علوية بت الحاج ـ حلمنتيش (أوعك تموت من الضحك)

[شبارقة]

http://www.asmilies.com/smiliespic/love/006.gif (http://www.asmilies.com)http://www.asmilies.com/smiliespic/love/006.gif (http://www.asmilies.com)http://www.asmilies.com/smiliespic/love/006.gif (http://www.asmilies.com)

علوية بت الحاج
القامة راكوبة
والكرشة أنبوبة
والتِّفة منكوشة
والخلقة مسلوبة
وشناتا يا الحِبَّان
ملفوفة في توبا
http://www.asmilies.com/smiliespic/love/013.gif (http://www.asmilies.com)http://www.asmilies.com/smiliespic/love/013.gif (http://www.asmilies.com)http://www.asmilies.com/smiliespic/love/013.gif (http://www.asmilies.com)

علوية بت الحاج
قات ليَّا فيكَ بموت
من دون خلايق الله
فيك يا شبارقة بموت
يا اخوانا شن سويت
تعشقني علوية؟؟؟
أنا في القمر جنيت
مجنونة فيْ هيَّ!
زهر الرياض حبيت
حبتني جنيَّة
اتلطَّف الحلوين
تمسكني زنديَّة
أنا في الغزل غنيت
غنتني مرثيَّة
http://www.asmilies.com/smiliespic/love/013.gif (http://www.asmilies.com)http://www.asmilies.com/smiliespic/love/013.gif (http://www.asmilies.com)http://www.asmilies.com/smiliespic/love/013.gif (http://www.asmilies.com)
لاقتني يوم راجع
من الشغل تعبان
سكَّتني في الشارع
زي قطعة الشيطان
عضَّت طراريما
ومرقت لسانا كمان
هزَّت كويعاتا
زي القطا البردان
قات ليّا فيك بموت
ياحبة الرمان

[المسافر]

العزيز / حبة الرمان . . . سوري شباقة

سلمت على هذه المقاطع الجميلة . . . والحب ما بعرف أشكال ولا ألوان . . . وحاول تضحي من أجلها سوف يجازيك الله خيرا ويعوضك في الجنة بالحور العين وطبعاً ده في حالة هي تدخل النار !!!!

ودمت

[شبارقة]

عشان ما شفتها يا المسافر، عفيييييييييييييييييييتا ليك لوجه الله
وشنطة العرس + الحفلة + شوالين بصل+ شوالين فحم + الطباخ كلللللللللللو علي
والفندق كمان

[المسافر]

نسوي شنو يا حبة الرمان هي بتحبك إنت وبس وما شايفة واحد غيرك . . . كيف أرتبط بيها وهي ما عندها موضوع غيرك . . . اضغط على نفسك من أجل غيرك وابقى شمعة لتطئ للأخريين . . . مع خالص التمنيات مع حياة زوجية سعيد .

والشعور متبادل برضو خلي شنطة العرس + الحفلة + شوالين بصل+ شوالين فحم + الطباخ + الفندق علي . . . وكمان بجي أهز ليك طول اليوم . . . أعتقد ما قصرت بس إنت كيف تضحي !!!

ودمـت

[ابورجاء]

الغالي شبارقة
بضم صوتي للاخ مسافر
التضحية واجبة في متل حالتك
وانا علي برضو نفس الكمية
البيجيبها المسافر وزايده شويه
بس انت دق صدرك والحت خليهو لينا
والنزيدك من البيت شعر التيمان قالو
بيسو ليك الحفلة في نادي الضباط
ابشروا............
ودوما في رعاية الله وحفظه...
مع كل الود باقة ورد...........

[شبارقة]

جيتك يا عبدالمعين تعيني ، زدت النار حطب
دا إنت صاحبي يا ابو رجاء !!
خلاص .. بعرسا وبعزمك غداء في البيت ..
***
لك التحية

[راسكال]

شبارقه ربنا يكون في عونك

المؤمن مبتلا

وعليك بى الصبر

[سوار الياسمين]

حبة الرمان شبارقة

ياخوي اخير ليك تكفر عن سيئاتك في الدنيا
وتبقى خفيف في الاخرة

وتبقى مغفور الذنب انشاء الله

[Jamal Elmahi]

أفو أأأأأشبارقه....
الصقر كان وقع كترت البتابت عيب أأأأبوي
دحين أأأأعشاي غطي قدحك وأتخيل أنها نانسي عجرم ....والليل أأأبوي بغطي الجبال خلي علويه بت الحاج...أها الصفاح متين ...خير البر عاجله....وأنا علي حطب الطلح والحلبه والتمر واللخوخه ...

ود الماحي

[شبارقة]

شكراً يا ود الماحي على الطلح والحلبه والتمر واللخوخه ...
لكن علوية ما اااااااااااااااااااااااااااااااا بعرسا يعني ماااااااا بعرسا
إنت يا خوي علوية دي بتبقا ليك..
تاني حاجة أزيدك من البيت شعر ومن الشعر بيت
علوية عمرها فوق التلاتين ،،
***********************************
لكم خالص ودي

:) :) ;) :) :)

[سواااح]

شبارقة ..

ده الحب يا اخوي
ولا .. بلااااااااش ..

دمـــــــــــت ،،

[ابورجاء]

شبارقة
يا اخوي الجرسة شنو جيبها جاي
تب بعرسها ليك المسافر حول الشنطة
وتوابعها ود الماحي جيب المواضيع
اها ليك شنو راجل المره ده حلو حلاه
اي بدبل .....
ودوما في رعاية الله وحفظه..
مع كل الود باقة ورد....

[ود المطامير]

يا زول الدايرك أخير ليك من الدايرو

[شبارقة]

يا ناس انتو ما عارفين حاجة سااااااااااكت...
علوية كمان حوصا .. أها كمان دايرني أعرسا
****
لكم خالص ودي
:confused: :confused: :confused:

[المسافر]

يا شباقة ( حوصا وشينة فوق الثلاثتين ) إنت بصراحة خزلتنا وخزلت ( علوية ) البتحبك وبموت فيك لكن ود الماحي طلع راجل تمام . . . بس انت ما في داعي كل يوم تورينا عيب جديد فيها خلي الطبق مستور وخليها مفاجأة لود الماحي !!!!

ويا ود الماحي . . . . . . طالما رضيت بيها وغطيت طبق ( حبة الرمان شباقة) . . . ما تشيل هم العرس نهائياً وخليهو كلو عليّ . . . بس أبقى 10 على ( علوية ) !!!

ودمتم

[شبارقة]

تسلم يا المسافر يا دووووووووووووووووووب انبصت منك ،،
الله يعرس ليك كمان
*****
لك خااااااااااااااااااااااااااااالص ودي

[اميمه عشريه]

شبارقه اخص عليك دمرت مشاعرا بالشكل السادي ديه ..؟؟ ما كان العشم ..
:eek: :D
شبارقه حتجينا انت وعلويه في الثقافي بهناك بأرادتك ولا اجيبكم انااااااااا؟؟؟؟؟؟؟؟؟؟؟؟:confused: :D

[Jamal Elmahi]

ويا ود الماحي . . . . . . طالما رضيت بيها وغطيت طبق ( حبة الرمان شباقة) . . . ما تشيل هم العرس نهائياً وخليهو كلو عليّ . . . بس أبقى 10 على ( علوية ) !!!

ودمتم
المسافر شكيت محنك ...والله كان ما العيد كنته دعّيتك وشكيتك علي شيخي أبكبس...
أتا أأأبوي قايلني أنا باير ولاّ كرعي الاتنين شمال...علويه ود عمها شبارقه خرت أيدو منها الضحي الاعلي وخلي قدحو فاتش ...اقصد طاجنو فاتش ...أنا البوديني أغطي قدح الناس شنو...أنا بغطي سراويس بس ...جكس نضيف...
فدحين أقنعوا شبارقه وعلويه راجياهو في الكريبه وعلي بركة الله ...
أرح أأأناس هوي رابعة العيد صفاح شبارقه علي علويه بت الحاج...والدوام لله...

ود الماحي

[شبارقة]

الأخت الكريمة أميمة عشرية ، كل سنة وانتي طيبة، أولاً علوية ما عندها مشاعر، ولو بتحس ما كان جرت وراي بالرغم إني بقول ليها مادايرك، ثانياً جاييكم في منتداكم بس خليكم نشيطين شوية.
وانت يا ود الحاج منو القاليك علوية بت عمي؟؟
علوية أنا ختيت ليها القدره، وشاحد الله يجيها عريس ويوريها ليهو مكشَّن بلا بصل..
****
لكم خالص ودي

[كاوندا]

أظنك بتشبها يا شبارقه والا ماله عليك
ماقالو الطيور علي أشكالها تقع .. يازول عرسها وبنجي نحضر عرسك بس إنشاء الله الكهرباء اليوم داك ما تقطع ..
ويا حليلك أظنك لاشفت ولا ضقت الرمان
كاوندا

[شبارقة]

شكراً على تعليقات الإخوة، ويا كاوندا بعد إعدام صدام ما في نفس للعرس. عرس انت
***
لكم خالص ودي

[ود المطامير]

يا شبارقة يا قريبى أميمة دى لو ما دفعت ليك ماتمشى
بهناك , الإنتقال من نادى لنادى بكسب دهب اليومين
دول , أها أبقى عشره على حقّك

[شبارقة]

يا شبارقة يا قريبى أميمة دى لو ما دفعت ليك ماتمشى
بهناك , الإنتقال من نادى لنادى بكسب دهب اليومين
دول , أها أبقى عشره على حقّك


يا سلام على أفكارك النيرة يا المسافر، خلاص بخليك مدير أعمالي ...
وشد حيلك وعبي (مخلايتك) وما تبقى ني..
***
لك خالص ودي

[ود المطامير]

ها يا ود عمّى ما كلمتك ! ما سبقتك وأدونى نجمة
تانى , هعهعهعهعهعهع

[عبدالبارىالحجاج]

يا اخ شبارقه والله نفس الحاله د يت كا نت عندى
بس انا هربت جيت مصر والحمد لله هنا ارتحت منها بس بتجينى فى المنا م
من حين الى اخر وانا ممكن ارسل لك تزاكر السفر
علشان خاطر اخد فيك الا جر يا مسكين
اخوك عبد البارى الحجا ج 0 سلا م يا شبارقه
وعبركم بحى الاخت ايمان يوسف الطيب الى هى كا نت خطيبتى بس القسمه غلابه

[شبارقة]

يا خوي عبدالباري قال ليك أنا عوير ، ما شردت وجييت السعودية!!
***
سعادة الأخ الملازم أول المسافر، بيان هام .. أنتم السابقون ونحن اللاحقون..
***
لكم خالص ودي

[ابورجاء]

الغالي شبارقة
التحية والتجلة
وكل عام وانت بخير
وكل سنة وانت طيب
وكل لحظة وانت سعيد
وكل ثانية وانت بعافية
وكل برهة وانت في نعمة
وكل ده ومعاك بت الحاج
وانا قبيل دقيت صدري وشلت منك
لكن انت طمعان في ورث ابوها
الحواشة والبيت الكبير والعربية
اها خم وصر علقوها ليك ناس المسافر
وود الماحي انا نطيت زي ود الماحي لو فيها حوص
وعوارة انا لسه صغيروني وعندي مستقبل اها يا اخوي
ضحي دي اصلها سنة التضحية زي ما ضحوا الحكام العرب
بي صدام انت كمان ضحي عشان اخوانك بي علوية بت الحاج
وربنا يتقبل منا ومنك ومن كل المسلمين ....
دوما في رعاية الله وحفظه.....
ومع كل الود باقة ورد.....

[شبارقة]

يحلنا الحل بله من القيد والذلة!!
الأخ الغالي أبو رجاء .. لك التحية وتقبل الله منا ومنكم
وأبشرك علوية يتيمة، ورثت من أبوها حمار ومات!!

[شبارقة]

تم الاعتذار بخطاب رسمي في المنتدى العام عن الزواج من علوية بت الحاج، مع التشهير.
***
لكم خالص ودي

[ابورجاء]

الغالي شبارقة
البكا ما بحلك زي ما قلنا ليك
خلاص علوية معلقة فيك معلقة
والا انت دايرنا نطلع صغار انا
وود الماحي قدام البنيه وعم المسافر
جهز التيران والبنات فصلن الفساتين
واشترن الكريمات ومشن الكوفير
دحين ده كلو يطلع بلاش يا اخوي افو
ما عرفتك كده كدي قول بسم الله وامشي
علي الصيوان الرجال راجنك للعقد.
ودوما في رعاية الله وحفظه...
مع كل الود باقة ورد............

[شبارقة]

ترقبو ..
قريباً ..
أحلى قصيدة ..
لأحلى جكسوية ..
النقيض لعلوية (شكيتا على الله) ..
سحر .. جارتنا
ولا أروع ..
ولا احلى
***
لكم خالص ودي

[ابورجاء]

الغالي شبارقة
ما مشكلة نترقب لمن ننشف بس علوية
راجياك راجياك وبعدين ما مشكلة سحر
زاتها عرسها ات ماك الاسد النتر 4 محللات
يعني علوية ما طالعة منك ولا بالطبل البلدي
بعدين نشوف سحر كيف وانا احكم يمكن تعجبني
وادبل بيها عشان علوية ما تفعصك وتكلم ليك اخوانها
اصلها ما بتحب راجل المرتين ده حلو حلا..
ودوما في رعاية الله وحفظه...
مع كل الود باقة ورد...

[شبارقة]

أبو رجاء يا رائع
امشي شوف سحر جارتنا ، تقول لي علوية
(علوية أنا شاحد ليها الله .. يزيعو اسمها في صفحة الوفيات)
***
لك خالص ودي

[ابورجاء]

الغالي شبروقتي
راجل علوية ده حلو حلا
سحر علوية بخيته سماهر تماضر كلتوم
يا شبارقة بناتنا كلهن حلوات بي اخلاقهن
وادبهن وتربيتهن وسماحتهن وعلوية في
عين امها غزال الريل والجدي الجفيل
بعدين سحر ده ما شفناهها ما بنقرر
ادينا منها مقطعه مقطعين بي هناك
نشوف ونديك راينا ما نبقالك زي الابو
الخطب خطيبه ولدو...
ودوما في رعاية الله وحفظه...
مع كل الود باقة ورد....

[شبارقة]

بنريد من بلدنا ما برة البلد
سودانية تهوى عاشق ودبلد
في عيونا المفاتن شي ما ليهو حد
***
أنا بمووووووووووووووووووت في بنات البلد
***
لكم خالص ودي