المساعد الشخصي الرقمي

مشاهدة النسخة كاملة : سلااااااام كبير اهلي الطيبين


محمد عيدابي
15-09-2006, 05:10 AM
بعد التحية و السلام و فائق المحبة و الاحترام
أهديكم ربطة تحايا و حزمة أشواق و أكوام سلام كما السخانة عندنا هذه الأيام :d ,
أخواني و اخواتي الكرام اهلي الطبيبن اهل مدني والجزيرة كلها ...
أهديكم أحلى عبارات الكلام ،وجل ماقال خير الانام السلام عليكم و رحمة الله وبركاته،

يقولون اجمل ما نبحث عنه هو الذي نتعثر به ولكن اجمل تعثر هو الذي جمعني بكم الان وبما اني لست غريبا عنكم فقد وجدت بعضا من اخواني واعمامي من بعدتنا الغربة عنهم ومااحلاه من تلاقي حتي ولو كان عبر الحروف والشاشات .

فهلا قبلتوني اخا صغيرا او كبيرا بينكم .
ابومرام
15-09-2006, 06:41 AM
حبابك ملييييييييييييييييييييييييييييييييون وهن ماكفاك خد معاها مليون تاني
مرحبا بك في منتداك وبيتك كما عهدنا المنتدى وظل بيتنا الذي نلتقي فيه ابقي داخل
وحبابك عشرة بلا كشرة واخوك ابومرام مابعيدعن السوربية بس مفرقنا كبري الكهرباء
وانشاء الله مزيد من الابتكار نتعهده منك والى الامام بتلك الدرة الابية مدني واهلييييييييييييييييييين


************************************************** ************************************************** ***********
انا اصلي منك لا الزمن يقدر يحول قلبي عنك لا المسافة ولا الخيال يحرمني منك (مدني)
aborawan
15-09-2006, 08:30 PM
بي زيارتك بيتنا نور والله نور وكلو زينة ويلا همتك وجر بنبرك واتحكر
أبوريلان
15-09-2006, 09:34 PM
منور المنتدى يا محمد عيدابى والله ، الف مرحب بيك وسط أهلك وناسك والبيت بيتك ونحن الضيوف أبقى داخل ومنتظرين مايجود به مدادك فى أحر من الجمر فلا تبخل علينا .
محمد عيدابي
16-09-2006, 12:36 AM
اخي ابو مرام لن يلغي كبري الكهرباء مابيننا من روابط وانت عارف بركات انا بحبها جدا جدا وناسها الطيبين ويديك العافية وانشاء ضوء القبيلة دائما .
محمد عيدابي
16-09-2006, 12:38 AM
ابو روان البيت منور بي ناسو واهلو والبنبر جريتو براي كدى النتوهط :d وكتر خيرك كتير على كلام الطيب .
محمد عيدابي
16-09-2006, 12:43 AM
الله ينور عليك انت يا myrelan وتعرف الواحد بيكون سعيد جدا لمن يكون وسط اهلو وناسو وانشاء الله نكون عند حسن ظنك وما قصرت .
الزبير محمد عبدالفضيل
16-09-2006, 03:06 AM
مررررررررررحبا بك اخا وصديقا وعضوا في رحاب مدني الجميله ونقوووووووول حبابك الف وادخل ليجوه
Jamal Elmahi
16-09-2006, 04:53 AM
مرحبتين حباب عيدابي
عيدابي يا عيدنا قبّال رمضان...
شرفته الحضر والباديه والعربان
الدار دارك ونحن بقينا الضيفان..

جمال الماحي
hamad2
16-09-2006, 10:39 AM
مررررررررررحبا بك اخا وصديقا وعضوا في رحاب مدني الجميله ونقوووووووول حبابك الف وادخل ليجوه
همسة شوق
22-09-2006, 04:59 PM
حبابك مليووووووووووووووون يا عيدابى
انشاء الله تكون اتزكرتنى عشان نعيد ايام الكورة وايام المزاد
اخوك دوما وابدا <<<<<<<<<<<<


مجاهد زيــــــــــــــــــــــــــــــــــــكو
همسة شوق
22-09-2006, 05:03 PM
من بعد فرقتنا ديك مين كان بيفتكرك تعود
كنت بحتاج ليك بشدة وانت عنى بعيـــــــد
مافى عيشة بلاك بتبقى مافى نشوة ومافى ريد
MOHAMED OMER
22-09-2006, 06:35 PM
ر مضان كريم وانشاء تكونو من عتقاء الشهر الكريم واهنى جميع الاخوه بمنتدى وادمدنى وكل الاهلوالاحباب فى مدنى وفى مايو طرف محطة الاشتراكيه 00محمد مناره شيكاغو00
خالد أحمد الصول
23-09-2006, 12:01 AM
حباب أخونا محمد و د نور
حباب أخونا محمد ود عمر

تحايا طازجة تأتيكم في صباح أول يوم من شهر رمضان المبارك
أزفها لك عليها تصلك و تجدك كما نتمني لك دائما نغوص في بحر السعادة
كل العقاب هنا علي أتم عافية
وكل عام و أنتم بخير
MOHAMED OMER
23-09-2006, 08:38 PM
الاخ الصول اشكرك على التهانى وانشاء الله رمضان يعود علينا باليمن والبركات وجميع اهل السودان فى امن وسلام[COLOR=MediumTurquoise]
abu_ola
24-09-2006, 09:22 AM
مرحبين أخي عيدابي

الدار دارك و البيت الكبير ياهو البلم الناس الطيبين

ألف أهلا و مرحبا بقدومك الكريم

و كل عام و أنت بخير
محمد عيدابي
24-09-2006, 09:29 AM
السفير اخوي يسعدني ويشرفني جدا ان اكون اخا وصديقا ولك مني كل المحبة والشوق ورمضان كريم .
محمد عيدابي
24-09-2006, 09:38 AM
ياحبيبنا يا جمال الماحي
بتحيا في حلم الترابلة ،،،،
وفي العلاقات والمعاني ،،،،،
وفي البقاسي شقا المسافة ،،،،
وعايشة في داخلو وبعاني ،،،،،
لما يتحقق زماني ،،، بشرق الفجر الحقيقه ،،،،
والصباح الابيضاني ،،،،،

قلت احاكيك :d ورمضان كريم وكل سنة وانت طيب .
محمد عيدابي
24-09-2006, 09:43 AM
حمد 2 دخلت واتوهطت الجبنة وين ياخ الفطور ما جاهز :d خلاص بعد رمضان ورمضان كريم ويديك العافية
محمد عيدابي
24-09-2006, 09:54 AM
معقولة بس يا زيكو
السحاب لو خاصمنا وتعب 000
والرياح الفي الدرب ،،،،
نهشت فرح القوافي 000
بددت حزن المنافي ،،،،
واصلو يا مجاهد ريدك فينا باقي ،،،،

بس كلمني القاك وين كان الحزن قفل مسامات الضياع ،،،،
غناك مزمار الزمن ،، ارشيف عشق واصوات نغم ،،،
نلقاك وين من غبت ما شرقت شمس ،، والدهشة ساساق الدروب لى وين تمش .

ومعقولة بس ايام الكروة دي بتنتنسي الطلائع والتحرير والله مشتاقين جدا يا ابو الشباب .

امشي الخاص
محمد عيدابي
24-09-2006, 10:06 AM
خالد ود الصول يقولون كثيرا ما ترحل الاشواق من وهج الحروف المبحرات على الورق ، لان مخاض الحروف ياتي يولد احساس بسخافة الكتابة ،، فالنقش على حجر صلب اسهل من البحث على مفردة انيقة تحمل في مضمونها كل الشوق والامحبة والاحترام عمنا ود الصول ورمضان كريم وكل سنة وانت طيب ويديك العافية وانشاء الله من عتقاء الشهر الكريم .

واكيد حنتقابل .
محمد عيدابي
24-09-2006, 10:09 AM
ابوعلا كل سنة وانت طيب ورمضان كريم البيت الكبير ناسو منورنو وزايد جمال كتر خيرك ويديك العافية .
خالد أحمد الصول
28-09-2006, 04:19 AM
الحبيب محمد
تحية رمضانية طازجة تأتيك محملة برائحة الدعاش ومطرت أمبارح الجات قبل المويات بي شوية لمان خلت الناس يجو بالكهرباء تحية حلوه رقيقة رقة أهلك الحلوين و هم يجتمعون يمورون تحت الشجرة القدامية .. ججي فارش طماطم و محمد الحبشي عندو بطيخ جميل و الفيل و البصل و سمبو فارش صلطة من كل الانواع و العيش البلدي السخن في دكان عبد القادر بنك و لو لي سوق عبد الله شبونا حتي الطعمية تلقاها عند بت الداقير و كل شي فضلة خيرك ... لسع ما عرفتني
محمد عيدابي
30-09-2006, 04:17 AM
اخي الحبيب الراجل الزوق خالد الصول وهل يخفى القمر .

انت عارف دخلتني في جو غريب كاني زي ما بيقولو شاقي الحلة وربنا يديك العافية وربنا ما يحرمنا منك واسمع مني اخي الحبيب :

اجمل لحظة وكتين التواصل بينا يتمدد ،،، ويسمو الشوق معاني عظيمة تتجدد ،، وما يقدر يحدها حد ،،، وانشاء الله المحبة البيناتنا لي خطانا سند ،،، وعمرك كلو يبقى سعد ويفارقك فيهو اي نكد ،،،

وتجي تقول لي لسه ما عرفتني يا حبيب :d
خالد أحمد الصول
30-09-2006, 05:45 AM
كتر خيرك يا ود عيدابي ودي المحرية فيك فأهلك أسياد كرم و جود
أمبارح مشيت السوريبة بالليل لقيت ليك النادي مهجج هجيج شي دورة طائرة و شي دورة قدم و الناس دي وآقفة في الحيطة كدي تقول يوم القيامة و بعدين الامين تمراية مدور ليك الطمبرة و السنة دي الجوائز كبيرة كل الناس متنافسين في الدقيتال ... بوقي ود الامين عليقي عامل ليك جنس طعمية قدام النادي بس تقطع أصابعينك فيها و بعدين الدلاليك و الحاله قالوا دي بت الرفاعي جابو شنطتها لي ود علي ود محمد يوسف و طبعا الدور عندك بس ندي القلعة ما تقول لينا مجحوزة و الله سافرت القاهرة يعني تسافر ليها عديل ....سعيد كرارة جاء من الكهرباء سكران تب وقاعد ينبذ في ود حكو المجينين داك و الناس تضحك لانو خطوة قدام و خطوتين وراء ناس الامين الرجل و السر منور قالوا السايب دة لقاها وين؟ بدرية بت التوم نزلت أسع من الحافلة و جابت ليك جنس رغيف أبياااااض أصلو ما شفتو قبال كدي في ثواني إنتهي وعبد القادر عمر عيشو بايت ليهو يومين ما تشتري منو لانو لو كلمت قدامو خلاص الشكلة بتحصل أصلو قال عبشو دة عاوز يا لبن حار يا سليقة!! نسبة لان موعد الافطار قربت نواصل غدا بإذن الله
كتر خيرك كتير علي التلفون
معتز حمدتو
01-10-2006, 12:21 AM
يامراحب عيدابي ورغم ان الترحيب متاخر شوية الا أن مكانك معتق بوجودك وقرب تعال ما تبتعد اصلُ نحن بنعشق الناس المخضرين ومليانين محنه .
محمد عيدابي
02-10-2006, 11:27 PM
اخي العزيز معتز حمدتو لا متاخر ولا حاجة ويكفيني اننا نتسم عبق ما تكتب ويكفيني فخرا انني بينكم الان وانت وانت المحنه نفسها يا ود حمدتو وما تحرمنا من وجودك معانا وكل سنة وانت طيب مقدما .
محمد عيدابي
02-10-2006, 11:34 PM
وعبد القادر عمر عيشو بايت ليهو يومين ما تشتري منو لانو لو كلمت قدامو خلاص الشكلة بتحصل أصلو قال عيشو دة عاوز يا لبن حار يا سليقة!!

عزيزي خالد لا حولا يعني لو عندنا كمونية نشربها شوربة :d

انت عارف هؤلاء الناس هم الطيبة في بلدي بانفسهم السمحة وروحهم المرحة وبالذات عمك سمبو ( بهيلة بهيلة ) وقت اشتري من عمك ابكر يصر لي وشو دا اخر جيل من الناس الطيبة ونسال الله لهم الصحة والعافية وطول العمر .
خالد أحمد الصول
04-10-2006, 02:12 AM
من ما لقينا السفاح واقف في الصف الجماعة قالوا خلاص الليلة لي المغرب ما بنصل أحس حاجة نشوف لينا أتوز. يا زول ود الزريع دة طايش ساكت يقوم أسع يكبنا في الترعة. علي الله دة شايل شوال القش ده ماشي بيهو وين أصلوا القوس الله يرحمو مما وداهو ولدو السعودية يا زول النضافة كتلتوا قنب شغلة برا شغلة يقول ليك اللحم دة اللحم دة ... مالها كتيرة مرت رجب الليلة متقرمطة علي سنقة عشرة تلقاها ماشة الحرطوم اصلوا مامون عوض ابوزيد قالوا سرها و عايز يصدق ليها كشك في السوق الشعبي و ماشة السنه دي العمرة. الباش بقي رئيس اللجنة الشعبية و دقي يا مزيكة كبو ليهم ثلاثة كيمان في الردمية و ما طرحوها و طوالي لفوا ليك في البيوت عايزين دعم للشارع. ماسورة السواد دي يوم يقطعوا كهربتها و الناس تخت دم قلبها و تاني يجوا ناس الموية يشيلو الكرنك غايتو الناس الوراء ما عندهم مشكلة بابور الجاز شغالة و لكن دفع الله علي كيفو داير يشغلها و لا ما داير. كوجاك شالتو نومه بي النهار قام مخلوع و جري علي الجامع أذن لي العصر قريب لي المغرب .. الجماعة قالوا ليهو ده شنو العصر قبيل صليناهو.. قام أفتي و قال أي مسلم يسمع الاذان في اي وكت يجي يصلي.