الفشخره بى الموبايل

[ولد مدنى]

mobile في القاموس جوال ،التي يرادفها سيار وحوام وطشاش، اصبحت تطلق على الهاتف المحمول غير الثابت
ومن التعريب قفزت الى اللغات المحلية والخاصة فاطلق عليه اهل الشرق mobilka (موبايلكا) تماشيا

مع العولمة التي لم ندر حتي الآن هل هي (modernizition )
شاب .. رأى كوما من الحسان متجهات صوبه .. اخرج جواله الانيق .. ووضعه في اذنه كمن له مكالمة مهمة

يعني «(يا cheks) شوفوني»، لمحه صديقه الذي يتابع حركته البايخة هذه اتصل به محرجا اياه

رن الجوال المختوت على أذنه بنغمة ساذجة .. انفجرت الفتيات ضاحكات ، التفت لهن الشاب المتفشخر

يا متخلفات ما سمعتوا بي خدمة شريحتين في جهاز !!

«لا سمعنا تب يا اسحق نيوتن واحده ختت الحلة على حيطة جارتها واتصلت بيها (تعالي شيلي الحلية .. كيف قيلتو) جات جارتها عشان

تشيل الحلة .. وقفت قصادها في الحائط القصير والعيون في العيون وكل واحدة موبايلها في اضانا (اها مع السلامة) .

(جاوا يا اختي) .. ومدت رقبتها فوق الحيطة عشان تشوف جهازها (تلاتين حشرة) أم (اصالة) والفشخره راقده في السودان وحق الرصيد اهم من حق المواصلات

ومن بعد يحلو الحديث عن ثقافة المسكول

[elfatih61]

دى الفشخرا العميـا وشيل البطارية في القمرا

[Bet-alsudan]

خخخخخخخ الفشخرة على الفاضي

[ناصر عمر دبيب]

هههههههههههههههههه دي حال الشباب هذة الايام مع الموضة كثير الموقف عن الهاتف النقال لكن نقول اللة المستعان ياشباب

[سواااح]

ولد مدني ..

تعرف مافي حاجة بترفع الضغط
زي المس كول .. حسب تعبيري
الاختراع الجوال لو عارف انو في ناس
حتعمل فيهو كده .. كان بطل الفكرة

دمـــــــــــــــت ،،

[Madanawi]

انا بحيي ولد مدني وبقول ليهو قصتك مفيدة وفيها عبرة لمن يسيؤن استخدام الموبايل و العالم من حولنا يشهد ثورة في الاتصالات لتعم الفائدة على البشرية وتجني ثمار التطور التكنلوجي لا للعبث والفشخرة والمظاهر الكذابة.

ولصاحب الموبايل المتفشخر و أمثاله أقول :

كن مقنعاً بافعالك المفيدة لك ولأسرتك ولدينك وعشيرتك لانه الكذب حبله قصير.

ودع الناس تتباهى بافعالك فالناس لها عقول تميز الاعمال الجيدة من السيئة.

[بنت الرفاعي]

الفشخرة عالفاضي مابتنفع ودي حكاية حصلت معاي شخصيا:
لم جيت أشتري موبايل أول مرة قلت مابشتري موبايل ساي إلا واحد يكون ماشايلو اي زول في العايلة مهما كان سعره مرتفع أو منخفض وفعلا إشتريت واحد كان عاجبني شديد وماكانوا شايلين زيو كتيرين الوقت داك مع انو ماكان غالي شديد ماتم معاي السنة اتسرق,والحاجة الغياظة اني كنت ماشة أقايضو بموبايل أعلى وبرضو ماتبت أشتريت واحد المرة دي غااااااالي,وقايضتو تاني بأعلى منو 3او4شهور ما تماها اتسرق حردت الموبايلات قريب ال4 شهور وفي الآخر اشتريت واحد شيييييييييييييييييييييييين ولحدي أسي قاعد معاي وكلو مايشوفو زول بيقول لي كنتي وين وبقيتي وين برد الدنيا دوارة يوم ليك ويوم عليك, وزي مابقول أبوي لم نقول ليهو غير موبايلك:صاح بيكلمني ؟ بنقول ليهو أيوة, بيقول لينا خلاص ده هو الدايرو.
والفشخرة بالموبايلات بقت بين النسوان وشباب الجامعات أكتر.