أغيثونا

[منتصر ميرغنى]

احبائىأعضاء المنتدى المتفردين دوما لكم جميعا تحياتى
حلم كل شاب فينا ان يسعى لتحسين حاله ماديا ومعنويا وبامكانه ان يسعى لتحقيقه بكل السبل ولكن بما يرضى الله وللاسف نعم للاسف حاولت تحقيقه بالاغتراب
حزمت حقائبى صوب الكويت ممنى نفسي بعمل يرضي الله اولا ثم يرضينى اسعى من خلالة لتحقيق كل مأربى الدنيوية
فارقت الاهل والوطن وكلى شوق ان اجد واحد ممن سبقونى يخفف على الام الفراق وينسينى جزء من هموم الغربة اللعينة ويكون انيس غربتي ولكم كانت الطامة الكبرى فيهم هل تصدقونى جميع السودانييى بالكويت بعيدين كل البعد عن الاهل والوطن تنكروا لكل شىء حتى الخصال الحميده التى هى سيمانا بين جميع شعوب العالم
لاحد يأنس من وجود الاخر قربة كلهم احقاد وضغائن
ذهلت منهم وانا لم اكمل العام حتى الان خاب ظنى فيهم ولكم كنت افرح بشدة عبدما اسمع ان هناللك سودانى فى المنطقة كذا , ولكم كنت احزن بشدة وانا التقيه فلا اهلا ولاسهلا ولا الف الف حبابكم فقط سؤالهم اين تعمل وكم الراتب
الحمد لله نعم الحمد لله اننى خرجت لهذه البسيطة وانا سودانى بكل المعنى تحدونى الطيبه والبشاشة من كل جانب
ولكن ؟؟؟ ارسل لكم ولجميع الاهل ان تغيثونا حتى نسترد جزء من الطيبة والحنية التى افتقدها اغلبية السودانين بالكويت فهل من مجيب
ختاما لكم جميعا كل تحياتى ومحبتى ويكفينى فخرا قبول عضويتى بمنتداكم
ويكفينى انة اصبح انيس وحدتى وغربتى

من ابناء كسلا -مقيم بالكويت

[بدرالدين السيد]

اخى الحبيب منتصر
لك التحية والتقدير
قديما قيل ليس كل ما يلمع ذهب
وانا اقول لك ليس كل ليئم فى الكويت سودانى
نعم انساق البعض خلف العادات التى شهدوها هنا فى الغربة من عدم الاكتراث بالمبادى السودانية ولكن السودانى بخير اين ما كان نعم هنا فى الكويتبعض الاخوة الذين تقطعت بهم السبلوهناك من قاسى من حسن النية لذا اصبح الكل حذر والكل خائف ولكن السودانين بالكويت ما زالوا بخير حملت امتعتك وحضرت ولك ان تصبر لترى بنفسك فعهدى بك مازلت فى الغربة برلوم وتعال يا منصر شنو حكايتك لميت الصالح مع الطالح
ثم ياخى ناس كسلا الجابم عندنا شنو فى مدنى رغم انك تسبقنى فى المنتدى وبحكم انى من الجزيرة مرحب بيك بس اعكس لينا الوجه المشرق للغربة لانو فى ناس يحدوها الامل والرزق فى الكويت كتير وما تخوف الناس
هنا بعض الهترشة فى موضوعى بس ارجو المعذرةخال البت اماسى خال البت الحلوة اماسى

[امير عبدالباقي]

بسم الله الرحمن الرحيم
الاخ العزيز
منتصر : والله مشتاق كل يوم كنت منتظر مشاركاتك لاني حسيت فيك الطيبه الحقيقيه من كتاباتك وكم انتي شفاف ومعدنك اصيل. معليش اصلو دي ضريبه الغربه لكن حاول بكل المستطاع ان تجعل لك اصدقاء حقيقين وان تتريس في اختيارك ونحن جميعا في المنتدي اخوه لك وعندما تشعر بالوحده والضيق اسرع للمنتدي واكتب اي شي يخطر علي بالك حتي ولو كان عقلك مشوش صدقتي بيكون اجمل كلام واجمل احساس .........
بالمناسبه يااخ بدر الدين السيد منتدي مدني بسع الكل من الشمال من الجنوب من الشرق من الغرب كلنا اخوه ذي ما منتصر جي من كسلا الجميله ارض القاش والتاكا واختارنا نحن اولاد مدني ورحبنا به اخ وصديق وعضو في الاخر كمان استقبلناك انت ياود الحصاحيصا . وبطل الهترشه:mad:
************************************************** ****
معزره للقائمين علي الاشراف..........
تحياتي

[أبوريلان]

الأخ منتصر
الأخ خال أماسى الحلوة
الأخ أمير عبدالباقى
لكم تحياتى وأشواقى وأنتم تسطرون باقات من الدرر بمنتدى مدنى ومنتظرين أجمل الدرر منكم .
أخى منتصر بقول المثل مافى حلاوة من غير نار وربنا يصبرك على الغربة وكلنا المصبرنا على المر الأمر منو بس حاول تكرس وقتك فى أشياء أخرى ما مهم أنو تتعرف على أصدقاء خلى الأمور تسير على سجيتها وأكيد الصالح منهم برجع ليك وما تتسرع لأن الحكم هنا صعب والظروف بتاعت الغربة بتخلى الواحد يمشى وما يكون عارف نفسو ماشى وين للظروف أحكام ، الكل مهموم ، وأتمنى أن تلقى لهم العذر .
خال أماسى الحلوة ود الحصاحيصا مرحب بطلتك وأتحفنا بجمال الجزيرة .
الأخ أمير ، أمير المنتدى لك التحايا والأشواق ولا عدمناك سباق للم الشمل .
حبيت أدخل وأسلم عليكم ، منتصر ، وخال أماسى وأمير عبدالباقى وكل عام وأنتم بخير .[SIZE=3]

[منتصر ميرغنى]

الاخوه:
خال اماسي
امير
ميرلان
لكم جميعا كل الود والتقدير وحقيقة الواحد برلوم نعم ياخال اماسي لكن ماسطرتة نابع من المى وحزنى لعاداتنا واخلاقنا التى نفتخر بها بين الشعوب واكيد مازال هنالك من فيهم يحتفظ لنفسة بالخصال الحلوة ولكن هل هذة الاشياء الدخيلة هى ديدننا فى الغربة
وبمناسبة انى من كسلا يابدر الدين يكفينى اننى اصبحت من اهل الجزيرة بالتجنس ولاعندك راى تانى ؟وان شاء الله وصاياكم على عينى ودعنى حبيبنا بدر ان اتعلم منك
والله جميعا لكم كل حبى وتقديرى اهلى الحلوين اهل مدنى
ود كسلا

[امير عبدالباقي]

بسم الله الرحمن الرحيم
الاخوه خال اماسي ؛ وصاحب الاحساس منتصر ؛ ابوريلان
لكم مني خالص التحايا
ابوريلان نفسي اعرف اسمك لاني متوقعك واحد قريبي لان مره ابوبكر المبارك قاليك ابن خالتي وهو قريبي
تحياتي

[5464491031]

ود مرغنى لك تحياتى الخاصة
خاصة وان هذه اول مشاركة لى معكم فى المنتدى بعد الاولى مع عبد الباقى
وياعزيزى والله الحال من بعضو والله اكثر شى يسببلى للقلق والضجر
فى هذه الغربه هو عدم وجود الا صدقاء المخلصين لدرجة انو الواحد بقى يميل
للانطوايئة والعزلة حتى اصدقاء السودان لمن جو الغربة اتغيرو وبقى كل الهم
فى الريال والله يكون فى العون
ولا خير فى الدنيا اذا لم تجد فيها صديقا صدوقا
صادق الوعد منصفا
ومشيناها خطا كتبت علينا
ومن كتبت عليه خطا مشاها

تحياتى لكل المشاركين راجيا ان تقبلونى بينكم صديق