مشيت وجيت ...وفي بعدكم ياناس مدني لقيت.......

[صباح]

في بعدكم كل الارض منفي

ليكم وحشه ...ليكم وحشه ... ليكم وحشه

وانشاء الله ما يطول الغياب مره تانيه

[عثمان إدريس]

لينا وحشة كلنا ولا للناس الزمان بث :p

[أبوريلان]

حمدا على سلامة العودة ، وإنشاء الله المانع زال ، والعود أحمد

[Jamal Elmahi]

مرحبتين حباب صباح
والله ليك وحشه ...بالله أشتقنا لي مناكفتك ...
شفقتينا عليك قربنا نلحقك...ماتطولي الغيبه تاني أأأبت أمي...

ود الماحي

[سواااح]

صباح ..

حبابك ومرحب بيك
وكدي انتي عرفتي
البحصل لمن الواحد يطول
عن المنتدي ..

دمـــــــــــــــتي ،،

[محمد حسين (المميز)]

اهلا بيك من جديد
نورّت
http://x88x.Com/uploads/6d766adfce.gif (http://x88x.Com/)

************

[صباح]

لينا وحشة كلنا ولا للناس الزمان بث :p


الاخ عسمان (( علي حسب توقيعك لحدي ما نتعلم الكتابه))

ناس مدني كلهم بعزهم مع اني اصلا ما مدني ..بس بعتبرهم اخواني

واغلب صداقاتي واهلي من مدني ...قدام جداد الاعضاء ...اخواني

والله يعزك

[صباح]

حمدا على سلامة العودة ، وإنشاء الله المانع زال ، والعود أحمد

الاخ ابوريلان

الله يسلمك عزيزي , وتسلم من كل شر ,

بس هي ظروف الشغل عندي , والزحمه الحاصله اليومين دي,

السبب الرئسي في ابتعادي عن النت طيله الفتره السابقه ,

وجد فقدت المنتدي , واتمني اكون متواجده ديمه فيهو ..

تسلم علي المشاركه

[صباح]

مرحبتين حباب صباح والله ليك وحشه ...
ود الماحي

الاخ العزيز ود الماحي

ليك وحشه انت بالتحديد والله ...وما شاء الله ما شاء الله علي الامور المعاك ده

((والنبي وصيه تشيل صورتو دي سريع الناس اغلبها عينها حاره وما خفيت نفوسهم كانت اعظم يدو

ليك عين امريكا ما تحلك في علاجو))




بالله أشتقنا لي مناكفتك ...


تعرف ..مناكفتك دي قلت يا الله قاصد بيها الكنافه الباسطه ولا شنو...

بس اتزكرت بوست الراجل العاوز يعرس فيني ...عرفتك قاصد شنو:D




شفقتينا عليك قربنا نلحقك...ماتطولي الغيبه تاني أأأبت أمي...
ود الماحي

الغيبه والله ما بيدي , لو علي انا اكون بينكم ,حوليكم علي طول ,الله يسهل بس
وتسلم علي المداخله

[صباح]

العريس سواح

الف الف مبروك ..منك المال و منها العيال..




صباح ..
حبابك ومرحب بيك
وكدي انتي عرفتي
البحصل لمن الواحد يطول
عن المنتدي ..
دمـــــــــــــــتي ،،

وبرضو ده احساسي الحصل لمن انا غبت عن المنتدي وعنكم ..

ومرحب بيك انت برضو

[صباح]

اهلا بيك من جديد
نورّت
http://x88x.Com/uploads/6d766adfce.gif (http://x88x.Com/)

************

الاخ المميز

المنتدي اصلا منور بناسو ...

وهلا فيك برضو

[Jamal Elmahi]

العزيزه صباح
أنا مازلته شايل همّك ...علي الرغم من أنو مرات كتيره أحس بأنك شديده ولضيده علي نفسك وما بتدي روحك عوجه...أوعي تقولي لي لضيده يعني شنو!؟ وما بعيد تفتكري لضيده يعني عصيده...مش قلتي المناكفه كنافه ولاّباسطه....ومن كنافتك دي الله وأعلم تكوني بتعرفي الشربوت ...لانو مابتعرفي القرنجال والقرنجال ود عم الارضحال وجنو وجن الكنجال...

مشاققه...
ماتقولي لي سكر الجنيد أم نخيرات مفجخات دي برضو حيسحروها...!!

بجيك صاد

ود الماحي

[صباح]

العزيز جدا ود الما حي

تعرف والله كده برتاح في الرد عليك بحس كلامك , ما مكلف ,بزكرني كلام الحبوبات , ما بتتكلف فيهو

ما بتمسكو(( بمعني ما بتدسو))...




العزيزه صباح
أنا مازلته شايل همّك ...علي الرغم من أنو مرات كتيره أحس بأنك شديده ولضيده علي نفسك وما بتدي روحك عوجه...


يا سيدي الله يسهل بس طول ما الواحد عايش مرتاح ..وباعد عنو اولاد الحرام ما اظن عوجه تصلني




اأوعي تقولي لي لضيده يعني شنو!؟ وما بعيد تفتكري لضيده يعني عصيده...مش قلتي المناكفه كنافه ولاّباسطه....ومن كنافتك دي الله وأعلم تكوني بتعرفي الشربوت ...لانو مابتعرفي القرنجال والقرنجال ود عم الارضحال وجنو وجن الكنجال...


معقوله بس ياود الماحي ههههههههههه ده كلام .... بس الارضحال ده بيبقي للطحال :D

زكرتي الشربوت كمان والعيد قرب ...النسالك انته عندك هناك البسوي ليك منو ؟؟؟





مشاققه...
ماتقولي لي سكر الجنيد أم نخيرات مفجخات دي برضو حيسحروها...!!



يا الللللللللللله عليك يا أبوي ..جيت تكحلها عميتها .. بالغت لكن.

وما مجامله بس بتك عسل عسل عسل الله يحفظها ليك ولو عندي ولد كان حجزتها منك من اسع

(( عشماً برضو في اللواري الشايفاها حتخش مدني دي ...تقوم تلز لي كم واحد في المهندسين عندنا))

والرسول فيك تاني تقوم تشيل الصوره دي ...((خت حقتك عشان تكف العين شويه هههه))





بجيك صاد
ود الماحي

حاكون مستنياك ... وابقي واصل

[Jamal Elmahi]

العزيزه صباح
أسعدتيني وفرحتيني بأنك مرتاحه ...وداير أسمع أنك مبسوطه ومتهنيه مع وليداتك وابو وليداتك ..وأن شاء الله دايماَ نسمع عنك كل خير ياوش الخير...ساعدي الموضوع بي جكّه وشوية بسمات حتي لو وري البسمات كتمتي دموع....

المهندسين وما أدراك ما المهندسين...
وين نوقّف لوارينا أبوجاز مابنزين...
جدادنا والخرفان عايزين درابزين...
وعكاكيزنا والسيطان تسعه وتسعين...
لا نادي بشيلنا ولا حتي سينما النيلين...
شيلو شيلتكم أهل العوض قادمين ..

ود الماحي

[صباح]

الاخ العزيز ود الماحي

العرس والطلاق كلو قسمه ونصيب ..واذا اصابتنا واحده منهم نشكر الله ونحمدو ..

وتسلم يا عزيز علي وقفتك وشعورك الطيب ده ...

[عثمان إدريس]

الاخ عسمان (( علي حسب توقيعك لحدي ما نتعلم الكتابه))

ناس مدني كلهم بعزهم مع اني اصلا ما مدني ..بس بعتبرهم اخواني

واغلب صداقاتي واهلي من مدني ...قدام جداد الاعضاء ...اخواني

والله يعزك


شكلي (فتح كسر مع تشديد كسر)

عشان ما يتلخبط علينا الإختساس ;)

كلنا ما من مدني يا صباح ولكن بعزهم لله في لله :D

[راسكال]

حمدا على سلامة العودة

[بات مان]

حمدا على سلامة العودة

[محمد مصطفي]

حمدا على سلامة العودة

[شاكسس]

حمد لله ع السلامه

والعود احمد

تحياتى،،

[شاكسس]

الاخ العزيز ود الماحي

العرس والطلاق كلو قسمه ونصيب ..واذا اصابتنا واحده منهم نشكر الله ونحمدو ..

وتسلم يا عزيز علي وقفتك وشعورك الطيب ده ...


كلام درر


تحياتى،،

[المكاشفى]

منوره ياصباح الف مرحب