المساعد الشخصي الرقمي

مشاهدة النسخة كاملة : طلب : اغنية في عز الليل والموضوع حساس



ابراهيم
29-10-2006, 05:46 AM
كتبها الشاعر الجميل التجاني حاج موسى
واتغنت بنكهتين حلوات ..
مرة نورجيلانية ومرة كابلاوية
وكلاهما ابدع ..
نغماً وطرباً
البلقاها ينزلها مشكور لو من نور الجيلاني او الكابلي
وليهو عندنا حلاوة


فــى عـــز الليـــــــل


ساعة النسمة ترتاح
على هدب الدغش وتنوم
ياهاجر
يا آسر
انا مساهر
انا والليل ومر جفاك
مساهرين نحكى للافلاك
لا كملت حكاوينا
ولا لقينا البداوينا
يا مشهيني طعم النوم
وطيفك .. في خيالي يحوم
سنين مرّت ومرو سنين
براك عارف وبي أدرى
وجُرحك يا غرام الروح
لا طاب .. لا بيدور يبرا
ده جُرحك مهما طوّل وغار
مطبوع فيني بالفطرة
وبين الذكرى والنسيان
مسافة قريبه يا إنسان

سواااح
29-10-2006, 05:57 AM
ابراهيم ..

انت عارف ليّ زمن
وبفتش للاغنية دي
وبالذات من النور الجيلاني
اغنية عذااااااب لمن غلط !!!

ابراهيم
29-10-2006, 06:25 AM
تعرف يا سواح اول مرة سمعتها قبل خمسة سنين في حافلة وانا جاي من الكلاكلة ماش على السوق العربي وبقت مطبوعة فيني بالفطرة ...
سمعتها من نور الجيلاني ...
هسي عاودني الحنين ليها
وهسي برضو مشتهيها زي ما مشتهي طعم النوم ...
وكل سنة وانت طيب ..
يعني يا سواح حالتك زي حالتي؟
انشاءالله يجي زول يلحقنا

صباح
01-11-2006, 08:59 PM
كتبها الشاعر الجميل التجاني حاج موسى
[
البلقاها ينزلها مشكور لو من نور الجيلاني او الكابلي
وليهو عندنا حلاوة


فــى عـــز الليـــــــل


ساعة النسمة ترتاح
على هدب الدغش وتنوم
ياهاجر
يا آسر
انا مساهر
انا والليل ومر جفاك
مساهرين نحكى للافلاك
لا كملت حكاوينا
ولا لقينا البداوينا
يا مشهيني طعم النوم
وطيفك .. في خيالي يحوم
سنين مرّت ومرو سنين
براك عارف وبي أدرى
وجُرحك يا غرام الروح
لا طاب .. لا بيدور يبرا
ده جُرحك مهما طوّل وغار
مطبوع فيني بالفطرة
وبين الذكرى والنسيان
مسافة قريبه يا إنسان


الاخ ابراهيم

دي الاغنيه بصوت الفنان النور الجيلاني

بس للاسف ما بعرف طريقه تنزيل الاغاني في المنتدي

حاديك الرابط للمكان الموجود فيهو الاغنيه ...

وابقي نزلها او اي اخ تاني يعرف طريقه تنزيل الاغاني ...

http://www.alnilin.com/vb/showthread.php?t=41161




وليهو عندنا حلاوة]

ومستنيه الحلاوه ..... :D :)

ابراهيم
07-11-2006, 10:56 AM
اختنا صباح ..
نحن إن أشرق صبح
نترك النوم ونصحو
تحية سمحة وسمرية ..
وبعدين الغنية ابت تشتعل كل قدر ما حاولت لما اشغلها
الحلاوة قاعد برسلها ليك بالـDHL
بس في الاول كلمي الغنية دي قولي ليها اشتغلي:D