
لم الناس بتكورك ... حي ووووووب
وتحياتي

محمد ابوعاقلة

11-09-2006, 01:48 AM

الـسلام علـيـكـم ورحـمة الله وبـركاته
لو علمت الدار بمن زارها فرحت
واستبشرت ثم باست موضع القدمين
وأنشدت بلسان الحال قائلةً
اهلا وسهلاً بأهل الجود والكرم
أهــــــــــــــــــلا ً وسهــــــــــــــــلا
كم أتمنى أن تتسع صفحات منتدياتنا لقلمك
وما يحمله من عبير مشاعرك ومواضيعك
وآرائك الشخصية
التي سنشاركك الطرح والإبداع فيها
مع خالص دعواي لك بقضاء وقت ممتع ومفيد

اولا ... تحيات كتارات
ما عارف ... اكتب بصيغة المثني او المفرد .... حقيقة حيرتني
عندي سؤال ... هل في التصاق خلقي ...
وخايف اكتب بالمفرد ... التاني يزعل
اول مره تحصل علي ... دخلتني في ورطه
لكن تحياتي ... مشتته وموزعة حسب النزعة .... وكية الخم اللي ح يحصل
كلامكما سمح ... وكلاكما جيتو داخلين في العرق الناطي شوق
اشوفكما بخير ....

التيمان

11-09-2006, 06:37 AM

تسلم يغالى

ودمت بود

عبدالمنعم الصديق(خدرا)

23-09-2006, 12:05 PM

ودابوعاقله
الف مرحب بيك ياغالى
لاكين والله كلامك سمح بالحيل وشكلك كده اتربيت معانا فى قرى الجزيره وبين الترع والحواشات
وشركت لاولاد ابارق ولعبت بالطين
تسلم ياغالى ويسلمو ناس مدنى

محمد ابوعاقلة

26-09-2006, 11:46 AM

عبد المنعم
لا لقيناك وفرحنا لا نسيناك واسترحنا
الجهجهة ماااااااا عندك

جمبلق في اي ترعة
ديك والا جدادة
كان ديك سكت
وكان جدادة
حوا والده
تحياتي
رمضان مكتفني ولبست الجلابية الخدرا
اخير من التانية