المساعد الشخصي الرقمي

مشاهدة النسخة كاملة : ذادي فيك


akramsaeed
10-10-2006, 11:24 PM
ذادي فيك




ذادي فيكِ نظرة فرح
بين وجنتيكِ بسمة و مرح
***
يا غالية لو تدري الجرح
نازف فراقك ألمو بيلح
غربة أم جبر غربة أم كدح
تجري السنين كيفن نذح
من همنا ...
وباب الأمل كيف ينفتح
تتلم قولبنا و تنشرح
***
انا ذادي فيك خبراً سمح
شايلو المطر لمزارعي قــُـح
موسم طـــَرح
محصول قمــِح
نجاهو من ذمناً لديِِــِح
قاسي و قبيح
نجاهو من دمغة جريح
***
انا ذادي فيك بركة ضريح
دعوة ولي و شيخاً فصيح
حوشاً وسيع ضلاً فسيح
ريحة بخور شاف و طلح
***
يا حلوة يأم طبعاً مليح
مقتول أنا واقع طريح
شهيد هواك مسكو يفيح
مات و أرتحل شايلاهو ريح
بس في قليبك قاعد نصيح
***
أنا ذادي فيك نظرة فرح
بين وجنتيك بسمة و مرح
امير عبدالباقي
11-10-2006, 12:52 AM
الاخ akramsaeed
لك التحيه
زادي فيك تواصل وماتنقطع ياسمح
عشان كلامك جميل وانت مامحتاج المدح
ابورجاء
14-10-2006, 10:57 AM
الاخ المبدع أبن المبدع
akramsaeed
لله درك يا فتى نعم من قال هذا الشبل من
ذاك الاسد ماكذب, كلمات قل من نوصفها بالرائعة
والجميلة والرقيقة لقد عبرت بنا مساحات الجمال
والكمال والاندهاش فرجاءا عزيزي لا تنقطع عن هذا
المد الشجي وكن دوما هنا في هذه الواحة النضرة
بوجودك وحرفك ونبضك أملي في مواصلتك هذا
الابداع والجمال الشفيف للحرف والنغم ..
ودوما في رعاية الله وحفظه...
مع كل الإمتنان جميل الودوفائق التقدير.....
saleh farah
15-10-2006, 07:36 AM
وانا عشمى فيك دايما كبير ترجع تجينا معاك شليل شايلين حنان شايلين كلام رويان سمح
salwa
15-10-2006, 09:23 AM
اخي اكرم
صراحة منتهى الابداع ونقاء الكلمة
ليس فقط هذا بل وواصالة معنى وصدق مشاعر
تسلم خواطرك النادرة
ويسلم قلمك الراقي
مشكور كتير
akramsaeed
16-10-2006, 09:42 AM
أنا ليس كل هذا

و كلامتي شوية خواطر متواضعة في حضرتكم

لم يخيب ظني في منتديات ود مدني جعلتني أحب مدينة ود مدني

أتجول في منتداكم وكأني أتجول في شوارع و أذقة ود مدني و كاني أعرفها منذ وقت طويل

أيها المارون من هنا أنا ممنون لكم
akramsaeed
19-10-2006, 12:32 AM
شوقي ليك ما بنتهي
***
شوقي ليك شوقاً قوي
من ريدي ليك ما بكتفي
عطشاً كتـُر ما برتوي
****
أمشي المسافات و أتلهي
أرجع معاك و أبتدي
أنسى الفرح و تكوني في
جوا الحناية و تختفي
تبني السعادة في كل شي
ما أنت ياكي الوردة دي
حلوة و.. وكدي
رويانة في غصناً ندي
***
أرحل بعيد و جنبك أجي
أسعد معاك و ألتقي
تحلم عيونا و نرتقي
حلماً جميل ما بينحكي
***
صبراً و حبلو ومرتخي
و طناً شقي
حالاً ضني
ذمناً فقُر و مفتري
سفراً جري
يا شوقي لي زولاً تقي
هادي و .. رضي
***
أنا شوقي ليك ما بينتهي
انا ريدي ليك ريداً وفي
ريداً كتُر بس فيها هي
و شوقاُ كتير ما بينتهي
akramsaeed
26-10-2006, 12:13 AM
تعالي و أسقطي مطراً على أرضي
و نامي و اصعدي كتفي
و كوني النار في صدري
و كوني اللحن في وتري
فدونك اللحن غير شجي
تعالي و اسرقي ورقي
و أسري في شريان دمي
كماءٍ سال بين يدي
أراك اليوم ترتحلي
إلى قلباً سوى قلبي
فهل أنساك يا قلبي ؟؟
كفاك اليوم في حبري
على ورقٍ بكى دمعي