بركات طراوة والزول حلاوة [الأرشيف]

رضا حسن محمد

02-12-2006, 11:14 PM

احلق معكم سادتى بطائر نورس عجيب حط رحاله فى مدينة بركات، فهى تجمع بين حضارة المدينة وطيبة اهل القرية فى ابهى الصور، وقد اسسها الحاج الراحل المقيم احمد عواض عندما نزح من حلفا عند تاسيس مشروع الجزيرة ، وكان معه نفر من صحبه الميامين عليهم رحمة الله الحاج بابكر والحاج على الباشا والحاج عبيد والحاج سالم وغيرهم
وبركات احبتى مطرة تكبكب فينا طوال الليل ونمرق فى الصباح حفايا ونشرب القهوة تحت شجرة احمد عواض ونغنى( فى مدينة جوبا اجمل مدينة) ، وبركات تتالق فى الفجرية كعروس ازيلت عنها فركتها فاخذت تتضاير من عيون المعجبين ، وقد تعلم اهل بركات ضبط وربط الانجليز فتجدهم عند الساعة السادسة ونصف صباحا قد اخذو مواقعهم فى ورشهم ومكاتبهم وتجد الصبايا بنات البتدائى العام والثانوى يتوجهن الى مدارسهن كرياحين عطرن سماء حلتنا التحت الفوق
واهل بركات سادتى طيبون يحبون من هاجر اليهم ، يكرمون الضيف ويحمون الجار ، يبكون فى الاتراح ويغنون فى الافراح (الفارقت ما لقيته اليلة وبن ياروحى)
وبركات تشقها الترعة الرئييسية الى قسمين غرب وشرق كوالد فرد ذراعيه حيين لقاء اولاده بعد غيبة ، وهى تتالف من عدة فرق : بركات فلاتة وكمبو النادى (الجير) ثم حى السوق والجامع مرورا بحى الافندية (1،2)والسرايات والبوسطة والسكة حديد( انشااللة اموت فى السكة حديد ويجيبو خبرى العرب والعبيد )
برجع ليكم برواقة

امير عبدالباقي

03-12-2006, 12:14 AM

الاخ رضا حسن
لك الف تحيه ومرحب بيك
مشكور علي المعلومه الجميله عن بركات واحئائها

رضا حسن محمد

03-12-2006, 01:22 AM

الاخ امير
الشكر موصول ليك يا شفيف
معزتى

مرتضى ساتى

03-12-2006, 01:29 AM

الاخ رضا مرحب بيك حبابك 1000 وبركات فى مدنى ضرورى تكون جميله ياجميل

رضا حسن محمد

03-12-2006, 03:41 AM

الاخ مرتضى سلام يشبهك
الجمال يحيط بمدنى منكل جانب ، وناس مدنى اسياده علم ورياضة
احييك بشدة

القلب الطيب

03-12-2006, 05:41 AM

شكرأ ليك اخي رضا حسن انا اسمي الاحله مسجات الى احله منتدى

--------------------------------------------------------------------------------

تفضلو وتستاهلو الاكثر

يارساله عانقي
مضنون عيني..

واسأليه ..

ماوحشته مثل
ماأنا ميت عليه؟

=*=*=*=*=*=*=*=*=*=

الخوف:من غيبتك
والسعد:في لقياك
والصعب:لونفترق
والمستحيل:أنساك

=*=*=*=*=*=*=*=*=*=

مرة أشكر الوقت
يوم الوقت لي جابك..

ومره أكره الوقت
اذا أشعرني بغيابك..

=*=*=*=*=*=*=*=*=*=

إنت أقرب لي من أنفاسي
وانا عنك غريب.
.عايش بكل حواسي
ومالي باحساسك نصيب

=*=*=*=*=*=*=*=*=*=

أنا قلبي على الفرقا عصاني !!
يحبك وما يحب أنسان ثاني !!
تولع فيك فــــــــي يوماً وليله!!
وربي ياحبيبي بك بلانـــــي!!

=*=*=*=*=*=*=*=*=*=

حياتي وصفها ثاني
بدونك قمة الحرمان
وحالي من لهيب الشوق
بقايا من رماد انسان

على كف القدر نمشي
ولا ندري عن المكتوب
عسى الله يجمع المشتاق
بأحباب يحبونه..

=============

دنيتي بدونك متاهه
تفتقد مصدر حلاها
كل ضحكاتي بدونك
تنطلق في شكل آهه!

=============

يهمني أمرك كثير
وقلبي معك دايم أسير
حتى ولو دار الزمان
ابقى معك حب ومصير..

=============

أغليت انا أصلك ..وفصلك ومرباك

وأغليت انا كل ( اسم العائله )
عشانك..

=============

يارساله امسكيه

في المروحه اربطيه

وعلى (1) شغليه
لين يدوخ
وبوسيه!

=============

قلت أتغلى وأكابر
لقيتك تشغل الخاطر
ولو جفيتك أنا خاسر
لأنك في البشر نادر..!

=============

هذا المسى أجمل مسى
أرسل حبيبي ومانسى
بلمحه نساني الأسى
ذكرني قلبه ماقسى

=============

لو
ذبحتني
بخنجر
مسموم
أبقهرك..
وأكتب
بدمي
<أحــــبك>
شيخ ابراهيم من قرية السوريبة ومقيم في ليبيا

نزار حسن محمد

03-12-2006, 11:35 AM

شخينا رضا بوند.. ذدنا من ادبياتك فان اعلم لديك الكثير ..ونحن فى الانتظار بس ركز على بركات بعدين السكه حديد ملحوقه من مدنى لى كوستى....

رضا حسن محمد

03-12-2006, 08:47 PM

الاخ القلب الطيب طيب القلب
يذداد المنتدى بك حلاوة وطراوة
خالص تقديرى

رضا حسن محمد

03-12-2006, 08:56 PM

اخوى الكبير ابو النيز
اتذكرك كثيرا يا اخى ، تادبنا صغارا وكبارا ، ترسل لنا المصاريف حتى وانت طالب فى بلاد الروس
اتذكرك وانت تحمل الشوك مع نسوان النوبة كبيرات السن وتؤسس مركز شباب بركات مع عصام نوح
واديتنى كف زى السم عندما وجدتنى ادخن سجارة فى احد الحفلات
سلام ايها الكاردلب الاشم

رضا حسن محمد

03-12-2006, 09:21 PM

فاتنى سهوا ان اذكر حى الجعليين والقرية النموزجية وكاترجى .
الضمنة فى سوق بركات كانت اشبه بمباريات هلال مريخ ، كانت تضم نفر من عباقرة اللعبة ( ابراهيم عواض ، على محمد صديق ، منويشى وعلى ابوريش ) عليهم رحمة الله والسر وعبدالله عواض وحسن محمد عثمان وقوشابى واخرون ادام الله عليهم نعمة الصحة والعافية ، وكان لها جمهور كبير
واذكر من الطرائفانو كان عندنا حولية فى المنزل والجماعة المداحين ينتهوا من مدحة ويخشوا فى التانية والوالد كان ينظر لساعته باستمرار طامعا ان يلحق ليهو عشلرة ضمنة وعندما وجد ان شغلة المداحين جاره همس فى اذنى قائلا (سمعت بادب المدئح)
نواصل

نزار حسن محمد

04-12-2006, 12:46 AM

ياحليلك يابلدنا ..حليلى شريرى يابلدنا..

رضا حسن محمد

04-12-2006, 06:20 AM

يا ابو النيز
تتذكر اغنية عبد العزيز المبارك :
ليل الغريب الريح تجيب من فرعوا داك حبة عطر
النار تبق جوة الضلوع
اما الدموع سيل منهمر
يا حليل زمان وسط الحبايب والاهل يا حليل زمان

نزار حسن محمد

04-12-2006, 10:28 AM

تعرف يارضا ما اشرقت شمس الا وانا اجول بمخيلتى بين ازقة بركات فى كل مكان... لدى ذكره عطره مع اهل بركات الرائعين..لكن يارضا بالغته فى اغنية عبد العزيز المبارك هذه الاغنيه لدى معها ذكريات لاتنسى ...وقبل قليل كان معى على الهاتف الاخ عادل سيد احمد والاخ جمال محمد عبد الرحيم..وتذكرنا اغنية لليل الغريب ..طبعا الان معنا الاخ الدكتور الصادق ادم عبدالله وكل حديثنا عن بركات وعارف اخوك هبار مخلى الصادق اموت من الضحك لك الــــــــــــــــــود ايها الرائع رضا ..خليك قريب

رضا حسن محمد

04-12-2006, 10:13 PM

الاخ ابو النيز
وين بالله الناس الحلوين ديل ، عادل سيد احمد شخص من الجيل الذى نفتقد قطع غياره ، تكون معاهو تدور شكلة فهو كفيل بالباقى ، سمح ضحوك ، كاردلب ، ولكنه هاجر وقال عدو لى
تحياتى لجمال ابو ليف اتذكره وهو يحرس مرمى هلال الجعليين ، اتذكر بابكر زامبيا عليه رحمة الله كان شاب جميلا واذكر يوم كان عندنا معهم مباراة ( الكفاح وهلال الجعليين ) استوقفنا بابكر زامبيا فى طريقه لنادى العمال وسالناهو كيف كورتنا معاكم بكرة ؟ قال شوفوا يا اولاد الكفاح بكرة بنديكم اربعة اقوان لكن يغلط عبدالخالق ولا مز الدين ( انا مز الدين لليلة ما عارفومنو ) يجيب الرابع ما بنقيف الا فى خمستاشر

نورالدائم

07-12-2006, 02:14 AM

يا هلا بي ناس بركات

المضوع شيق وجميل

بن يوفقك

أبونبيل

08-12-2006, 12:20 PM

الابن العزيز / رضا
لك تحياتي

حبك الشديد انت والابن العزيز نزار لبركات استفذني ودفعني للكتابة عن زكرياتي الجملية في بركات ةوالتي عشت فيها ما يقارب الخمسة عشرة عاما ........ انا لست من ابناء بركات وان كنت اتشرف بذلك ولكن عملت فيها بمشروع الجزيرة مصلحة الهندسة المكانيكية في الفترة الذهبية ايام المهندسين ( كشة .. شوقي .. علي امير .. اسماعيل ابو.. قدال .. بدر الدين .. الدابي .. والعزيز المهندس / محمد الطيب حسن ) كان ذلك في الغترة من عام 1969 وحتى نهاية العام 1983 ولكن اعرف بركات قبل ذلك بكثير حيث كنت اتردد عليها في نهاية كل اسيوع مع ابن عمي وصديقي القاضي عبد العزيز صديق حمدتو .. كنا ناتي لزيارة خالتنا رحمة الله عليها داية بركات المعروفة زينب محمد حامد ( الزوزي) او زوزو كما يحلو لاهل بركات الطيبين مناداتها .
صداقتي الدائمة لرفيق الدرب المهندس / السر احمد عواض ( ابواحمد) جعلتني اكون على اتصال مستمر باهل بركات في كل مناسباتهم خاصة مناسبات آل عواض ...... وياما جلسنا تحت شجرة عواض مع الاعمام الاعزاء عبد الله "" ابراهيم "" محمود عواض وابنائهم ""
اصدقائي من ابناء بركات كثيرين اذكر منهم (( السر محي الدين ... الدكتور عثمان محمد الحسن ... علي حاج بابكر والاخ العزيز حسن محمد عثمان وزوجته الرائعة فائزه ... والخالة عزيزة عواض متعها الله بالصحة والعاقية)) زكرياتي ببركات كثيرة ربما اعود للكتابة عنها مرة اخري
عمك عصام الدين حمدتو

رضا حسن محمد

08-12-2006, 09:45 PM

العم العزيز عصام (ابو نبيل)
سلاما بقامة الوطن يعانق جبينك الوضاح
لقد اثرت فينا ذكريات جميلة ولمست فينا جرح القصيدة
ارجو ان تواصل سردك الجميل عن بركات الحبيبة فكلنا اذأن صاغية
ولما نرجع انا بحكى ليك بلدنا لما ترتاح القمارى فى شجرتنا الكبيرة
ساحدثك بمهلة عن جدى الراحل المقيم يابا صديق ، ساحدثك عن احمد عواض وابنائه
ساروى عن على محمد صديق وعن عجب الدرديرى وحسن قورا وبابكر زامبيا وحسسن حاج بابكر ويوسف صالح رحمهم الله
لنا عودة انشاالله

admin

08-12-2006, 11:12 PM

وصلني عبر البريد التالي:-

----- Original Message -----
From: <barakat749@yahoo.com>
To: <emails@wadmadani.com>
Sent: Wednesday, December 06, 2006 9:46 AM
Subject: بركات التعايش السلمي

> عزيزي مدير الموقع ..
>
> لقد تم إرسال هذه الرسالة من قبل : محجوب محمد محمود النقر الذي أفاد أن الموضوع <مهم جداً> ..
>
> بركات عند ما تذكر تعرف بأنها إدارة مشروع الجزيرة ولكن هذاالمعنى يمكن أن يفهم قبل مغادرة المستعمر أم المعني الحقيقي لبركات هو أسرة المرحوم الشيخ/عواض وإسرة المرحوم الشيخ/ الباشاواسرة المرحوم أبوشوك وأسرة المرحوم النقر وأسرة المحروم التجاني ابكر واسرة المرحوم الشريف وأسرة المرحوم إبراهيم خلوطي وأسرة المرحوم محمد أحمد عبدالمجيد وبركات هي بركات فلاته وبركات الكمبو الغربي والشرقي وفريق الافنديةومحطة السكة حديد وحي البوسته والسرايات وبركات القرية النموذجية التي تتكون من الاخوة الشماليين والجنوبين وأهل الغرب وأبناء الجزيرة المروية من مختلف القرى والمدن، وبركاته ست فارم وأم سنط والسوريبا والشكابه وود عشى ، لذلك نقل لاهل الانقاز فلتكن بركات هي مثل التعايش والنموذج الحي لاهل السودان جميعاًحيث توجد بها أكثر (12) لهجه محلية وبالرغم من إختلاف هذه الالوان والاشكال والهجات ولكن تجد المجتمع الراقي والمثقف وتجد التعايش السـلمي والحب والتأخي الذي تنشده بلدنا حتى تخرج من هذا النفق المظلم وكيد الاعداء لنا لذا من واجب أهل الاعلام المرئي والمسموع والمقري أن يصـلطوا الضوعلى هذه الدينة، القرية الحية والهامة في تاريخ السودان كنموذج حي ومعاش حتى تعتبر مثلاُ يصبح مضرب الامثال لطامعين والمروجين والذين لا يريدون للسودان الاستقرار والامن والتاخي والرخاء وللحديث بقية إن شاء الله تعالي
> محجوب النقر
> >

رضا حسن محمد

08-12-2006, 11:33 PM

الاخ نور الدائم
ده بس من ذوقك العالى
تسلم يا غالى
خليك قريب

رضا حسن محمد

08-12-2006, 11:41 PM

ألاخ Admin
تحية عسجدية
لك الشكر اجزله ولصديقى محجوب النقر الورد والقرنفل والياسمين وصوت ابوعركى
ويلا نواصل عن بركات امنا الزينة
سلام للجميع

رضا حسن محمد

09-12-2006, 09:04 PM

احدثكم اليوم سادتى عن جدى الراحل المقيم الحاج محمد صديق او يابا صديق كما كنا نناديه ،انه رجل باخلاق الصحابة عاش صدفة فى عالمنا المعاصر ، عاش جدى زهاء المائة وعشرة وكأن الله قد استجاب دعائه بان يمتعه بسمعه وبصره وقوته ما ابقاه ، كان يابا صديق زاهدا فى المال والدنيا وكان رزقه ياتيه رخاء حيث اصاب ، كان مشهور بعبارته ( قول يا لطيف ) حتى عرفه اهل بركات بها وعبارته ( الصبر مفتاح الفرج) وكان دعائه المفضل ( اللهم زوج البنات ورخص الحاجات)
ولا اجدنى مبالغا ان قلت انه طوال هذه المائة وعشرة لم يكذب ولم يغتاب ولم ينافق او يداهن ولا نزكيه على الله
كان ينادينى بعبد الرضى وكان وما زال هذا الاسم احب الاسماء الى قلبى ، كان ذا حكمة بالغة ، كان يوصينى بان استثمر فى الذهب لان اسمه العزيز وانك اناحتجت لصرفه لن يدرى بك احدا وليس كالرجل الذى اشترى بقرة وعندما اراد بيعها اخذت البقرة تصيح وانكشف حاله ، كان يقول لى ان الزوجة شاورها وخالفها ، اما انا فزوجتى اشاورها واوافقها وفى سرى اقول يا ريت كان سمعت كلام جدى
اما اخوانى (اولاد حسن ) بدء من نزار حتى احمد متعهم الله بالصحة والعافية يخافون من زوجاتهم ، ما عداى فانا جعلى طالع لابوى ( انا الكلس انا الكادلب انا المر )
كان يابا صديق يعمل بالتجارة بين مدنى واسوان واستقر بمدنى وكان قلبه معلق بالمساجد وبمكة والمدينة
التحية لك يابا صديق فى الاعالى واسال الله العى القدير ان تكون فى الفردوس الاعلى
برجع ليكم

نزار حسن محمد

10-12-2006, 12:50 AM

عبد الرضى بجيك برواقه ...اصبر يا جعلى الشوايقه...
مداخلتى هنا للرائعين ..الباشمهندس عصام الدين حمدتو والاخ ابوبكر الادمن وابن المنطقه محجوب النقر.. لقد هيجتم الذكرى بحديثكم عن بركات ليس لدى تعقب كثير بل اتمنى التواصل عبر هذا البوست
لانى بصدد اصدار كتاب يحكى عن مجتمع بركات الاجتماعى فلكم كل الود ومشكور ياعبد الرضى..

محمد السر احمد

10-12-2006, 04:00 AM

اولا اشكر اخي الاكبر رضا والاخ نزار و العم عصام حمدتو علي ما قيل في بركات لكن بالجد الواحد مهما قال في يركات ما حيكون ادها حقها
اما الجد محمد صديق ذلك الرجل التقي يصعب الحديث في وصفة

رضا حسن محمد

10-12-2006, 09:47 PM

ود السر الخال الدغرى ما دوار
ارسل لك ترانيم البقارة ( اتمنى يوم زولى القبيل )
ذلك الالق الذى يبرق فى عينيك انم هو ارث السر عواض الصقر الذى لا تنوم عيناه فىالحارة ولا يحوم فى الفارغة كما قال ابو السيد
نتلاقى انشاءالله

رضا حسن محمد

10-12-2006, 09:55 PM

ابو النذر
اتذكر عندما كنت فى الصف الثالث ابتدائى انت والخال عمادجوهر وقمتم بتاليف
لمن كنا صغار
كنا بنلعب فى الاشجار
كانت لينا نغمة حلوة جميلة

كيف بالله لقيت الذاكرة دى؟

نزار حسن محمد

11-12-2006, 01:17 AM

والله بالغته يارضا .. تعرف ذكرتنى بعد تاليف هذه القصيده اتجهنا للاناشيد الوطنيه .. وكانت المناسبه
انقلاب هاشم العطا فماذا قولنا ..
تلاته يوم... تلاته يوم ...تلاته يوم ما ضغته نوم ياهاشم
حرام عليك .. حرام عليك ..حرام عليك تقطع اضنيك ياهاشم
بعد ذلك قمنا بى التلحين...وكانت الاجازه الكبيره وكل افراد العائله بالحوش الكبير قمنا باداء النشيد قام هاشم حسن عبد القادر قعد ابكى وقال عشان اخوى اسمه جعفر ..ونحن بنقصد بجعفر ..جعفر نميرى
وبى هاشم ..هاشم العطاء... بى ضالين امين حتى سكت... (( وكانت لنا ايام))

محمد السر احمد

13-12-2006, 10:04 AM

هلا بناس بركات الغزاز و اولاد الخالة والاخت و الله الواحد فرحان لانو بعرف بحجات اول مرة الواحد يعرف وجد انا مستمتع و حقو نسميه ركن اولاد بركات
ولك التحية والتجلي اخي رضا

رضا حسن محمد

15-12-2006, 09:24 PM

احدثكم احبتى اليوم عن بركات فلاتة ، والفلاتة قوم ذو خلق دمث ، طيبوا المعشر ، وهم ينحدرون اصلا من اصول نيجيرية ومالية وسنغالية ، هاجروامن حقب طويلة وكانوا يقصدونمكة والمدينة للمجاورة ، فالذين استطاعوا عبور البحر الاحمر ، جاوروا وتجنسوا واصبح لهم اسم عائلةيعرف بالفلاتة ، اما الذين لم يستطيعوا عبور البحر لضخامة مواشيهم فقد استقروا بالسودان وسكنوا على ضفاف النيل الازرق فى سنار وسنجة والدمازين وبعض قرى الجزيرة
نرجع لفلاتة بركات ، فقد سكنوافى طرف بركات وسموها بركات فلاتة وهم كعادتهم يحبون العزلة فلم يختلطوا كثيرا باهل بركات الا نفر بسيط امثال الحاج ابكر وابناؤه التجانى وبشير (عليهم رحمة الله ) والعاقب الخياط وسليمان وعمر وابا وصالح وكانويعملون فى سوق بركات بالخياطة
وهم قوم اولو باس شديد لا يمرضون ابدا وان مرضوا فانهم يتعالجون بالعلاج البلدى الذى هوغالبا احسن من علاج الدكاترة ، واطفالهم اقوياء جداتجدهم ا24وعشرين ساعة فى الترعة ، لا تصيبهم البلهارسيا ولا الملاريا ، يضربون الاقاشىوالقدوقدو ، فى يوم كان عندنا معاهم مباراة ،واتفقت مع فوكس كى نضرب احد لعيبتهم واسمه الديبة وكان اصغر منى بحالى ال15 سنة وضربته بكل قوتى قام زى الحصان ، وكادت رجلى ان تنكسر
وفى يوم كان عندهم مباراة مع هلال الجعليين وفاز الفلاتة 2/صفر وبعد المباراة استوقفنا المرحوم زامبيا وقلنا ليهو الفلاتة رشوكم ، قال فلاتة شنو والله زمان قبل ما الراعى يجى بنكون اديناهم 12.واحد من شباب الفلاتة بركات كان مكيس ليهو واحدة من فلاتة القرى المجاورة ، وقد حملت منه سفاحا وانجبت ولد اسمو حمادة ورفض اهل الفتاة ان يزوجوهو البنية اويعطوهو ابنه امعانا فى تاديبه وكان عندو عجلة زى المرسيدس مكشبة كشب تقيل وكتب عليها( حرمونى منك يا حمادة )
برجع تانى

عوض صقير

16-12-2006, 01:52 AM

السلام عليكم يا أولاد بركات

من ذكرياتى فى بركات كانت لدينا مباراة كرة قدم بين مدرسة الأميرية المتوسطة وبركات المتوسطة وكان تيم بركات فيه من اللاعبين على ما أذكر عواض عابدين وحاتم قاسم وتيم الأميرية شخصى الضعيف وشهاب محمد أبوبكر وأسامه أسكو وعادل شريف والشيخ أبورنات وأمير سعد وحاتم نقه وهشام الريح وكانت مباراة قوية جدا والشىء الملاحظ أن خط دفاع مدرسة بركات يتكون من عتاولة بركات وكانت أجسامهم كبيرة جدا وكنت أنا ألعب فى خانة الجناح الشمال وكان الشيخ أبورنات ماسك الكورة ومتجه لمرمى بركات وعندما رفع رأسه شاف الجماعة جايين عليهو وطبعا هو خواف جدا وفى هذه اللحظة فكر فى حاجة واحدة وهى المخارجة من الكورة وقام بتمريرها لى أنا فى وضع صعب لايحسد عليه وتحت كماشة ثلاثة عتاولة مفتلين من دفاع بركات وأنا لم أفكر فى الكورة أنما كنت بفكر فى المصيبة الجايانى دى وفقط فكرت أنى أتخارج من الكورة قبل وصول الجماعة ديل وفعلا قمت بتمرير الكورة بأقوى ماعندى تجاه المرمى من أجل المخارجة فقط .. والمفاجأة كانت أنها من أحلى الأهداف فى مرمى بركات , وكانت نتيجة المباراة تعادل هدف بهدف .

رضا حسن محمد

16-12-2006, 08:59 PM

يا عوض صقير ازيك
شكرا يا جميل فقد اعدتنا الى زكريات جميلة ، اتذكر مباراة بركات والاميرية وان كنت لا اذكر تفاصيلها ، اتذكران الحفلة التى اعقبت المباراة كان يقدمها صديقى د.نبيل ، عواض عابين كان يملك مواهب كبيرة فى كل الالعاب ، حاتم قاسم كان لعاب جدا وهادى جدا ، هشام الريح كان صديق عزيز وقد تفرقت بنا السبل بعد التحاقه بكلية الشرطة والتحاقى بجامعة الخرطوم
فعلا دفاع بركات كانوعتاولة ، التحية لكابتن كيلا وود المعيلق وعز الدين العاتى
سلام يا جميل

رضا حسن محمد

16-12-2006, 09:15 PM

من الزكريات الجميلة ، اذكر عندما كنت فى الصف الثانى ابتدائى ، فى يوم ذهبت الوالدة والوالد ادام الله عليهم الصحةوالعافية الى بيت جدتى ، ومكثنا فى البيت انا ونزار وعصام ، الوالدة كان عندها حمام ، نزار احضر الطشت واراد ان يصيد الحمام ( الولد صياد وكدة) ولسوء حظه ماتت احدى الحمامات ، اخبرناهو انا وعصام باننا سنخبر الوالدة ، اخذ نزار الحمامةورماها فوق راس البيت قائلا ان الحمامة طارت ، صعدنا انا وعصام الى راس البيت ووجدنا الحمامة شبعانة موت وقلنا له اسمع يا ابوالشباب الحمامة دى ميتة ، قال شوفوا البقول لامى انا بكسره لامن يامن وبذات انت يا رضا عامل حنكك السنين دة ، طبعا انا كنت خايف منو وقلت ليهو انا مالى انشاءالله الحمام كلو يموت وطبعا صاحبنا اطمئنا واول ما امى جات اديتها الشمار ودقتو دق العيش ، اما انا فقد حرمت الشالاع لمدة عشر ايام

Madanawi

17-12-2006, 12:48 AM

التحية لك اخي رضا واخي نزار والتحية عبركم لكل ابناء وبنات بركات التي انتمي لها منذ نعومة أظافري رغم انني مولود في حي الدرجة لكن الوالد رحمة عليه بدأ حياته العملية في بركات وانتهى بها أيضا ً لم أكن أدرك وأنا صغير الفترة الأولى لي في بركات وبعدها تجولنا بحكم عمل الوالد وهو مراجع قانوني في بقاع السودان المختلفة وأول مرة أدخل بركات وأنا واعي كانت زيارة لبيت عمي وزوج خالتي المهندس محمد أحمد عثمان (أبو السيد) رحمة الله عليه وتوالت الزيارات والصداقات مع اخوتي أولاد بركات حتى عدنا اليها مواطنين بحي السرايات جيران عمنا أحمد موسى . ,ا ذكر من الأصدقاء من أبناء الجيران والدفعة بجامعة الخرطوم من بركات على سبيل المثال لا الحصر أخونا محمد حسن، سامر حسن، وغسان حسن، وأولاد العبد وأولاد ود الشيخ و أولا دالسر عواض ومنير كباشي والطيب سعد و راشد همبول ورضا كمال وأحمد قمر واواواواو وأذكر الملح وبصات مكتب الجزيرة في الخرطوم
ورابطة أبناء بركات بجامعة الخرطوم والجلسة الاسبوعية يوم الثلاثاء والشعر والغناء والسمر والله أيام ليتها تعود والتحية لكل من مر ببركات أو سكن بركات أو سكنت بركات في دواخله.

Madanawi

17-12-2006, 12:49 AM

نزار حسن محمد

17-12-2006, 08:04 PM

حضرة الاستاذ المحامى عوض صقير .. ازيك ياراقى كيف احوالك بعد العوده من الاجازه .. تعرف ياعوض رجعت لى ذكريات جميله بتلك المباراه وطبعا ذى ماعارف اخوك بتاع مسرح ساكت لكن اتذكر هذه المباراة بكل تفاصيلها وكان مشرف الفريق الاستاذ سنهورى وهو من ابناء حى المزاد وشاءت الظروف ان التقى به وهو يحضر للدرسات العليا بجمهورية بولندا ومضمن الذكريات كنت تلك المباراة
ياريت ياعوض لو ترجع بذاكرتك وتحكى لنا عن فريق كرة اليد بمدرسة الامير...

نزار حسن محمد

17-12-2006, 08:15 PM

مدناوى ...انت ماحقنا عديل اولا الوالد محمد احمدعثمان علية رحمة الله كان من اقارب صديق العمر امين عبد السلام الازيرق وقد تعرفت على الباشمهندس محمد احمدعثمان عن قرب فقد كان نعم الاب والصديق له رحمه... ما بيتكم بالسريات فقد كان طريق عودتنا من المدرسه حيث كنا اصدقاء فى تلك الفتره صلاح محمد عبد الرحيم موجود الان بامريكا ثم اسامه محمد عبد الماجد موجود الان بالسعوديه
ثم سيف اليزل عبد الوهاب رجل اعمال بالسودان طبعا هذه الاسماء غريبه عليكم ولكنهم من ساكن بركات الاوائل..مرحبا بك مدناوى.. او بالاصح بركاتوى..فى هذه الونسه وماتنقطع

نزار حسن محمد

17-12-2006, 08:25 PM

الجعلى شال سوطه وال بباطنه وامـــوته
ياحليل عبد الرضى لماكان جعلى..بالله يارضا تتذكر لما جبت فيك قون وانت حارس مرمى فريق الكفاح
وانا مهاجم لايشق له غبار فى هجوم هلال الجعلين؟؟؟

رضا حسن محمد

17-12-2006, 08:43 PM

يا مدناوى
ايها الممتلى بالشواطى والنخيل والبحر ، لك الكرنفال وكل ما هو جميل ،
لقد اعدتنى الى ذكرياتك دائماامامى كما قال العندليب ، لك تعظيم سلام على طريقة نابليون ولك الحضور هنا ، قرب تعال ما تبتعد

رضا حسن محمد

17-12-2006, 09:00 PM

ابو النيز دخرى الحوبة
اتذكر تلك المباراة وانت كنت سريع جدا ، وفى احدى الهجمات اصطدمنا اناوانت وانا قلت ليك ( انعل ابوك ) وعند زهابنا الى البيت انت اخبرت الوالد بان رضا قال كدة وانا انكرت بشدة والوالد الله ينعم عليه بالصحة والعافية قال لى والله لوانا ضربتك فى الكورة تقول لى (انعل ابوك )
اتذكر ايضا صديقنا الراحل زامبيا والذى احزننى خبر وفاته جدا قال زامبيا الكورة الت فقعها نزار (اى شاتها )شدة ما قوية لمن اولاد الفلاتة جابوها بالعجلات
اتذكر فى هذا السرد صديقك حسن محمدعبد الرحيم ذلك الراقى المتواضع الذى يشبه زيدان ابراهيم
قناعتى الشخصية ان حسن كان العب واحد فى العالم

رضا حسن محمد

17-12-2006, 10:31 PM

يا معزطه
انا بعد ما كتبت الرد حتى عرفت انك معز ، ياخى مشتاقين ، مالك ياكافى البلاء ما بتسال عن الناس ، غسان قال ان معز بعد ما عرس حارب الناس ( مرتو هارشاو )
التحية عبرك لصديقى الباشمهندس الشفيف غازى ، انه رجل جميل حتى الثمالة
لكما الحب

Madanawi

18-12-2006, 02:51 AM

الاخ نزار لك التحية مجدداً، ناس الازيرق ديل اهلنا بالحيل ومن ودالنعيم كمان والحقيقة انا كنت في دبي وابو ظبي قبل اقل من شهر عشان المعرض بتاع جيتكس - كمبيوتر وكنت حريص انه اوصلك لكن اتاري اليوم في بلدكم دي زي نفس السيجارة. الاسبوع كمل وما عملت ربع الاشياء التي كان مخططاً لها ومن ثم رجعت السعودية تاني لكن جاييكم في اول شهر تلاتة لمناسبة زواج اخونا الطيب سعد الطيب في ابو ظبي.
استأذنك اشيل رقم موبايلك من غسان حسن ما هو معانا في غيبوبة السعودية هنا عشان لما اجي الامارات اتصل بيك انشاء الله.

أخونا رضا كيفنك يا أخوي والله زمن طويل كيف الشباب والعجايز واواوا ، غسان الحاقد الولد دقش قال هارشاني المرة والله دي قصة يا معلم. لكن صاحبك الايام دي معذور وهترشتو زايدة عشان كدا ما مؤاخذ وانت عارف السبب (ما لاقي هراشو لسة) .

برجع ليكم تاني يا حلوين،،،،،،،،،،،،،،،،،،،،،،،،،،،
في وداعة الله

نزار حسن محمد

18-12-2006, 10:18 PM

الحبيب ودبركات بالله اول حاجه دايرك تعميله تغير الاسم لبركاتوى ليس عنصريه ولكن هناك عدد كبير من الاعضاء ذكور واناث لهم نفس الاسم لهذا سوف تكون مميز باسم بركاتوى.. بعدين انا فى انتظار وصولك للامارات وكتر الف خيرك العرفتنى بزواج الطيب سعد الطيب ود جيرانا بغرب الترعه والسريات
ورقم مبايلى 00971507877187 وداير اعرف اخبار العريس غسان الصعب المتكل بالشيعب عرس حق الفانانين ماداير ادفعه يعنى عرسه كله ملح كدى نشوفه لقدام بعمل شنوه لكم تحياتى وانتم تناضلون فى بلاد السعوديين ذبد البحر

Madanawi

19-12-2006, 12:11 AM

أخونا رضا غسان كان معاي قبل شوية في التلفون وقال لي انك رحلت حي الصفا تقاطع الشربتلي مع أم القرى، والله بااااااالغت يا رضا أنا ما ساكن جنبك في شارع الأربعين خلف مطعم البيك ومستوصف الأنصار يعني يا معلم في مشرفة سوا وفي الصفا سوا. اتوقع مني زيارة في القريب انشاء الله مع العريس بتاع الملح قبل ما يمشي السودان لانو جاتو أوامر من وزارة الداخلية لازم يضحي في السودان. فتك بي عافية

مشكور يا نزار على الرد السريع وارسال رقم التلفون كمان. الطيب زواجه يوم 8 شهر مارس 2007 في ابو ظبي تقول شنو بس ناس الرياض قايمين ليهم في برنامج تعميق الصلاة بين دول مجلس التعاون الخليجي لانه السنة الفاتت عندي ود خالتي شاف ليهو بت من ناس السلطنة وبتقرأ الجامعة في الامارات داك عملة عجيبة كمان سيرة من الرياض الى ابوطبي الى العين والى السلطنة وبالعكس.
عشان كدا كلام ود عمتي صاح لمن كنا ماشين لي زواج غازي محمد أحمد من مدني لي كسلا قال أي عزابي يفتح لينا عينو لانو أي عروس تكلف اكتر من جالون بنزين ولا تقطعنا كبري حرَم الا العريس يمشي براهو!!!!!!!!!!!!!!!!!

رضا حسن محمد

19-12-2006, 08:48 PM

مدناوى الغالى
انا مستنى زيارتك عشان الاقيك بالفل والقرنفل ونغنى ليك نور بيتنا شارع بيتنا يوم جيتنا
سلام ياراقى

رضا حسن محمد

19-12-2006, 09:01 PM

ابوالنيز الكاردلب
اتذكر عندما قررت ان تقيم دورة رياضيه للمرحوم ابراهيم عواض ذلك الشامخ الذى يشبه اباه كرما وشهامة ورجالة واتمثل فيه قول لبيد ابن ربيعة
من معشر سنت لهم ابائهم ولكل قوم سنةوامامها
وهم العشيرة اذا العشيرة افزعت وهم فوارسها وهم حكامها
وتذكر انك عملت كتيب عن الراحل المقيم والكتيب راقى مثلك ومثل كل اعمالك
اتذكر انكتحدثت عن ماثر ابوخليل واجريت حوارات مع اصدقاء عمره
واذكر فى الغلاف ابيات شعر لااذكر كتبتها انت ام الوالد عن ابراهيم :
ستبقى فى عيون الناس نهرا يفيض بخيرهويكون بحرا
فقد دفعت قلبك والمحاجر نذرت العمر قرباناومهرا

رضا حسن محمد

19-12-2006, 09:38 PM

احدثكم عندما كنت فى الصف الاول بمدنى الثانوية فى اواخر عهد نميرى ، كانت المظاهرات قد اجتاحت البلد وقفلت جميع المدارس ، ذهبت مدرسة بركات الثانوية وكانت تلك اولدفعة بها وكان معظمهم اصدقائى ،وجدتهم يتحدثون مع مدير المدرسة الذى طلب منهم الانصراف الى بيوتهم دون شغب ، توجهوا الى مجمع مدارس بركات عن طريق السرايات ، كانت اول مدرسة فى طريقنا مدرسة بركات الابتائية بنات ورميناهم بحجارة كثيرة اخذن يصرخن وخرجن مهرولات كضياءمصا بيح تناثرن من شعل ، تركناهم بسلام وتوجهنا الى بركات الابتدائية بنين ورميناهم بحجارة كانها لظى ، ما هى الا ثوانى حتى خرجوا كالثيران الاسبانبة ، كانو رجالا عتاولة اولهم حيدر (الرتو) كان يدرس فى سنة سادسة اذا رايته حسبته فاينال هندسة (اصلوناس الهندسة بتاعين تربيت ) توجهنا صوب بركات المتوسطة بنين ،رميناهم بحجارة من يحموم ، خرجو مسرعين كخيول الريح فى جوف العتامير ، تحالفنا كتحالف مدنى وكوستى ،وهتفنا ضد كل شى :
لن يحكمنا طيش حنتوب
العار العار اخوان الجوع
لن يحكمنا الامن القومى
ثم توجهنا الى بركات المتوسطة بنات ، رميناهم بحجارة حنينة مثلهن ، خرجن مثل القطا الشلن قلبى ولعبن بيهو وتركوه ،وتحالفن معنا بخجل وكن يهتفن بدلال وغنج :
تسقط تسقط حكومة مايو
الشعب حعان لكنه جبان
احداهن طارت طرحتها بدون قصد ، وهرول بغض الطلبة تجاهها ، اذكر احد الطلبة من مارنجان خطف الطرحة وقال( يا جماعة اشمها وارجعها )
تركنا الهتاف واخذنا نغنى :
بقيتى بعيدة يا سارة وفضلنا نشيل هموه اتنين
حديثك كان بجيب الناس يعمل فيك عسل عينين
بدورك سارة تتعالى وتتعالى تتعالى
وتتعالى وبدورلك زين
بدورك تاخدى فى الدنيا
وتعرفى فى الهوى العاشقين

عوض صقير

20-12-2006, 02:35 AM

أخونا العزيز نزار

ذكريات فريق كرة اليد بمدرسة الأمير

يتكون من شهاب محمد أبوبكر وممدوح محمد الجاك ونزار حسن (بركات) وحاج العبيد وماهر مندلى وعصام كرار ونادر عبدالله عشرية ( له الرحمة والمغفرة ) وخالد كودى وشخصى وطبعا فريق كرة اليد تم تكوينه فى فترة وجيزة جدا وذلك بأمر من الأستاذ فريد خليفة ( له الرحمة والمغفرة ) وفعلا تم تكوينه بسرعة شديدة جدا وخلال فترة وجيزة أصبح فريق قوى تصدر منافسات الدورة المدرسية بالجزيرة ومن الفرق المنافسة لنا كان فريق مدرسة فرينى التجارية بقيادة اللاعب الصادق صلاح بحيرى .... هذا جزء أرجوا أن تتم ماتبقى

نزار حسن محمد

24-12-2006, 12:55 AM

والله ياعوض الذكريات صادقه وجميله .. مواصله انضم لنا شريف من الدرجه لو تذكره شقيق ميمى
وهنا اتذكر الصديق صاحب البسمه الدائمه المرحوم حوريه عليه الرحمه هذا الانسان النبيل ..واتذكر الاستاذ محمد فضل والذى علمنا فن الحياه قبل مايعلمنا الرياضيات... وكانت لنا ايام

عوض صقير

24-12-2006, 02:09 AM

أخى نزار
فعلا ذكريات وما أحلاها
نسيت شريف خليل والله أسمه سقط سهوا وهو شخصية ظريفة جدا ومعنا بالرياض
الرحمة والمغفرة لأخونا محمد حورية المحبوب للجميع

وأيضا لابد من ذكر أسم الشهيد أبن بركات طه يوسف عبيد له الرحمة والمغفرة وهو الراجل الفنان الموهوب حاضر البديهه , نسأل الله أن يعوض شبابه الجنة

بدر الدين محمد

24-12-2006, 03:00 AM

الرحمة والمغفرة لأخونا محمد حورية المحبوب للجميع
عوض .. السلام عليكم (المرحوم محمد حورية ) جارنا ؟؟ حي الجامع؟؟

nasa

24-12-2006, 08:15 AM

عبد الرضى الرجل الرضى ود كوستى (ياحسيسى ياحسيسى رضا حسن عريسى استاذ الانجليزي)
اوعه ليل الغربه
ينسيك ريحه الطين فى جروفنا

رضا حسن محمد

24-12-2006, 09:38 PM

يا ناسا
عرفتك يا جوزيف
جيوتونا فى بيتنا وماب دقت اميرة دق العيش ، بنجيكم فى الامارات ونكسر ماب وامها وابوها
لم نجيكم جهزوا لينا القهوة بالجنزبيل ، تحياتى لسوسو

lolo91

25-12-2006, 12:08 AM

كيفكم يا خالو نزار و خالو رضا مشتاقييييييين و الله
و الله عندكم ذكريات طفولة جميلة في بركات كان في البلا نحنا هنا في ابوظبي ما عندنا ذكريات غير القراية و التلفزيون
ان شاء الله تكونوا عرفتوني

نزار حسن محمد

25-12-2006, 01:04 AM

تعرفى ...ياككويه انا كلوتى واجعنى ليوم الليله لمن كنت تصرى اشيلك وانومك ..لكن المثل بقول اغلى من الجنا جنا الجانا ..وخالك بقول لك اغلى من الجنا جنا الاخت .. والى الامام دوما عشان خالك منتظرك تتخرجى دكتوره عشان النظر بقى مجلى .. وانتظرى تعليق خالك عبد الرضى ..

عوض صقير

25-12-2006, 01:11 AM

الرحمة والمغفرة لأخونا محمد حورية المحبوب للجميع
عوض .. السلام عليكم (المرحوم محمد حورية ) جارنا ؟؟ حي الجامع؟؟

السلام عليكم أخى بدرالدين

نعم محمد إبراهيم عبدالله حورية جارنا وصاحبنا وحبيبنا
توفى إلى رحمة مولاه قبل سنة ونصف بمدينة الطائف بالسعودية
أثر علة مفاجئة

اللهم أرحمه وأغفر له

nasa

25-12-2006, 03:52 AM

الاخ عبدالرضي مجهزين القهوة بالجنزبيل ودخلنا مآب معهد ملاكمة لرفع الجرعات بتقبلوا التحدي

رضا حسن محمد

26-12-2006, 04:18 AM

ولى
القصيدة دى من خالوعبد الرضى
انا فى الغربة بهديك اغنية
فيها قصيد ومشاعر حية
سجم القال انك منسية
وانتى حبيبةوغالية على
وانتى الول نور عينيى
من طيب قلبك
ادى الدنيا معاك شوية
يا سمراء وسليمة النية
هاك زهور العيد الحلوة ندية
تصافحى بنات الشلك العيدم دية
وتسعد شوفتك بنوت مدنى والشمالية
هاك قليبى رسالة ريد وعيدية
يتتاتى عليك
تقول شايلاهو هاشمية

كيف لقيتى خالو

رضا حسن محمد

26-12-2006, 04:21 AM

يا ناس السلع
نجيكم فى ارضكم ،نهزمكم ونغنى البن البن تنتنوا حتى ولو الكابتن ناسا ولا ساسا
اقعدوا عافية

lolo91

26-12-2006, 05:51 AM

الله قصيدة خطيرة يا خالو
والله ما كنا مكتشفين المواهب دي
ماما بتقول ليك رسل ليها العيدية ؟؟؟؟؟ وما تنسانا معاها

nasa

26-12-2006, 09:01 AM

:p رضا انت لمن كنت حارس الكفاح كنت بتخاف من هجوم قلب الاسد وتقعد تكبكب من هبار ومروان كانوا بعبع ليك بتستعين بأمير الامين .رأيك بصراحة

رضا حسن محمد

26-12-2006, 09:45 PM

ناسا الوهم
عيدكم زهور ورياحين
انا لو كنت بخاف من هجوم قلب الاسد وناس هبار ومروان الوهم ديل ما كان جابونى من الجامعة ورصعناهم 2صفر وخليناهم يفرفروا زى جمال فرفور
(انا المر انا الشين )
انا التسخو الدخل البحر مرق بوسخو
انا التكل الوقع فوق ستو
انا الككو الخفجت الطين
وان عدتم عدنا
وبرضو مشتاقين

رضا حسن محمد

26-12-2006, 09:47 PM

Lolo91
سمعتى بالفقير الكسر زيرو للغنى
انتو سمحين ومرتاحين ونحن نرسل ليكم العيدية
الشوق الالف الاف

محمد السر احمد

27-12-2006, 09:35 AM

يا اولاد عم حسن و حجة فائزة بعد العز و الرجال والله الونسة معاكم سمحة بالحيل و الواحد بدخل ركن بركات و يحس انك معو و رضا اكتشفنا حاجات ما كنا عارفينها دحين امرق الباقي عشان ناس منتدي ود مدني يشوف فنون وجنون

محمد السر احمد

02-01-2007, 02:17 AM

يا ناس بركات كل سنة وانتو طيبين و ربنا يحقق الامنيات

رضا حسن محمد

06-01-2007, 09:39 PM

اهلنا الحلوين كل عام وانتم بخير
الحمد لله الذى وفقنا لاداء فريضة الحج مع الوالد والوالدة ، وكانت حجة جميلة وكان معنا الاخ الكاردلب محمد حسن (صقر الخلا ء عينيك سلاح جارحة) وزوجته الرائعة ام سامر والاخ العزيز علام يوسف وزوجته الطيبة وبعضا من نسابته
برجع برواقة عندى شغل لذيذ مع ابو نزار
يلا سلام

محمد السر احمد

07-01-2007, 12:33 AM

حجا مبروكا وذنبا مغفورا انشاء الله و حمد لله علي السلامة

رضا حسن محمد

07-01-2007, 06:23 AM

ود السر الخال البلال
سلاما طيبا مثل والديك
ايدو مبارا الينا اليكم
احمد السر والحاجة ام احمد وزوجته وبناته ادوا الفريضة ورجعوا فى امان الله
تحياتى لحاج السر وسمسم

nasa

07-01-2007, 06:31 AM

حاج رضا ربنا يتقبل الحجة منك ومن الوالدين المهم عبدالرضي جهز بعد كده الضحاكات

البراء

07-01-2007, 06:39 AM

عبد الرضى تقبل اللة منك ومن الحجاج وانشاء اللة يجمعنا بكم في اطيب الاوقات واسعدها

رضا حسن محمد

07-01-2007, 09:04 PM

حاج رضا ربنا يتقبل الحجة منك ومن الوالدين المهم عبدالرضي
الحاج ناسا
جاهزين لحماية الدين
جاينكم فى السلع جهزوا المواعين
موبة الحلوة كلاما حنيين
جهزوا وشها
اميرة ملاكمة التدشيين
سلام يا الحبيب

رضا حسن محمد

07-01-2007, 09:07 PM

عبد الرضى تقبل اللة منك ومن الحجاج وانشاء اللة يجمعنا بكم في
البراء العزيز
عيدك جميل يا حلو
انشاالله نتلاقى فى الرمل الدقاقة
ونغنى الفرقة حراقة
خليك قريب

البراء

08-01-2007, 07:48 AM

والله ياعبدالرضي أوع تستهين بمقدرات مآوبه نحن جيناكم في بيتكم وكسرانكم بس خليها منافسة شريفه بعيده عن حازم؟ ابولسان طويل.

رضا حسن محمد

09-01-2007, 09:18 PM

الهاوى يا الهاوى يطول عمرك مع العافية
بعيد ذكراك يا ناسى معاك برقة احساسى
وكت عيونك يعاتبونى وكت نتسالم ونوافى
موبة بتتكسر بتتكسر بدون تدخلات
بس انتوما تتدخلوا
بالله بوسوها لى
(والله يا البراء حيرت قلبى معاك انت منو)

lolo91

10-01-2007, 04:04 AM

خالو رضا.... مشتاقيييييييييييين
حجا مبرورا و سعيا مشكورا و ذنبا مغفورا انشاء الله
كيف ناس حبوبة و خالو محمد؟ان شاء الله بس ما تكونوا تعبتوا في الحج؟
معليش عشان الرد جا متأخر شوية
لكن نحنا نزلنا مدرسة تاني و من اول اسبوع بدو لينا امتحانات و ان شاء الله ح تسمعوا قريب خبر احتراق المدرسة
سلامي لي ناس السعودية كلهم

رضا حسن محمد

10-01-2007, 04:41 AM

ولىالعسل
كل سنة طيبين
انشاءالله تبقى دكتورة كبيرة
تفتحى العيادة وتعالجى المراضة
وتدى الناس حقن لمن يقولوا الروب
وزى ما قال الفنان فى عينيك تظهرلى ونيا دنيا شوقك فيها باين
والرمال الناعسة مشتاقة لمشيك

عزيز عيسى

10-01-2007, 08:03 AM

الأخ رضا،

حقيقة أعجبني الموضوع ووصفك لتاريخ بركات وأهلها ومناطقها. كما أعجبني أيضا تعليقات الزول الجميل نزار ود حسن في سرد الذكريات مما أعطي للموضوع نكهة خاصة. وأسف لدخولي المتأخر.

ناس بركات السمحين أهل الجود والكرم والطيبة.. محسوبكم من أولاد مارنجان.. وطبعا مارنجان وبركات تعتبر منطقة واحدة والناس كلها تكاد تعرف بعضها البعض وتربط بينهم علاقات أخوية وأسرية قوية ومتينة وتجدهم متواصلين في كافة المناسبات من أفراح وأتراح وخلافها وذلك بحكم عملهم في مشروع الجزيرة العملاق.
زمان كنا بنحسدكم وبنقول أولاد بركات مرتاحين لأنه بصات المشروع كانت بتنقل الطلبة من مناطق قريبة من منازلهم وأنحنا أولاد مارنجان (الله لينا) كنا (بندق الكداري) مشوار طويل لغاية الزلط، كنا نقضيها ونسة ورياضة، علشان كدا كنا دائما بنغلبكم في الكورة أيام الحكم الدولي القدير عابدين (جلد) الله يذكره بالخير.
أيام الطفولة كنا برضو نمشي كداري من مارنجان لغاية بركات علشان نحضر المهرجانات السنوية التي ينظمها مشروع الجزيرة بمناسبة عيد القطن (تتذكر يا نزار). كنا نشاهد الكرنفالات الرائعة بالقرب من مدرسة بركات الإبتدائية والمتوسطة. بالإضافة الى الرقصات الشعبية التي كانت تقدمها مختلف القبائل. وكانت هنالك فقرة عروض جوية تقدمها طائرات الرش التي يقودها الخواجات وكان أروع شيء مشاهدة الهبوط بالبارشوت وفي المساء الحفل الغنائي الذي يشارك فيه كبار الفنانين والموسيقيين في الإذاعة والتلفزيون.

لدي العديد من الأصدقاء والمعارف في بركات أذكر منهم الاخوان خضر حسن عابدين، وأنور قمرالدين زمراوي و محمد كمال وكنت أعرف المرحوم الفنان حسن الباشا. معليش المدة طالت والذاكرة خربت.

وزي ما بقولوا مارنجان وبركات تسعة لغات والعاشرة إبتسامة.

رضا حسن محمد

10-01-2007, 10:56 PM

الاخ العزيز عزيز عيسى
كل الشوق ليكم ولحلتكم وللاشرافة الفى عينيكم
زى ما انت قلت بركات ومارنجان حاجة واحدة وهناك صداقات قوية بين ابناء المنطقتين وكنا بناعب معاهم الكورة وهم كلهم شفوت يدقوا الكورة دى زى ما الله خلقها ولهم زجودكبير فى الاتحاد والاهلى مدنى والهلال والمريخ واذكر فى هذا الصياغ المعلم الديبة وعمر النقى وخلف الله (اهلى مدنى وخضر ودالمنفوخ ) ورغم دة كنا مرات كتيرة بنفوزعليهم ايام الكفاح وقلب الاسد ، لى صديق من اولاد مارنجان كان يدرس معنا فى بركات الابتدلئية وبع داك انقطعت اخباره وكان عندو اسمين عاطف وعيسى بتعرفو؟
اذكر من اولاد مارنجان ابناء فضل الله ( كمال وجلال ) وناس معتصم بيضاب ومحى الدين السمانى
وابناء عبد الحفيظ (بركات وعادل ) وسيف وفخرى قاسم
ويا عزيزعيسى ليهمارنجان مسمنها مارنجان السودان
وشكرا لحضورك الجميل وخليك قريب

رضا حسن محمد

15-01-2007, 10:22 PM

عاد بالطائر الميمون فى الثامنة ونصف منصباح اليوم الوالد والوالدة الى السودان بعد اداء فريضة الحج وقد سافرا عن طريق الصالة الشمالية الاقل اذدحاما فشكرا لعلى التجانى الخال البلال ، بكت حاجة فائزة عند الوداع فبكبت بت دبلوك وهبة حسن وغسان حسن وصغارى وابى وتجلدت لازم يكون فى واحد صامد وان تحرق داخليا الله يجمعنا تامين لامين لا شريمة لا تريمة زى ما بتقول حاجة عزيزة ، ساغتم كثيرا بعد ان سررت قليلا

rasheed

16-01-2007, 01:38 AM

السلام عليكم ورحمة الله وبركاته وبعد ،،
عيني باردة عليكم وعلى ذكرياتكم وربنا يحفظكم ،،
بكتب بصفة أنو عودي في بركات عود مرا (( مرأة )) العزيز رضا والله الشوق مطر والباقي كتاحة خليه ساكت ،، دائماً ما تتحفنا بذاكرتك القوية ،، التي تحصص تفاصيل الذكريات حصصة ،، عجبني شديد مداخلة معز طه والكلام القالوا غسان صحيح 100% وما تعمل لينا نشم يا أبو محمد وإن شاء الله محمد بطل أكل المناديل ،، وكذلك أعجبت بمداخلة عزيز عيسى صديقنا بعيد المسافة والقريب للروح لك التحايا برمضان والعيد والحج والعيد وطبعاً عندكم هناك رأس السنة ،، الأخ عوض صقير لك التحية ولنتواصل يا حبيب ،، لكن يا نزار أنا قائل رضا وحسب الشكل الفوقاني أكبر واحد أتاريه طلع شباب ،، وحقيقة رضا كاردلب تمام وكان في حراسة مرمى فريقنا في دافوري جده الذي نكن له ذكريات جميلة أما عن غسان فحدث ولا حرج من عرس قطع الخبر يا الله السيرفر بتاعو يكون خلاه في مدني ،، الله يرحمك يابا محمد صديق ويا جدي أحمد عواض ،، مع خالص تحياتي ،، بالتأكيد لازم أكون زي معز طه عشان ما يزعل وبما أن عودي عود مرا حأقوم أطبع البوست كلو وأعرضو على الحكومة ،، ما قلتوا نوبة والله زي رضا ما بندسها ،، كيس نايلون بس ،،
حاشية أفتقدنا العزيز سامر في هذه البوستات ،، أظهر وبان ،،،

محمد السر احمد

16-01-2007, 03:14 AM

حمد له علي سلامة الحاج والحجة علي عودهم بالسلامة الي ارض الوطن سامين والحمد لله.
لكن يا الرشيد انت اكعب من غسان طلعت داير تطلع البوست كلو توديهو كلو وشكلو الجميح حا يفلس بسببك انت وحكومتك يا تعبان

رضا حسن محمد

16-01-2007, 09:06 PM

الرشيد الغالى السمح
والله مما غادرت الى الرياض، جدة بقت مسيخة ، اتذكر ذلك الهدف الذى احرزته عندما حاول احمد السر ان يحاورك وقطعت الكورة وخليت احمد السر ومنتصر شلبى يتشاكلو زى الضراير ، واتذكر ذلك الهدف الذى احرزته ب ......... ، حيقيقة انت ما لعاب زى اخوك عباس ركس لكنك تملك حساسيةاحراز اهداف
من النوع العجيب ، حقيقة انك طيب ولذيذ واخواخوان وطباخ ماهر عندما تسافر ام عبد العزيز الاجازة السودان وحقيقة انت رائد المهروشين لكن العاجبنى فيك انك مهروش بمزاجك وما ناكر
تتداعى ذكريات سكنتكم الجميلة جوارنا بحى مشرفه وعربيتك السمحة الشلتها ملح من اخوك وبيت العزابة والكتشينة والجماعة الهارشين مت حريمهم
سلام يا حلو

rasheed

17-01-2007, 01:24 AM

((وحقيقة انت رائد المهروشين لكن العاجبنى فيك انك مهروش بمزاجك وما ناكر)) 00
الغالي رضا حارسنا الهمام ،، كلامك حلو وفيه تخفيف عن الهرشة 00 لكن بمزاجي دي ما أظنها جاية ولا كيف ،، وبعدين يا محمد السر أخسرهم ،، نحنا الخسرناهو عندهم شوية وأنت مالك ومالهم كان قريت قانون زي في 17سنة ولسة في سنة تالته كنا نقول معليش لكن شن جاب الزراعة مع المحاماة 0

محمد السر احمد

17-01-2007, 02:49 AM

ما تزعل يا خالو وبعدين صحي انت رائد المهروشين
ههههههههههههههههههههههههههههههههههههههه

رضا حسن محمد

21-01-2007, 02:44 AM

كدى يا محمد السر نشوفك لمن تعرس حتعمل شنو

محمد السر احمد

21-01-2007, 08:50 AM

افوووووووووووووو انا الساهي وانا اللاهي تسمعني في الشارع ذي جغمت الشاي انا التسخو الدخل البحر مرق بوسخو كمان انا ذيكم يا تعبانين انا القاهر يا رضا اسكت انا ما هبشتك اعمل حسابك

رضا حسن محمد

21-01-2007, 09:51 PM

ود السر
انت من تبيت صغيرزول جنينة
تشبه الفل فى الجناين يا اضينة
امشى يا كتاحة كتح فى عينينا
انت يا المهروش طبيعى وما خطينا
الا اخوك سمسم ياهو دة الاسد لالعرينا
انت يا كتاحة هرشتك فى كل مدينة
وانت كتاحة لو عرست سمحة ولا شينة

كيف لقيتنى ؟
انا التكل الوقع فوق ستو
اوعا منى انا كعب

nasir

21-01-2007, 11:17 PM

اخواني نزار ورضا وكل البركاتتتن
انا ليس من سكان بركات ولكن بركات سكنت جواي
اولا استمتع جدا ببركات طراوة وانتو حلاوة
ما كنت ان اود المداخلة وقطع الزكريات لكن احببت المشاركة وتسجيل حضوري
لي زكريات كروية فقط مع بركات ايام معسكرات اهلي مدني ايام دوري السودان
وايضا زياراتي لمنزل محمود عواض وابناءه عادل وغاندي ومبارك ( الشاي في نادي الاهلي ) اتمني ان تحدثونا عن هذه الاسرة الكريمة المعطاءة وكل التحايا لاهل بركات
وثانيا ذكريات ونحن طلبة بجامعة الجزيرة ايام الامتحانات كنا بنرحل ونعمل معسكر قراية في بيت صديقنا مرتضي زوجته المرحومة نسيب عبدالرحمن السر

محمد السر احمد

22-01-2007, 02:53 AM

رضا والله خبرك عندنا انت البتمشي البحر صباح ومسا
انت المهروش هناك وهنا
انت البتسافر كوستي بوراء

انا قولت اعمل حسابك
و هنالك مزيد

رضا حسن محمد

22-01-2007, 04:36 AM

ود السر
هاك دى
حمادة يا ود السرور
يا زينة يا عبق البخور
يا اصلى يا سمح الحضور
دةاسمو حمد والديبة

رضا حسن محمد

22-01-2007, 04:48 AM

ناصر اخوى ازيك
اشكر مرورك الراقى
الحاج محمود عواض جدى ( خال الوالدة ) عليه رحمة الله ، ونحن نحب النادى الاهلى حبا لمحمود , سافرد له مقالا كاملا غدا او بعده انشاءالله ، زمان كنتادخل مباريات الاهلى مع عادل محمود وكانفى الاهلى لاعب اسمو الكجم يقسم الكورة زى المرارة ، قابلته فى احدىسنين الحج مع عبد الرحمت السر ، وبالمناسبة عبد الرحمن السر دة برضو خالى ، وكان زراع عليه رحمة الله اطلق عليه لقب كزبرة ، لانه كان يعمل مع والده فى الدكان ، زراع قال ليهو اثناء المباراة (والله يا كزبرة كل ما تجى جمبى انا بعطس )
سلام يا حبة

محمد السر احمد

22-01-2007, 09:36 AM

هههههههههههههههههههههههههههههه
مبالغة

رضا حسن محمد

22-01-2007, 09:41 PM

نتحدث اليوم عن الحاج محمودعواض عليه رحمة الله ، انه رجل من الجيل الذى نفتقد قطع غياره ، قويا كالفولاذ والزمهرير لين كالمخمل والشموس ، انه رجل برائحة القرنفل وعبق التاريخ ، كان يحب الاطفال والنادى الاهلى ، كان يحب الكلاب يطعمها ، كان يملك قلبا حنينا مقسم على الجميع، كان طويلا قويا كالمرق ، حباه الله بسطة فى العلم والجسم ، كان يعرف اهل بركات ومدنى فردا فردا ، كان مرجعا فى الانساب ،كان يحتفظ بصور لجميع الناس كما كان يحتفظ بهم فى قلبه الكبير ، كان حكما فى كرة القدمكما كان حكيما مع الناس ،فى احدى المباريات كان طرفها النادى الاهلى وكان هو رجل خط وعندما احرز النادى الاهلى هدفا رمى الراية واخذ يصفق واوقف لمدة شهرين ، تتوالى الزكريات ، اراهو رائحا غاديا بعربته الكبيرة يزور الاهل يجيد الضمنة يعشق النادى الاهلى يتهلل وجهه فرحا عندما يشاهد جكن او عثمان الله جابو ابو الديبة او صلاح كيمياء ، اراه كالحلم ، انه مجدافنا القوى عند علو الموج فوق قواربنا ،حلال الازمات شيال التقيلة ، يتكوبس الحلم يصبح كابوس ادخل عليه فى احد اجازاتى فى مستشفى مدنى مع الوالدة وقد اتعبه مرض السكر ، كان قويا كعادته ، الناس كثيرون هناك السر عواض وعبد الله عواض واسامةوعبد الهادى وغسان وغاندى ، الدكتورة الصغيرة الجميلة تشبه الكزلك ، الما ناقشة ،القارية بقروش ابوها تقول لازم ان تبتر الرجل ويوافقها دكتور ضخم الجثة كبير الكرش ، يرفض بشدة ونضج جميعنا فى البكا ءونخرب نظام المشفى ، يطبق الصمت فللدمع القيام واختصار الكلام وللحزن المقام
نواصل

نزار حسن محمد

23-01-2007, 12:28 AM

اليوم سوف نتحدث عن انسان عطوف حنون ..عندما تنظر اليـــه ترتعب خوفا ..وذلك لتكوينه الجسمانى فقد كان ببنية الصحابه ضخم قوى العضلات.. ولكنه داخل هذا الجسم يحمل قلب طفل برى تسبق الدمعه ابتسامته انــــه
الفقيد المرحوم / محمود احمد عواض
سليل عائلة ابو المكارم احمد عواض... واحد اعمدة العائله الكبيره ... بداء حياته العمليه بورشة رئاسة مشروع الجزيره ببركات .. وكان معروف لدى الجميع احبوه اهل بركات وكل القرى المجاوره واهل مدنى وخصوصا اسرة نادى الاهلى ..كان رياضيا منــذ الصغروقد لعب فى خانة حراسة المرمى ثم اتجاه بعد ذلك للتحكيم وهنا...
لابد من ذكر تلك الطرفه التى ظلت بأذهان الجميع ففى احدى مباريات النادى الاهلى كان الفقيد حكم خط واثناه سير المباره احرز احد لاعبى الاهلى هدفا فما كان من عاشق الاهلى حكم الخط الا
ان وضع راية التحكيم تحت اباطيه واخذ يصفق ناسيا انه حكم!!!
كان ومازال صالون الفقيد قبلة لجميع الاهل وذلك لما يحتفظ به من صور لجميع افراد العائله الكبيره فلا تجد .. مكان بالحائط الا وهو يحمل صوره حتى امتلا الى اخيره بالصور والباقيه بالبومات ..صور يرجع تاريخها لزمن بعيد..
ايضا كان الفقيد يحب الحدائق فتجد فى منزله انواعنادره من شجرالفواكه مثل العنب والباباى والرمان وجميع الحمضيات
كذلك كان عاشقا لتربية الانواع النادره من الكلاب ..بجميع
انواعها.
لم يكن ميسور الحال ولكنه كان محبوبا جدا من جميع اخوانه واخواته وابناء اخوانه واخواته وكل من تعرف عليه وذلك لطيبة قلبه الكبير... كان ساخرا .. وشجعا لايخاف احد فى قول الحقيقه ..
رحل عنا وهو مبتسم ..
الا رحم الله الحاج محمود احمد عواض وجعل البركه فى ذريته اللهم ارحمه واجعل الجـنه مثواه اللهم امين

محمد السر احمد

24-01-2007, 01:12 AM

عمي المرحوم محمود احمد عواض ابن ذلك الهرم الكبير ابو المكارم كما يعرف بهذا الاسم في الجزيرة , عمي المرحوم محمود عواض ذلك الرجل العملاق صاحب القلب الحنين , كان عمي ذبح خروف من قطعية كان لا ياكل منه لان قلبه كان لايطاوعة علي ذلك

سامر حسن

24-01-2007, 01:39 AM

بتذكر زماااان الحوش لما كنا نجي متأخرين ما نلقى حتة نقعد فيها وعشلوبي -ربنا يديها الصحة والعافية- تقول غرقوا لي جوة!!! عزيزة تعبئ الكاسات محنة وإلفة ... كتيرة رحمها الله -زوجة الراحل إبراهيم عواض- تمارس الضحك المعافى وتفتح غرففتها معبراً للحنين ... سعاد جوهر تغدو وتروح شعلة من الحضور المرح ونكهة كافينول الاطفال ... الجميع يعض أنامله لا ندما بل احترافا للحلفاوية سخونة وغيرة ... يموج الحوش كمدرجات مشجعي الدوري الانجليزي ... ضحك هنا وودع هناك نوال يوسف ورجاء بت زينبون يلعبن بربرة ... عبد الرؤوف ومبارك يمارسا هوايتهما بعلاء الدين ... عبد المجيد الراحل يدلك لأمه عطيات الراحلة قدماها من عناء سفر حلفا ... كان حقا بارا بوالديه ... عبد الغفار يفتح باب الدكان وينده:" حاج عبد الله قال ليكم سواا جبنة" خديجة ذات الشلوخ الجميلة تهز الكانون ... رقية والسر منشغلان بحساب صندوق ... حيدر يشكو ألم المفاصل وتعب الدكان ... تدخل نعيمة زوجة جمال عبد الغني توزع على الحضور بخور وتلح عليهم زيارة جمال خليفة الختمية ... عصام يوسف وعصام حسن وصراع شطرنج محتدم أبناء حاج بابكر يتأهبون لتمرين الكفاح وسوداني تميزه رقبة النوق وشكل لا ينتمي للجمال وعشق لمرمى قلب الأسد ... قطم يهتف بصيحاته الواعية رغم ما به كمحلل إجتماعي منبوذ محبوب كمساعد حمد خالد .. أزهري العب يشاغل مروان ويبقى حمودي سيد الحضور ...
سلام كل الحضور ... سأكون قريبا فكونوا هنا

سامر حسن

24-01-2007, 01:45 AM

يتكوبس الحلم يصبح كابوس ادخل عليه فى احد اجازاتى فى مستشفى

عجبتني شديد

رضا حسن محمد

24-01-2007, 04:02 AM

سامر البلال ابذادابجى حار
انشاءالله يعجبوك بناتك السمحات ديل
ممكن نحن نطلب اسولة لابوعلى بس على شرط تدفع لينا حق القرايةالبلاانقليزى القدت جيبنا دى
اى الاولوشرط اخرو نور ، بعدين ابو على دة حكام ذى ابوهو هيييييع

nasir

24-01-2007, 07:40 AM

رحم الله ذلك الهرم الشامخ ابدا محمود عواض
وكذلك اذكر عمنا المرحوم عجب الدرديري في كثير من الرحلات
وفعلا استمد الاهلي مدني سيد الاتيام وحامي الاقاليم من رجاله ومشجعينه الصرامة واللين

محمد السر احمد

25-01-2007, 01:34 AM

ابو سمرة مرحب بيك في بركات ويا رايت تواصل لينا في سرد الذكريات الجميلة والايام الحلوة الما بترجع تاني .
انا داير اسالك صحي رضا حكام وكلام ساي يعني اسد علي وفي الحروب نعامة
و دمت يا غالي

rasheed

27-01-2007, 04:21 AM

والله منور يا بلح المدينة ومنو البجيبك لينا

البراء

30-01-2007, 06:06 AM

عبد الرضي كتاباتك جميله وكما هو الحال اينما توجد يوجد كل ماهو جميل وياسامر ماتحرمنا من كتاباتك الرائعه يارائع

محمد السر احمد

31-01-2007, 04:05 AM

رضا انت وين مسجل غياب

رضا حسن محمد

03-02-2007, 08:57 PM

ود السر
مشغول شوية مندلين وكدة
استنى لى شوية وعندى كمية من الحكاوىالتبل ا لمدينة وقطنا الجميل يحاكى البنات العيونن اهلنا

عوض صقير

08-02-2007, 12:46 AM

ناس بركات الطيبين

كيفكم

أخونا رضا والبقية لعلكم طيبين

حقيقة أسم بركات مربوط فى ذاكرتى بالمرحوم الصديق طه يوسف عبيد لأن معظم زياراتى لبركات كانت للمرحوم طه يوسف عبيد

ربنا يرحمه ويغفر له

محمد السر احمد

10-02-2007, 04:05 AM

يا ناس بركات يا ناس يا بركة وين مطولين وما ظاهرين

نزار حسن محمد

17-02-2007, 09:04 PM

نعم اخى عوض صقير الف رحما ونورعلى قبر الفنان طه يوسف عبيد والذى علمنى قوة الثبات عند حدوث المحن (( امر الله )).. لحظات لن انساه .. قبل وفاة الصديق طه ارسل لى شقيقه اسامه ببركات واخبره بان احضر له بالمنزلهم بالدرجه بجوار مدرسة السنى وبعد وصولى له فطرنا وكان الفطور جبنه وبيض عيون اخبرنى طه بان المحامين سوف يتحركون اليوم من امام المحكمه فى مسيره صامته ضد النظام وقال لى بعد المظاهره نمشى نحضر شريط فيديو لى.. برسلى مع اخوانا خالد كودى..ذهبنا لمخزن مدرسة السنى حيث كان يحتفظ الفنان طه بى لوحتين من المقاس الكبير للشهيد القرشى والشهيد عبد الحفيظ احضرنا الوحتين فى الصالون وكان طه ينظف الوحتين من الاتربه والغبار وقال لى ضاحكن بالله كيف يانزار لو بقينا ذى الشهداء ديل
قالت له يعنى نموت ياطه وضحكنا تركنا اللوحتين ومازالت صينية الفطور بالصالون وذهبنا للمسيره
مع المحامين وكنا طول الطريق نضحك ونتسامر حتى وصلنا ادارة الكهرباء والمياه بالدرجه وكنت اخر لحظات وانتقل بعدها الصديق طه الى الرفيق الاعلى بطلقه سددها كلبا من الكلاب ...منتهى المى كانت عند رجوعى لى منزل الفقيد وانا اراء اللوحتين وصنية الفطور .. وطه ممدد شهيد كنت ابكى بحرقه واقول له هذا ماتمنيته قبل قليل ياطه... رحم الله الانسان الفنان طه يوسف عبيد..

ود ام تريبات

20-02-2007, 04:47 AM

رضا حسن محمد

21-02-2007, 12:16 AM

يا ود ام تريبات ازيك
الشبكة ناس منو ؟
اصلو ناس الشبكة كلهم يكسروا الزول ويرموهو فى الشوك ، ديل ما ناس الشبكة صيادييييييييييين
انت منو يا لذيذ

محمد السر احمد

21-02-2007, 12:41 AM

لك الود وانت تهيج فينا اكانين الشوق لاناس جميلين رائعين طيبين حفروا اسمائهم بمداد من المحنة والعفوية والطيبة في دواخل كل من احتك بهم ...

مووووووزة:

انت ياعمنا الشبكة ..اااااي الشبكة ده ما سمعته انو فيهو ناس القمر بخجل انو يطلع فوق بيتم .... يانااااااااس انا مكتول في حي الشبكة ....

ود ام تريبات مرحب بيك بين اهلك وناسك وابقي داخل
بس ناس منو في الشبكة لانو ناس الشبكة كاتلين ناس كتار
ههههههههههههههههههههههههه

ود ام تريبات

15-03-2007, 05:34 AM

اهااااااااااااا جينا للشمارات البتجيب الشواكيش .... اوريكم ؟؟؟ بالله عشان تخلوني الف يمين وانتو تلفوا شمال صاح؟؟ لا لا اكان ضروري تعرفو انا مكتول في الشبكة تحت برج الارسال !!! وماااااااااااااااااا بقد اقول انا مابقدر اصرح ................... والناس ما بتريح !!!

محمد السر احمد

19-03-2007, 12:02 PM

معتز الريح

26-06-2007, 06:57 AM

رضا حسن محمد

02-07-2007, 09:39 PM

رضا حسن محمد

02-07-2007, 09:43 PM

أحب بركات وأحب ناسها ..
تعرف بركات دي الطبيعة الجميله أثرت على نفسية ساكنيها ..
ياخي ناس نفسياتهم حلوه زيهم ..
راقين .. ما بتقدر إلا تحبهم ..
لنا معهم ايام جميله ..

انا ده البوست البفتش عليهو ..
ولقيتو ..
كنا زمن نفتش ليك
وجيتنا الليلة كايسنا يا فارسنا
دة لانك راقى وجميل
تذكرنى نادى الاتحاد
والمطرة فى مدنى
ومدنى الثانوية
وحى المطار
وصلاح كيمياء
تسلم يا ود السرور

رضا حسن محمد

02-07-2007, 09:46 PM

بركات تلك هي جنة الله في الارض
بركات هذه المدنية الرائعة الحنينة
ناس بركات هم اهل الطيبة والكرم
شباب بركات ايدهم تعمر في كل مكان
بركات الخضراء بركات بركة
احن اليك في كل لحظة وحتي انا بداخلها
وادعو كل من لمن يزور بركات ان يزورها
يا حليلك يا ود السر
نحن انشاءالله ماشين كاتلين عرس سمر
انشاء الله نتلاقى هناك ونرقص الكامبيون الكامبيون
وانت عرسك متين يا حبة

رضا حسن محمد

02-07-2007, 09:50 PM

اخونا المشرف المسعول
بالله البوست دة امانة تخليهو فى مكانو ما تدقسو جاى ولا جاى
عندى حاجات لسة ما كتبته
المرة الفاتت لحستو البوست وهو فى عز شبابو
وانا ما كملتة كلامى
يخسى عليكم يا شينين

رضا حسن محمد

10-07-2007, 04:47 AM

العم عجب الدرديرى عليه رحمة الله ذلك المولع بحب سيد الاتيام وحب ناس بركات لا يفوت مباراة لاهلى مدنى ولا يوفت فريضة من فرائض الله ,تراه بجلبابه الابيض النقى مثل قلبه وقد اتجه صوب استاد مدنى وقد امتلك حب سيد الاتيام جل عقله وقد تراس كثيرا من بعثات النادى الاهلى داخل وخارج البلاد, كان يهتم بالرياضة بشتى ضروبها ولا يبخل بخبرته على النشى كما كان لا يبخل بعلمه الغزير
تراهوفى معظم الاوقات فى بيت الله يعلم الناس امور دينهم ويفقههم فى الدين ويحث الناس على اداء الصلوات فى بيت الله
الا رحم الله العم عجب الدرديرى واسكنه الفردوس الاعلى مع الصديقيين والشهداء