معاني الريده

[طارق التوم]

معانى الريدة
بينى وبينك كان الريده
وكان آمال بدنيا جديده
دنيا نشيد فيها فرحنا
وفيها قلوبنا تغنى سعيده
والافراح الكانت رحلت
لى دنيتنا تانى نعيده
يفوت الماضى وكل احزانه
ونبدا نسطر احلى قصيده
حروفة عيونك وحبى مداد
وندى الريدة معانى جديده
وبينى وبينك وبين الفات
مرافئ البهجة حلاوة الريده
تعالى نشيل ريدتنا ونرحل
لى ازمان منسية بعيده
نرجع فيها معاني الحب
ونرمى الساس لدنيا سعيدة

[MOHAMED OMER]

الاخ طارق التوم اشكرك على القصيده زات المعانى المرهفه والاسلوب السلس واتمنى منك المزيد على نفس اللونيه

[haroun ahmed]

الله على الريدة ومعانيها الجميلة
ونشيل الريدة ومعانى الحب
لك التحية اخى طارق على هذا الكلام القوى الجميل
لك كل الامنيات والتوفيق .

[طارق التوم]

الاخوان محمد عمر وهارون احمد كل التحاية ليكم و كل الشكر على التعليق الظريف وربنا يقدرنا ونحسن المحاولات علها تنال اعجابكم

[saleh farah]

ما اجمل ان يتبدل طقس جزيرة العرب من صيف حارق الى خريف ممطر وان تتحول الشوارع من غار اسود الى ماء دافق ، هذا هو ديدننا فى هذه الايام ، لقد تصالحت الطبيعة مع الصحراء وارسلت اليها الربيع فصلاً جميلا ، وحبانا الله بطارق التوم وارسله لنا مع بروقها وامطارها ، فيامرحب بانفاس القصيد الجميل .
لو عارفنك بتجينا شايل الفرح والفال الباسم كان صلينا للامطار عشان خاطر حروفك .