اخبار ودمدنى

[نزار حسن محمد]

الرائعين دوما ابناء منتدى ودمدنى لكم الحب والاشواق...

اليوم سوف احكى لكم الاخبار الحلوه عن مدينة ودمدنى..
اول المفاجاة الطيبه.. تم تصديق قصر الثقافه كمقر دائم لمنتدى ودمدنى.الطابق الثانى..يعنى الحمدالله صار لنا دار نجتمع فيه وتسطيعون ملاقاة كل اعضاء المنتدى بالدار الجديد..
ثانيا اجرى معى حوار عبر اذاعة ودمدنى وتحدثة لمدة ساعه عن اهداف وتطلعات
منتدى ودمدنى..
وطبعا اجمل الاخبار لحظات لقاء اعضاء المنتدى كان اول لقاء مع الاخوان نبيل حمدتو وابوبكر حامد والماذون هذا الانسان الراقى والحبيب ود الصول... جمعتنا امسيه جميله بدار ود الماذون وكانت جلسه فى قمة الروعه لم نصمت ولا دقيقه وكانت ضحكاتنا تجيب الضهبان استمرت هذه جلسه قرابة الثلاثه ساعات ثم افترقنا على ان نلتقى بجامعة الجزيره بمكتب اخونا خالد ود الصول .. وكانت اروع
بحضور اخونا حسن على والاخت نهله حيدر ونبيل حمدتو ود صول وشخصى
ثم كان هناك اجتماع شامل ضم قرابة ال 15 عضو بدار القضاء وكان اجتماع عن
الليله الثقافيه التى ستقام فى شهر 12 وماانسى على كل عضوء مقتدر التبرع لنجاح هذه الليله وقد قرر الاجتماع مبلغ 100 ريال سعودى على كل عضوء خارج السودان ومن يريد التبرع باكثر ايكون كتر الف خيره..
طيب نجى لى اخبار المدينه طبعا بدات نسائم الشتاء تداعب اهل المدينه والطقس
عموما قمه فى الروعه.. صار سوبر ماركت البرعى ومخبز الاحسان مكان تجمع شباب وشابات المدينه خاصة بعد اضافة تلك النوافير التى ترسل رزاز من الماء الخفيف لى تلطيف الجو...
عند تقاطع الشانزلزيه حيث الاخ اشرف مع سندوتشات الطعميه مع السلطه لاتجد
مكان للوقوف وصار هناك اكثر من محل متخصص فى عمل السندوتشات تلك المنطقه لاتنام الا مع اذان الفجر..
شارع النيل .. وانت تسير عليه تسمع اصوات حفلات الزواج والشباب يملا اطراف الطرقات ذهابا وايابا.. مع نسمة هواء تعيد للذاكره احلى ايام ودمدنى ايام نادى الجزيره.. الان امتلاء شارع النيل باجمل المواقع مثل دار القضاء ودار الاطباء
ودار المهندسين ودار الضباط ونادى الجزيره ومسك الختام وحدائق قدر ظروفك
.. وللحديث بقيه

[محمد حسين (المميز)]

آآآآآآآآآآآآآآآهـ
ياودحسن
فكرتنا بالأيام الحلوه والله

************

[الزبير محمد عبدالفضيل]

مشكور ياود حسن علي هذه الاخبار الجميله والتي تذكرنا بماهو جميل في مدني ولك التحيه ولجميع الاعضاء المتواجدين بمدني

[مدنيّة]

http://www.asmilies.com/smiliespic/FAWASEL/002.gif (http://www.asmilies.com)

والله يانزار ياخوي مشيتي للعيد دي بالجد لقيت ليك مدني اتغيرت واختلفت عن زمان في اشئاء كثيرة
منتظرين بقية الحديث اخووووووووي
يديك العافية

http://www.asmilies.com/smiliespic/FAWASEL/002.gif (http://www.asmilies.com)

[ابراهيم]

سلام يا مدني
الروح مشحتفة في البلود الفيها ريحتك
للبعود
من فزعة الغربة البساسق فوكا مو راجع ولا بالحيل قليل
الأخ نزار ..
حديثك روعة وهكذا تكون الأحاديث عن مدني عندما نسمعها أو نقرأها تسوقنا الخيالات إلى أماكن ياما ساسقنا فيها ومشينا ...
متين تعود ايام هنانا؟
أن تحكي ونحن نقرا وكأننا نطالع تلك الصور التي رسمتها بالكلمات ..
الشوق يصارع الحروف ... والكيبورد بقى صغير لذا اقف هنا
واصل حبيبنا نزار ..

[امينو]

الله عليييييييييييك يا نزار شهيتني مدني وانا قاعد فيها بي كلامك الحلو دا وبالجد مدني غير على وزن جدة غير

[نزار حسن محمد]

الاحباب الاعزاء
المميز انت ماعارف يالمميز كل ايام مدنى حلوه بس بتكتمل الفرحه يوم نلتقى
السفير ايها الرجل الجميل ياريت الذكريات لو بترجع ونذكر ايام صبانا..
مدنيه مدنى يامدنيه سر جمال مدنى فى نظرة الانسان ليها بأى عين
ابراهيم .. ايها المبدع المتاصل .. من فزعة الغربه البساسق فوكا ...يالك من مبدع..ارقد قفاه..وانتظر الحكاوى
امينو.. كلامك الظريف ده دايره تقراه اختنا مدنيه .. لكم حبى

[خالد أحمد الصول]

تسلم أخي نزار و تسلم عينك المراقبة لكل أرجاء المدينة .. فإن هم هذه المدينة هو همك الاوحد
إن فرح الشوارع بكم و بحضوركم يفوق فرحنا بجيتكم

[mnoma]

ياااااااااااحليل مدني وناس مدني

مالك يا أبو رنيم عاوز تجرسنا هسه الشوق فاض بيا زيادة
ربنا يجمعنا بي مدني وناسها سريع

واهااااا منتظرين الباقي ....... :)

[Madanawi]

تسلم يا نزار على الاخبار الجميلة دي وان شاء الله مدني دايما فوق عزها قبايل ما تهزها - ولا خوف عليها مدني وفيها الفرسان
ربنا يجمعنا كلنا قدام النافورة في ساعة خبر آمين،،،،،،،،

[سواااح]

نزار ..

منتظرك في عيد الاضحي
والفرحة تبقي ثلاثة افراح
الاولي نلاقيكم
والثانية العيد
والثالثة ...... ما انت عارف ..

دمـــــــــــــــــت ،،

[Madanawi]

يا سواح - التالتة ثابتة ولا اييييييهههههههه

[مزوني]

يا نزار يا نزار يا نزار يا نزار

انت الظاهر عليك داير تطفشني من المنتدى صااااااااااااااااااااح ؟؟؟؟

مدني الحنان مدني الجمال مدني الخدار مدني الحب مدني العاطفه مدني كل روحي وحياتي

والله يا نزار انا قدر ما أقرا مواضيعك عن مدني بقدر ما افرح وارتاح على قدر ما خلاااااااااص

ما بفضل لي الا أبكي لكن الحمدلله على كل حال وربنا يسعدكم ويهنيكم يا كل من قاعد في مدني

ونصيييييحه لا تفكر في الإغتراب والله ان بعد ده كلو احتمال ارجع ابيع قفة خضار في الشارع ولا اغترب

الله يلعن الإغتراب وربنا

تسلم حبيبنا نيزو وربنا يواليك بالصحه والعافيه

[محمد مصطفي]

مشكور اخ نزار علي الكلام الجميل



مدني الجمال

[elfatih61]

نــزار ود حسن
طبعا نحن بنفرح بي فرحك وبنسعد لي سعدك
وتأكد كـل الاشياء الجميلة الشفتها عشناها معاك
بإحساسنا وكل اللحظات العشتها هناك بخيالنا طفناها
معاك 00 عشت الفرح بكل معانيه يا نـزار بلقاء أخوانا من
منتدى مدنى 00 ومبروك علينا دارنا بقصر الثقافة مكانا نجتمـع
فيه ونتعارف ببعضنا وأتمنى أن يكون التواصل من داخل وخــــارج
السودان قويـاً وأن لا ينسى كل الناس اللى بتمشى إجـازات
يسجلوا حضورهم القوى في هذه الدار التى نتمنى
أن تكون عامرة أبدا 00 ودمت وعشـت لينا
يا نـــــــــــــزار

[نزار حسن محمد]

تسلم أخي نزار و تسلم عينك المراقبة لكل أرجاء المدينة .. فإن هم هذه المدينة هو همك الاوحد
إن فرح الشوارع بكم و بحضوركم يفوق فرحنا بجيتكم

الحبيب ود الصول شكرا يازوق لكن فولة كشك مابخليها ورحى طالعه فيها ..شنو رايك فى شعر ناس عمك ود الماحى وابوعلاء ده

[نزار حسن محمد]

ياااااااااااحليل مدني وناس مدني

مالك يا أبو رنيم عاوز تجرسنا هسه الشوق فاض بيا زيادة
ربنا يجمعنا بي مدني وناسها سريع

واهااااا منتظرين الباقي ....... :)

امين يا الملكه انشاء نجتمع فى قلب المحنه وفى ارض الجزيره.. وانشاء الله حاكتب اشياء كثيره عن مدنى واهل مدنى بس خلينى افضاء من قعدة الكرسى الحار داك

[نزار حسن محمد]

تسلم يا نزار على الاخبار الجميلة دي وان شاء الله مدني دايما فوق عزها قبايل ما تهزها - ولا خوف عليها مدني وفيها الفرسان
ربنا يجمعنا كلنا قدام النافورة في ساعة خبر آمين،،،،،،،،

مدناوى الاصيل اشاء الله نجتمع فى النافوره لكن تعال النسالك النافوره دى وين ..يازول كان ماتجمعنا فى النافوره نجمع تحت المطره.. بس نجمع..ابورنيم

[نزار حسن محمد]

نزار ..

منتظرك في عيد الاضحي
والفرحة تبقي ثلاثة افراح
الاولي نلاقيكم
والثانية العيد
والثالثة ...... ما انت عارف ..

دمـــــــــــــــــت ،،

انشاء الله ياسواااح بحاول بقدر الامكان اكون معاكم فى عيد الاضحى وربنا يتم لك على خير وتبكر بى الوليد
وعقبال لى ناس ابراهيم وسامبااا بقية العزابه..ابورنيم

[نزار حسن محمد]

يا نزار يا نزار يا نزار يا نزار

انت الظاهر عليك داير تطفشني من المنتدى صااااااااااااااااااااح ؟؟؟؟

مدني الحنان مدني الجمال مدني الخدار مدني الحب مدني العاطفه مدني كل روحي وحياتي

والله يا نزار انا قدر ما أقرا مواضيعك عن مدني بقدر ما افرح وارتاح على قدر ما خلاااااااااص

ما بفضل لي الا أبكي لكن الحمدلله على كل حال وربنا يسعدكم ويهنيكم يا كل من قاعد في مدني

ونصيييييحه لا تفكر في الإغتراب والله ان بعد ده كلو احتمال ارجع ابيع قفة خضار في الشارع ولا اغترب

الله يلعن الإغتراب وربنا

تسلم حبيبنا نيزو وربنا يواليك بالصحه والعافيه

معقول ياموزنى بالله انت لحقنى وجاى فى حب هذة المدينه .. انتظرنى يامزونى بس انتهى من الكرسى الساخن وحاكتب لك عن اشياء كثيره عن حبيبتنا مدنى.. وبعدين انا خلاص داير ارجع نهائى لى ام المدائن مدنى

[نزار حسن محمد]

مشكور اخ نزار علي الكلام الجميل



مدني الجمال

كبك ازيك ياحبيب ..يكتمل الجمال بوجودكم..ياحبيب وانا متابع لى مواضعيك المتميزه لك الود ابو رنيم

[نزار حسن محمد]

نــزار ود حسن
طبعا نحن بنفرح بي فرحك وبنسعد لي سعدك
وتأكد كـل الاشياء الجميلة الشفتها عشناها معاك
بإحساسنا وكل اللحظات العشتها هناك بخيالنا طفناها
معاك 00 عشت الفرح بكل معانيه يا نـزار بلقاء أخوانا من
منتدى مدنى 00 ومبروك علينا دارنا بقصر الثقافة مكانا نجتمـع
فيه ونتعارف ببعضنا وأتمنى أن يكون التواصل من داخل وخــــارج
السودان قويـاً وأن لا ينسى كل الناس اللى بتمشى إجـازات
يسجلوا حضورهم القوى في هذه الدار التى نتمنى
أن تكون عامرة أبدا 00 ودمت وعشـت لينا
يا نـــــــــــــزار

الفاتح لم انسى بعد سردك الجميل فى عمود اخونا نبيل ود حمدتو عن احاول المدينه ولسع يالفاتح الذاكره فل بما يجرى بمدنى سوف اكتب واكتب.. ومشكور على التذكير واضم صوتى لصوتك بتوجدنا المستمر بقصر الثقافه موقع منتدى ودمدنى..وبجيك راجع تانى يالفاتح

[سواااح]

انشاء الله ياسواااح بحاول بقدر الامكان اكون معاكم فى عيد الاضحى وربنا يتم لك على خير وتبكر بى الوليد
وعقبال لى ناس ابراهيم وسامبااا بقية العزابه..ابورنيم

نزار ..

ما تبدا لينا بالاعذار من الان

دمــــــــــت ،،

[HaSsOoN]

اخوي ود حسن يديك الف عافيه على مهوداتك الجباره القمتو بيها ودي اخبار حلوه جدا وتدينا دافع لمزيد من الابداع ..وطبعا انا كنت مواصل معاكم طوالي عن طريق حسن علي وان شاء الله يكون وصل ليكم تحياتي وطوالي بندعوا ليكم ياود حسن وفعلا شرفتونا ومثلتونا اجمل تمثيل...

[نزار حسن محمد]

نزار ..

ما تبدا لينا بالاعذار من الان

دمــــــــــت ،،

عرسنا الغالى طلباتك اوامر..بس انت ارفع راس الجزيره

[نزار حسن محمد]

اخوي ود حسن يديك الف عافيه على مهوداتك الجباره القمتو بيها ودي اخبار حلوه جدا وتدينا دافع لمزيد من الابداع ..وطبعا انا كنت مواصل معاكم طوالي عن طريق حسن علي وان شاء الله يكون وصل ليكم تحياتي وطوالي بندعوا ليكم ياود حسن وفعلا شرفتونا ومثلتونا اجمل تمثيل...

حسون ..مشور المليون خطوه يبداء بخطوه ..وها نحن قولنا كدى وبدينا ..دعواتكم ومجهوداتكم تقودنا للامام دوما
ودمتم سالمين ..ودحسن

[نزار حسن محمد]

الاحباب اليوم سوف احكى عن امسيات ودمدنى .. رغم الغربه التى طالت وتغيرت اشياء كثيره فى بلدى الا ان اجتماعيات اهل مدنى مازالت كما هى ونبداء من فترة الصباح كنت يوميا اصح عند الساعه الثامنه صباحا لن الحياه تبداء بسوق ودمدنى عند الساعه التاسعه اتحرك بسيارتى لى ابو النسب الظريف الصادق حمد تو واشرب معه الشاى والقهوه وابداء صباحى وانا ميت من الضحك هكذا هو الصادق حمدتو مهما كنت لابد ان تضحك وانت تجلس معه بعد ذلك كنت اذهب للاستاذ هاشم خلف الله المحامى
لنبداء انجاز جدول الاعمال الذى وضع مسبقا .. وفى اثناء تحركاتنا وقد بدات مدنى تعج بالحياه والكل يتحرك فى كسب عيشه تجد ابناء مدنى عندهم وقفات يا بالبرندات او عند اكشاك الجريد والتى اسطفت على سور جنينة وقيع الله تجد ابناء ودمدنى يتسامرون عن ماحدث مساء امس بالمدينه وهم فى عجاله على ان يكون التلاقى فى المساء يستمر اليوم حتى الساعه الرابعه عصرا ثم تبداء حركت المدينه تهداء تظهر لك بعد ذلك وجوه اهل المدينه وهنا تشعر بان الذاكره تبداء فى العوده حيث الوجوه التى رايتها فى السابق مع عامل تغيرالسنوات ثم يدخل المساء وتجد التجمعات بالاحياء الجالسين امام البيت او المتجمعين فى مناسبه مفرحه كانت او محزنه يستمر هذا المنظر حتى اذان المغرب ثم تعود هذه التجمعات فى الانديه نادى النيل نادى الاتحاد وخلف نادى الاتحاد فتح دار المحامين ... اما شارع النيل ..فتكون فيه الحركه غير .....عرسان جكس نضيف اتخيال دائما كوفى ابوعلاء يكون عند شارع النيل واسرح مع كلام الاحباب ابوعلاء ابراهيم ود الماحى وكل الاعضاء كل هذا وانا ساير بالعربه من حى المنيره الى القسم الاول او المدنين ا... وللحديث بقيه