المساعد الشخصي الرقمي

مشاهدة النسخة كاملة : فراسة زميل دراسه



بابكر
29-07-2004, 03:18 AM
اخوانى لكم التحيه وبعد
اليكم هذة القصه الواقعيه التى حصلت لى مع احد الاخوان من ابناء مدنى الحبيبه
انا اعمل بالمملكه فىمدينه ينبع حوالى 285 كيلو من المدينه المنوره تحركنا بالسياره يوم الجمعه لحضور الصلاه هناك وبغد الصلاه ذهبنا انا وزوجتى واولادى الى سوق المدينه وقد كان عمر ابنى الكبير 12 عاما فىذلك الوقت ولاننى كنت مرهقا لانى كنت اسوق طيلة الرحله ولم ارتاح فضلت ان اجلس فى السياره واترك زوجتى وابنائى يتسوقون وبعد فتره ليست بالقصيره اتى ابنى الكبير ليخبرنى بان هنالك شخصا وجده فى السوق فاوقفه ونظر اليه فتره وقال له انت ولد بابكر ....... فاجابه ابنى بنعم فقال له ابوك وين فقال له ابنى انه فى السياره فقال له الشخص وديدنى له فحضر الشخص وسلم على بالحضن وبشوق شديد والله العظيم لم اعرفه وقد اندهش كثيرا لانى لم اعرفه فقال لى انظر الى مليا وسوف تعرفنى فصرت انظر اليه ولكنى لم اعرفه ابدا وقد ظننت انه محتال يريد ان ينصب على ...... فسكت برهة كأنه عرف ما افكر فيه ثم قال لى تعرف انا عرفتك كيف والله شفت ابنك ماشى على طول تذكرت ايامنا فى مدرسه ..ابوزيد الوسطى..........نفس المشيه ةالحركات والكلام وصار يحكى لى عن ايامنا الجميله عندما كنا اشقياء ايام انه كان يطلق على اسم (القرج )واخيرا عرفنى بنفسه انه زميل الدراسه الصديق الوفى >>على حسن بقلال <<من اولاد بانت بالله تخيلوا معى هذة الفراسه ر غم تراكم السنين فقد عرفنى من خلال ابنى
وانا لم اعرفه لان السنين غيرته كثيرا وقد كانت لحظات جميله استعدنا فيها كثير من الذكريات ولمن مدنى كان مدنى ذكرنا ليمون حاج حمزه وفطور الشاقيه المشهور وساعة الكنيسه لمن تدق فى سكون الليل ولمن تشم عطر الياسمين من اشجار الحى السودانى ولمن تركب بص البولمان بتاع بانت ب قرش
والسنما الوطنيه والسنما الخواجه وفول كشك وابو ظريفه ومكاوى بتاع المحطه
ويوم الزياره يوم الاحد والزحمه والمتر بريال كتر الغيار وحيدر قطامه وود الفتلى وابو العافيه ابو رداء قصير ودكان ود اب رمضان وبانو الهندى ولالا بتاع الساعات ومكتبة مضوى والهيلاهوب وحديقة وقيع الله وكعكاتى اه من تلك الايام الجميله عندما كانت مدنى مدينه الجمال والروعه لم لا وهى مسقط الرأس ومرتع الصبا وماروعك يامدنى++++++++++++++++++++++++++++++++++

HAMADTO
31-03-2005, 12:52 PM
والله ماشاء الله ..... فعلا هناك كثير من الناس واظن ناس مدني بالذات بقدروا يعرفوا الزول هو ود ناس منو .. تلقى الواحد يقول ليك انت ود منو في عائلة ناس فلان ...

aborawan
01-04-2005, 09:05 AM
مشاء الله والله ذاكرة حديد وسبحان الله

عزيز عيسى
12-04-2005, 08:14 AM
انت عارف يا بابكر ذكرتني بمدني وفول أبو ظريفة المصلح بالجبنة والطعمية والسلطات.. ده بالدنيا كلها.. (خليتني العن أبو الهمبرجر والبتزا).. وبعد داك تشرب عليه مويه صاااااقطه كده وتقوم تتمشى في السوق وتشاغل ليك كذا واحد كده تهظر معاه وتشتمه بلقبه ويقوم يرد ليك يشتمك بلقبك.. يا سلام .. أيام كانت حلوه شديد .. لن تتجدد مره اخرى..

وطبعا الما بيعرف اسمك بيقدر يعرفك بي لقبك..

وذكرى مدني دائما ستبقى في الوجدان..

عزيز

114
02-05-2005, 04:53 AM
الواقعة جميلة يا بابكر
لكن كانت ستكون اجمل واروع لو ذكرت الأشخاص بأسمائهم، وبقية النقاط ملأتها، فكانت ستكون معبرة اكتر
وبالفعل سرحت معاك في ليمون حاج حمزه وفطور الشاقيه المشهور وساعة الكنيسه لمن تدق فى سكون الليل ولمن تشم عطر الياسمين من اشجار الحى السودانى ولمن تركب بص البولمان بتاع بانت ب قرش
والسنما الوطنيه والسنما الخواجه وفول كشك وابو ظريفه ومكاوى بتاع المحطه
ويوم الزياره يوم الاحد والزحمه والمتر بريال كتر الغيار وحيدر قطامه وود الفتلى وابو العافيه ابو رداء قصير ودكان ود اب رمضان وبانو الهندى ولالا بتاع الساعات ومكتبة مضوى والهيلاهوب وحديقة وقيع الله وكعكاتى ..
ويالها من ذكريات عطره

القناص فوزي
01-06-2005, 04:33 AM
ذكرتني وحركت في مشاعر حدثت لي في مدني عام 1416هـ بحديقة وقيع الله وكنت أول مرة أزور مدني {{ مدينة الجمال}} فهنيئاً لكم يا أهل الجزيرة مدني وأدعو الله أنني أراها مرةً أخرى ...وأصلي في مسجد صايم ديمه وأزور السوق الشعبي قولوا آمين

بابكر
08-06-2005, 11:02 AM
الاخ الوفى HAMADTO لك الشكر على مرورك وطبعا كان هذا الموضوع بدايه كتاباتى فى المنتدى الرائع

الغالى aborawan شكرا على مرورك الكريم وتعليقك الرائع

الفرده azizeisa لك الحب والشكر وفعلا انها ذكريات لذيذه وحلوه ليتها تعود

اللود 114 لك الشوق والحب اها كتبت ليك الاسماء كامله ارجع الى القصه لترى وطلبك اوامر يا لورد

الغالى القناص فوزي لك الشكر ومرورك اثلج صدرى

ابومرام
12-06-2005, 09:04 PM
لك التحية عمنا بابكر والله دي اقوى ذاكرة نتمنى ناخد شي منها طبع ظروف البلد دي خلتنا ماشين بدون ذاكرةنهائي وربنا يدينا ويديكم الصحة والعافية رغم انني لم اعيش كل تلك الايام التي ذكرتها ولكن صراحة خليتني اسرح فيها وكانها مررت بيها يوم تلو اليوم او ساعة تلو الساعة نتمنى ان نعيد مدني لسيرتها الاولى ومشورا الميل بيدا بخطوة انشاء الله

بابكر
13-06-2005, 06:49 AM
ياابو مرام انت حكايتك شنو ؟؟؟ كاتب الموضوع عمك بابكر الصول مش ابو المهتدى انت ذاكرتك ضعيفه خالص 000
شكرا لك

ابومرام
14-06-2005, 02:37 AM
هههههههههههههههههههههههههههههههه
لك مليييييييييييون تحيةوتحية عمنا بابكر اهو انا قلت ليك الذاكرة فعلا خفت والكبر حصل لكن صراحة كلكم على البال و انشاء الله ما فقدناكم تسلموا وربنا يخليكم لينا سالمين حامدين شاكرين 00

بابكر
15-06-2005, 09:07 PM
تشكر يا ابو مرام ياعسل

التيمان
24-06-2005, 03:46 PM
مبالغه
يالله ادينا ذاكرتوا دى تنفعنا فى القرايه

بابكر
26-06-2005, 10:41 AM
يا التيمان دى مش ذاكره دى فراسه لك الشكر00