المساعد الشخصي الرقمي

مشاهدة النسخة كاملة : ضيفنا على الكرسى الساخن ....عبدالله ابوعلا abu_ola



نزار حسن محمد
16-09-2006, 01:10 PM
http://www.asmilies.com/smiliespic/txtsmall/006.GIF (http://www.asmilies.com/)

http://www.asmilies.com/smiliespic/txtsmall/aaa0asmilies.gif (http://www.asmilies.com/)

الإخــــــــوة الأعـــــــــــــــزاء .

مرة أخرى نلتقيكم في رحاب هذا الملتقى

http://www.asmilies.com/smiliespic/FAWASEL/048.gif (http://www.asmilies.com/)

ضيفنا غالي علينا كلنا ..

أحببناه .. فبادلنا بحب اكبر ..

أدمن لقائنا كما ادمن ( الدوبيت ) ..

فأدمنا نحن وجوده الجميل بيننا ..

تعالوا الليلة نفتفته عشان نشوف آخره ..

http://www.asmilies.com/smiliespic/FAWASEL/053.gif (http://www.asmilies.com/)


من هو عبدالله / أبو علا abu_ola ؟؟؟

http://tabatpeople.com/songs/imad/al3oba.ram



http://www.asmilies.com/smiliespic/FAWASEL/059.gif



<TABLE width="100%" border=1>
<TBODY><TR>
<TD width="100%" bgColor=#000080>
<MARQUEE style="COLOR: #ffff00" direction=right>حباب الدارنا و الزارنا حبابكم انتو في دارنا و بيكم أنتوا يا حلوين تتم فرحتنا تحلا لنا أبوعلا الظريف يشجيك دوام بي فنو ضيف عسل كلن البنات حبنو شافنو عشقن جنو حالفات اليمين لي فلانة ما يخلنوا ركازة القبيلة العامرة بيك الدار فرتاق الصفوف ساعة الكلام الحار تاج المنتدى و قبلة الأنظار نورت كرسينا بي قلمك المتعافي في كل بوست جبت الجواب الكافي أبوعلا يا بحر العلم الما كملو القراي علمت الكبار و المعاك و الجاي فهمت البشر حتى الحجر و النأي ُ يا شمس العلم الما بتغطيك غيمة من حر الجهل ضللنا أبقي الغيمة يا واحة الأدب تب ما بتجينا هزيمة ما بنقدر نقول شيتناً يكافي افعالك استاذ الفنون أنت الحميدة خصالك أب قلماً شفيف برق السحاب أتشابك </MARQUEE>
</TD>
</TR>
</TBODY></TABLE>

راشد خضر
16-09-2006, 03:41 PM
حيرتنا يا عبد اللّه انت ابو علاء ولّه أبو اولا يعني أول حرف بعد الأندر إسكور a أم o
* أول شئ البطاقة الشخصية الـ ( CV ) عشان نعرف نسأل

abu_ola
16-09-2006, 08:52 PM
السلام عليكم ورحمة الله و بركاته

في البدء أرحب بكم جميعاَ أحبائي الأفاضل كما يسعدني أن أرحب بكل أسئلة أخواني و أخواتي الأعضاء متمنياً أن أكون ضيفاً خفيف الظل عليكم ..... و ما عندكم أي مشكلة أي سؤال يخطر و لا ما يخطر على بالكم قولوه و أنا برد عليه بكل أريحية ......متمنياً ان نستفيد جميعاً من هذه السانحة لنعمق الصلات بيننا ..

و لكم مني ألف تحية و ود

abu_ola
16-09-2006, 08:55 PM
http://www.asmilies.com/smiliespic/txtsmall/006.GIF (http://www.asmilies.com/)
http://www.asmilies.com/smiliespic/txtsmall/aaa0asmilies.gif (http://www.asmilies.com/)
الإخــــــــوة الأعـــــــــــــــزاء .
مرة أخرى نلتقيكم في رحاب هذا الملتقى
http://www.asmilies.com/smiliespic/FAWASEL/048.gif (http://www.asmilies.com/)
ضيفنا غالي علينا كلنا ..
أحببناه .. فبادلنا بحب اكبر ..
أدمن لقائنا كما ادمن ( الدوبيت ) ..
فأدمنا نحن وجوده الجميل بيننا ..
تعالوا الليلة نفتفته عشان نشوف آخره ..
http://www.asmilies.com/smiliespic/FAWASEL/053.gif (http://www.asmilies.com/)

من هو عبدالله / أبو علا abu_ola ؟؟؟
http://tabatpeople.com/songs/imad/al3oba.ram



http://www.asmilies.com/smiliespic/FAWASEL/059.gif


<TABLE width="100%" border=1>
<TBODY><TR>
<TD width="100%" bgColor=#000080>
<MARQUEE style="COLOR: #ffff00" direction=right>حباب الدارنا و الزارنا حبابكم انتو في دارنا و بيكم أنتوا يا حلوين تتم فرحتنا تحلا لنا أبوعلا الظريف يشجيك دوام بي فنو ضيف عسل كلن البنات حبنو شافنو عشقن جنو حالفات اليمين لي فلانة ما يخلنوا ركازة القبيلة العامرة بيك الدار فرتاق الصفوف ساعة الكلام الحار تاج المنتدى و قبلة الأنظار نورت كرسينا بي قلمك المتعافي في كل بوست جبت الجواب الكافي أبوعلا يا بحر العلم الما كملو القراي علمت الكبار و المعاك و الجاي فهمت البشر حتى الحجر و النأي ُ يا شمس العلم الما بتغطيك غيمة من حر الجهل ضللنا أبقي الغيمة يا واحة الأدب تب ما بتجينا هزيمة ما بنقدر نقول شيتناً يكافي افعالك استاذ الفنون أنت الحميدة خصالك أب قلماً شفيف برق السحاب أتشابك </MARQUEE>
</TD>
</TR>
</TBODY></TABLE>


ود حسن يا أخوي جيب لينا عنقريب هباب و مخدة بعدين خت العنقريب في ضل النيمة و خلي البنيات يرشو الضل بجردل موية عشان اعرف أونسكم كويس ما تقول أخوك متجرس من الكرسي الساخن و لا تقول أخوك خايف من رمضان الداخل علينا دا بس بخاف آآآعشاي الحر تجي و تقطع علينا ونستنا ..... سمح آآآعشاي

abu_ola
16-09-2006, 09:05 PM
حيرتنا يا عبد اللّه انت ابو علاء ولّه أبو اولا يعني أول حرف بعد الأندر إسكور a أم o
* أول شئ البطاقة الشخصية الـ ( CV ) عشان نعرف نسأل




ود خضر يا اخوي أول حرف بعد الأندر إسكور عين عليها ضمة بعد داك على كيفك تكتبها a ولا o أنت حر و انطق ساااكت مافي زول مانعك بس في النهاية لازم تخلي لي أسم بنتي ( علا ) شديد و لضيض .... كويس !!


البطاقة الشخصية

الأسم عبد الله عبد الرحمن عبد الحميد عبد الرحيم

تاريخ الميلاد 22/5/1972 ( 34 سنة )

مسقط الرأس : المنجرة - ولاية النيل الأبيض

بكالوريوس الآداب مرتبة الشرف الأولي - جامعة الخرطوم ( 1998 )

دبلوم الأدب المقارن - معهد بوشكن جمهوريا روسيا الإتحادية ( 2000 )

دبلوم علوم الحاسب الآلي – معاهد البسام - المملكة العربية السعودية

كورسات متخصصة في مجال الإدارة و التسويق ( سنغافورة - عن طريق المراسلة )

دورات تدريبية في التسويق - دبي - السعودية

الحالة : الإجتماعية : متزوج

العنوان الحالي : المملكة العربية السعودية - الخبر موبايل 507903346 ( 966 + )




أها كان في حاجة ناقصة تاني قولوا لي !!!!

سوار الياسمين
16-09-2006, 09:09 PM
يا هلا ومييييية هلا

منور العنقريب يا ابو علا

(ما تخاف السكاكين حتكتر بعد شوية )

وليك رجعة

خواطر
16-09-2006, 09:15 PM
الاخ ابو علا صباحك خير والله انا مبسوط شديد انوا في زول غير ابوروان في الدمام او الخبر ولو عارف زول تاني بالله كلمني وانا حاتصل بيك قريب
السوال الفرق بين ابو علا قبل الاغتراب وبعد الاغتراب شنوا؟
ويااخوانا شدو حيلكم شنوا ابوعلا دة دايرن تمرقو ساي فالحين لي سوار .
ورمضان كريم تصوموا وتفطرو علي خير .
:)

abu_ola
16-09-2006, 09:26 PM
يا هلا ومييييية هلا

منور العنقريب يا ابو علا

(ما تخاف السكاكين حتكتر بعد شوية )

وليك رجعة


صباح الورد سوار الياسمين

ما تنسي تجيبي معاك صينية تشيلي فيها المرارة

zoolfrda
16-09-2006, 09:33 PM
!!

بكالوريوس الآداب مرتبة الشرف الأولي - جامعة الخرطوم ( 1998 )


[/SIZE] ![/COLOR]!!!


وأنا بقول النضمي ده ما ااااهو ساي


والله لكن يا أبو علا منوّر الكرسي بس أشرب لي كباية موية وبجيك صادي

محمد حسين (المميز)
16-09-2006, 09:39 PM
حبااااااااااااااااااااب
ابوعلا
نوّرت والله شد حيلك اخوي
طبعا لسانك ماشاءالله مابنخاف عليك انت
ولو في حاجه كده عصلجت معاك
استعين باختنا سوار صاحبة الخبره
في طريقة القعده حقــّت البنبر ده


شويه ونعود ليك تاني

************

abu_ola
16-09-2006, 09:45 PM
الاخ ابو علا صباحك خير والله انا مبسوط شديد انوا في زول غير ابوروان في الدمام او الخبر ولو عارف زول تاني بالله كلمني وانا حاتصل بيك قريب
السوال الفرق بين ابو علا قبل الاغتراب وبعد الاغتراب شنوا؟
ويااخوانا شدو حيلكم شنوا ابوعلا دة دايرن تمرقو ساي فالحين لي سوار .
ورمضان كريم تصوموا وتفطرو علي خير .
:)


أول شي مشكور أخي خواطر على المداخلة الحلوة و بعدين ما قلت لي أنت وين ؟؟؟ و في إنتظار إتصالك أتقلب على جمر الكرسي الساخن .
عموماً انا في الخبر و للأسف ما بعرف شخص أخر من أعضاء المنتدي في الخبر أو الدمام و يا ليت أي واحد موجود في المنطقة الشرقية أو السعودية عل وجه العموم يخطرنا عشان نتواصل يا حلوين و نكون أسرة واحدة فعلاً مش خوة نت X نت

تانياً الإغتراب أخد منا الكثير ( إجتماعياً و صحياً و نفسياً و علمياً ) و أعطانا القليل بس الحمد لله على كل حال
ثالث شي استفدنا من الغربة في مجال العمل وإكتساب الخبرات و المهارات العملية و القليل من الإستفادات المادية
بكل صراحة أنا جيت السعودية رصيدي العملي سنتين فقط في مجال الترجمة و الحمد لله بعد توفيق الله تعالي الواحد أصبح لدية خبرة عملية جيدة في عدة مجالات و لله الحمد

بس بإتخصار ساعة بين الأهل في السودان أروع من آلاف السنوات الضوئية في الغربة

abu_ola
16-09-2006, 09:55 PM
زول فردة

المميز


أنتو بس فالحين في العودة لي أنا !!! طيب ما تعمولها و ترجعوا السودان مرة واحدة

يا هلا فيكم و منتظر عودتكم يا حلوين

بس ما تتطولوا الغيبة

أنا قلبي راجيكم

مدنيّة
16-09-2006, 10:17 PM
والله منور الكرسي السااااااااااااااااااااااخن ياابوعلاء - العنقريب علي قولك اصلك جرسة من يومك -

انا عايزة اسال عن علاقتك بمدني شنوووووووووووووووووووووووووووووو وبمنتهي الصراحة وزي ماقلت ليك م اتخاف سرك في بير ومابصل للمدام

سوار الياسمين
16-09-2006, 10:30 PM
حبيبنا ابو علا والاخ الروحي لينا

اسئلة كدا على الماشي

اقرب الاشخاص ليك في المنتدى؟

اكثر الاشخاص نقة في المنتدى؟

اتعرفتى على ام علا كيف ؟(اختياري)

عاجبك وما عاجبك شنو في المنتدى؟

عضو تحس انو صريح؟

عضو تحس انو بيحب الغ لغ لغ لغ لغ كثير ( لغ = كلام) ؟

(ما كترتة مش!! :D )

ليك رجعة

ابراهيم
16-09-2006, 11:21 PM
تحياتي من الأعماق أخى وصديقي ابو علا . . .
كنت ولا زلت أنتظر لحظة الابحار في محيط ابو علا
الاسم الذي يشعرك بالسعادة لمجرد سماع اسمه أو مطالعة حديثه الشجي
فقد كنت جميلاً مميزا في حضورك
في البدء حدثنا عن النسمة الرقيقة والضوء الذي هدى خطاك إلى منتديات ودمدني له من جل الثناء على هذا الإهداء الراقي.

الدوبيت والكلام الجميل في ظلال الكوفي شوب
وفي الركن الثقافي مال الذي جعلك تعشق هذا الفن والتراث الاصيل وتتعمق فيه
هل هي البيئة أم انه عشق فطري؟

ولك مودتي

خواطر
16-09-2006, 11:29 PM
:) طيب اه ابو علا قبل الزواج وابو علا بعد الزواج؟وبعدين سؤال سوار ماجاوبتا عليهو علاقتك بي مدني شنوا

abu_ola
17-09-2006, 12:06 AM
والله منور الكرسي السااااااااااااااااااااااخن ياابوعلاء - العنقريب علي قولك اصلك جرسة من يومك -

انا عايزة اسال عن علاقتك بمدني شنوووووووووووووووووووووووووووووو وبمنتهي الصراحة وزي ماقلت ليك م اتخاف سرك في بير ومابصل للمدام

السؤال متوقع يا مدنية

علاقتي بمدني المنتدي التنظيم الإداري الجيد للمنتدي المواضيع المميزة الطرح الجاد ، المداخلات الفاعلة من قبل الأعضاء ، الأصالة و أشياء اخري ذكرتها في الإجابة على سؤال ما الذي يدعوك للبقاء في المنتدي و كذلك في أول مشاركة لي بأسم يا ناس مدني سلام عليكم


أما علاقتي بمدني المدنية علاقة عشق لمدنية أنثي تنجب لنا كل صباح مبدع فز في شتي ضروب الحياة
و هي لمسة وفاة لزملاء و أصدقاء لهم مكان بسويدا القلب
الأخ عارف إبراهيم ثلاجة صديق جمعتني به صدفة أكثر من رائعة
الأخ الرائع : حافظ المعراج صديق عزيز و زميل دراسة بموسكو
العزيز عمار سليمان صديق ألتقيت به في بجامعة الخرطوم

كذلك عشق خاص لإزاعة مدني و إعجاب بالمميزين ( ابتهاج قوي و صلاح أبو القاسم ) لست أدري هل ما زالوا في الإزاعة أم ..............

و كثير من النجوم التي أضاءت سماء قلبي و علمتني أن أفضل الأيام هي القادمة

hamad2
17-09-2006, 12:47 AM
حبااااااااااااااااااااب
ابوعلا
نوّرت والله شد حيلك اخوي
حصل زرت مدني وزورتا كم مره والعجبك فيها شنو

نزار حسن محمد
17-09-2006, 01:00 AM
هلا بالحبوب .. حبابك واليوم السعيد الليله جابك يافريع موسكو .. وقلت لى شنوا موسكو ياراجل انت ماوقعت براك المشكله الكيب بورد مابكتب بالروسى ..تعرف ياعبدالله انا خريج اوكرانيا .. عشان كده ح اكتب لك الروسى بالعربى .. قول واحد ...... كروتشى.. اكتو تى لوبيش برفى.. ديفوشكا ..بابوشكا ..الى بارن.. اسكاجى جسنه .. اصلوفا...

عبدالله ... كدى الكلام ده خلى فى التلفون.. خلنى اسع اولع الكرسى شويه والباقى على عمك ود الماحى..
كدى احكى بصراحه شديده اول ما وصلت مطار شرميتفا... وشفته الجكسى ..الماهو جكسى ..اصرفت كيف لقايت ما وصلت الابشجيتى
الاجابات مترجمه ..

abu_ola
17-09-2006, 01:10 AM
][QUOTE=سوار الياسمين]
حبيبنا ابو علا والاخ الروحي لينا

اسئلة كدا على الماشي

اقرب الاشخاص ليك في المنتدى؟

القلوب جنود مجندة ما تعارف منها إتلف و ما تافر منها إختلف بصراحة أشعر أن كل أعضاء المنتدي قريبين من قلبي و ماشا الله تبارك الرحمن كل واحد فيهم احس انو هناك رابط ما يربطني به و قمة الإنسانية أن تشارك الناس وجدانهم و أحاسيهم و بكل صراحة اقول
عملك ود الماحي اشعر اني قريب منه من حيث الأسلوب
اخونا ود حسن تعجبني كلماته
مدنية و المميز يذكروني بتوم أنـــد جيري و يدخلون الفرحة في قلبي
أخونا عوض صقير يدلني دوماً على أروع المواضيع الإسلامية
الأستاذة مهيرة كلماتها توحي لي بشئ ما
صالح ود فرح تعجبني مساديره
سوار الياسمين اتمني أن أكون في همتها ونشاطها
حسون .. التيمان تعجبني معاكساتهم و شقاوتهم
المميز يعجني طرحه للمواضيع الإجتماعية العامة
معتز تورسكي و لواء تعجبني كتاباتهم الفلسفية
الرائع عبد المجيد عشرية تعجبني لوحاته الأدبية والفنية الزاهية
الأديبة أميمة عشرية اتمني أن اقطف كل ما في بستانها الأدبي من ثمار
العزيز إبراهيم تعجبني كتاباته و أشعاره
ناس دكان و د الصول يعجبني تمسكهك بالأصالة و القيم و التقاليد

بقية الناس الما ذكرتهم هذا لا يعني انهم لا يعجبوني بس أما اني لم أفهم أسلوبهم أو اني لم أقرأ ما خطوه بين سطورهم و هذا قصور فيني أو قد لحداثة عضويتي بالمنتدي أو انني لم اكتشف الرابط الروحي بيني و بينهم و هذه حكمة الله في خلقه



اكثر الاشخاص نقة في المنتدى؟

كل كلمة تقال هي عبارة عن تعبير لحالة وجدانية معينة لها دلالت و معاني حتى إذا لم نفهما الآن حتما سوف نفهمها في وقت ما فمهما تحدث الآخرون فأني أبحث عن معاني و مغزي تلك الكلمات أحيانا اتجاهل ما يقولون و أبحث بين السطور عن تلك الدلالات و المعاني حتي زلات اللسان فلها مغزي و معني




اتعرفتى على ام علا كيف ؟(اختياري)

بإختصار أم علا أنا خالها في الحساب بس حينما يأتي الحب لا يعرف و خال و لا عم


عاجبك وما عاجبك شنو في المنتدى؟

يعجبني النشاط و الهمة و التفاعل و التواصل بين أعضاء المنتدي و التنظيم الإداري الجيد له و يعجبني التنافس الشريف بين أعضاء المنتدي
و لا تعجبني الشلليات في المنتدي لأنها تقلل من القيمة الأدبية لكل موضوع يتم طرحه كما أن هناك بعض الأقسام في المنتدي تعتبر شبه مهجورة و الحاجة الما عاجباني أكثر انو عدد الناس البمروا على الموضوع كتار جداً بس الناس البترد و لها مساهمات قليلة جداً مقارنة بعدد اعضاء المنتدي



عضو تحس انو صريح؟

عمنا ود الماحي و بالمناسبة تعجبني كتاباته و مداخلاته


عضو تحس انو بيحب الغ لغ لغ لغ لغ كثير ( لغ = كلام) ؟

حسب فهمي للسؤال نفس إجابة السؤال الثاني

(ما كترتة مش!! :D )

ليك رجعة[/QUOTE

مدنيّة
17-09-2006, 01:25 AM
][QUOTE=سوار الياسمين]
القلوب جنود مجندة ما تعارف منها إتلف و ما تافر منها إختلف بصراحة أشعر أن كل أعضاء المنتدي قريبين من قلبي و ماشا الله تبارك الرحمن كل واحد فيهم احس انو هناك رابط ما يربطني به و قمة الإنسانية أن تشارك الناس وجدانهم و أحاسيهم و بكل صراحة اقول
عملك ود الماحي اشعر اني قريب منه من حيث الأسلوب
اخونا ود حسن تعجبني كلماته
مدنية و المميز يذكروني بتوم أنـــد جيري و يدخلون الفرحة في قلبي
أخونا عوض صقير يدلني دوماً على أروع المواضيع الإسلامية
الأستاذة مهيرة كلماتها توحي لي بشئ ما
صالح ود فرح تعجبني مساديره
سوار الياسمين اتمني أن أكون في همتها ونشاطها
حسون .. التيمان تعجبني معاكساتهم و شقاوتهم
المميز يعجني طرحه للمواضيع الإجتماعية العامة
معتز تورسكي و لواء تعجبني كتاباتهم الفلسفية
الرائع عبد المجيد عشرية تعجبني لوحاته الأدبية والفنية الزاهية
الأديبة أميمة عشرية اتمني أن اقطف كل ما في بستانها الأدبي من ثمار
العزيز إبراهيم تعجبني كتاباته و أشعاره
ناس دكان و د الصول يعجبني تمسكهك بالأصالة و القيم و التقاليد

بقية الناس الما ذكرتهم هذا لا يعني انهم لا يعجبوني بس أما اني لم أفهم أسلوبهم أو اني لم أقرأ ما خطوه بين سطورهم و هذا قصور فيني أو قد لحداثة عضويتي بالمنتدي أو انني لم اكتشف الرابط الروحي بيني و بينهم و هذه حكمة الله في خلقه



[/QUOTE

يدي العافية اخوي ابوعلاء ماخليت ليك زول في المنتدي :D

ابراهيم
17-09-2006, 01:27 AM
هلا بالحبوب .. حبابك واليوم السعيد الليله جابك يافريع موسكو .. وقلت لى شنوا موسكو ياراجل انت ماوقعت براك المشكله الكيب بورد مابكتب بالروسى ..تعرف ياعبدالله انا خريج اوكرانيا .. عشان كده ح اكتب لك الروسى بالعربى .. قول واحد ...... كروتشى.. اكتو تى لوبيش برفى.. ديفوشكا ..بابوشكا ..الى بارن.. اسكاجى جسنه .. اصلوفا...

عبدالله ... كدى الكلام ده خلى فى التلفون.. خلنى اسع اولع الكرسى شويه والباقى على عمك ود الماحى..
كدى احكى بصراحه شديده اول ما وصلت مطار شرميتفا... وشفته الجكسى ..الماهو جكسى ..اصرفت كيف لقايت ما وصلت الابشجيتى
الاجابات مترجمه ..

نزار
شنو يا فردة ..
الكرسي بالنكهة الروسية ولا شنو؟
كدى قبل اخونا ابو علا يحكي لينا الحصل شنو في مطار شرميتفا ترجم لينا اسكاجي جسنة واصلوفا عشان ما تطيرو بينا ساي باقى الشمارات الزي اهم حاجة وبتدي الكرسي نكهة

مدنيّة
17-09-2006, 01:37 AM
نزار
شنو يا فردة ..
الكرسي بالنكهة الروسية ولا شنو؟
كدى قبل اخونا ابو علا يحكي لينا الحصل شنو في مطار شرميتفا ترجم لينا اسكاجي جسنة واصلوفا عشان ما تطيرو بينا ساي باقى الشمارات الزي اهم حاجة وبتدي الكرسي نكهة



ابراهيم اخوي حمدا لله علي السلامة وبركة في الشوفة :D

محمد حسين (المميز)
17-09-2006, 02:08 AM
والله يابو علا زي ما قالت اختنا مدنيــّــه
ماخليت ليك زول في المنتدي
راقي من يومك

**********

عوض صقير
17-09-2006, 02:22 AM
ماشاء الله أخونا أبوعلاء شايف الجماعة بسنو فى سكاكينهم .. شد حيلك

ا,ولا الشىء الملفت فى البطاقة هو الأسم

كما قيل خير الأسماء ما عبد و حمد وأنت ماشاءالله

من الأبن وحتى الجد من خير الأسماء

وسؤالى هو أستعداداتك للكرسى الساخن ده شنو ؟

abu_ola
17-09-2006, 04:46 AM
تحياتي من الأعماق أخى وصديقي ابو علا . . .
كنت ولا زلت أنتظر لحظة الابحار في محيط ابو علا
الاسم الذي يشعرك بالسعادة لمجرد سماع اسمه أو مطالعة حديثه الشجي
فقد كنت جميلاً مميزا في حضورك
في البدء حدثنا عن النسمة الرقيقة والضوء الذي هدى خطاك إلى منتديات ودمدني له من جل الثناء على هذا الإهداء الراقي.

إبراهيم وينك يا رائع ما تجي إلا في ساعات الزنقة ( صحيح الصديق ساعة الضيق !!!!! ) انا اليومين دي شاديني في الحلة ( اقصد الكرسي الساخن ) أها يا عشاي أبقي عشرة على الكوفي

جابتني كرعي براي يا ابراهيم ... اقصد كنت ابحث عن منتدي سوداني يتميز بالأصالة و الزوق و الحس السوداني الرفيع ففي اثناء بحثي في الأنترنيت توقفت عند عدة منتديات و من ضمنها منتدانا الرائع الذي اعتبره بيتي الأدبي الأول و للحقيقة كنت اتابع المنتدي كضيف و من ثم بعد ذلك كان لي شرف التسجيل في المنتدي و نيل عضويته و لا أخفيكم سراً أن قلت هو المنتدي الوحيد الذي تشرفت بعضويته حتى الآن .


الدوبيت والكلام الجميل في ظلال الكوفي شوب
وفي الركن الثقافي مال الذي جعلك تعشق هذا الفن والتراث الاصيل وتتعمق فيه
هل هي البيئة أم انه عشق فطري؟

ولك مودتي


من نافلة القول أن البيئة لها تأثير كبير على تكوين شخصية الفرد ( الرجل إبن بيئته ) و كذلك التربية الأسرية كان لها تأثير كبير لحبي للأدب عموماً ، فوالدي أطال الله في عمره و بارك فيه كان و ما زال يكتب الشعر باللغة الفصحي و شقيقي الأكبر أبو عمر ( له مني التحايا العطرة على البعد ) لديه الكثير من المحاولات الشعرية الرصينة و عشقي للأدب عموماً منذ الجمعيات الثقافية بالمدرسة و بحثي المتواصل عنه قادني الى كتابة بعض المحاولات الشعرية التي بدأت بكتابة الخواطر و القصة القصيرةو للحقيقة أن اختياري للمسدار كضرب من ضروب الأدب له عدة أسباب
جزالة المنعي
سهولة المفردة
تضمين الحكمة لمربعات المسدار ( أي مربع مسدار غالباً ما يحتوي على حكمة )
أصالة هذا النوع الأدبي الفريد
و هناك شي اخر هو ان المسدار لا يصح أن يكتب إلا بالعامية السودانية و هنا تكمن الدهشة و سر العشق لهذا الفن

إضافة للمسادير لدي محاولات شعرية عاطفية و قصص قصيرة و كتابات نثرية متواضعة

abu_ola
17-09-2006, 04:58 AM
:) طيب اه ابو علا قبل الزواج وابو علا بعد الزواج؟وبعدين سؤال سوار ماجاوبتا عليهو علاقتك بي مدني شنوا

هناك اختلافات كثيرة بين مرحلة ما قبل الزواج و بعد الزواج
فالبرغم من حداثة تجربتي في الحياة الزوجية فان الزواج بالنسبة لي أكمال لنصف الدين كما قال رسولنا صلي الله عليه و سلم كذلك ولد في الشعور بالمسئولية و مداني بالراحة النفسية و وفر لي الإستقرار الروحي و الإجتماعي و الإنساني و نمى في التعاون و حب المشاركة في كل شي
و مجرد الإحساس بأن هناك شخص و هب حياته لي ( بمحض إرادته ) و جعلها وقفاً بين يدي و أرتضت أن تشاطرني اللحظات بحلوها و مرها و تشاركني حتي نبضات قلبي و تدفق الدماء في شراييني هذ الإحساس ولد في حب إيثار الذات و الشعور بالآخرين
كذلك الزواج دفعة معنوية قوية للإبداع و التميز في كافة مناحي الحياة و حلقة هامة في سلسلة خلافة الأرض و تعميرها و أعتبره عنصر مهم جداً ينطلق منه كل من أراد العلياء ( وراء كل عظيمة إمرأة )

و من هذا المنبر الشامخ تحية إجلال و عرفان للرائعة أم علا متمنياً أن يوفقنا الله لإكمال المسيرة


سوال مدنية جاوبنا عليه أيها الرئع ( محمد كمال ) و لك جزيل شكري على إتصالك اليوم ،،، و دمت أخاً كريماً

abu_ola
17-09-2006, 05:03 AM
حبااااااااااااااااااااب
ابوعلا
نوّرت والله شد حيلك اخوي
حصل زرت مدني وزورتا كم مره والعجبك فيها شنو


زرت مدني أكثر من مرة عابر سبيل زي ما قال استاذنا محمد الأمين و كذلك تشرفت بزيارة مدني عدة مرات مع صديقي عارف ( جزيرة الفيل ) حضرت عدة مناسبات فيها و كنا نذهب للنادي الإسماعلي حسب القرب المكاني على ما أعتقد زرت السوق الكبير و توقفت في البرندات كثيرا ، أعجبني شارع النيل و حديقة وقيع الله و لي في مدني زكريات ما ذلت اتذوق حلاوة طعمها بالرغم من مرور السنوات

abu_ola
17-09-2006, 05:24 AM
هلا بناس اوكراينا ( انتو يا ناس هفاريو ... هفاريش الله يجازي محنكم )



هلا بالحبوب .. حبابك واليوم السعيد الليله جابك يافريع موسكو .. وقلت لى شنوا موسكو ياراجل انت ماوقعت براك المشكله الكيب بورد مابكتب بالروسى ..تعرف ياعبدالله انا خريج اوكرانيا .. عشان كده ح اكتب لك الروسى بالعربى .. قول واحد ...... كروتشى.. اكتو تى لوبيش برفى.. ديفوشكا ..بابوشكا ..الى بارن.. اسكاجى جسنه .. اصلوفا...

كروتشي قفاريو شتو يا فيسقدا اسكجو جيسنا أسلوفا ،، نو شتو بيرفي لوبوف اتا بلا نا خرتومسيكم يونفرسيتيتي أنا بيلا اوشن سمباتيشينا ديفوشكا ((((( حكمة الله حنكوشـــة يا ود حسن ) )))))

عبدالله ... كدى الكلام ده خلى فى التلفون.. خلنى اسع اولع الكرسى شويه والباقى على عمك ود الماحى..
كدى احكى بصراحه شديده اول ما وصلت مطار شرميتفا... وشفته الجكسى ..الماهو جكسى ..اصرفت كيف لقايت ما وصلت الابشجيتى
الاجابات مترجمه ..



وصلت موسكو في مساء يوم شتائي و ما زالت بقايا الجليد متراصة على جنبات الطريق
أول ما لفت نظري منظر الجليد و أشجار ممتدة كأعمدة الكهرباء عارية تماما من الأوراق ، المباني الشاهقة على طولالطريق و غابات متراصة توحي لك بأنك على مشارف مدينة واو الجميلة و حاجات أخري لها طعم الدهشة الأولي

بعدين الجكسي يا ود حسن اخوي اقول ليك حاجة مختصرة بس لسببين الأول رمضان على الأبواب الخلفية و الشياطين طايرة و عايرة و السبب التاني لأني محتاج لعضويتي في هذا المنتدي الرائع و لا اود أن تجمد و تتم محاكمتي في المنتدي الأسلامي باقي ناس شيخنا السفير و عوض صقير حايمين .... البلوزة على الحليفة زي المريلة البلبسوها للشافع يريل فوقها يسالني ما يسألك الإسكريتي كان لبسوني ليه طاقية تطلع أصغر من راسي دا

ها زول ها أنت يا ود حسن ما طلعت ود حفرتي بس خلي الطابق مستور

abu_ola
17-09-2006, 05:27 AM
والله يابو علا زي ما قالت اختنا مدنيــّــه
ماخليت ليك زول في المنتدي
راقي من يومك

**********


الرائعة مدنية
حبيبي المميز لم
أقل شيئاً سوي الحق و سامحونا لو قصرنا في وصف تلك القامات الرئعة و العتبي لكل من سقط أسمه سهواً

abu_ola
17-09-2006, 05:31 AM
ماشاء الله أخونا أبوعلاء شايف الجماعة بسنو فى سكاكينهم .. شد حيلك

ا,ولا الشىء الملفت فى البطاقة هو الأسم

كما قيل خير الأسماء ما عبد و حمد وأنت ماشاءالله

من الأبن وحتى الجد من خير الأسماء


مشكور استاذي عوض صقير على الملاحظة والمشاركة الأسم كاملاً ( عبد الله عبد الرحمن عبد الحميد عبد الرحيم عبد الرحمن محمد عبد الرحمن ) الأسرة حسب ما نمى لعمل لها جذور دينية ضاربة في القدم لذا كان طبيعياً ان تكون أسمائهم كذلك نسأل الله أن يوفقنا للمحافظة عليها
وسؤالى هو أستعداداتك للكرسى الساخن ده شنو ؟

صراحة ليس لدي أي أستعداد للكرسي الساخن و بصراحة أكثر لم اكن متوقعاً إستضافتي في الكرسي الساخن بهذه السرعة و لكن لا اخفيك سراً بأني سعيد بهذه الإستضافة و أعتقد بأن مثل هذه الأشياء من الأفضل أن تكون مفاجأة و دون ترتيب مسبق حتى تطلع بصورتها التلقائية العفوية و الحمد لله أنا كتاب مفتوح لكل من عرفني و ليس لدي شيئأ أخفيه

abu_ola
17-09-2006, 06:58 AM
شنو يا جماعة الخير كملت الأسئلة خلاص نجمع الورقة !!!!!

اها يا كنترول التصحيح بتين !!!!!

امل حياتى
17-09-2006, 07:57 AM
يا جماعة والله نزار ود حسن ده مستعجل مكان يأجلوا شوية فى رمضان عشان سخانة رمضان والجوع والعطش ابو علاء لما يفطر من سخانة الكرسى ولهيبة وسخانة جو رمضان برضو هسه بقوليك شد حيلك شوية التقل جايك ورا

Jamal Elmahi
17-09-2006, 09:08 AM
حباب أبوعلا..
هاأأأجنا جر لي العنقريب داك ختو لي جمب أبوعلا ..مخده ما بدورا بتوسد جلابيتي وبقعد بالعراقي والسروال أوزّر أخوي أبوعلا باقي نضميهو حلو طاعم طعامة أهلي ناس بحر أبيض...
أهاأأأبوي أنا بشاقق ودايرك بعد ماضربك الهمبريب تفضفض لينا وتحكي لينا كم شاكوش كرضمن راسك ...الفقد واحد أأأبوي...والجاتك في راسك سامحتك...
كان المرا ماكانت أم علا كان تكون منو...كان بجيب ليك الهبايب خليهو....
رأيك شنو في التدبيل لتقليل العنوسه والتخلص من نقة المرا الاولي الكتيره...الزواج العرفي من الجكس في السودان...المساكنه الطالعين فيها الشباب اليومين ديل؟
بت الخرتوم الكنته داير تعرسا وأبوك قال ليك كان عرستها ماعافي منّك الحصل عليها شنو؟
بت الخرتوم الكنته مجكسا وقالت ليك أهلي قالوا الله بينا وبين أهل العوض بلعتا كلاما كيف؟

أها أنا هادي تصنقره معاك ...تعالي أأأبت شيلي علا دي وديها لي امها...

ود الماحي

Jamal Elmahi
17-09-2006, 10:53 AM
أبوعلا الوجيه الحي مصيرو يلاقي...وعشان الواحد يقالدك من وسط ميّه ممكن تنزل لينا صورتك الخايف عليها؟!
قولوا ماشاء الله ياشباب ...ياواحد الله ومحمد رسول الله ...وياعين قهرك الله ...

ود الماحي

راشد خضر
17-09-2006, 02:03 PM
ود خضر يا اخوي أول حرف بعد الأندر إسكور عين عليها ضمة بعد داك على كيفك تكتبها a ولا o أنت حر و انطق ساااكت مافي زول مانعك بس في النهاية لازم تخلي لي أسم بنتي ( علا ) شديد و لضيض .... كويس !!
آآآآه قُتلي عـُـلا ، ها يازول حرّم الداهيه أنا قايلها ضـَـكر ، ماشاء اللّه وربنا يحفظها ليك والسؤال دا طلع بفايده كونو كرفنا بالأمورة عُـلا .
وبعدين ياخ الناس دي تقلك يا عمو ليه؟ وانت عمرك ذي عمري ، ولسه هو نحنا شفنا شي نايم يعمعمونا ههه :p ههه

قال : jamal almahe

أبوعلا الوجيه الحي مصيرو يلاقي...وعشان الواحد يقالدك من وسط ميّه ممكن تنزل لينا صورتك الخايف عليها؟!
* نطالبك لو أمكن وضع صورتك ، حتي نقترب من التواصل الروحي ! رايك شنو ؟

مرتضى يوسف العركي
17-09-2006, 08:54 PM
بالرغم من عضويتي الجديدة الا انني اثرت ان اطرزن على ابو علا فالرجل يجبرك على التواصل ولا غرو ان يفترسه الجميع ودا وتواصلا طالما كان من اوائل الناس الذين تواصلوا بي مرحبا وعلى فكرة يا ابو علا شفت لي فيلم روسي الشفع الصغار فيه يتكلموا روسي

مدنيّة
17-09-2006, 09:40 PM
عبد الله عبد الرحمن عبد الحميد عبد الرحيم عبد الرحمن محمد عبد الرحمن


وانا اقول بتك مسميها اسم صغنوني كدا مالك !!!!!!!! اتاريك عشان الاسامي الطويلة

هههههههههه

اكيد احلي الاسماء ما حمد وعبد وعلي فكرة اسم عبدالرحمن من احب الاسماء لي

يديك العافية يارب انت وعُلاء وام عُلاء

وعلي فكرة تانية زمان كنت فاكراه ولد واسمه علاء وليس بت واسمها عُلاء

يديكم العافية

abu_ola
17-09-2006, 10:11 PM
بالرغم من عضويتي الجديدة الا انني اثرت ان اطرزن على ابو علا فالرجل يجبرك على التواصل ولا غرو ان يفترسه الجميع ودا وتواصلا طالما كان من اوائل الناس الذين تواصلوا بي مرحبا وعلى فكرة يا ابو علا شفت لي فيلم روسي الشفع الصغار فيه يتكلموا روسي



ما هو دا المجنني أنا زاتي يا الحليمابي !!!!! و عمك نزار ود حسن لي يوم الليلة يتعتع في اللغة الروسية زي العربية الكربريترة وسخان

ألفي أهلا بيك و البيت بيت يا عشاي و كان دايرني انزل ليك من العنقريب دا بنزل

abu_ola
17-09-2006, 10:16 PM
عبد الله عبد الرحمن عبد الحميد عبد الرحيم عبد الرحمن محمد عبد الرحمن


وانا اقول بتك مسميها اسم صغنوني كدا مالك !!!!!!!! اتاريك عشان الاسامي الطويلة

هههههههههه

اكيد احلي الاسماء ما حمد وعبد وعلي فكرة اسم عبدالرحمن من احب الاسماء لي

يديك العافية يارب انت وعُلاء وام عُلاء

وعلي فكرة تانية زمان كنت فاكراه ولد واسمه علاء وليس بت واسمها عُلاء

يديكم العافية

أنتي في البت و لا أم علا زاتها الله يديها العافية مختصراني على ( عبده ) و كان قلت ليها طولي الأسم الله يطول عمرك يا المبروكة تزيدو حرف واحد بس و تقول ( عبودي ) زكرتيني أستاذ الرياضيات كان بكتب اسمي عبد ( أسماء الله الحنسي ) 2

abu_ola
17-09-2006, 10:18 PM
أبوعلا الوجيه الحي مصيرو يلاقي...وعشان الواحد يقالدك من وسط ميّه ممكن تنزل لينا صورتك الخايف عليها؟!
قولوا ماشاء الله ياشباب ...ياواحد الله ومحمد رسول الله ...وياعين قهرك الله ...

ود الماحي


بناء على طلب عمنا ود الماحي و تأكيد أخونا ود خضر و تشجيع زول فردة و الزول الرائع ود حسن تعليق صورتي في قدام العنقريب دا وجب علي ان ننبه الجكس و الحناكيش و أنصاف المتحنكشين بعدم دخول البوست بعد اليوم دا لاني بكرة من الصباح تلقوني متحكر في نص العنقريب بي هدومي و جضومي انا سويت العلي و ذنبكم على جنبكم

hamad2
17-09-2006, 10:20 PM
نزل الصوره العنقريب خلي في الكوفي شوب

abu_ola
17-09-2006, 10:27 PM
عوووك يا ود حسن ألحقني

داير أرد على عمك ود الماحي كتبت لمن يدي فترت قامت طلعت لي الرسالة دي أعمل شنو آآآناس ما تلومونا مع عمك ود الماحي

الاخطاء النالية حدثت عندما تم إرسال هذه الرسالة:
1. الرسالة التي ادخلتها صغيرة جداً . الرجاء إعادة العملية على أن لا يقل عدد الحروف في الرسالة عن 10 حروف

abu_ola
17-09-2006, 10:58 PM
هاأأأجنا جر لي العنقريب داك ختو لي جمب أبوعلا ..مخده ما بدورا بتوسد جلابيتي وبقعد بالعراقي والسروال أوزّر أخوي أبوعلا باقي نضميهو حلو طاعم طعامة أهلي ناس بحر أبيض...( ود الماحي )

حباب عمي ود الماحي المعني نحن أولاد حفرة واحدة بس انت كبير قرش عشان كدي النقول لك عمي ود الماحي بعدين العنقريب ما في داعي ليه بنزلك من عنقريبي دا و بفرش الفورة جنبك احترام و حفظ مقامات ساكت آآعمي ... يا بت شيلي البت دي دخليها لي أمها و جيبي الجبنة لي عمك ود الماحي


أهاأأأبوي أنا بشاقق ودايرك بعد ماضربك الهمبريب تفضفض لينا وتحكي لينا كم شاكوش كرضمن راسك ...الفقد واحد أأأبوي...والجاتك في راسك سامحتك...( ود الماحي )

ود الماحي آآآخوي انا جني و جن بحيت الجداد دا بس آآخزين ما عليك مدسة الرأس دا التقول فوقو خزنة كل شوية ضاربنو شاكوش ..ها زول ها على الحليفة أثار مروي ما أظن حفروها زي رأسي دا ... اسعالني ما يسألك من كثر الشواكيش بقي زي الأوضة القدامها برندة ... بعدين آآآعشاي فعلياً هو شاكوش واحد بس بيني و بينك الشي الضربوني بيه دا مو شاكوش الشئ مارزبة عدييييييييل

كان المرا ماكانت أم علا كان تكون منو...كان بجيب ليك الهبايب خليهو.... ( ود الماحي )

المرة كان ما كانت أم علا ... ما بتبقي مرة ( مع إحترامي للحريم جت علين ) على الحليفة أم علا في النسوان عودها زايد ...الشئ ما تقول مخافة من الولية يا ود الماحي بس امانة في الزمة بدور احفظ ليها حقها و زي ما قالوا الما بشكر الناس ما بشكر الله

رأيك شنو في التدبيل لتقليل العنوسه والتخلص من نقة المرا الاولي الكتيره...الزواج العرفي من الجكس في السودان...المساكنه الطالعين فيها الشباب اليومين ديل؟ ( ود الماحي )


العندو كورة دقيق فيني ما ببدلها بالفترية يا عشاي و بعدين بيني و بينك كدي المرة البتنقنق زي المطرة في الطشتي اختاها تب بتقصر أجلك و تتعوض فيك توب دمورية و أربعة شهور حبس ... بعدين الزواج العرفي دا ما تخصصي بس حسب خبرتي المتواضعة بغلي الصمغ و بي الطريقة دي ناس دارفور بصبحوا من الدول العظمي ( نصيحة لي وجه الله أي واحد عندو شدرة صمغ قدام بيتوم ابقي عليها عشرة المعني يا ودتو محكمة جرايم الحرب يا بقتو رجل أعمال )
البورة يا عشاي حلها معروف و الراجل محللات ليهو أربعة بس البقنع الديك منو ؟؟؟


بت الخرتوم الكنته داير تعرسا وأبوك قال ليك كان عرستها ماعافي منّك الحصل عليها شنو؟ ( ود الماحي )

اريتا كان كانت من الخرطوم أخوك يا عشاي شليق و مطنقع المعني البت كانت شهادة عربية عدييييييييييل و يا ها صاحبة الشاكوش الفوق دا ( فضحتنا يا ود الماحي الله يسترك دنيا و آخرة و بي طريقتك دي بتوقف علينا مدرسة محو الحنكشة الفاتحنها في الكوفي شوب )

بت الخرتوم الكنته مجكسا وقالت ليك أهلي قالوا الله بينا وبين أهل العوض بلعتا كلاما كيف؟ ( ود الماحي )


من زمان أنا مقتنع بي مسألة التوافق الإجتماعي و النفسي قبل ما يكتشفوه لأنو عندي عمي راجلاً فاضل بالحيل و زولاً حكمة على الحليفة يا ود الماحي كان عندنا إعلام زينا زي باقي الحلال كان دخل موسوعة غنيــس بحمارتو الخدرا ،،،، قصر الكلام يا عشاي قال ( يا أولاد كاكوا في أي مكان بس ساعة تجو تبيضوا تبيضوا في البيت دا )

ذكرتني بي بنات الخرتوم الله يذكر بالخير يا ود الماحي ما كنت مجكس واحدة من الخرتوم بي النحكي ليك قصة مشابهة و لي يوم الليلة ما نزلت لي من زوري
أول ما سكننا أم درمان و الوقت داك أنا كنت في ثالثة متوسط واخوي الكبير الله يذكره بالخير عشان يثبت عولمتنا و خلاص بقينا من أهل البندر قام في الصيف دخلي كورسات تقوية ( انتبهي يا سوار ) و كان معانا في الكورس بنات و أولاد كتار خلاص و بعدين أخوك جاي جديد من القرية و جنو و جن المسخرة و لمت الوليدات مع البنات و بيني و بينك كنت شاطر خلاص ( كلو فضلوا يرجع للروب الكنت بشربو زمان ) الأستاذ ما يكمل سؤالو إلا تلقاني رافع يدي أجاوب المهم في بت اتضايقت من الموضوع دا و قامت استفزتني قالت ( على ما اذكر ) العربي دا العرفو بالمدرسة شنو و للأمانة و التاريخ الوقت داك مصطلح أهل العوض لسع ما أكتشفوه !!!! قمت رديت عليها بي قصيدة ورقة فلوسكاب كاملة اهديك منها هذا المقطع و كان لميت في باقي الورقة بجيبها ليك يا اخوي

حياتنا جميلة يا حلوة مقسمة بين خلا ووديان
نصيف في ضفاف النيل و اجيك خريف تكون فرحان
نزرع في بلاد أم زين و نسرح في لقد رمضان
تشوف عاشة و أم مريوم يكرمن ديمة في الضيفان
كلابنا تبنح الزيك و تهدي الطاشي و الحيران
لو دايرين تتبعوا الموضة و تبقوا للكفر عبدان
سيبو الصية و الواحات تعالوا أسكنو أم درمان

عوض صقير
18-09-2006, 02:46 AM
أبو’علاء الكرسى بدأ يسخن وأحسن قبل مايولع أديك سؤال على الطائر

هل لك المقدرة فى التحكم على مشاعرك
بمعنى لو عجبتك حاجة كده يعنى ممكن تقدر تسيطر على مشاعرك عشان ماتجرح ناس آخرين ؟

abu_ola
18-09-2006, 03:54 AM
أبو’علاء الكرسى بدأ يسخن وأحسن قبل مايولع أديك سؤال على الطائر

هل لك المقدرة فى التحكم على مشاعرك
بمعنى لو عجبتك حاجة كده يعنى ممكن تقدر تسيطر على مشاعرك عشان ماتجرح ناس آخرين ؟

اذا اعجبت بفكرة أو قصيدة و زهرة أو سيارة أو اي حاجة جميلة ( مثلاً ) طبيعة عندي ببدي إعجابي بهذا الشي و بقول ما شاء الله تبارك الرحمن بيتكم حلو خالص ربنا يبارك ليكم فيه

و أعتقد أنو إبداء الإعحاب بالأشياء الجميلة هو نوع من التشجيع و الدفع المعنوي المباشر و قليل من الأنصاف لمن أبدع في عمل شئئ ما


هكذا فهمت السؤال و هكذا كانت الإجابة فهل أصبت في فهم السؤال ؟؟؟

عوض صقير
18-09-2006, 04:10 AM
أجابة دبلوماسية مافيها كلام

مدنيّة
18-09-2006, 04:35 AM
أجابة دبلوماسية مافيها كلام


والله يا استاذ عوض جاملت اخووووووووووي ابو عُلاء دا سااااااااااااااااااااااااااااي

لاني انا غايتو سؤالك مافهمته زي ماجاوبه هو :D - بتاعت مشاكل انا صح :p -

abu_ola
18-09-2006, 04:52 AM
مدنية قولي لي السؤال بصريح العبارة باقي أهل العوض ديل فهمون تقيل حبتين و ليك علي اجاوب بكل صراحة

ابراهيم
18-09-2006, 05:01 AM
اذا اعجبت بفكرة أو قصيدة و زهرة أو سيارة أو اي حاجة جميلة ( مثلاً ) طبيعة عندي ببدي إعجابي بهذا الشي و بقول ما شاء الله تبارك الرحمن بيتكم حلو خالص ربنا يبارك ليكم فيه

و أعتقد أنو إبداء الإعحاب بالأشياء الجميلة هو نوع من التشجيع و الدفع المعنوي المباشر و قليل من الأنصاف لمن أبدع في عمل شئئ ما


هكذا فهمت السؤال و هكذا كانت الإجابة فهل أصبت في فهم السؤال ؟؟؟

إن الله جميل يحب الجمال ..
لكن يا ابو علا ياخوى سؤال اخونا عوض صقير دة فيهو مشاعر وسيطرة واشياء من هذا القبيل ..
وبشوفك دخلت زهور وقصيدة وسيارة وبيوت ودي بنعتبرها دبلوماسية بي دبلوماسية
هو سموهو الكرسي الساخن فوق شنو ما عشان العصرة دي.
كدى الاجابة دي لبسها نظارات

abu_ola
18-09-2006, 05:44 AM
إن الله جميل يحب الجمال ..
لكن يا ابو علا ياخوى سؤال اخونا عوض صقير دة فيهو مشاعر وسيطرة واشياء من هذا القبيل ..
وبشوفك دخلت زهور وقصيدة وسيارة وبيوت ودي بنعتبرها دبلوماسية بي دبلوماسية
هو سموهو الكرسي الساخن فوق شنو ما عشان العصرة دي.
كدى الاجابة دي لبسها نظارات


يا ابراهيم اخوي انا قلت لي سوار فهميني ليها بس باين انها استحت معليش يا أبراهيم و معلييش يا أستاذ عوض
كده يا دوب الواحد فهم و ممكن يرد بصراحة

بخصوص العاطفة و مشاعر الحب لا أبدي مشاعري بسرعة حتي أتأكد تماماً بنسة 100 % من صدق و حقيقة مشاعري تجاه البنت و اليقين الذي لا يشوبه شك بأنها مشاعر حب و ليس إعجاب أو أنجذاب أو إبنهار أو خلافه و كذلك بعد أن أتأكد من مستقبل هذه العلاقة و معرفة مدي إستعدادي للتضحية من أجل هذى العلاقة إضافة لذلك ببحث عن الظروف الحيطة بالبنت المقصودة و محاولة جس النبض لمعرفة هل لديها مشاعر عاطفية تجاه شخص آخر أو لا و من ثم أما إعلان مشاعري لها أو كبتها حتى لا تجرح مشاعر الآخرين
و بيني و بينك كده كبتها أولى من إعلانها إذا كانت محكوم عليها بالفشل قبل ميلادها

فالأفضل عندي أن أعاني الفشل وحدي أفضل مليون مرة من أن يعانيه معي شخص آخر لا ذنب له
و كما يقولون المحب لا يكره و لا يعذب حبيبه

راشد خضر
18-09-2006, 08:23 AM
يا ابراهيم اخوي انا قلت لي سوار فهميني ليها بس باين انها استحت معليش يا أبراهيم و معلييش يا أستاذ عوض كده يا دوب الواحد فهم و ممكن يرد بصراحة
بخصوص العاطفة و مشاعر الحب لا أبدي مشاعري بسرعة حتي أتأكد تماماً بنسة 100 % من صدق و حقيقة مشاعري تجاه البنت
واللّه يا ابو عُـلا الناس دي شكلها حا تخلي الوليه تفتح عليك باب جهنم ههههه. بس ما قلت لي ممكن تقع في حكاية العاطفة دي تاني وتتزوج ولّه إنت بتتكلم بأثر رجعي ؟

zoolfrda
18-09-2006, 09:11 AM
حباب أبو علا



وما شاء الله عليك



كل ما الزول يدخل المنتدى



يلقاك مصنقر فيهو



من نشاط لنشاط



آها يا خوي ...



سؤالي ...





كان أم علا حلفت يمين يا أنا يا المنتدى ده !!!






شن بتسوي ؟

راشد خضر
18-09-2006, 02:19 PM
هيييييييييييييييييع واللّه جيبت كلام يا فرده ، دا السؤال واللّه بلاش

اميمه عشريه
18-09-2006, 02:28 PM
تحياتنا صاحب اظرف كوفي شوب .. والله عندكم بهناك كابتشينو مدور تدي ربك العجب بس
سعدنا جدا ان تكون بيننا ابو علا ...

ابو علا نحن ابناء جيل واحد جيل السبعينيات اترانا اختلفنا كثيرا عن الجيل الذي تلانا ..؟
الانسان ابن بئيته الي اي مدي اثرت فيك هذه المقوله ؟ في تصرفك وفي كتاباتك وسلوكك العام .. خاصه في غربه كتلك التي نعيشها وتعيشنا ..؟
الحزن شئ اصيل في تركيبه الانسان فمتي يحزن ابو علا ومن الذي يمكنه ان يدخل عليك الفرح ..؟

يكفي هذا الان لاعطي الاخوه والاخوات الباقيين فرصه معاك ...شكررررررررررا كتير ابو علا

وكل عام والجمييييييييييع بألف خير وكل عام وبيتنا هذا انتم ركائزه واعمدته الصلبه ورد الله غربة الجميع سالما وغانما ..

نزار حسن محمد
18-09-2006, 08:46 PM
ابوعلا .. مالك جايب لينا الكلام .. من اصبحت باب بيتى داير اتكسر من خبيط عمك ودالماحى.. قال بعت ليه الحواشه.. لمن مشى للتوثيق
قالوا الاوراق ناقصه.. الصوره بتاعتك .. ود الماحى اسب والعن فى البيعه .. دحين يأبوى صورتك الخايف عليها نزيلها ما تجيب لينا الكلام.. انا وعدته اليوم .. ماتصغرنى قدامه جيب معاك الصوره ابوى..انشاء الله كان ابيض واسود..مامشكله.. وكان سمحه ولا شينه ..مامشكله...انت عارف عمك ودالماحى..داخل علينا رمضان ومابنقدر على نشاف الريق...

zoolfrda
18-09-2006, 09:28 PM
يا نزار أبو علا من الدغش إتشطّف ولبس جلابية العيد والمركوب الجديد

وجري على الاستوديو قال يكون أول زبون عشان الكاميرات بتكون منجمّه

والفلاشات نايمة كويس وده كلوا عشان عيون ود الماحي

والصورة تطلع إبداع

أصبر التحميض بس

abu_ola
18-09-2006, 09:44 PM
سؤالي ...



كان أم علا حلفت يمين يا أنا يا المنتدى ده !!!



شن بتسوي ؟


في البداية بحاول اشرح لها المنتدي و أهميته و فوائده و الأسباب التي جعلتني أدخل المنتدي و أشارك فيك و كان ما فهمت و عصلجت معاي و ما نفعت الحلول الوسطية بعز ليها حلفها باقي الولية تستاهل و بعدين المنتدي بدخلو بإسم تاني و كده بكون وفقت بين الطرفين و يا دار ما دخلك شر ..... بس أبشرك هي معجبة بالمنتدي و أنا اليومين دي بشجع فيها كان تشارك .... بخاف آآعشاي كان قرت الكلام دا تغير رأيها و تكون جبت لينا الهبايب يا فردة

سوار الياسمين
18-09-2006, 09:52 PM
بت الخرتوم الكنته داير تعرسا وأبوك قال ليك كان عرستها ماعافي منّك الحصل عليها شنو؟ ( ود الماحي )

اريتا كان كانت من الخرطوم أخوك يا عشاي شليق و مطنقع المعني البت كانت شهادة عربية عدييييييييييل و يا ها صاحبة الشاكوش الفوق دا ( فضحتنا يا ود الماحي الله يسترك دنيا و آخرة و بي طريقتك دي بتوقف علينا مدرسة محو الحنكشة الفاتحنها في الكوفي شوب )
[/COLOR][/COLOR]


هع هع هع هع هع هع هع :cool:

حكاية الحنكشة طلعت عقدة عنك يعني وانا اقول ازول ده مالو هابي فينا كدا

وفاتح ليك مدرسة بي غادي محاولة منك تعالج العقدة ولا شنو

هع هع لاكن لقيت ليك السبب :D


يا ابو عقدة

abu_ola
18-09-2006, 10:11 PM
ابو علا نحن ابناء جيل واحد جيل السبعينيات اترانا اختلفنا كثيرا عن الجيل الذي تلانا ..?? ( اميمة عشرية )





أقولها و بكل صراحة نحن نختلف عن الجيل الذي أتي بعدنا و إن كنا لا نتساوي مع الجيل السابق لنا فجيلنا ما ذال و الحمد لله متمسك بكثير من القيم و العادات و التقاليد و الأعراف و الأخلاق التي تخلي عنها بعض أبناء هذا الجيل إضافة لذلك كانت الظروف الإجتماعية و المادية و الأسرية في عهدنا أفضل بكثير من هذا العهد فالبرغم من التطور التكنلوجي والنهضة الإعلامية و العلمية و الحضارية السائدة في هذا الزمن إلا أنها لم تؤثر إيجابا في نهضة و تطور المجتمع من الناحية الروحية و هذا نتاج طبيعي لزيادة سرعة إيقاع الحياة و تضاءل دور الأسر الممتدة و تقليص دور الحبوبة و بقية أفراد البيت الكبير في المشاركة في تربية الأبناء أما من الناحية التعليمية فهناك إختلاف كبير جداً علي سبيل المثال في عهدنا كان الطالب الجامعي كشكول متكامل بغض النظر عن التخصص الأكاديمي تجده موسوعة دينية و علمية و أدبية و سياسية قل أن تجد مثلها هذه الأيام التي أصبح الإهتمام فيها بالكيف و العدد و ليس بالكم و النوعية
فالبرغم من التطور الهائل في هذا الزمان فقد أكتفي أبناء الجيل بالقشور ضاربين باللب عرض الحائط ( مع ملاحظة أني لا أقصد كل أبناء هذا الجيل أو أبناء جيلنا بل الغالبية منهم )
و خير دليل على قولي حديث الرسول صلي الله عليه و سلم ( خير القرون قرني هذا و الذي يليه و الذي يليه )



الإنسان ابن بئيته الي اي مدي اثرت فيك هذه المقوله ؟ في تصرفك وفي كتاباتك وسلوكك العام .. خاصه في غربه كتلك التي نعيشها وتعيشنا ..؟ ( أميمية عشرية )

الإنسان كائن إجتماعي يؤثر و يـاتأثر بالمجتمع من حوله و يتفاعل معه و يكتسب السلوك من البئية المحيطة به و كما نعلم جميعنا أن البئية لها تاثير كبير جداَ على شخصية الفرد أنها تشكل 80% من شخصية الإنسان كما يزعم علماء النفس
تربيت في قرية صغيرة على شأطي النيل الأبيض في أسرة ريفية ممتدة ساهمت فيها الخالة و العمة و الجد و الحبوبة و الوالد و الأخ والوالدة و كل افراد القرية و الأسرة الكبيرة في تربتنا جميعا فأرضعتنا الأسرة القيم والمبأدي و العادات و التقاليد و الكثير الكثير بحكم المجمتع القروي الذي كنت أعيش فيه فأصبحت شخصيتي نتاج لهذه الخبرات المتراكمة
بالرغم من إنتقال أسرتي الى ام درمان منذ اكثر من 17 عاماً فان أثر التربية الريفية التي تلقيتها ما ذالت واضحة في كتاباتي و سلوكي و تصرفاتي و نظرتي للحياة و ما ذال إرتباطي بالقرية وثيقاً حتى الآن فإن جاز لي التعبير فأنا اسكن جغرافياً في أم درمان و وجدانياً في قرية المنجرة على ضفاف النيل الأبيض

الحزن شئ اصيل في تركيبه الانسان فمتي يحزن ابو علا ومن الذي يمكنه ان يدخل عليك الفرح ..؟ ( اميمة عشرية )

للحزن مساحة معتبرة في دواخلي يحزنني الجهل و الضياع و الدمار و المستقبل الغير واضح المعالم احزن كثيراً عندما أري الناس قد تخلت عن قيمها و أخلاقها و دينها و سلوكياتها الحميدة أحزن عندما اري طفولة ضايعة مشردة
أحزن عندما أري تهافت الناس على الحياة و إنقيادهم لها
أحزن اكثر عندما اري شخص يهتم بشكله الخارجي و يتجاهل دواخله
تحزنني المحسوبية و الظلم و وضع الحق في غير موضعه
احزن عندما تنقلب الأدور و تأخذ المرأة دور الرجل أو العكس
اموت حزناً عندما أري الكبير يسعي جاهدا لنيل أحترام الصغير ليس لي شيئاً سوي أنه أصبح من أصحاب الملايين
في المقابل هناك الكثير من الأشياء التي تفرحني ... الحق ، العدل ، الإنصاف ، احترام الذات وحترام الأخر المناظر الطبيعية ، رؤية الإبتسامة على شفاة الأخرين ن يفرحني أن أري السعادة بادية على وجوه الآخرين
يستطيع طفل أو طفلة صغيرة إدخال البهجة و السرور في نفسي و تجعلني سعيدا أينما سعادة

abu_ola
18-09-2006, 10:19 PM
ابوعلا .. مالك جايب لينا الكلام .. من اصبحت باب بيتى داير اتكسر من خبيط عمك ودالماحى.. قال بعت ليه الحواشه.. لمن مشى للتوثيق
قالوا الاوراق ناقصه.. الصوره بتاعتك .. ود الماحى اسب والعن فى البيعه .. دحين يأبوى صورتك الخايف عليها نزيلها ما تجيب لينا الكلام.. انا وعدته اليوم .. ماتصغرنى قدامه جيب معاك الصوره ابوى..انشاء الله كان ابيض واسود..مامشكله.. وكان سمحه ولا شينه ..مامشكله...انت عارف عمك ودالماحى..داخل علينا رمضان ومابنقدر على نشاف الريق...





يا نزار أبو علا من الدغش إتشطّف ولبس جلابية العيد والمركوب الجديد

وجري على الاستوديو قال يكون أول زبون عشان الكاميرات بتكون منجمّه

والفلاشات نايمة كويس وده كلوا عشان عيون ود الماحي

والصورة تطلع إبداع

أصبر التحميض بس


صباح الخير نزار ود حسن و الزول الظريف عبد المنعم الأسد

يا جماعة الخير قولوا بسم الله و ختو الرحمن في قلبكم انتو دايرين تخوفوا الجكسي و الحناكيش مالكم من الصباح !!!!
و لا دايرين تدوا الناس فرصة أي واحد تتعكس عليه ( لا سمح الله ) يقول عشان أتصبحت بي وش أبو علا و بنته

عموماً أنا بحاول احمل الصورة من الصباح و ما بظبطت معاي

أها أعمل ليكم شنو ؟؟؟

اوزعها كيمان .... كيمان و كل واحد ارسل ليه حقو في بيتو و لا بتصبروا نحاول تاني

abu_ola
18-09-2006, 10:24 PM
واللّه يا ابو عُـلا الناس دي شكلها حا تخلي الوليه تفتح عليك باب جهنم ههههه. بس ما قلت لي ممكن تقع في حكاية العاطفة دي تاني وتتزوج ولّه إنت بتتكلم بأثر رجعي ؟


ود خضر أخوي أنا حكيت قناعتي الشخصية سوي كان في الماضي أو المستقبل بس بصراحة ما أعتقد بأني سوف أتزوج مرة أخري لانو زي ام علا ما أظن تكون موجودة و كل زول زي ما قالوا بعجبو الصاريهو ( ام علا في عين أبو علا حورية من الجنان )

مدنيّة
18-09-2006, 10:32 PM
... بس أبشرك هي معجبة بالمنتدي و أنا اليومين دي بشجع فيها كان تشارك .... بخاف آآعشاي كان قرت الكلام دا تغير رأيها و تكون جبت لينا الهبايب يا فردة


يلا خلي الاعجاب يتحول لفعل ابوعُلاء اخووووووووووووووي وجيب ام عُلاء وعُلاء في رقبتها معانا هنا :D

وكان خائف من كلام الناس بنخلي المشرفين يحذفوا الكلام البجيب الهواء :p

سوار الياسمين
18-09-2006, 10:37 PM
... بس أبشرك هي معجبة بالمنتدي و أنا اليومين دي بشجع فيها كان تشارك .... بخاف آآعشاي كان قرت الكلام دا تغير رأيها و تكون جبت لينا الهبايب يا فردة

ونحنا معاك يا ابو علا بندعو ام علا تشرفنا في المنتدى وتبقى درة من الدرر الموجودة في ود مدني

مستنينك يا ام علا تشرفينا

محمد حسين (المميز)
18-09-2006, 10:56 PM
ابوعـلا
حبيبنا
نوّارتنا
انشالله الكرسي ما صيّــف معاك
شايف الجماعه يشييييييييلو ويخبطو فيك بالأسئله
كدي ياخوي تعال نسرح كده ونتخيل المشهـــد ده

يوم من الأيام قاعد وفي جلسه رومانسيه مع ام علا
وفجأه الباب دقّ
فتحت لقيت وحده في يدها طفليييييييييييييين
وشبّت في رقبتك هي وعيالها
والعيال شبكوك :-
بابا بابا
والمره :- ياراجلي يابو عيالي
وقالو ليك انت ابونا ومافي غيرك وبشهود كمان
تحلف, تصرخ , مافي فائده لابسك لابسك
كل ده على مرئى ومسمع علا وام علا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟تعمــــــل ايـــــه؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

*****************

abu_ola
18-09-2006, 11:01 PM
هع هع هع هع هع هع هع :cool:

حكاية الحنكشة طلعت عقدة عنك يعني وانا اقول ازول ده مالو هابي فينا كدا

وفاتح ليك مدرسة بي غادي محاولة منك تعالج العقدة ولا شنو

هع هع لاكن لقيت ليك السبب :D


يا ابو عقدة


خلاص ارتحت يا ود الماحي !!!!!!
بعدين يا سوار انتي لازم تخضعي لإمتحان ( Hanksha Test Level ) و بعد داك نشوف معاك طريقة الدارسة كيف

سوار الياسمين
18-09-2006, 11:04 PM
انتو المشكلة قايلين اني حنكوشة طينة وكيكة

لاكن وحاتكم حتلقو تحت القبة شيخ بس انتو اصبرو

abu_ola
18-09-2006, 11:09 PM
يلا خلي الاعجاب يتحول لفعل ابوعُلاء اخووووووووووووووي وجيب ام عُلاء وعُلاء في رقبتها معانا هنا :D

وكان خائف من كلام الناس بنخلي المشرفين يحذفوا الكلام البجيب الهواء :p








ونحنا معاك يا ابو علا بندعو ام علا تشرفنا في المنتدى وتبقى درة من الدرر الموجودة في ود مدني

مستنينك يا ام علا تشرفينا


سوار الياسمين

مدنية

مشكورات على هذه الدعوة الطيبة و يلا إيديكن معانا نديها لزة شوية

بصراحة هي معجبة بالمنتدي و ليدها الرغبة في المشاركة بس هي اليومين دي مشغولة شوي مع المدرسة و البنت و البيت و أنا مقدر ظروفها بس ليكن علي ما أرتاح و ما يهدي لي بال إلا لمن أشوفها تناقر زيكن في المنتدي و تصبح أخت لكن و لكل الأعضاء الروائع

abu_ola
18-09-2006, 11:27 PM
ابوعـلا
حبيبنا
نوّارتنا
انشالله الكرسي ما صيّــف معاك
شايف الجماعه يشييييييييلو ويخبطو فيك بالأسئله
كدي ياخوي تعال نسرح كده ونتخيل المشهـــد ده

يوم من الأيام قاعد وفي جلسه رومانسيه مع ام علا
وفجأه الباب دقّ
فتحت لقيت وحده في يدها طفليييييييييييييين
وشبّت في رقبتك هي وعيالها
والعيال شبكوك :-
بابا بابا
والمره :- ياراجلي يابو عيالي
وقالو ليك انت ابونا ومافي غيرك وبشهود كمان
تحلف, تصرخ , مافي فائده لابسك لابسك
كل ده على مرئى ومسمع علا وام علا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟تعمــــــل ايـــــه؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

*****************



هلا بالمميز

في الحالة دي يقرص نفسي شديد ممكن دا كابوس و أنا نايم و حلمان و كان لقيت نفسي صاحي بقولهم يا جماعة جيبوا مستندات تثبت اني زوجك و ديل أولادي ( عقد زواج و شهادة ميلاد ) اصلية و موثقة من أبوي
إذا ما عندهم يطلعوا نصابين و كان جابوها يا المميز بلتفت على أم علا و أقو ليها اضحكي يا ولية دي الكاميرا الخفية

مدنيّة
18-09-2006, 11:29 PM
سوار الياسمين

مدنية

مشكورات على هذه الدعوة الطيبة و يلا إيديكن معانا نديها لزة شوية

بصراحة هي معجبة بالمنتدي و ليدها الرغبة في المشاركة بس هي اليومين دي مشغولة شوي مع المدرسة و البنت و البيت و أنا مقدر ظروفها بس ليكن علي ما أرتاح و ما يهدي لي بال إلا لمن أشوفها تناقر زيكن في المنتدي و تصبح أخت لكن و لكل الأعضاء الروائع

الله يديها العافية واحنا منتظينها علي احر من الجمر :D

وماتخاف اسرارك كلها في صهريج :p

abu_ola
18-09-2006, 11:44 PM
يا واحد الله و يا محمد رسول الله قولوا بسم الله ما شاء الله



دي احدث صورة لي قبل أسبوع تقريباً




http://www.l22l.com/l22l-up-1/c6df03ea0f.jpg (http://www.l22l.com)



إهــــداء خــــاص لحبايبـــي لأهل العوض




http://www.l22l.com/l22l-up-1/861777f5bf.jpg (http://www.l22l.com)




عقبــال عندكم يا العــــزابة




http://www.l22l.com/l22l-up-1/8682a7d38e.jpg (http://www.l22l.com)

مدنيّة
18-09-2006, 11:52 PM
بسم الله ماشاء الله لعُلاء طبعا ربنا يخليها ليك يارب بس تشبهني دي ما اظن تكون بتشبه امها

سوار الياسمين
18-09-2006, 11:52 PM
يا واحد الله و يا محمد رسول الله قولوا بسم الله ما شاء الله



دي احدث صورة لي قبل أسبوع تقريباً




http://www.l22l.com/l22l-up-1/c6df03ea0f.jpg (http://www.l22l.com)



إهــــداء خــــاص لحبايبـــي لأهل العوض




http://www.l22l.com/l22l-up-1/861777f5bf.jpg (http://www.l22l.com)




عقبــال عندكم يا العــــزابة




http://www.l22l.com/l22l-up-1/8682a7d38e.jpg (http://www.l22l.com)




الأمورة الحلوة علا ( بتشبهني مش كده )

http://www.l22l.com/l22l-up-1/a25694ed56.jpg (http://www.l22l.com)



ويااااااااا شتو انتو وحلاتو التميل ده

دغ دغ دغ دغ دغ

يا ارض احفظي ما عليكي بسم الله ماشاء الله على علا ربنا يخليها ليك وتشوفها تكبر قدامك

abu_ola
18-09-2006, 11:53 PM
انتو المشكلة قايلين اني حنكوشة طينة وكيكة

لاكن وحاتكم حتلقو تحت القبة شيخ بس انتو اصبرو


أول شي بقول طينة لكة ( و ليس طينة و كيكة و جاتوه !!! )

بعدين بقولوا تحت القبة فكي ( ما شيخ )

حلوة منك يا حنكوشة المنتدي و يا دووووبي تأكدت انت ما لازمك اختبار مستوي الحنكشة و لا شئ أنتي عايزة سوفت وير كامل بس إن شاء الله يكون الهاردسيك تمام !!!

و بالمناسبة كده ذكرتيني أضيف مقرر خاص بالأمثال و الحجي و كلام الحبوبات

abu_ola
18-09-2006, 11:59 PM
مدنية

ربنا يحفظك و يحفظ ليك بنياتك و أبوهم و يديم عليكم السعادة و المودة


سوار الحنكوشة

عقبال ما نفرح بيك إن شاء الله و ربنا يرزقك الزوج الصالح و الزرية الصالحة ( قولي آمين ) نحن في نهاية شعبان و داخلين على أيام مباركة

سوار الياسمين
19-09-2006, 12:01 AM
أول شي بقول طينة لكة ( و ليس طينة و كيكة و جاتوه !!! )

بعدين بقولوا تحت القبة فكي ( ما شيخ )

حلوة منك يا حنكوشة المنتدي و يا دووووبي تأكدت انت ما لازمك اختبار مستوي الحنكشة و لا شئ أنتي عايزة سوفت وير كامل بس إن شاء الله يكون الهاردسيك تمام !!!

و بالمناسبة كده ذكرتيني أضيف مقرر خاص بالأمثال و الحجي و كلام الحبوبات




يجازي محكنك يا ابوعلا ضحكتني لمان شرقتى بالرد بتاعك

ياخي احنا على زمنا رقو وبقى شيخ من كثرة اجتهادو
والفكرة الاخيرة ده يا ريت تنفذوها بس برامج رمضان
حتكون حكاية مبالغة

خالد أحمد الصول
19-09-2006, 01:24 AM
أرحب كثيرا بالفارس المقدام ملكا متوجا في الكرسي الساخنوذلك قبل ايام من رمضان .. يعني خم رماد عديل
أرحب بك نكهة لذيذه في مرق المنتدي و كان أول تعليق لي عن هذا الاسم المركب و الذي ينم عن حنينيه أهله و إرتباطهم الشديد ببعضهم البعض و الذي يظهر جليا فيكم ... أحيي فيكم الادب الجم و التواضع ... أحب أن أسألك عن عدد سنوات عملكم في السعودية ؟ و البرنامج الذي وضعته لنفسك لتقليل عدد سنوات الغربة؟ و التخطيط للمستقبل و الاستقرار في السودان و ما حضرته لها من مشاريع ؟

عوض صقير
19-09-2006, 03:05 AM
أخونا أبوعلا لعلك طيب وكيف أصبحت من قعدة الكرسى بس أن شاءالله مايكون مسخن شديد


سؤالى ليك ماهو رأيك فى المرأة السودانية
وهل هناك فرق بين المرأة السودانية بعد الزواج وقبله

Jamal Elmahi
19-09-2006, 04:05 AM
الوجيه أبوعلا ...
أشكرك علي الصور وليك حق تخاف عليها وبالذات من عيون الفتوات ..عينن حاره ..عين الفتاه قدت الواطه..الله يستر ما يقدّن الصوره...أأأأي الكلام ليك ياالمنططه عينيك...هو في غيرك...

مشاققه...
صاحبة الشاكوش سجم خشما تلقي وين ذي أبوعلا...وين وين وين تلقو زي دا..
سعال برئ بمناسبة المشاققه...
ماشي أتا وأم علا ..شايل علا بي يدك الشمال..فجأه لاقتك صاحبة الشاكوش المابتغباك...وقلدتك ديك ياالقلده لامن يدك الشمال الشايلا علا خدّرت وبقيت ماحاسي بأنك شايل حاجه ...العشره مابتهون علي الناس البعزوها...أم علا حست بالتغيرات السيكولوجيه والمييافيزيقيه ولحقت بتها قبّال تقع والعيون حمره وشراره حتتخارح من الموقف دا كيف؟ ,,,الله لا جاب الهبايب...


ود الماحي

نور العيون
19-09-2006, 08:18 AM
ابو علا كيفك ان شاء الله تكون مرطب في الكرسي و انا من الكوفي شوب بتاعك بجيب ليك كبايه كركدي بارد يرطب عليك و لي رجعه تاني معاك ...

zoolfrda
19-09-2006, 09:05 AM
http://www.asmilies.com/smiliespic/FAWASEL/048.gif


<MARQUEE style="FONT-SIZE: 14pt; BORDER-LEFT-COLOR: #0066ff; BORDER-BOTTOM-COLOR: #0066ff; WIDTH: 391px; COLOR: white; BORDER-TOP-STYLE: ridge; BORDER-TOP-COLOR: #0066ff; BORDER-RIGHT-STYLE: ridge; BORDER-LEFT-STYLE: ridge; HEIGHT: 211px; BORDER-RIGHT-COLOR: #0066ff; BORDER-BOTTOM-STYLE: ridge; TAHOMA: 150%" scrollAmount=7 scrollDelay=100 direction=down width=391 bgColor=#000000 height=211><CENTER>













http://uplod.yaglby.com/files/zoolfrda-1158688328.jpg



http://uplod.yaglby.com/files/zoolfrda-1158688895.jpg


http://uplod.yaglby.com/files/zoolfrda-1158688721.jpg
http://uplod.yaglby.com/files/zoolfrda-1158689060.jpg




</CENTER>







</MARQUEE>






http://www.asmilies.com/smiliespic/FAWASEL/053.gif (http://www.asmilies.com/)

http://www.asacorner.com/yagareeb.rm

salwa
19-09-2006, 11:28 AM
بس في النهاية لازم تخلي لي أسم بنتي ( علا ) شديد و لضيض .... كويس !!


الاخ العزيز والذي رسم من خلال هذا الكرسي الرطيب وليس الساخن لانه والله انت خليته مرطب وبمكيف كمان ...لكن الاهم من ده كله ان احلى كلمتينن في الكلام ده كله الموجودات فوق ديل
وبغرتني عديل كده والله وخليتني اغير من ود الماحي (معليش يا ود الماحي بنتك بشيلها للود التاني)
واحول الاتجاه على بنتك العسل
النبي ترضى ....الرسول تناسبني
وكان رضيت ياكا الكسبت موية رمضان من حسه
جد والله عيني باردة وربنا يحفظها ليك ويخليك ليها ولام علا وسيبك من الشواكيش لانه بتوجع الراس
عشان ما افتنك مع ام علا
فخورين بيك شديد...شديد
وربنا يحفظك ويزيدك علم
والله معاك في البقية

salwa
19-09-2006, 11:46 AM
اخي العزيز ابو علا والله فخر لنا اننا نكون في صحبتك
وووالله شيء ما نحسدك عليه وعينا باردة وربنا يزيدك علم وومعرفة
واحلى مافي الموضوع كمان علا العسل وشكلي كده(بيني وبينك سر)اني حاغير من ود الماحي وحاجي اطلب بنتك لولدي ومن حسه اضمن موية رمضان تجيك بالكراتين(عكسنا الاية)
المهم نورت الكرسي وخليته الكرسي الرطيب وليس الساخن بخفة طلتك
وربنا يحفظك ويخلي ليك علا ...وام علا .. وخليك من شواكيش ود الماحي دي لانها بتعمل وجع راس
ودمت دوما بخير

abu_ola
19-09-2006, 08:35 PM
أرحب كثيرا بالفارس المقدام ملكا متوجا في الكرسي الساخنوذلك قبل ايام من رمضان .. يعني خم رماد عديل
أرحب بك نكهة لذيذه في مرق المنتدي و كان أول تعليق لي عن هذا الاسم المركب و الذي ينم عن حنينيه أهله و إرتباطهم الشديد ببعضهم البعض و الذي يظهر جليا فيكم ... أحيي فيكم الادب الجم و التواضع ...

عمي الصول كيفك يا أبوي أن شاء الله طيب و مبسوط أخجلت تواضعنا أيها المشير و ما أنا ألا واحد من أبناء الوطن العزيز


أحب أن أسألك عن عدد سنوات عملكم في السعودية ؟


أربعة سنوات مرت من عمرنا و نحن تائهين في صحراء الغربة و نصارع تيارات الحنين إلى حضن الاسرة و الوطن العزيز


و البرنامج الذي وضعته لنفسك لتقليل عدد سنوات الغربة؟


صراحة هناك خطة للعودة لحضن الوطن الأم قريباً إن شاء الله و اتمني من الله التوفيق و السداد و هذه دعوة صادقة من قلب محب لكل الأخوة خارج الوطن لوضع خطة زمنية محددة للعودة الى الأهل و الديار

و التخطيط للمستقبل و الاستقرار في السودان و ما حضرته لها من مشاريع ؟

ليس هناك مشاريع واقعية في السودان حتى الآن لدي بعض المشروعات تحت الدراسة و التنفيذ للإستقرار في السودان و الحمد لله الواحد ماشي في المشوار كويس و نسأل الله أن يوفقنا جميعاً و نريح أنفسنا من معاناة الغربة

abu_ola
19-09-2006, 08:42 PM
أخونا أبوعلا لعلك طيب وكيف أصبحت من قعدة الكرسى بس أن شاءالله مايكون مسخن شديد


سؤالى ليك ماهو رأيك فى المرأة السودانية


صراحة المرأة السودانية متفردة في نواحي عدة اخلاقياً و إجتماعياً و أدبياً فالفتاة السودانية تتم تربيتها منذ الصفر على أنها زوجة و أم و مربية أجيال و حاملة رسالة سامية لذا تجد العناية و الإهتمام من قبل كل أفراد الاسرة و المجتمع كذلك لها خصوصة و مكانة ممتميزة في كل بيت و أسرة علاوةً لذلك فإن الأسلام قد أفرد لها مكانة خاصة
و متميزة لذا تشب تلك الفتاة و هي تضع نصب عينيها تلك المسؤليات المستقبلية لذا تجدها تتميز بالمحنة و الطيبة و الرحمة و الشفقة و الإهتمام بالأخر فيكفي أنها كانت نعم البنت فاصبحت ارحم أخت ثم صارت أقرب حبيبة للقلب و أبر زوجة و أصدق و أحن بنت و حبوبة ( يكفيها فخراً أن والديها عندما يكبران يفضلان السكن معها و يخاروها من بين أخوتها حتى أن كانت متزوجة من رجل غريب )


وهل هناك فرق بين المرأة السودانية بعد الزواج وقبله


يوفر الزواج للمرأة الإستقرار النفسي و العاطفي و الإجتماعي فتبدع في كافة نواحي الحياة و يزداد عطائها و تفانيها في خدمة دينها و اسرتها و وطنها

abu_ola
19-09-2006, 08:59 PM
الوجيه أبوعلا ...
أشكرك علي الصور وليك حق تخاف عليها وبالذات من عيون الفتوات ..عينن حاره ..عين الفتاه قدت الواطه..الله يستر ما يقدّن الصوره...أأأأي الكلام ليك ياالمنططه عينيك...هو في غيرك...

مشاققه...
صاحبة الشاكوش سجم خشما تلقي وين ذي أبوعلا...وين وين وين تلقو زي دا..
سعال برئ بمناسبة المشاققه...
ماشي أتا وأم علا ..شايل علا بي يدك الشمال..فجأه لاقتك صاحبة الشاكوش المابتغباك...وقلدتك ديك ياالقلده لامن يدك الشمال الشايلا علا خدّرت وبقيت ماحاسي بأنك شايل حاجه ...العشره مابتهون علي الناس البعزوها...أم علا حست بالتغيرات السيكولوجيه والمييافيزيقيه ولحقت بتها قبّال تقع والعيون حمره وشراره حتتخارح من الموقف دا كيف؟ ,,,الله لا جاب الهبايب...


ود الماحي



الموقف دا بالذات يا ود الماحي الله لا جابه بركت قبايل رمضان قول آمين ..
و إذا حصل يا ود الماحي في لحظتها أم علا أنا عارفها ما بتتكلم بس بتكون منتظرة متي نرجع البيت وأنا يا سيدي بتصرف و أتخارج من الورطة دي سريييييييييييع و أوزعها ليك زي الما حاصل شئ و قبل ما نصل البيت بدق على اخوي نزار ود حسن أفهمه الموضوع و اخلي يتصل على بمجرد ما نصل البيت و نتونس كويسس و في نص الونسة أقول ليه بالمناسبة يا نزار لاقيت خطيبتك اليوم و كانت لابسة ..... و أوصف ليه الموقف تمام و سألتني عنك و بعد ما أخلص المكالمة أتلفت على أم علا و أقو ليها بالمناسبة دا صديقي نزار حسن الخطيبتو قابلتنا قبيل في السوق ( اها شنو ليك بعرف اتخارج و لا لا ؟؟ )

و بعد ما تمر تلك السحابة بفترة بشرح ليها الموقف كلو من طق طق لي السلام عليكم أنا عارفها بتكون بالإحساس نقشت كل شي و بيني و بيك يا ود الماحي أم علا عارفه البير و غطاها

أنتكاية
قبيل أخواتنا مدنية و نور العيون قدموا دعوة كريمة لأم علا للإنضمام لهذا الصرح العملاق و قلنا نتفق مع الإدارة يحزفوا إجابتين قبل ما نتصل بأم علا و لا نسأل الجمهور .... تجي ات أأعاشي تخربها بأسئلتك دي
الشي شنو يا ود الماحي
نحن نشرك و أنت تحاحي
داير لينا سهر صباحي

abu_ola
19-09-2006, 09:05 PM
ابو علا كيفك ان شاء الله تكون مرطب في الكرسي و انا من الكوفي شوب بتاعك بجيب ليك كبايه كركدي بارد يرطب عليك و لي رجعه تاني معاك ...


نور العيون كيفيك مشتاقين

شفتي و د حسن و عمايلو

انتي مشيتي بي جاي


قام شدانا في الحلة ( اقصد الكرسي الساخن )


الكركردي حلو بس ما تنسي تبلي معاك الآبري

في أنتظارك ....

abu_ola
19-09-2006, 09:46 PM
بس في النهاية لازم تخلي لي أسم بنتي ( علا ) شديد و لضيض .... كويس !!


الاخ العزيز والذي رسم من خلال هذا الكرسي الرطيب وليس الساخن لانه والله انت خليته مرطب وبمكيف كمان ...لكن الاهم من ده كله ان احلى كلمتينن في الكلام ده كله الموجودات فوق ديل
وبغرتني عديل كده والله وخليتني اغير من ود الماحي (معليش يا ود الماحي بنتك بشيلها للود التاني)
واحول الاتجاه على بنتك العسل
النبي ترضى ....الرسول تناسبني
وكان رضيت ياكا الكسبت موية رمضان من حسه
جد والله عيني باردة وربنا يحفظها ليك ويخليك ليها ولام علا وسيبك من الشواكيش لانه بتوجع الراس
عشان ما افتنك مع ام علا
فخورين بيك شديد...شديد
وربنا يحفظك ويزيدك علم
والله معاك في البقية



يا أم أحمد دقي المحلب لي عرس وليديك
نسبك يا أم أحمد كان فتشو ليه بالجبادة ما بلقوا
الزمن دا البلقي ليه رأجل مأصل و ود قبايل لي بتو
أنقري كان زغرد عديل كده ما ليه حق
يا حليل رمضان و موية رمضان
كدي رسلي لينا موية رمضان قبل ما يعملوا حظر على كراتين الحلو مر .... و نصيحة لي وجه الله عملك ود الماحي ما ترسلي ليه أي حاجة ... المعني ما حسادة بس انتي عارفة الجماعة ديلك اليومين دي متحيلين خلاص و أي كرتونة جاية من السودان في اليومين دي بعتبروها رسالة مفخخة و بعدين انتي و عمنا ود الماحي تدخلوا في حيـــص بـــيص و بخاف ليكم من البشتنة و الشلهتة يا بت عشاي ..... ماك نسيبة علا كيفن أرضي ليك الكلام الكعب !!!!

المحنة و الطيبة و الزوق دي الخلتني اسيب النيل الأبيض و أم درمان و أجي مدني بي فردة شبشب و الكراع التانية فيها شراب بس

abu_ola
19-09-2006, 09:48 PM
اخي العزيز ابو علا والله فخر لنا اننا نكون في صحبتك
وووالله شيء ما نحسدك عليه وعينا باردة وربنا يزيدك علم وومعرفة
واحلى مافي الموضوع كمان علا العسل وشكلي كده(بيني وبينك سر)اني حاغير من ود الماحي وحاجي اطلب بنتك لولدي ومن حسه اضمن موية رمضان تجيك بالكراتين(عكسنا الاية)
المهم نورت الكرسي وخليته الكرسي الرطيب وليس الساخن بخفة طلتك
وربنا يحفظك ويخلي ليك علا ...وام علا .. وخليك من شواكيش ود الماحي دي لانها بتعمل وجع راس
ودمت دوما بخير




ود الماحي دا يا أم أحمد عزيز علينا كلنا و ما بنقدر على زعله و بعدين الراجل محللات ليه أربعة ،،، وليدك يا بت أمي خليه يعرس بنت ود الماحي في الأول و يخم الدولارات دي و بعدين يجي يبني ليك عمارة و يحججك و بي باقي القريشات يعرس الأمورة علا،،، و لا أقول ليك عشان تخففي عليه المصاريف بعدين أبدي من هسع كل شهر حولي لينا 500 ريال و تحمد سيدها علا أمها فاتحة ليها حساب براها و كان مستعجلين على العرس سويها 1000 ريال عشان ندخلها مشروع تسمين و ما تخافي على قريشاتك يا بت أمي الدين في الكتوف و الأصل معروف ،،، و وليدات الزمن دا اخترعوا مليون نوع من العرس ( عرس بالجملة ، عرس فرادي ـ عرس بالأقساط ، عرس بنظام التأجير المنتهي بالتمليك ) و كل واحد بحسابه و عندو محبينو و الشيوخ البفتو بجوازه بس انتي قولي خير و ورينا عايزة تعملي شنو ؟

مدنيّة
19-09-2006, 10:04 PM
وشكلي كده(بيني وبينك سر)اني حاغير من ود الماحي وحاجي اطلب بنتك لولدي ومن حسه اضمن موية رمضان تجيك بالكراتين(عكسنا الاية)



سلوي حبيبتي انا عندي بتين انتي اولادك كم ؟؟؟ ;)

مدنيّة
19-09-2006, 10:05 PM
أنتكاية
قبيل أخواتنا مدنية و نور العيون قدموا دعوة كريمة لأم علا للإنضمام لهذا الصرح العملاق و قلنا نتفق مع الإدارة يحزفوا إجابتين قبل ما نتصل بأم علا و لا نسأل الجمهور .... تجي ات أأعاشي تخربها بأسئلتك دي
الشي شنو يا ود الماحي
نحن نشرك و أنت تحاحي
داير لينا سهر صباحي

انت خليها التجي واحنا ح نكلم الادمن عشان يشيل كل المخالفات عشان مايحصل الخايفين منه وزي ماقلت ليك سرك في صهريييييييييييييييج :p

abu_ola
19-09-2006, 10:30 PM
http://www.asmilies.com/smiliespic/FAWASEL/048.gif


<MARQUEE style="FONT-SIZE: 14pt; BORDER-LEFT-COLOR: #0066ff; BORDER-BOTTOM-COLOR: #0066ff; WIDTH: 391px; COLOR: white; BORDER-TOP-STYLE: ridge; BORDER-TOP-COLOR: #0066ff; BORDER-RIGHT-STYLE: ridge; BORDER-LEFT-STYLE: ridge; HEIGHT: 211px; BORDER-RIGHT-COLOR: #0066ff; BORDER-BOTTOM-STYLE: ridge; TAHOMA: 150%" scrollAmount=7 scrollDelay=100 direction=down width=391 bgColor=#000000 height=211><CENTER>













http://uplod.yaglby.com/files/zoolfrda-1158688328.jpg



http://uplod.yaglby.com/files/zoolfrda-1158688895.jpg


http://uplod.yaglby.com/files/zoolfrda-1158688721.jpg
http://uplod.yaglby.com/files/zoolfrda-1158689060.jpg




</CENTER>







</MARQUEE>






http://www.asmilies.com/smiliespic/FAWASEL/053.gif (http://www.asmilies.com/)

http://www.asacorner.com/yagareeb.rm



أيها الرائع دوماً

خذنا إلى مصافي النور

و أمطر علينا من قلمك الرقيق إبداعاً

و زين صدر المنتدي بلوحاتك الرائعة

و أذقنا رحيق الإنتشاء

أيها المعجون بماء الحياء

أيها الممتد شموخاً و كبرياء

لك حليب الدهشة الأولي

و عصير الإنتشاء

و لنا ما تساقط من إبداع دون هزة أو إنحناء

salwa
19-09-2006, 10:35 PM
العزيز ,,, ابو علا النسيب الغالي قيمته بالدولار كمان ده الكلام
انا لاقية بالتقسيط ولا بالكاش المهم القلى لي بنية تطفي نار شوقي للبنت
وانت خليك منتظر الموية وما ليك بود الماحي خليه علي

abu_ola
19-09-2006, 10:43 PM
انت خليها التجي واحنا ح نكلم الادمن عشان يشيل كل المخالفات عشان مايحصل الخايفين منه وزي ماقلت ليك سرك في صهريييييييييييييييج :p


يا خوفي من صهاريج الحكومة دي يا مدنية أختي !!!

يا كافي البلاء وحايد المحن صهريج الحكومة يا مويتو قاعطة تب لمن تفكر تقلب الماسورة وسادة عنقريب

يا كمان الموية تجيك كلها طين و صداء

انا عندي أحسن سري دا تحفظيه في قلبك و تبطلي حركات المطامير و الأبيار و الحفر دي ... علي الحليفة مطرة

واحد تملأ ليك البير كان تلقيوه طفح بي فوووووق !!!!!!!!

و نقعد نغني مع الراحل ( خوجلي عثمان )

سابوا الملامة على

ختو الملامة على

لوم الأحبة جراح

زادت الأسي الفيني

و شال من عيوني الراح

الشريف الهندي
19-09-2006, 10:51 PM
الغالي سيد البد أبو علا ...ليك ألف تحية واحترام ....
الحقيقة فعلا رسمت في جنبات الكرسي الساخن أحلى الصور وأسعدني كثيراً بوجودك البهي ....
وكمان وجود الأموره ( علا ) وياريت تكتمل الفرحة بقدوم أم علا كمان .
الحقيقة كتباتك وردودك حكت لي عنك الكثيروعن بهائك وروعتك ورقتك ..
ومابقى عندي ما أسألك عنو ... فحبيت أبصم بالسلام والتحية ...
كل سنه وانت طيب وعلا وأم علا بألف خير وربنا يخليهم ليك انشاء الله ...
وربنا يعيد عليكم رمضان وأنتم بألف خير وسلام .

salwa
19-09-2006, 10:57 PM
سلوي حبيبتي انا عندي بتين انتي اولادك كم ؟؟؟ ;)
حبيبتي انا والله محظوظة انتي شديد
الله يخليهم ليك يا رب
وبجيك عشان اخطب واحدة لولد من الخمسة
وانا زي ما قلت ليك عندي خمسة اولاد ووحياتك ولا بنت
عشان كده دايرة اشحد في البنات
هههههههههه
تسلمي لي عسل

الشريف الهندي
19-09-2006, 11:11 PM
أبقا ماتنسى تجيبهم معاك صلاة التراويح
وحلاة علا لابسه الطرحه والعباية الصغيره

hamad2
19-09-2006, 11:39 PM
الغاليأبو علا ...ليك ألف تحية واحترام ....
الحقيقة فعلا رسمت في جنبات الكرسي الساخن أحلى الصور
وخليتو ا ابرد من الكركدي بتاع الكوفي شوب
لك التحيه يارائع

محمد حسين (المميز)
20-09-2006, 12:14 AM
والله يابوعلا ماشاء الله منوّر
وكمان علا ربنا يحفظها ليك
يلا ياخوي ناخد كده جغمة اسئلة

1/ لو مسّكوك وزير داخليه السودان لمدّة يوم واحد
عاوزين منك أهم (3) قرارات تتخذها.

2/ بنفس الكيفيّه كمان بس وزير خارجيه..

3/ زعيم ليك سلطه على العالم أهم قرار تتخذه شنو؟؟

4/ شخصيـّــه معجب بيها ونفسك تقابلها..

5/ فنانك أو فنانتك المفضّـل ( سوداني )..

6/ فنانك أو فنانتك المفضّل ( عربي )..

7/ قناتك المفضّـله في التلفزيون..

8/ مهنة كنت تتمنى تكون فيها..

9/ اكتر موقف أثـّـر عليك في حياتك..

10/ أسعد موقف في حياتك على الأطلاق..

11/ أسوأ موقف في حياتك..

12/ أمنية تتمنى تحقيقها..

13/ حاجه اتمنيت انك تمتلكها..

14/ هوااااااااااااااااايتك..

وبــــــــــــــــــــ :p ــــــــــــــــــــــس,,


**************

abu_ola
20-09-2006, 12:46 AM
حبيبتي انا والله محظوظة انتي شديد
الله يخليهم ليك يا رب
وبجيك عشان اخطب واحدة لولد من الخمسة
وانا زي ما قلت ليك عندي خمسة اولاد ووحياتك ولا بنت
عشان كده دايرة اشحد في البنات
هههههههههه
تسلمي لي عسل


العزيز ,,, ابو علا النسيب الغالي قيمته بالدولار كمان ده الكلام
انا لاقية بالتقسيط ولا بالكاش المهم القلى لي بنية تطفي نار شوقي للبنت
وانت خليك منتظر الموية وما ليك بود الماحي خليه علي


حقيقة يا أم النسب أنا مقدر مدي شوقك لي بنت و من محاسن الصدف نحن 5 أولاد كمان من دون أي أخت و ( يا للاسف ) عشان كده أنا عايش تجربة عدم وجود بنت في البيت بس يا أم أحمد كلو قسمة و نصيب و ربنا سبحانه و تعالي قال ( يهب لمن يشاء إناثا و يهب لمن يشاء الذكور و يجعل من يشاء عقيما) و الحمد لله أنتي وقعدتي في النص و خير الأمور الوسط

بعدين وقت سمعتك قلتي لي مدنية عندك خمسة أولاد و محتاجة لي بنت قلت يا ربي سلوى دي تكون أمـــي و لا الحكاية توارد خواطــر ساااكت و بعدين فركت عيوني كويييس و قلت طيب إذا أنا ما متأكد هي أمــي و لا لا طيب هي شايفة صورتي و صورة حفيدتها يعني معقولة تخطب بت ولدها لي ولدها المعني السودان إتطور للدرجة دي

همســة خاصة :

عليك بالدعاء أختي أم أحمد و أسال الله أن يرزقك البنت الصالحة و بالمناسبة للدعاء فضل عظيم فنهاك قصة في التراث الإسلامي ملخصها يقول ( أن الله قد كتب على امرأة في عهد سيدنا موسى أن تكون عقيما فطلبت هذه المرأة من سيدنا موسى ( عليه السلام ) أن يسأل الله لها الذرية الصالحة فحين ما كلم موسى عليه السلام ربه علم أن الله قد كتب هذه المرأة عقيما فأخبرها موسى بذلك و بالرغم من هذا كله كان تدعو ربها كل ساعة فرزقها الله الذرية الصالحة و عندها تعجب موسى عليه السلام من ذلك سأل ربه فقال له الله سبحانه و تعالي :
يا موسى كل ما كتبتها عقيم قالت يا رحيم فسبق دعائها قدري )

أوردت القصة مختصرة للفائدة و أسف إذا كانت في غير محلها و لكن أظنكم تتفقون معي لفائدتها للجميع و لأختنا أم أحمد ( و لكم العتبي )



لا تسألن بنى آدم حاجة * * * و سل الذي أبوابه لا تحجب
الله يغضب أن تركت سؤاله * * * و بنى آدم حين يسأل يغضب

abu_ola
20-09-2006, 12:55 AM
الغالي سيد البد أبو علا ...ليك ألف تحية واحترام ....
الحقيقة فعلا رسمت في جنبات الكرسي الساخن أحلى الصور وأسعدني كثيراً بوجودك البهي ....
وكمان وجود الأموره ( علا ) وياريت تكتمل الفرحة بقدوم أم علا كمان .
الحقيقة كتباتك وردودك حكت لي عنك الكثيروعن بهائك وروعتك ورقتك ..
ومابقى عندي ما أسألك عنو ... فحبيت أبصم بالسلام والتحية ...
كل سنه وانت طيب وعلا وأم علا بألف خير وربنا يخليهم ليك انشاء الله ...
وربنا يعيد عليكم رمضان وأنتم بألف خير وسلام .



بارك الله فيك أخي الشريف الهندي على هذه الطلة البهية و جزاك الله خيرا على الدعاء المبارك بلغنا الله و أياكم و سائر الأخوة و الأخوات شهر رمضان و وقفنا الله و إياكم و سائر المسلين لصيامه و قيامه و جعلنا من المغفور لهم بإذن الله تعالي





أبقا ماتنسى تجيبهم معاك صلاة التراويح
وحلاة علا لابسه الطرحه والعباية الصغيره

التراويح بيجها يا شيخنا بس انت شيل معانا الفاتحة و قول ربنا يعدل الخطوة و ييسر أمور المسلمين جميعاً بعدين كتر لينا من تلاوة القرآن و الذكر و كان بالمرة أديتنا دروس في السيرة يبقي بارك الله فيك يا شيخنا باقي الشهر مبارك بالحيل ( من فاته رمضان فقد فاته خير كثر )

أها ما قلت لي آآآشيخنا جامعكم دا فوقو مصلي للنسوان ؟؟؟؟

مدنيّة
20-09-2006, 01:13 AM
حبيبتي انا والله محظوظة انتي شديد
الله يخليهم ليك يا رب
وبجيك عشان اخطب واحدة لولد من الخمسة
وانا زي ما قلت ليك عندي خمسة اولاد ووحياتك ولا بنت
عشان كده دايرة اشحد في البنات
هههههههههه
تسلمي لي عسل


سلوي اختي علي كدا انتي زي القاعدة في بيت عزابة !!! :eek:

لما تكوني مافي في البيت بالجد بكون بيت عزابة زي اخت زوجي بس هي عندها بت واحد وخمسة اولاد بالجد لما تكون الام والبت مافي وحاة الله تقولي بيت عزابة او داخلية اولاد :D

ربنا يخليهم ليك ويحفظهم ليك وانتي ليهم يارب

اها معليش يا ابوعُلاء اخوي الدنيا مصالح وكدا والزمن دا ما في اولاد كدي استسحمك النتفق مع اختي سلوي دي :p

اها نجي للجد يا احلي سلوي ;) - شفتي انفع نسيبة كيف - واحد من اولادك لبت ود الماحي والتاني لاعُلاء اها انا عندي بتين يعني خلا شلت اتنين والخامس دا خليناه ليك اختاري ليه برااااك علي مزاجك اتفقنا ياعسل :p

abu_ola
20-09-2006, 01:14 AM
الغاليأبو علا ...ليك ألف تحية واحترام ....
الحقيقة فعلا رسمت في جنبات الكرسي الساخن أحلى الصور
وخليتو ا ابرد من الكركدي بتاع الكوفي شوب
لك التحيه يارائع

مشكور أخي حمدتـو على هذا الإطراء

أخلجت تواضعي و دخلتني في ضفوري

بالرغم من أني مضفر أمبارح

لك التحية عزيزي على مرورك الكريم

محمد حسين (المميز)
20-09-2006, 03:05 AM
ابوعــــلا اخوي
مالك سفهتني كده وما جاوبت لي على الأسئله حقتي
صعبه ولاّ كعبه؟؟ :mad:

زح من البنّوت ديل ولا هن النسوان ديل :p
بلخبتنّك وينسّوك اسمك
وبخلّن ام علا تقلب عليك :D

**************

abu_ola
20-09-2006, 05:26 AM
1/ لو مسّكوك وزير داخليه السودان لمدّة يوم واحد
عاوزين منك أهم (3) قرارات تتخذها. ( المميز )

بسط الأمن و أعلاء سلطة القانون و جعل الجميع سواء أمام القانون و الحفاظ على المظهر العام
ألغاء المحسوبية تماماً من قاموس المعاملات و إعطاء كل ذو حق حقه
تنظيم سجلات المواطنين و العمل على منح الجنسية للمواطنين فقط و ضبط حركة دخول و خروج الأجانب

2/ بنفس الكيفيّه كمان بس وزير خارجيه.. ( المميز )


تحسين سمعة السودان عالمياً و إنشاء علاقات وطيدة مع الدول الإسلامية و العربية و الدول الصديقة و تفعيل دور الدبلوماسية السودانية في كافة المحافل الدولية
العمل على وضع السودان في مكانه الريادي أفريقياً و عربياً و عالمياً
إنشاء كتلة تحالف من الدول المعارضة للأمبريالية و الهيمنة الصهيونية لخق توازن في السياسات الدولية و داخل الجمعية العامة للأمم المتحدة و مجلس الآمن ، و العمل على الحصول لكرسي دائم للسودان في مجلس الآمن


3/ زعيم ليك سلطه على العالم أهم قرار تتخذه شنو؟؟ ( المميز )


إصدار قرار بوقف الحروب نهائياً و توفير الأمن و الغذاء و مستلزمات الحياة الاساسية لكافة الشعوب


4/ شخصيـّــه معجب بيها ونفسك تقابلها.. ( المميز )


المفكر الإسلامي طارق السويدان و الشيخ سلمان بن فهد العودة


5/ فنانك أو فنانتك المفضّـل ( سوداني ).. ( المميز )

صراحة أنا ليس من محبي سماع الأغاني بصورة كبيرة و لكن تعجبني الكلمة الرقيقة ذات المعني و ياسرني اللحن الشجي و يطربي الصوت العصفوري الصداح لذلك تجدني ابحث عن الكلمة الأصيلة أينما وجدت


6/ فنانك أو فنانتك المفضّل ( عربي ).. ( المميز )


ليس لدي فنان محدد


7/ قناتك المفضّـله في التلفزيون.. ( المميز )

انا ليس من مدمني مشاهدة التلفزيون أفضل الإذاعة عليه كثيرا بس أحب مشاهدة بعض البرامج في بعض القنوات مثل قناة الجزيرة ، قنوات المجد ، قناة إقرأ MBC بالإضافة الى القناة السودانية


8/ مهنة كنت تتمنى تكون فيها.. ( المميز )

المحاماة


9/ اكتر موقف أثـّـر عليك في حياتك.. ( المميز )

كثيرة هي المواقف التي أثرت على مسار حياتي و و كل موقف أعتبره درساً أتعلم منه الكثير


10/ أسعد موقف في حياتك على الأطلاق.. ( المميز )

موقفين يوم زواجي و يوم ميلاد بنت أخي فكانت أول بنت في أسرتنا

11/ أسوأ موقف في حياتك.. ( المميز )

وفاة شقيقتي الوحيدة ( رحمة الله عليها ) و كنت حينها في بداية طفولتي هذا الموقف لون حياتي بلون خاااص


12/ أمنية تتمنى تحقيقها.. ( المميز )

رضا الله و رضا الوالدين و الفوز بالجنة و النجاة من النار

13/ حاجه اتمنيت انك تمتلكها.. ( المميز )

كثيرة هي الأشياء التي تمنت إمتلاكها بس و لله الحمد راضي بما قسم الله لى

14/ هوااااااااااااااااايتك.. ( المميز )

الشعر ، القرأة و الإطلاع ، السباحة

abu_ola
20-09-2006, 05:29 AM
ابوعــــلا اخوي
مالك سفهتني كده وما جاوبت لي على الأسئله حقتي
صعبه ولاّ كعبه؟؟ :mad:

زح من البنّوت ديل ولا هن النسوان ديل :p
بلخبتنّك وينسّوك اسمك
وبخلّن ام علا تقلب عليك :D

**************


أفاااا يا المميز أنتي بتجاهلوك يا زول !!!! بس المشغوليات كثيرة يا سيدنا ، دوام و تجهيز برنامج رمضان و شراء حاجيات البيت و أم علا و علا و القصة طويلة خلاص بس انتو لوكو الصبر و أنا برد على كل إستفساراتكم

bakri
20-09-2006, 07:34 AM
يا ابو علا الجماعه ديل ماخلو لى شى

بس انا حبيت اسلم عليك واقول ليك رمضان كريم مقدما

Jamal Elmahi
20-09-2006, 02:00 PM
اخي العزيز ابو علا والله فخر لنا اننا نكون في صحبتك
وووالله شيء ما نحسدك عليه وعينا باردة وربنا يزيدك علم وومعرفة
واحلى مافي الموضوع كمان علا العسل وشكلي كده(بيني وبينك سر)اني حاغير من ود الماحي وحاجي اطلب بنتك لولدي ومن حسه اضمن موية رمضان تجيك بالكراتين(عكسنا الاية)


ما تبكي يا سكر الجنيد
كان سلوي فرتقت الخطوبه
الحزن حبيبتي ما بفيد
كان أم أحمد باعتنا
نحن شارين بالغالي ماهو زهيد
كان جارو جافونا
في دروبن نشتل الريد
وكان هانت عليهم عشرتنا
نحن راعين للوداد فرهيد
وكان فاتو خلونا
للجميل الكان نطري نعيد
وكان قلبوا الغناوي مناحه
نقلب المناحه نشيد
ومهما جار الزمن وجارو
لجرح الماض ما بنعيد
أستغفري ياالحبيبه أستغفري
كلو قسمه وما باالايد...

ود الماحي
http://www.uplod.yaglby.com/files/zoolfrda-1158816179.jpg

مش حرام عليك يا خالتو سلوي تدوني شاكوش ...يومين ما أقدر أمشي الروضه ...دا أول شاكوش في حياتي...زعلانه منّك ومخاصماك...
سكر الجنيد
http://www.sudaneseonline.com/SudaneseMusic/music/MohdAlmaghrabi/Al_Kan_Daka__mohamed_al_maghrabi@sudneseonline.mp3

abu_ola
20-09-2006, 10:41 PM
يا ابو علا الجماعه ديل ماخلو لى شى

بس انا حبيت اسلم عليك واقول ليك رمضان كريم مقدما



بارك الله فيك أخي الفاضل بكري و مبارك علينا و عليكم الشهر الكريم و وقفنا الله و إياكم و سائر المسلمين لصيامه و قيامه و جزاك الله خيراً على مرورك الكريم

abu_ola
20-09-2006, 10:46 PM
ما تبكي يا سكر الجنيد
كان سلوي فرتقت الخطوبه
الحزن حبيبتي ما بفيد
كان أم أحمد باعتنا
نحن شارين بالغالي ماهو زهيد
كان جارو جافونا
في دروبن نشتل الريد
وكان هانت عليهم عشرتنا
نحن راعين للوداد فرهيد
وكان فاتو خلونا
للجميل الكان نطري نعيد
وكان قلبوا الغناوي مناحه
نقلب المناحه نشيد
ومهما جار الزمن وجارو
لجرح الماض ما بنعيد
أستغفري ياالحبيبه أستغفري
كلو قسمه وما باالايد...

ود الماحي
http://www.uplod.yaglby.com/files/zoolfrda-1158816179.jpg

مش حرام عليك يا خالتو سلوي تدوني شاكوش ...يومين ما أقدر أمشي الروضه ...دا أول شاكوش في حياتي...زعلانه منّك ومخاصماك...
سكر الجنيد

ماشاء الله تبارك الرحمن عيني باردة يا ود الماحي و يا حلاة سكر الجنيد الحلوه الأمورة و ربنا يحفظها و يجعلها غرة عين لكما

الريد و الغرام يا بنيــة ما بالليد
الأرزاق مقسمة للذكي و بليد
كل حي بي قسمتو معروفة ما بتزيد
يا سكر جنيدنا الذي حسان الغيد

يا سكر جنيدنا الحلوة من شتلوك
سقوكي المحنة و بي العفاف غتوك
الناس القبيل لي الوليد خطبوك
ما تبكي عليهم كان بي القليل باعوك

أبو علا و بنيتو ما بطولوا مقامك
ما تلوميهم شديد كان ختفوا من قدامك
دايرين القرب من سلوى بس بي سلامك
من بكرة الصباح شوفي عيال أعمامك

الحب دون إذن بطرق عليك الباب
و زي يوم السفر بفرتق الأصحاب
في لحظة صفاء بتكون مع الأحباب
و في غمضة جفن يملاك هموم عذاب


ود الماحي أخوي ات شياطين الشعر كمان بربطوها في رمضان و لا شنو ؟؟؟من ماشفت سكر الجنيد ما قدرت اقول أي شي و لا المعني جمال اللوحة يشل العقول أحياناً ؟؟؟؟

ابراهيم
21-09-2006, 08:28 AM
الوجيه عبد الله
مشتاقين والله
ماشاء الله وعيني باردة يا ابو الشباب
والله على حس الاسم ابو علا والدوبيت وكدة الواحد كان متخيل زول تاني كنت قايلك دفعة ناس دكان ود الصول قصدي دكان ود البصير
وعلا ماشاء الله ربنا يحفظها ويرعاها ..
بس اعمل حسابك صورتك دي ما تجيب ليك الهبوب مع ام علا

ابراهيم
21-09-2006, 08:51 AM
الوجيه أبوعلا ...
مشاققه...
صاحبة الشاكوش سجم خشما تلقي وين ذي أبوعلا...وين وين وين تلقو زي دا..
سعال برئ بمناسبة المشاققه...
ماشي أتا وأم علا ..شايل علا بي يدك الشمال..فجأه لاقتك صاحبة الشاكوش المابتغباك...وقلدتك ديك ياالقلده لامن يدك الشمال الشايلا علا خدّرت وبقيت ماحاسي بأنك شايل حاجه ...العشره مابتهون علي الناس البعزوها...أم علا حست بالتغيرات السيكولوجيه والمييافيزيقيه ولحقت بتها قبّال تقع والعيون حمره وشراره حتتخارح من الموقف دا كيف؟ ,,,الله لا جاب الهبايب...

ود الماحي


ود الماحي والله جسمي برد من سؤالك دة ...
والله دة موقف أخير منو موقف مايو بعد الساعة تسعة
والله دي محنة

zoolfrda
21-09-2006, 11:54 PM
<CENTER style="MARGIN: 0px"><CENTER style="MARGIN: 0px"><MARQUEE style="FONT-SIZE: 14pt; BORDER-LEFT-COLOR: #0066ff; BORDER-BOTTOM-COLOR: #0066ff; WIDTH: 550px; COLOR: white; BORDER-TOP-STYLE: ridge; BORDER-TOP-COLOR: #0066ff; BORDER-RIGHT-STYLE: ridge; BORDER-LEFT-STYLE: ridge; HEIGHT: 505px; BORDER-RIGHT-COLOR: #0066ff; BORDER-BOTTOM-STYLE: ridge; TAHOMA: 150%" scrollAmount=5 scrollDelay=25 direction=up width=550 bgColor=#000000 height=505><CENTER>





الأخــــــــــــوة الأعـــــــــــــــــزاااااااااء

يا ضيفنا لو زرتنا لوجدتنا نحن الضيوف وانت رب المنزل ..

لن ننسى أيام مضت .. قضيناها في ضيافة الاخ العزيز / عبدالله أبوعلا

كان أبوعلا رائعا في اجاباته على الأسئلة ..

عفوي جدا .. وتلقائي في مداخلاته ..

شفافيته كانت في كل حرف كتبه لنا ..

نشكر له روحه الجميلة .. واريحيته المتفردة ..

ادامك الله لنا اخ غالي يا عبدالله ..

ودعوات خالصة لك بالتوفيق والسداد في مستقبل أيامك ..

وهنيئاً لنا بك ..:)
</CENTER>



</MARQUEE></CENTER></CENTER><CENTER></CENTER><CENTER></CENTER><CENTER style="MARGIN: 0px"></CENTER><CENTER style="MARGIN: 0px"><TABLE width="100%" border=1><TBODY><TR><TD width="100%" bgColor=#000080>






<MARQUEE style="COLOR: #ffff00" direction=right>مــنـــك بديــت رحـلـة هواي يوم ضقت فيك طعم الشجن شـديـت رحالي نويـت أجيك وإخــتــرت أعــمــاقـك سكن أسرجت خيل سفري الطويل سافــرت ليـك قـاصدك وطن غـنـيـت عــلى ارضـك غناي ودعــت ليلات الــحــزن يلاك معاي يلاك معاي نجــمــع هــواك مـع هـواي وأسقيكي مــن ريدي ووفاي عــايزك معاي في كل حين نرسم فرحنا على الجبـيـن ندي الملامح لون وورود شوقنا في العينين يبين في الساعه ديك ياغالية مين يفرقنا مين يا حلوة مين؟</MARQUEE>






</TD></TR>



</TBODY></TABLE></CENTER>

معتز حمدتو
22-09-2006, 11:30 PM
الوجيه ابو علا
رمضان كريم ويعاد عليك وعلي الاسرة بالف خير
صراحتا غبة عن المنتدي فترة من الزمن وعندما ماعدت وجدت مابهرني ولكن وجودك علي الكرسي الساخن بهرني ولكن ما بهرني اكثر كنت بتخيلك بمساديرك اكبر من عمنا ود حامد لكن ماشاء الله عيني عليك بارده ورنبا يحفظ ليك ويبارك في الذرية .
سؤالي علي الطاير كده جديدك من المسادير الرائعة بمناسبة شهر رمضان المعظم
ولك الود

abu_ola
23-09-2006, 10:31 PM
الوجيه عبد الله
مشتاقين والله
ماشاء الله وعيني باردة يا ابو الشباب
والله على حس الاسم ابو علا والدوبيت وكدة الواحد كان متخيل زول تاني كنت قايلك دفعة ناس دكان ود الصول قصدي دكان ود البصير
وعلا ماشاء الله ربنا يحفظها ويرعاها ..
بس اعمل حسابك صورتك دي ما تجيب ليك الهبوب مع ام علا





إبراهيم رمضان كريم و مشكور على مرورك الكريم أخي العزيز ،، الحمد لله عملك ود الماحي د ما لقانا في رمضان بأسألتو دي كان لا صام و لا بخلي البدخل المنتدي يصوم

تصوم و تفطر على ألف خير

و تقبل الله منا ومنكم صالح الأعمال

abu_ola
23-09-2006, 10:41 PM
الوجيه ابو علا
رمضان كريم ويعاد عليك وعلي الاسرة بالف خير
صراحتا غبة عن المنتدي فترة من الزمن وعندما ماعدت وجدت مابهرني ولكن وجودك علي الكرسي الساخن بهرني ولكن ما بهرني اكثر كنت بتخيلك بمساديرك اكبر من عمنا ود حامد لكن ماشاء الله عيني عليك بارده ورنبا يحفظ ليك ويبارك في الذرية .
سؤالي علي الطاير كده جديدك من المسادير الرائعة بمناسبة شهر رمضان المعظم
ولك الود


أخي معتز حمدتو

رمضان مبارك عليك و كل عام و أنت بخير

المسادير عندي زي الحمة تأتي في وقت غير محدد و على العموم أن كانت هناك مسادير في رمضان سوف تكون ذات توجه محدد لتتناسب مع الشهر الكريم

لك التححية أخي معتز و بجد فقدناك

و كل عام و أنت بخير

abu_ola
23-09-2006, 10:55 PM
بسم الله الرحمن الرحيم

الأخوة الأفاضل

السلام عليكم و رحمة الله و بركاته

مبارك عليكم الشهر الكريم و كل عام و أنتم بخير

سعدت سعادت كبري بتواصلكم معي خلال اليام السابقة ، أتمني أن أكون قد كنت ضيفاً خفيف الظل عليكم

فإذا أغلظنا على أحدكم أو حصل أي قصور الرجاء العفو و السماح في شهر العفو و المغفرة

و ردد وا معي كلكم

سبحانك اللهم و بحمدك أشهد ألا لا إله إلا أنت استغفرك و أتوب إليك


و السلام عليكم و رحمة الله وبركاته