المساعد الشخصي الرقمي

مشاهدة النسخة كاملة : خروف العيد


Madanawi
19-12-2006, 10:34 PM
باقي ايام قليلة ويعتلي السيد الخروف مكانته المرموقة في سوق البهائم حتي يكون شخصية الاسبوع بلا منازع وطبعا المقتدرين حا يشتروا الخروف وربما الخرفان وما ننسى انه في ناس تانين بالايجار ما لاقين جحر. الناس الما لاقين جحر ديل مسؤؤلية الأهل والجيران و الأحباب لانه والله لن تكتمل فرحة انسان بالعيد أو الاضحية وله قريب محتاج أو جار فقير أو صديق لا يجد ما يسد به الرمق. أرجو من جميع اعضاء المنتدي كمجرد اقتراح أن يعمل كل منا في مساعدة الاقارب والاصدقاء والجيران كل منا حسب استطاعته وحسب اولوياته ليساعد من يراه اهلا للمساعدة والله من وراء القصد ، وما نقص مال من صدقة. مع العلم بأن الصدقة تدفع ميتة السوء، يلا يا شباب الكل يشتري حسن لبخاتمة بإذن الله.
كاتم الأحزان
19-12-2006, 10:49 PM
جزاك الله ألف خير يامدناوي

والله ما في أحلى من إبتسامة زول محتاج

وخاصة الأطفال فرحتهم بالخروف مافي زيها

ربنا يقدرك ويقدرنا ويقدر الجميع على فعل الخير
خالد أحمد الصول
19-12-2006, 10:57 PM
بارك الله فيك يا أخي فإن الدال علي الخير كفاعله و دائما أعضاء المنتدي كالجسد الواحد إذا إشتكي منه عضو تداعي له سائر الجسد بالسهر و الحمي
abu_ola
20-12-2006, 12:07 AM
بارك الله فيك اخي مدناوي

و مشكور على هذا العمل الكبير و التنبه الهام

و أي واحد يعمل بي نصيحتك دي لك بإذن الله

ثواب لا ينقص من أجره شيئاً


و فعلاً يوم العيد هو يوم لادخال الفرحة و السرور على نفوس الناس جميعاً

و بني و بينك كده الخروف دا زاتو كان ما قسمو مرارتو على الفريق

و عضامو وصلوا لا آآآآآآآآآآآآآآآخر الحلة

لا بكون ضحية و لا حاجة

و أهلنا من زمااان عندهم عادة إسلامية تكافيلة جيدة

بياكلو تلت الخروف و بوزعو التلتين على باقي الفريق

و دي اعتقد انها سلوك إسلامي تكافلي ممتاز

و لو حسبتها من ناحية اقتصادية تجارية

يعني انت بتوزع 2/3 الخروف

و بيجك من الفريق مية كورة في كل كورة نص كيلو تقريباً

يعني تقريباً خمسين كيلو

و الخمسين كيلو دي 3 خرفان على أقل تقدير

يعني أجر ... و تكافل .... و فرحة ..... و لحم زيااادة

قول لي بتلقى عيــد زي دا غير في السودان !!!!!

اللهم أجعل أيامنا كلها أعياد

و كل عام و أنتم بخير
نزار حسن محمد
20-12-2006, 12:49 AM
الاصيل مدناوى ((بركاتوى))
براك الله فيك بهذا التذكير واتمنى من جميع اهل المنتدى التكاتف مع اهلنا بالسودان ولك الثواب باذن الله ...
Madanawi
20-12-2006, 02:41 AM
الأحباب نزار وصول السودان وابو علا وكاتم الأحزان مشكورين على المرور وأتمنى من الجميع المساهمة والمساعدة لأنه بالجد في ناس يحسبهم الجاهل أغنياء من التعفف لا يسألون الناس إالحافا ومثل هؤلاء قريبون من كل واحد مننا عشان كدا إنه الواجب إذا وربنا سبحانه وتعالى يقول في محمكم التنزيل بعد بسم الله الرحمن الرحيم ( فكلوا منها وأطعموا البائس الفقير)
صدق الله العظيم

ولمن أراد أن يمر على الموقع الدال على ثبوت الدليل بمساعدة الفقراء بجزء من الأضحية فليتفضل:

http://www.ibnothaimeen.com/all/books/article_17993.shtml
بنت الرفاعي
20-12-2006, 08:33 PM
الله يديك العافية وما قصرت, وبرضو بنشكرك على التنبيه.
ودمت لأهل بلدك.
المسافر
20-12-2006, 08:54 PM
والله كلامك في محله يا مدناوي وتسلم على اللفتة الجميلة . . . وخصوصاً القليل من المال ممكن يسعد أسرة . . . فلماذا نبخل عليهم بهذه السعادة . وإن مثل هذه الأشياء هي التي نحتاجها في المنتدى .

ودمــتَ
ود المطامير
20-12-2006, 10:41 PM
حيرتنى معاك !!
أمشى محل اللماضة ألقاك قاعد , أمشى محل
الشكل ألقاك تسوّى المديدة حرقتنى , اجى الخلوة
ألقاك لابس طاقية كشك !!
شكرا على التذكير المفيد
وراك وراك
Madanawi
22-12-2006, 11:22 PM
يسلموا يا رائعين

أخوي مسافر وين تخلينا ********* لشوقنا وذكرى ماضينا

يا فردة نحنا أولاد مدني يعني جوة الموية بنلعب وعندنا لكل مقام مقال و كمان وقت المزاح ظريفين وقت الجد هلاهلا أنحنا ولاد بلد نقعد نقوم على كيفنا.

وتسلم يا غالي