المساعد الشخصي الرقمي

مشاهدة النسخة كاملة : ما أغني شحادين جامع الحكومة بمدني



mohammed ahmed
11-10-2006, 10:10 AM
يعني عليكم الله نقول شنو في اللص الظريف بتاع جامع الحكومة
أسلوب جديد في الإصرار علي ممارسة الجريمة من وين قطع شك فكرة مستورده من متخصصين
عليك الله مالقيت إلا الشحادين ... ياخي ديل في الإعتبار مرضي وممكن كان الوجبه القدمتها ليهم تسبب مضاعفات قد تؤدى للوفاة وشوف بعدها العقاب خليك من عقاب الدنيا ..
وبعدين تعالوا يالشحادين 82 مليون إيه يعني نطبق عليكم قانون من أين لك هذا .. ولو صبرت يا الحرامي لحدى الفطرة كان ح تلقي أضعاف أضعاف المبلغ ... تعالوا نعمل قصة بين الشحادين والحرامية
ضربة معلم ... بس وين ح تهرب من العين التي لا تنام ...
يا الله يا ناس البوليس شوفو شغلكم .. والله يعينكم .. أقترح عمل دورات متطورة في أساليب كشف الجريمة لتواكبو تطورها
الله معاكم

السلامى
11-10-2006, 11:14 PM
دى العولمه ياصديقى

نزار حسن محمد
12-10-2006, 02:30 PM
محمد احمد ازيك وكفينك .. انا شخصيا داير اعرف من وين جات المعلومات البتاكد هذه الحادثه... ياريت نعرف مصدر المعلومه .. مع تحياتى.. اخوك ودحسن

mohammed ahmed
13-10-2006, 11:20 AM
أصلو يا أخوى نزاريا ود عمي حسن .. قاعدين نبحت ولقينا المعلومه هنا http://www.alnilin.com/ وليه يعني ما صحيفة أخبار الدار ما مخليه ليها حبة شمار في البلد ما جايبة خبرها أسمع من هنا وفوت بالتانيه ..
وتلسموا يا ناس الإمارات أصلكم نايمين نوم تقيل وفي واحدين سايطين البلد سواطة شنو أقوليك ....
تسلم يا نزار .. ما تشرفنا يوم أفطر معانا في رمضان

نزار حسن محمد
13-10-2006, 12:17 PM
على قولك يامحمد نسمع من هنا ونفوت من هنا ... بعدين ياخى انا صائم خمس سنين فى روسيا والله يامحمد تانى لو دقه لى ود ابقرعه مااصوم فى بلاد الخوجات يازول ربنا اتقبل منكم ساكت وتقبل صيامنا بتاع زمان فى روسيا تعرف يامحمد انا كنت من بداية رمضان لى نهايته مابطلع من السكن الاباليل يازول الله فكانا ..احسن نكون فى نومنا فى الامارات والرهيفه تنقداه..تسلام ياحبيب على العزومه
غايتو لو لقيت لى ركشه كاربه بحصل الفطور معاكم ...تحياتى وودى اخوك ودحسن