المساعد الشخصي الرقمي

مشاهدة النسخة كاملة : عربية التيمان



ابراهيم
07-11-2006, 05:14 PM
http://www3.0zz0.com/2006/10/27/10/33045414.gif


واحد شافها قال لي غايتو دي
يا ركشة ربنا راضي عليها
ولا أمجاد الله غضبان عليها
وانا الحريرة مجهجهاني ما عرفت احتار في العربية ولا في التيمان ولا في الزول
الزول العمل الحركة دي غايتو ما ظريف:D
ثم تاني ذاتو يعني سواها كيف:confused:

ابراهيم
07-11-2006, 05:17 PM
الغريبة ما عندها محطات
بس تجري
هي لو ما شغالة بي وقود
يا كافي البلا السواق دة ما بشرب موية:confused:

zoolfrda
07-11-2006, 07:47 PM
والله لكن يا إبراهومه ما جهجهتها جنس جهجها :d


يا ربي يكونوا كبو فيها شنو ؟


ولا يكون الزول ده هو السائق بتاعا

http://www3.0zz0.com/2006/10/27/10/34786867.gif

نور العيون
07-11-2006, 09:40 PM
و الله يا ابراهيم و فرده بالغتو عديل كده
لكن يمكن العربيه دي ناقصه حاجه و انحنا
ما جايبين خبر
لكن الله يدي ك العافيه يا ابراهومه
على الاقل التيمان طلعت ليهم وسيله مواصلات
و عقبال الما عندو

أبوريلان
07-11-2006, 10:02 PM
أنت يا أبراهيم قلت أمجاد وربنا سختها هههههههههههههه

تعرف المهم فى الموضوع أنهم مدردقين بأربع

وأفضل بكثير من ناس الثلاثة أرجل

وأحسن من المدردقين بأثنين

سواااح
07-11-2006, 10:23 PM
يا ناس ..

نحنا ما ظاهرة لينا اي صورة !!!!

ما تلحقنا يا ابراهيم ..

سوار الياسمين
07-11-2006, 11:12 PM
هههههههههههه
يجازي محكنك يا ابراهيم
ما عرفتى امشي وين من كثر الضحك

الله يدي العافية ساي

aborawan
08-11-2006, 12:10 AM
والله يا هيمة اخوك مشكلتو نفس مشكلة سوااح وما شايف حاجة !؟!؟!؟!؟!؟

madaniboy
08-11-2006, 01:07 AM
هههههههههههههههههههه
تسلموو والله

ابراهيم
08-11-2006, 06:19 AM
سواح وابو روان
هو ذاتو العربية ماشة سريع ما تديك فرصة تشوفها
اهو جبتها تاني عشان ما تقول لي
توعدنا وتبخل بالصورة

http://www.9q9q.org/index.php?image=rAGusPjjfcA7

ابراهيم
08-11-2006, 07:04 AM
والله لكن يا إبراهومه ما جهجهتها جنس جهجها :d


يا ربي يكونوا كبو فيها شنو ؟


ولا يكون الزول ده هو السائق بتاعا

http://www3.0zz0.com/2006/10/27/10/34786867.gif


والله يا فردة زولك ابشنب دة اخير منو عربية التيمان
والعجب الجدادة ..
تصدق يكون في علاقة

محمد مصطفي
08-11-2006, 07:13 AM
والله يا ابراهيم السواق ما بعطش



لانو سايقنها هم زاتهم

ابراهيم
08-11-2006, 07:41 AM
و الله يا ابراهيم و فرده بالغتو عديل كده
لكن يمكن العربيه دي ناقصه حاجه و انحنا
ما جايبين خبر
لكن الله يدي ك العافيه يا ابراهومه
على الاقل التيمان طلعت ليهم وسيله مواصلات
و عقبال الما عندو

نور العيون يمكن شنو
انتي ما شفتيها كويس ولا شنو
تلاتة ارباعها مافي
والله على قولك وسيلة مواصلات لكن دي البوقفها شنو؟

ابراهيم
08-11-2006, 07:48 AM
أنت يا أبراهيم قلت أمجاد وربنا سختها هههههههههههههه


تعرف المهم فى الموضوع أنهم مدردقين بأربع

وأفضل بكثير من ناس الثلاثة أرجل

وأحسن من المدردقين بأثنين





وإلذ حاجة يا ابو اليا مطبقين التوقيع بتاعك بحذافيره ... "ناس بتمشى سنين طويلة" بس باسلوب تصويري
المشكلة إنو الواحد كلو ما يشوف العربية دي وبي الطريقة بقلق
التيمان .. خفضو السرعة شوية انتو مركبين شنو؟

التيمان
08-11-2006, 07:57 AM
لا اله الا الله محمد رسول الله


انتو ناس شلافين شلف عجيب

وبعدين دى حركه بى حركتين

ربنا يخليكم



ودمتم

ابراهيم
08-11-2006, 08:01 AM
هههههههههههه
يجازي محكنك يا ابراهيم
ما عرفتى امشي وين من كثر الضحك

الله يدي العافية ساي


والله حاجة تضحك فعلاً ...
دقيقة بس اصبري لي انتي شفتي حاجة المنتدى ملاااااااان بالتواقيع والصور المرحة والمضحكة والمحزنة ...
والشمارات الباقية جاية ورا

ابراهيم
08-11-2006, 08:05 AM
هههههههههههههههههههه
تسلموو والله


فاقد حنان ازيك يا راجل ..
مشتاقين انت وين يا زول مختفى كدة وبعدين فك البلوك ياخ:D

ابراهيم
08-11-2006, 08:10 AM
لا اله الا الله محمد رسول الله


انتو ناس شلافين شلف عجيب

وبعدين دى حركه بى حركتين

ربنا يخليكم

ودمتم


التيمان والله دة ما تشليف بس عجبتني الحركة بحركتين دي:D

التيمان
08-11-2006, 08:23 AM
انشاء الله دايما



ويخليكم لينا

راسكال
08-11-2006, 08:54 AM
ههههههههههههههههههههههههههههه


والله يا جماعه العربيه دي ما جاريه لاحقه مشوار


العربيه جاريه من التيمان خايفه اركبو فيها


مشكووووووووووووووووووور يا ابراهومه

سواااح
08-11-2006, 08:58 AM
هيمة ..

ما بالغتا عديك كده
ده شنو يا زول
والنسالك .. مالها بتنطط كده
وبعدين .. الكفرات زي العمر الافتراضي انتهي
وكمان يا ساتر لا يمين لا شمال
الله يستر ..

دمـــــــــــــــــت ،،

Jamal Elmahi
08-11-2006, 09:26 AM
تعرف يا أبراهومه عربية التيمان يكون بدل ما يكبو ليها زيت مكنه كبو ليها زيت سمسم ....أي تكسي يلاقيها تركبو ليك...وبعد تسعه شهور وتسعه يوم تلقي الشارع كلو سارح زي النمل رقشات ...
عربية التيمان كراعين + تكاسي أربعه كرعين = رقشات تلاته كرعين
الشكيّه لابيداَ قويه....

ود الماحي

سواااح
08-11-2006, 09:40 AM
تعرف يا أبراهومه عربية التيمان يكون بدل ما يكبو ليها زيت مكنه كبو ليها زيت سمسم ....أي تكسي يلاقيها تركبو ليك...وبعد تسعه شهور وتسعه يوم تلقي الشارع كلو سارح زي النمل رقشات ...
عربية التيمان كراعين + تكاسي أربعه كرعين = رقشات تلاته كرعين
الشكيّه لابيداَ قويه....

ود الماحي

ود الماحي ..

والله من الصورة حاولنا نفهم
وغايتو بعد معاركات استوعبنا
لكن يا عمنا :
عربية التيمان كراعين + تكاسي أربعه كرعين = رقشات تلاته كرعين
دي والله صعبة شديد ..

دمــــــــــــــــــت ،،

Jamal Elmahi
08-11-2006, 03:01 PM
ود الماحي ..

والله من الصورة حاولنا نفهم
وغايتو بعد معاركات استوعبنا
لكن يا عمنا :
عربية التيمان كراعين + تكاسي أربعه كرعين = رقشات تلاته كرعين
دي والله صعبة شديد ..

دمــــــــــــــــــت ،،

العريس سواح...
ناس الوراثه علم الجينات مش قالوا تقريباَ نص الصفات الوراثيه من الذكر والنص التاني من الانثي...اها طبّق النظريه دي...
نص كراعين عربية التيمان + نص أربعه كرعين التكسي = تلاته كرعين الرقشه...بالله الواحد تقول شغال دايه...

ود الماحي

ابراهيم
09-11-2006, 03:29 AM
زي ما قلت ليك يا سواح دة نوع من التهجين العرباتي
ما تقدر تعرف الحاصل شنو

ابراهيم
09-11-2006, 04:04 AM
تاني ود الماحي جاب سيرة السمسم:D
تعرف يا ود الماحي الطريفي من كتر الضحك في كلامك دة لمن جاه وجع نوايط في فقرته
يعني الشغلة بقت كوارع في الشوارع
ولا ايه:confused: :D

ابراهيم
09-11-2006, 08:02 AM
تقوم بينا هوب
تقع بينا روب
تودينا لي مدني
عربيتك الركشة
الجارية تتمشى
نفطر في القضارف
وفي مدني نتعشى
دي السرعة
:D
هوي لي وهو لي
سواح العريس يا الله يتم لي
قالوا عربية التيمان قدام في سيرة سواح
بس ما عارف السايقها منو فيهم
سايق سايقها الرايق:D

نزار حسن محمد
09-11-2006, 04:08 PM
ابراهيم الظريف .. يازول لمن مشيت مدنى لقيت ودحمدتو ميت من الضحك قال لى انت ماشفت اظرف اثنين فى المنتدى وثالثم ودخالتم رسكال... التيمان معترضين على زول فرده عشان حذف لهم لعبه وقالوا هم دايرين ابقوه مشرفين قسم اللعاب...
انت جئت تميت الناقصه .. بالعربيه دى ..لكن ماعربيه..امجاد شنو وركشت شنو يازول دى انتاج جياد.. واجرك على الله

التيمان
10-11-2006, 08:18 AM
ابو النيز


والله اسفين جدا جدا


انو مالاقيناك

وقالو انك زول سكره

وبتاع هزل

وطيب ماللك عامل جادى


ههههههههههههههههههههه

محمد مصطفي
10-11-2006, 08:43 AM
اي والله يا التيمان وصلني نفس الكلام ده قالو زول عسول

راسكال
10-11-2006, 09:10 AM
ههههههههههههههههههههههه

مدنيّة
10-11-2006, 11:17 PM
انت في عربية التيمان دي ياابراهيم ولا في طيورك الماعايزة تروي ليها سنة دي :p

ابوالنور
11-11-2006, 03:13 AM
لكن يا التيمان سو ليكم زلط ولا بيعوها لينا !!

التيمان
11-11-2006, 08:57 AM
ههههههههههههههههههههههههههههه

ابراهيم
15-11-2006, 09:37 AM
انت في عربية التيمان دي ياابراهيم ولا في طيورك الماعايزة تروي ليها سنة دي :p






دي الطيور المهاجرة
بتودي سلام وتجيب سلام
كلو ما تودي سلام تشرب
وكل ما تجيب سلام تشرب

عشان كدة

التيمان
15-11-2006, 10:17 AM
طيور السلام


يعنى


تقول ليها السلام عليكم

تشرب


دى قصه غريبه


لمتين لكن

HaSsOoN
15-11-2006, 01:26 PM
عربية التيمان جاكه كدا لاحقه الدور هههههههههههههههههههههههه

لكن يابراهومه قلبتا فيها هوبه هههههههه

عبدالمنعم الصديق(خدرا)
16-11-2006, 01:13 PM
http://www3.0zz0.com/2006/10/27/10/33045414.gif


واحد شافها قال لي غايتو دي
يا ركشة ربنا راضي عليها
ولا أمجاد الله غضبان عليها
وانا الحريرة مجهجهاني ما عرفت احتار في العربية ولا في التيمان ولا في الزول
الزول العمل الحركة دي غايتو ما ظريف:D
ثم تاني ذاتو يعني سواها كيف:confused:

طيب ياجماعه مافى طريقه تعدلو لى الموتر دا زىعربية التيمان دى
قلتا لى ركشه ربنا رضيان عليها حلوة والله

عبدالمنعم الصديق(خدرا)
16-11-2006, 01:22 PM
ياود ابراهيم
مافى منها فى مدنى بالاقساط؟؟؟؟؟؟؟؟؟؟؟؟
عشان مانمشى حلتنا بى دفار فوزى
مع حبى لك ايها الغالى

al zeer
18-11-2006, 10:37 PM
انتوا عارفين العربية دى كانت فى مانتى الله
طلعت من الخرطوم الساعة واحدى ظهرا ماشة فى شارع مدنى وصلت الكاملين الساعة اربعة و بعد ما افرتقت الابواب و لمن وصلت لفت الحصاحيصة نصها وقع و لمن وصلت اللوحة بتاعت ابتسم انت فى مدنى و طوالى جات معاها ريحة المدبغة ( فى ريحة هناك جد عجيبة ) الشاسى اقسم
بس الحاجة الوحيدة الما لاقليها تفسير الطرحة جابوها من وين

عثمان إدريس
18-11-2006, 11:47 PM
يا ناس ..

نحنا ما ظاهرة لينا اي صورة !!!!

ما تلحقنا يا ابراهيم ..


نحنا شرحو .... :eek:

با بح ما شايفين حاجة ;)

التيمان
19-11-2006, 08:37 AM
والله

انتو ناس شلافين


شلف


لا اله الا الله

التيمان
24-11-2006, 08:02 AM
http://bestanimations.com/Music/Dancers/Dancer-13-june.gif


اها ورونا رايكم فى ده

ابوطاقية
24-11-2006, 08:07 AM
ههههههههههههههههههههههه


كلام غريب

بات مان
24-11-2006, 08:17 AM
عربيتكم عجيبه يالتوم


انشاءالله ماتكون البكسى

التيمان
24-11-2006, 08:26 AM
والزول البرقص


ده ةكيف

شاكسس
01-12-2006, 04:19 AM
تسلمو يامعجبين


تحياتى،،

محمد مصطفي
01-12-2006, 04:52 AM
والله يا التوم انا محيرني سؤال


انت العربيه دي بتشيلك انت براك خلي معاك اخوك

هههههههههههههههههههههههههها

التيمان
01-12-2006, 05:03 AM
هههههههههههه


انت لسه مع العربيه دى

شاكسس
22-12-2006, 10:17 AM
والله نحنا عارضنها للبيع

فى مزاد علنى

مين يشترى؟


تحياتى،،

ابراهيم
02-01-2011, 10:23 PM
نديها دفرة لي ورا شوية ولا كيف يا تومكس

ود المطامير
02-01-2011, 10:53 PM
العريس سواح...
ناس الوراثه علم الجينات مش قالوا تقريباَ نص الصفات الوراثيه من الذكر والنص التاني من الانثي...اها طبّق النظريه دي...
نص كراعين عربية التيمان + نص أربعه كرعين التكسي = تلاته كرعين الرقشه...بالله الواحد تقول شغال دايه...

ود الماحي
شيخ الزمن الجميل

الزول السمح فى كل شئ

أينما كنت

كل عام وأنت والعائله الكريمه بخير وسعاده

التيمان
03-01-2011, 02:27 AM
ياخ والله البوست ده زمن عجيب الواحد يحس انو داير يبكي والله

ربنا يعيد الغايبين ياخ

والله زمن عجيب