المساعد الشخصي الرقمي

مشاهدة النسخة كاملة : قصيد بعنوان ثلاثة حروف للكاتب اسامة الباهى



اسامة الباهى
25-11-2006, 11:14 PM
مابتفيدك كلمة آسف
لا الألــف الفيها يضمــــــــــــــد جرحـــــــــى النازف
ولا السين بتسوى الحبة توقف سيل الفرقة الجارف
والفاء فراقة تفرق ضم تودر لحن الريد العــــــازف
ما بتفيدك كلمة آسف
صحيح كان بينا مودة عشــــــــرة عمر مليــــانة لطـــــــائف
انت الجيت براك هديتها وفينى اتلـــــومت اظنــــــك عـــارف
وعاوزك تعرف كلو خيوط شمسك من تالاى صبحو كواسف
ما بتفيدك كلمة آسف
وهى كلمة آسف يا جاير كـــيف بتدورها تفيدك
مادام زولاً اكــــان اكـــتر من نفســــو بريــــدك
شايلك انت براك فاكرك شايلـــو وحيــــــــــــدك
اتاريك عرفت وسايل غيرو ومليان بيها بريدك
شيخ عشاق نصبتها نفسك ودرويش بتظنو يكون فى مسيدك
هــــــو ما زيـــك بوســـطة بيســـتثمر قلبو وسماعة هاتــــف
ما بتفيدك كلمة آسف
مسكـــــين ياقلبــــــى كـــلو تمن كـــلامك عنـــــدو ثلاثـــــــــــة حروف
نسى انك ادمنتو نشـــيد لى صباحك وفى احلامـــك بتمســــــــاك يطوف
وانك كان بتدق لو جاتك ساكت سيرتو يبقى عدد نبضــــاتك ما معروف
وطـــــبعاً ماكــان بتصدق ابداً ياقلبـــــــى غيرك بى حرم اساسو يطوف
لو رضى لى قلبو واو العطف يكون بترفض انت ياقلبى تكـون معـطوف
دا عشــان برتـــــــاح فى غرفك جزة كنت مفرش ليهو حرير وقطـــايف
ما بتفيدك كلمة آسف
أنا كم غنيتك لامن روح اسمــــــــى غناك حتى الناس سمونى الشــــــاعر
لأنو الريــــد مهما اندس لازم فـى لحظـــة ضعـــــــف بيصـــــــبح ظاهــــــر
من حكمة ربى اداك سماح الصورة بس ما اداك سماح احساس ومشاعـر
وزى ما شايف انك انت فخور بجمالك انا برضى بى صدق احساسى بفاخر
مؤمن بي هواك بيهو هواى اشركت بحترمك كان صدقنى لو اصلك كــافــر
وقانــــون الهــــوى معــــروف ما فيهـــــو اشــراك بى ريــد وعواطــــــــف
ما بتفيدك كلمة آسف


تكنو ==== اسامة الباهى

ابوطاقية
26-11-2006, 04:33 AM
حقيقة جميلة جدا يا اسامة
مشكور اخي ويا ريت ماتحرمنا من جديدك

اسامة الباهى
07-10-2007, 12:31 AM
شكرا يا ابو طاقية والظاهر انت براك القدرته تفهمها وشكرا كتير