للاسف الشديد فانت سفير السودان [الأرشيف]

صالح ابوشوارب

11-10-2006, 11:30 AM

للأسف الشديد بعض المسلسلات التجارية الرخيصة في دول الخليج تتاجر بالإساءة والاستهزاء والتهكم لبعض الدول وشعوبه ومن ضمنهم السودان وشعبه أمثال عبدالله وناصر القصبي والممثل الكويتى داوود حسين و أخيرا فهد الحيان ولكن ان يصل الأمر ( لارقوز سوداني ) يجسد هذه الإساءة والتهكم ويقوم بهذا الدور بنفسه من اجل حفنة من الريالات فهذا هو الخط الاحمر
اليوم الأربعاء 11/10/2006 شاهدت بعد الفطور مسلسل سعودى ( غشم شم ) وفي احد المشاهد وكان مشهد صالة اسهم و كان موجود فيها كومبارس من عدة أجناس ومن ضمنهم سودانى . وكان كل من في هذه القاعة متحفزون وأعصابهم مشدودة ما عدى الزول الارقوز كان في وضع شخص كسلان وتعبان . وجرى حوار بين بطل المسلسل وبين الكومبارس السوداني في موضوع الاسهم . و كان رد الزول الارقوز ( بالله خلينى انا كسلالالالالالان وتعباااااااان اصلى ماكل كسره بي ويكه )
وللاسف الشديد عندما حان قفل سوق الاسهم في الظهر خرج الناس كلها من الصالة ماعدى ( الزفت الارقوز ) انبطح في الكراسى واتغطي بالعمه ونام .. حتى مواعيد فتح السوق في المساء . وعندما فتح السوق كان لازال صاحبنا نايم نوم العافيه وعندما بدأ يوقظه البطل ( يازول . يازول ) كرر نفس الاساءة لنفسه لنا ولوطنه ( بالله خليني انا كسلالالالان وتعبااااااان )
بالله هل وصل بمثل هذا الارقوز ان يبيع السودان من اجل حفنة من الريالات .. هل يبدل سمعة شعب كامل بناها منذالاف السنين وهو مشهور بالامانة والطيبة وحسن المعشر .. هو الاستاذ في المدارس و الجامعات هو الطبيب في المستوصفات والمستشفيات .. كيف يكون كسلان وتعبان وهو المزارع الذى يعمل في الصبحية والضحوية والعصرية .. خاف الله ايها الارقوز فانت للاسف الشديد سفير السودان في الغربة وكلامك في المسلسل كان بمثابة تصديقا لما يقولونه . فانت وامثالك الى الجحيم

ابراهيم

11-10-2006, 02:19 PM

عمنا ابو الله جابو تحية طيبة

وبركة الشفناك طيب ...

الموضوع حارقني والله من رمضان الفات ..

كان في مسلسل عربي اسمه "الحور العين" برضو فيهو مزيج من الممثلين العرب من بينهم واحد بواب اسمه فرحات والتاني ما متذكر اسمه .. بتاع امن على قرار شركة الهدف يعني بواب لكن بي ايدولوجية متطورة شوية المهم في القاع .. كيف نرضي وكيف يرتضون لانفسهم ولـ"سودان العز"هكذا ادوار .....!!؟؟ أنا لا اسيء لتواضع المهنة ولكن لماذا السودانيين على الوجه الأخص اختصو بهذه الأدوار ...!!؟

هو نوع من الاستهتار المغلف الذي يستهدف دوماً "الزول" والذي بطبيعة حاله "طيبان" ..

لم يكفي إعلامنا الهش في تغطيته إلا محلياً وحتى المحلي بايخ وممل ..

وزاد الطين بلة هؤلاء الكومبارسات ..

(كسلااااااااااااااان وماكل لي ملاح ويكة)

والله قدر ما اتمعنت في الجملة بكل ابعادها وتساءلت ما يمكن أن تؤديه الجملة من رسالة فكانت حسرتي ان لم اجد رسالة سودانية ولا افروعربية يمكن لها ان تتجسد في جملة القائل .. الممثل .. كما هو متعارف عليه ان الممثل كغيره من الفنانين له رسالة ودور تجاه وطنه وقارته قبل شخصه بمختلف الاتجاهات الاجتماعية والثقافية ولكن

وا عجباه

و وا ضيعتاه

نحن مساكين يا عمو ابشوارب

لا رياضة ولا تمثيل ولا اعلام يوري حاجاتنا السمحة الاصيلة والمتاصلة

وكل الناس السمحين والمبدعين المبرزين من السودانيين عالمياً طيور مهاجرة.

استميحك عذراً اذا خرجت عن النص ...

لك تقديري وتحياتي

سواااح

11-10-2006, 03:53 PM

الاستاذ صالح ..

تحية طيبة وبعد ..
الومضوع اصبح لعبا واستهتارا
لكن حدث منذ فترة ليست بالبعيدة
وان كان بدون تدبير او قصد او حتي وجود نية
بعد صلاة العشاء قام احد الخطباء
بالقاء محاضرة قصيرة
وانا استغربت حدوث وقول ذاك الكلام
فقد ذكر الخطيب ان السودانيين هم اطيب ناس
وفي ذات الوقت قال هم اسرع الناس غضبا اذا تعرضوا للاساءة
وقال كذلك انه يستغرب قول الناس ان السودانيين شعب كسول
وانه قام بزيارة السودان عدة مرات وراي النهضة الاقتصادية والعمرانية التي تحدث
وان هذا القول لا علاقة له بالواقع
* لكن ان نكون نحن شركاء في هذه المهزلة فذاك قمة الاستهتار
فما لنا الا ان نقول حسبنا الله ونعم الوكيل
واذا اتتك مذمة من ناقص .....

دمـــــــــــــــــت ،،

راشد خضر

11-10-2006, 05:27 PM

هل وصل بمثل هذا الارقوز ان يبيع السودان من اجل حفنة من الريالات .. هل يبدل سمعة شعب كامل بناها منذالاف السنين وهو مشهور بالامانة والطيبة وحسن المعشر .. هو الاستاذ في المدارس و الجامعات هو الطبيب في المستوصفات والمستشفيات .. كيف يكون كسلان
العم صالح أبو شوارب ، تباً لهم ، أنّى يأفكون . هؤلاء الجهلاء يعلمون تماماً أن السوداني يفوقهم علما ، وهو من درسهم ، ولكنهم جاحدون للمعروف ، أما عن الذي قام بتمثيل الدور فنقول له خسئت وبس السفير ، ونبشرك يا أبو شوارب الحمد لله الدم السوداني الحُر يجري في دمانا وكله البيقل أدبو ويسخر منا في وشينا حرّم نلطشوا أياً كان .
ونقول لكل ساخر بهذا الشعب الحُر :

أعرض عـن الجاهل السفيه فكل ما قال فهو فيه
ما ضر نهر الفرات يوما إن بالت بعض الكلاب فيه

أبوريلان

11-10-2006, 10:13 PM

حســــــــبنا الله ونعم الوكيــــــــــل

مرتذقـــــــــة

الزبير محمد عبدالفضيل

11-10-2006, 10:23 PM

مشكور ابو شوارب علي هذه الملاحظه ونقول لهم عليكم لعنة الله والملائكه والناس اجمعين والسودان هو شيخ العرب وعز العرب

وغذاء العرب والعالم قاطبه ولازم من تحذيرهم من هذه المهزلات

صالح ابوشوارب

11-10-2006, 11:22 PM

[QUOTE=ابراهيم]
عمنا ابو الله جابو تحية طيبة
وبركة الشفناك طيب ...

الموضوع حارقني والله من رمضان الفات ..
كان في مسلسل عربي اسمه "الحور العين" برضو فيهو مزيج من الممثلين العرب من بينهم واحد بواب اسمه فرحات والتاني ما متذكر اسمه .. بتاع امن على قرار شركة الهدف يعني بواب لكن بي ايدولوجية متطورة شوية المهم في القاع .. كيف نرضي وكيف يرتضون لانفسهم ولـ"سودان العز"هكذا ادوار .....!!؟؟ أنا لا اسيء لتواضع المهنة ولكن لماذا السودانيين على الوجه الأخص اختصو بهذه الأدوار ...!!؟
هو نوع من الاستهتار المغلف الذي يستهدف دوماً "الزول" والذي بطبيعة حاله "طيبان" ..
[
شكرا يابرهوته
يعني كل سنه نصوم و نفطر بقهر .. لكن بالله بطلب من كل من شاهد هذه المسلسلات وبيعرف هؤلاء (الكوم باظ) يقول لينا عوووووك يمكن يكونوا فعلا (غشم) ذى اسم المسلسل

صالح ابوشوارب

11-10-2006, 11:24 PM

صالح ابوشوارب

11-10-2006, 11:29 PM

العم صالح أبو شوارب

[COLOR=Blue][SIZE=6]أعرض عـن الجاهل السفيه فكل ما قال فهو فيه
ما ضر نهر الفرات يوما إن بالت بعض الكلاب فيه

الاخ الحبيب ود الخضر
رمضان كريم . وفعلا كما ذكرت

أعرض عـن الجاهل السفيه فكل ما قال فهو فيــــــه
ما ضر نهر الفرات يوما إن بالت بعض الكلاب فيـــــه

خالد أحمد الصول

12-10-2006, 12:46 AM

إن موضوع عرض حال المواطن السوداني في إجهزة الاعلام لا يرد عليه إلا بالاعلام الهادف و الذي يعكس رجاحة عقل و فطانة و ذكاء المواطن السوداني و قديما كانت هناك برامج تمثل النبض الحي للوطن و لكن للاسف لم تكن هناك وقتها قنوات فضائية تنقل هذا النبض ليكون مدرسة لكل الوطن العربي و ليس ببعيد عن الاذهان برنامج فرسان في الميدان و الذي لم يكن يستعفف بروفيسور علي المك و لا الستاذ الحسين الحسن ولا صحبة في تقديم أجمل الجميل و إستضافة أشخاص لهم طعم و حيوية الشعب السوداني... أما الان و من داخل بيتنا في إجهزتنا الاعلامية من يستهتر بنا من مزيعين لا يملكون من الثقافة و الاضلاع و العلم إلا ما يؤهلهم للبس الفاخر و مجارات الموضه ... نحن نفخر بأننا شعب متعلم معلم ذكي لماح فطن زواق منفتح محب يحير العالم ... لماذا لا نعكس أنفسنا جميلا جدا في إعلامنا ... لماذا ذهب عن الاعلام فطاحلة الاعلام ... لماذا أحجم عن التعاون مع الاعلام القامات السامقة التي تتحدث بنبض السودان ... حتي صار الإعلام تتنافس عليه المغنيات اللاتي يعرضن نمازج الحنن و الميكياج و لا يجيدن غير ذلك .... كما تربع في الاعلام الفنانين المخنثين و الذين لا تتعدي ثقافتهم كم التي شيرت التي يرتدونها ... يرددون علينا أغاني البنات وهم هائمون
عجببببببببببببببببببببببببببببي

امير عبدالباقي

12-10-2006, 01:08 AM

الحبيب ابوشوارب
لك التحيه ايها الغيور الجسور ؛ لااعتقد ان يكون ذلك الممسل سوداني ولكن ليس ببعيد ياخوي في سودانيه قشره بعملو اي شي ؛ وبعدين ياصالح اعلامنا برضو هو السبب في الاهانات التي يوجهونها الينا ليس هناك رادع او تنوير للغشما العرب ؛ربنا يكون في العون

dream

12-10-2006, 10:21 AM

العم صالح أبو شوارب ، تباً لهم ، أنّى يأفكون . هؤلاء الجهلاء يعلمون تماماً أن السوداني يفوقهم علما ، وهو من درسهم ، ولكنهم جاحدون للمعروف ، أما عن الذي قام بتمثيل الدور فنقول له خسئت وبس السفير ، ونبشرك يا أبو شوارب الحمد لله الدم السوداني الحُر يجري في دمانا وكله البيقل أدبو ويسخر منا في وشينا حرّم نلطشوا أياً كان .
ونقول لكل ساخر بهذا الشعب الحُر :

أعرض عـن الجاهل السفيه فكل ما قال فهو فيه
ما ضر نهر الفرات يوما إن بالت بعض الكلاب فيه

الأخ العزيز صالح ... كل التحية ليك علي هذا الموضوع المهم
وانا بدوري اضم صوتي للاخ العزيز راشد خضر
فعلا قمة الغباء والسزاجة والكسل كلها تنصب عندنا ليه لانو نحن رضينا بذلك
لازم تكون وقفة حازمة من الجهات المسئولة عند تصرفات حمقة لا مسئولة تجاه
شعبنا ...
والله يعلم نحن السودانين اللي خليناهم يشوفوا الدنيا ....
ومانقول غير حسبنا الله ونعم الوكيل

نزار حسن محمد

12-10-2006, 02:53 PM

الغالى العزيز ابوشوارب .. لقد شاهدته هذه الحلقه وكانت تانى يوم حديث الاخوه الامارتيه معى فى العمل .. والله ياصالح من شدة الزعل قربت افطر .. وانا ادافع عن من نحن ولكل مجتمع شواذ امثال هذا الارقوز .. موضوعك ريحنى الله يريح بالك.

zoolfrda

13-10-2006, 04:20 AM

جُلْ ما أتمناه الآن

هو أن يقرأ هذا الأرقوز ما قد كُتِبَ هنا

حتى يشعر إن كان يشعر بفظاعة ما قد أتى به وشارك به

فالسوداني أينما توجه وأينما عمل

كان مثالاً للأملانة والإخلاص والتفاني في العمل

وبشهادة الجميع

Jamal Elmahi

13-10-2006, 12:29 PM

حباب أبو الله جابو حبابو
العارف عزّو مستريح...
ونحن فوق عزّنا وسعودي مابهزنا...
عبدالله أبن أبي السرح لما قاد جيش المسلمين لنشر الاسلام في السودان كان قوام الجيش من أشداء الرجال واقواهم وأنبلهم وهؤلاء هم أجدادنا حينما أختلطوا بالقبائل السودانيه ...ولم يتخلف عن الجيش ألا المعاقين وأرازل القوم وهؤلاء هم أجداد ذلك السافل الحقير...حثالة القوم....
اللهم أني صائم ...صائم شنو أريتني كان لميت فيهو ود ال...

ود الماحي

راشد خضر

13-10-2006, 04:00 PM

اللهم أني صائم ...صائم شنو أريتني كان لميت فيهو ود ال...
ود الماحي
هق :p هق :p أضبط أعصابك ود الماحي ، فقد أصبحت الشاشات منفذا ومسرحاً للجبناء .

elfatih61

13-10-2006, 09:32 PM

أبو شوارب 00 الاشاعات الطالقنها فينا غيرنا 000 بجي واحــد
ذي ( الأرقوز ) ذي كأنوا بقول ليهم أنا بأكـدها ليكم 00 لانو ضعيف
أمام حفنـة الريـــالات 00 ولو قالوا ليه ريالتك تسيل 00 كان بوافق !!

والعيب الكبير طبعا جاي من عندنا من إعلامنا الهش الماقاعد يقدم أي
شىء !! حتى لمن يعملوا مسلسلات ويعرضوها في الفضائيات !! كلنـا
بنخجل نشوفها 00 لانهم بمشوا مخصوص بختاروا أسوأ وأوسخ الاماكن
للتصوير وبختاروا عربات زمان (كوانين) عشان يعرضوها والشوارع
التعبانة المتربة 00 والممثلين حدث ولا حرج كما الواحد عوج وشوا وكشر
ومرق وظهر كل شىء شيــن فيه التقول ما بقولوا عليـه ( ممثــل ) والعجب
ملابسهم !! 00 مع إنو عندنا البيوت والفلل السمحة الممكن يصورا فيها وعندنا
العربات موش اخر موديل 00 عربات بالطلب والشوارع السمحة الوارفـة اللى
بتظهر جمال السودان 00 لكن هيهات هيهات !! وذي ما بنشوف المسلسلات
المصرية والسورية وحتى الخليجيـة كل الناس دى عندهم احياء وبيوت أخير
السودان 00 لكن بحبوا يظهروا السمح 00 والسمح ببقى سمح ولا شنو !!

عشان كده نبدأ من جوه 00 وأمثال الارقوز دا أمرهم هيــن بعدين !!

aborawan

14-10-2006, 01:39 AM

عمي الغالي ابو الله جابو مساك الله بالخير وان شاء الله عافية
الموضوع كبير وطويل ومعقد وليس هذا الارقوز وحده من عكس وأكد هذه الصورة هناك الكثيرون الكثيرون المطلعين عينا وروحنا وفاضحننا وشارطين عينا كان بالكسل او بي غيرو تصدق يا عمنا بشوف لي واحد بجي مغسلة الملابس القريبة لي بيتنا بالعراقي الخفيف الفوق ركبتو وتحت مافي غير .................... والله والله تشوف منظرو تخجل وكان الله في عوننا من امثال هذا وذاك يعني يا عمنا الارقوزااااااااااااااااااااااااااااااااااااااااات كتار الله يصلحهم

elfatih61

14-10-2006, 11:15 AM

بمناسبــة الكســــل 000 في سوبرماركت \ صاحبو سوداني 00 دا المحل الوحيــد
في إمارة أبوظبــي 00 أقصـد في دولة الامارات كلها 00 ولا أقول ليكم في الخليج
العربي بأكمله عندو قوانيــن بـــراهو للقفل والفتح 00 مع إنو الشخص الذي يديـــر
المحل ( هنــدي ) لكن إمكن العدوى سرت !!
حتى في رمضان اللى فيـه الدنيا كلها بتفتح محلاتها بعد الافطار 00 دا بفتح الساعة
التاسعة مساء !!!
وكذلك في الايام العاديـة المحل الوحيــد البحرص على الاغلاق عند الواحــدة 00 وبفتح
الساعة خمسة ونصف مساءاً 00 !! والاخوان الساكنين في أبوظبي وبالتحديد في
منطقة الخالديـة/ دائرة المياه ممكن يتأكدوا ويؤكدوا ليكم وامشو شوفوا براكم !!!
أنا ما بقول أسم المحل لكن بالقرب من فاطمة سوبرماركت 000

رأيكم شنو !!! ونحن نحارب كيف الاشاعات البقولوها علينا الناس !! وفي ناس بتنشرها
كدا -- عناد بس وعلى عينك يا تاجـــــر !!

ابوالنور

14-10-2006, 11:36 AM

تسلم والله ياريت نلقي تلاته بس عشان نسوي حاجه

صالح ابوشوارب

14-10-2006, 10:27 PM

شكرا للاخوان
ابو ريلان
السفير
صول سودان
امير
دريم
نزار
الفرده
جمالو
الفاتح
ابوروان
ابو النور
وشكرا لمداخلاتكم

بابكر

15-10-2006, 10:14 AM

والله فعلا يا ابو شوارب كلام يزعل وللاسف الشديد انو الكومبارس سودانى والحكايه بقت جايطه والبلد لمت !! وربك يهون !!!

محمد حسين (المميز)

15-10-2006, 11:10 PM

ياخوانا الموضوع فعلا يرفع الضغط
لكن بصراحه في كميــّــه من الناس اللي بتنسب نفسها للسودان
هي اللي خلتهم يسوو كده

والحق يقال ايضا في كميــّــه من السودانيين يرضو بأن يكونو
شيء حقير في الغربة وهم الللي شوهو صورة السوداني وجعلوهو اضحوكه بين العرب

أنا شغال في جده في شركة عمره وحج بنتعامل مع مجموعه كبيرة من الدول بيجونا منهم
معتمرين ومن ضمنهم السودان بل وأسوأهم السودان ياخوانا ليه كده؟؟؟؟؟

تعال شوف المشاكل والاسلوب اللي بنشوفو من المواطن السوداني للأسف
طبعا ما كلهم لكن للأسف أغلبيتهم
اولا مابيلتزم بالمواعيد ثانيا لسانه طويل ثالثا متفلسف رابعا.....و....,,
وهناك من يفرض عليك احترامه لكن اقليـّـه للأسف
ونوع تاني تخاف يسلّم عليك عشان ما يوسخك من لبسه اللي لو لقيته واقع ما تشيله؟؟
هل من المعقول ما عندك ولو ريال تغسل بيهو هدومك؟؟
ليه نحن نقبل اننا نكون بالشكل ده؟؟؟؟؟؟

حاجه تجننhttp://x88x.Com/uploads/d2cc3aaf5e.gif (http://x88x.Com/)

اتمنى من كل انسان غيوور على سودانيته ان يكون لديه وطنيّه
وعزّة نفس وكرامه عشان نرفع راسنا

***************

reemna

09-12-2006, 10:57 PM

بكيت في يوم وانا في الغربه علي سوداني ضربو زنجي امريكي قدامي وما قدرته ارد بس يوم جات الفرصه واتكرر نف المشهد ما قدرته اقاوم وفي الامارات وبلد عربي والمره دي من سعودي ومعروف عن الاماراتيين شعب محترم جدا وما يهينو الضيف ويحترمو المراة جدا واحد سعودي شتم السوداني لانو جلس في طاوله في المطعم لي وحدو والسعودي عايز طاوله ليه واولادو فا ابسط شي يضرب العبد ده زي ما قال ويجلس مكانو والبغيظ لم رفض يقوم ليه قاليه انا بنادي الشرطه السوداني علي طول عايز يقوم والله ومن غير ما احس قمته ولقيت نفسي بنادي علي الشرطي والشرطه هناك طبعا تحت الطلب بس والله لو شفتو حتقولو لبوه ولقت فريسه والحمد لله ربنا نصفنا علي السعودي ال.....
والله اظن بل حق نحنا الضيعنا حقنا والله والله مننا ما منهم لو عزينا نفسنا علي القروش ما في زول يقدر يهزن ايزلنا نحنا الافارقه ما العرب .. وربنا يقوينا علي رفع شانا ولا شنو

هيثم عبدالعال

11-12-2006, 12:02 AM

كثيره هي المشاهد التي تنكأ الجراح وكلنا نكتفي بالوقوف على شرفات المشاهدة وليس باليد حيلة
هي ليست دعوة للتخاذل ،لكن تجرأ وحاول أن تنصح أحد هذه النماذج ستجد نفسك في موقف لا تحسد عليه كما حدث لواحد من الغيورين عندما تكلم مع إحدى الاخوات التي تعمل بعمل غير لائق وتقبل على نفسها التعرض لتحرش كل من هب ودب ومغازلتهم وسماع ما لاترتضيه الحرة وغير ذلك فما كان الا أن فوجئ بسيل من الشتائم منها ومن زوجها الحاضر في عين المكان ولا يحرك أي ساكن لكل تلك الممارسات بل إستأسد على أخونا .
هي على كل حال إفرازات هذه المرحلة وواقع الداخل الذي يصدره أمثال هؤلاء وللأسف دوما في بلاد العرب الذين ندعي الانتماء اليهم.
ولله در من قال ( رفضنا أن نكون أفضل الأفارقة لنرتضي أن نكون أسوأ العرب)

محمد السر احمد

11-12-2006, 10:45 AM

نحن العملنا الخليخ و نحنا العلمنهم كيف ياكلو وكيف يشربو
شكرا علي الموضوع

امل حياتى

12-12-2006, 12:57 AM

اخى صالح فى الحقيقة اكسل ناس فى العالم الخليجيين بدون الوافيدين والاجانب بيعرفوا حاجة سبحان الله هل سمعت خليجى قدر بنى بيت ولا مكنيكى سيارات ولا حتى يقدر يمسح بيته .

ربنا يخلى الهنود والباكستانيين والاخوة العرب

ودمت على حبك للسودان

هيثم عبدالعال

12-12-2006, 09:56 AM

الأخوان الأعزاء :
أسمحوا لي بمداخلة صغيره ، لن أنصب نفسي مدافعا عن الآخرين لكنني أرجو ألا يكون دفاعنا عن أنفسنا بالإساءه للآخرين فذلك ما لم نرتضيه لأنفسنا حتى لا نحيد عن أدب الخلاف، فهذه قله شاذه من أتت بهذه الأفعال التي أثارتنا فلا يجوز أن نعمم حكمنا على الجميع فالشاذ لا حكم له
فكل أمه ترى نفسها أعظم أمة ( ونحن أعظم أمه كانت وستكون )وأملي أن نعمل على تحسين صورتنا وعودتنا لسيرتنا الأولى بكل السبل دون إساءه للآخر ولكم ودي