المساعد الشخصي الرقمي

مشاهدة النسخة كاملة : مغترب السعودية ـ حلمنتيش


شبارقة
20-12-2006, 09:14 PM
أنا كل وقتي مع الدوام
ماشي الدوام ... راجع الدوام
أنا شن بسوي مع البهايم والهوام؟؟
***
شاي الصباح شوفة الكفيل!!
تظبط مزاجك بالتمام
وأجمل فطور بنغالي شوم
(أنا مافي معلوم إيش كلام)
وغداك مس كول البلد
لوري اللمين كسر اللحام
دايرلو كيتاً وكيت (ريال)
(أصبح مقاسهم بالريال)
ولمن تنوم شايل الهموم
***
الغربة قالت ليك جيت؟!!
تدفع ضريبة الغربة كاش
الغربة شالت مننا
أجمل سنين من عمرنا
شالت عطانا من الوطن
وقبضنا من الغربة ريح...
***:) :) :)
بنت الرفاعي
20-12-2006, 10:03 PM
علشان كدة إنت ياود البلد
الشفت كيف الغربة هم
لازم توعي الجاي بعدك
قبل مايجي لنفس المطب
ويعيش عيشة كلها هم
ويقول كمان نفس الكلام
القلتو إنت الليلة ديك!
abu_ola
20-12-2006, 10:53 PM
الغربة شالت مننا

زهرة شباب

صحة بدن

نشوة فرح

ضحكة صغير

لمــة صحاب

و كان التمن

حزمة رياح

شنطة حبوب

قحة و رطوبة و إكتئاب
ود المطامير
20-12-2006, 11:22 PM
خلاص إشتريناها منك , بوديها لحيميدان
غناى حلالنا يلعلع بيها فى قرانا حرّم مافى
زول تانى يبيع بقراتو ويقول ماشى السعودية
شاكسس
21-12-2006, 03:35 AM
ربنا يرجع كل مسافر لى اهله

ياااااااااارب

ودمت،،
راسكال
21-12-2006, 03:39 AM
ربنا يهون القواسى


تسلم يا شبارقه

ابداع والله
مزوني
21-12-2006, 04:33 AM
آآآآآآآآآآآآآآآآه و آآآآآآآآآآآآآآآآآآه و آآآآآآآآآآآآآآآآآآآآآآآآه

الغربه كلها الآم ومحن لكن الواحد يعمل شنو ؟؟؟

البلد بقت طارده للأسف ,, وا ليه كل الاعداد الهائله من المغتربين السودانيين !!!!

الله يستر ويسهل علي الجميع ان شاء الله

وتسلم يا شبارقه وربنا يديك العافيه
امل حياتى
21-12-2006, 06:11 AM
يارب صلح السودان واجعله من عظماء الدول قولوا امييييييييييييييييين
بنت الرفاعي
21-12-2006, 06:12 AM
آآآآآآآآآآآآآآآآآآمين.
سواااح
21-12-2006, 06:38 AM
الغربة .. ما بعد المسافة
ولا السحاب الطشه جافا

الغربة في الموية البتنزل
وتطرد الناس من ضفافا

دمــــــــــــــــــت ،،
Madanawi
22-12-2006, 10:59 PM
الأخ شبارقة - لك التحية على الموضوع الهام دا !!!!!!!!!!!!!!!!!!!!!!!!

والله يا شباب اوفيتوا وما قصرتوا ابداً بس انا عندي رأي تاني كدي نسمع مع بعض...........

العيب ما في السفر ولا في الغربة عشان نلومها لكن العيب في السبب الخلا الناس تفوت ديارها واهلها على غير هدى ولا نخطيط للمستقبل ولا الاتعاظ بالخبرة والنتائج.

الإمام الشافعي قال سافر ففي السفر خمس فوائد أشار إليها رحمه الله في قوله:

تغرب عن الأوطان تكتسب العلا *** وسافر ففي الأسفار خمس فوائد
تفريج هـمٍّ واكتسـاب معيشــــــة *** وعلـم وآداب وصحبـة مـاجد
فان قيل فـي الأسفار ذل وشـــدة *** وقطع الفيافي وارتكاب الشدائـد
فموت الفتى خير له من حيـــاته *** بدار هوان بين واش وحـاسـد

يعني خلاصة قولي يا شباب الغربة التي لا يرجى منها أحسن عدمها والواحد إذا ما أضافة ليهو الغربة الخمسة سابقات الذكر لزوم التغرب ليهو شنو؟ أحسن يعود أدراجه أو يقلب الأوراق والله ولي التوفيق. http://wadmadani.com/vb/images/icons/icon14.gif
ابورجاء
24-12-2006, 02:44 AM
شبارقه
لك التجلة وانت تعطر المكان بروائع
الدر من عندك واعلم ان عندك الكثير
فلا تبخل به وخلي بالك من كفيلك
زي ما بتخلي بالك من نعالك
وابغى عشرة علي البنقالي المعاك
عشان فيهو الاجر (معلوم صديق)
وتاني الريال شن بيسوي (عارفو بي كم)
ما تكلم زول...
قول يا لطيف بس...
ودوما في رعاية الله وحفظه...
مع كل الود باقة ورد......
جنفر
24-12-2006, 08:37 AM
علشان كدة إنت ياود البلد
الشفت كيف الغربة هم
لازم توعي الجاي بعدك
قبل مايجي لنفس المطب
ويعيش عيشة كلها هم
ويقول كمان نفس الكلام
القلتو إنت الليلة ديك
شبارقة
25-12-2006, 11:21 PM
شكراً أبورجاء ـ وتحياتي لأهل الشرقية ـ وشكراًلجميع الإخوة على المرور ..
ويبدو انو كتيييير من رواد المنتدى مغتربي سعودية،،
(يبدو اننا ضربنا على الوتر الحساس ... سامحونا)
مصعب الريح
28-03-2007, 06:10 AM
الغربة نار واصلوا نارا ما بتنطفي
تكون جالس في الدوام بالله تقول بارك فكي
تسمع كلام لا بنقال ولا بنحكي
نعمل شنو قسمة ربنا جاتنا كدي
نسال ربنا يرجعنا ومن الغربة دي نكتفي